An E̱fisu U'Gabte
U'Gabte
Taka̱llaka̱ ha̱n, i Bulus k'comte a̱n ge̱nin ka̱ daava̱n na siptin o na holk o rwa̱a̱m nu'bu a̱n le̱in Roma. I a̱n we̱e̱un 60 a̱n wa̱a̱'a Ye̱so.
Daava̱n baala̱m ru ma̱n ba̱sda̱n kasi lalk ma̱ v'ta̱ccu, Bulus sootk a̱n le̱in E̱fisu u gosk hwe̱di. U kumk a̱n kaa kargad a s'gab da̱n emin m'we̱s hwe̱di a̱n a̱n'a. I ta gos da a̱n na kumin na kaak ta̱m kargac a s'gab a̱n le̱e̱ma̱n rein a̱n e̱ss E̱fisu. A̱n daava̱n lo, E̱fisu a̱n rein damran le̱in c'go̱m a le̱in c'hwaal na a̱n copun Asiya. Nan po̱g ta̱m o copun Asiya rekune a̱nta̱ma̱. I saak az Bulus ge̱nk taka̱llaka̱ ha̱n rema̱n na pe̱e̱tte̱ kargac a s'gab kwe̱ an rein a̱n copun Asiya rekune. Daava̱n kargac a s'gab ta kumt taka̱llak ne, nan de̱l na po̱g ge̱nsa̱n ka̱n koowe̱ honga. Rihica̱n na ge̱nin a comuna̱n taka̱llaka̱n Bulus ge̱ne̱in an E̱fisu, ca̱ vodk a taka̱llaca̱n u ge̱ne̱in kargac a s'gab c hyan rema̱n ka tana la̱a̱s u c'ko̱l a rihic hyan ca̱n o̱so̱so̱in kargac a s'gab c hyan da.
Bulus ge̱nk taka̱llaka̱ ha̱n rema̱n u to̱nk u swidi an ta po̱g ge̱ns ne, napsa̱n rihica̱n Hora̱md Na'Sila̱. Bat ta̱m ta ke̱e̱se̱ yomkanan ta ema rema̱n gwa̱a̱ma̱da̱ d'kal-d'kal da̱n Sila walgine. Taka̱llak ne ba̱tkska̱ walgca̱ d'gwa̱a̱ma̱ a ho̱da̱na̱n Sila se̱e̱pste̱in da̱n daava̱n lo, a ta bala copun yanda̱ha̱n da. Ka̱ vatk ta̱m da̱n yomka d'gwa̱a̱ma̱ baan wa̱a̱'a Ye̱so a̱n cona k'kan. A rihica̱n ca̱n em a̱n be̱se̱da̱n copun yanda̱ha̱n daava̱n nan cet be̱se̱da̱n rihic naak kwe̱. Bulus ve̱ce̱ke̱ an ta po̱g s'ge̱n az rihic kasi el a̱n dumma̱ d'gaag a rihic naaka̱n ne. A̱krimu el ta̱m a̱n dumma̱ d'gaag a A'Sil na̱ (beboda̱n 6:12). Ai retin la i cinna we̱du Ka̱risti, Sila gigiki na lalk az nan ryaa rihica̱ ha̱n kwe̱ a̱n d'gaago. Bulus ge̱nk da̱n ho̱da̱na̱n kargac a s'gab ta emt d'sooc a Kan buu na̱ Ye̱so a̱n c'hwennsa hwe̱di: Ho̱da̱n sooca̱d neta na a̱ra̱m retine. Ho̱d nu'we̱de̱, Ka̱risti kaa a̱n rein d'hi. Ho̱d na'maa, Ka̱risti a̱n rein taara̱v d'kaako. Bulus be̱se̱ke̱ taka̱llak ne a̱n kaaga̱m neta̱n az a em c'nocurimu ca̱n hwennain na po̱g na̱ neta̱n Ka̱risti.
