Yawhaas 18
18
Ntez Yexus
1Thaws Yexus thob Vaajtswb taaz liad, Yexus coj niz cob thwjtid hlaa lus kwj haa Kiloos muz tusaas tid. Qhob qhai muaj is lus vaaj, has Yexus has niz cob thwjtid txiad muz tu hub lus vaaj qhai. 2Yudas tuz kwg ntxeeb sas tu Yexus yeej paws qhob chia qhai has, tu qhob Yexus ted coj cob thwjtid muz ntaw zag hub lus vaaj qhai liad. 3Yog ni qhai, Yudas ha coj is paas tusrog Loos has cob kwg zub lus Tuadtseb qeetuz kwg cob thiaj qhai cob pobthiaj has cob Falixais tso tuaj tu hub lus vaaj; cud nqaa ntaaj, tias tees, has tias tsaw cig laad lug tuaj. 4Yexus yeej paws tej xwd kwg niz yiad rawg, niz txaab zoz muz noog cud has tas, “Mej tuaj nrhab tuz twg?”
5Cud tes has tas, “Pes tuaj nrhab Yexus tuz kwg yog neeg Naxales.”
Yexus tes has cud tas, “Niz yog kud ntag.”
Yudas tuz kwg ntxeeb sas tu Yexus, niz nrug cud siab ua ke qhai has. 6Thaws Yexus has tu cud tas, “Niz yog kud ntag,” cud thias ncho rob qaas has qawg piag luz tu hub aab. 7Yexus rob qaas noog cud has tas, “Mej tuaj nrhab tuz twg?”
Cud tes has tas, “Pes tuaj nrhab Yexus tuz kwg yog neeg Naxales.”
8Yexus has tu cud has tas, “Kud ted qha tu mej has tas, niz yog kud ntag, yog mej tuaj nrhab kud tag, mej ca ni tso cob neeg na muz.” 9(Yexus has ni na kuas tab rias ni tej luz kwg Yexus has tas, “Vaid, cob neeg kwg koj muas tu kud liad, tsi muaj is tug pluj ni.”)
10Ximoos Petus coj is raas ntaaj, niz rhu hlo niz raas ntaaj tuas ntag tu tuz Pobthiaj Hlus is tug qheb saas nploojntseg xis tu nrhiab. Tuz qheb qhai hu ua Malekhus. 11Yexus has tu Petus has tas, “Koj ca ni muas koj raas ntaaj ntxig rob tu hub hnaas. Koj xaab has tas kud yiad tsi haws lus khos kwg kud Vaid muas tu kud haws na los?”
Coj Yexus Muz Cuag Anas
12Cob neeg Loos tuz thiaj tusrog has niz cob tusrog has cob Yudais cob tus ceebxwd txiad ntez Yexus has muas niz khi. 13Cud xus coj Yexus muz cuag Aanas kwg yog Kaiyafas yawdtxiv, xyoos qhai Kaiyafas yog tuz Pobthiaj Hlus. 14Kaiyafas yog tuz kwg has tu cob Yudais tej nudtswb has tas, ca is tug tuag zoo kua ca tuadtxhij tuag.
Petus tsi Leez Paws Yexus
15Ximoos Petus has muaj kua is tug thwjtid rias Yexus qaas muz. Tuz Pobthiaj Hlus paws tuz thwjtid qhai, tuz thwjtid qhai rias Yexus muz tu qhais lus tshaab puad hub tuz Pobthiaj Hlus lus tseb, 16Petus siab saas roojvaag nraw. Tuz thwjtid kwg tuz Pobthiaj Hlus paws, niz tiad tuaj has tu tuz ntxhais qheb kwg nyos qhais roojvaag kuas coj Petus luz tu hub tseb. 17Tuz ntxhais qheb kwg nyos qhais roojvaag has tu Petus has tas, “Koj yog tuz yiag kwg rawg ntez qhai is tug thwjtid los sab?”
