Chibkees 26
26
Ixaj Nyos hub Teschias Kelas
1Rob muaj kua keb tshais nqhes nyos hub lus teschias qhai, is yaad ni tad kwg thaws Anplahaas tseed ua neej nyos. Ixaj ha ni muz cuag Anpimelej kwg yog cob Filitees tuz Vaajntxwb hub lus nroog nkelas. 2Tuz Tswb luz tshwd tu Ixaj pud has has tu niz tas, “Koj tsi xod tsib muz tu nraaz teschias Izib; nyos tuasyws hub lus teschias na qhais thaaj chia kwg kud qha tu koj nyos. 3Nyos tuasyws qhais na nyaz, kud yiad nrugnraid koj nyos has food kooshmoob tu koj. Kud yiad muas taaznrhiab lus teschias na pus tu koj has koj cob xeesntxwz. Kud yiad ncu ntsoob tej luz kwg kud cog tseg tu koj vaid Anplahaas liad. 4Kud yiad pus kuas koj muaj xeesntxwz coos npawd ni tej hnoosqus saw nruas ntug, has kud yiad muas taaznrhiab lus teschias na pus tu cud. Has kud yiad food kooshmoob qhais koj cob xeesntxwz muz tu txhua yaad neeg kwg nyos thoos ntajtes.#Chk 22.16-18 5Kud yiad food kooshmoob tu koj, tu qhob Anplahaas noog kud luz, has coj rias ni kud tej kebcai has tej luz saadfwd txhua lu.”
6Yog ni qhai, Ixaj ha nyos tuasyws hub lus nroog Nkelas. 7Thaws cob yiag kwg nyos hub lus nroog qhai noog txug Ixaj tuz puj, niz tes cud has tas, Lenpekas yog niz tuz muad nyaz. Niz tsi yeed qha has tas, Lenpekas yog niz tuz puj, tu qhob Lenpekas zoo nkawj heeb, Ixaj ntshai nyos tsaad cob yiag kwg nyos hub lus nroog qhai tua niz laidtaa has yuab Lenpekas.#Chk 12.13; 20.2 8Thaws Ixaj has Lenpekas tseed nyos hub lus nroog qhai Vaajntxwb Anpimelej nyos hub tseb xuj qhais qhob xaadyeez pud Ixaj has Lenpekas ostug taastod sis tias. 9Anpimelej ha tso neeg muz has tu Ixaj has tas, “Lenpekas ted yog koj tuz puj ntaag los sab! Vid nicaaz koj tseed has tas, niz yog koj tuz muad nyaz?”
Ixaj tes vaajntxwb has tas, “Yog kud qha tu tuadtxhij has tas niz yog kud tuz puj, nyos tsaad muaj neeg sas phed muas kud tua laidtaa has yuab Lenpekas.”
10Anpimelej rob has tas, “Yog nicaaz koj ha ua ni na tu pes? Yog kud cob pejxeed is tug yiag ca ni muz nrug koj tuz puj pw, ces koj yog tuz kwg coj txuj keb txhud qhai luz tu pes.” 11Anpimelej ha ceestood tu niz cob pejxeed has tas: “Yog tuz twg laad muz kob tuz yiag na has zez niz tuz puj, mas yiad muas tuz qhai tua laidtaa.”
12Ixaj cog qoosloo tu hub lus teschias qhai, has xyoo qhai niz saw taw qoos ntaw tshaaj cob noos kwg niz cog liad is puas npawg, tu qhob tuz Tswb food kooshmoob tu niz. 13Ixaj vaadmeej zuj zug has ua is tug neeg npluanuj heeb. 14Tu qhob Ixaj muaj tej tsaj txhu kwg yog yaaj has nyuj coos, has niz tseed muaj tusqhe coos heeb ni, ha ua tu cob neeg Filitees khis heeb. 15Cud ha muas tej qhobdej kwg niz vaid Anplahaas cob tusqhe khiaj thaws niz tseed ua neej nyos txhus taaz hubtsig liad.
16Ces Anpimelej ha has tu Ixaj tas, “Koj ca ni tsib tiad hub pes lus teschias na muz, tu qhob koj muaj fwjchid has npluanuj tshaaj pes liad.” 17Yog ni qhai, Ixaj ha tsib tiad hub lus nroog qhai has muz tsaa tseb ntaws nyos tu hub lus Haab Nkelas, niz nyos qhob qhai taw is ntus. 18Niz ha ni rob qaas khiaj cob qhobdej kwg thaws u niz vaid Anplahaas khiaj ca liad kua is zag ntxib, tu qhob tod qaas kwg Anplahaas tuag liad, cob Filitees taw tuaj muas tej qhobdej qhai txhus taaz liad. Ixaj tis npe tu cob qhobdej na rias ni tej qus npe kwg thaws niz vaid tis tu liad.
