Kênh Kaar 16
16
Ti-mô-thê han tênh Phao-lô
1Phao-lô lôh poh Đet-bơ u Lit-trơ. Tu nei, geh di mbu jơrnơ chôôl laa Ti-mô-thê, koon klau mbu dơur jơrnơ bnih Jo-thai ri, u bươp lah bnih Hi-lap. 2Oh bi a Lit-trơ u I-kô-ni kot lơh ndraanh klanh teq u Ti-mô-thê. 3Phao-lô êch liêu Ti-mô-thê han pôl mơ bu lơh ryơơng kat pêêk aan bu, đươm bơl bnih Jo-thai a pal ktôk nei kot gưt bươp bu laa bnih Hi-lap. 4Tơt han rlach pal poh, bu kot pn'ak bơl jơrnơ phrui prap pal waat bơl jơt jơng ri u raanh ttơơm a Jê-ru-sa-lem ja mbut. 5Nei mơ, bơl Phung Jrah kươt jap kơndang knông chưt jơrnơ, u nak jơrnơ rơq jôm nar.
Tơrsau noor Phao-lô ri
6Bu han rlach jôm kwaal Phi-ri-ji u Ga-la-ti, đươm Brah Wêêng pơrkhaang bu tơmbơh baak preh tu A-si-a. 7Tơt lôh dơơh Mi-si-a, bu pơrkhom mưt kwaal Bi-thi-ni, dôh Brah Wêêng Brah Jê-sus ri 'bưn aan ch'bap 8mơ bu han rloot Mi-si-a u jưr Trô-ach. 9Mang, Phao-lô sau di tơrsau noor: Geh di mbu Ma-sê-đô-ni-a ta yoong di mat nơơm dan jjuh laah: “Dan ay han rlach Ma-sê-đô-ni-a jah đoh jraih bơl hei!” 10Tơt Phao-lô sau tơrsau noor nei, kơndaal bơl hei wơng ndroong rlach Ma-sê-đô-ni-a, đươm baak ptut laah Brah Ưn khuôl bơl hei chhuôr Baak Sroong Klanh a nei.
Tu poh Phi-lip. – Li-đi plơq baak jơ
11Bei nei, a Trô-ach bơl hei jih sbau song tơt gguônh Sa-mô-tra-sơ; nar a ôi, tơt Nê-a-pô-li; 12a ktôk nei, bơl hei tơt Phi-lip, poh ptơơm#16:12 poh ptơơm: Knông di nak plơơp 'bian ti laa poh daak bôôk, Knông m'baak plơơp 'bian ti nday lahpoh peh thlay đat. khêêt Ma-sê-đô-ni-a ri, klung kwaal Rô-ma. Bơl hei gôq kươi a nei pal nar. 13Laap nar sa-'bat, bơl hei sot gaaih lpôông poh, dơơh kơh daak glung, laa ktôk bơl hei jơ laah bu nday pơrgum kươi jah r'bon dan. Bơl hei gôq u teh u chhuôr aan bơl dơur plah pơrgum a nei. 14Geh mbu dơur iat chmlam bơl hei, chhak laa Li-đi, poh a Thi-a-ti-rơ, dhaap tach knat si pơrhei, lah bnih chuh đing Brah Ưn. Brah pơơk chưt Li-đi tak lơh yau ur chmlam rnđêch tơt baak Phao-lô mor. 15Di kươi pôl pơih bap-tem n'hai bnih nhi hơơi, Li-đi siêr bơl hei: “Mơq bơl ay mơq hei laa tơt tưt tơt bôl n'hai Brah, dan phrui mưt gôq kươi nhi hei.” Ja nei yau ur siêr bơl hei mưt.
Phao-lô u Si-la dol khaam. – Yau kan khaam plơq baak jơ.