Petus tes has tas, “Kud tsi yog.”
18Hmo qhai na heeb. Cob tusqhe has cob tus ceebxwd rawb taw is cus thee, has tuadtxhij siab puagncig nte. Petus txiad muz nrug cud nte has.
Tuz Pobthiaj Hlus Tawg Yexus Zaaj
19Tuz Pobthiaj Hlus noog Yexus txug Yexus cob thwjtid has Yexus tej luz qhuas qha. 20Yexus tes has tas, “Kud taasmeeg qha tu neeg tuadtxhij; kud yeej istxwd qha hub tej tseb saaslaaj has hub lus Tuadtseb, cob Yudais yeej naj zag tuaj noog kud qha. Kud yeej tsi taw has is zaaj nraid nkooz qhob twg ni. 21Koj tseed yiad noog kud ua daastsi? Koj ca ni noog cob neeg kwg hnob kud qha nuad kud has nyaab tu cud; cud yeej paws tej kwg kud qha hubtsig.”
22Thaws Yexus taastod has ni qhai, muaj is tug tus ceebxwd nyos ze qhai, txiad ca ni tuas tiag ncuab tu Yexus ntsejmuag has has tas, “Koj tes tuz Pobthiaj Hlus ni ko los!”
23Yexus tes has tas, “Yog kud has txhud, koj ca ni qha kud qhob txhud tu tuadtxhij paws. Tadsis yog kud has tsees, ua caaz koj laad ntaws kud ua daastsi?”
24Ces Aanas txiad xaa Yexus muz tu Kaiyafas kwg yog tuz Pobthiaj Hlus, thaws qhai cud tseed khi riab Yexus.
Petus Rob Qaas tsi Leez Paws Yexus
25Thaws Ximoos Petus tseed siab nte tiag, cob neeg kwg nyos qhais has tu Petus has tas, “Koj yog tuz yiag kwg rawg ntez qhai is tug thwjtid los tsi yog?”
Tadsis Petus tsi leez ni, Petus has tas, “Kud tsi yog.”
26Tuz Pobthiaj Hlus is tug qheb kwg yog tuz yiag kwg Petus txab is saas nploojntseg tu qhais is tug kwbtij txiad noog Petus has tas, “Puas yog kud ted pud koj nrug tuz yiag qhai nyos hub vaaj?”
27Petus rob qaas has tas, “Tsi yog kud.” Taadsij qhai qas txiad qua.
Coj Yexus Muz Cuag Philaj
28Thaws pud keb txoog, cud coj Yexus tiad hub Kaiyafas tseb muz tu qhais Philaj lus loog. Cob Yudais tej nudtswb tsi yeed muz hub lus loog, tu qhob cud tsi xaab ua kuas cud tsi hub, cud ha noj taw rooj mo kwg ua Kebcai Hlaa Dhaw. 29Yog ni qhai, Philaaj ha tiad muz noog cud has tas, “Tuz yiag na ua txhud daastsi, mej ha coj niz tuaj cuag kud?”
30Cud tes has tas, “Yog niz tsi taw ua txhud, pes yeej tsi coj niz tuaj cuag koj.”
31Philaaj has tu cud tas, “Mej ca ni coj niz muz has tawg niz zaaj rias ni mej txuj kebcai.”
Cob Yudais tes has tas, “Pes tsi muaj cai muas tuz twg tua laidtaa.” 32(Qhob na muaj rias ni tej luz kwg Yexus ted qha ua ntej liad has tas niz yiad tuag nyaab.)
33Philaaj rob qaas muz tu hub loog has hu Yexus luz cuag niz. Philaaj noog Yexus has tas, “Koj yog cob Yudais tuz vaajntxwb los?”
34Yexus tes has tas, “Koj noog kud rias ni koj paws lossis yog lwd tuz qha kud zaaj tu koj nyaz?”
