Tez Hujlwd 1
1
1The-awfilaws, Phaw ntiab kwg kud xus saw, kud saw has txug txhua yaad kwg Yexus ua has qha txij thaws kwg niz chib ua hujlwd 2muz txug hnoos kwg Vaajtswb coj niz muz saw ntuj. Thaws Yexus tsi taw muz saw ntuj, niz kuas Vaaj Ntsujplig tuz Diashub qha niz cob tidthiaj kwg niz xaib tseg liad. 3Tu qhob plaws cawg hnoos tod qaas kwg niz siab hub qhob tuag rob qaas luz, niz taw luz tshwd tu cud pud ntaw zag, kuas cud paws has tas niz tseed muaj sa nyos. Cud taw pud niz has niz qha cud txug Vaajtswb lus Teschias. 4Muaj is zag thaws Yexus nrug niz cob tidthiaj nyos ua ke,#1.4 Thaws Yexus nrug niz cob tidthiaj nyos ua ke; lossis thaws cud tuaj sissaw ua ke; lossis thaws niz nrug cud nyos; lossis niz nrug cud noj mo ua ke. niz saadfwd tu cud tas, “Mej tsi xod tiad hub lus nroog Yeluxalees muz qhob twg ni, mej yiadtsud nyos toz txug hnoos kwg mej taw rias ni kud Vaid cogluz has tas, niz yiad pus tu mej. Qhob qhai kud ted qha tu mej liad. 5Yawhaas muas neeg ua kebcai raws tu hub dej, tadsis tshuab os pes hnoos nyaz, yiad muas mej ua kebcai raws luz qhai Vaaj Ntsujplig Tuz Diashub.”
Vaajtswb Coj Yexus Muz saw Ntuj
6Thaws cob thwjtid nrug Yexus nyos ua ke, cud noog Yexus has tas, “Tuz Tswb, lus sijhiad na, koj yiad muas lus Teschias rob tu cob Yixalayees los?”
7Yexus has tu cud tas, “Tsi taaz mej yiad paws has tas hnoos twg has lus sijhiad twg yiad muaj ni qhai. Lus sijhiad qhai, nyos qhais leej Vaid teed ca. 8Tadsis thaws Vaaj Ntsujplig tuz Diashub luz nrug mej nyos liad, niz yiad pus fwjchid tu mej has mej yiad ua tidkhiab qha kud zaaj muz thoos pliaz hub lus nroog Yeluxalees, hub lus xeeb Yudais, hub lus xeeb Xamalis, has muz txug qaas ntuj kiag.” 9Thaws Yexus has ni qhai taaz, thaws cud tseed nuad quas ntsoob Yexus, ces Vaajtswb txiad coj Yexus muz saw ntuj liad. Muaj is twb fuas luz rooz niz, ces cud tsi pud niz liad.
10Thaws cud tseed taastod nuad ntsoob Yexus muz saw ntuj, ua caaz muaj os tug yiag hnaab rig tsho dias pawg luz siab qhai cud. 11Ostug has tu cud tas, “Cob neeg Kalilais, mej siab nuad saw ntuj ua daastsi? Yexus tuz kwg Vaajtswb qhos ni coj muz saw ntuj liad, niz yeej yiad rob qaas luz is yaad nkaws ni kwg mej pud niz muz ntag.”
Tuz Kwg Hlub Yudas Ixakali-us Chia
12Cob tidthiaj txiad rob qaas pes Roos Txibntoo Roj luz txug tu hub lus nroog Yeluxalees. Lus roos qhai nyos nrug kes qhai lus nroog kwblaad ni is kilumev. 13Thaws cud luz txug hub lus nroog Yeluxalees, cud txiad muz tu hub is lus tseb, has nce muz tu is chaab kwg nyos txheej saw, chaab qhai yog chaab kwg cud tuaj su. Cud cob qhai yog: Petus, Yawhaas, Yakawnpaws, Aadales, Filis, Thaumas, Npatawlawmais, Mathais, Yakawnpaws kwg yog Alafais tuz tu, Ximoos Xe-lawb#1.13 Xe-lawb: Yog tuz kwg xaab kuas niz lus teschias muaj keb ywjpheej , has Yudas kwg yog Yakawnpaws tuz tu. 14Cud cob na nrug tu is cob puj has Malis kwg yog Yexus nad has Yexus cob kwb pheej tuaj ua ke kood ua is lus sas thob Vaajtswb.
15Os pes hnoos tod qaas qhai cob ntseeg tuaj saaslaaj ua ke, cud muaj kwblaad ni is puas neez nkawd tuz, ces Petus txiad siab ntsug qha cob neeg qhai 16has tas, “Cob kwbtij, yeej yiad muaj rias ni Vaajtswb txujlug kwg Vaaj Ntsujplig qha tu Vaajntxwb Dasvib saw has txug Yudas tuz kwg coj neeg keb muz ntez Yexus. 17Yudas yeej yog is tug hub pes paas, vid Yexus taw tsaa niz nrug pes ua is tez hujlwd.”
