Kênh Kaar 18
18
Phao-lô tu Kô-rinh-tô
1Kơi nei, Phao-lô lơơi A-thên han Kô-rinh-tô. 2Tu nei, bu a mơp di mbu Jo-thai chhak A-ki-la, poh a kwaal Pông, pôl n'hai sai ur laa Pê-rit-sin mhei a I-ta-li-a lôh u đau, đươm snđach Kơ-lôt ja maanh aan leq sêch bnih Jo-thai phrui du rlach Rô-ma. Phao-lô lôh nhjook bu; 3đươm bơ kaar pôl jinh naam mơ Phao-lô gôq nhi baar du jah lơh kaar ta n'hai. 4Laap jôm nar sa-'bat, Phao-lô chhuôr nti knông nhi pơrgum, khom ndit ơk bnih Jo-thai dang bnih nggoor agaih.#18:4 ơk bnih jo-thai dang bnih nggoor agaih: Paich laa ơk bnih jo-thai dang bnih Hi-lap. 5Tơt Si-la u Ti-mô-thê a Ma-sê-đô-ni-a lôh nei Phao-lô dơơn dhaap gênh kaar chhuôr kne, ndraanh aan bnih Jo-thai laah Brah Jê-sus nơơm laa Yaang Krist. 6Dôh đươm bu ta wal u mor đam, mơ bu rtuh ao baah maanh bu laah: “Mhaam bơl bu khut kươi lơ bôôk bơl bu! Nha hei nei 'bưn dôih. A au, hei a kươi han lôh u bơl bnih nggoor agaih.” 7Phao-lô du rlach nei, mưt nhi di mbu chhak Ti-ti-u Jut-tu, bnih chuh đing Brah Ưn; nhi bu a mak gêêng nhi pơrgum. 8Khal au Kơ-rit-pu, yau kan bôôk nhi pơrgum, pôl leq nhi bu kot jơ Brah. Kot geh ơk bnih Kô-rinh-tô ttang Phao-lô chhuôr nei jơ u pơih bap-tem. 9Mang, Brah lah n'hai Phao-lô knông di tơrsau noor: “Khơơm n'hông! Dôh phrui mor u khơơm lơh rngơt; 10Hei gôq n'hai koon, 'bưn 'bơơn ta wêêl, lơh khuich koon kươt laang, đươm Hei geh ơk bnih knông poh au.” 11Phao-lô gôq kươi nei di snam prau khay, kne baak Brah Ưn aan bu.
12Dôh tơt Ga-li-ôn plah lơh yau tông khêêt A-chai, bnih Jo-thai ta sruôl kươi ta wêêl Phao-lô u ndơơp bu sot ktôk pơrkat dôih. 13Bu pnđing: “Bah au nôôl phung raih chuh th'bưn Brah Ưn di ndroong tih ch'bap.” 14Tơt Phao-lô êch dơơh pơơk wiêm ơh nei Ga-li-ôn maanh raih Jo-thai: “Ơi bnih Jo-thai, mơq au laa baak kaar lơh tih paich dôih đơơk nei hei geh rơ kheet jah pơrkhom iat bơl 'bei. 15Dôh đươm au laa baak kaar ta tau teq u baak mor, chhak lư u ch'bap êêng bơl 'bei ri mơ phrui êêng pơrkat; hei 'bưn êch pơrkat pal kaar nei laang.” 16Ja nei bu prơh bu sot rlach ktôk pơrkat dôih. 17Khal au, bu nhôp Sôt-then, yau kan bôôk nhi pơrgum, pơm sơmboong di mat ktôk pơrkat dôih, dôh Ga-li-ôn 'bưn agleng tơt kaar nei.
Plơq teq u An-ti-ôt
18Phao-lô gôq a kươi Kô-rinh-tô jook nar, ja nei lơơi oh bi, jih sbau rlach Si-ri pôl n'hai Pê-rit-sin u A-ki-la. A Sen-kơ-rê, bu kaat bôôk#18:18 kaat bôôk: Au lah knap ch'bap bnih jo-thai ri, grach chhok lah chmlih chmleek prap baak pơđaai. đươm geh baak pơđaai. 19Tơt bu lôh Ê-phê-sô, Phao-lô ta lơơi bơl gnasaal nơơm, ja nei mưt nhi pơrgum ta tau n'hai bơl bnih Jo-thai. 20Bu siêr yau gôq a kươi di nar khay dơq, dôh bu 'bưn chơp baak. 21Bu lơơi bơl nei u mor: “Mơq Brah Ưn êch, hei a kươi plơq kươi n'hai oh bi.” Ja nei bu jưr sbau lơơi Ê-phê-sô.