16Di dơq, bơl hei plah han lôh ktôk r'bon dan nei a mơp di dêch ur dol wêêng chaak Phi-thon#16:16 chaak Phi-thon: Chaak trong pol. ri rup mưt u lơh rơq ơk aan nnơơm rlach kaar trong pol. 17Dơur nei han tênh Phao-lô u bơl hei, troh ttih: “Bơl bnih au laa dêch Brah Ưn Prêh Huôih, chhuôr aan bơl 'bei#16:17 bơl 'bei: Knông m'baak plơơp 'bian ti laa bơl bơn. baak Brah đoh kwaai.” 18Dơur khang lơh bei nei knông ơk nar tak lơh Phao-lô a briêk đat mơ wih kươi mor n'hai chaak laah: “Hei tơmoh chhak Brah Jê-sus Krist maanh aan may phrui sot rlach bnih au.” Kơndaal bêl nei, chaak sot rlach drơh. 19Dôh tơt bơl nnơơm mei nei sau 'bưn nha kơndưng joi thlay kươt nha drơh nhôp Phao-lô u Si-la, têêk tơt talwaang ndơơp aan kan kmheng. 20Tơt liêu lôh bôôk mat bơl yau pơrkat, bu pnđing: “Bơl bnih au laa bnih Jo-thai rook pơrsup poh bơl bơn, 21kne pal knap ch'bap baah bơl bơn 'bưn geh sook paich lơh tênh, đươm bơl bơn laa bnih Rô-ma.” 22Phung raih kot kn'hao wal baar du; bơl yau pơrkat maanh yah ao u pơm sơmboong baar du. 23Di kươi pơm sơmboong, bu teq groon baar du u pn'ak bnih kan khaam phrui kray miah mang. 24Kươt rmaanh nei, bnih kan khaam groon baar du mưt u khaam jơ ngôw u tkong jơng kươi.
25Tơmlai nggơl mang, Phao-lô u Si-la plah r'bon dan u tư wơơl Brah Ưn; bơl bnih khaam kot iat ttang. 26A drot, geh rlơm teh ttih đat, lôh moh pal pndơih khaam luônh lơgơh. Kơndaal, leq sêch pal lpôông pơơk pơrlơơt, chrwak bơl bnih khaam ri kot a tup leq. 27Bnih kan khaam kah bêch sau pal lpôông nhi groon kot pơơk phing, kơn ơơn bơl bnih khaam ja kup leq mơ hôt pêh lưm êêng. 28Dôh Phao-lô hao khuôl ttih: “Khơơm lơh khuich sak nơơm! Bơl hei nha ơơm au!” 29Bnih kan khaam khuôl pơih đeng u tuôt gway mưt knông khaam, pndrơm kơltut a teh jơng Phao-lô u Si-la. 30Ja nei bu ndơơp baar du sot u gaaih u ôp: “Ơi bơl ay, hei phrui lơh ơơn jah kươt đoh?” 31Baar du ơh: “Phrui Jơ Brah laa Brah Jê-sus nei bu u leq nhi nak bu a kươi kươt đoh.” 32Baar jơt jơng tơmbơh baak Brah aan bu u leq sêch bơl bnih gôq knông nhi bu nha. 33Knông mang nei, lap tu bêl nei, bnih kan khaam liêu baar du sot rao môôr; ja nei kơndaal, bu u leq nhi nak kot pơih bap-tem. 34Bnih kan khaam siêr baar du hao nhi nơơm u ddôk riap sa. Bu u leq nhi nak broh s'bai đat đươm ja jơ Brah Ưn.
35Tơt aang, bơl yau pơrkat maanh bnih kray mor n'hai bnih kan khaam: “Phrui plơq snôk sroong aan bơl bnih nei.” 36Bei nei, bnih kan khaam maanh Phao-lô: “Bơl yau pơrkat ja maanh aan hei plơq snôk sroong aan bơl ay; nei mơ, phrui sot, u han sroong boong.” 37Dôh Phao-lô mor n'hai bu: “Bơl hei laa koon raih Rô-ma, nei baah khal ndah waat dôih, bu ja pơm sơmboong bơl hei klung phung raih ja nei teq groon mưt u khaam; khal au bu leet ngguk nggik krôih bơl hei neh? 'Bưn geh kươt! Bu phrui chhak nơơm na lôh u đau jah krôih bơl hei!” 38Bơl yau pơrkat ttang bnih kray tơmbơh kươi pal baak nei n'hông đươm gưt baar du laa koon raih Rô-ma. 39Bei nei, bu lôh dan 'baap ja nei ndơơp baar du sot u rơ maanh du rlach poh. 40Tơt sot rlach khaam, baar jơt jơng mưt nhi Li-đi chah nhjook, trôih trôl mei ruh oh bi ja nei han troong.
