Tez Hujlwd 2
2
Vaaj Ntsujplig tuz Diashub Luz
1Thaws txug hnoos Peetekos, cob ntseeg tuadtxhij tuaj nyos ua ke tu hub is lus tseb. 2Ua caaz txiad muaj is lus suas nrob nroo ntwz saw ntuj luz is yaad ni is nthwb cua hlus hlus luz tu hub lus tseb kwg tuadtxhij taastod nyos ua ke. 3Cud pud is yaad zoo ni tuz nplaid tiag luz fais pes rhe lag vod muz tu cud tuadtxhij. 4Vaaj Ntsujplig tuz Diashub luz kaab taaznrhiab cud tuadtxhij lus sas, ces cud txiad has taw lwd yaad luz rias ni Vaaj Ntsujplig kuas cud has.
5Thaws qhai cob Yudais kwg fwd Vaajtswb tuaj txhua lus teschias kwg nyos hub qaas ntuj na tuaj su tu hub lus nroog Yeluxalees. 6Thaws cud hnob tej suas qhai, cob neeg coos coos qhai txiad tuaj nuad yog nyaab. Thaws cud nyaz hnob nyaz lus teschias tej luz kwg cob ntseeg qhai has, cud xaab tsi thoos ni. 7Cud tsi paws yiad has nyaab, ces cud txiad has tas, “Cob neeg kwg taastod has luz na puabtsig yog neeg Kalilais los sab! 8Ua nyaab pes hnob cud has taw pes tej luz? 9Pes cob qhai na muaj istxha yog neeg Pathias, neeg Medias, has neeg Elaas; muaj istxha tuaj tid teschias Mexuputamias tuaj, tuaj hub xeeb Yudais tuaj, tuaj pes teschias Kapadaukias tuaj; tuaj pes teschias Pootus has teschias Axias tuaj, 10tuaj pes teschias Felinkias has pes teschias Paafilias tuaj, tuaj nraaz teschias Izib tuaj, tuaj hub tej cheestsaad hub teschias Linpias kwg nyos ze teschias Kulenes tuaj. Pes istxha tuaj tid lus nroog Loos tuaj, 11tsi has cob Yudais has lwd Yaad Neeg kwg kaab xeed ua neeg Yudais, has pes istxha tuaj tid koog Pobtxwb Kaletes has nraaz teschias Alanpias tuaj, txiad yog pes tuaj txhua qhob chia tuaj los pes puabtsig hnob cud has txug tej txujci tseedcees kwg Vaajtswb taw ua liad. Pes totaws, tu qhob tej luz kwg cud has qhai puabtsig yog pes tej luz!” 12Cud hnob ni qhai, cud xaab tsi thoos ni, cud sis noog zus ziaz has tas, “Tej na yog nyaab?”
13Tadsis muaj istxha rus cob ntseeg zus ziaz has tas, “Cob neeg qhai qawg ciab liad!”
Zaaj Kwg Petus Qha
14Thaws qhai Petus has kawd is tug tidthiaj tseed siab ntsug, ces Petus has nrob nrob tu cob neeg coos coos qhai has tas, “Cob kwbtij Yudais has mej tuadtxhij kwg nyos hub lus nroog Yeluxalees na, mej ua tuaszoo noog tej kwg kud qha tu mej. 15Nizna qhos ni cuaj teeb siab ntxub nyaz, cob yiag na tsi yog qawg ciab ni mej has. 16Tej kwg muaj na yog rias ni Yaw-ees kwg yog tuz ceb Vaajtswb luz taw qha tseg liad has tas:
17‘Vaajtswb has tas, thaws txug tad kwg ntajtes yiad kiag, kud yiad ua ni na:
kud yiad pus kud tuz Ntsujplig tu tuadtxhij.
Mej tej tus tej ntxhais yiad ceb kud tej luz.
Mej tej tus hluas yiad ua yugtoog,
has tej lawg yiad ua npaw suab.
18Tsi yog ni qhai nyaz, thaws txug tad qhai,
kud yiad pus kud tuz Ntsujplig tu kud cob tusqhe, tsi has puj has yiag hubtsig.
Cud yiad ceb kud tej luz.
19Kud yiad ua tej txujci tseedcees tu saw nruas ntug, has hub ntajtes na.
Yiad muaj ntshaab, muaj nplaid tiag has paa tiag.
