Yawhaas 19
19
1Tod qaas qhai Philaaj txiad muas Yexus tu cob tusrog npliad. 2Cob tusrog muas hmaas khawspuz ua kawj looj Yexus tawshaw; has cud muas is lus tsho nteb tsaadxed las khu tu Yexus hnaab. 3Cud has tu Yexus has tas, “Cob Yudais tuz vaajntxwb, koj yiad muaj sa nyos nteb!” Has cud xuas tiag ncuab tu Yexus ntsejmuag.
4Philaaj rob tiad tuaj has tu cud has tas, “Mej nuad, kud yiad coj niz tuaj tu mej, kuas mej paws has tas kud tsi pud niz ua is qhob txhud kwg txaws txabtxid tu niz tis.” 5Thaws Yexus tiad luz, niz ntoo riab lus kawj hmaas khawspuz has hnaab lus tsho nteb tsaadxed las. Philaaj has tu cud tas, “Mej nuad! Tuz yiag qhai nyos qhais na.”
6Thaws cob thiaj qhai cob pobthiaj has cob tus ceebxwd kwg zub lus Tuadtseb pud Yexus, cud qw nrob nrob has tas, “Muas niz ntsa tu saw ntoo khawslig! Muas niz ntsa tu saw ntoo khawslig!”
Philaaj has tu cud tas, “Mej ca ni coj niz muz has muas niz ntsa tu saw ntoo khawslig. Kud yeej tsi pud niz ua is qho txhud kwg txaws txabtxid tu niz tis.”
7Cob Yudais tes Philaaj has tas, “Pes muaj is txuj kebcai, rias ni txuj kebcai qhai has mas tsidnyog muas niz tua laidtaa, tu qhob niz khaab has tas niz yog Vaajtswb leej Tus.”
8Thaws Philaaj hnob cud has ni qhai, ua tu Philaaj hajyaad ntshai heeb. 9Philaaj rob muz hub niz lus loog has noog Yexus has tas, “Koj nyos qhob twg tuaj?”
Tadsis Yexus tsi tes Philaaj is lu ni. 10Philaaj has tu Yexus has tas, “Koj txiad tsi tes kud ni los? Koj tsi paws has tas kud muaj cai tso taw koj, has muaj cai muas koj ntsa tu saw ntoo khawslig na los?”
11Yexus tes has tas, “Koj yeej tsi muaj fwjchid luj kua kud, tsuas yog Vaajtswb pus fwjchid tu koj nyaz; tuz kwg ntez kud coj tuaj tu koj, tuz qhai ua txhud luj heeb ni.”
12Thaws Philaaj hnob Yexus has ni qhai, niz xaab muas Yexus tso. Tadsis cob Yudais has nrob nrob tas, “Yog koj muas niz tso, mas koj yeej tsi yog Xixas tuz phoojywz ni. Tuz kwg khaab has tas niz yog vaajntxwb, tuz qhai yog Xixas tuz yeesncuas.”
13Thaws Philaaj hnob ni qhai, Philaaj txiad coj Yexus tiad luz tusaas nraw has Philaaj nyos saw lus rooj txabtxid, qhob chia kwg hu ua “Pua Poszes.” (Luz Henplais hu ua “Nkanpathas.”) 14Thaws qhai yiad lawg taab su, hnoos qhai yog hnoos kwg npaaj ua Kebcai Hlaa Dhaw. Philaj has tu cob Yudais has tas, “Mej tuz vaajntxwb nyos qhais na.”
15Cud has nrob nrob has tas, “Muas niz tua laidtaa! Muas niz tua laidtaa! Muas niz ntsa tu saw ntoo khawslig!”
Philaaj txiad noog cud has tas, “Mej xaab kuas kud muas mej tuz vaajntxwb ntsa tu saw ntoo khawslig los?”
Cob thiaj qhai cob pobthiaj tes has tas, “Pes muaj tuas tuz vaajntxwb nyaz, tuz qhai yog Xixas.”
16Ces Philaaj txiad muas Yexus tu cob Yudais coj muz ntsa tu saw ntoo khawslig.
