An Galatiya 5
5
Rwa̱a̱ na m'coko
1I bat nan batese a̱n Ka̱risti ruttin na m'coko. Es na kaa s'naa s'ila̱, an lag la ta̱m rihi vaakt no na̱m'cok da.
2Mi Bulus, hong na rina̱n m reina̱n ve̱ce̱m no. An lag na emaka no s'geda, Ka̱risti ta soot bo̱ ta̱m rihi baa no da. 3Ta̱'m sud a̱n vat ta̱ma̱. An lag na emaka no s'geda, i ke̱ng bo̱ kaa a̱n gab giiras Mosa kwe̱. 4Koowe̱ a̱n reina̱n hob u kum d'le̱g baa Na'Sil a̱n gabma̱n giiras Mosa, u wankske hid ru a Ka̱risti ni a pusuu run ta̱ma̱.
5Na batk d'ba̱t baa Ka̱risti a̱n we̱sma̱n Hora̱md Na'Sila̱. Na el ta̱m a̱n saka̱m nu'con az nan kum d'le̱g baa Na'Sil a̱n hweda̱ d'be̱se̱. 6Av la a̱n gaba̱m Ka̱risti, s'ged alla robamda̱ s'ged ta soot rihi da. Rina̱n rein rihi, i bata̱m d'ba̱t baa Na'Sila̱, da̱n ta̱d de̱l a̱v to̱n hyaarvo.
7A̱n lak a̱n s'gab i kasi. Iwe̱ kaa a̱n nokain u hol no gaba̱m m'ga̱u? 8Ke̱ng, goon la̱a̱sun lo, za la̱a̱s Sila nan po̱gin no da. 9“I yist ca̱nmi a̱n rein ti hwa̱a̱sa̱ m'hyun hwe̱di.” 10A̱m batk d'ba̱t baa Kan Go̱mca̱n Kooye̱, az a ta̱n kab lalk noc hyan da, a za u ri da. Kan rein la a̱n yangsa̱m no, Sila ta ven o. Ai to̱n bo̱ kaa i unwa we̱.
11Hyaarene, awaz be̱ a̱m la a̱n d'ba̱s az neta̱n em s'geda, i rema̱n ye̱ a̱n na retina̱n ryeesam ri d'koba? Ta̱m awaz be̱ i taanlo, lawabe̱ ba̱sda̱n wa̱a̱'a Ye̱so a̱n k'kan, a ti ha̱lsa̱ neta̱n da. 12A̱m to̱nk az an reina̱n o̱so̱so̱m no a̱n lalksa̱ s'geda, a lag da̱ s'geda, a tooso a kwaa kwe̱.
13Hyaarene, na po̱g-po̱g no na rutt no m'coko. A rwa̱a̱ma̱n cokma̱n lo de̱l la no a̱n emma̱n rihic naak ca̱n we̱du tu to̱n da. Lag na i de̱l no a̱n ema hyannano m'coko, a̱n to̱n ta̱m na̱. 14Rina̱n giiras zein az na em kwe̱, na kargska e kwe̱ a̱n giira uda̱nka̱. Un zeine, “To̱n kan e̱s rov ho̱da̱na̱n v to̱ntin hid rovo.”#5:14 Go̱t ta̱m: Ggdk 19:18. 15Awaz la kaa az i hweeda̱n dinc hyannano a̱n retin a i'dam na, nap na az i hweeda̱n hid no a̱n retine.
E̱l na rihica̱n we̱du to̱nine
16Rema̱n taanlo a̱m zeka no, em na c'nocurimu a̱n we̱sma̱n Hora̱md Na'Sila̱. Ti hol no emma̱n rihic naak ca̱n we̱du to̱nine. 17Rina̱n Hora̱md Na'Sil to̱nine, za inya a̱n de̱bc noc rein na̱m'to̱n da. Rina̱n de̱bc noc to̱nin ta̱ma̱, za inya a̱n Hora̱md Na'Sil da̱n to̱n da. I za ti bagenne na̱ da cakk. I rina̱n de̱lin bo̱ a ta̱'v la̱a̱ a̱n em rina̱n v to̱nin da. 18Awaz i Hora̱md Na'Sil a̱n rein a̱n gabta̱m no, giiras Mosa zatta ta̱m m'we̱s baa no da.