19Ixaj cob tusqhe muz khiaj is lus qhobdej hub lus haab qhai has txiad muaj dej txhiab tiad luz. 20Ces cob neeg yug yaaj hub lus nroog nkelas tuaj nrug Ixaj cob neeg yug yaaj sis txees has has tas, “Cob qhobdej na yog pes tug.” Yog ni qhai, Ixaj ha muas lus qhobdej qhai tis npe hu ua, “Sis Txees.”
21Ixaj cob tusqhe rob khiaj kua is lus qhobdej, has cud tseed rob txees lus qhobdej qhai kua, yog ni qhai, niz ha tis npe tu lus qhobdej qhai hu ua, Xibnais txhais has tas “Yeesncuas.” 22Niz ha tsib tiad qhais thaaj chia qhai muz khiaj kua is lus qhobdej. Nyos qhob qhai cud tsi muaj keb sis caab sis nthe txug lus qhobdej na ntxib liad, yog ni qhai, niz ha tis npe tu lus qhobdej qhai hu ua Lehawpaws “Muaj Aab Kaab.” Niz has tas, “Nizna tuz Tswb pus pes muaj aab kaab nyos hub lus teschias na, has pes yiad muaj keb vaadmeej nyos qhais na muz ni.”
23Ixaj ha tiad qhais qhob chia qhai has muz tu tod Npesenpas. 24Hmo qhai tuz Tswb ha luz tshwd tu niz pud has has tu niz tas, “Kud yog koj vaid Anplahaas tuz Vaajtswb ntaag. Koj tsi xod ntshai, kud nrugnraid koj nyos. Kud yiad food kooshmoob tu koj has pus tu koj muaj xeesntxwz coos rias ni kud taw cogluz tu kud tuz tusqhe Anplahaas liad.” 25Ixaj ha tees taw is lus thaaj tu qhais has pehiad tuz Tswb. Ces niz txiad tsaa niz lus tseb ntaws nyos tu qhob qhai, has niz cob tusqhe rob khiaj kua is lus qhobdej.
Ixaj has Anpimelej sis Cogluz
26Anpimelej coj Ahuxas kwg yog niz tuz tuabxaad has Fikawles kwg yog niz tuz thiaj tusrog nrug niz tuaj qhais Nkelas tuaj cuag Ixaj.#Chk 21.22 27Ixaj ha noog has tas, “Vid nicaaz nizna mej ha tuaj cuag kud? Yaab nraaz ntej mej ted tsi nrug kud ua phoojywz has mej ted liab kud tiad hub mej lus teschias liad?”
28Cud tes has tas, “Nizna pes paws has tas muaj tuz Tswb nrugnraid koj nyos, has pes xaab has tas tsidnyog pes yiadtsud taw luz sis has kuas hud has cogluz tu koj. Pes xaab kuas koj cogluz tu pes 29has tas, koj yiad tsi ua phed tu pes, is yaad ni pes tsi taw ua phed tu koj. Pes yeej ua zoo tu koj has tso koj muz kaajsas lug. Pes paws has tas nizna tuz Tswb food kooshmoob tu koj liad.” 30Ixaj ha npaaj taw is rooj mo tu cud, cud ha noj has haws txaws nkaws. 31Taaskiz siab ntxub cud pes tug qhai nyaz luz leez nyaz luz has is tug cogluz tu is tug. Ces Ixaj ha xaa cud siab keb muz tseb kaajsas lug liad.
32Hnoos qhai Ixaj cob tusqhe ha luz pab qha tu niz has txug lus qhobdej kwg cud taw muz khiaj qhai. Cud has tas, “Pes muz nrhab taw is lus qhobdej liad.” 33Ixaj ha tis npe tu lus qhobdej qhai hu ua Senpas “Cogluz.” Vid ni qhai ha ua tu lus nroog Npesenpas#26.33 Npesenpas: Lus npe na luz Henplais txhais tas, “Lus Qhobdlej Cogluz” lossis “Lus Qhobdlej Xyaa Tuz Yaaj” (nuad 21.31.) taw lus npe na.
Exaws Os Tug Puj Kwg Yog Neeg Txiab Teschias
34Thaws kwg Exaws hnoosnyood muaj plaws cawg xyoo, niz yuab taw cob neeg Hitis os tug ntxhais luz ua puj, Yudis yog Npe-elis tuz ntxhais, has Npasemas yog Eloos tuz ntxhais. 35Os tug nyaas na ua tu Ixaj has Lenpekas ua neej lwj sas heeb ni.