Muas Yexus Ntsa tu saw Ntoo Khawslig
Yog ni qhai, cud txiad coj Yexus tiad muz; 17has muas Yexus tuz ntoo khawslig tu Yexus kwb, cud coj Yexus muz txug qhais qhob chia kwg hu ua “Postxhaa Tawshaw.” (Luz Henplais hu ua “Khawlakhawthas.”) 18Nyos qhob qhai, cud muas Yexus ntsa tu saw ntoo khawslig has cud coj taw os tug yiag tuaj ntsa tu saw ntoo khawslig, has muas is tug txhus tu is saas, muas Yexus txhus tu hub nruasnraas. 19Philaaj saw is daid ntiab ntsa tu saw Yexus tuz ntoo khawslig. Cob luz qhai nyeed has ni na: “Yexus kwg yog neeg Naxales, yog cob Yudais tuz Vaajntxwb.” 20Cob neeg Yudais coos tuz nyeed daid ntiab qhai, tu qhob thaaj chia kwg muas Yexus ntsa tu saw ntoo khawslig nyos tsi kes qhai lus nroog. Cob ntiab qhai saw ua luz Henplais, luz Latees, has luz Kilis. 21Cob thiaj qhai cob pobthiaj has tu Philaaj has tas, “Koj tsi xod saw has tas, ‘Cob Yudais tuz Vaajntxwb,’ tadsis saw has tas, tuz yiag na has tas, ‘Kud yog cob Yudais tuz Vaajntxwb.’ ”
22Philaaj tes has tas, “Kud saw nyaab, yuab ni qhai.”
23Tod qaas kwg cob tusrog muas Yexus ntsa tu saw ntoo khawslig liad, cud muas Yexus tej rig tsho fais ua plaws co, is tug yuab is co. Cud tseed muas Yexus lus tsho nteb liad has, lus tsho nteb qhai ntus thoos pliaz tsi muaj kaas leejleeg ni. 24Cob tusrog sis pab has tas, “Pes tsi xod muas lus tsho na kua, tadsis ca pes muas twb nuad tuz twg taw lus tsho qhai nyaz.” Tej kwg cud ua na, muaj tab rias ni Vaajtswb txujlug kwg has tas:
“Cud muas kud tej rig tsho sis fais,
has muas kud lus tsho nteb twb nuad tuz twg taw.”
Ted yog vid ni na cob tusrog ha ua ni qhai.
25Thaws qhai Yexus nad, Yexus nad tuz nad hluas, Malis kwg yog Kelaupas tuz puj, has Malis Madalas, cud siab ze qhai Yexus tuz ntoo khawslig. 26Yexus pud niz nad has tuz thwjtid kwg niz hlus heeb siab ua ke qhai, Yexus has tu niz nad has tas, “Nad, tuz kwg nrug koj siab qhai ko, yog koj tuz tu.”
27Yexus has tu tuz thwjtid qhai has tas, “Tuz kwg nrug koj siab qhai ko, yog koj nad.” Txij thaws qhai luz, tuz thwjtid qhai txiad coj Yexus nad muz nrug niz nyos liad.
Yexus Tuag
28Tod qaas qhai, Yexus paws has tas txhua yaad tab taaz liad; niz has tas, “Kud nqhes dej.” (Niz has ni qhai kuas muaj tab rias ni Vaajtswb txujlug.)
29Nyos qhob qhai muaj is taiz kua txib hmaas qaws, cud muas is lus taws ntxuab yaz chos tu qhais is tug paas hixawb raws cob kua txib hmaas qaws qhai, has ceb muz tu qhais Yexus qhobncawj. 30Yexus haws cob kua txib hmaas qaws qhai, has Yexus has tas, “Tab liad lawj!”
Ces Yexus txiad nyo haw ntshid has tu sab nrhiab taadsij qhai.
Muas Hmub Nkawg Yexus Saas Taab
31Cob Yudais tej nudtswb muz thob Philaaj tso cai tu cud muas cob neeg kwg ntsa saw ntoo khawslig qhai tsoo kuas lub ceg has muas cud txu saw ntoo khawslig luz. Cud ua ni na tu qhob hnoos qhai yog hnoos Npaaj ua kebcai, cob Yudais tsi xaab ca cob neeg tuag qhai lus ceb nyos saw ntoo khawslig hnoos Xanpataws, tu qhob hnoos Xanpataws yog hnoos kwg diashub. 32Cob tusrog txiad muz muas os tug kwg cud muas ntsa tu saw ntoo khawslig is yaad ni Yexus tsoo kuas lub ceg, cud xus tsoo is tug ua ntej, cud maad ni tsoo is tug tod qaas. 33Tadsis thaws cud muz txug qhais Yexus, cud pud has tas Yexus ted tuag liad, cud ha tsi tsoo Yexus os txhais ceg. 34Txiad ni qhai los tseed muaj is tug tusrog muas niz raas hmub nkawg Yexus saas taab to ntshua, taadsij qhai ntshaab has dej luz si quas laid. 35(Tuz kwg pud zaaj na, niz ua tidkhiab qha tu tuadtxhij#19.35 tuadtxhij; tej phaw qus has tas kuas ntseeg taaz muz ni. has tas yeej muaj tsees, has niz paws has tas niz has tsees nyaz, mej has ntseeg zaaj qhai.) 36Qhob na muaj rias ni Vaajtswb txujlug kwg has tas, “Niz tej txhaa yeej tsi muaj is yaag yiad lub ni.” 37Has Vaajtswb txujlug muaj kua is nqai has tas, “Yiad muaj neeg yiad nuad pud tuz kwg cud xuas hmub nkawg.”
