Chibkees 25
25
Anplahaas has Ketulas Cob Xeesntxwz
(1 Xwdtxheej Vaajntxwb 1.32-33)
1Anplahaas yuab kua is tug puj tshas, niz lus npe hu ua Ketulas. 2Ketulas yug taw Xeelas, Yawsaas, Medas, Midias, Isinpas has Suas tu Anplahaas. 3Yawsaas yog Senpas has Dedaas ostug vaid, has Dedaas cob xeesntxwz yog cob Asulees, cob Letusees has cob Le-umees. 4Midias cob tus yog Efas, Efelas, Hanawj, Anpidas has Eladas. Taaznrhiab cob na puabtsig yog Ketulas cob xeesntxwz.
5Anplahaas tso txhua yaad kwg yog niz tej qustxeeg qusteg tu Ixaj, 6tadsis thaws Anplahaas tseed ua neej nyos, niz ted muas niz lus cuastaad istxha fais tu niz os tug nadyaw tej tus liad has. Ces niz ha muas cob tus na cais muz nyos tusaas hnoostuaj, kuas nyos nrug kes qhais niz tuz tus Ixaj.
Anplahaas Tuag has Muas Niz Loz
7Anplahaas ua neej nyos taw is puas xyaa cawd tsis xyoos. 8Anplahaas txiad tuag thaws niz muaj hnoosnyood lawz liad, niz yog is tug neeg lawz has muaj hnoosnyood nyos nteb heeb; niz maad tuag muz nrug niz tej kwbtij has niz tej yiadkoos kwg ted xus tuag liad nyos. 9Niz os tug tus, Ixaj has Yisamayees coj Anplahaas lus ceb muz loz tu hub lus Qhob tsua Makepelas kwg nyos ze tu qhais Maales saas hnoostuaj, hub Xawhas tuz tus Efaloos kwg yog neeg Hitis thaaj tes. 10Yaab nraaz ntej Anplahaas ted yuab thaaj tes na luz qhais cob neeg Hitis liad, cud ha kwb Anplahaas muz loz nrug Xalas kwg yog niz tuz puj ua ke tu hub.#Chk 23.3-16 11Tod qaas kwg Anplahaas tuag liad, Vaajtswb taw food kooshmoob tu niz tuz tus Ixaj. Thaws qhai Ixaj nyos ze qhais Npe Lahais Law-is “Lus Qhobdej Kwg Yog Tuz Muaj Sa Nyos Has Tuz Pud kud.”
Yisamayees Cob Xeesntxwz
(1 Xwdtxheej Vaajntxwb 1.28-31)
12Qhais na yog has txug Anplahaas tuz tus Yisamayees caajcez kwg yog Xalas tuz ntxhais qheb Hankas kwg yog neeg Izib yug tu Anplahaas. 13Yisamayees muaj kawd os tug tus, has teeb cud tej npe is tug zuj zug kwg yog pib tuz tus hlus muz txug tuz tus ntxiag muaj rias ni na: Nenpayaws, Kedas, Anpees, Mixames, 14Misemas, Dumas, Maxas, 15Hadas, Temas, Yetus, Nafises has Kedemas. 16Cud yog yiadkoos qhais kawd os xeed neeg, has cud muas cud tej zog has tej chia nyos tis npe rias ni cud tej npe. 17Yisamayees muaj hnoosnyood is puas pes cawg xyaa xyoo tu thaws niz tuag muz nrug niz tej kwbtij, tej yiadkoos kwg ted xus tuag ua ntej liad nyos. 18Yisamayees cob xeesntxwz nyos tu hub cheestsaad nruasnraas qhais Havilas has Sules kwg ze teschias Izib saas hnoostuaj qhais txuj keb muz tu pez teschias Axilias. Cud nyos cud tu is qho tsi xyia cud cob kwbtij kwg yog Anplahaas cob xeesntxwz.
