Chibkees 24
24
Yuab Puj tu Ixaj
1Nizna Anplahaas lawz heeb liad, has tuz Tswb taw food kooshmoob tu txhua yaad kwg Anplahaas ua taaz luz liad. 2Anplahaas has tu niz tuz tusqhe kwg lawz kua lwd tuz, niz yog tuz nuad taaznrhiab Anplahaas lus cuastaad has tas, “Koj ca ni muas koj txhais tez tso tu hub kud ceg puastais#24.2 Koj ca ni muas … ceg puastais: Qhob na yog keb cogluz tsees kwg tsi hloob ni. has cogluz tu kud. 3Kud xaab kuas koj cogluz tu kud qhais tuz Tswb kwg yog Vaajtswb tuz kaab lus ntuj has lus ntajtes has tas, koj yiad tsi xaib cob neeg hub teschias Kana-aas na tej ntxhais luz tu kud tuz tus yuab ua puj. 4Koj yiadtsud muz tu tid kud lus qus tes qus chia has yuab kud cob kwbtij is tug ntxhais luz tu kud tuz tus Ixaj ua puj.”
5Tadsis tuz tusqhe noog has tas, “Yog has tas tuz ntxhais tsi yeed nrug kud luz tu teschias na, kud yiad ua nyaab? Yiad ca kud coj koj tuz tus muz nyos tu tid koj lus qus tes qus chia los?”
6Anplahaas tes has tas, “Koj ncu ntsoob tsi xod coj kud tuz tus muz nyos tu tid ni. 7Tuz Tswb kwg yog Vaajtswb tuz kwg nyos saw ntuj, ted coj kud tiad hub kud vaid lus tseb has hub kud cob kwbtij lus teschias luz, has niz yiad muas lus teschias na pus tu kud cob xeesntxwz rias ni niz taw cogluz tseg tu kud liad. Niz yiad tso niz tuz tidtswb ua koj ntej muz, kuas koj muz nrhab taw puj tu kud tuz tus. 8Yog tuz ntxhais qhai tsi yeed nrug koj luz, koj ha kig qhais kud tej luz cog tseg na. Tadsis txwb tu nrhiab tsi pus koj coj kud tuz tus muz tid ni.” 9Yog ni qhai, tuz tusqhe ha muas niz txhais tez tso tu hub Anplahaas kwg yog niz tuz tswb ceg puastais, has cogluz ua rias ni Anplahaas taw has tu niz liad.
10Tuz tusqhe kwg yog tuz nuad taaznrhiab Anplahaas lus cuastaad, ha caas niz tuz tswb kawd tuz ntxhuab thuj tej khood muaj nqais, has muz tu hub lus nroog kwg Nahaws nyos pez teschias Mexuputamias saas qawdtes. 11Thaws niz muz txug pez liad, niz kuas cob ntxhuab txhud cawg tu qhais lus qhobdej kwg nyos tu qhais saas ntug nroog. Thaws qhai taastod yiad tsaws ntuj, yog lus caij kwg cob puj tiad tuaj tsheb dej. 12Niz thob Vaajtswb has tas, “Tuz Tswb kwg yog kud tuz tswb Anplahaas tuz Vaajtswb, thob koj paas kud kuas kud tez hujlwd tab hnoos na, has ua rias ni tej luz kwg koj taw cog tseg tu kud tuz tswb liad. 13Kud taastod nyos qhais lus qhobdej kwg yog qhob chia cob ntxhais hub lus nroog na tuaj rid dej. 14Thaws kud has tu cob ntxhais qhai is tug tas, ‘Thob txu koj lus hus dej has pus isntsis dej tu kud haws.’ Yog niz tes has tas, ‘Haws mas, kud tseed yiad ntaws dej tu koj cob ntxhuab txhuatuz haws has,’ ces thob kuas tuz qhai yog tuz kwg koj xaib tu koj tuz tusqhe Ixaj ntaag. Yog qhob na tshwdsid, kud ha yiad paws has tas koj ua rias ni koj taw cogluz tseg tu kud tuz Tswb liad tag.” 15Thaws kwg tuz tusqhe thob Vaajtswb tsi taw xaws, Lenpekas txiad kwb is lus hus dej saw hawpwg tuaj txug ntua qhai. Lenpekas yog Npethu-ees tuz ntxhais, Npethu-ees yog Anplahaas tuz kwb Nahaws has Milekas ostug tuz tus. 16Lenpekas yog is tug ntxhais kwg zoo nkawj heeb, has niz tseed yog nkawjxws. Lenpekas ha nqaiz muz tu nraaz lus qhobdej, ntaws dej pub nkaws tu hub niz lus hus, has rob qaas luz. 17Tuz tusqhe ha dha loo muz cuag Lenpekas has has tas, “Kud thob haws koj cob dej isntsis.”
