Tez Hujlwd 3
3
Tuz Yiag Kwg Tuag Tia
1Muaj is hnoos thaws pes teeb hnoos qaij, Petus has Yawhaas muz tu hub lus Tuadtseb, thaws qhai yog lus sijhiad kwg tuadtxhij tuaj thob Vaajtswb. 2Muaj is tug yiag tuag ceg thaws nruas thas luz nyos tuasyws qhai lus roojvaag kwg hu ua lus Roojvaag Zoo Nkawj. Naj hnoos muaj neeg kwb niz tuaj nyos tu qhais lus roojvaag has thob nyaj qhai cob neeg kwg tuaj thob Vaajtswb hub lus Tuadtseb. 3Thaws niz pud Petus has Yawhaas taastod yiad muz hub lus Tuadtseb, niz txiad thob kuas ostug pus is yaad daastsi tu niz. 4Petus has Yawhaas ostug tsaa qhobmuag nuad tuz yiag kwg tuag ceg qhai, ces Petus txiad has tas, “Koj ca ni nuad pes!” 5Tuz yiag qhai nuad ntsoob ostug has ca sas tas ostug yiad pus is yaad daastsi tu niz. 6Tadsis Petus has tu niz tas, “Kud tsi muaj nyaj, tadsis kug yiad muas yaad kwg kud muaj tu koj: kud tuab Yexus Khetos kwg yog neeg Naxales lus npe has tu koj tas, koj ca ni siab has muz keb!” 7Petus tuab nkaws tuz yiag qhai saas tez xis nquz niz siab. Taadsij qhai niz os txhais kuatia has tej cos txhaa txiad muaj zug liad. 8Ces niz txiad dla siab tseez has pib muz keb. Niz nrug Petus has Yawhaas muz tu hub lus Tuadtseb has niz dha paaj piag ua Vaajtswb tsawg. 9Cob neeg kwg nyos qhais pud niz muz keb has hnob niz ua Vaajtswb tsawg, 10has thaws cud pud dheeb niz, cud paws has tas niz yog tuz kwg naj hnoostuaj nyos qhais lus Roojvaag Zoo Nkawj qhais tuadtseb thob nyaj, cud xaab tsi thoos ni, xyob yog ua nyaab niz muz tawgkeb liad.
Petus Qha hub Lus Tuadtseb
11Thaws tuz yiag qhai tseed tuab riab Petus has Yawhaas tez qhai Xalumoos lus qaaskhaab, cob neeg kwg pud ni qhai xaab tsi thoos ni. Cud txiad dha zus ziaz luz tu qhais Petus ostug. 12Thaws Petus pud cob neeg dha zus ziaz luz, Petus has tu cud tas, “Cob kwbtij Yixalayees, ua nyaab mej yiad xaab tsi thoos tu tej na has ua nyaab mej yiad nuad quas ntsoob pes? Mej xaab has tas yog pes muaj fwjchid lossis yog pes ntseeg heeb, pes ha ua tu tuz yiag na muz tawgkeb na los? 13Tuz Vaajtswb kwg yog pes yiadkoos Anplahaas, Ixaj has Yakhawj tuz Vaajtswb ua tu niz tuz Tusqhe Yexus taw koos meej. Tadsis mej ntez niz coj muz tu cob nudtswb kwg muaj fwjchid. Thaws Philaaj tawz niz zaaj, txiad yog Philaaj xaab muas niz tso los mej tsi yeed. 14Niz yog tuz diashub has ncaajnceeg, tadsis mej tsi yeed Philaaj tso niz. Mej rob thob kuas Philaj tso tuz neeg kwg tua neeg tu mej. 15Mej muas tuz kwg ciad neeg txujsa tua laidtaa, tadsis Vaajtswb tsaa niz siab hub qhob tuag rob qaas luz, pes has ua tidkhiab has tas niz tes siab hub qhob tuag rob qaas luz liad tag. 16Tes yog Yexus lus npe kwg muaj fwjchid khu taw tuz yiag tuag kuatia kwg mej pud qhai muaj zug ntag. Tes yog vid tuz yiag kwg mej pud has paws na ntseeg Yexus, niz has zoo. Mej pud has tas niz zoo liad vid niz ntseeg Yexus.