22Tơt lôh Sê-sa-rê, bu hao Jê-ru-sa-lem chah nhjook Phung Jrah, ja nei kươi jưr An-ti-ôt. 23Di kươi gôq a nei di rbôông, bu han troong, tawai han jôm Ga-la-ti u Phi-ri-ji, lơh aan leq sêch jơrnơ kươt jap kơndang.
A-pô-lô tu Ê-phê-sô n'hai Kô-rinh-tô
24Khal au, geh di mbu Jo-thai chhak A-pô-lô, poh a A-lek-san-đơ-ri-a, lôh Ê-phê-sô. Bu geh jhai mor rmeh u gưt srlah Sm'bưt Brah. 25Bu ja riên baak jơ Brah, geh chưt kmlơt sôt sang chhuôr u tti kne di ndroong dip ngan pal ntil teq u Brah Jê-sus, paich bu dơơn gưt bap-tem Jang ri ei. 26Bu ptơơm chhuôr di ndroong khwaan knông nhi pơrgum. Tơt Pê-rit-sin u A-ki-la iat bu chhuôr, bu liêu bu u nhi, đoh rơih baak jơ Brah Ưn aan bu srlah huôih. 27Tơt A-pô-lô êch han rlach A-chai, oh bi trôih trôl u 'bian khaak pn'ak bơl jơrnơ phrui wơơt bu lmơơi. Tơt lôh ktôk, bu jraih ơk đat aan bơl bnih ja chkhôm brêêng smlaang baah jơ Brah, 28đươm bu ja srlah srlom ndun pơrlơt bnih Jo-thai di ndroong moh dang, nhôq Sm'bưt Brah ndraanh laa Brah Jê-sus laah nơơm Yaang Krist.
Currently Selected:
Kênh Kaar 18: SBL2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Kênh Kaar 18
18
Phao-lô tu Kô-rinh-tô
1Kơi nei, Phao-lô lơơi A-thên han Kô-rinh-tô. 2Tu nei, bu a mơp di mbu Jo-thai chhak A-ki-la, poh a kwaal Pông, pôl n'hai sai ur laa Pê-rit-sin mhei a I-ta-li-a lôh u đau, đươm snđach Kơ-lôt ja maanh aan leq sêch bnih Jo-thai phrui du rlach Rô-ma. Phao-lô lôh nhjook bu; 3đươm bơ kaar pôl jinh naam mơ Phao-lô gôq nhi baar du jah lơh kaar ta n'hai. 4Laap jôm nar sa-'bat, Phao-lô chhuôr nti knông nhi pơrgum, khom ndit ơk bnih Jo-thai dang bnih nggoor agaih.#18:4 ơk bnih jo-thai dang bnih nggoor agaih: Paich laa ơk bnih jo-thai dang bnih Hi-lap. 5Tơt Si-la u Ti-mô-thê a Ma-sê-đô-ni-a lôh nei Phao-lô dơơn dhaap gênh kaar chhuôr kne, ndraanh aan bnih Jo-thai laah Brah Jê-sus nơơm laa Yaang Krist. 6Dôh đươm bu ta wal u mor đam, mơ bu rtuh ao baah maanh bu laah: “Mhaam bơl bu khut kươi lơ bôôk bơl bu! Nha hei nei 'bưn dôih. A au, hei a kươi han lôh u bơl bnih nggoor agaih.” 7Phao-lô du rlach nei, mưt nhi di mbu chhak Ti-ti-u Jut-tu, bnih chuh đing Brah Ưn; nhi bu a mak gêêng nhi pơrgum. 8Khal au Kơ-rit-pu, yau kan bôôk nhi pơrgum, pôl leq nhi bu kot jơ Brah. Kot geh ơk bnih Kô-rinh-tô ttang Phao-lô chhuôr nei jơ u pơih bap-tem. 9Mang, Brah lah n'hai Phao-lô knông di tơrsau noor: “Khơơm n'hông! Dôh phrui mor u khơơm lơh rngơt; 10Hei gôq n'hai koon, 'bưn 'bơơn ta wêêl, lơh khuich koon kươt laang, đươm Hei geh ơk bnih knông poh au.” 11Phao-lô gôq kươi nei di snam prau khay, kne baak Brah Ưn aan bu.
