Kênh Kaar 15
15
Tơơm rkliêu tu Jê-ru-sa-lem
1Geh pal du a Ju-đê lôh u kne bơl oh bi laah: “Mơq oh bi 'bưn sang kat pêêk tênh ch'bap Môi-se nei 'bưn geh kươt đoh.” 2Khal au, geh baak 'bưn pôl grơninh u baak ta rmhanh bơm yoh lôh tơt lwah Phao-lô u Ba-na-ba n'hai pal du bnih nei. Nei mơ, Phao-lô u Ba-na-ba n'hai pal du knông bu kươt chong chôôl han hao Jê-ru-sa-lem, lôh u bơl jơt jơng u raanh ttơơm jah ôp teq u kaar au. 3Bei nei, di kươi kươt Phung Jrah jưn han troong, bu rlach rloong Phê-ni-si u Sa-ma-ri, chhuôr kươi baak plơq baak jơ bơl bnih nggoor agaih ri, lơh aan leq sêch oh bi kot broh s'bai đat. 4Tơt lôh Jê-ru-sa-lem, bu kươt Phung Jrah, bơl jơt jơng u raanh ttơơm wơơt, ja nei bu chhuôr kươi jôm ntil Brah Ưn ja lơh rlach bu. 5Dôh geh bơl jơrnơ tênh thap Pha-ri-si ta yoong mor: “Phrui lơh kat pêêk aan bơl bnih nggoor agaih, u tơmbơh bu phrui prap ơn ch'bap Môi-se.”
6Bơl jơt jơng u bơl raanh ttơơm pơrgum kươi jah mơq klach baak kaar au. 7Di kươi pơrgênh srlah srlom, Phi-e-rơ ta yoong mor n'hai bu laah: “Ơi oh bi, oh bi gưt laah a pal nar n'au, Brah Ưn ja sach hei knông nak bơl oh bi, jah rlach wiêm hei, bơl bnih nggoor agaih kươt iat baak preh Baak Sroong Klanh u bu jơ.#Kênh 10:1-43. 8Brah Ưn laa Yaang gưt chưt jôm bnih, ja tơrsau Pang sook bu jơl ươn Brah Wêêng aan bu kot bei aan bơl bơn.#Kênh 10:44; Kênh 2:4. 9Pang 'bưn chưrleek bơl bơn n'hai bnih nggoor agaih laang, dôh Pang rao jrơh nuih bu đươm chưt jơrnơ. 10Bei nei khal au, a hay oh bi baanh tuul Brah Ưn, dơih lơ bơl jơrnơ pi rgal pa yau yi bơl bơn paich nơơm bơl bơn kot 'bưn geh aanh moh? 11Mat a kươi, bơl bơn jơ laah chkhôm brêêng smlaang Brah laa Brah Jê-sus, bơl bơn kươt đoh pôl di ndroong bei bu nei ei.”
12Leq phung rkliêu kot ơt rngơt, iat chmlam Ba-na-ba u Phao-lô chhuôr kươi pal baak êêng aang u chmlih chmleek pa Brah Ưn ja nhôq baar du lơh tênh lwah bơl bnih nggoor agaih. 13Tơt bu dưt baak, Ja-kơ mor: “Ơi oh bi, dan phrui iat hei! 14Si-môn ja chhuôr kươi bei êch Brah Ưn a daak bôôk chah nhjook bơl bnih nggoor agaih, jah a bu pơih sot di raih aan saak Pang ri. 15Ntil nei ta dip n'hai baak bơl grnưt noor ja 'bian:
16‘Kơi pal kaar au, Hei a kươi plơq kươi,
Ta ldơk kươi nhi Đa-wit ri ja ha pling.
Hei a kươi ei iêl pal ktôk dol lơh rlơm
U iat kươi bu;
17Jah bơl bnih nha a kươi
U leq sêch bơl bnih nggoor agaih kươt chôôl dơng saak Hei, kot wơng joi Brah.
Brah laa Yaang ja lơh tênh pal kaar nei lah bei nei.
18Nei laa pal kaar kươt gưt lôh a khal hư.’