Loz Yexus
38Tod qaas qhai, Yawxej kwg nyos pes lus nroog Alimathas tuaj, niz muz thob Philaaj ca niz muas Yexus lus ceb txu. (Yawxej yog Yexus is tug thwjtid has, tadsis niz tsi qha tu tuz twg paws, tu qhob niz ntshai cob Yudais.) Philaj tso cai tu Yawxej; yog ni qhai, Yawxej txiad muz muas Yexus lus ceb txu coj muz loz. 39Nikawdemaws tuz kwg ted muz cuag Yexus is zag thaws tsaws ntuj nrug Yawxej muz, niz coj is co roj ntoos tsw qaas tob cob tshuaj tsw qaas kwg hu ua alaw-es kwblaad ni pes cawg tiad choj. 40Ostug muas Yexus lus ceb txu luz, muas cob tshuaj tsw qaas pleeb has muas ntaws maas qhwb Yexus lus ceb rias ni cob Yudais txuj kebcai loz tuag kwg cud istxwd ua. 41Muaj is lus vaaj nyos qhais qhob chia kwg cud muas Yexus ntsa tu saw ntoo khawslig, nyos hub lus vaaj qhai muaj is lus qhob ntxaa tshas kwg tseed tsi taw muaj tuz twg muas neeg tuag loz tu hub ni. 42Tu qhob hnoos qhai yog hnoos kwg cob Yudais Npaaj ua kebcai has lus qhob ntxaa nyos ze qhai, cud ha coj Yexus lus ceb muz tso tu hub.
Currently Selected:
Yawhaas 19: CQD2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Yawhaas 19
19
1Tod qaas qhai Philaaj txiad muas Yexus tu cob tusrog npliad. 2Cob tusrog muas hmaas khawspuz ua kawj looj Yexus tawshaw; has cud muas is lus tsho nteb tsaadxed las khu tu Yexus hnaab. 3Cud has tu Yexus has tas, “Cob Yudais tuz vaajntxwb, koj yiad muaj sa nyos nteb!” Has cud xuas tiag ncuab tu Yexus ntsejmuag.
4Philaaj rob tiad tuaj has tu cud has tas, “Mej nuad, kud yiad coj niz tuaj tu mej, kuas mej paws has tas kud tsi pud niz ua is qhob txhud kwg txaws txabtxid tu niz tis.” 5Thaws Yexus tiad luz, niz ntoo riab lus kawj hmaas khawspuz has hnaab lus tsho nteb tsaadxed las. Philaaj has tu cud tas, “Mej nuad! Tuz yiag qhai nyos qhais na.”
6Thaws cob thiaj qhai cob pobthiaj has cob tus ceebxwd kwg zub lus Tuadtseb pud Yexus, cud qw nrob nrob has tas, “Muas niz ntsa tu saw ntoo khawslig! Muas niz ntsa tu saw ntoo khawslig!”
Philaaj has tu cud tas, “Mej ca ni coj niz muz has muas niz ntsa tu saw ntoo khawslig. Kud yeej tsi pud niz ua is qho txhud kwg txaws txabtxid tu niz tis.”
7Cob Yudais tes Philaaj has tas, “Pes muaj is txuj kebcai, rias ni txuj kebcai qhai has mas tsidnyog muas niz tua laidtaa, tu qhob niz khaab has tas niz yog Vaajtswb leej Tus.”
8Thaws Philaaj hnob cud has ni qhai, ua tu Philaaj hajyaad ntshai heeb. 9Philaaj rob muz hub niz lus loog has noog Yexus has tas, “Koj nyos qhob twg tuaj?”
Tadsis Yexus tsi tes Philaaj is lu ni. 10Philaaj has tu Yexus has tas, “Koj txiad tsi tes kud ni los? Koj tsi paws has tas kud muaj cai tso taw koj, has muaj cai muas koj ntsa tu saw ntoo khawslig na los?”