20Thaws tseed tsi taw txug hnoos tseedcees kwg ci ntsaa as kwg tuz Tswb luz,
lus hnoos yiad tsaws,
has lus hli yiad lag ni ntshaab.
21Thaws qhai tuz kwg thob tuz Tswb lus npe, tuz qhai yiad kig.’
22Cob kwbtij Yixalayees, mej ca ni noog tej luz kwg kud yiad qha na! Vaajtswb txis Yexus tuz kwg yog neeg Naxales luz ua tej txujci tseedcees qha Vaajtswb lus fwjchid tu mej. Tej kwg mej pud qhai qha tu mej paws has tas Yexus yog tuz kwg Vaajtswb txis luz tag. 23Qhob kwg Vaajtswb muas Yexus tu mej, mej muas niz tu cob neeg txhud coj muz ntsa tu saw ntoo khawslig, has mej kuas cud muas niz tua laidtaa, qhob qhai ted yog rias ni Vaajtswb pud zoo has npaaj tseg liad. 24Tadsis Vaajtswb ted dias Yexus kig has tsaa Yexus siab hub qhob tuag rob qaas luz liad; txuj keb tuag lus fwjchid yuad tsi taw niz. 25Tu qhob Dasvib has txug niz has tas:
‘Kud naj hnoos pud tuz Tswb nrug kud nyos;
Niz nyos qhais kud saas xis, kud ha tsi ntxhub sas.
26Ted yog vid ni na kud ha zoo sas,
has tej luz kwg kud has ua tu tuadtxhij paws has tas kud zoo sas.
Txiad yog kud yog neeg nyaz los
kud tseed muaj keb ca sas,
27tu qhob koj yeej yiad tsi tso kud tuz ntsujplig tu hub tustuag tes;
Koj yiad tsi ca koj tuz tusqhe kwg ncaajnceeg ceb nqaj lwj tu hub qhob ntxaa.
28Koj ted qha txuj keb kwg coj neeg muz txug txujsa tu kud paws liad,
has qhob kwg koj nrug kud nyos, ua tu kud zoo sas heeb ni.’
29Cob kwbtij, kud muaj cuaskaab qha tsees tu mej paws txug pes yiadkoos Dasvib. Niz ted tuag has cud muas niz lus ceb coj muz loz liad, naj hnoos nizna niz lus ntxaa tseed nyos. 30Thaws Dasvib tseed ua neej nyos, niz yog is tug kwg ceb Vaajtswb luz. Niz paws tsees has tas Vaajtswb ted cogluz tu niz has tas, Vaajtswb yiad tsaa niz is tug xeesntxwz luz ua vaajntxwb is yaad ni niz. 31Dasvib ted paws ua ntej liad has tas, tuz Mexiyas yiad siab hub qhob tuag rob qaas luz. Dasvib ha has tas:
‘Vaajtswb yiad tsi tso niz tseg tu hub tustuag tes;
Niz ceb nqaj yiad tsi lwj tu hub qhob ntxaa.’
32Tuz Yexus na yog tuz kwg Vaajtswb tsaa siab hub qhob tuag rob qaas luz, pes ua tidkhiab has tas, niz ted siab hub qhob tuag rob qaas luz liad tag. 33Vaajtswb tuz kwg yog Yexus Vaid, niz coj Yexus muz nyos qhais niz saas xis, has Vaajtswb pus Vaaj Ntsujplig tu Yexus rias ni Vaajtswb taw cogluz tseg liad. Nizna Yexus ted pus Vaaj Ntsujplig tu pes liad, rias ni mej hnob has mej pud na. 34Dasvib yeej tsi taw muz saw ntuj ceestsheej kua ni, tadsis Dasvib has tas:
‘Tuz Tswb has tu kud tuz Tswb has tas:
koj ca ni luz nyos qhais kud saas xis
35muz txug thaws kud muas koj cob yeesncuas luz ua chia tag tia tu koj tsuj.’
36Yog ni qhai cob Yixalayees, mej tuadtxhij yiadtsud paws has tas tuz Yexus kwg mej muas ntsa tu saw ntoo khawslig yog tuz kwg Vaajtswb tsaa ua tuz Tswb has ua tuz Mexiyas liad.”
37Thaws tuadtxhij hnob Petus has ni qhai, cud nyuaj sas heeb ni, cud txiad noog Petus has cob tidthiaj has tas, “Cob kwbtij, pes yiad ua nyaab?”