18Lenpekas tes has tas, “Kud tuz tswb, koj ca ni haws,” Lenpekas ha txu plhuab lus hus saw niz hawpwg luz tuab tu tuz tusqhe qhai haws. 19Thaws niz haws taaz liad, Lenpekas has tas, “Kud yiad ntaws dej luz tu koj cob ntxhuab haws kuas txaws.” 20Niz muas lus hus laws kag tu hub daas dej tu cob tsaj qhai haws taaznrhiab has rob loo muz ntaws dej luz ntxib tu, niz ua ni qhai tu tuz tusqhe cob ntxhuab taw dej haws txhuatuz ni. 21Anplahaas tuz tusqhe siab is caaz nuad, nuad puas yog tuz Tswb pus kuas niz tez hujlwd tab los tsi yog.
22Thaws kwg Lenpekas ntaws dej tu cob ntxhuab haws txaws liad, tuz tusqhe qhai ha muas taw is lus kawj ntswg kug hnyaab os txag has ntaws nqai ntaw heeb, luz khiad tu Lenpekas qhobntswg has muas os lus pawgtez kug hnyaab kawd nyaj tu Lenpekas coj qhais ncaajnpaas. 23Tuz tusqhe txiad noog has tas, “Thob qha tu kud nuad koj vaid yog tuz twg. Hub niz lus tseb puas muaj chia txaws tu kud cob neeg has kud muz su hmo na?”
24Lenpekas tes has tas, “Kud vaid yog Npethu-ees kwg yog Nahaws has Milekas ostug tuz tus ntaag. 25Tod pes tseb muaj quab nyaas has nyod qhuab ntaw, has nyos tod muaj chia tu koj su hubtsig.”
26Ces tuz tusqhe qhai txiad txhud cawg ntua has pehiad tuz Tswb. 27Niz has tas, “Ua tuz Tswb kwg yog kud tuz tswb Anplahaas tuz Vaajtswb tsawg, Vaajtswb yog tuz ncaajnceeg has ua rias ni niz taw cogluz tseg tu kud tuz tswb liad tag. Tuz Tswb yeej coj kud keb ncaaj nraid tuaj tu qhais kud tuz tswb cob kwbtij.”
28Tuz ntxhais qhai ha rob qaas muz tseb has pab zaaj na qha tu niz nad has niz tseb neeg noog. 29Lenpekas muaj is tug nuz hu ua Lanpaas. Ces Lanpaas txiad tiad pliaz tu nraw zoob has dha ncaaj nraid muz tu tod lus qhobdej kwg Anplahaas tuz tusqhe nyos. 30Thaws Lanpaas pud lus kawj ntswg has os lus pawgtez kwg niz tuz muad coj has hnob tej luz kwg Lenpekas pab qha tu tuz nad has tas, yog tuz yias qhai has tu niz, Lanpaas ha ni muz cuag Anplahaas tuz tusqhe kwg siab nrug niz cob ntxhuab nyos ze qhais lus qhobdej, 31has has tas, “Koj ca ni nrug kud muz tod tseb. Koj yog tuz kwg taw txais tuz Tswb txuj kooshmoob liad. Vid nicaaz koj tseed yiad siab qhais na ua daastsi? Kud ted tu taw txaaj chia tu koj su tod kud tseb, has nyos tod yeej muaj chia tu koj cob ntxhuab hubtsig.”
32Yog ni qhai, tuz tusqhe qhai ha muz tu tod Lanpaas tseb, has Lanpaas ha tsheb tej nraa ntxhuab ca, muas quab nyaas has nyod qhuab tu cob ntxhuab noj. Ces niz coj dej luz tu Anplahaas tuz tusqhe has niz cob neeg ntxuab kuatia. 33Thaws raw taw hmo liad, tuz tusqhe qhai has tas, “Kud yiad tsi noj pluag hmo na muz txug thaws kud has taaz tej luz kwg kud yiad has tu koj taws.”
