2 An Korinti 9
9
Se̱e̱te̱m a s'gaba
1Da̱n emam a s'gab an Judiya d'se̱e̱te̱, i ta ge̱be̱se̱ ta̱m a̱m ge̱nvo no da. 2A̱m baask a̱m napk az a̱n ci de̱bca̱n se̱e̱te̱m ahyan. A̱m emk ta̱m c'ka̱ndi a̱n nwaa baa an copun Makidoniya. A̱m ve̱ce̱ke̱ na̱ az nwaa an copun Akaya, a̱n walgk ho̱sa̱m no hyanma̱n we̱e̱ de̱une. De̱lma̱n de̱bc no na̱m'ho̱s de̱lk a s'gab an Makidoniya zo̱rkske hwe̱di na̱m'ho̱so̱. 3A̱m como-como la hyaare naha̱n bat ta̱n soot a'walgk ho̱da̱na̱n m vattine. A̱m napt ta̱m az ho̱da̱na̱n m retina̱n c'ka̱ndi a̱n ve̱ce̱m neta̱n az a̱n emka, i soot az i taanl i retine.
4Ai em az c hako baa no d'kut a an Makidoniya na, c gitu a̱n ta walg ho̱sa̱m no da, i mi a̱n ta̱'m pa̱t no a̱n honga̱m m'e̱n. Rema̱n ka̱ndica̱ m emin a̱n nwaa da̱n yomka hna. 5I rina̱n de̱lin bo̱ m he̱nt i hwennka a̱m una̱vsu hyaaren a baa m a̱n cau baa no. I bat ta kargsa ho̱sa̱m no au kaine. I ho̱sma̱n na baasin na ve̱ce̱ke̱ no da̱n ma̱mma. Bat ta̱n se̱e̱pse̱ rina̱n ta̱n nes a̱n pusuu c'de̱be̱, za az na de̱lk-de̱lk no da.
6Bakasa na az, koowe̱ a̱n gwain ca̱nmi, tu ke̱m la ca̱nmi. Kan gwain la hwe̱di, tu ke̱m la hwe̱di. 7Koowe̱ nes ho̱da̱na̱n de̱bc ru ne̱e̱tin o, za ai na de̱lk-de̱lk o da. Nap na az Sila el ta to̱n an ta ne̱e̱ d'ba̱t d'da̱n a̱n pusuu c'de̱be̱. 8Sila a ta lag no a̱n d'robama da. Ta ne̱e̱ no rina̱n gwibiin no ba̱ta̱ss, rema̱n a̱n maaste a̱n emma̱ c'rihi c'kasi. 9I ho̱da̱na̱n i retin a'ge̱n a̱n lalks Na'Sila̱. Sa̱ zeka,
“A ba̱rgska̱ ho̱sa̱m na̱ koope̱,
a ne̱e̱k kobnetna.
Ga̱um na̱ ma̱n mal d'kal-d'kala.”#9:9 Go̱t ta̱m: Zab 112:9.
10I Silan rein ta ne̱e̱ kanugo̱v goo u gwaate. A ne̱e̱ ta̱m d'gaa rem nu'ryau. I ho̱da̱n lo bo̱, ta ne̱e̱ no rin hwaam c'pitla̱, bat ta̱n ryaa hwic a̱n se̱e̱te̱m an zattin da.#9:10 Go̱t ta̱m: Isa 55:10. 11Sila ta ne̱e̱ no kooye̱, rema̱n a̱n emt m'ho̱s kooye̱ daava. Ho̱sa̱m no ma̱ c rein ca̱n se̱ve̱ netna, ma̱n de̱l a bo̱m A'Sila̱. 12Rema̱n yomka ha̱n an emine, za a s'gab c'taa i se̱e̱te̱in da. I de̱lk neta̱n hwe̱di a bo̱mk A'Sila̱.
13Yomka no kwesaka batma̱n ba̱ta̱d no baa Na'Sil a baan kasi lalk no. Neta̱n el ta̱m a̱n bo̱mc Na'Sil rema̱n lalk Ka̱risti u'na̱n kabine, a ho̱sma̱n emain na̱n a neta̱n hyan kwe̱. 14A el ta̱m a̱n cepkam no, na̱m'to̱n hwe̱di d'kal az a he̱n no rema̱n damran pusuuna̱n Sila emain no. 15C'Bo̱m baa Na'Sil rema̱n ho̱sa̱m na̱ ma̱n zain ma̱n ve̱te̱ da.