38Petus tes cud has tas, “Mej tuadtxhij nyaz yiadtsud tso nyaz tej keb txhud tseg has ua kebcai raws dej qhai Yexus Khetos lus npe, Vaajtswb ha yiad zaad txid tu mej; has mej ha yiad taw txais Vaaj Ntsujplig tuz diashub. 39Tu qhob Vaajtswb cogluz tseg has tas, niz yiad pus tej na tu mej, mej cob minyuas, has tu cob neeg kwg nyos kes tuz Tswb kwg yog pes tug Vaajtswb hu luz ua niz yaad neeg.”
40Petus tseed ntuaz has qha cud ntxib has tas, “Mej yiadtsud nrhab keb tsib kuas kig, mej ha tsi rawg txid ni cob neeg sas phed na!” 41Cob neeg kwg hnob Petus qha, muaj ntaw tuz ntseeg has ua kebcai raws dej. Hnoos qhai cob kwg luz ntseeg muaj kwblaad ni pes txhas tuz. 42Cud naj hnoostuaj kiad tej kwg cob tidthiaj qha, cud sis hlus sis paas, cud kood noj Yexus rooj mo has thob Vaajtswb ua ke.
Cob Ntseeg Yexus Lus Neej
43Thaws tuadtxhij pud tej txujci tseedcees kwg cob tidthiaj ua, cud xaab tsi thoos ni. 44Cob ntseeg tuadtxhij kood is lus sas, nyaz coj nyaz tej qhob txhua chia tuaj tso ua ke ua tuadtxhij tus. 45Cud muas cud tej aab has tej khood kwg yog cud tu muas, has cud muas tej nyaj qhai fais tu tuadtxhij rias ni tuz kwg muaj chia sib. 46Cud naj hnoos muz pehiad Vaajtswb hub lus Tuadtseb, has cud noj Yexus rooj mo, has noj mo ua ke hub cud tej tseb is lus dhaw is lus, txiad yog muaj ntaw muaj tsiag los cud tuadtxhij zoo sas noj. 47Cud qhuas Vaajtswb has tej neeg txaws sas tu cud. Has txhua hnoos, tuz Tswb coj neeg luz ntseeg coos zuj zug ntxib.
Currently Selected:
Tez Hujlwd 2: CQD2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Tez Hujlwd 2
2
Vaaj Ntsujplig tuz Diashub Luz
1Thaws txug hnoos Peetekos, cob ntseeg tuadtxhij tuaj nyos ua ke tu hub is lus tseb. 2Ua caaz txiad muaj is lus suas nrob nroo ntwz saw ntuj luz is yaad ni is nthwb cua hlus hlus luz tu hub lus tseb kwg tuadtxhij taastod nyos ua ke. 3Cud pud is yaad zoo ni tuz nplaid tiag luz fais pes rhe lag vod muz tu cud tuadtxhij. 4Vaaj Ntsujplig tuz Diashub luz kaab taaznrhiab cud tuadtxhij lus sas, ces cud txiad has taw lwd yaad luz rias ni Vaaj Ntsujplig kuas cud has.
5Thaws qhai cob Yudais kwg fwd Vaajtswb tuaj txhua lus teschias kwg nyos hub qaas ntuj na tuaj su tu hub lus nroog Yeluxalees. 6Thaws cud hnob tej suas qhai, cob neeg coos coos qhai txiad tuaj nuad yog nyaab. Thaws cud nyaz hnob nyaz lus teschias tej luz kwg cob ntseeg qhai has, cud xaab tsi thoos ni. 7Cud tsi paws yiad has nyaab, ces cud txiad has tas, “Cob neeg kwg taastod has luz na puabtsig yog neeg Kalilais los sab! 8Ua nyaab pes hnob cud has taw pes tej luz? 9Pes cob qhai na muaj istxha yog neeg Pathias, neeg Medias, has neeg Elaas; muaj istxha tuaj tid teschias Mexuputamias tuaj, tuaj hub xeeb Yudais tuaj, tuaj pes teschias Kapadaukias tuaj; tuaj pes teschias Pootus has teschias Axias tuaj, 10tuaj pes teschias Felinkias has pes teschias Paafilias tuaj, tuaj nraaz teschias Izib tuaj, tuaj hub tej cheestsaad hub teschias Linpias kwg nyos ze teschias Kulenes tuaj. Pes istxha tuaj tid lus nroog Loos tuaj, 11tsi has cob Yudais has lwd Yaad Neeg kwg kaab xeed ua neeg Yudais, has pes istxha tuaj tid koog Pobtxwb Kaletes has nraaz teschias Alanpias tuaj, txiad yog pes tuaj txhua qhob chia tuaj los pes puabtsig hnob cud has txug tej txujci tseedcees kwg Vaajtswb taw ua liad. Pes totaws, tu qhob tej luz kwg cud has qhai puabtsig yog pes tej luz!” 12Cud hnob ni qhai, cud xaab tsi thoos ni, cud sis noog zus ziaz has tas, “Tej na yog nyaab?”