Currently Selected:
An E̱fisu U'Gabte: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
An E̱fisu U'Gabte
U'Gabte
Taka̱llaka̱ ha̱n, i Bulus k'comte a̱n ge̱nin ka̱ daava̱n na siptin o na holk o rwa̱a̱m nu'bu a̱n le̱in Roma. I a̱n we̱e̱un 60 a̱n wa̱a̱'a Ye̱so.
Daava̱n baala̱m ru ma̱n ba̱sda̱n kasi lalk ma̱ v'ta̱ccu, Bulus sootk a̱n le̱in E̱fisu u gosk hwe̱di. U kumk a̱n kaa kargad a s'gab da̱n emin m'we̱s hwe̱di a̱n a̱n'a. I ta gos da a̱n na kumin na kaak ta̱m kargac a s'gab a̱n le̱e̱ma̱n rein a̱n e̱ss E̱fisu. A̱n daava̱n lo, E̱fisu a̱n rein damran le̱in c'go̱m a le̱in c'hwaal na a̱n copun Asiya. Nan po̱g ta̱m o copun Asiya rekune a̱nta̱ma̱. I saak az Bulus ge̱nk taka̱llaka̱ ha̱n rema̱n na pe̱e̱tte̱ kargac a s'gab kwe̱ an rein a̱n copun Asiya rekune. Daava̱n kargac a s'gab ta kumt taka̱llak ne, nan de̱l na po̱g ge̱nsa̱n ka̱n koowe̱ honga. Rihica̱n na ge̱nin a comuna̱n taka̱llaka̱n Bulus ge̱ne̱in an E̱fisu, ca̱ vodk a taka̱llaca̱n u ge̱ne̱in kargac a s'gab c hyan rema̱n ka tana la̱a̱s u c'ko̱l a rihic hyan ca̱n o̱so̱so̱in kargac a s'gab c hyan da.
Bulus ge̱nk taka̱llaka̱ ha̱n rema̱n u to̱nk u swidi an ta po̱g ge̱ns ne, napsa̱n rihica̱n Hora̱md Na'Sila̱. Bat ta̱m ta ke̱e̱se̱ yomkanan ta ema rema̱n gwa̱a̱ma̱da̱ d'kal-d'kal da̱n Sila walgine. Taka̱llak ne ba̱tkska̱ walgca̱ d'gwa̱a̱ma̱ a ho̱da̱na̱n Sila se̱e̱pste̱in da̱n daava̱n lo, a ta bala copun yanda̱ha̱n da. Ka̱ vatk ta̱m da̱n yomka d'gwa̱a̱ma̱ baan wa̱a̱'a Ye̱so a̱n cona k'kan. A rihica̱n ca̱n em a̱n be̱se̱da̱n copun yanda̱ha̱n daava̱n nan cet be̱se̱da̱n rihic naak kwe̱. Bulus ve̱ce̱ke̱ an ta po̱g s'ge̱n az rihic kasi el a̱n dumma̱ d'gaag a rihic naaka̱n ne. A̱krimu el ta̱m a̱n dumma̱ d'gaag a A'Sil na̱ (beboda̱n 6:12). Ai retin la i cinna we̱du Ka̱risti, Sila gigiki na lalk az nan ryaa rihica̱ ha̱n kwe̱ a̱n d'gaago. Bulus ge̱nk da̱n ho̱da̱na̱n kargac a s'gab ta emt d'sooc a Kan buu na̱ Ye̱so a̱n c'hwennsa hwe̱di: Ho̱da̱n sooca̱d neta na a̱ra̱m retine. Ho̱d nu'we̱de̱, Ka̱risti kaa a̱n rein d'hi. Ho̱d na'maa, Ka̱risti a̱n rein taara̱v d'kaako. Bulus be̱se̱ke̱ taka̱llak ne a̱n kaaga̱m neta̱n az a em c'nocurimu ca̱n hwennain na po̱g na̱ neta̱n Ka̱risti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019