An Galatiya 3
3
Gabma̱n giira au gwa̱a̱ da
1Nwaa an Galatiya, i nwaa kipni? Iwe̱ a̱n cuulsin no? Za ho a̱n hwic no a̱n na vatin a̱ncass rina̱n de̱lin na edgt Ye̱so Ka̱risti a̱n k'kan da? 2Rihi i'da̱nka̱ m to̱nin az a̱m ipk no. A̱n kum-kum Hora̱md Na'Sil rema̱n gabma̱n giira? Alla i rema̱n a̱n batk d'ba̱t a̱n kabk kasi lalk Ye̱so u'na̱n hongine? 3A̱n taka ge̱ a̱n we̱sma̱n Hora̱md Na'Sila̱, a̱n be̱se̱ kaa a̱n we̱sma̱n hid no? I nwaa kipni? 4Kobda̱n a̱n ryain bo̱ kaa kwe̱, i a̱d to̱o̱ bo̱ kaa ka̱ka̱li? Zai bo̱ da̱n ka̱ka̱l da. Alla bo̱ kaa i'da̱n ka̱ka̱li? 5Sila ta ne̱e̱-ne̱e̱ no Hora̱md na̱, a em ta̱m c'he̱t hwe̱di baa no rema̱n a̱n gabk giira da. I rema̱n a̱n batk d'ba̱t a̱n kabk kasi lalk Ye̱so u'na̱n hongine.
6Go̱t na ho̱da̱na̱n Ibrahi emtine. U batk d'ba̱t baa Na'Sila̱. Sila kabk la batma̱n ba̱ta̱d ru, a kink ta̱m o kan zatin ri d'reb da.#3:6 Go̱t ta̱m: D'Tak 15:6; ARom 4:3. 7Rema̱n taanlo, an batin d'ba̱t baa Na'Sila̱, i na̱nna a̱n rein aka̱n Ibrahi. 8Ge̱nsa̱n lalks Na'Sil vatk rina̱n ti em a̱n hwici. Az Sila ta le̱g an zain Yahude̱n da a̱n bata̱m d'ba̱t baa Na'Sila̱. Sila ve̱ce̱te̱ bo̱ Ibrahi da̱n kasi lalkune na̱m'gosa. A zeka, “Ta̱'m ema netnan copun Yanda̱ha̱n kwe̱ rem rovo.”#3:8 Go̱t ta̱m: D'Tak 12:3. 9I kwesaka az koowe̱ a̱n batin d'ba̱t baa Na'Sila̱, Sila ta ema la o ho̱da̱na̱n a ematain Ibrahi, un batin d'ba̱t baa na̱.
10Koowe̱ la a̱n zein az i a̱n gabma̱n giiras Mosa a̱n tu kumt d'le̱go, Sila ta ema o i naake. Rema̱n lalks Na'Sil zeka, “Koowe̱ a̱n ta gabin rina̱n rein a'ge̱n a̱nmin taka̱llaka̱n giiras Mosa kwe̱ da, Sila ta ema o i naake.”#3:10 Go̱t ta̱m: Rsgi 27:26. 11I kwesaka bo̱ kaa a̱ncass az noc au kum le̱ga̱d Na'Sil a̱n gabma̱n giiras Mosa da. Rema̱n, “Kan gela̱v Na'Sil tu po̱t a̱n bata̱m d'ba̱t baa Na'Sila̱.”#3:11 Go̱t ta̱m: Hab 2:4. 12Beboda̱n giira za a̱n bata̱m d'ba̱t da. I, “Nocuna̱n emin rihica̱ hna, tu po̱t rema̱n emma̱n ca̱nca.”#3:12 Go̱t ta̱m: Ggdk 18:5.
13Ka̱risti to̱vk na baan rebda̱n giiras sa̱n se̱ve̱ be̱ na, rema̱n u kabk d'reb rem cinna. Rema̱n i el a'ge̱ne̱, “Koowe̱ a̱n na edgin a̱n k'kan, i ka d'rebo.”#3:13 Go̱t ta̱m: Rsgi 21:23. 14Ye̱so to̱v-to̱v na bat an zain Yahude̱n da ta kum pusuuna̱n Sila emain Ibrahi rem ru. Bat ta̱m nan kum Hora̱mda̱n Sila zein az ta ne̱e̱ na a̱n bata̱m d'ba̱t baa na̱.
