An Filipi 1

D'Po̱o̱sso̱

1Taka̱llaka̱n Bulus na Timoti, coka̱n Ye̱so Ka̱risti, ge̱ne̱in an gabs Ka̱risti Ye̱so an rein a̱n le̱in Filipi kwe̱, Paston a Diko̱n ne.#1:1 Go̱t ta̱m: YCCo 16:12. 2Kab na u'pusu a la̱ta̱m c'de̱b ne̱ lanma̱n baa Na'Sil K'Ceto a Kan buu cinna Ye̱so Ka̱risti ni.

Bulus cepkka a s'gaba

3Kooye̱ daava m bakastain no, a̱m el ta̱'m bo̱m Sila ri. 4A̱m el ta̱'m cepka no kwe̱ kooye̱ daava̱ a̱n c'za̱ngkta̱. 5I rema̱n se̱e̱te̱d no baan yomkan ba̱sda̱n kasi lalk lanma̱n hweda̱n m'e̱te̱, i ceta te̱nte̱. 6A̱m napk a̱n de̱bc ri az Sila nan takain yomka ha̱n a kasi baa no, ta se̱e̱te̱ no a̱n be̱se̱ na̱, a̱n caa hweda̱n Ka̱risti Ye̱so tu vaakta. 7I hwennka a̱m keka̱b no kwe̱ taanlo, rema̱n a̱n el a̱n de̱bc ri. Rema̱n am wa a'gaga alla a̱m el a̱n d'gaag a̱m esasta kasi lalko, cinna kwe̱, na el a u'yob no baan pusuu Na'Sila̱. 8Sila napk az a̱m to̱nk a̱m he̱n no hwe̱di nwaa kwe̱, rema̱n a̱m el a̱n to̱nc no ho̱da̱na̱n Ka̱risti Ye̱so to̱ntin no.

9Cepks ri i a̱n sud to̱nc hyannano hwe̱di. A̱n sud ta̱m s'nap a u'ke̱e̱se̱ ne̱. 10I bat ta̱n pamasa rina̱n pa̱tin kwe̱ a̱n d'ke̱me̱. A̱n soot ta̱m a̱n zatta ri d'reb da. An a nan bo̱p ta̱m na̱ a̱n d'ko̱t da caama̱n hweda̱n Ka̱risti tu vaakta. 11Ryaa na hwic a̱n c'nocurimu a̱n gela̱v Na'Sil a̱n we̱sa̱m Ye̱so Ka̱risti, i savata A'Sil k'gwin a c'bo̱m no̱.

Kasi lalk sudk a̱n ba̱rga̱

12Hyaarene, a̱m to̱nk az a̱n nap az rihic naak ca̱n kumin me, c de̱lk kasi lalk sudk a̱n ba̱rga̱. 13I de̱lk koolnan rega̱dsa̱n ka̱ba̱d go̱mo̱, a neta̱n hyanna̱n napk a̱ncass az i rem Ka̱risti a̱n na gagtin me. 14Gageda̱n na gagin me, i swidiki an gabs Kan Go̱mca̱n Kooye̱ a̱ra̱mca̱n ba̱sda̱n kasi lalk Na'Sil na̱m'we̱se̱.

15I m'ga̱u, ahyan la a̱n ba̱sda̱n kasi lalks Ka̱risti rem d'hyubu a soga̱m no. Ahyan la i d'ba̱t d'da̱n. 16An reina̱n d'ba̱s d'ba̱t d'da̱n, a la na̱m'em rem c'to̱no̱. Rema̱n a napk az Sila dagk me a̱m dumt d'gaag rema̱n kasi lalko. 17An rein ta em la d'ba̱s rem d'hyubu, a la nu'em a guba̱sta̱ hid na̱, za az i ga̱uma a retin da. A to̱n-to̱n a sud a̱n kwe̱lve̱ m ri ryaaka̱ d'kob am retin taha̱n a'gaga.

18Iye̱ bo̱ kaa a̱n emma̱n taanl sain ne? I de̱lk a̱n kooye̱ le̱vka, a to̱n i c'palka, a to̱n la i na̱m'ga̱u, na emk ba̱sda̱n Ka̱risti. Rema̱n taanlo, a̱m el a̱n c'za̱ngkta̱. Ta̱'m ryaa ta̱m hwic a̱n c'za̱ngkta̱. 19Rema̱n a̱m napk az rina̱n kumin ha̱n me, nan bat me rema̱n cepks no a se̱e̱te̱d Hora̱md Ye̱so Ka̱risti ni.

20A̱m de̱lk c'de̱be̱, a̱m sakk ta̱m u'con az a ta̱'m ryaa m'e̱n da. Az ta̱m ta̱'m kum c'a̱rma̱, a̱nta̱ma̱ a kooye̱ daava na, a̱m de̱l neta̱n he̱n gwink Ka̱risti a̱n nocurimuc ri. A to̱n a̱m el u'po̱tke alla na hok me. 21Rema̱n baa ri, c'nocurimu i rem Ka̱risti, a'wa̱a̱ ta̱ma̱, i c'so̱o̱kno. 22Awaz a̱m ryaak hwic a̱n c'nocurimu, i d'ke̱e̱ bo̱ a̱m emt yomka kasi. Iye̱ bo̱ kaa a̱n ma daga? A̱m ta nap bo̱ da.

23De̱bc wankk me. A̱m to̱nk a̱m wa̱a̱ a̱m caa baa Ka̱risti. I rina̱n hatin bo̱ kwe̱ a̱n d'ke̱me̱. 24Ti pa̱t la az a̱m el a̱n c'nocurimu, bat ta̱m se̱e̱te̱ no. 25Ai retin a̱m napk taanlo, a̱m napk az a ta̱m wa̱a̱ da. Ta̱'m baa ryaa hwic a̱n c'nocurimu a nwaa na rema̱n a̱n ryaat hwici, a̱n em ta̱m c'za̱ngkta̱ a̱n s'gaba. 26I bat am vaako baa no, ti de̱l a̱n sud a̱n em c'ka̱ndi a̱n Ye̱so Ka̱risti rem ri.

27Ho̱da̱na̱n i emtin kwe̱, em na c'nocurimu ho̱da̱n kasi lalk Ka̱risti zetine. A̱n daava̱n lo kaa, awaz a̱m kumk a̱m hako a̱m he̱ne̱ no alla a̱m hong-hong da̱n nwaa, am za baa no da, ta̱'m nap az a̱n esk s'naa s'ila̱. A̱m napt ta̱m az a̱n swe̱e̱ke̱ ta̱m hid no a̱n el a̱n yomka da̱n. Bat neta̱n ta bat d'ba̱t a kab kasi lalko. 28An hong la gelk an ha̱lc no da. I inya a̱n ti kwesa az nan hwaa na̱, nwaa la nan gwa̱a̱ no. I Silan ta em taanlo. 29Za ke̱e̱da̱n bata̱m d'ba̱t baa Ka̱risti c'taa a̱n na ne̱in no da. I a̱n ryaa ta̱m d'kob rem ru. 30A̱n el a̱n dumma̱ d'gaag ho̱da̱na̱n he̱ntin m de̱ha̱n nu'dumu. A̱n hongk ta̱m v'daa ge̱, a̱m ta kuz da.

Currently Selected:

An Filipi 1: driNT

Highlight

Copy