Yug Exaws has Yakhawj
19Qhais na yog has txug Anplahaas tuz tus Ixaj lus neej. 20Ixaj hnoosnyood muaj plaws cawg xyoo tu thaws niz yuab Lanpaas tuz muad Lenpekas kwg yog Npethuyees tuz ntxhais luz ua puj. Npethu-ees yog neeg Alamees kwg nyos pez teschias Padaas Alaas. 21Vid Lenpekas yeej istxwd xees tsi tawz tus ni, Ixaj ha thob tuz Tswb pus minyuas tu Lenpekas. Tuz Tswb ha tes Ixaj tej luz thob, has Lenpekas txiad xees tus liad. 22Lenpekas hai os tug minyuas ntxais. Thaws tseed tsi taw yug, ostug is tug ted tuad is tug hub tuz nad plaas liad. Lenpekas ha has tas, “Vid nicaaz muaj tej yaad xwdtxheej zoo ni na tu kud?” Yog ni qhai, niz ha noog tuz Tswb nuad yog vid nicaaz.
23Tuz Tswb has tu Lenpekas tas,
“Muaj os yaad neeg nyos hub koj plaas;
Koj yiad yug taw os yaad neeg kwg yiad sis tiadtsaad.
Is tug yiad muaj zug tshaaj is tug;
Tuz tij yiad ua tuz kwb qheb.”#Loo 9.12
24Thaws txug caij yug liad, Lenpekas ha yug taw os tug tus ntxais. 25Thiaj tuz tus nqaj tia las, has tuaj plaws nplwg loo zoo ni lus tsho nteb kwg muas tej plaws tsaj ua. Yog ni qhai, ha tis niz lus npe hu ua Exaws.#25.25 Exaws: Lus npe na tis rias ni Xeles, Xeles yog cheestsaad kwg tod qaas na Exaws cob xeesntxwz nyos; lu luz Xeles, has ni Henplais lu luz kwg has tas, “tuaj plaws” 26Thaws kwg yug taw tuz kwb, tuz kwb tuab riab Exaws lus lawjtaws. Yog ni qhai, ha tis niz lus npe hu ua Yakhawj.#25.26 Yakhawj: Lus npe na has ni Henplais lu luz kwg has tas, “lawjtaws.” Ixaj hnoosnyood muaj raw cawd xyoo tu thaws kwg Lenpekas yug taw os tug tus ntxais qhai.
Exaws Muas Niz Lus Meej Mod Tijlawg tu Yakhawj
27Thaws os tug tus qhai luj hlus tab hluas liad, Exaws yog is tug kwg txiaj tua nqaj, niz yog is tug neeg nyad plhos haab zoob heeb, tadsis Yakhawj yog is tug neeg ncawj luz tsiag has niz nyad nyos hub tseb nyaz. 28Ixaj nyad Exaws kua, tu qhob Ixaj nyad noj tej nqaj tsaj qud kwg Exaws muz plhos tua taw luz, tadsis Lenpekas nyad Yakhawj kua.
29Muaj is hnoos thaws Yakhawj taastod haw isntsis tawd tu hub qhobcus, Exaws muz plhos tua nqaj luz txug. Niz tshais plaas heeb 30has niz has tu Yakhawj tas, “Kud tshais plaas heeb liad, thob muas koj lawjkaws tawd las isntsis pus tu kud noj.” (Ted yog vid ni qhai ha muas niz tis npe hu ua Edoos.)#25.30 Edoos: Lus npe na has ni Henplais lu luz kwg has tas, “las.”
31Yakhawj tes has tas, “Yog koj muas koj lus meej mod kwg yog tijlawg tu kud, kud ha yiad pus tu koj noj.”
32Exaws tes has tas, “Ua ni los mas! Kud ted yiad tuag tshais qhais na, lus nyuas meej mod ua tij yiad muaj qaashaw daastsi tu kud?”
33Yakhawj tes has tas, “Koj yiadtsud xus cogluz ua ntej tu kud has tas, koj yiadtsud muas lus meej mod ua tij qhai tu kud taws.”
Exaws ha cogluz tseg has muas niz lus meej mod ua tijlawg tu Yakhawj.#Hen 12.16 34Ces Yakhawj txiad muas isntsis ncuab has isntsis tawd tu Exaws. Thaws niz noj taaz, ces niz txiad siab muz liad. Qhob qhai ted yog Exaws ua nuad tsi tawz niz lus meej mod tijlawg.