19Bei nei, hei mơq sau 'bưn khom pơrsup bơl bnih knông bnih nggoor agaih plah plơq siq n'hai Brah Ưn; 20dôh bơl bơn mơ 'bian khaak pn'ak bu prap nơơm rlach dol jrơơk jrơơm đươm bơl pơsun u baak jrôq jrơm, kot khơơm sa pai chhưt a sêt u mhaam. 21Đươm a bơl klap khal hư, knông jôm poh, kot geh bơl bnih chhuôr kne ch'bap Môi-se u chôôl ch'bap nei jôm nar sa-'bat knông pal nhi pơrgum.”
22Kơi nei, bơl jơt jơng u raanh ttơơm pôl leq Phung Jrah rwach sach bơl bnih knông nak bu u maanh han teq u Phao-lô u Ba-na-ba lôh An-ti-ôt. Bu maanh Ju-đe, kot chôôl Ba-sa-ba n'hai Si-la, laa baar du klung nak liêu troong knông rlum oh bi, 23pôl n'hai plơơp khaak au: “Oh bi bơl hei laa bơl jơt jơng u raanh ttơơm piyơ baak chah nhjook tơt oh bi klung bơl bnih nggoor agaih tu An-ti-ôt, Si-ri u Si-li-si! 24Đươm bơl hei geh ttang laah mbu baar du knông bơl hei, paich 'bưn pơih rmaanh ơơn ktôk bơl hei, ja mor pal ntil rook wưu wao u lơh sêêt gơrninh oh bi. 25Nei mơ, bơl hei ja gơrninh bei mlơm sach u maanh bơl bnih au han pôl baar du êch srlanh đat bơl hei ri laa Ba-na-ba n'hai Phao-lô, lôh u oh bi. 26Baar du au ơơm ja teq chhak nơơm đươm saak Brah bơl bơn laa Brah Jê-sus Krist. 27Bei nei bơl hei ja maanh Ju-đe n'hai Si-la mor ndap u oh bi pal ntil bơl hei 'bian knông khaak. 28Đươm Brah Wêêng u bơl hei ja chuh rnđêch laah mơ 'bưn dap jjơk jơl dơq aan oh bi, dơơn pal ntil chkhôm mbưng au: 29Phrui wer griêng kwaai pơsun, mhaam, pai chhưt a sêt, u khơơm jrôq jrơm. Oh bi prap jôm ntil nei laa klanh. Dan chah lơơi leq!”
30Bei nei, bơl bnih nei lơơi Phung Jrah, jưr An-ti-ôt, pơrgum phung bơl nei kươi u ndơơp plơơp khaak. 31Di kươi chôôl khaak, bu kot broh s'bai teq u baak trôih trôl nei. 32Ju-đe u Si-la laa bơl grnưt noor, nhôq ơk baak chhuôr kne jah trôih trôl u lơh bu top jap kơndang. 33Di kươi gôq kươi nei di rbôông, bu kươt bơl oh bi ndơơp jưn di ndroong sroong boong jah plơq siq pôl bơl bnih ja maanh bu han. 34[Dôh Si-la nei rwach gôq kươi An-ti-ôt.]#15:34 Knông m'baak plơơp 'bian ti rơơi geh ndroong 34.
Phao-lô u Ba-na-ba ta pơrgah
35Dôh Phao-lô u Ba-na-ba gôq kươi An-ti-ôt, ta sruôl n'hai ơk bnih nday chhuôr Baak Sroong Klanh u kne baak Brah. 36Kơi nei di rbôông, Phao-lô mor n'hai Ba-na-ba: “Bơl bơn phrui plơq kươi chah nhjook oh bi knông jôm poh baah bơl bơn ja tơmbơh baak Brah, mơq bu gưt bei êch.” 37Ba-na-ba êch liêu tênh Jang kot khuôl laa Mak. 38Dôh Phao-lô nei gênh ap a liêu Mak han pôl, đươm Mak ja lơơi teq baar bnih tu Pam-phi-li, 'bưn pôl n'hai bu ndih kaar brnơ.#Kênh 13:13. 39Đươm nei, geh baak ta rmhanh đat đuôt lôh moh baar du ta pơrgah: Ba-na-ba liêu Mak han pôl jih sbau han tơt gguônh Sip. 40Nha Phao-lô nei han ndih, di kươi ja sach Si-la, u chkhôm oh bi jưn ndơơp nơơm aan brêêng smlaang Brah. 41Bu han jôm Si-ri u Si-li-si, lơh aan bơl Phung Jrah kươt jap kơndang.
