An Galatiya 2
2
Bulus a comta̱nc hyan na
1An s'we̱e̱ oopa a̱n s'naas to̱o̱tine, a̱m sudk a̱n hav a̱n le̱in Urisalima, cwan c Barnabas. A̱m o̱mk ta̱m Taitus u gab co. 2A̱m hav-hav a̱nlu rema̱n Sila ve̱ce̱ke̱ m a̱n k'ya̱a̱taya̱a̱ az a̱m hava. Am latin a̱n a̱n'a, a̱m he̱nk c'hwenga̱n a s'gab v'kabo. A̱m ba̱tkska̱ ta̱m na̱ kasi lalk Ye̱so u'na̱n m reina̱n d'ba̱s baa an zain Yahude̱n da. Rema̱n a̱m lak na̱v'gel az a yomka na m emin a am rein nu'ema̱n, soot la ka̱ka̱l da. 3Go̱t ge̱ Taitus kan swiin me i k'Girik, a ta de̱l la o u em s'ged da.
4Rina̱n kabain rihica̱ hna, i an gabsa̱ c'ko̱l a̱n uva̱in baa cinna m'ze̱se̱. I bat ta kwe̱e̱mse̱ a he̱n bateseuna̱n na ciin a̱n Ka̱risti Ye̱so, a de̱lt na na̱m'coko. 5Ca ne̱e̱ la na̱ d'ke̱e̱ da. Rema̱n ca to̱n az a vodasa no ga̱uma̱n kasi lalk Ye̱so da.
6An rein ta̱m na̱m'he̱n az i na̱nna a̱n nan hwenga, ho̱da̱na̱n a retin kwe̱, i ta vod baa ri da. Rema̱n Sila za ta ged lalk a̱n he̱nun is da. A ta sud ta̱m rihi baan rina̱n m reina̱n d'ba̱s da. 7A napk az i Silan nesin m yomkan ba̱sda̱n kasi lalk Ye̱so baa an zain Yahude̱n da. A napk ta̱m az i Silan nesin Bitrus ba̱sda̱n kasi lalk baa Yahude̱ne̱. 8Rema̱n Sila nan comin Bitrus u ba̱s kasi lalk Ye̱so baa Yahude̱ne̱, i na̱nna ta̱m a̱n comin m baa an zain Yahude̱n da.
9Yakub na Bitrus a̱n Yohana, an rein c'hwenga̱n a s'gaba, a napk goon pusuuna̱n Sila emain me. A kabt bo̱ co cwan c Barnabas ho̱d hyannana̱ a na'yomko. A zet bo̱ co az c caa baa an zain Yahude̱n da, c ryaa hwic a̱n bisiim na̱ kasi lalko. Na̱nna la ba̱na̱, ta soot a bisi Yahude̱ ne. 10Rina̱n a konin co c'taa, i az ca̱ maase a̱n se̱e̱te̱m kobnetna. Rina̱n m gosin la ta̱m to̱n u'em kooye̱ daava.
Bulus hetk Bitrus a̱n lalko
11Daava̱n Bitrus latin Antiyo̱k, a̱m ve̱ce̱ke̱ o a̱ncass, rem u emk d'habs hwe̱di d'kala. 12Daava̱n u cetain na̱m'e̱te̱, a lak ta ryaak d'kut a a s'gabnanan zain Yahude̱n da. An Yahude̱n hyan, baran Yakub hataine, Bitrus ta ryaa hwic a̱n c'ryaak a na̱nnan da. Rem u lak a̱n gelva̱n lalka-lalkas an zein az i ke̱ng na em s'geda. 13Yahude̱n hyan gabeste bo̱ o a̱n yangsa̱m s'naa. Taanl ta̱m a de̱ltin Barnabas a̱n s'yango. 14Am he̱ntin la a za a̱n gabma̱n ga̱uma̱n rein baan kasi lalk Ye̱so da, a̱m ve̱ce̱ke̱ Bitrus a̱n hwic na̱ kwe̱. A̱m zeka, “I vo k'Yahude̱ an unnu. Go̱t la v el na̱m'em ho̱d kan zain k'Yahude̱ da. I rema̱n ye̱ kaa a̱n ta̱'v de̱lt an zain Yahude̱n da, a em ho̱d Yahude̱ne̱?