Lalk gigk so̱dk giira
15Hyaarene, lag na a̱m ema no c'hwensa a̱n rihica̱ c'nocurimu. Ho̱da̱na̱n noc zattina̱n la̱a̱ a̱n se̱tkse̱ alla u sud rihi baan lalkuna̱n na baasin na gigk da, i ho̱da̱n lo bo̱ i retin baan lalksa̱ hna. 16I Ibrahi a goov run a̱n Sila gigiin lalko. Lalks Na'Sil ta ze, “Baan goov ru d'bug da.” Sa̱ zeka, “I baa goov ru v'da̱n.” I Ka̱risti la.#3:16 Go̱t ta̱m: D'Tak 12:7.
17A̱m la nu'zeu az Sila nesa-nesa Mosa s'giira, na emk s'we̱e̱ s'za̱ngu s'naase a̱n d'kwe̱z a̱n oopa nu'vat az ta ema Ibrahi. Giiras ne, a sa̱n hol la rina̱n Sila baasin a vatk de̱ha̱nz da. 18Awaz rina̱n Sila zein az ta ne̱e̱ Ibrahi i rema̱n gabma̱n giira, i ta soot bo̱ ta̱m i rema̱n gigma̱n lalk da. Rema̱n pusu Na'Sil la, u ne̱e̱k Ibrahi rin lo rema̱n gigma̱n lalko.
Yomka giira
19Iye̱ bo̱ kaa a̱n rein yomka giira? Na swidiski giira baan gigma̱n lalk rema̱n na napt c'ko̱to, i cet daava̱n nan matt goova̱n Sila gigiin lalko. Sila comka comta̱nc na̱ a nes Mosa giiras ne. I Mosa a̱n reina̱n te̱ka neta̱n a A'Sil na̱. 20Kan rein na'te̱ke̱, za noc v'da̱n u rein tu hwenga da. A'Sil la, i a'da̱nka̱ an reine.
21Giira ha̱l-ha̱l bo̱ kaa lalkuna̱n Sila gigine? Sila bita̱. Awaz nan po̱t d'kal rema̱n gabma̱n giira, lawabe̱ Sila ta le̱g na rema̱n gabma̱n giira. 22Ge̱nsa̱n lalks Na'Sil zek la az ko̱tc gagk koowe̱ a̱nmin copun yanda̱hna, bat nan kum pusuuna̱n Sila zein az ta ne̱e̱ an batin d'ba̱t baa Ye̱so Ka̱risti.
23Daava̱n le̱vka̱n bata̱m d'ba̱t baa Ye̱so ta uvta̱in da, giiras gagk na kwe̱, sa̱ gwedaka, i cet daava̱n Sila kwesatain na bata̱m d'ba̱t baa Ye̱so. 24Rema̱n taanlo, giiras Mosa i ho̱d kamna. I sa̱nsa a̱n kamnin na na cet a̱n kumma̱ d'le̱g baa Na'Sil rema̱n bata̱m d'ba̱t baa Ka̱risti. 25An na cetin a̱n bata̱m d'ba̱t baa Na'Sila̱, giira za ta̱m a̱n kamna̱d cinna da.
26I nwaa akna Na'Sil kwe̱ rema̱n bata̱m d'ba̱t baa Ka̱risti Ye̱so. 27Rema̱n nwaa kwe̱, an na ematain no baptisma, i kwesaka az nwaa i a Ka̱risti, a̱n vaakk ho̱d ru. 28Rema̱n nwaa kwe̱ i rihi i'da̱nka̱ baa Na'Sila̱. A nan ka̱a̱ka̱nsi ta̱m k'Yahude̱ a kan zain k'Yahude̱n da. Cok za ta̱m alla un zain cok da. A̱ra̱m ta vod ta̱m a netan da. 29A̱nta̱ma̱, ai retin i nwaa a Ka̱risti, i nwaa bo̱ kaa a̱n rein goov Ibrahi. Ta̱n kum ta̱m pusuuna̱n Sila zein az ta ema Ibrahi.