35Philaaj tes has tas, “Koj xaab has tas kud yog neeg Yudais na los? Ted yog koj yaad neeg has cob thiaj qhai cob pobthiaj ntez koj tuaj tu kud nyaz. Koj ua txhud daastsi?”
36Yexus tes has tas, “Kud lus teschias tsi yog lus ntajtes na. Yog kud lus teschias yog lus ntajtes na, cob neeg rias kud qaas yeej yiad tiadtsaad kuas yeej, tsi pus tuz twg ntez taw kud coj muz tu cob Yudais tej nudtswb. Tadsis kud lus teschias tsi yog lus ntajtes na.”
37Philaaj noog Yexus has tas, “Yog ni qhai, koj yog is tug vaajntxwb los?”
Yexus tes has tas, “Koj yog tuz kwg hu kud ua vaajntxwb. Ted yog vid ni na, kud ha luz yug tu hub lus ntajtes na has qha qhob tsees. Txhua tuz kwg nyad qhob tsees yeej noog kud luz.”
38Philaaj noog Yexus has tas, “Qhob tsees yog daastsi?”
Txabtxid Muas Yexus Tua
Thaws Philaaj has ni qhai taaz, Philaaj tiad rob muz cuag cob Yudais tusaas nraw has has tu cud tas, “Kud pud has tas niz tsi taw ua is qhob txhud kwg txaws txabtxid taw tu niz tis. 39Tadsis rias ni mej txuj kebcai, txhua zag kwg mej ua Kebcai Hlaa Dhaw kud tso is tug neeg rawg txid tu mej, thaws lus caij kwg mej ua Kebcai Hlaa Dhaw. Mej puas xaab kuas kud tso cob Yudais tuz Vaajntxwb?”
40Cud txiad has nrob nrob tu Philaaj has tas, “Tsi xod tso tuz yiag qhai, koj ca ni tso Npalanpas nyaz.” (Npalanpas yog is tug neeg ntxeeb nud ntxeeb tswb.)
Currently Selected:
Yawhaas 18: CQD2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Yawhaas 18
18
Ntez Yexus
1Thaws Yexus thob Vaajtswb taaz liad, Yexus coj niz cob thwjtid hlaa lus kwj haa Kiloos muz tusaas tid. Qhob qhai muaj is lus vaaj, has Yexus has niz cob thwjtid txiad muz tu hub lus vaaj qhai. 2Yudas tuz kwg ntxeeb sas tu Yexus yeej paws qhob chia qhai has, tu qhob Yexus ted coj cob thwjtid muz ntaw zag hub lus vaaj qhai liad. 3Yog ni qhai, Yudas ha coj is paas tusrog Loos has cob kwg zub lus Tuadtseb qeetuz kwg cob thiaj qhai cob pobthiaj has cob Falixais tso tuaj tu hub lus vaaj; cud nqaa ntaaj, tias tees, has tias tsaw cig laad lug tuaj. 4Yexus yeej paws tej xwd kwg niz yiad rawg, niz txaab zoz muz noog cud has tas, “Mej tuaj nrhab tuz twg?”
5Cud tes has tas, “Pes tuaj nrhab Yexus tuz kwg yog neeg Naxales.”
Yexus tes has cud tas, “Niz yog kud ntag.”
Yudas tuz kwg ntxeeb sas tu Yexus, niz nrug cud siab ua ke qhai has. 6Thaws Yexus has tu cud tas, “Niz yog kud ntag,” cud thias ncho rob qaas has qawg piag luz tu hub aab. 7Yexus rob qaas noog cud has tas, “Mej tuaj nrhab tuz twg?”
Cud tes has tas, “Pes tuaj nrhab Yexus tuz kwg yog neeg Naxales.”
8Yexus has tu cud has tas, “Kud ted qha tu mej has tas, niz yog kud ntag, yog mej tuaj nrhab kud tag, mej ca ni tso cob neeg na muz.” 9(Yexus has ni na kuas tab rias ni tej luz kwg Yexus has tas, “Vaid, cob neeg kwg koj muas tu kud liad, tsi muaj is tug pluj ni.”)
