An E̱fisu 1
1
D'Po̱o̱sso̱
1Taka̱llaka̱n Bulus, k'comta̱v Ka̱risti Ye̱so a̱n to̱nu Na'Sila̱, ge̱ne̱in netna Na'Sil an rein a̱n copun E̱fisu. An reina̱n gaba̱m Ye̱so Ka̱risti d'ba̱t d'da̱n. 2A'Sil ceta cinna a Kanubu Ye̱so Ka̱ristin, ne̱e̱ no u'pusu a la̱ta̱m c'de̱b ne̱.
U'Pusu lanma̱n baa Ka̱risti
3C'Bo̱m baa Na'Sil Cet Kan buu cinna Ye̱so Ka̱risti, un ne̱in na kooye̱ goon pusuuwa lanm na'con rem Ka̱risti. 4Az Sila balta copun yanda̱hna, a dagk na. I bat nan soot an pusa̱sa̱m na̱ c'de̱be̱. An zattin ri d'reb da. An zattin ta̱m rina̱n nan ke̱e̱ na̱ da. Rema̱n to̱nu na̱, 5Sila baask a gigk de̱ha̱nz ai na matt na, az ta kab na na soot aka̱n na̱ rem Ye̱so Ka̱risti. I ho̱da̱na̱n i emtin na̱ d'ke̱me̱ a ho̱da̱na̱n a to̱ntin ne.
6I na bo̱mk A'Sil rema̱n damran ho̱sma̱n a emain na rem Waav na̱, un a rein nu'to̱n hwe̱di. 7I rema̱n wa̱a̱'a Ye̱so a̱n na kumtin c'to̱ve a kwisida̱ c'ko̱ta̱n rema̱n hiba̱m ru. A rema̱n damran pusuu Na'Sila̱, 8un Sila ne̱in cinna a ta̱m s'napa̱n a u'ke̱e̱se̱n hwe̱di d'kala. 9Sila kwesaka ta̱m na rihic ze̱sk ca̱n to̱nu na̱. Ho̱da̱na̱n i emtin na̱ d'ke̱me̱. Ca walgin ca̱n tanin Ka̱risti. 10Az a daav ema, ta kargsa rihica̱n rein a'con a ca̱n copun yanda̱ha̱nna̱n kwe̱ d'baa d'da̱n, Ka̱risti em go̱mca̱n ca̱nca.
11I rem Ka̱risti a̱n Sila dagtin na. A we̱lgke̱ na ta̱m rihica̱ ha̱n de̱ha̱nz az na matt na. I ho̱da̱na̱n a retin ta se̱e̱pse̱ c'rihi kwe̱, c soot ho̱da̱na̱n a to̱ntine. 12A em-em taanl bat cinna an savin c'de̱b baa Ka̱risti na̱m'e̱te̱, ca̱n soot na rin bo̱mc Na'Sil a gwink na̱-na̱.
13Nwaa ta̱m na oga̱mske no neta̱n Ka̱risti, daava̱n a̱n hongtin lalksa̱ m'ga̱u. Kasi lalkuna̱n gwa̱in no. An battin d'ba̱t baa Ye̱so, na se̱e̱ke̱ no napec Ka̱risti, an Sila ne̱e̱tin no Hora̱mda̱n zattin ri d'reb da. Da̱n a gigin lalk az ta ne̱e̱ na. 14Hora̱md ne, i da̱nda a̱n kwesain az ke̱ng na ci u'yob baa Na'Sil i cet daava̱n Sila ta to̱vt an rein neta̱n na̱. Na bo̱m kaa gwink na̱.
Cepks Bulus
15Am hongtin ho̱da̱na̱n a̱n battin d'ba̱t baa Kanubu Ye̱so, a ho̱da̱na̱n a̱n retin ta̱n to̱n neta̱n Na'Sil na̱, 16a̱m ta cim bo̱mc Na'Sil rem no da. A̱m el ta̱m ta̱'m cepka no kooye̱ daava. 17A̱m el a̱n kona̱m Sila Kan Buu cinna Ye̱so Ka̱risti, K'Ceto ka k'gwin, az a ne̱e̱ no hora̱mda̱ s'ver a napsa̱n rihic Na'Sil na̱. Bat ta̱n sud a̱n nap na̱ i kasi.
18A̱m el ta̱m a̱n s'cepk az Sila a̱ba̱sa̱ de̱bc no. I bat ta̱n nap rina̱n saktin u'con baan po̱guna̱n Sila po̱gin no. A̱n nap ta̱m gwinka̱n damran pusuuna̱n Sila ne̱in neta̱n na̱. 19A̱m el ta̱m a̱n s'cepk az a̱n nap goon damran we̱sma̱n na ciini, cinnananan batin d'ba̱t baa Na'Sila̱. We̱sma̱n lo i damran we̱sa̱m Na'Sila̱.
20I we̱sma̱ ha̱n a̱n po̱to̱so̱in Ye̱so. I ma̱mma ta̱m a̱n de̱lin o u soott a̱n bo̱o̱d swaada̱n a̱n kabva̱n komas'to̱ baa Na'Sil a̱nz a'cona. 21Ye̱so hatk kooye̱ goon go̱mca na̱m'we̱se̱, a kooye̱ goon dinda na. Za a̱n copun yanda̱ha̱n c'taa da, i a a'con a̱n buka. 22Sila nesk Ka̱risti we̱sa̱m c'rihi kwe̱. A dagk o ta̱m u soot go̱m kwe̱ baa a s'gaba. 23I a s'gab a̱n rein we̱du Ka̱risti. I unwa ta̱m a̱n tu hya̱a̱la̱ c'rihi kwe̱.