13Tadsis muaj istxha rus cob ntseeg zus ziaz has tas, “Cob neeg qhai qawg ciab liad!”
Zaaj Kwg Petus Qha
14Thaws qhai Petus has kawd is tug tidthiaj tseed siab ntsug, ces Petus has nrob nrob tu cob neeg coos coos qhai has tas, “Cob kwbtij Yudais has mej tuadtxhij kwg nyos hub lus nroog Yeluxalees na, mej ua tuaszoo noog tej kwg kud qha tu mej. 15Nizna qhos ni cuaj teeb siab ntxub nyaz, cob yiag na tsi yog qawg ciab ni mej has. 16Tej kwg muaj na yog rias ni Yaw-ees kwg yog tuz ceb Vaajtswb luz taw qha tseg liad has tas:
17‘Vaajtswb has tas, thaws txug tad kwg ntajtes yiad kiag, kud yiad ua ni na:
kud yiad pus kud tuz Ntsujplig tu tuadtxhij.
Mej tej tus tej ntxhais yiad ceb kud tej luz.
Mej tej tus hluas yiad ua yugtoog,
has tej lawg yiad ua npaw suab.
18Tsi yog ni qhai nyaz, thaws txug tad qhai,
kud yiad pus kud tuz Ntsujplig tu kud cob tusqhe, tsi has puj has yiag hubtsig.
Cud yiad ceb kud tej luz.
19Kud yiad ua tej txujci tseedcees tu saw nruas ntug, has hub ntajtes na.
Yiad muaj ntshaab, muaj nplaid tiag has paa tiag.
20Thaws tseed tsi taw txug hnoos tseedcees kwg ci ntsaa as kwg tuz Tswb luz,
lus hnoos yiad tsaws,
has lus hli yiad lag ni ntshaab.
21Thaws qhai tuz kwg thob tuz Tswb lus npe, tuz qhai yiad kig.’
22Cob kwbtij Yixalayees, mej ca ni noog tej luz kwg kud yiad qha na! Vaajtswb txis Yexus tuz kwg yog neeg Naxales luz ua tej txujci tseedcees qha Vaajtswb lus fwjchid tu mej. Tej kwg mej pud qhai qha tu mej paws has tas Yexus yog tuz kwg Vaajtswb txis luz tag. 23Qhob kwg Vaajtswb muas Yexus tu mej, mej muas niz tu cob neeg txhud coj muz ntsa tu saw ntoo khawslig, has mej kuas cud muas niz tua laidtaa, qhob qhai ted yog rias ni Vaajtswb pud zoo has npaaj tseg liad. 24Tadsis Vaajtswb ted dias Yexus kig has tsaa Yexus siab hub qhob tuag rob qaas luz liad; txuj keb tuag lus fwjchid yuad tsi taw niz. 25Tu qhob Dasvib has txug niz has tas:
‘Kud naj hnoos pud tuz Tswb nrug kud nyos;
Niz nyos qhais kud saas xis, kud ha tsi ntxhub sas.
26Ted yog vid ni na kud ha zoo sas,
has tej luz kwg kud has ua tu tuadtxhij paws has tas kud zoo sas.
Txiad yog kud yog neeg nyaz los
kud tseed muaj keb ca sas,
27tu qhob koj yeej yiad tsi tso kud tuz ntsujplig tu hub tustuag tes;
Koj yiad tsi ca koj tuz tusqhe kwg ncaajnceeg ceb nqaj lwj tu hub qhob ntxaa.
28Koj ted qha txuj keb kwg coj neeg muz txug txujsa tu kud paws liad,
has qhob kwg koj nrug kud nyos, ua tu kud zoo sas heeb ni.’