17Cob kwbtij, kud paws has tas qhob kwg mej has mej cob thiajcoj ua ni qhai tu Yexus, vid mej tsi paws. 18Yaab thaws u Vaajtswb kuas cob ceb Vaajtswb luz qha ua ntej has tas, tuz Mexiyas yiad rawg keb tsidtxod; nizna tes muaj tab rias ni Vaajtswb taw has tseg liad. 19Yog ni qhai, mej yiadtsud tso mej tej keb txhud tseg has tig rob luz cuag Vaajtswb, Vaajtswb has zaad mej lus txid. Yog mej ua ni qhai, 20tuz Tswb yiad paas kuas mej taw zoo nyos kaajsas lug. Vaajtswb yiad txis Yexus kwg yog tuz Mexiyas luz paas mej. 21Yexus yiad nyos saw ntuj ceestsheej muz txug thaws kwg is puas tsaab yaad hlub kua tshas taaz hubtsig, tej na muaj rias ni cob ceb Vaajtswb luz kwg yog neeg diashub thaws u taw qha tseg liad. 22Tu qhob Mawxes has tas, ‘Tuz Tswb kwg yog mej tuz Vaajtswb yiad tsaa mej cob is tug ua tuz ceb Vaajtswb luz is yaad ni niz taw tsaa kud,#3.22 is yaad ni niz taw tsaa kud; lossis zoo ni kud. mej yiadtsud noog txhua yaad kwg niz qha tu mej. 23Yog tuz twg tsi noog tej luz kwg tuz ceb Vaajtswb luz qhai qha, Vaajtswb yiad muas tuz qhai tshed tiad qhai niz yaad neeg muz has tuz qhai yiad rawg keb puadtsuaj.’ 24Cob ceb Vaajtswb luz thaws u kwg yog suab txij Xamuyees luz, puabtsig has txug hnoos na is yaad nkaws. 25Thaws Vaajtswb kuas niz cob cebluz qha niz tej luz cos tseg tu mej, tes yog niz xaab paas mej. Has tej luz kwg niz cos tseg tu mej cob yiadkoos, ted yog niz cogluz tu mej has. Vaajtswb cogluz tseg tu Anplahaas has tas, ‘Kud yiad food kooshmoob qhai koj tuz xeesntxwz muz tu txhua yaad neeg hub qaas ntuj na.’ 26Yog ni qhai, Vaajtswb ha txis niz tuz Tusqhe kwg niz ted xaib ca liad luz cuag mej ua ntej, niz food kooshmoob tu mej, kuas mej ha tso mej tej keb txhud tseg.”
Currently Selected:
Tez Hujlwd 3: CQD2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Tez Hujlwd 3
3
Tuz Yiag Kwg Tuag Tia
1Muaj is hnoos thaws pes teeb hnoos qaij, Petus has Yawhaas muz tu hub lus Tuadtseb, thaws qhai yog lus sijhiad kwg tuadtxhij tuaj thob Vaajtswb. 2Muaj is tug yiag tuag ceg thaws nruas thas luz nyos tuasyws qhai lus roojvaag kwg hu ua lus Roojvaag Zoo Nkawj. Naj hnoos muaj neeg kwb niz tuaj nyos tu qhais lus roojvaag has thob nyaj qhai cob neeg kwg tuaj thob Vaajtswb hub lus Tuadtseb. 3Thaws niz pud Petus has Yawhaas taastod yiad muz hub lus Tuadtseb, niz txiad thob kuas ostug pus is yaad daastsi tu niz. 4Petus has Yawhaas ostug tsaa qhobmuag nuad tuz yiag kwg tuag ceg qhai, ces Petus txiad has tas, “Koj ca ni nuad pes!” 5Tuz yiag qhai nuad ntsoob ostug has ca sas tas ostug yiad pus is yaad daastsi tu niz. 6Tadsis Petus has tu niz tas, “Kud tsi muaj nyaj, tadsis kug yiad muas yaad kwg kud muaj tu koj: kud tuab Yexus Khetos kwg yog neeg Naxales lus npe has tu koj tas, koj ca ni siab has muz keb!” 7Petus tuab nkaws tuz yiag qhai saas tez xis nquz niz siab. Taadsij qhai niz os txhais kuatia has tej cos txhaa txiad muaj zug liad. 8Ces niz txiad dla siab tseez has pib muz keb. Niz nrug Petus has Yawhaas muz tu hub lus Tuadtseb has niz dha paaj piag ua Vaajtswb tsawg. 9Cob neeg kwg nyos qhais pud niz muz keb has hnob niz ua Vaajtswb tsawg, 10has thaws cud pud dheeb niz, cud paws has tas niz yog tuz kwg naj hnoostuaj nyos qhais lus Roojvaag Zoo Nkawj qhais tuadtseb thob nyaj, cud xaab tsi thoos ni, xyob yog ua nyaab niz muz tawgkeb liad.