Lanpaas tes has tas, “Koj muaj luz daastsi los ca ni has.”
34Niz tes has tas, “Kud yog Anplahaas tuz tusqhe. 35Tuz Tswb food kooshmoob ntaw kiag nkaws tu kud tuz tswb has niz yog is tug neeg npluanuj heeb. Tuz Tswb pus tu kud tuz tswb muaj yaaj, muaj tshis, muaj nyuj, muaj nyaj, muaj kug, muaj tusqhe has ntxhais qheb, muaj ntxhuab has muaj neez luab coos heeb ni. 36Xalas kwg yog kud tuz tswb tuz puj ted lawz heeb liad los niz tseed yug taw is tug tus tu kud tuz tswb has, mas kud tuz tswb muas taaznrhiab niz lus cuastaad tu tuz tus qhai. 37Kud tuz tswb kuas kud cogluz has tas kud yiadtsud noog niz tej luz saadfwd. Niz has tas, ‘Tsi xod muz yuab cob neeg kwg nyos hub teschias Kana-aas na tej ntxhais luz tu kud tuz tus ua puj hlo ni. 38Koj ca ni muz tu tid kud vaid tseb neeg, muz cuag kud cob kwbtij, has xaib is tug puj luz tu kud tuz tus Ixaj yuab.’ 39Has kud noog kud tuz tswb has tas, ‘Yog tuz ntxhais tsi yeed nrug kud luz na, kud yiad ua nyaab?’ 40Niz tes has tas, ‘Tuz Tswb kwg kud yeej istxwd noog niz luz, yiad tso is tug tidtswb nrug koj muz has yiad ua kuas koj tez hujlwd tab. Koj yiad muz yuab taw kud vaid tseb neeg is tug ntxhais luz tu kud tuz tus ua puj. 41Tsuas yog muaj tuas qho ua tu koj kig qhais kud lu luz cog tseg nyaz, yog koj muz has kud cob kwbtij tsi yeed, ces koj ha yiad kig qhais kud cob luz cog tseg na.’
42Hnoos na thaws kud tuaj txug tu qhais lus qhobdej, kud thob Vaajtswb has tas, ‘Tuz Tswb kwg yog kud tuz tswb Anplahaas tuz Vaajtswb, thob koj paas kuas tez hujlwd kwg kud tuaj ua na tab. 43Kud nyos qhais lus qhobdej na. Thaws is tug ntxhais tiad tuaj kwb dej, kud yiad thob kuas niz muas dej hub niz lus hus pus tu kud haws. 44Yog niz txaws sas muas tu kud haws has niz tseed muz ntaws dej luz pus tu kud cob ntxhuab haws hubtsig, ces thob kuas niz yog tuz kwg koj xaib tu kud tuz tswb tuz tus yuab ua puj ntaag.’ 45Thaws kud tseed thob Vaajtswb tuasyws hub kud lus sas tsi taw taaz, kud txiad pud Lenpekas kwb is lus hus saw niz hawpwg has nqaiz muz ntaws dej hub lus qhobdej. Kud ha has tu niz has tas, ‘Thob pus isntsis dej tu kud haws.’ 46Niz ha txu kag niz hus dej saw hawpwg luz has has tas, ‘Haws mas, kud tseed yiad ntaws dej tu koj cob ntxhuab haws hubtsig has.’ Yog ni qhai, kud ha taw haws, has niz ntaws dej pus tu kud cob ntxhuab haws hubtsig. 47Kud noog niz has tas, ‘Koj vaid yog tuz twg?’ Has niz tes has tas, ‘Kud vaid yog Npethu-ees kwg yog Nahaws has Milekas ostug tuz tus.’ Kud ha muas lus kawj ntswg kug khiad niz qhobntswg has muas os lus pawgtez tu niz coj qhais niz ncaajnpaas. 48Kud ha txhud cawg ntua pehiad has ua tuz Tswb kwg yog kud tuz tswb Anplahaas tuz tswb kwg yog Vaajtswb tsawg, niz yog tuz kwg coj kud keb ncaaj nraid tuaj tu qhais kud tuz tswb cob kwbtij, yog qhob chia kwg kud tuaj nrhab taw tuz ntxhais tu kud tuz tswb tuz tus. 49Nizna yog mej zoo sas has ua ncaaj tu kud tuz tswb, ces thob qha tu kud paws, yog tsi taw los thob qha tu kud paws, kuas kud ha paws txabtxid sas has tas yiad ua nyaab.”