Currently Selected:
An Galatiya 3: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
An Galatiya 3
3
Gabma̱n giira au gwa̱a̱ da
1Nwaa an Galatiya, i nwaa kipni? Iwe̱ a̱n cuulsin no? Za ho a̱n hwic no a̱n na vatin a̱ncass rina̱n de̱lin na edgt Ye̱so Ka̱risti a̱n k'kan da? 2Rihi i'da̱nka̱ m to̱nin az a̱m ipk no. A̱n kum-kum Hora̱md Na'Sil rema̱n gabma̱n giira? Alla i rema̱n a̱n batk d'ba̱t a̱n kabk kasi lalk Ye̱so u'na̱n hongine? 3A̱n taka ge̱ a̱n we̱sma̱n Hora̱md Na'Sila̱, a̱n be̱se̱ kaa a̱n we̱sma̱n hid no? I nwaa kipni? 4Kobda̱n a̱n ryain bo̱ kaa kwe̱, i a̱d to̱o̱ bo̱ kaa ka̱ka̱li? Zai bo̱ da̱n ka̱ka̱l da. Alla bo̱ kaa i'da̱n ka̱ka̱li? 5Sila ta ne̱e̱-ne̱e̱ no Hora̱md na̱, a em ta̱m c'he̱t hwe̱di baa no rema̱n a̱n gabk giira da. I rema̱n a̱n batk d'ba̱t a̱n kabk kasi lalk Ye̱so u'na̱n hongine.
6Go̱t na ho̱da̱na̱n Ibrahi emtine. U batk d'ba̱t baa Na'Sila̱. Sila kabk la batma̱n ba̱ta̱d ru, a kink ta̱m o kan zatin ri d'reb da.#3:6 Go̱t ta̱m: D'Tak 15:6; ARom 4:3. 7Rema̱n taanlo, an batin d'ba̱t baa Na'Sila̱, i na̱nna a̱n rein aka̱n Ibrahi. 8Ge̱nsa̱n lalks Na'Sil vatk rina̱n ti em a̱n hwici. Az Sila ta le̱g an zain Yahude̱n da a̱n bata̱m d'ba̱t baa Na'Sila̱. Sila ve̱ce̱te̱ bo̱ Ibrahi da̱n kasi lalkune na̱m'gosa. A zeka, “Ta̱'m ema netnan copun Yanda̱ha̱n kwe̱ rem rovo.”#3:8 Go̱t ta̱m: D'Tak 12:3. 9I kwesaka az koowe̱ a̱n batin d'ba̱t baa Na'Sila̱, Sila ta ema la o ho̱da̱na̱n a ematain Ibrahi, un batin d'ba̱t baa na̱.
10Koowe̱ la a̱n zein az i a̱n gabma̱n giiras Mosa a̱n tu kumt d'le̱go, Sila ta ema o i naake. Rema̱n lalks Na'Sil zeka, “Koowe̱ a̱n ta gabin rina̱n rein a'ge̱n a̱nmin taka̱llaka̱n giiras Mosa kwe̱ da, Sila ta ema o i naake.”#3:10 Go̱t ta̱m: Rsgi 27:26. 11I kwesaka bo̱ kaa a̱ncass az noc au kum le̱ga̱d Na'Sil a̱n gabma̱n giiras Mosa da. Rema̱n, “Kan gela̱v Na'Sil tu po̱t a̱n bata̱m d'ba̱t baa Na'Sila̱.”#3:11 Go̱t ta̱m: Hab 2:4. 12Beboda̱n giira za a̱n bata̱m d'ba̱t da. I, “Nocuna̱n emin rihica̱ hna, tu po̱t rema̱n emma̱n ca̱nca.”#3:12 Go̱t ta̱m: Ggdk 18:5.
13Ka̱risti to̱vk na baan rebda̱n giiras sa̱n se̱ve̱ be̱ na, rema̱n u kabk d'reb rem cinna. Rema̱n i el a'ge̱ne̱, “Koowe̱ a̱n na edgin a̱n k'kan, i ka d'rebo.”#3:13 Go̱t ta̱m: Rsgi 21:23. 14Ye̱so to̱v-to̱v na bat an zain Yahude̱n da ta kum pusuuna̱n Sila emain Ibrahi rem ru. Bat ta̱m nan kum Hora̱mda̱n Sila zein az ta ne̱e̱ na a̱n bata̱m d'ba̱t baa na̱.
