An Galatiya 6
6
Se̱e̱te̱ na hyannano
1Hyaarene, a hyannano ko̱to̱, nwaananan Hora̱md Na'Sil rein na̱m'gabte, gab na na̱ sasa a̱n vaakta na̱ a̱n k'le̱ve̱. Nwaa ta̱ma̱, gab na sasa, rema̱n ke̱ta̱mse̱c ca̱n la̱a̱ bo̱ c kum no. 2Se̱e̱te̱ na hyannano an reina̱n ryaak d'koba. I emma̱n taanl a̱n rein gabma̱n giira Ka̱risti. 3Rema̱n taanlo, koowe̱ a̱n rein na̱m'he̱n az i unwa kasi noco, go̱t la u za kasi noc da, u la a̱n palkma̱n hid ru. 4Lag koowe̱ kek rina̱n u emin kwe̱. Au he̱n u emk i kasi, a̱n daava̱n lo kaa u em c'ka̱ndi. A noc hav la a̱n hwennsam hid ru a noc hyann da. 5Rema̱n koowe̱ tu o̱m to̱o̱sa̱d ru.
6Koowe̱ a̱n la̱a̱sa̱in v lalks Na'Sila̱, i ge̱be̱ske̱ v ne̱e̱ o kooye̱ v ciin i kasi.
7An palk la hid no da. Na za nan ema A'Sil s'ver da. Kooye̱ a̱n noc gwaine, i inya a̱n tu ke̱me. 8Koowe̱ a̱n gabesein rihic naak ca̱ c'nocurimu, i ca̱nca a̱n ca̱n kwe̱lve̱ o a'wa̱a̱. Koowe̱ la a̱n gabin rina̱n Hora̱md Na'Sil zeine, Hora̱mda̱n lo da̱n po̱to̱so̱ o d'kala. 9A na poo la emma̱n rihic kasi da. Rema̱n a daav caa, Sila ta cop na awaz a̱n na lag da. 10Rema̱n taanlo, kooye̱ daava a̱n na kumtin d'ke̱e̱, na ema neta̱n rihic kasi. Na pa̱t kaa a̱n emam a s'gaba.
Lalks Bulus sa̱ d'be̱se̱
11A̱n he̱nk ho̱da̱na̱n m ge̱na̱vtoin no s'ge̱n sa̱ damra sa̱ damra a̱n koma ri. 12An reina̱n zem no az a̱n em s'geda, a laa na̱m'to̱n a kwesa az i na̱nna neta̱n a kasi. A la na̱v'gel az Yahude̱n ta hwaa na̱ rema̱n a ba̱sk wa̱a̱'a Ye̱so a̱n k'kan. 13Go̱t la an na emain s'ged a̱n hid na̱, a za a̱n gabma̱n giiras Mosa kwe̱ da. A to̱n-to̱n la a de̱lk no a̱n em s'ged bat ta em c'ka̱ndi az a vaakska no an la̱a̱s baa na̱.
14Mi bo̱, Sila bit a̱m emt c'ka̱ndi a̱n rihi hyan, a za rema̱n wa̱a̱'a Kanubu Ye̱so Ka̱risti a̱n k'kan da. I rema̱n wa̱a̱'a ru a̱n k'kan a̱m vaakstain rihica̱n copun yanda̱ha̱n kwe̱ rin ka̱ka̱la̱. Mi ta̱m pa̱ntu, u uk baan ca̱n kwe̱. 15S'Geda alla robamda̱ s'ged ta soot rihi baan gabs Ka̱risti da. I ho̱da̱na̱n nocurimuc rov vodtin a̱n rein rihi. 16Lag la̱ta̱m c'de̱be̱, a za̱im Na'Sil a̱n soot baa an gabin la̱a̱s uhna, a net Na'Sil a m'ga̱u an batin d'ba̱t baa Ye̱so.
17A̱m ci kudsa̱n na emain m rem Kanubu Ye̱so Ka̱risti. Lanma̱n ta̱ma̱, a noc verga la m ta̱m c'de̱b da.
18Hyaarene, lag pusuu kan buu cinna Ye̱so Ka̱risti boro baa no. A̱nha̱a̱n.
