An Filipi U'Gabte
U'Gabte
Taka̱llaka̱ ha̱n i Bulus k'comte a̱n ge̱nin ka̱ daava̱n na siptin o na hol o u'rwa̱n nu'bu a̱n copun Roma. Na el na̱m'he̱n i a̱n we̱e̱un 61 a̱n wa̱a̱'a Ye̱so u ge̱ntin taka̱llak ne. (Go̱t YCCo 28:16.) A̱nmin ge̱nsa̱n taka̱llak ne Bulus to̱n-to̱n u bo̱m baran ru an rein baan kargad a s'gab a̱n le̱in Filipi rema̱n ho̱sma̱n kind ma comtvoin o.
Bulus takka ge̱nsa̱n taka̱llak ne a̱n vosa̱m d'gen a̱n kargad a s'gaba. U ge̱nt kaa da̱n kobda̱n u rein nu'ryau a̱n copun Roma. Bulus kaagk netnan Filipi az a'es s'naa s'il baan bata̱m d'ba̱t baa Na'Sil daava̱n na retina̱n ryeesam na̱ d'koba a daava̱ d'o̱so̱mo̱ no̱. U kaagk ta̱m na̱ az a lag hwebam hid na̱ c'taa. A kaa d'hi a em c'nocurimu a̱n kalasama̱n hid na̱ a swe̱e̱m d'hi ni.
A̱nmin taka̱llaka̱ ha̱n, Bulus rutka̱ rina̱n rein a̱nmin de̱bc ru. U emk c'za̱ngkta̱ rema̱n i unwa ka s'gaba. Go̱t la ge̱ u el a'gag rem s'gaba, u ta nap ta̱m rina̱n ti han i em o da. Awaz a̱n na hwaa o da, tu em c'za̱ngkta̱ rema̱n to̱nca̱n Sila reina̱n to̱na̱m ru. Awaz la na hok o, u savk c'de̱b tu caa baa Ka̱risti a̱nmi na'cona. Rema̱n cinna a s'gaba, buuc cinna el na'cona (beboda̱n 3:20). I ge̱be̱ske̱ na em c'za̱ngkta̱ a̱n sava̱m c'de̱be̱. Na gag ta̱m c'de̱b a ryaaka̱ d'kob a̱nmin copun yanda̱hna. A̱n d'be̱se̱, u emaka na̱ k'bakasa az i rema̱n bata̱m d'ba̱t baa Na'Sil a̱n na gwa̱a̱tin na̱, za rema̱n gabma̱n giiras Yahude̱n da.
Currently Selected:
An Filipi U'Gabte: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019