Currently Selected:
Kênh Kaar 16: SBL2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Kênh Kaar 16
16
Ti-mô-thê han tênh Phao-lô
1Phao-lô lôh poh Đet-bơ u Lit-trơ. Tu nei, geh di mbu jơrnơ chôôl laa Ti-mô-thê, koon klau mbu dơur jơrnơ bnih Jo-thai ri, u bươp lah bnih Hi-lap. 2Oh bi a Lit-trơ u I-kô-ni kot lơh ndraanh klanh teq u Ti-mô-thê. 3Phao-lô êch liêu Ti-mô-thê han pôl mơ bu lơh ryơơng kat pêêk aan bu, đươm bơl bnih Jo-thai a pal ktôk nei kot gưt bươp bu laa bnih Hi-lap. 4Tơt han rlach pal poh, bu kot pn'ak bơl jơrnơ phrui prap pal waat bơl jơt jơng ri u raanh ttơơm a Jê-ru-sa-lem ja mbut. 5Nei mơ, bơl Phung Jrah kươt jap kơndang knông chưt jơrnơ, u nak jơrnơ rơq jôm nar.
Tơrsau noor Phao-lô ri
6Bu han rlach jôm kwaal Phi-ri-ji u Ga-la-ti, đươm Brah Wêêng pơrkhaang bu tơmbơh baak preh tu A-si-a. 7Tơt lôh dơơh Mi-si-a, bu pơrkhom mưt kwaal Bi-thi-ni, dôh Brah Wêêng Brah Jê-sus ri 'bưn aan ch'bap 8mơ bu han rloot Mi-si-a u jưr Trô-ach. 9Mang, Phao-lô sau di tơrsau noor: Geh di mbu Ma-sê-đô-ni-a ta yoong di mat nơơm dan jjuh laah: “Dan ay han rlach Ma-sê-đô-ni-a jah đoh jraih bơl hei!” 10Tơt Phao-lô sau tơrsau noor nei, kơndaal bơl hei wơng ndroong rlach Ma-sê-đô-ni-a, đươm baak ptut laah Brah Ưn khuôl bơl hei chhuôr Baak Sroong Klanh a nei.
Tu poh Phi-lip. – Li-đi plơq baak jơ
11Bei nei, a Trô-ach bơl hei jih sbau song tơt gguônh Sa-mô-tra-sơ; nar a ôi, tơt Nê-a-pô-li; 12a ktôk nei, bơl hei tơt Phi-lip, poh ptơơm#16:12 poh ptơơm: Knông di nak plơơp 'bian ti laa poh daak bôôk, Knông m'baak plơơp 'bian ti nday lahpoh peh thlay đat. khêêt Ma-sê-đô-ni-a ri, klung kwaal Rô-ma. Bơl hei gôq kươi a nei pal nar. 13Laap nar sa-'bat, bơl hei sot gaaih lpôông poh, dơơh kơh daak glung, laa ktôk bơl hei jơ laah bu nday pơrgum kươi jah r'bon dan. Bơl hei gôq u teh u chhuôr aan bơl dơur plah pơrgum a nei. 14Geh mbu dơur iat chmlam bơl hei, chhak laa Li-đi, poh a Thi-a-ti-rơ, dhaap tach knat si pơrhei, lah bnih chuh đing Brah Ưn. Brah pơơk chưt Li-đi tak lơh yau ur chmlam rnđêch tơt baak Phao-lô mor. 15Di kươi pôl pơih bap-tem n'hai bnih nhi hơơi, Li-đi siêr bơl hei: “Mơq bơl ay mơq hei laa tơt tưt tơt bôl n'hai Brah, dan phrui mưt gôq kươi nhi hei.” Ja nei yau ur siêr bơl hei mưt.
Phao-lô u Si-la dol khaam. – Yau kan khaam plơq baak jơ.