50Lanpaas has Npethu-ees tes has tas, “Qhob na yeej yog tuz Tswb pud zoo liad, pes tsi pud qaas yiad has taw nyaab tu koj. 51Lenpekas nyos qhais, koj ca ni coj niz muz. Ca niz ua koj tuz tswb tuz tus tuz puj rias ni tuz Tswb taw has tseg ca liad.” 52Thaws Anplahaas tuz tusqhe hnob tej luz na liad, niz txhud cawg ntua pehiad tuz Tswb. 53Ces niz txiad muas tej rig tsho, tej nyaj has tej sia kug luz tu Lenpekas. Has niz tseed muas taw tej khood pus kwg muaj nqais heeb tu Lenpekas tuz nuz has muas tu niz nad.
54Ces Anplahaas tuz tusqhe has cob neeg kwg nrug niz tuaj, txiad noj haws has pw is hmos qhob qhai. Taaskiz pud keb, tuz tusqhe has tas, “Thob tso kud rob qaas muz cuag kud tuz tswb.”
55Tadsis Lenpekas tuz nuz has niz nad tes has tas, “Thob ca tuz ntxhais nrug pes nyos xyaa yid hnoos lossis kawd hnoos ntxib taws, niz maad nrug mej muz.”
56Tadsis tuz tusqhe tes has tas, “Mej tsi xod cheed kud nyos. Tuz Tswb ted ua tu kud tez hujlwd kwg kud tawgkeb tuaj na tab taaz liad, thob tso kud rob muz cuag kud tuz tswb.”
57Ostug tes has tas, “Ca pes hu tuz ntxhais luz noog nuad niz has nyaab.” 58Yog ni qhai, ostug txiad hu Lenpekas luz noog has tas, “Koj puas zoo sas nrug tuz yias na muz?”
Lenpekas tes has tas, “Kud yiad muz.”
59Yog ni qhai, ostug ha ni tso Lenpekas has tuz ntxhais qheb lawz kwg istxwd tu Lenpekas nrug Anplahaas tuz tusqhe has niz cob neeg muz. 60Ces cud txiad food kooshmoob tu Lenpekas ni na:
“Tuz muad, thob kuas koj muaj tus muaj ki ntaw txhas ntaw vaad tuz!
Thob kuas koj cob xeesntxwz txees taw cud cob yeesncuas tej nroog!”
61Ces Lenpekas has niz cob ntxhais qheb ha caij ntxhuab nrug Anplahaas tuz tusqhe, siab keb muz tseb liad.
62Ixaj taastod tuaj txug qhais lus taj suaspuad#24.62 Tej phaw qus txhais has tas, tuaj txug qhais lus taj suaspuad; phaw Henplais has tas, taastod tuaj. qhais Npe Lahais Law-is “Lus Qhobdej Kwg Yog Tuz Muaj Sa Nyos Has Tuz Pud kud” has niz tuaj nyos tu hub teschias Kana-aas saas qaastes. 63Thaws yiad tsaws ntuj Ixaj txiad tiad muz ncig ua si tod tes has niz pud is paas ntxhuab tawgkeb luz. 64Thaws Lenpekas pud deeb Ixaj, niz txiad nqaiz saw niz tuz ntxhuab nrawqawd luz, 65has noog Anplahaas tuz tusqhe has tas, “Tuz yiag kwg taastod tawgkeb tuaj tu qhais pes na yog tuz twg?”
Tuz tusqhe tes has tas, “Niz yog kud tuz tswb ntaag.” Yog ni qhai, Lenpekas txiad muas phuad luz npug niz lus ntsejmuag.
66Tuz tusqhe ha qha txhua yaad kwg niz muz ua tab taaz luz tu Ixaj noog. 67Ces Ixaj ha coj Lenpekas muz tu hub lus tseb ntaws kwg thaws Xalas kwg yog niz nad nyos, has Lenpekas taw luz ua Ixaj tuz puj. Ixaj hlus Lenpekas heeb, txiad yog niz nad tuag liad los niz rob muaj keb kaajsas tuaj.