Lalk gigk so̱dk giira
15Hyaarene, lag na a̱m ema no c'hwensa a̱n rihica̱ c'nocurimu. Ho̱da̱na̱n noc zattina̱n la̱a̱ a̱n se̱tkse̱ alla u sud rihi baan lalkuna̱n na baasin na gigk da, i ho̱da̱n lo bo̱ i retin baan lalksa̱ hna. 16I Ibrahi a goov run a̱n Sila gigiin lalko. Lalks Na'Sil ta ze, “Baan goov ru d'bug da.” Sa̱ zeka, “I baa goov ru v'da̱n.” I Ka̱risti la.#3:16 Go̱t ta̱m: D'Tak 12:7.
17A̱m la nu'zeu az Sila nesa-nesa Mosa s'giira, na emk s'we̱e̱ s'za̱ngu s'naase a̱n d'kwe̱z a̱n oopa nu'vat az ta ema Ibrahi. Giiras ne, a sa̱n hol la rina̱n Sila baasin a vatk de̱ha̱nz da. 18Awaz rina̱n Sila zein az ta ne̱e̱ Ibrahi i rema̱n gabma̱n giira, i ta soot bo̱ ta̱m i rema̱n gigma̱n lalk da. Rema̱n pusu Na'Sil la, u ne̱e̱k Ibrahi rin lo rema̱n gigma̱n lalko.
Yomka giira
19Iye̱ bo̱ kaa a̱n rein yomka giira? Na swidiski giira baan gigma̱n lalk rema̱n na napt c'ko̱to, i cet daava̱n nan matt goova̱n Sila gigiin lalko. Sila comka comta̱nc na̱ a nes Mosa giiras ne. I Mosa a̱n reina̱n te̱ka neta̱n a A'Sil na̱. 20Kan rein na'te̱ke̱, za noc v'da̱n u rein tu hwenga da. A'Sil la, i a'da̱nka̱ an reine.
21Giira ha̱l-ha̱l bo̱ kaa lalkuna̱n Sila gigine? Sila bita̱. Awaz nan po̱t d'kal rema̱n gabma̱n giira, lawabe̱ Sila ta le̱g na rema̱n gabma̱n giira. 22Ge̱nsa̱n lalks Na'Sil zek la az ko̱tc gagk koowe̱ a̱nmin copun yanda̱hna, bat nan kum pusuuna̱n Sila zein az ta ne̱e̱ an batin d'ba̱t baa Ye̱so Ka̱risti.
23Daava̱n le̱vka̱n bata̱m d'ba̱t baa Ye̱so ta uvta̱in da, giiras gagk na kwe̱, sa̱ gwedaka, i cet daava̱n Sila kwesatain na bata̱m d'ba̱t baa Ye̱so. 24Rema̱n taanlo, giiras Mosa i ho̱d kamna. I sa̱nsa a̱n kamnin na na cet a̱n kumma̱ d'le̱g baa Na'Sil rema̱n bata̱m d'ba̱t baa Ka̱risti. 25An na cetin a̱n bata̱m d'ba̱t baa Na'Sila̱, giira za ta̱m a̱n kamna̱d cinna da.
26I nwaa akna Na'Sil kwe̱ rema̱n bata̱m d'ba̱t baa Ka̱risti Ye̱so. 27Rema̱n nwaa kwe̱, an na ematain no baptisma, i kwesaka az nwaa i a Ka̱risti, a̱n vaakk ho̱d ru. 28Rema̱n nwaa kwe̱ i rihi i'da̱nka̱ baa Na'Sila̱. A nan ka̱a̱ka̱nsi ta̱m k'Yahude̱ a kan zain k'Yahude̱n da. Cok za ta̱m alla un zain cok da. A̱ra̱m ta vod ta̱m a netan da. 29A̱nta̱ma̱, ai retin i nwaa a Ka̱risti, i nwaa bo̱ kaa a̱n rein goov Ibrahi. Ta̱n kum ta̱m pusuuna̱n Sila zein az ta ema Ibrahi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019