Currently Selected:
Chibkees 25: CQD2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Chibkees 25
25
Anplahaas has Ketulas Cob Xeesntxwz
(1 Xwdtxheej Vaajntxwb 1.32-33)
1Anplahaas yuab kua is tug puj tshas, niz lus npe hu ua Ketulas. 2Ketulas yug taw Xeelas, Yawsaas, Medas, Midias, Isinpas has Suas tu Anplahaas. 3Yawsaas yog Senpas has Dedaas ostug vaid, has Dedaas cob xeesntxwz yog cob Asulees, cob Letusees has cob Le-umees. 4Midias cob tus yog Efas, Efelas, Hanawj, Anpidas has Eladas. Taaznrhiab cob na puabtsig yog Ketulas cob xeesntxwz.
5Anplahaas tso txhua yaad kwg yog niz tej qustxeeg qusteg tu Ixaj, 6tadsis thaws Anplahaas tseed ua neej nyos, niz ted muas niz lus cuastaad istxha fais tu niz os tug nadyaw tej tus liad has. Ces niz ha muas cob tus na cais muz nyos tusaas hnoostuaj, kuas nyos nrug kes qhais niz tuz tus Ixaj.
Anplahaas Tuag has Muas Niz Loz
7Anplahaas ua neej nyos taw is puas xyaa cawd tsis xyoos. 8Anplahaas txiad tuag thaws niz muaj hnoosnyood lawz liad, niz yog is tug neeg lawz has muaj hnoosnyood nyos nteb heeb; niz maad tuag muz nrug niz tej kwbtij has niz tej yiadkoos kwg ted xus tuag liad nyos. 9Niz os tug tus, Ixaj has Yisamayees coj Anplahaas lus ceb muz loz tu hub lus Qhob tsua Makepelas kwg nyos ze tu qhais Maales saas hnoostuaj, hub Xawhas tuz tus Efaloos kwg yog neeg Hitis thaaj tes. 10Yaab nraaz ntej Anplahaas ted yuab thaaj tes na luz qhais cob neeg Hitis liad, cud ha kwb Anplahaas muz loz nrug Xalas kwg yog niz tuz puj ua ke tu hub.#Chk 23.3-16 11Tod qaas kwg Anplahaas tuag liad, Vaajtswb taw food kooshmoob tu niz tuz tus Ixaj. Thaws qhai Ixaj nyos ze qhais Npe Lahais Law-is “Lus Qhobdej Kwg Yog Tuz Muaj Sa Nyos Has Tuz Pud kud.”
Yisamayees Cob Xeesntxwz
(1 Xwdtxheej Vaajntxwb 1.28-31)
12Qhais na yog has txug Anplahaas tuz tus Yisamayees caajcez kwg yog Xalas tuz ntxhais qheb Hankas kwg yog neeg Izib yug tu Anplahaas. 13Yisamayees muaj kawd os tug tus, has teeb cud tej npe is tug zuj zug kwg yog pib tuz tus hlus muz txug tuz tus ntxiag muaj rias ni na: Nenpayaws, Kedas, Anpees, Mixames, 14Misemas, Dumas, Maxas, 15Hadas, Temas, Yetus, Nafises has Kedemas. 16Cud yog yiadkoos qhais kawd os xeed neeg, has cud muas cud tej zog has tej chia nyos tis npe rias ni cud tej npe. 17Yisamayees muaj hnoosnyood is puas pes cawg xyaa xyoo tu thaws niz tuag muz nrug niz tej kwbtij, tej yiadkoos kwg ted xus tuag ua ntej liad nyos. 18Yisamayees cob xeesntxwz nyos tu hub cheestsaad nruasnraas qhais Havilas has Sules kwg ze teschias Izib saas hnoostuaj qhais txuj keb muz tu pez teschias Axilias. Cud nyos cud tu is qho tsi xyia cud cob kwbtij kwg yog Anplahaas cob xeesntxwz.