15“Cinna an na matin Yahude̱ne̱, an zain a c'ko̱t ho̱d an zain Yahude̱n da, 16c napk na az Sila za ta le̱g noc a̱n gabma̱n giira da. I a̱n bata̱m d'ba̱t baa Ye̱so Ka̱risti. Na batk d'ba̱t baa Ye̱so Ka̱risti, bat nan kum d'le̱g baa Na'Sila̱, za a̱n gabma̱n giira da. Rema̱n c napk az noc a tu kum d'le̱g baa Na'Sil a̱n gabma̱n giira da. I a̱n bata̱m d'ba̱t baa Na'Sila̱.#2:16 Go̱t ta̱m: Zab 32:2; ARom 3:20.
17“Awaz na to̱nk az Sila le̱g na a̱n bata̱m d'ba̱t baa Ye̱so, nocurimuc cinna kwesaz kaa az cinna i a c'ko̱to. I Ka̱risti bo̱ kaa a̱n de̱lin na a̱n c'ko̱te? Sila bita̱. 18Am vaak a̱n maama̱n rihica̱ m se̱tkine, i kwesaka az i mi kan getma̱n giira. 19Rema̱n giira, a̱m el ho̱d kan wa̱in baan giira, bat ta̱'m po̱t rem Na'Sila̱.
20“A̱m el ho̱d kan wa̱in d'kut a Ye̱so Ka̱ristin, daava̱n na edgtin o a̱n k'kan. Za mi ta̱m a̱n reina̱n c'nocurimu a̱n we̱sma̱n hid ri da. I Ka̱risti u'na̱n rein baa ri. Nocurimuca̱ m retine, a̱m laa a̱n ca̱nca rema̱n bata̱m d'ba̱t baa Waav Na'Sil un to̱nin me, u nes ta̱m hid ru rem ri. 21A̱m ta ha̱l la pusuu Na'Sil da. Awabe̱ az Sila ta le̱g noc rema̱n gabma̱n giira, wa̱a̱'a Ye̱so sootk be̱ rin ka̱ka̱la̱.”
Currently Selected:
An Galatiya 2: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
An Galatiya 2
2
Bulus a comta̱nc hyan na
1An s'we̱e̱ oopa a̱n s'naas to̱o̱tine, a̱m sudk a̱n hav a̱n le̱in Urisalima, cwan c Barnabas. A̱m o̱mk ta̱m Taitus u gab co. 2A̱m hav-hav a̱nlu rema̱n Sila ve̱ce̱ke̱ m a̱n k'ya̱a̱taya̱a̱ az a̱m hava. Am latin a̱n a̱n'a, a̱m he̱nk c'hwenga̱n a s'gab v'kabo. A̱m ba̱tkska̱ ta̱m na̱ kasi lalk Ye̱so u'na̱n m reina̱n d'ba̱s baa an zain Yahude̱n da. Rema̱n a̱m lak na̱v'gel az a yomka na m emin a am rein nu'ema̱n, soot la ka̱ka̱l da. 3Go̱t ge̱ Taitus kan swiin me i k'Girik, a ta de̱l la o u em s'ged da.
4Rina̱n kabain rihica̱ hna, i an gabsa̱ c'ko̱l a̱n uva̱in baa cinna m'ze̱se̱. I bat ta kwe̱e̱mse̱ a he̱n bateseuna̱n na ciin a̱n Ka̱risti Ye̱so, a de̱lt na na̱m'coko. 5Ca ne̱e̱ la na̱ d'ke̱e̱ da. Rema̱n ca to̱n az a vodasa no ga̱uma̱n kasi lalk Ye̱so da.
6An rein ta̱m na̱m'he̱n az i na̱nna a̱n nan hwenga, ho̱da̱na̱n a retin kwe̱, i ta vod baa ri da. Rema̱n Sila za ta ged lalk a̱n he̱nun is da. A ta sud ta̱m rihi baan rina̱n m reina̱n d'ba̱s da. 7A napk az i Silan nesin m yomkan ba̱sda̱n kasi lalk Ye̱so baa an zain Yahude̱n da. A napk ta̱m az i Silan nesin Bitrus ba̱sda̱n kasi lalk baa Yahude̱ne̱. 8Rema̱n Sila nan comin Bitrus u ba̱s kasi lalk Ye̱so baa Yahude̱ne̱, i na̱nna ta̱m a̱n comin m baa an zain Yahude̱n da.