11Yexus tes has tas, “Koj yeej tsi muaj fwjchid luj kua kud, tsuas yog Vaajtswb pus fwjchid tu koj nyaz; tuz kwg ntez kud coj tuaj tu koj, tuz qhai ua txhud luj heeb ni.”
12Thaws Philaaj hnob Yexus has ni qhai, niz xaab muas Yexus tso. Tadsis cob Yudais has nrob nrob tas, “Yog koj muas niz tso, mas koj yeej tsi yog Xixas tuz phoojywz ni. Tuz kwg khaab has tas niz yog vaajntxwb, tuz qhai yog Xixas tuz yeesncuas.”
13Thaws Philaaj hnob ni qhai, Philaaj txiad coj Yexus tiad luz tusaas nraw has Philaaj nyos saw lus rooj txabtxid, qhob chia kwg hu ua “Pua Poszes.” (Luz Henplais hu ua “Nkanpathas.”) 14Thaws qhai yiad lawg taab su, hnoos qhai yog hnoos kwg npaaj ua Kebcai Hlaa Dhaw. Philaj has tu cob Yudais has tas, “Mej tuz vaajntxwb nyos qhais na.”
15Cud has nrob nrob has tas, “Muas niz tua laidtaa! Muas niz tua laidtaa! Muas niz ntsa tu saw ntoo khawslig!”
Philaaj txiad noog cud has tas, “Mej xaab kuas kud muas mej tuz vaajntxwb ntsa tu saw ntoo khawslig los?”
Cob thiaj qhai cob pobthiaj tes has tas, “Pes muaj tuas tuz vaajntxwb nyaz, tuz qhai yog Xixas.”
16Ces Philaaj txiad muas Yexus tu cob Yudais coj muz ntsa tu saw ntoo khawslig.
Muas Yexus Ntsa tu saw Ntoo Khawslig
Yog ni qhai, cud txiad coj Yexus tiad muz; 17has muas Yexus tuz ntoo khawslig tu Yexus kwb, cud coj Yexus muz txug qhais qhob chia kwg hu ua “Postxhaa Tawshaw.” (Luz Henplais hu ua “Khawlakhawthas.”) 18Nyos qhob qhai, cud muas Yexus ntsa tu saw ntoo khawslig has cud coj taw os tug yiag tuaj ntsa tu saw ntoo khawslig, has muas is tug txhus tu is saas, muas Yexus txhus tu hub nruasnraas. 19Philaaj saw is daid ntiab ntsa tu saw Yexus tuz ntoo khawslig. Cob luz qhai nyeed has ni na: “Yexus kwg yog neeg Naxales, yog cob Yudais tuz Vaajntxwb.” 20Cob neeg Yudais coos tuz nyeed daid ntiab qhai, tu qhob thaaj chia kwg muas Yexus ntsa tu saw ntoo khawslig nyos tsi kes qhai lus nroog. Cob ntiab qhai saw ua luz Henplais, luz Latees, has luz Kilis. 21Cob thiaj qhai cob pobthiaj has tu Philaaj has tas, “Koj tsi xod saw has tas, ‘Cob Yudais tuz Vaajntxwb,’ tadsis saw has tas, tuz yiag na has tas, ‘Kud yog cob Yudais tuz Vaajntxwb.’ ”
22Philaaj tes has tas, “Kud saw nyaab, yuab ni qhai.”
23Tod qaas kwg cob tusrog muas Yexus ntsa tu saw ntoo khawslig liad, cud muas Yexus tej rig tsho fais ua plaws co, is tug yuab is co. Cud tseed muas Yexus lus tsho nteb liad has, lus tsho nteb qhai ntus thoos pliaz tsi muaj kaas leejleeg ni. 24Cob tusrog sis pab has tas, “Pes tsi xod muas lus tsho na kua, tadsis ca pes muas twb nuad tuz twg taw lus tsho qhai nyaz.” Tej kwg cud ua na, muaj tab rias ni Vaajtswb txujlug kwg has tas:
“Cud muas kud tej rig tsho sis fais,
has muas kud lus tsho nteb twb nuad tuz twg taw.”
Ted yog vid ni na cob tusrog ha ua ni qhai.
25Thaws qhai Yexus nad, Yexus nad tuz nad hluas, Malis kwg yog Kelaupas tuz puj, has Malis Madalas, cud siab ze qhai Yexus tuz ntoo khawslig. 26Yexus pud niz nad has tuz thwjtid kwg niz hlus heeb siab ua ke qhai, Yexus has tu niz nad has tas, “Nad, tuz kwg nrug koj siab qhai ko, yog koj tuz tu.”