Currently Selected:
Chibkees 26: CQD2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Chibkees 26
26
Ixaj Nyos hub Teschias Kelas
1Rob muaj kua keb tshais nqhes nyos hub lus teschias qhai, is yaad ni tad kwg thaws Anplahaas tseed ua neej nyos. Ixaj ha ni muz cuag Anpimelej kwg yog cob Filitees tuz Vaajntxwb hub lus nroog nkelas. 2Tuz Tswb luz tshwd tu Ixaj pud has has tu niz tas, “Koj tsi xod tsib muz tu nraaz teschias Izib; nyos tuasyws hub lus teschias na qhais thaaj chia kwg kud qha tu koj nyos. 3Nyos tuasyws qhais na nyaz, kud yiad nrugnraid koj nyos has food kooshmoob tu koj. Kud yiad muas taaznrhiab lus teschias na pus tu koj has koj cob xeesntxwz. Kud yiad ncu ntsoob tej luz kwg kud cog tseg tu koj vaid Anplahaas liad. 4Kud yiad pus kuas koj muaj xeesntxwz coos npawd ni tej hnoosqus saw nruas ntug, has kud yiad muas taaznrhiab lus teschias na pus tu cud. Has kud yiad food kooshmoob qhais koj cob xeesntxwz muz tu txhua yaad neeg kwg nyos thoos ntajtes.#Chk 22.16-18 5Kud yiad food kooshmoob tu koj, tu qhob Anplahaas noog kud luz, has coj rias ni kud tej kebcai has tej luz saadfwd txhua lu.”
6Yog ni qhai, Ixaj ha nyos tuasyws hub lus nroog Nkelas. 7Thaws cob yiag kwg nyos hub lus nroog qhai noog txug Ixaj tuz puj, niz tes cud has tas, Lenpekas yog niz tuz muad nyaz. Niz tsi yeed qha has tas, Lenpekas yog niz tuz puj, tu qhob Lenpekas zoo nkawj heeb, Ixaj ntshai nyos tsaad cob yiag kwg nyos hub lus nroog qhai tua niz laidtaa has yuab Lenpekas.#Chk 12.13; 20.2 8Thaws Ixaj has Lenpekas tseed nyos hub lus nroog qhai Vaajntxwb Anpimelej nyos hub tseb xuj qhais qhob xaadyeez pud Ixaj has Lenpekas ostug taastod sis tias. 9Anpimelej ha tso neeg muz has tu Ixaj has tas, “Lenpekas ted yog koj tuz puj ntaag los sab! Vid nicaaz koj tseed has tas, niz yog koj tuz muad nyaz?”
Ixaj tes vaajntxwb has tas, “Yog kud qha tu tuadtxhij has tas niz yog kud tuz puj, nyos tsaad muaj neeg sas phed muas kud tua laidtaa has yuab Lenpekas.”
10Anpimelej rob has tas, “Yog nicaaz koj ha ua ni na tu pes? Yog kud cob pejxeed is tug yiag ca ni muz nrug koj tuz puj pw, ces koj yog tuz kwg coj txuj keb txhud qhai luz tu pes.” 11Anpimelej ha ceestood tu niz cob pejxeed has tas: “Yog tuz twg laad muz kob tuz yiag na has zez niz tuz puj, mas yiad muas tuz qhai tua laidtaa.”
12Ixaj cog qoosloo tu hub lus teschias qhai, has xyoo qhai niz saw taw qoos ntaw tshaaj cob noos kwg niz cog liad is puas npawg, tu qhob tuz Tswb food kooshmoob tu niz. 13Ixaj vaadmeej zuj zug has ua is tug neeg npluanuj heeb. 14Tu qhob Ixaj muaj tej tsaj txhu kwg yog yaaj has nyuj coos, has niz tseed muaj tusqhe coos heeb ni, ha ua tu cob neeg Filitees khis heeb. 15Cud ha muas tej qhobdej kwg niz vaid Anplahaas cob tusqhe khiaj thaws niz tseed ua neej nyos txhus taaz hubtsig liad.
16Ces Anpimelej ha has tu Ixaj tas, “Koj ca ni tsib tiad hub pes lus teschias na muz, tu qhob koj muaj fwjchid has npluanuj tshaaj pes liad.” 17Yog ni qhai, Ixaj ha tsib tiad hub lus nroog qhai has muz tsaa tseb ntaws nyos tu hub lus Haab Nkelas, niz nyos qhob qhai taw is ntus. 18Niz ha ni rob qaas khiaj cob qhobdej kwg thaws u niz vaid Anplahaas khiaj ca liad kua is zag ntxib, tu qhob tod qaas kwg Anplahaas tuag liad, cob Filitees taw tuaj muas tej qhobdej qhai txhus taaz liad. Ixaj tis npe tu cob qhobdej na rias ni tej qus npe kwg thaws niz vaid tis tu liad.