19Rihic naak ca̱n de̱bc rein ca̱n to̱no̱, i a̱ngau a̱c reine. D'O̱mo̱, emma̱n rihica̱ m'e̱n, to̱nca̱n rihic naak ca̱n we̱du tu to̱no̱, 20hwiipsa̱ma̱n rina̱n zain A'Sil da, i'mo̱le, i'dama, hyubud to̱o̱ke, d'hwinsu, to̱nca̱ d'hi, a wanksem c'hi ni. 21Go̱t ta̱m ha̱lca̱n kumu noco, m'so̱o̱, he̱tda̱n ka̱ka̱la̱, a rihic hyan na. A̱m baak a kaag no. A̱m el ta̱m a̱n sudma̱n kaaga̱m no. Az koowe̱ a̱n rein tu em goon rihica̱ hna, a tu kum go̱mc Na'Sil da cakk.
22Hora̱md Na'Sil la, ta̱d de̱l noc u to̱n hyaaro. U em c'za̱ngkta̱. U kum la̱ta̱m c'de̱be̱. U gag c'de̱be̱. U soot ka m'za̱i. U soot noc u kasi, ka d'kau, 23noc bodbodo a kan kaamsa̱m d'hi ni. Giira za un tu ze az an emma̱n goon rihica̱ ha̱n ko̱tk da. 24An rein a Ka̱risti, a lagk nocurimuca̱ c'ko̱to a rihica̱n nocurimuca̱ c'ko̱t rein ca̱n to̱n no̱. 25Ai retin na el a̱n c'nocurimu a̱n we̱sma̱n Hora̱md Na'Sila̱, lag na gab rina̱n Hora̱md ne kwesain na. 26Ac hwii na la hyanna cinna da. A na em la soga̱m da. A na ema la ta̱m hyanna cinna d'hyubu da.
Currently Selected:
An Galatiya 5: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
An Galatiya 5
5
Rwa̱a̱ na m'coko
1I bat nan batese a̱n Ka̱risti ruttin na m'coko. Es na kaa s'naa s'ila̱, an lag la ta̱m rihi vaakt no na̱m'cok da.
2Mi Bulus, hong na rina̱n m reina̱n ve̱ce̱m no. An lag na emaka no s'geda, Ka̱risti ta soot bo̱ ta̱m rihi baa no da. 3Ta̱'m sud a̱n vat ta̱ma̱. An lag na emaka no s'geda, i ke̱ng bo̱ kaa a̱n gab giiras Mosa kwe̱. 4Koowe̱ a̱n reina̱n hob u kum d'le̱g baa Na'Sil a̱n gabma̱n giiras Mosa, u wankske hid ru a Ka̱risti ni a pusuu run ta̱ma̱.
5Na batk d'ba̱t baa Ka̱risti a̱n we̱sma̱n Hora̱md Na'Sila̱. Na el ta̱m a̱n saka̱m nu'con az nan kum d'le̱g baa Na'Sil a̱n hweda̱ d'be̱se̱. 6Av la a̱n gaba̱m Ka̱risti, s'ged alla robamda̱ s'ged ta soot rihi da. Rina̱n rein rihi, i bata̱m d'ba̱t baa Na'Sila̱, da̱n ta̱d de̱l a̱v to̱n hyaarvo.
7A̱n lak a̱n s'gab i kasi. Iwe̱ kaa a̱n nokain u hol no gaba̱m m'ga̱u? 8Ke̱ng, goon la̱a̱sun lo, za la̱a̱s Sila nan po̱gin no da. 9“I yist ca̱nmi a̱n rein ti hwa̱a̱sa̱ m'hyun hwe̱di.” 10A̱m batk d'ba̱t baa Kan Go̱mca̱n Kooye̱, az a ta̱n kab lalk noc hyan da, a za u ri da. Kan rein la a̱n yangsa̱m no, Sila ta ven o. Ai to̱n bo̱ kaa i unwa we̱.