29Cob kwbtij, kud muaj cuaskaab qha tsees tu mej paws txug pes yiadkoos Dasvib. Niz ted tuag has cud muas niz lus ceb coj muz loz liad, naj hnoos nizna niz lus ntxaa tseed nyos. 30Thaws Dasvib tseed ua neej nyos, niz yog is tug kwg ceb Vaajtswb luz. Niz paws tsees has tas Vaajtswb ted cogluz tu niz has tas, Vaajtswb yiad tsaa niz is tug xeesntxwz luz ua vaajntxwb is yaad ni niz. 31Dasvib ted paws ua ntej liad has tas, tuz Mexiyas yiad siab hub qhob tuag rob qaas luz. Dasvib ha has tas:
‘Vaajtswb yiad tsi tso niz tseg tu hub tustuag tes;
Niz ceb nqaj yiad tsi lwj tu hub qhob ntxaa.’
32Tuz Yexus na yog tuz kwg Vaajtswb tsaa siab hub qhob tuag rob qaas luz, pes ua tidkhiab has tas, niz ted siab hub qhob tuag rob qaas luz liad tag. 33Vaajtswb tuz kwg yog Yexus Vaid, niz coj Yexus muz nyos qhais niz saas xis, has Vaajtswb pus Vaaj Ntsujplig tu Yexus rias ni Vaajtswb taw cogluz tseg liad. Nizna Yexus ted pus Vaaj Ntsujplig tu pes liad, rias ni mej hnob has mej pud na. 34Dasvib yeej tsi taw muz saw ntuj ceestsheej kua ni, tadsis Dasvib has tas:
‘Tuz Tswb has tu kud tuz Tswb has tas:
koj ca ni luz nyos qhais kud saas xis
35muz txug thaws kud muas koj cob yeesncuas luz ua chia tag tia tu koj tsuj.’
36Yog ni qhai cob Yixalayees, mej tuadtxhij yiadtsud paws has tas tuz Yexus kwg mej muas ntsa tu saw ntoo khawslig yog tuz kwg Vaajtswb tsaa ua tuz Tswb has ua tuz Mexiyas liad.”
37Thaws tuadtxhij hnob Petus has ni qhai, cud nyuaj sas heeb ni, cud txiad noog Petus has cob tidthiaj has tas, “Cob kwbtij, pes yiad ua nyaab?”
38Petus tes cud has tas, “Mej tuadtxhij nyaz yiadtsud tso nyaz tej keb txhud tseg has ua kebcai raws dej qhai Yexus Khetos lus npe, Vaajtswb ha yiad zaad txid tu mej; has mej ha yiad taw txais Vaaj Ntsujplig tuz diashub. 39Tu qhob Vaajtswb cogluz tseg has tas, niz yiad pus tej na tu mej, mej cob minyuas, has tu cob neeg kwg nyos kes tuz Tswb kwg yog pes tug Vaajtswb hu luz ua niz yaad neeg.”
40Petus tseed ntuaz has qha cud ntxib has tas, “Mej yiadtsud nrhab keb tsib kuas kig, mej ha tsi rawg txid ni cob neeg sas phed na!” 41Cob neeg kwg hnob Petus qha, muaj ntaw tuz ntseeg has ua kebcai raws dej. Hnoos qhai cob kwg luz ntseeg muaj kwblaad ni pes txhas tuz. 42Cud naj hnoostuaj kiad tej kwg cob tidthiaj qha, cud sis hlus sis paas, cud kood noj Yexus rooj mo has thob Vaajtswb ua ke.
Cob Ntseeg Yexus Lus Neej
43Thaws tuadtxhij pud tej txujci tseedcees kwg cob tidthiaj ua, cud xaab tsi thoos ni. 44Cob ntseeg tuadtxhij kood is lus sas, nyaz coj nyaz tej qhob txhua chia tuaj tso ua ke ua tuadtxhij tus. 45Cud muas cud tej aab has tej khood kwg yog cud tu muas, has cud muas tej nyaj qhai fais tu tuadtxhij rias ni tuz kwg muaj chia sib. 46Cud naj hnoos muz pehiad Vaajtswb hub lus Tuadtseb, has cud noj Yexus rooj mo, has noj mo ua ke hub cud tej tseb is lus dhaw is lus, txiad yog muaj ntaw muaj tsiag los cud tuadtxhij zoo sas noj. 47Cud qhuas Vaajtswb has tej neeg txaws sas tu cud. Has txhua hnoos, tuz Tswb coj neeg luz ntseeg coos zuj zug ntxib.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.