Currently Selected:
Chibkees 24: CQD2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Chibkees 24
24
Yuab Puj tu Ixaj
1Nizna Anplahaas lawz heeb liad, has tuz Tswb taw food kooshmoob tu txhua yaad kwg Anplahaas ua taaz luz liad. 2Anplahaas has tu niz tuz tusqhe kwg lawz kua lwd tuz, niz yog tuz nuad taaznrhiab Anplahaas lus cuastaad has tas, “Koj ca ni muas koj txhais tez tso tu hub kud ceg puastais#24.2 Koj ca ni muas … ceg puastais: Qhob na yog keb cogluz tsees kwg tsi hloob ni. has cogluz tu kud. 3Kud xaab kuas koj cogluz tu kud qhais tuz Tswb kwg yog Vaajtswb tuz kaab lus ntuj has lus ntajtes has tas, koj yiad tsi xaib cob neeg hub teschias Kana-aas na tej ntxhais luz tu kud tuz tus yuab ua puj. 4Koj yiadtsud muz tu tid kud lus qus tes qus chia has yuab kud cob kwbtij is tug ntxhais luz tu kud tuz tus Ixaj ua puj.”
5Tadsis tuz tusqhe noog has tas, “Yog has tas tuz ntxhais tsi yeed nrug kud luz tu teschias na, kud yiad ua nyaab? Yiad ca kud coj koj tuz tus muz nyos tu tid koj lus qus tes qus chia los?”
6Anplahaas tes has tas, “Koj ncu ntsoob tsi xod coj kud tuz tus muz nyos tu tid ni. 7Tuz Tswb kwg yog Vaajtswb tuz kwg nyos saw ntuj, ted coj kud tiad hub kud vaid lus tseb has hub kud cob kwbtij lus teschias luz, has niz yiad muas lus teschias na pus tu kud cob xeesntxwz rias ni niz taw cogluz tseg tu kud liad. Niz yiad tso niz tuz tidtswb ua koj ntej muz, kuas koj muz nrhab taw puj tu kud tuz tus. 8Yog tuz ntxhais qhai tsi yeed nrug koj luz, koj ha kig qhais kud tej luz cog tseg na. Tadsis txwb tu nrhiab tsi pus koj coj kud tuz tus muz tid ni.” 9Yog ni qhai, tuz tusqhe ha muas niz txhais tez tso tu hub Anplahaas kwg yog niz tuz tswb ceg puastais, has cogluz ua rias ni Anplahaas taw has tu niz liad.
10Tuz tusqhe kwg yog tuz nuad taaznrhiab Anplahaas lus cuastaad, ha caas niz tuz tswb kawd tuz ntxhuab thuj tej khood muaj nqais, has muz tu hub lus nroog kwg Nahaws nyos pez teschias Mexuputamias saas qawdtes. 11Thaws niz muz txug pez liad, niz kuas cob ntxhuab txhud cawg tu qhais lus qhobdej kwg nyos tu qhais saas ntug nroog. Thaws qhai taastod yiad tsaws ntuj, yog lus caij kwg cob puj tiad tuaj tsheb dej. 12Niz thob Vaajtswb has tas, “Tuz Tswb kwg yog kud tuz tswb Anplahaas tuz Vaajtswb, thob koj paas kud kuas kud tez hujlwd tab hnoos na, has ua rias ni tej luz kwg koj taw cog tseg tu kud tuz tswb liad. 13Kud taastod nyos qhais lus qhobdej kwg yog qhob chia cob ntxhais hub lus nroog na tuaj rid dej. 14Thaws kud has tu cob ntxhais qhai is tug tas, ‘Thob txu koj lus hus dej has pus isntsis dej tu kud haws.’ Yog niz tes has tas, ‘Haws mas, kud tseed yiad ntaws dej tu koj cob ntxhuab txhuatuz haws has,’ ces thob kuas tuz qhai yog tuz kwg koj xaib tu koj tuz tusqhe Ixaj ntaag. Yog qhob na tshwdsid, kud ha yiad paws has tas koj ua rias ni koj taw cogluz tseg tu kud tuz Tswb liad tag.” 15Thaws kwg tuz tusqhe thob Vaajtswb tsi taw xaws, Lenpekas txiad kwb is lus hus dej saw hawpwg tuaj txug ntua qhai. Lenpekas yog Npethu-ees tuz ntxhais, Npethu-ees yog Anplahaas tuz kwb Nahaws has Milekas ostug tuz tus. 16Lenpekas yog is tug ntxhais kwg zoo nkawj heeb, has niz tseed yog nkawjxws. Lenpekas ha nqaiz muz tu nraaz lus qhobdej, ntaws dej pub nkaws tu hub niz lus hus, has rob qaas luz. 17Tuz tusqhe ha dha loo muz cuag Lenpekas has has tas, “Kud thob haws koj cob dej isntsis.”
