An E̱fisu 2
2
U'Po̱t rem Ka̱risti
1Nwaa la, a̱n lak ho̱d a'uk baan rihic Na'Sil rem c'honga̱mza a ko̱tc no-no. 2A̱n lak a̱n c'nocurimu a̱n c'ko̱to. A̱n gabma̱n rihic naak ca̱n copun yanda̱hna. A̱n gabma̱n go̱m va̱ rinnas'ce. I we̱sma̱n rihica̱n lo a̱n reina̱n yangsa̱m an zain ta hong lalk da. 3Cinna kwe̱, i ho̱da̱na̱n na latin bo̱. Na lak a̱n gabma̱n rihic naak ca̱n de̱bc cinna rein ca̱n kekba, a rihic naaka̱n ca̱n we̱du tu to̱no̱. Hyanma̱n macca̱d cinna ta̱ma̱, Sila hwinski cinna ho̱d a hwinstin an emma̱n goon rihic ne.
4Ai retin Sila to̱nk na hwe̱di d'kala, a ci ta̱m m'za̱i hwe̱di, 5a po̱to̱sko̱ na ho̱da̱na̱n a po̱to̱sto̱in Ye̱so daava̱n na latin ho̱d a'uk a̱n c'ko̱to. I rem m'za̱i a̱n Sila gwa̱a̱tin na. 6Sila po̱to̱sko̱ na ho̱da̱na̱n a po̱to̱sto̱in Ka̱risti. Nan soot ta̱m baa na̱ a̱nz a'con rem Ka̱risti Ye̱so. 7A emk taanl, rema̱n buka, a ba̱tksta̱ na goon ho̱sma̱n a emain na. Ma̱n rihi za in nan hwennsta ma̱ da. Za̱ima̱n a emain na rema̱n Ka̱risti Ye̱so.
8I rem d'kwisi a̱n Sila gwa̱a̱tin no, rema̱n batma̱n ba̱ta̱d no baa Na'Sila̱. Za rema̱n la̱a̱m no da, i ho̱ssa̱m Na'Sila̱. 9Za rem na'yomk da. Rema̱n taanlo, a noc em la c'ka̱ndi da. 10I Silan emin na kwe̱. A emk na rem Ka̱risti, bat nan em yomkc kasi ca walgin de̱ha̱nzo az na ema.
A s'gab kwe̱ i rii da̱nka̱
11Rema̱n taanlo, bakasa na az a na mat no Yahude̱n da. An ta po̱g hid na̱, “An ciin s'geda.” A el ta hyaak no, a po̱g no, “An zattin s'ged da.” I gedsa̱n nan ema la u'we̱d a̱n komc neta̱nrima. 12Bakasa na az a̱n daava̱n lo, a̱n ta nap Ka̱risti da. Na ke̱e̱k ta̱m no baa an ta soot netnan Isra'ila, netna Na'Sila̱. I nwaa ta̱m hamcne. A̱n zatta u'yob baan rihica̱n Sila gigin lalk az ta ema neta̱n na̱ da. A̱n lak ta̱m a̱n zatta rina̱n saktin u'con da. A̱n zatta ta̱m A'Sil a̱n copun yanda̱ha̱n da.
13A̱nta̱ma̱ la, ai retin a̱n el a̱n gabs Ka̱risti Ye̱so, nwaananan lain m'nak zo, Sila hodgtka no d'viivi baa na̱ rema̱n hiba̱m Ye̱so.
14I Ye̱so Ka̱risti a̱n rein la̱tma̱n de̱bc cinna. U vaakska Yahude̱n a an zain Yahude̱n da ri da̱nka̱. U ho̱lk ha̱liha̱li nanan lain a wankske na ho̱da̱n ba̱ma̱. 15A̱n wa̱a̱'a ru, u hok we̱sa̱m s'giira a rihica̱n giiras kainna̱n kwe̱. Rina̱n de̱lin u emt taanlo, i rem u vaaksta Yahude̱n a an zain Yahude̱n da netna da̱n. U vodasa ta̱m de̱bc na̱ c vaak c'de̱b c'kasi. U ne̱e̱ ta̱m na̱ la̱ta̱m c'de̱be̱.