Currently Selected:
Kênh Kaar 15: SBL2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Kênh Kaar 15
15
Tơơm rkliêu tu Jê-ru-sa-lem
1Geh pal du a Ju-đê lôh u kne bơl oh bi laah: “Mơq oh bi 'bưn sang kat pêêk tênh ch'bap Môi-se nei 'bưn geh kươt đoh.” 2Khal au, geh baak 'bưn pôl grơninh u baak ta rmhanh bơm yoh lôh tơt lwah Phao-lô u Ba-na-ba n'hai pal du bnih nei. Nei mơ, Phao-lô u Ba-na-ba n'hai pal du knông bu kươt chong chôôl han hao Jê-ru-sa-lem, lôh u bơl jơt jơng u raanh ttơơm jah ôp teq u kaar au. 3Bei nei, di kươi kươt Phung Jrah jưn han troong, bu rlach rloong Phê-ni-si u Sa-ma-ri, chhuôr kươi baak plơq baak jơ bơl bnih nggoor agaih ri, lơh aan leq sêch oh bi kot broh s'bai đat. 4Tơt lôh Jê-ru-sa-lem, bu kươt Phung Jrah, bơl jơt jơng u raanh ttơơm wơơt, ja nei bu chhuôr kươi jôm ntil Brah Ưn ja lơh rlach bu. 5Dôh geh bơl jơrnơ tênh thap Pha-ri-si ta yoong mor: “Phrui lơh kat pêêk aan bơl bnih nggoor agaih, u tơmbơh bu phrui prap ơn ch'bap Môi-se.”
6Bơl jơt jơng u bơl raanh ttơơm pơrgum kươi jah mơq klach baak kaar au. 7Di kươi pơrgênh srlah srlom, Phi-e-rơ ta yoong mor n'hai bu laah: “Ơi oh bi, oh bi gưt laah a pal nar n'au, Brah Ưn ja sach hei knông nak bơl oh bi, jah rlach wiêm hei, bơl bnih nggoor agaih kươt iat baak preh Baak Sroong Klanh u bu jơ.#Kênh 10:1-43. 8Brah Ưn laa Yaang gưt chưt jôm bnih, ja tơrsau Pang sook bu jơl ươn Brah Wêêng aan bu kot bei aan bơl bơn.#Kênh 10:44; Kênh 2:4. 9Pang 'bưn chưrleek bơl bơn n'hai bnih nggoor agaih laang, dôh Pang rao jrơh nuih bu đươm chưt jơrnơ. 10Bei nei khal au, a hay oh bi baanh tuul Brah Ưn, dơih lơ bơl jơrnơ pi rgal pa yau yi bơl bơn paich nơơm bơl bơn kot 'bưn geh aanh moh? 11Mat a kươi, bơl bơn jơ laah chkhôm brêêng smlaang Brah laa Brah Jê-sus, bơl bơn kươt đoh pôl di ndroong bei bu nei ei.”
12Leq phung rkliêu kot ơt rngơt, iat chmlam Ba-na-ba u Phao-lô chhuôr kươi pal baak êêng aang u chmlih chmleek pa Brah Ưn ja nhôq baar du lơh tênh lwah bơl bnih nggoor agaih. 13Tơt bu dưt baak, Ja-kơ mor: “Ơi oh bi, dan phrui iat hei! 14Si-môn ja chhuôr kươi bei êch Brah Ưn a daak bôôk chah nhjook bơl bnih nggoor agaih, jah a bu pơih sot di raih aan saak Pang ri. 15Ntil nei ta dip n'hai baak bơl grnưt noor ja 'bian:
16‘Kơi pal kaar au, Hei a kươi plơq kươi,
Ta ldơk kươi nhi Đa-wit ri ja ha pling.
Hei a kươi ei iêl pal ktôk dol lơh rlơm
U iat kươi bu;
17Jah bơl bnih nha a kươi
U leq sêch bơl bnih nggoor agaih kươt chôôl dơng saak Hei, kot wơng joi Brah.
Brah laa Yaang ja lơh tênh pal kaar nei lah bei nei.
18Nei laa pal kaar kươt gưt lôh a khal hư.’
