Yawhaas 20
20
Yexus Siab hub Qhob Tuag Rob Qaas Luz
1Hnooskaaj thaws siab ntxub pud keb txoog, Malis Madalas muz txug qhais lus ntxaa has niz pud daid txaz zes kwg npug lus rooj ntxaas ted dlos tu is saas liad. 2Malis txiad dha rob qaas luz cuag Ximoos Petus has tuz thwjtid kwg Yexus hlus, has niz has tu ostug tas, “Cud ted muas tuz Tswb coj tiad hub qhob ntxaa liad, pes tsi paws xyob cud coj niz muz tso tu qhob twg liad.”
3Petus has tuz thwjtid qhai txiad muz tu tod lus ntxaa. 4Ostug sis tw dha muz, tadsis tuz thwjtid qhai dha ceeb kua Petus, niz txiad xus muz txug qhais lus ntxaa. 5Niz nyo ntshid muz xuj hub lus ntxaa, niz pud daid ntaws maas kwg qhwb Yexus hle ua is piag tu hub, tadsis niz tsi nkaas muz tu hub. 6Thaws Ximoos Petus muz txug, niz txiad nkaas pliaz muz nuad hub lus qhob ntxaa. Niz pud daid ntaws maas kwg qhwb Yexus hle ua is piag tu hub, 7has niz pud daid ntaws kwg qhwb Yexus tawshaw tais tso tu is caag, tsi nyos nrug daid ntaws maas kwg qhwb Yexus lus ceb. 8Tuz thwjtid kwg xus muz txug qhais lus ntxaa maad ni muz tu hub, niz taw pud tej qhai has ntseeg. 9(Ostug tseed tsi taw totaws Vaajtswb txujlug kwg has tas, niz yiad siab hub qhob tuag rob qaas luz.) 10Tod qaas qhai, cob thwjtid rob qaas luz tseb liad.
Yexus Tshwd tu Malis Madalas Pud
11Tadsis Malis tseed siab qhai lus qhob ntxaa saas nraw quaj. Thaws niz tseed quaj quaj qhai, niz nyo ntshid xuj hub lus qhob ntxaa 12has niz pud os tug tidtswb hnaab rig tsho dias pawg nyos qhais qhob chia kwg tso Yexus lus ceb tu, is tug nyos pes tawshaw has is tug nyos nraaz kuatia. 13Ostug noog Malis has tas, “Mintxhais, ua nyaab koj quaj?”
Malis tes ostug has tas, “Xyob cud coj kud tuz Tswb muz tso tu qhob twg liad, kud tsi paws ni.”
14Thaws Malis has ni qhai taaz, niz tig hlo luz pud Yexus siab qhai niz is saas, tadsis niz tsi paws has tas yog Yexus. 15Yexus noog Malis has tas, “Mintxhais, ua nyaab koj quaj?”
Malis xaab has tas Yexus yog tuz yiag kwg tu lus vaaj qhai, niz txiad noog has tas, “Tuz tswb, yog koj muas niz muz tso tu qhob twg liad, thob koj qha tu kud, kud yiad muz coj niz rob qaas luz.”
16Yexus has tu Malis has tas, “Malis!”
Malis tig hlo muz nuad Yexus, has ua luz Henplais has tu Yexus has tas, “Lanpawnis!” (Lu luz na txhais has tas, “Xisfws.”)
17Yexus has tu Malis has tas, “Koj tsi xod tuab kud, tu qhob kud tseed tsi taw rob muz cuag kud Vaid. Koj ca ni muz has tu kud cob kwbtij has tas, kud yiad rob muz cuag tuz kwg yog kud Vaid has mej Vaid, niz yog kud tuz Vaajtswb has mej tuz Vaajtswb.”
18Yog ni qhai, Malis Madalas txiad rob qaas muz qha tu cob thwjtid has tas, “Kud ted pud tuz Tswb liad,” has Malis qha Yexus tej luz tu cud.
Yexus Luz Tshwd tu Cob Thwjtid Pud
19Hnooskaaj thaws tsaws ntuj, cob thwjtid sissaw ua ke tu hub is lus tseb has laaz qhob rooj hubtsig, tu qhob cud ntshai cob Yudais tej nudtswb. Thaws qhai, Yexus luz siab nruasnraas hub cud, Yexus has tu cud tas, “Mej ca ni muaj keb kaajsas.” 20Thaws Yexus has ni qhai taaz, niz ceb niz os txhais tez has tid niz saas taab tu cud nuad. Cob thwjtid zoo sas heeb, tu qhob cud pud tus Tswb liad. 21Yexus rob has tu cud kua has tas, “Mej ca ni muaj keb kaajsas. Leej Vaid txis kud luz nyaab, kud yiad txis mej muz is yaad nkaws ni qhai.” 22Thaws Yexus has ni qhai taaz, niz txiad tshuas paa tu cud has has tas, “Mej ca ni txais yuab Vaaj Ntsujplig tuz Diashub. 23Yog mej zaad txid tu tuz twg, Vaajtswb yiad zaad txid tu tuz qhai; yog mej tsi zaad txid tu tuz twg, Vaajtswb yiad tsi zaad tuz qhai lus txid has.”