Currently Selected:
2 An Korinti 9: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
2 An Korinti 9
9
Se̱e̱te̱m a s'gaba
1Da̱n emam a s'gab an Judiya d'se̱e̱te̱, i ta ge̱be̱se̱ ta̱m a̱m ge̱nvo no da. 2A̱m baask a̱m napk az a̱n ci de̱bca̱n se̱e̱te̱m ahyan. A̱m emk ta̱m c'ka̱ndi a̱n nwaa baa an copun Makidoniya. A̱m ve̱ce̱ke̱ na̱ az nwaa an copun Akaya, a̱n walgk ho̱sa̱m no hyanma̱n we̱e̱ de̱une. De̱lma̱n de̱bc no na̱m'ho̱s de̱lk a s'gab an Makidoniya zo̱rkske hwe̱di na̱m'ho̱so̱. 3A̱m como-como la hyaare naha̱n bat ta̱n soot a'walgk ho̱da̱na̱n m vattine. A̱m napt ta̱m az ho̱da̱na̱n m retina̱n c'ka̱ndi a̱n ve̱ce̱m neta̱n az a̱n emka, i soot az i taanl i retine.
4Ai em az c hako baa no d'kut a an Makidoniya na, c gitu a̱n ta walg ho̱sa̱m no da, i mi a̱n ta̱'m pa̱t no a̱n honga̱m m'e̱n. Rema̱n ka̱ndica̱ m emin a̱n nwaa da̱n yomka hna. 5I rina̱n de̱lin bo̱ m he̱nt i hwennka a̱m una̱vsu hyaaren a baa m a̱n cau baa no. I bat ta kargsa ho̱sa̱m no au kaine. I ho̱sma̱n na baasin na ve̱ce̱ke̱ no da̱n ma̱mma. Bat ta̱n se̱e̱pse̱ rina̱n ta̱n nes a̱n pusuu c'de̱be̱, za az na de̱lk-de̱lk no da.
6Bakasa na az, koowe̱ a̱n gwain ca̱nmi, tu ke̱m la ca̱nmi. Kan gwain la hwe̱di, tu ke̱m la hwe̱di. 7Koowe̱ nes ho̱da̱na̱n de̱bc ru ne̱e̱tin o, za ai na de̱lk-de̱lk o da. Nap na az Sila el ta to̱n an ta ne̱e̱ d'ba̱t d'da̱n a̱n pusuu c'de̱be̱. 8Sila a ta lag no a̱n d'robama da. Ta ne̱e̱ no rina̱n gwibiin no ba̱ta̱ss, rema̱n a̱n maaste a̱n emma̱ c'rihi c'kasi. 9I ho̱da̱na̱n i retin a'ge̱n a̱n lalks Na'Sila̱. Sa̱ zeka,
“A ba̱rgska̱ ho̱sa̱m na̱ koope̱,
a ne̱e̱k kobnetna.
Ga̱um na̱ ma̱n mal d'kal-d'kala.”#9:9 Go̱t ta̱m: Zab 112:9.
10I Silan rein ta ne̱e̱ kanugo̱v goo u gwaate. A ne̱e̱ ta̱m d'gaa rem nu'ryau. I ho̱da̱n lo bo̱, ta ne̱e̱ no rin hwaam c'pitla̱, bat ta̱n ryaa hwic a̱n se̱e̱te̱m an zattin da.#9:10 Go̱t ta̱m: Isa 55:10. 11Sila ta ne̱e̱ no kooye̱, rema̱n a̱n emt m'ho̱s kooye̱ daava. Ho̱sa̱m no ma̱ c rein ca̱n se̱ve̱ netna, ma̱n de̱l a bo̱m A'Sila̱. 12Rema̱n yomka ha̱n an emine, za a s'gab c'taa i se̱e̱te̱in da. I de̱lk neta̱n hwe̱di a bo̱mk A'Sila̱.
13Yomka no kwesaka batma̱n ba̱ta̱d no baa Na'Sil a baan kasi lalk no. Neta̱n el ta̱m a̱n bo̱mc Na'Sil rema̱n lalk Ka̱risti u'na̱n kabine, a ho̱sma̱n emain na̱n a neta̱n hyan kwe̱. 14A el ta̱m a̱n cepkam no, na̱m'to̱n hwe̱di d'kal az a he̱n no rema̱n damran pusuuna̱n Sila emain no. 15C'Bo̱m baa Na'Sil rema̱n ho̱sa̱m na̱ ma̱n zain ma̱n ve̱te̱ da.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019