10Ximoos Petus coj is raas ntaaj, niz rhu hlo niz raas ntaaj tuas ntag tu tuz Pobthiaj Hlus is tug qheb saas nploojntseg xis tu nrhiab. Tuz qheb qhai hu ua Malekhus. 11Yexus has tu Petus has tas, “Koj ca ni muas koj raas ntaaj ntxig rob tu hub hnaas. Koj xaab has tas kud yiad tsi haws lus khos kwg kud Vaid muas tu kud haws na los?”
Coj Yexus Muz Cuag Anas
12Cob neeg Loos tuz thiaj tusrog has niz cob tusrog has cob Yudais cob tus ceebxwd txiad ntez Yexus has muas niz khi. 13Cud xus coj Yexus muz cuag Aanas kwg yog Kaiyafas yawdtxiv, xyoos qhai Kaiyafas yog tuz Pobthiaj Hlus. 14Kaiyafas yog tuz kwg has tu cob Yudais tej nudtswb has tas, ca is tug tuag zoo kua ca tuadtxhij tuag.
Petus tsi Leez Paws Yexus
15Ximoos Petus has muaj kua is tug thwjtid rias Yexus qaas muz. Tuz Pobthiaj Hlus paws tuz thwjtid qhai, tuz thwjtid qhai rias Yexus muz tu qhais lus tshaab puad hub tuz Pobthiaj Hlus lus tseb, 16Petus siab saas roojvaag nraw. Tuz thwjtid kwg tuz Pobthiaj Hlus paws, niz tiad tuaj has tu tuz ntxhais qheb kwg nyos qhais roojvaag kuas coj Petus luz tu hub tseb. 17Tuz ntxhais qheb kwg nyos qhais roojvaag has tu Petus has tas, “Koj yog tuz yiag kwg rawg ntez qhai is tug thwjtid los sab?”
Petus tes has tas, “Kud tsi yog.”
18Hmo qhai na heeb. Cob tusqhe has cob tus ceebxwd rawb taw is cus thee, has tuadtxhij siab puagncig nte. Petus txiad muz nrug cud nte has.
Tuz Pobthiaj Hlus Tawg Yexus Zaaj
19Tuz Pobthiaj Hlus noog Yexus txug Yexus cob thwjtid has Yexus tej luz qhuas qha. 20Yexus tes has tas, “Kud taasmeeg qha tu neeg tuadtxhij; kud yeej istxwd qha hub tej tseb saaslaaj has hub lus Tuadtseb, cob Yudais yeej naj zag tuaj noog kud qha. Kud yeej tsi taw has is zaaj nraid nkooz qhob twg ni. 21Koj tseed yiad noog kud ua daastsi? Koj ca ni noog cob neeg kwg hnob kud qha nuad kud has nyaab tu cud; cud yeej paws tej kwg kud qha hubtsig.”
22Thaws Yexus taastod has ni qhai, muaj is tug tus ceebxwd nyos ze qhai, txiad ca ni tuas tiag ncuab tu Yexus ntsejmuag has has tas, “Koj tes tuz Pobthiaj Hlus ni ko los!”
23Yexus tes has tas, “Yog kud has txhud, koj ca ni qha kud qhob txhud tu tuadtxhij paws. Tadsis yog kud has tsees, ua caaz koj laad ntaws kud ua daastsi?”
24Ces Aanas txiad xaa Yexus muz tu Kaiyafas kwg yog tuz Pobthiaj Hlus, thaws qhai cud tseed khi riab Yexus.
Petus Rob Qaas tsi Leez Paws Yexus
25Thaws Ximoos Petus tseed siab nte tiag, cob neeg kwg nyos qhais has tu Petus has tas, “Koj yog tuz yiag kwg rawg ntez qhai is tug thwjtid los tsi yog?”