27Yexus has tu tuz thwjtid qhai has tas, “Tuz kwg nrug koj siab qhai ko, yog koj nad.” Txij thaws qhai luz, tuz thwjtid qhai txiad coj Yexus nad muz nrug niz nyos liad.
Yexus Tuag
28Tod qaas qhai, Yexus paws has tas txhua yaad tab taaz liad; niz has tas, “Kud nqhes dej.” (Niz has ni qhai kuas muaj tab rias ni Vaajtswb txujlug.)
29Nyos qhob qhai muaj is taiz kua txib hmaas qaws, cud muas is lus taws ntxuab yaz chos tu qhais is tug paas hixawb raws cob kua txib hmaas qaws qhai, has ceb muz tu qhais Yexus qhobncawj. 30Yexus haws cob kua txib hmaas qaws qhai, has Yexus has tas, “Tab liad lawj!”
Ces Yexus txiad nyo haw ntshid has tu sab nrhiab taadsij qhai.
Muas Hmub Nkawg Yexus Saas Taab
31Cob Yudais tej nudtswb muz thob Philaaj tso cai tu cud muas cob neeg kwg ntsa saw ntoo khawslig qhai tsoo kuas lub ceg has muas cud txu saw ntoo khawslig luz. Cud ua ni na tu qhob hnoos qhai yog hnoos Npaaj ua kebcai, cob Yudais tsi xaab ca cob neeg tuag qhai lus ceb nyos saw ntoo khawslig hnoos Xanpataws, tu qhob hnoos Xanpataws yog hnoos kwg diashub. 32Cob tusrog txiad muz muas os tug kwg cud muas ntsa tu saw ntoo khawslig is yaad ni Yexus tsoo kuas lub ceg, cud xus tsoo is tug ua ntej, cud maad ni tsoo is tug tod qaas. 33Tadsis thaws cud muz txug qhais Yexus, cud pud has tas Yexus ted tuag liad, cud ha tsi tsoo Yexus os txhais ceg. 34Txiad ni qhai los tseed muaj is tug tusrog muas niz raas hmub nkawg Yexus saas taab to ntshua, taadsij qhai ntshaab has dej luz si quas laid. 35(Tuz kwg pud zaaj na, niz ua tidkhiab qha tu tuadtxhij#19.35 tuadtxhij; tej phaw qus has tas kuas ntseeg taaz muz ni. has tas yeej muaj tsees, has niz paws has tas niz has tsees nyaz, mej has ntseeg zaaj qhai.) 36Qhob na muaj rias ni Vaajtswb txujlug kwg has tas, “Niz tej txhaa yeej tsi muaj is yaag yiad lub ni.” 37Has Vaajtswb txujlug muaj kua is nqai has tas, “Yiad muaj neeg yiad nuad pud tuz kwg cud xuas hmub nkawg.”
Loz Yexus
38Tod qaas qhai, Yawxej kwg nyos pes lus nroog Alimathas tuaj, niz muz thob Philaaj ca niz muas Yexus lus ceb txu. (Yawxej yog Yexus is tug thwjtid has, tadsis niz tsi qha tu tuz twg paws, tu qhob niz ntshai cob Yudais.) Philaj tso cai tu Yawxej; yog ni qhai, Yawxej txiad muz muas Yexus lus ceb txu coj muz loz. 39Nikawdemaws tuz kwg ted muz cuag Yexus is zag thaws tsaws ntuj nrug Yawxej muz, niz coj is co roj ntoos tsw qaas tob cob tshuaj tsw qaas kwg hu ua alaw-es kwblaad ni pes cawg tiad choj. 40Ostug muas Yexus lus ceb txu luz, muas cob tshuaj tsw qaas pleeb has muas ntaws maas qhwb Yexus lus ceb rias ni cob Yudais txuj kebcai loz tuag kwg cud istxwd ua. 41Muaj is lus vaaj nyos qhais qhob chia kwg cud muas Yexus ntsa tu saw ntoo khawslig, nyos hub lus vaaj qhai muaj is lus qhob ntxaa tshas kwg tseed tsi taw muaj tuz twg muas neeg tuag loz tu hub ni. 42Tu qhob hnoos qhai yog hnoos kwg cob Yudais Npaaj ua kebcai has lus qhob ntxaa nyos ze qhai, cud ha coj Yexus lus ceb muz tso tu hub.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.