18Lenpekas tes has tas, “Kud tuz tswb, koj ca ni haws,” Lenpekas ha txu plhuab lus hus saw niz hawpwg luz tuab tu tuz tusqhe qhai haws. 19Thaws niz haws taaz liad, Lenpekas has tas, “Kud yiad ntaws dej luz tu koj cob ntxhuab haws kuas txaws.” 20Niz muas lus hus laws kag tu hub daas dej tu cob tsaj qhai haws taaznrhiab has rob loo muz ntaws dej luz ntxib tu, niz ua ni qhai tu tuz tusqhe cob ntxhuab taw dej haws txhuatuz ni. 21Anplahaas tuz tusqhe siab is caaz nuad, nuad puas yog tuz Tswb pus kuas niz tez hujlwd tab los tsi yog.
22Thaws kwg Lenpekas ntaws dej tu cob ntxhuab haws txaws liad, tuz tusqhe qhai ha muas taw is lus kawj ntswg kug hnyaab os txag has ntaws nqai ntaw heeb, luz khiad tu Lenpekas qhobntswg has muas os lus pawgtez kug hnyaab kawd nyaj tu Lenpekas coj qhais ncaajnpaas. 23Tuz tusqhe txiad noog has tas, “Thob qha tu kud nuad koj vaid yog tuz twg. Hub niz lus tseb puas muaj chia txaws tu kud cob neeg has kud muz su hmo na?”
24Lenpekas tes has tas, “Kud vaid yog Npethu-ees kwg yog Nahaws has Milekas ostug tuz tus ntaag. 25Tod pes tseb muaj quab nyaas has nyod qhuab ntaw, has nyos tod muaj chia tu koj su hubtsig.”
26Ces tuz tusqhe qhai txiad txhud cawg ntua has pehiad tuz Tswb. 27Niz has tas, “Ua tuz Tswb kwg yog kud tuz tswb Anplahaas tuz Vaajtswb tsawg, Vaajtswb yog tuz ncaajnceeg has ua rias ni niz taw cogluz tseg tu kud tuz tswb liad tag. Tuz Tswb yeej coj kud keb ncaaj nraid tuaj tu qhais kud tuz tswb cob kwbtij.”
28Tuz ntxhais qhai ha rob qaas muz tseb has pab zaaj na qha tu niz nad has niz tseb neeg noog. 29Lenpekas muaj is tug nuz hu ua Lanpaas. Ces Lanpaas txiad tiad pliaz tu nraw zoob has dha ncaaj nraid muz tu tod lus qhobdej kwg Anplahaas tuz tusqhe nyos. 30Thaws Lanpaas pud lus kawj ntswg has os lus pawgtez kwg niz tuz muad coj has hnob tej luz kwg Lenpekas pab qha tu tuz nad has tas, yog tuz yias qhai has tu niz, Lanpaas ha ni muz cuag Anplahaas tuz tusqhe kwg siab nrug niz cob ntxhuab nyos ze qhais lus qhobdej, 31has has tas, “Koj ca ni nrug kud muz tod tseb. Koj yog tuz kwg taw txais tuz Tswb txuj kooshmoob liad. Vid nicaaz koj tseed yiad siab qhais na ua daastsi? Kud ted tu taw txaaj chia tu koj su tod kud tseb, has nyos tod yeej muaj chia tu koj cob ntxhuab hubtsig.”
32Yog ni qhai, tuz tusqhe qhai ha muz tu tod Lanpaas tseb, has Lanpaas ha tsheb tej nraa ntxhuab ca, muas quab nyaas has nyod qhuab tu cob ntxhuab noj. Ces niz coj dej luz tu Anplahaas tuz tusqhe has niz cob neeg ntxuab kuatia. 33Thaws raw taw hmo liad, tuz tusqhe qhai has tas, “Kud yiad tsi noj pluag hmo na muz txug thaws kud has taaz tej luz kwg kud yiad has tu koj taws.”