Tadsis Petus tsi leez ni, Petus has tas, “Kud tsi yog.”
26Tuz Pobthiaj Hlus is tug qheb kwg yog tuz yiag kwg Petus txab is saas nploojntseg tu qhais is tug kwbtij txiad noog Petus has tas, “Puas yog kud ted pud koj nrug tuz yiag qhai nyos hub vaaj?”
27Petus rob qaas has tas, “Tsi yog kud.” Taadsij qhai qas txiad qua.
Coj Yexus Muz Cuag Philaj
28Thaws pud keb txoog, cud coj Yexus tiad hub Kaiyafas tseb muz tu qhais Philaj lus loog. Cob Yudais tej nudtswb tsi yeed muz hub lus loog, tu qhob cud tsi xaab ua kuas cud tsi hub, cud ha noj taw rooj mo kwg ua Kebcai Hlaa Dhaw. 29Yog ni qhai, Philaaj ha tiad muz noog cud has tas, “Tuz yiag na ua txhud daastsi, mej ha coj niz tuaj cuag kud?”
30Cud tes has tas, “Yog niz tsi taw ua txhud, pes yeej tsi coj niz tuaj cuag koj.”
31Philaaj has tu cud tas, “Mej ca ni coj niz muz has tawg niz zaaj rias ni mej txuj kebcai.”
Cob Yudais tes has tas, “Pes tsi muaj cai muas tuz twg tua laidtaa.” 32(Qhob na muaj rias ni tej luz kwg Yexus ted qha ua ntej liad has tas niz yiad tuag nyaab.)
33Philaaj rob qaas muz tu hub loog has hu Yexus luz cuag niz. Philaaj noog Yexus has tas, “Koj yog cob Yudais tuz vaajntxwb los?”
34Yexus tes has tas, “Koj noog kud rias ni koj paws lossis yog lwd tuz qha kud zaaj tu koj nyaz?”
35Philaaj tes has tas, “Koj xaab has tas kud yog neeg Yudais na los? Ted yog koj yaad neeg has cob thiaj qhai cob pobthiaj ntez koj tuaj tu kud nyaz. Koj ua txhud daastsi?”
36Yexus tes has tas, “Kud lus teschias tsi yog lus ntajtes na. Yog kud lus teschias yog lus ntajtes na, cob neeg rias kud qaas yeej yiad tiadtsaad kuas yeej, tsi pus tuz twg ntez taw kud coj muz tu cob Yudais tej nudtswb. Tadsis kud lus teschias tsi yog lus ntajtes na.”
37Philaaj noog Yexus has tas, “Yog ni qhai, koj yog is tug vaajntxwb los?”
Yexus tes has tas, “Koj yog tuz kwg hu kud ua vaajntxwb. Ted yog vid ni na, kud ha luz yug tu hub lus ntajtes na has qha qhob tsees. Txhua tuz kwg nyad qhob tsees yeej noog kud luz.”
38Philaaj noog Yexus has tas, “Qhob tsees yog daastsi?”
Txabtxid Muas Yexus Tua
Thaws Philaaj has ni qhai taaz, Philaaj tiad rob muz cuag cob Yudais tusaas nraw has has tu cud tas, “Kud pud has tas niz tsi taw ua is qhob txhud kwg txaws txabtxid taw tu niz tis. 39Tadsis rias ni mej txuj kebcai, txhua zag kwg mej ua Kebcai Hlaa Dhaw kud tso is tug neeg rawg txid tu mej, thaws lus caij kwg mej ua Kebcai Hlaa Dhaw. Mej puas xaab kuas kud tso cob Yudais tuz Vaajntxwb?”
40Cud txiad has nrob nrob tu Philaaj has tas, “Tsi xod tso tuz yiag qhai, koj ca ni tso Npalanpas nyaz.” (Npalanpas yog is tug neeg ntxeeb nud ntxeeb tswb.)
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.