2 An Korinti 10
10
Bulus ho̱ltk hid ru
1A̱nta̱ma̱, mi Bulus a̱n hid ri, a̱m el a̱n kona̱m no rem Ka̱risti kan rein tuptup u ci ta̱m damra d'kwisi. Miuna̱n zein az i gel go̱ngo̱ am waa baa no, a̱m em kaa c'a̱ra̱m awaz a̱m za baa no da. 2A̱m el a̱n kona̱m no az an de̱l la a̱m kwesa a̱ra̱mc ri baa no am noko da. A̱m napk az am noko ta̱'m haaga̱lsa an rein nu'zeu az c el na a̱n c'nocurimu ho̱d an copun yanda̱hna. 3Go̱t ge̱ c el na a̱nmin copun yanda̱hna, c za na a̱n dumma̱ d'gaag ho̱d an copun yanda̱ha̱n da.
4Rema̱n rihica̱ d'gaag c cinna, za ca̱n copun yanda̱ha̱n da. I ca̱n ciin we̱sa̱m Na'Sila̱, ma̱n rein ta̱m geca̱m baaca̱n we̱sa̱m an ha̱lc cinna. 5A̱n ca̱nca, nan hwaa kooye̱ lansa a rina̱n ti ho̱l naps Na'Sil na̱. Nan de̱l neta̱n keka̱b emam Ka̱risti m'coko, a gab ta̱m rina̱n u zeine. 6C walgk c ven kooye̱ nocwa baa no un ta gabin lalks Na'Sil da, awaz ge̱ az a̱n el a̱n gabma̱n lalk na̱ kwe̱.
7Go̱t na ho̱da̱n rihic retin a̱ncass! A noc ze az unwa iu Ka̱risti, lag u sud a̱n kekba. Tu nap az ho̱da̱na̱n u retin u Ka̱risti, i ho̱da̱n lo bo̱ ta̱m a̱c retin a Ka̱risti. 8A to̱n ge̱ a̱m em c'ka̱ndi ba̱ta̱ss rema̱n we̱sma̱n Kan Go̱mca̱n Kooye̱ ne̱in co c guba̱sta̱ no, za rema̱n c vaaksta no dim da, a ta̱'m hong m'e̱n da. 9A̱m ta to̱n ta̱m az i kaba no az a̱m la a̱n gela̱msam no a̱n vaak ri da. 10Ahyan el ta ze “Vaac ru ci gomca̱ m'nii a m'we̱s ne̱. Av he̱n la o, lalks ru zatta m'we̱s da, i lalksa̱n ka̱ka̱la̱.” 11Lag goon netnan lo nap az ho̱da̱na̱n c ge̱ntin a̱n c'vaa ac za baa no da, i ho̱da̱n lo bo̱ a̱n ca̱n emte, ac la baa no.
12A ca̱n de̱lese hid co alla c hwenna̱sa hid co baa an reina̱n guba̱sa̱m hid na̱ da. A el ta maak hid na̱ a̱n hid na̱. A hwennsa ta̱m hid na̱ a̱n hid na̱. I kwesaka az a zatta s'ver da. 13A ca̱n em la c'ka̱ndi i to̱o̱ d'ke̱e̱ da. Ca̱n es geda̱n yomkanan Sila de̱ltin co. Nwaa la a̱n el a̱nmin yomka ne̱. 14Ka̱ndic co ta to̱o̱ d'ke̱e̱ da. Awaz ca hau be̱ baa no da, lak be̱ ka̱ndic co to̱o̱k d'ke̱e̱. C ceko la baa no a̱n ba̱sda̱n kasi lalk Ka̱risti.
15Ka̱ndic co ta to̱o̱ d'ke̱e̱ da rema̱n ca em c'ka̱ndi a̱n yomka a hyann da. C savk la c'de̱b az a batma̱n ba̱ta̱d no baa Na'Sil ryaa hwici, yomka co ta sud a̱n ryaa hwic hwe̱di. 16Ca̱n ba̱s ta̱m kasi lalk a̱n baaca̱n hodgoin baa no. Ca to̱n ta̱m c em c'ka̱ndi a̱n yomkanan noc baasin u emk a̱n d'baa da.