19Bei nei, hei mơq sau 'bưn khom pơrsup bơl bnih knông bnih nggoor agaih plah plơq siq n'hai Brah Ưn; 20dôh bơl bơn mơ 'bian khaak pn'ak bu prap nơơm rlach dol jrơơk jrơơm đươm bơl pơsun u baak jrôq jrơm, kot khơơm sa pai chhưt a sêt u mhaam. 21Đươm a bơl klap khal hư, knông jôm poh, kot geh bơl bnih chhuôr kne ch'bap Môi-se u chôôl ch'bap nei jôm nar sa-'bat knông pal nhi pơrgum.”
22Kơi nei, bơl jơt jơng u raanh ttơơm pôl leq Phung Jrah rwach sach bơl bnih knông nak bu u maanh han teq u Phao-lô u Ba-na-ba lôh An-ti-ôt. Bu maanh Ju-đe, kot chôôl Ba-sa-ba n'hai Si-la, laa baar du klung nak liêu troong knông rlum oh bi, 23pôl n'hai plơơp khaak au: “Oh bi bơl hei laa bơl jơt jơng u raanh ttơơm piyơ baak chah nhjook tơt oh bi klung bơl bnih nggoor agaih tu An-ti-ôt, Si-ri u Si-li-si! 24Đươm bơl hei geh ttang laah mbu baar du knông bơl hei, paich 'bưn pơih rmaanh ơơn ktôk bơl hei, ja mor pal ntil rook wưu wao u lơh sêêt gơrninh oh bi. 25Nei mơ, bơl hei ja gơrninh bei mlơm sach u maanh bơl bnih au han pôl baar du êch srlanh đat bơl hei ri laa Ba-na-ba n'hai Phao-lô, lôh u oh bi. 26Baar du au ơơm ja teq chhak nơơm đươm saak Brah bơl bơn laa Brah Jê-sus Krist. 27Bei nei bơl hei ja maanh Ju-đe n'hai Si-la mor ndap u oh bi pal ntil bơl hei 'bian knông khaak. 28Đươm Brah Wêêng u bơl hei ja chuh rnđêch laah mơ 'bưn dap jjơk jơl dơq aan oh bi, dơơn pal ntil chkhôm mbưng au: 29Phrui wer griêng kwaai pơsun, mhaam, pai chhưt a sêt, u khơơm jrôq jrơm. Oh bi prap jôm ntil nei laa klanh. Dan chah lơơi leq!”
30Bei nei, bơl bnih nei lơơi Phung Jrah, jưr An-ti-ôt, pơrgum phung bơl nei kươi u ndơơp plơơp khaak. 31Di kươi chôôl khaak, bu kot broh s'bai teq u baak trôih trôl nei. 32Ju-đe u Si-la laa bơl grnưt noor, nhôq ơk baak chhuôr kne jah trôih trôl u lơh bu top jap kơndang. 33Di kươi gôq kươi nei di rbôông, bu kươt bơl oh bi ndơơp jưn di ndroong sroong boong jah plơq siq pôl bơl bnih ja maanh bu han. 34[Dôh Si-la nei rwach gôq kươi An-ti-ôt.]#15:34 Knông m'baak plơơp 'bian ti rơơi geh ndroong 34.
Phao-lô u Ba-na-ba ta pơrgah
35Dôh Phao-lô u Ba-na-ba gôq kươi An-ti-ôt, ta sruôl n'hai ơk bnih nday chhuôr Baak Sroong Klanh u kne baak Brah. 36Kơi nei di rbôông, Phao-lô mor n'hai Ba-na-ba: “Bơl bơn phrui plơq kươi chah nhjook oh bi knông jôm poh baah bơl bơn ja tơmbơh baak Brah, mơq bu gưt bei êch.” 37Ba-na-ba êch liêu tênh Jang kot khuôl laa Mak. 38Dôh Phao-lô nei gênh ap a liêu Mak han pôl, đươm Mak ja lơơi teq baar bnih tu Pam-phi-li, 'bưn pôl n'hai bu ndih kaar brnơ.#Kênh 13:13. 39Đươm nei, geh baak ta rmhanh đat đuôt lôh moh baar du ta pơrgah: Ba-na-ba liêu Mak han pôl jih sbau han tơt gguônh Sip. 40Nha Phao-lô nei han ndih, di kươi ja sach Si-la, u chkhôm oh bi jưn ndơơp nơơm aan brêêng smlaang Brah. 41Bu han jôm Si-ri u Si-li-si, lơh aan bơl Phung Jrah kươt jap kơndang.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.