Yexus has Thaumas
24Thaumas (tuz kwg muaj kua is lus npe hu ua Ntxais) yog is tug qhai kawd os tug thwjtid, niz tsi nrug cob thwjtid nyos ua ke thaws Yexus luz tshwd tu cud pud. 25Cob thwjtid qha tu Thaumas has tas, “Pes ted pud tuz Tswb liad.”
Thaumas has tu cud has tas, “Yog kud tsi pud cob qhob ntsa hlaw qhai niz xisteg, kud tsi taw muas kud tuz ntibtez xuas cob qhob ntsa hlaw has yog kud tsi taw xuas lus qhob cud nkawg niz saas taab, mas kud yeej tsi ntseeg ni.”
26Taw is liztad tod qaas Yexus cob thwjtid rob tuaj sissaw tu hub lus tseb qhai kua, zag na Thaumas nrug cud nyos. Cud laaz qhob rooj hubtsig, tadsis Yexus ca ni luz siab nruasnraas hub cud has has tas, “Mej ca ni muaj keb kaajsas.” 27Yexus has tu Thaumas has tas, “Koj ca ni nuad kud os txhais tez has ceb koj tuz ntibtez luz xuas. Ceb koj txhais tez luz xuas lus qhob qhai kud saas taab. Tsi xod ua xyedxyaab, ca ni ntseeg.”
28Thaumas tes Yexus has tas, “Koj yog kud tuz Tswb, has yog kud tuz Vaajtswb!”
29Yexus has tu Thaumas has tas, “Koj pud kud, koj has ntseeg los? Tuz kwg tsi taw pud kud tadsis niz ntseeg, tuz qhai taw kooshmoob.”
Phaw Ntiab Na Lus Ntsas Luz
30Yexus ua ntaw yaad txujci tseedcees tu niz cob thwjtid pud, tadsis tsi taw muas saw tu hub phaw ntiab na. 31Tej kwg saw tu hub phaw ntiab na yog saw luz qha kuas mej ntseeg#20.31 ntseeg; tej qhoo qus has tas raws sas ntseeg. has tas, Yexus yog tuz Mexiyas kwg yog Vaajtswb leej Tus, tuadtxhij kwg ntseeg Niz, yiad taw txujsa.
Currently Selected:
Yawhaas 20: CQD2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Yawhaas 20
20
Yexus Siab hub Qhob Tuag Rob Qaas Luz
1Hnooskaaj thaws siab ntxub pud keb txoog, Malis Madalas muz txug qhais lus ntxaa has niz pud daid txaz zes kwg npug lus rooj ntxaas ted dlos tu is saas liad. 2Malis txiad dha rob qaas luz cuag Ximoos Petus has tuz thwjtid kwg Yexus hlus, has niz has tu ostug tas, “Cud ted muas tuz Tswb coj tiad hub qhob ntxaa liad, pes tsi paws xyob cud coj niz muz tso tu qhob twg liad.”
3Petus has tuz thwjtid qhai txiad muz tu tod lus ntxaa. 4Ostug sis tw dha muz, tadsis tuz thwjtid qhai dha ceeb kua Petus, niz txiad xus muz txug qhais lus ntxaa. 5Niz nyo ntshid muz xuj hub lus ntxaa, niz pud daid ntaws maas kwg qhwb Yexus hle ua is piag tu hub, tadsis niz tsi nkaas muz tu hub. 6Thaws Ximoos Petus muz txug, niz txiad nkaas pliaz muz nuad hub lus qhob ntxaa. Niz pud daid ntaws maas kwg qhwb Yexus hle ua is piag tu hub, 7has niz pud daid ntaws kwg qhwb Yexus tawshaw tais tso tu is caag, tsi nyos nrug daid ntaws maas kwg qhwb Yexus lus ceb. 8Tuz thwjtid kwg xus muz txug qhais lus ntxaa maad ni muz tu hub, niz taw pud tej qhai has ntseeg. 9(Ostug tseed tsi taw totaws Vaajtswb txujlug kwg has tas, niz yiad siab hub qhob tuag rob qaas luz.) 10Tod qaas qhai, cob thwjtid rob qaas luz tseb liad.
Yexus Tshwd tu Malis Madalas Pud
11Tadsis Malis tseed siab qhai lus qhob ntxaa saas nraw quaj. Thaws niz tseed quaj quaj qhai, niz nyo ntshid xuj hub lus qhob ntxaa 12has niz pud os tug tidtswb hnaab rig tsho dias pawg nyos qhais qhob chia kwg tso Yexus lus ceb tu, is tug nyos pes tawshaw has is tug nyos nraaz kuatia. 13Ostug noog Malis has tas, “Mintxhais, ua nyaab koj quaj?”