Currently Selected:
An Galatiya 6: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
An Galatiya 6
6
Se̱e̱te̱ na hyannano
1Hyaarene, a hyannano ko̱to̱, nwaananan Hora̱md Na'Sil rein na̱m'gabte, gab na na̱ sasa a̱n vaakta na̱ a̱n k'le̱ve̱. Nwaa ta̱ma̱, gab na sasa, rema̱n ke̱ta̱mse̱c ca̱n la̱a̱ bo̱ c kum no. 2Se̱e̱te̱ na hyannano an reina̱n ryaak d'koba. I emma̱n taanl a̱n rein gabma̱n giira Ka̱risti. 3Rema̱n taanlo, koowe̱ a̱n rein na̱m'he̱n az i unwa kasi noco, go̱t la u za kasi noc da, u la a̱n palkma̱n hid ru. 4Lag koowe̱ kek rina̱n u emin kwe̱. Au he̱n u emk i kasi, a̱n daava̱n lo kaa u em c'ka̱ndi. A noc hav la a̱n hwennsam hid ru a noc hyann da. 5Rema̱n koowe̱ tu o̱m to̱o̱sa̱d ru.
6Koowe̱ a̱n la̱a̱sa̱in v lalks Na'Sila̱, i ge̱be̱ske̱ v ne̱e̱ o kooye̱ v ciin i kasi.
7An palk la hid no da. Na za nan ema A'Sil s'ver da. Kooye̱ a̱n noc gwaine, i inya a̱n tu ke̱me. 8Koowe̱ a̱n gabesein rihic naak ca̱ c'nocurimu, i ca̱nca a̱n ca̱n kwe̱lve̱ o a'wa̱a̱. Koowe̱ la a̱n gabin rina̱n Hora̱md Na'Sil zeine, Hora̱mda̱n lo da̱n po̱to̱so̱ o d'kala. 9A na poo la emma̱n rihic kasi da. Rema̱n a daav caa, Sila ta cop na awaz a̱n na lag da. 10Rema̱n taanlo, kooye̱ daava a̱n na kumtin d'ke̱e̱, na ema neta̱n rihic kasi. Na pa̱t kaa a̱n emam a s'gaba.
Lalks Bulus sa̱ d'be̱se̱
11A̱n he̱nk ho̱da̱na̱n m ge̱na̱vtoin no s'ge̱n sa̱ damra sa̱ damra a̱n koma ri. 12An reina̱n zem no az a̱n em s'geda, a laa na̱m'to̱n a kwesa az i na̱nna neta̱n a kasi. A la na̱v'gel az Yahude̱n ta hwaa na̱ rema̱n a ba̱sk wa̱a̱'a Ye̱so a̱n k'kan. 13Go̱t la an na emain s'ged a̱n hid na̱, a za a̱n gabma̱n giiras Mosa kwe̱ da. A to̱n-to̱n la a de̱lk no a̱n em s'ged bat ta em c'ka̱ndi az a vaakska no an la̱a̱s baa na̱.
14Mi bo̱, Sila bit a̱m emt c'ka̱ndi a̱n rihi hyan, a za rema̱n wa̱a̱'a Kanubu Ye̱so Ka̱risti a̱n k'kan da. I rema̱n wa̱a̱'a ru a̱n k'kan a̱m vaakstain rihica̱n copun yanda̱ha̱n kwe̱ rin ka̱ka̱la̱. Mi ta̱m pa̱ntu, u uk baan ca̱n kwe̱. 15S'Geda alla robamda̱ s'ged ta soot rihi baan gabs Ka̱risti da. I ho̱da̱na̱n nocurimuc rov vodtin a̱n rein rihi. 16Lag la̱ta̱m c'de̱be̱, a za̱im Na'Sil a̱n soot baa an gabin la̱a̱s uhna, a net Na'Sil a m'ga̱u an batin d'ba̱t baa Ye̱so.
17A̱m ci kudsa̱n na emain m rem Kanubu Ye̱so Ka̱risti. Lanma̱n ta̱ma̱, a noc verga la m ta̱m c'de̱b da.
18Hyaarene, lag pusuu kan buu cinna Ye̱so Ka̱risti boro baa no. A̱nha̱a̱n.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019