Lanpaas tes has tas, “Koj muaj luz daastsi los ca ni has.”
34Niz tes has tas, “Kud yog Anplahaas tuz tusqhe. 35Tuz Tswb food kooshmoob ntaw kiag nkaws tu kud tuz tswb has niz yog is tug neeg npluanuj heeb. Tuz Tswb pus tu kud tuz tswb muaj yaaj, muaj tshis, muaj nyuj, muaj nyaj, muaj kug, muaj tusqhe has ntxhais qheb, muaj ntxhuab has muaj neez luab coos heeb ni. 36Xalas kwg yog kud tuz tswb tuz puj ted lawz heeb liad los niz tseed yug taw is tug tus tu kud tuz tswb has, mas kud tuz tswb muas taaznrhiab niz lus cuastaad tu tuz tus qhai. 37Kud tuz tswb kuas kud cogluz has tas kud yiadtsud noog niz tej luz saadfwd. Niz has tas, ‘Tsi xod muz yuab cob neeg kwg nyos hub teschias Kana-aas na tej ntxhais luz tu kud tuz tus ua puj hlo ni. 38Koj ca ni muz tu tid kud vaid tseb neeg, muz cuag kud cob kwbtij, has xaib is tug puj luz tu kud tuz tus Ixaj yuab.’ 39Has kud noog kud tuz tswb has tas, ‘Yog tuz ntxhais tsi yeed nrug kud luz na, kud yiad ua nyaab?’ 40Niz tes has tas, ‘Tuz Tswb kwg kud yeej istxwd noog niz luz, yiad tso is tug tidtswb nrug koj muz has yiad ua kuas koj tez hujlwd tab. Koj yiad muz yuab taw kud vaid tseb neeg is tug ntxhais luz tu kud tuz tus ua puj. 41Tsuas yog muaj tuas qho ua tu koj kig qhais kud lu luz cog tseg nyaz, yog koj muz has kud cob kwbtij tsi yeed, ces koj ha yiad kig qhais kud cob luz cog tseg na.’
42Hnoos na thaws kud tuaj txug tu qhais lus qhobdej, kud thob Vaajtswb has tas, ‘Tuz Tswb kwg yog kud tuz tswb Anplahaas tuz Vaajtswb, thob koj paas kuas tez hujlwd kwg kud tuaj ua na tab. 43Kud nyos qhais lus qhobdej na. Thaws is tug ntxhais tiad tuaj kwb dej, kud yiad thob kuas niz muas dej hub niz lus hus pus tu kud haws. 44Yog niz txaws sas muas tu kud haws has niz tseed muz ntaws dej luz pus tu kud cob ntxhuab haws hubtsig, ces thob kuas niz yog tuz kwg koj xaib tu kud tuz tswb tuz tus yuab ua puj ntaag.’ 45Thaws kud tseed thob Vaajtswb tuasyws hub kud lus sas tsi taw taaz, kud txiad pud Lenpekas kwb is lus hus saw niz hawpwg has nqaiz muz ntaws dej hub lus qhobdej. Kud ha has tu niz has tas, ‘Thob pus isntsis dej tu kud haws.’ 46Niz ha txu kag niz hus dej saw hawpwg luz has has tas, ‘Haws mas, kud tseed yiad ntaws dej tu koj cob ntxhuab haws hubtsig has.’ Yog ni qhai, kud ha taw haws, has niz ntaws dej pus tu kud cob ntxhuab haws hubtsig. 47Kud noog niz has tas, ‘Koj vaid yog tuz twg?’ Has niz tes has tas, ‘Kud vaid yog Npethu-ees kwg yog Nahaws has Milekas ostug tuz tus.’ Kud ha muas lus kawj ntswg kug khiad niz qhobntswg has muas os lus pawgtez tu niz coj qhais niz ncaajnpaas. 48Kud ha txhud cawg ntua pehiad has ua tuz Tswb kwg yog kud tuz tswb Anplahaas tuz tswb kwg yog Vaajtswb tsawg, niz yog tuz kwg coj kud keb ncaaj nraid tuaj tu qhais kud tuz tswb cob kwbtij, yog qhob chia kwg kud tuaj nrhab taw tuz ntxhais tu kud tuz tswb tuz tus. 49Nizna yog mej zoo sas has ua ncaaj tu kud tuz tswb, ces thob qha tu kud paws, yog tsi taw los thob qha tu kud paws, kuas kud ha paws txabtxid sas has tas yiad ua nyaab.”