Malis tes ostug has tas, “Xyob cud coj kud tuz Tswb muz tso tu qhob twg liad, kud tsi paws ni.”
14Thaws Malis has ni qhai taaz, niz tig hlo luz pud Yexus siab qhai niz is saas, tadsis niz tsi paws has tas yog Yexus. 15Yexus noog Malis has tas, “Mintxhais, ua nyaab koj quaj?”
Malis xaab has tas Yexus yog tuz yiag kwg tu lus vaaj qhai, niz txiad noog has tas, “Tuz tswb, yog koj muas niz muz tso tu qhob twg liad, thob koj qha tu kud, kud yiad muz coj niz rob qaas luz.”
16Yexus has tu Malis has tas, “Malis!”
Malis tig hlo muz nuad Yexus, has ua luz Henplais has tu Yexus has tas, “Lanpawnis!” (Lu luz na txhais has tas, “Xisfws.”)
17Yexus has tu Malis has tas, “Koj tsi xod tuab kud, tu qhob kud tseed tsi taw rob muz cuag kud Vaid. Koj ca ni muz has tu kud cob kwbtij has tas, kud yiad rob muz cuag tuz kwg yog kud Vaid has mej Vaid, niz yog kud tuz Vaajtswb has mej tuz Vaajtswb.”
18Yog ni qhai, Malis Madalas txiad rob qaas muz qha tu cob thwjtid has tas, “Kud ted pud tuz Tswb liad,” has Malis qha Yexus tej luz tu cud.
Yexus Luz Tshwd tu Cob Thwjtid Pud
19Hnooskaaj thaws tsaws ntuj, cob thwjtid sissaw ua ke tu hub is lus tseb has laaz qhob rooj hubtsig, tu qhob cud ntshai cob Yudais tej nudtswb. Thaws qhai, Yexus luz siab nruasnraas hub cud, Yexus has tu cud tas, “Mej ca ni muaj keb kaajsas.” 20Thaws Yexus has ni qhai taaz, niz ceb niz os txhais tez has tid niz saas taab tu cud nuad. Cob thwjtid zoo sas heeb, tu qhob cud pud tus Tswb liad. 21Yexus rob has tu cud kua has tas, “Mej ca ni muaj keb kaajsas. Leej Vaid txis kud luz nyaab, kud yiad txis mej muz is yaad nkaws ni qhai.” 22Thaws Yexus has ni qhai taaz, niz txiad tshuas paa tu cud has has tas, “Mej ca ni txais yuab Vaaj Ntsujplig tuz Diashub. 23Yog mej zaad txid tu tuz twg, Vaajtswb yiad zaad txid tu tuz qhai; yog mej tsi zaad txid tu tuz twg, Vaajtswb yiad tsi zaad tuz qhai lus txid has.”
Yexus has Thaumas
24Thaumas (tuz kwg muaj kua is lus npe hu ua Ntxais) yog is tug qhai kawd os tug thwjtid, niz tsi nrug cob thwjtid nyos ua ke thaws Yexus luz tshwd tu cud pud. 25Cob thwjtid qha tu Thaumas has tas, “Pes ted pud tuz Tswb liad.”
Thaumas has tu cud has tas, “Yog kud tsi pud cob qhob ntsa hlaw qhai niz xisteg, kud tsi taw muas kud tuz ntibtez xuas cob qhob ntsa hlaw has yog kud tsi taw xuas lus qhob cud nkawg niz saas taab, mas kud yeej tsi ntseeg ni.”
26Taw is liztad tod qaas Yexus cob thwjtid rob tuaj sissaw tu hub lus tseb qhai kua, zag na Thaumas nrug cud nyos. Cud laaz qhob rooj hubtsig, tadsis Yexus ca ni luz siab nruasnraas hub cud has has tas, “Mej ca ni muaj keb kaajsas.” 27Yexus has tu Thaumas has tas, “Koj ca ni nuad kud os txhais tez has ceb koj tuz ntibtez luz xuas. Ceb koj txhais tez luz xuas lus qhob qhai kud saas taab. Tsi xod ua xyedxyaab, ca ni ntseeg.”
28Thaumas tes Yexus has tas, “Koj yog kud tuz Tswb, has yog kud tuz Vaajtswb!”
29Yexus has tu Thaumas has tas, “Koj pud kud, koj has ntseeg los? Tuz kwg tsi taw pud kud tadsis niz ntseeg, tuz qhai taw kooshmoob.”
Phaw Ntiab Na Lus Ntsas Luz
30Yexus ua ntaw yaad txujci tseedcees tu niz cob thwjtid pud, tadsis tsi taw muas saw tu hub phaw ntiab na. 31Tej kwg saw tu hub phaw ntiab na yog saw luz qha kuas mej ntseeg#20.31 ntseeg; tej qhoo qus has tas raws sas ntseeg. has tas, Yexus yog tuz Mexiyas kwg yog Vaajtswb leej Tus, tuadtxhij kwg ntseeg Niz, yiad taw txujsa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.