Petus Qha hub Lus Tuadtseb
11Thaws tuz yiag qhai tseed tuab riab Petus has Yawhaas tez qhai Xalumoos lus qaaskhaab, cob neeg kwg pud ni qhai xaab tsi thoos ni. Cud txiad dha zus ziaz luz tu qhais Petus ostug. 12Thaws Petus pud cob neeg dha zus ziaz luz, Petus has tu cud tas, “Cob kwbtij Yixalayees, ua nyaab mej yiad xaab tsi thoos tu tej na has ua nyaab mej yiad nuad quas ntsoob pes? Mej xaab has tas yog pes muaj fwjchid lossis yog pes ntseeg heeb, pes ha ua tu tuz yiag na muz tawgkeb na los? 13Tuz Vaajtswb kwg yog pes yiadkoos Anplahaas, Ixaj has Yakhawj tuz Vaajtswb ua tu niz tuz Tusqhe Yexus taw koos meej. Tadsis mej ntez niz coj muz tu cob nudtswb kwg muaj fwjchid. Thaws Philaaj tawz niz zaaj, txiad yog Philaaj xaab muas niz tso los mej tsi yeed. 14Niz yog tuz diashub has ncaajnceeg, tadsis mej tsi yeed Philaaj tso niz. Mej rob thob kuas Philaj tso tuz neeg kwg tua neeg tu mej. 15Mej muas tuz kwg ciad neeg txujsa tua laidtaa, tadsis Vaajtswb tsaa niz siab hub qhob tuag rob qaas luz, pes has ua tidkhiab has tas niz tes siab hub qhob tuag rob qaas luz liad tag. 16Tes yog Yexus lus npe kwg muaj fwjchid khu taw tuz yiag tuag kuatia kwg mej pud qhai muaj zug ntag. Tes yog vid tuz yiag kwg mej pud has paws na ntseeg Yexus, niz has zoo. Mej pud has tas niz zoo liad vid niz ntseeg Yexus.
17Cob kwbtij, kud paws has tas qhob kwg mej has mej cob thiajcoj ua ni qhai tu Yexus, vid mej tsi paws. 18Yaab thaws u Vaajtswb kuas cob ceb Vaajtswb luz qha ua ntej has tas, tuz Mexiyas yiad rawg keb tsidtxod; nizna tes muaj tab rias ni Vaajtswb taw has tseg liad. 19Yog ni qhai, mej yiadtsud tso mej tej keb txhud tseg has tig rob luz cuag Vaajtswb, Vaajtswb has zaad mej lus txid. Yog mej ua ni qhai, 20tuz Tswb yiad paas kuas mej taw zoo nyos kaajsas lug. Vaajtswb yiad txis Yexus kwg yog tuz Mexiyas luz paas mej. 21Yexus yiad nyos saw ntuj ceestsheej muz txug thaws kwg is puas tsaab yaad hlub kua tshas taaz hubtsig, tej na muaj rias ni cob ceb Vaajtswb luz kwg yog neeg diashub thaws u taw qha tseg liad. 22Tu qhob Mawxes has tas, ‘Tuz Tswb kwg yog mej tuz Vaajtswb yiad tsaa mej cob is tug ua tuz ceb Vaajtswb luz is yaad ni niz taw tsaa kud,#3.22 is yaad ni niz taw tsaa kud; lossis zoo ni kud. mej yiadtsud noog txhua yaad kwg niz qha tu mej. 23Yog tuz twg tsi noog tej luz kwg tuz ceb Vaajtswb luz qhai qha, Vaajtswb yiad muas tuz qhai tshed tiad qhai niz yaad neeg muz has tuz qhai yiad rawg keb puadtsuaj.’ 24Cob ceb Vaajtswb luz thaws u kwg yog suab txij Xamuyees luz, puabtsig has txug hnoos na is yaad nkaws. 25Thaws Vaajtswb kuas niz cob cebluz qha niz tej luz cos tseg tu mej, tes yog niz xaab paas mej. Has tej luz kwg niz cos tseg tu mej cob yiadkoos, ted yog niz cogluz tu mej has. Vaajtswb cogluz tseg tu Anplahaas has tas, ‘Kud yiad food kooshmoob qhai koj tuz xeesntxwz muz tu txhua yaad neeg hub qaas ntuj na.’ 26Yog ni qhai, Vaajtswb ha txis niz tuz Tusqhe kwg niz ted xaib ca liad luz cuag mej ua ntej, niz food kooshmoob tu mej, kuas mej ha tso mej tej keb txhud tseg.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.