16Au vaakstain na̱ netna da̱n, u se̱e̱pske̱ na̱ a A'Sil na̱ rema̱n wa̱a̱'a ru a̱n k'kan. I wa̱a̱'a Ye̱so a̱n hwein na ha̱li-ha̱lini. 17U haka u bisiki no kasi lalkun la̱ta̱m c'de̱be̱. Nwaananan zain Yahude̱n da, an lain m'nak a A'Sil na̱, a Yahude̱n nanan rein d'viivi a A'Sil na̱. 18Rem Ka̱risti, cinna kwe̱, na ci ke̱e̱da̱n caama̱n baa K'Ceto a̱n we̱sma̱n Hora̱md Na'Sil d'da̱n.
19Rema̱n taanlo, nwaananan zain Yahude̱n da, a̱n za ta̱m hamca̱n alla gya̱n-gya̱n da. I nwaa a nu'cop d'kut a netna Na'Sil na̱, an buuk Na'Sila̱. 20Comta̱nc Ye̱so a baranc Na'Sil a̱n a̱n rein d'kaako. I Ye̱so Ka̱risti la a̱n rein taara̱d d'kaak da̱n bo̱pin a'maa. 21I unwa a̱n esasain a'maa jimjimi. U de̱l ta̱m maa ne ryaa hwici a̱n c'gub a caa buuk Na'Sil ka̱n zattin ri d'reb da. 22Nwaa ta̱ma̱, i a̱n unwa a̱n na maatin no d'kutu. Bat ta̱n soot u'bu, va̱na̱n Sila ta soott a̱n Hora̱md na̱.
Currently Selected:
An E̱fisu 2: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
An E̱fisu 2
2
U'Po̱t rem Ka̱risti
1Nwaa la, a̱n lak ho̱d a'uk baan rihic Na'Sil rem c'honga̱mza a ko̱tc no-no. 2A̱n lak a̱n c'nocurimu a̱n c'ko̱to. A̱n gabma̱n rihic naak ca̱n copun yanda̱hna. A̱n gabma̱n go̱m va̱ rinnas'ce. I we̱sma̱n rihica̱n lo a̱n reina̱n yangsa̱m an zain ta hong lalk da. 3Cinna kwe̱, i ho̱da̱na̱n na latin bo̱. Na lak a̱n gabma̱n rihic naak ca̱n de̱bc cinna rein ca̱n kekba, a rihic naaka̱n ca̱n we̱du tu to̱no̱. Hyanma̱n macca̱d cinna ta̱ma̱, Sila hwinski cinna ho̱d a hwinstin an emma̱n goon rihic ne.
4Ai retin Sila to̱nk na hwe̱di d'kala, a ci ta̱m m'za̱i hwe̱di, 5a po̱to̱sko̱ na ho̱da̱na̱n a po̱to̱sto̱in Ye̱so daava̱n na latin ho̱d a'uk a̱n c'ko̱to. I rem m'za̱i a̱n Sila gwa̱a̱tin na. 6Sila po̱to̱sko̱ na ho̱da̱na̱n a po̱to̱sto̱in Ka̱risti. Nan soot ta̱m baa na̱ a̱nz a'con rem Ka̱risti Ye̱so. 7A emk taanl, rema̱n buka, a ba̱tksta̱ na goon ho̱sma̱n a emain na. Ma̱n rihi za in nan hwennsta ma̱ da. Za̱ima̱n a emain na rema̱n Ka̱risti Ye̱so.