19Ixaj cob tusqhe muz khiaj is lus qhobdej hub lus haab qhai has txiad muaj dej txhiab tiad luz. 20Ces cob neeg yug yaaj hub lus nroog nkelas tuaj nrug Ixaj cob neeg yug yaaj sis txees has has tas, “Cob qhobdej na yog pes tug.” Yog ni qhai, Ixaj ha muas lus qhobdej qhai tis npe hu ua, “Sis Txees.”
21Ixaj cob tusqhe rob khiaj kua is lus qhobdej, has cud tseed rob txees lus qhobdej qhai kua, yog ni qhai, niz ha tis npe tu lus qhobdej qhai hu ua, Xibnais txhais has tas “Yeesncuas.” 22Niz ha tsib tiad qhais thaaj chia qhai muz khiaj kua is lus qhobdej. Nyos qhob qhai cud tsi muaj keb sis caab sis nthe txug lus qhobdej na ntxib liad, yog ni qhai, niz ha tis npe tu lus qhobdej qhai hu ua Lehawpaws “Muaj Aab Kaab.” Niz has tas, “Nizna tuz Tswb pus pes muaj aab kaab nyos hub lus teschias na, has pes yiad muaj keb vaadmeej nyos qhais na muz ni.”
23Ixaj ha tiad qhais qhob chia qhai has muz tu tod Npesenpas. 24Hmo qhai tuz Tswb ha luz tshwd tu niz pud has has tu niz tas, “Kud yog koj vaid Anplahaas tuz Vaajtswb ntaag. Koj tsi xod ntshai, kud nrugnraid koj nyos. Kud yiad food kooshmoob tu koj has pus tu koj muaj xeesntxwz coos rias ni kud taw cogluz tu kud tuz tusqhe Anplahaas liad.” 25Ixaj ha tees taw is lus thaaj tu qhais has pehiad tuz Tswb. Ces niz txiad tsaa niz lus tseb ntaws nyos tu qhob qhai, has niz cob tusqhe rob khiaj kua is lus qhobdej.
Ixaj has Anpimelej sis Cogluz
26Anpimelej coj Ahuxas kwg yog niz tuz tuabxaad has Fikawles kwg yog niz tuz thiaj tusrog nrug niz tuaj qhais Nkelas tuaj cuag Ixaj.#Chk 21.22 27Ixaj ha noog has tas, “Vid nicaaz nizna mej ha tuaj cuag kud? Yaab nraaz ntej mej ted tsi nrug kud ua phoojywz has mej ted liab kud tiad hub mej lus teschias liad?”
28Cud tes has tas, “Nizna pes paws has tas muaj tuz Tswb nrugnraid koj nyos, has pes xaab has tas tsidnyog pes yiadtsud taw luz sis has kuas hud has cogluz tu koj. Pes xaab kuas koj cogluz tu pes 29has tas, koj yiad tsi ua phed tu pes, is yaad ni pes tsi taw ua phed tu koj. Pes yeej ua zoo tu koj has tso koj muz kaajsas lug. Pes paws has tas nizna tuz Tswb food kooshmoob tu koj liad.” 30Ixaj ha npaaj taw is rooj mo tu cud, cud ha noj has haws txaws nkaws. 31Taaskiz siab ntxub cud pes tug qhai nyaz luz leez nyaz luz has is tug cogluz tu is tug. Ces Ixaj ha xaa cud siab keb muz tseb kaajsas lug liad.
32Hnoos qhai Ixaj cob tusqhe ha luz pab qha tu niz has txug lus qhobdej kwg cud taw muz khiaj qhai. Cud has tas, “Pes muz nrhab taw is lus qhobdej liad.” 33Ixaj ha tis npe tu lus qhobdej qhai hu ua Senpas “Cogluz.” Vid ni qhai ha ua tu lus nroog Npesenpas#26.33 Npesenpas: Lus npe na luz Henplais txhais tas, “Lus Qhobdlej Cogluz” lossis “Lus Qhobdlej Xyaa Tuz Yaaj” (nuad 21.31.) taw lus npe na.
Exaws Os Tug Puj Kwg Yog Neeg Txiab Teschias
34Thaws kwg Exaws hnoosnyood muaj plaws cawg xyoo, niz yuab taw cob neeg Hitis os tug ntxhais luz ua puj, Yudis yog Npe-elis tuz ntxhais, has Npasemas yog Eloos tuz ntxhais. 35Os tug nyaas na ua tu Ixaj has Lenpekas ua neej lwj sas heeb ni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.