2 Bitrus 2
2
An la̱a̱s u c'ko̱lo̱
1Ho̱da̱na̱n baranc Na'Sil a c'ko̱l latin de̱ha̱n baa an Isra'ila, i ho̱da̱n lo bo̱ ta̱m a̱n an la̱a̱sa̱m na la̱a̱s u c'ko̱l retin a̱nta̱ma̱ baa no. Ta uvta̱ la̱a̱ss c'ko̱l m'ze̱s a̱n yangsa̱m netna. I caa neta̱n a hyaa naps Ye̱so Kan Go̱mca̱n Kooye̱ un to̱vin na̱. I taanl bo̱ la a̱n ta kwe̱la̱vte̱ hid na̱ a'wa̱a̱. 2Neta̱n hwe̱di ta gabese la na̱ a̱n emma̱n rihic naake. Ta de̱l neta̱n he̱n naakda̱n le̱vk Na'Sil ka̱ m'ga̱u. 3An la̱a̱sa̱m na la̱a̱s u c'ko̱lnan lo, rema̱n zo̱rmo̱'isc na̱, ta bala lalksa̱ c'ko̱l rem a hitksta̱ no. Sila baask la a gedaka na̱ lalk de̱ha̱nzo. A ta e̱vks la ta̱m hweed na̱ da.
4Sila ta ka̱lt comta̱nc na̱ an ko̱tin da, a cukk na̱ a̱nmin wa̱a̱ka̱n hwela. A̱n wa̱a̱k ni'cumunkunnu, va̱na̱n na gagin na̱ i cet hweda̱n gedma̱n lalko. 5Sila ta ka̱lt netnan de̱ha̱n da, a hok na̱ na̱m'ho̱o̱, rem a ta gel A'Sil da. A gwa̱a̱k la Nuhu un ve̱ce̱in neta̱n da̱n gedma̱n lalk Na'Sil u m'ga̱u a neta̱n hyan i'tan'ila̱. 6Sila gedaka le̱e̱ma̱n So̱do̱m na Gomora lalk a toks ma̱ kwe̱ a neta̱n a vaakk m'to̱n. Sila kwesaka na rina̱n ti kum an zain ta gel A'Sil da baa na̱.#2:6 Go̱t ta̱m: D'Tak 19:24. 7Sila gwa̱a̱k la Lo̱t rem unwa i kan gela̱v Na'Sila̱. Ta̱m rina̱n an zain ta gel A'Sil da lain ta ema, i gagk o d'hi.#2:7 Go̱t ta̱m: D'Tak 19:1-16. 8Lo̱t sootk a netna ha̱n ne. U he̱nk rihic naak ca emka̱lline. U hong ta̱m lalksa̱n ka̱ka̱l sa ve̱cline. De̱bc naak o hwe̱di a̱n goon soocda̱n an zain ta gel A'Sil da lain nu'emo. 9Awaz i taanlo, rihica̱ ha̱n kwesaka az Sila napk ho̱da̱na̱n ta gwa̱a̱t an rein ta gel na̱ daav c'ke̱ta̱mse̱. A napk ta̱m ho̱da̱na̱n ta vent an zain ta gel na̱ da, i cet hweda̱n gedma̱n lalko. 10Goon rihica̱ ha̱n ca̱n hat a̱n kumm an savin c'de̱b a̱n rihic naak ca̱ c'nocurimu, an zain ta̱m ta gel c'go̱m da.
A za ta gel noc da. A ke̱lpk m'lo̱go̱. A ta hong gela̱v rinna na'con da, a el ta̱m ta rebga̱l na̱. 11Go̱t la comta̱nc Na'Sil an so̱din an la̱a̱sa̱m na la̱a̱s u c'ko̱l naha̱n na̱m'we̱se̱, a za ta ela̱vso rinna na'connan lo aa wa a̱n uvtma̱n lalk na̱ a̱n hwic Kan Go̱mca̱n Kooye̱ da. 12An la̱a̱sa̱m na la̱a̱s u c'ko̱l naha̱n el la ta ela̱vso A'Sil rema̱n robamda̱ s'napa. A el ho̱d rinnanutus an zattin keka̱b da, an Sila emin rem d'hwee. Ho̱da̱na̱n nan hot rinnanutusu, i taanl bo̱ la a̱n Sila ta hot na̱ a̱n d'hwen.
13A emk rihic naake, Sila ta ve̱e̱kte̱ la na̱. A el ta he̱n ke̱mda̱n emma̱n rihica̱ m'e̱n ni'hwen cass. A sootk rihica̱ m'e̱n a c'ko̱pto̱n baa no. A kivk na̱m'swe̱e̱le̱-swe̱e̱le̱ a emma̱n rihic naak ca̱ha̱n daava̱n a retina̱n c'ryaak a hong u d'ke̱ma̱n baa no. 14A de̱lk c'de̱b a̱n d'o̱mo̱. A ta tak a̱n lag c'ko̱t da. A la̱a̱k palkac an rein nu'hevke-hevke. A rork ta̱m c'zo̱rmo̱'isa̱. Sila emaka la na̱ s'nwa̱a̱. 15A batk le̱vka̱ m'ga̱u, a gabk le̱vk naake. A gabeske Bala'am waav Bosor, kan to̱nin u kum kind baan emma̱n rihic naake.#2:15 Go̱t ta̱m: D'Og 22:4-35. 16Sila haagska la Bala'am rema̱n ko̱ta̱d ru. A de̱lk jankuna̱n zain tu iga̱m da, u iga̱msk o ho̱d noco. U holk k'barav Na'Sil emma̱n rihica̱ m'naa.
17Netna ha̱n i netnan ka̱ka̱l ho̱da̱n dwa̱a̱c hwaake. Ka̱mpa̱l ta̱m ho̱da̱n wecca̱n zattin m'ho̱o̱ da. Be̱se̱d goon na̱nna i wa̱a̱ka̱n hwela. 18A el ta em ho̱rman ka̱ka̱la̱. Ta maase ta̱m a̱n c'ka̱ndi. A el ta de̱l to̱nca̱n rihic naak ca̱n copun yanda̱ha̱n vaak c kwe̱e̱te̱ netnanan ta gosin a̱n lagma̱n emma̱n ca̱n da. 19A el ta ze neta̱n az ta kum u'batese. Go̱t la na̱nna, i coknan emma̱n rihic naake. Rema̱n noc i cok baan rina̱n pa̱tin we̱sa̱m ru.
20Awaz an la̱a̱sa̱m na la̱a̱s u c'ko̱l naha̱n kobk emma̱n rihic naak ca̱n copun yanda̱hna rema̱n a napk Ye̱so Ka̱risti, Kan Buu cinna ta̱m Kan Gwa̱a̱ma̱d cinna, aa vaak ta̱m a̱n emma̱n ca̱nca, ca̱ pa̱t ta̱m we̱sa̱m na̱, ta pa̱t ho̱d a latin na̱m'naa. 21I pitiki be̱ na̱ az a ta baa nap le̱vka̱ m'ga̱u da, a̱nda a nap ka̱, a ha̱l kaa a̱n gab giiras Na'Sil sa̱n na nesin na̱. 22Lalksa̱ ha̱n, “O̱m vaakk u ryaak go̱o̱c ru,” alla “Na zolk ale̱de̱ u vaakk u la̱t a̱n c'ropo,”#2:22 Go̱t ta̱m: Llal 26:11. hwennka bo̱ kaa a̱n na̱nna.
Currently Selected:
2 Bitrus 2: driNT
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019