Currently Selected:
An E̱fisu 1: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
An E̱fisu 1
1
D'Po̱o̱sso̱
1Taka̱llaka̱n Bulus, k'comta̱v Ka̱risti Ye̱so a̱n to̱nu Na'Sila̱, ge̱ne̱in netna Na'Sil an rein a̱n copun E̱fisu. An reina̱n gaba̱m Ye̱so Ka̱risti d'ba̱t d'da̱n. 2A'Sil ceta cinna a Kanubu Ye̱so Ka̱ristin, ne̱e̱ no u'pusu a la̱ta̱m c'de̱b ne̱.
U'Pusu lanma̱n baa Ka̱risti
3C'Bo̱m baa Na'Sil Cet Kan buu cinna Ye̱so Ka̱risti, un ne̱in na kooye̱ goon pusuuwa lanm na'con rem Ka̱risti. 4Az Sila balta copun yanda̱hna, a dagk na. I bat nan soot an pusa̱sa̱m na̱ c'de̱be̱. An zattin ri d'reb da. An zattin ta̱m rina̱n nan ke̱e̱ na̱ da. Rema̱n to̱nu na̱, 5Sila baask a gigk de̱ha̱nz ai na matt na, az ta kab na na soot aka̱n na̱ rem Ye̱so Ka̱risti. I ho̱da̱na̱n i emtin na̱ d'ke̱me̱ a ho̱da̱na̱n a to̱ntin ne.
6I na bo̱mk A'Sil rema̱n damran ho̱sma̱n a emain na rem Waav na̱, un a rein nu'to̱n hwe̱di. 7I rema̱n wa̱a̱'a Ye̱so a̱n na kumtin c'to̱ve a kwisida̱ c'ko̱ta̱n rema̱n hiba̱m ru. A rema̱n damran pusuu Na'Sila̱, 8un Sila ne̱in cinna a ta̱m s'napa̱n a u'ke̱e̱se̱n hwe̱di d'kala. 9Sila kwesaka ta̱m na rihic ze̱sk ca̱n to̱nu na̱. Ho̱da̱na̱n i emtin na̱ d'ke̱me̱. Ca walgin ca̱n tanin Ka̱risti. 10Az a daav ema, ta kargsa rihica̱n rein a'con a ca̱n copun yanda̱ha̱nna̱n kwe̱ d'baa d'da̱n, Ka̱risti em go̱mca̱n ca̱nca.
11I rem Ka̱risti a̱n Sila dagtin na. A we̱lgke̱ na ta̱m rihica̱ ha̱n de̱ha̱nz az na matt na. I ho̱da̱na̱n a retin ta se̱e̱pse̱ c'rihi kwe̱, c soot ho̱da̱na̱n a to̱ntine. 12A em-em taanl bat cinna an savin c'de̱b baa Ka̱risti na̱m'e̱te̱, ca̱n soot na rin bo̱mc Na'Sil a gwink na̱-na̱.
13Nwaa ta̱m na oga̱mske no neta̱n Ka̱risti, daava̱n a̱n hongtin lalksa̱ m'ga̱u. Kasi lalkuna̱n gwa̱in no. An battin d'ba̱t baa Ye̱so, na se̱e̱ke̱ no napec Ka̱risti, an Sila ne̱e̱tin no Hora̱mda̱n zattin ri d'reb da. Da̱n a gigin lalk az ta ne̱e̱ na. 14Hora̱md ne, i da̱nda a̱n kwesain az ke̱ng na ci u'yob baa Na'Sil i cet daava̱n Sila ta to̱vt an rein neta̱n na̱. Na bo̱m kaa gwink na̱.
Cepks Bulus
15Am hongtin ho̱da̱na̱n a̱n battin d'ba̱t baa Kanubu Ye̱so, a ho̱da̱na̱n a̱n retin ta̱n to̱n neta̱n Na'Sil na̱, 16a̱m ta cim bo̱mc Na'Sil rem no da. A̱m el ta̱m ta̱'m cepka no kooye̱ daava. 17A̱m el a̱n kona̱m Sila Kan Buu cinna Ye̱so Ka̱risti, K'Ceto ka k'gwin, az a ne̱e̱ no hora̱mda̱ s'ver a napsa̱n rihic Na'Sil na̱. Bat ta̱n sud a̱n nap na̱ i kasi.
18A̱m el ta̱m a̱n s'cepk az Sila a̱ba̱sa̱ de̱bc no. I bat ta̱n nap rina̱n saktin u'con baan po̱guna̱n Sila po̱gin no. A̱n nap ta̱m gwinka̱n damran pusuuna̱n Sila ne̱in neta̱n na̱. 19A̱m el ta̱m a̱n s'cepk az a̱n nap goon damran we̱sma̱n na ciini, cinnananan batin d'ba̱t baa Na'Sila̱. We̱sma̱n lo i damran we̱sa̱m Na'Sila̱.
20I we̱sma̱ ha̱n a̱n po̱to̱so̱in Ye̱so. I ma̱mma ta̱m a̱n de̱lin o u soott a̱n bo̱o̱d swaada̱n a̱n kabva̱n komas'to̱ baa Na'Sil a̱nz a'cona. 21Ye̱so hatk kooye̱ goon go̱mca na̱m'we̱se̱, a kooye̱ goon dinda na. Za a̱n copun yanda̱ha̱n c'taa da, i a a'con a̱n buka. 22Sila nesk Ka̱risti we̱sa̱m c'rihi kwe̱. A dagk o ta̱m u soot go̱m kwe̱ baa a s'gaba. 23I a s'gab a̱n rein we̱du Ka̱risti. I unwa ta̱m a̱n tu hya̱a̱la̱ c'rihi kwe̱.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019