9Yakub na Bitrus a̱n Yohana, an rein c'hwenga̱n a s'gaba, a napk goon pusuuna̱n Sila emain me. A kabt bo̱ co cwan c Barnabas ho̱d hyannana̱ a na'yomko. A zet bo̱ co az c caa baa an zain Yahude̱n da, c ryaa hwic a̱n bisiim na̱ kasi lalko. Na̱nna la ba̱na̱, ta soot a bisi Yahude̱ ne. 10Rina̱n a konin co c'taa, i az ca̱ maase a̱n se̱e̱te̱m kobnetna. Rina̱n m gosin la ta̱m to̱n u'em kooye̱ daava.
Bulus hetk Bitrus a̱n lalko
11Daava̱n Bitrus latin Antiyo̱k, a̱m ve̱ce̱ke̱ o a̱ncass, rem u emk d'habs hwe̱di d'kala. 12Daava̱n u cetain na̱m'e̱te̱, a lak ta ryaak d'kut a a s'gabnanan zain Yahude̱n da. An Yahude̱n hyan, baran Yakub hataine, Bitrus ta ryaa hwic a̱n c'ryaak a na̱nnan da. Rem u lak a̱n gelva̱n lalka-lalkas an zein az i ke̱ng na em s'geda. 13Yahude̱n hyan gabeste bo̱ o a̱n yangsa̱m s'naa. Taanl ta̱m a de̱ltin Barnabas a̱n s'yango. 14Am he̱ntin la a za a̱n gabma̱n ga̱uma̱n rein baan kasi lalk Ye̱so da, a̱m ve̱ce̱ke̱ Bitrus a̱n hwic na̱ kwe̱. A̱m zeka, “I vo k'Yahude̱ an unnu. Go̱t la v el na̱m'em ho̱d kan zain k'Yahude̱ da. I rema̱n ye̱ kaa a̱n ta̱'v de̱lt an zain Yahude̱n da, a em ho̱d Yahude̱ne̱?
15“Cinna an na matin Yahude̱ne̱, an zain a c'ko̱t ho̱d an zain Yahude̱n da, 16c napk na az Sila za ta le̱g noc a̱n gabma̱n giira da. I a̱n bata̱m d'ba̱t baa Ye̱so Ka̱risti. Na batk d'ba̱t baa Ye̱so Ka̱risti, bat nan kum d'le̱g baa Na'Sila̱, za a̱n gabma̱n giira da. Rema̱n c napk az noc a tu kum d'le̱g baa Na'Sil a̱n gabma̱n giira da. I a̱n bata̱m d'ba̱t baa Na'Sila̱.#2:16 Go̱t ta̱m: Zab 32:2; ARom 3:20.
17“Awaz na to̱nk az Sila le̱g na a̱n bata̱m d'ba̱t baa Ye̱so, nocurimuc cinna kwesaz kaa az cinna i a c'ko̱to. I Ka̱risti bo̱ kaa a̱n de̱lin na a̱n c'ko̱te? Sila bita̱. 18Am vaak a̱n maama̱n rihica̱ m se̱tkine, i kwesaka az i mi kan getma̱n giira. 19Rema̱n giira, a̱m el ho̱d kan wa̱in baan giira, bat ta̱'m po̱t rem Na'Sila̱.
20“A̱m el ho̱d kan wa̱in d'kut a Ye̱so Ka̱ristin, daava̱n na edgtin o a̱n k'kan. Za mi ta̱m a̱n reina̱n c'nocurimu a̱n we̱sma̱n hid ri da. I Ka̱risti u'na̱n rein baa ri. Nocurimuca̱ m retine, a̱m laa a̱n ca̱nca rema̱n bata̱m d'ba̱t baa Waav Na'Sil un to̱nin me, u nes ta̱m hid ru rem ri. 21A̱m ta ha̱l la pusuu Na'Sil da. Awabe̱ az Sila ta le̱g noc rema̱n gabma̱n giira, wa̱a̱'a Ye̱so sootk be̱ rin ka̱ka̱la̱.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019