16Di dơq, bơl hei plah han lôh ktôk r'bon dan nei a mơp di dêch ur dol wêêng chaak Phi-thon#16:16 chaak Phi-thon: Chaak trong pol. ri rup mưt u lơh rơq ơk aan nnơơm rlach kaar trong pol. 17Dơur nei han tênh Phao-lô u bơl hei, troh ttih: “Bơl bnih au laa dêch Brah Ưn Prêh Huôih, chhuôr aan bơl 'bei#16:17 bơl 'bei: Knông m'baak plơơp 'bian ti laa bơl bơn. baak Brah đoh kwaai.” 18Dơur khang lơh bei nei knông ơk nar tak lơh Phao-lô a briêk đat mơ wih kươi mor n'hai chaak laah: “Hei tơmoh chhak Brah Jê-sus Krist maanh aan may phrui sot rlach bnih au.” Kơndaal bêl nei, chaak sot rlach drơh. 19Dôh tơt bơl nnơơm mei nei sau 'bưn nha kơndưng joi thlay kươt nha drơh nhôp Phao-lô u Si-la, têêk tơt talwaang ndơơp aan kan kmheng. 20Tơt liêu lôh bôôk mat bơl yau pơrkat, bu pnđing: “Bơl bnih au laa bnih Jo-thai rook pơrsup poh bơl bơn, 21kne pal knap ch'bap baah bơl bơn 'bưn geh sook paich lơh tênh, đươm bơl bơn laa bnih Rô-ma.” 22Phung raih kot kn'hao wal baar du; bơl yau pơrkat maanh yah ao u pơm sơmboong baar du. 23Di kươi pơm sơmboong, bu teq groon baar du u pn'ak bnih kan khaam phrui kray miah mang. 24Kươt rmaanh nei, bnih kan khaam groon baar du mưt u khaam jơ ngôw u tkong jơng kươi.
25Tơmlai nggơl mang, Phao-lô u Si-la plah r'bon dan u tư wơơl Brah Ưn; bơl bnih khaam kot iat ttang. 26A drot, geh rlơm teh ttih đat, lôh moh pal pndơih khaam luônh lơgơh. Kơndaal, leq sêch pal lpôông pơơk pơrlơơt, chrwak bơl bnih khaam ri kot a tup leq. 27Bnih kan khaam kah bêch sau pal lpôông nhi groon kot pơơk phing, kơn ơơn bơl bnih khaam ja kup leq mơ hôt pêh lưm êêng. 28Dôh Phao-lô hao khuôl ttih: “Khơơm lơh khuich sak nơơm! Bơl hei nha ơơm au!” 29Bnih kan khaam khuôl pơih đeng u tuôt gway mưt knông khaam, pndrơm kơltut a teh jơng Phao-lô u Si-la. 30Ja nei bu ndơơp baar du sot u gaaih u ôp: “Ơi bơl ay, hei phrui lơh ơơn jah kươt đoh?” 31Baar du ơh: “Phrui Jơ Brah laa Brah Jê-sus nei bu u leq nhi nak bu a kươi kươt đoh.” 32Baar jơt jơng tơmbơh baak Brah aan bu u leq sêch bơl bnih gôq knông nhi bu nha. 33Knông mang nei, lap tu bêl nei, bnih kan khaam liêu baar du sot rao môôr; ja nei kơndaal, bu u leq nhi nak kot pơih bap-tem. 34Bnih kan khaam siêr baar du hao nhi nơơm u ddôk riap sa. Bu u leq nhi nak broh s'bai đat đươm ja jơ Brah Ưn.
35Tơt aang, bơl yau pơrkat maanh bnih kray mor n'hai bnih kan khaam: “Phrui plơq snôk sroong aan bơl bnih nei.” 36Bei nei, bnih kan khaam maanh Phao-lô: “Bơl yau pơrkat ja maanh aan hei plơq snôk sroong aan bơl ay; nei mơ, phrui sot, u han sroong boong.” 37Dôh Phao-lô mor n'hai bu: “Bơl hei laa koon raih Rô-ma, nei baah khal ndah waat dôih, bu ja pơm sơmboong bơl hei klung phung raih ja nei teq groon mưt u khaam; khal au bu leet ngguk nggik krôih bơl hei neh? 'Bưn geh kươt! Bu phrui chhak nơơm na lôh u đau jah krôih bơl hei!” 38Bơl yau pơrkat ttang bnih kray tơmbơh kươi pal baak nei n'hông đươm gưt baar du laa koon raih Rô-ma. 39Bei nei, bu lôh dan 'baap ja nei ndơơp baar du sot u rơ maanh du rlach poh. 40Tơt sot rlach khaam, baar jơt jơng mưt nhi Li-đi chah nhjook, trôih trôl mei ruh oh bi ja nei han troong.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.