50Lanpaas has Npethu-ees tes has tas, “Qhob na yeej yog tuz Tswb pud zoo liad, pes tsi pud qaas yiad has taw nyaab tu koj. 51Lenpekas nyos qhais, koj ca ni coj niz muz. Ca niz ua koj tuz tswb tuz tus tuz puj rias ni tuz Tswb taw has tseg ca liad.” 52Thaws Anplahaas tuz tusqhe hnob tej luz na liad, niz txhud cawg ntua pehiad tuz Tswb. 53Ces niz txiad muas tej rig tsho, tej nyaj has tej sia kug luz tu Lenpekas. Has niz tseed muas taw tej khood pus kwg muaj nqais heeb tu Lenpekas tuz nuz has muas tu niz nad.
54Ces Anplahaas tuz tusqhe has cob neeg kwg nrug niz tuaj, txiad noj haws has pw is hmos qhob qhai. Taaskiz pud keb, tuz tusqhe has tas, “Thob tso kud rob qaas muz cuag kud tuz tswb.”
55Tadsis Lenpekas tuz nuz has niz nad tes has tas, “Thob ca tuz ntxhais nrug pes nyos xyaa yid hnoos lossis kawd hnoos ntxib taws, niz maad nrug mej muz.”
56Tadsis tuz tusqhe tes has tas, “Mej tsi xod cheed kud nyos. Tuz Tswb ted ua tu kud tez hujlwd kwg kud tawgkeb tuaj na tab taaz liad, thob tso kud rob muz cuag kud tuz tswb.”
57Ostug tes has tas, “Ca pes hu tuz ntxhais luz noog nuad niz has nyaab.” 58Yog ni qhai, ostug txiad hu Lenpekas luz noog has tas, “Koj puas zoo sas nrug tuz yias na muz?”
Lenpekas tes has tas, “Kud yiad muz.”
59Yog ni qhai, ostug ha ni tso Lenpekas has tuz ntxhais qheb lawz kwg istxwd tu Lenpekas nrug Anplahaas tuz tusqhe has niz cob neeg muz. 60Ces cud txiad food kooshmoob tu Lenpekas ni na:
“Tuz muad, thob kuas koj muaj tus muaj ki ntaw txhas ntaw vaad tuz!
Thob kuas koj cob xeesntxwz txees taw cud cob yeesncuas tej nroog!”
61Ces Lenpekas has niz cob ntxhais qheb ha caij ntxhuab nrug Anplahaas tuz tusqhe, siab keb muz tseb liad.
62Ixaj taastod tuaj txug qhais lus taj suaspuad#24.62 Tej phaw qus txhais has tas, tuaj txug qhais lus taj suaspuad; phaw Henplais has tas, taastod tuaj. qhais Npe Lahais Law-is “Lus Qhobdej Kwg Yog Tuz Muaj Sa Nyos Has Tuz Pud kud” has niz tuaj nyos tu hub teschias Kana-aas saas qaastes. 63Thaws yiad tsaws ntuj Ixaj txiad tiad muz ncig ua si tod tes has niz pud is paas ntxhuab tawgkeb luz. 64Thaws Lenpekas pud deeb Ixaj, niz txiad nqaiz saw niz tuz ntxhuab nrawqawd luz, 65has noog Anplahaas tuz tusqhe has tas, “Tuz yiag kwg taastod tawgkeb tuaj tu qhais pes na yog tuz twg?”
Tuz tusqhe tes has tas, “Niz yog kud tuz tswb ntaag.” Yog ni qhai, Lenpekas txiad muas phuad luz npug niz lus ntsejmuag.
66Tuz tusqhe ha qha txhua yaad kwg niz muz ua tab taaz luz tu Ixaj noog. 67Ces Ixaj ha coj Lenpekas muz tu hub lus tseb ntaws kwg thaws Xalas kwg yog niz nad nyos, has Lenpekas taw luz ua Ixaj tuz puj. Ixaj hlus Lenpekas heeb, txiad yog niz nad tuag liad los niz rob muaj keb kaajsas tuaj.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.