Yug Exaws has Yakhawj
19Qhais na yog has txug Anplahaas tuz tus Ixaj lus neej. 20Ixaj hnoosnyood muaj plaws cawg xyoo tu thaws niz yuab Lanpaas tuz muad Lenpekas kwg yog Npethuyees tuz ntxhais luz ua puj. Npethu-ees yog neeg Alamees kwg nyos pez teschias Padaas Alaas. 21Vid Lenpekas yeej istxwd xees tsi tawz tus ni, Ixaj ha thob tuz Tswb pus minyuas tu Lenpekas. Tuz Tswb ha tes Ixaj tej luz thob, has Lenpekas txiad xees tus liad. 22Lenpekas hai os tug minyuas ntxais. Thaws tseed tsi taw yug, ostug is tug ted tuad is tug hub tuz nad plaas liad. Lenpekas ha has tas, “Vid nicaaz muaj tej yaad xwdtxheej zoo ni na tu kud?” Yog ni qhai, niz ha noog tuz Tswb nuad yog vid nicaaz.
23Tuz Tswb has tu Lenpekas tas,
“Muaj os yaad neeg nyos hub koj plaas;
Koj yiad yug taw os yaad neeg kwg yiad sis tiadtsaad.
Is tug yiad muaj zug tshaaj is tug;
Tuz tij yiad ua tuz kwb qheb.”#Loo 9.12
24Thaws txug caij yug liad, Lenpekas ha yug taw os tug tus ntxais. 25Thiaj tuz tus nqaj tia las, has tuaj plaws nplwg loo zoo ni lus tsho nteb kwg muas tej plaws tsaj ua. Yog ni qhai, ha tis niz lus npe hu ua Exaws.#25.25 Exaws: Lus npe na tis rias ni Xeles, Xeles yog cheestsaad kwg tod qaas na Exaws cob xeesntxwz nyos; lu luz Xeles, has ni Henplais lu luz kwg has tas, “tuaj plaws” 26Thaws kwg yug taw tuz kwb, tuz kwb tuab riab Exaws lus lawjtaws. Yog ni qhai, ha tis niz lus npe hu ua Yakhawj.#25.26 Yakhawj: Lus npe na has ni Henplais lu luz kwg has tas, “lawjtaws.” Ixaj hnoosnyood muaj raw cawd xyoo tu thaws kwg Lenpekas yug taw os tug tus ntxais qhai.
Exaws Muas Niz Lus Meej Mod Tijlawg tu Yakhawj
27Thaws os tug tus qhai luj hlus tab hluas liad, Exaws yog is tug kwg txiaj tua nqaj, niz yog is tug neeg nyad plhos haab zoob heeb, tadsis Yakhawj yog is tug neeg ncawj luz tsiag has niz nyad nyos hub tseb nyaz. 28Ixaj nyad Exaws kua, tu qhob Ixaj nyad noj tej nqaj tsaj qud kwg Exaws muz plhos tua taw luz, tadsis Lenpekas nyad Yakhawj kua.
29Muaj is hnoos thaws Yakhawj taastod haw isntsis tawd tu hub qhobcus, Exaws muz plhos tua nqaj luz txug. Niz tshais plaas heeb 30has niz has tu Yakhawj tas, “Kud tshais plaas heeb liad, thob muas koj lawjkaws tawd las isntsis pus tu kud noj.” (Ted yog vid ni qhai ha muas niz tis npe hu ua Edoos.)#25.30 Edoos: Lus npe na has ni Henplais lu luz kwg has tas, “las.”
31Yakhawj tes has tas, “Yog koj muas koj lus meej mod kwg yog tijlawg tu kud, kud ha yiad pus tu koj noj.”
32Exaws tes has tas, “Ua ni los mas! Kud ted yiad tuag tshais qhais na, lus nyuas meej mod ua tij yiad muaj qaashaw daastsi tu kud?”
33Yakhawj tes has tas, “Koj yiadtsud xus cogluz ua ntej tu kud has tas, koj yiadtsud muas lus meej mod ua tij qhai tu kud taws.”
Exaws ha cogluz tseg has muas niz lus meej mod ua tijlawg tu Yakhawj.#Hen 12.16 34Ces Yakhawj txiad muas isntsis ncuab has isntsis tawd tu Exaws. Thaws niz noj taaz, ces niz txiad siab muz liad. Qhob qhai ted yog Exaws ua nuad tsi tawz niz lus meej mod tijlawg.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.