12Dôh tơt Ga-li-ôn plah lơh yau tông khêêt A-chai, bnih Jo-thai ta sruôl kươi ta wêêl Phao-lô u ndơơp bu sot ktôk pơrkat dôih. 13Bu pnđing: “Bah au nôôl phung raih chuh th'bưn Brah Ưn di ndroong tih ch'bap.” 14Tơt Phao-lô êch dơơh pơơk wiêm ơh nei Ga-li-ôn maanh raih Jo-thai: “Ơi bnih Jo-thai, mơq au laa baak kaar lơh tih paich dôih đơơk nei hei geh rơ kheet jah pơrkhom iat bơl 'bei. 15Dôh đươm au laa baak kaar ta tau teq u baak mor, chhak lư u ch'bap êêng bơl 'bei ri mơ phrui êêng pơrkat; hei 'bưn êch pơrkat pal kaar nei laang.” 16Ja nei bu prơh bu sot rlach ktôk pơrkat dôih. 17Khal au, bu nhôp Sôt-then, yau kan bôôk nhi pơrgum, pơm sơmboong di mat ktôk pơrkat dôih, dôh Ga-li-ôn 'bưn agleng tơt kaar nei.
Plơq teq u An-ti-ôt
18Phao-lô gôq a kươi Kô-rinh-tô jook nar, ja nei lơơi oh bi, jih sbau rlach Si-ri pôl n'hai Pê-rit-sin u A-ki-la. A Sen-kơ-rê, bu kaat bôôk#18:18 kaat bôôk: Au lah knap ch'bap bnih jo-thai ri, grach chhok lah chmlih chmleek prap baak pơđaai. đươm geh baak pơđaai. 19Tơt bu lôh Ê-phê-sô, Phao-lô ta lơơi bơl gnasaal nơơm, ja nei mưt nhi pơrgum ta tau n'hai bơl bnih Jo-thai. 20Bu siêr yau gôq a kươi di nar khay dơq, dôh bu 'bưn chơp baak. 21Bu lơơi bơl nei u mor: “Mơq Brah Ưn êch, hei a kươi plơq kươi n'hai oh bi.” Ja nei bu jưr sbau lơơi Ê-phê-sô.
22Tơt lôh Sê-sa-rê, bu hao Jê-ru-sa-lem chah nhjook Phung Jrah, ja nei kươi jưr An-ti-ôt. 23Di kươi gôq a nei di rbôông, bu han troong, tawai han jôm Ga-la-ti u Phi-ri-ji, lơh aan leq sêch jơrnơ kươt jap kơndang.
A-pô-lô tu Ê-phê-sô n'hai Kô-rinh-tô
24Khal au, geh di mbu Jo-thai chhak A-pô-lô, poh a A-lek-san-đơ-ri-a, lôh Ê-phê-sô. Bu geh jhai mor rmeh u gưt srlah Sm'bưt Brah. 25Bu ja riên baak jơ Brah, geh chưt kmlơt sôt sang chhuôr u tti kne di ndroong dip ngan pal ntil teq u Brah Jê-sus, paich bu dơơn gưt bap-tem Jang ri ei. 26Bu ptơơm chhuôr di ndroong khwaan knông nhi pơrgum. Tơt Pê-rit-sin u A-ki-la iat bu chhuôr, bu liêu bu u nhi, đoh rơih baak jơ Brah Ưn aan bu srlah huôih. 27Tơt A-pô-lô êch han rlach A-chai, oh bi trôih trôl u 'bian khaak pn'ak bơl jơrnơ phrui wơơt bu lmơơi. Tơt lôh ktôk, bu jraih ơk đat aan bơl bnih ja chkhôm brêêng smlaang baah jơ Brah, 28đươm bu ja srlah srlom ndun pơrlơt bnih Jo-thai di ndroong moh dang, nhôq Sm'bưt Brah ndraanh laa Brah Jê-sus laah nơơm Yaang Krist.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.