11Hyaarene, awaz be̱ a̱m la a̱n d'ba̱s az neta̱n em s'geda, i rema̱n ye̱ a̱n na retina̱n ryeesam ri d'koba? Ta̱m awaz be̱ i taanlo, lawabe̱ ba̱sda̱n wa̱a̱'a Ye̱so a̱n k'kan, a ti ha̱lsa̱ neta̱n da. 12A̱m to̱nk az an reina̱n o̱so̱so̱m no a̱n lalksa̱ s'geda, a lag da̱ s'geda, a tooso a kwaa kwe̱.
13Hyaarene, na po̱g-po̱g no na rutt no m'coko. A rwa̱a̱ma̱n cokma̱n lo de̱l la no a̱n emma̱n rihic naak ca̱n we̱du tu to̱n da. Lag na i de̱l no a̱n ema hyannano m'coko, a̱n to̱n ta̱m na̱. 14Rina̱n giiras zein az na em kwe̱, na kargska e kwe̱ a̱n giira uda̱nka̱. Un zeine, “To̱n kan e̱s rov ho̱da̱na̱n v to̱ntin hid rovo.”#5:14 Go̱t ta̱m: Ggdk 19:18. 15Awaz la kaa az i hweeda̱n dinc hyannano a̱n retin a i'dam na, nap na az i hweeda̱n hid no a̱n retine.
E̱l na rihica̱n we̱du to̱nine
16Rema̱n taanlo a̱m zeka no, em na c'nocurimu a̱n we̱sma̱n Hora̱md Na'Sila̱. Ti hol no emma̱n rihic naak ca̱n we̱du to̱nine. 17Rina̱n Hora̱md Na'Sil to̱nine, za inya a̱n de̱bc noc rein na̱m'to̱n da. Rina̱n de̱bc noc to̱nin ta̱ma̱, za inya a̱n Hora̱md Na'Sil da̱n to̱n da. I za ti bagenne na̱ da cakk. I rina̱n de̱lin bo̱ a ta̱'v la̱a̱ a̱n em rina̱n v to̱nin da. 18Awaz i Hora̱md Na'Sil a̱n rein a̱n gabta̱m no, giiras Mosa zatta ta̱m m'we̱s baa no da.
19Rihic naak ca̱n de̱bc rein ca̱n to̱no̱, i a̱ngau a̱c reine. D'O̱mo̱, emma̱n rihica̱ m'e̱n, to̱nca̱n rihic naak ca̱n we̱du tu to̱no̱, 20hwiipsa̱ma̱n rina̱n zain A'Sil da, i'mo̱le, i'dama, hyubud to̱o̱ke, d'hwinsu, to̱nca̱ d'hi, a wanksem c'hi ni. 21Go̱t ta̱m ha̱lca̱n kumu noco, m'so̱o̱, he̱tda̱n ka̱ka̱la̱, a rihic hyan na. A̱m baak a kaag no. A̱m el ta̱m a̱n sudma̱n kaaga̱m no. Az koowe̱ a̱n rein tu em goon rihica̱ hna, a tu kum go̱mc Na'Sil da cakk.
22Hora̱md Na'Sil la, ta̱d de̱l noc u to̱n hyaaro. U em c'za̱ngkta̱. U kum la̱ta̱m c'de̱be̱. U gag c'de̱be̱. U soot ka m'za̱i. U soot noc u kasi, ka d'kau, 23noc bodbodo a kan kaamsa̱m d'hi ni. Giira za un tu ze az an emma̱n goon rihica̱ ha̱n ko̱tk da. 24An rein a Ka̱risti, a lagk nocurimuca̱ c'ko̱to a rihica̱n nocurimuca̱ c'ko̱t rein ca̱n to̱n no̱. 25Ai retin na el a̱n c'nocurimu a̱n we̱sma̱n Hora̱md Na'Sila̱, lag na gab rina̱n Hora̱md ne kwesain na. 26Ac hwii na la hyanna cinna da. A na em la soga̱m da. A na ema la ta̱m hyanna cinna d'hyubu da.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019