8I rem d'kwisi a̱n Sila gwa̱a̱tin no, rema̱n batma̱n ba̱ta̱d no baa Na'Sila̱. Za rema̱n la̱a̱m no da, i ho̱ssa̱m Na'Sila̱. 9Za rem na'yomk da. Rema̱n taanlo, a noc em la c'ka̱ndi da. 10I Silan emin na kwe̱. A emk na rem Ka̱risti, bat nan em yomkc kasi ca walgin de̱ha̱nzo az na ema.
A s'gab kwe̱ i rii da̱nka̱
11Rema̱n taanlo, bakasa na az a na mat no Yahude̱n da. An ta po̱g hid na̱, “An ciin s'geda.” A el ta hyaak no, a po̱g no, “An zattin s'ged da.” I gedsa̱n nan ema la u'we̱d a̱n komc neta̱nrima. 12Bakasa na az a̱n daava̱n lo, a̱n ta nap Ka̱risti da. Na ke̱e̱k ta̱m no baa an ta soot netnan Isra'ila, netna Na'Sila̱. I nwaa ta̱m hamcne. A̱n zatta u'yob baan rihica̱n Sila gigin lalk az ta ema neta̱n na̱ da. A̱n lak ta̱m a̱n zatta rina̱n saktin u'con da. A̱n zatta ta̱m A'Sil a̱n copun yanda̱ha̱n da.
13A̱nta̱ma̱ la, ai retin a̱n el a̱n gabs Ka̱risti Ye̱so, nwaananan lain m'nak zo, Sila hodgtka no d'viivi baa na̱ rema̱n hiba̱m Ye̱so.
14I Ye̱so Ka̱risti a̱n rein la̱tma̱n de̱bc cinna. U vaakska Yahude̱n a an zain Yahude̱n da ri da̱nka̱. U ho̱lk ha̱liha̱li nanan lain a wankske na ho̱da̱n ba̱ma̱. 15A̱n wa̱a̱'a ru, u hok we̱sa̱m s'giira a rihica̱n giiras kainna̱n kwe̱. Rina̱n de̱lin u emt taanlo, i rem u vaaksta Yahude̱n a an zain Yahude̱n da netna da̱n. U vodasa ta̱m de̱bc na̱ c vaak c'de̱b c'kasi. U ne̱e̱ ta̱m na̱ la̱ta̱m c'de̱be̱.
16Au vaakstain na̱ netna da̱n, u se̱e̱pske̱ na̱ a A'Sil na̱ rema̱n wa̱a̱'a ru a̱n k'kan. I wa̱a̱'a Ye̱so a̱n hwein na ha̱li-ha̱lini. 17U haka u bisiki no kasi lalkun la̱ta̱m c'de̱be̱. Nwaananan zain Yahude̱n da, an lain m'nak a A'Sil na̱, a Yahude̱n nanan rein d'viivi a A'Sil na̱. 18Rem Ka̱risti, cinna kwe̱, na ci ke̱e̱da̱n caama̱n baa K'Ceto a̱n we̱sma̱n Hora̱md Na'Sil d'da̱n.
19Rema̱n taanlo, nwaananan zain Yahude̱n da, a̱n za ta̱m hamca̱n alla gya̱n-gya̱n da. I nwaa a nu'cop d'kut a netna Na'Sil na̱, an buuk Na'Sila̱. 20Comta̱nc Ye̱so a baranc Na'Sil a̱n a̱n rein d'kaako. I Ye̱so Ka̱risti la a̱n rein taara̱d d'kaak da̱n bo̱pin a'maa. 21I unwa a̱n esasain a'maa jimjimi. U de̱l ta̱m maa ne ryaa hwici a̱n c'gub a caa buuk Na'Sil ka̱n zattin ri d'reb da. 22Nwaa ta̱ma̱, i a̱n unwa a̱n na maatin no d'kutu. Bat ta̱n soot u'bu, va̱na̱n Sila ta soott a̱n Hora̱md na̱.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019