18(Cob nyaj kwg Yudas taw thaws Yudas ua phed, Yudas muas yuab is thaaj aab. Qhob chia kwg Yudas lus ceb poos, niz plaas tiag has hnyub tiad taaz hubtsig, ted yog qhai thaaj aab qhai ntag. 19Cob neeg kwg nyos hub lus nroog Yeluxalees hnob zaaj na, cud txiad hu thaaj aab qhai rias ni cud luz has tas, Akedamas kwg txhais has tas, “Thaaj Aab Ntshaab.”)
20Ted muaj luz saw tseg tu hub phaw Ntiab Nkawj has tas,
‘Ca niz lus tseb nyos khoos luz;
tsi xod pus tuz twg muz nyos hub lus tseb qhai.’
Has muaj kua is nqai has tas,
‘Ca lwd tuz luz hlub niz chia ua niz tez hujlwd.’
21“Yog ni qhai, tuz kwg yiad luz nrug pes ua hujlwd, tuz qhai yiadtsud yog is tug kwg istxwd nrug pes ua ke has nrug pes tug Tswb Yexus muz tu na tu u, 22txij thaws Yawhaas qhuas qha has muas neeg ua kebcai raws dej#1.22 Yawhaas qhuas qha has muas neeg ua kebcai raws dej; lossis Yawhaas muas Yexus ua kebcai raws dej. luz txug hnoos kwg Vaajtswb coj Yexus muz saw ntuj, mas tuz qhai ha nrug pes ua taw tidkhiab has tas, Yexus tes siab hub qhob tuag rob qaas luz liad tag.”
23Ces cud pud zoo muas os tug neeg luz tu tuadtxhij xaib, os tug qhai is tug yog Yawxej kwg hu ua Npaxanpas (lossis hu ua Yuxatus), has Mathias. 24Cud txiad thob Vaajtswb has tas, “Tuz Tswb, koj yog tuz kwg paws tuadtxhij lus sas hubtsig, yog ni qhai, thob koj qha tu pes nuad os tug na, koj xaib tuz twg 25luz ua tidthiaj hloob Yudas chia, ua tez hujlwd kwg Yudas muas tso tseg has muz tu hub qhob chia kwg yeej yog niz lus liad.” 26Ces cud txiad rhu ntiab, nuad os tug qhai taw tuz twg. Cud rhu taw Mathias. Txij hnoos qhai luz, Mathias txiad nrug kawd is tug tidthiaj qhai ua hujlwd.
Currently Selected:
Tez Hujlwd 1: CQD2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Tez Hujlwd 1
1
1The-awfilaws, Phaw ntiab kwg kud xus saw, kud saw has txug txhua yaad kwg Yexus ua has qha txij thaws kwg niz chib ua hujlwd 2muz txug hnoos kwg Vaajtswb coj niz muz saw ntuj. Thaws Yexus tsi taw muz saw ntuj, niz kuas Vaaj Ntsujplig tuz Diashub qha niz cob tidthiaj kwg niz xaib tseg liad. 3Tu qhob plaws cawg hnoos tod qaas kwg niz siab hub qhob tuag rob qaas luz, niz taw luz tshwd tu cud pud ntaw zag, kuas cud paws has tas niz tseed muaj sa nyos. Cud taw pud niz has niz qha cud txug Vaajtswb lus Teschias. 4Muaj is zag thaws Yexus nrug niz cob tidthiaj nyos ua ke,#1.4 Thaws Yexus nrug niz cob tidthiaj nyos ua ke; lossis thaws cud tuaj sissaw ua ke; lossis thaws niz nrug cud nyos; lossis niz nrug cud noj mo ua ke. niz saadfwd tu cud tas, “Mej tsi xod tiad hub lus nroog Yeluxalees muz qhob twg ni, mej yiadtsud nyos toz txug hnoos kwg mej taw rias ni kud Vaid cogluz has tas, niz yiad pus tu mej. Qhob qhai kud ted qha tu mej liad. 5Yawhaas muas neeg ua kebcai raws tu hub dej, tadsis tshuab os pes hnoos nyaz, yiad muas mej ua kebcai raws luz qhai Vaaj Ntsujplig Tuz Diashub.”
Vaajtswb Coj Yexus Muz saw Ntuj
6Thaws cob thwjtid nrug Yexus nyos ua ke, cud noog Yexus has tas, “Tuz Tswb, lus sijhiad na, koj yiad muas lus Teschias rob tu cob Yixalayees los?”
7Yexus has tu cud tas, “Tsi taaz mej yiad paws has tas hnoos twg has lus sijhiad twg yiad muaj ni qhai. Lus sijhiad qhai, nyos qhais leej Vaid teed ca. 8Tadsis thaws Vaaj Ntsujplig tuz Diashub luz nrug mej nyos liad, niz yiad pus fwjchid tu mej has mej yiad ua tidkhiab qha kud zaaj muz thoos pliaz hub lus nroog Yeluxalees, hub lus xeeb Yudais, hub lus xeeb Xamalis, has muz txug qaas ntuj kiag.” 9Thaws Yexus has ni qhai taaz, thaws cud tseed nuad quas ntsoob Yexus, ces Vaajtswb txiad coj Yexus muz saw ntuj liad. Muaj is twb fuas luz rooz niz, ces cud tsi pud niz liad.
10Thaws cud tseed taastod nuad ntsoob Yexus muz saw ntuj, ua caaz muaj os tug yiag hnaab rig tsho dias pawg luz siab qhai cud. 11Ostug has tu cud tas, “Cob neeg Kalilais, mej siab nuad saw ntuj ua daastsi? Yexus tuz kwg Vaajtswb qhos ni coj muz saw ntuj liad, niz yeej yiad rob qaas luz is yaad nkaws ni kwg mej pud niz muz ntag.”
Tuz Kwg Hlub Yudas Ixakali-us Chia
12Cob tidthiaj txiad rob qaas pes Roos Txibntoo Roj luz txug tu hub lus nroog Yeluxalees. Lus roos qhai nyos nrug kes qhai lus nroog kwblaad ni is kilumev. 13Thaws cud luz txug hub lus nroog Yeluxalees, cud txiad muz tu hub is lus tseb, has nce muz tu is chaab kwg nyos txheej saw, chaab qhai yog chaab kwg cud tuaj su. Cud cob qhai yog: Petus, Yawhaas, Yakawnpaws, Aadales, Filis, Thaumas, Npatawlawmais, Mathais, Yakawnpaws kwg yog Alafais tuz tu, Ximoos Xe-lawb#1.13 Xe-lawb: Yog tuz kwg xaab kuas niz lus teschias muaj keb ywjpheej , has Yudas kwg yog Yakawnpaws tuz tu. 14Cud cob na nrug tu is cob puj has Malis kwg yog Yexus nad has Yexus cob kwb pheej tuaj ua ke kood ua is lus sas thob Vaajtswb.
15Os pes hnoos tod qaas qhai cob ntseeg tuaj saaslaaj ua ke, cud muaj kwblaad ni is puas neez nkawd tuz, ces Petus txiad siab ntsug qha cob neeg qhai 16has tas, “Cob kwbtij, yeej yiad muaj rias ni Vaajtswb txujlug kwg Vaaj Ntsujplig qha tu Vaajntxwb Dasvib saw has txug Yudas tuz kwg coj neeg keb muz ntez Yexus. 17Yudas yeej yog is tug hub pes paas, vid Yexus taw tsaa niz nrug pes ua is tez hujlwd.”
18(Cob nyaj kwg Yudas taw thaws Yudas ua phed, Yudas muas yuab is thaaj aab. Qhob chia kwg Yudas lus ceb poos, niz plaas tiag has hnyub tiad taaz hubtsig, ted yog qhai thaaj aab qhai ntag. 19Cob neeg kwg nyos hub lus nroog Yeluxalees hnob zaaj na, cud txiad hu thaaj aab qhai rias ni cud luz has tas, Akedamas kwg txhais has tas, “Thaaj Aab Ntshaab.”)
20Ted muaj luz saw tseg tu hub phaw Ntiab Nkawj has tas,
‘Ca niz lus tseb nyos khoos luz;
tsi xod pus tuz twg muz nyos hub lus tseb qhai.’
Has muaj kua is nqai has tas,
‘Ca lwd tuz luz hlub niz chia ua niz tez hujlwd.’
21“Yog ni qhai, tuz kwg yiad luz nrug pes ua hujlwd, tuz qhai yiadtsud yog is tug kwg istxwd nrug pes ua ke has nrug pes tug Tswb Yexus muz tu na tu u, 22txij thaws Yawhaas qhuas qha has muas neeg ua kebcai raws dej#1.22 Yawhaas qhuas qha has muas neeg ua kebcai raws dej; lossis Yawhaas muas Yexus ua kebcai raws dej. luz txug hnoos kwg Vaajtswb coj Yexus muz saw ntuj, mas tuz qhai ha nrug pes ua taw tidkhiab has tas, Yexus tes siab hub qhob tuag rob qaas luz liad tag.”
23Ces cud pud zoo muas os tug neeg luz tu tuadtxhij xaib, os tug qhai is tug yog Yawxej kwg hu ua Npaxanpas (lossis hu ua Yuxatus), has Mathias. 24Cud txiad thob Vaajtswb has tas, “Tuz Tswb, koj yog tuz kwg paws tuadtxhij lus sas hubtsig, yog ni qhai, thob koj qha tu pes nuad os tug na, koj xaib tuz twg 25luz ua tidthiaj hloob Yudas chia, ua tez hujlwd kwg Yudas muas tso tseg has muz tu hub qhob chia kwg yeej yog niz lus liad.” 26Ces cud txiad rhu ntiab, nuad os tug qhai taw tuz twg. Cud rhu taw Mathias. Txij hnoos qhai luz, Mathias txiad nrug kawd is tug tidthiaj qhai ua hujlwd.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.