17Ho̱da̱na̱n lalks Na'Sil zetine, “Lag un tu em c'ka̱ndi kwe̱, u em ca̱ a̱n Kan Go̱mca̱n Kooye̱.”#10:17 Go̱t ta̱m: Je̱r 9:24. 18Rema̱n za kan reina̱n bo̱mca̱n hid ru a̱n Sila ta kab da, i un Kan Go̱mca̱n Kooye̱ tu bo̱mo̱.
Currently Selected:
2 An Korinti 10: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
2 An Korinti 10
10
Bulus ho̱ltk hid ru
1A̱nta̱ma̱, mi Bulus a̱n hid ri, a̱m el a̱n kona̱m no rem Ka̱risti kan rein tuptup u ci ta̱m damra d'kwisi. Miuna̱n zein az i gel go̱ngo̱ am waa baa no, a̱m em kaa c'a̱ra̱m awaz a̱m za baa no da. 2A̱m el a̱n kona̱m no az an de̱l la a̱m kwesa a̱ra̱mc ri baa no am noko da. A̱m napk az am noko ta̱'m haaga̱lsa an rein nu'zeu az c el na a̱n c'nocurimu ho̱d an copun yanda̱hna. 3Go̱t ge̱ c el na a̱nmin copun yanda̱hna, c za na a̱n dumma̱ d'gaag ho̱d an copun yanda̱ha̱n da.
4Rema̱n rihica̱ d'gaag c cinna, za ca̱n copun yanda̱ha̱n da. I ca̱n ciin we̱sa̱m Na'Sila̱, ma̱n rein ta̱m geca̱m baaca̱n we̱sa̱m an ha̱lc cinna. 5A̱n ca̱nca, nan hwaa kooye̱ lansa a rina̱n ti ho̱l naps Na'Sil na̱. Nan de̱l neta̱n keka̱b emam Ka̱risti m'coko, a gab ta̱m rina̱n u zeine. 6C walgk c ven kooye̱ nocwa baa no un ta gabin lalks Na'Sil da, awaz ge̱ az a̱n el a̱n gabma̱n lalk na̱ kwe̱.
7Go̱t na ho̱da̱n rihic retin a̱ncass! A noc ze az unwa iu Ka̱risti, lag u sud a̱n kekba. Tu nap az ho̱da̱na̱n u retin u Ka̱risti, i ho̱da̱n lo bo̱ ta̱m a̱c retin a Ka̱risti. 8A to̱n ge̱ a̱m em c'ka̱ndi ba̱ta̱ss rema̱n we̱sma̱n Kan Go̱mca̱n Kooye̱ ne̱in co c guba̱sta̱ no, za rema̱n c vaaksta no dim da, a ta̱'m hong m'e̱n da. 9A̱m ta to̱n ta̱m az i kaba no az a̱m la a̱n gela̱msam no a̱n vaak ri da. 10Ahyan el ta ze “Vaac ru ci gomca̱ m'nii a m'we̱s ne̱. Av he̱n la o, lalks ru zatta m'we̱s da, i lalksa̱n ka̱ka̱la̱.” 11Lag goon netnan lo nap az ho̱da̱na̱n c ge̱ntin a̱n c'vaa ac za baa no da, i ho̱da̱n lo bo̱ a̱n ca̱n emte, ac la baa no.
12A ca̱n de̱lese hid co alla c hwenna̱sa hid co baa an reina̱n guba̱sa̱m hid na̱ da. A el ta maak hid na̱ a̱n hid na̱. A hwennsa ta̱m hid na̱ a̱n hid na̱. I kwesaka az a zatta s'ver da. 13A ca̱n em la c'ka̱ndi i to̱o̱ d'ke̱e̱ da. Ca̱n es geda̱n yomkanan Sila de̱ltin co. Nwaa la a̱n el a̱nmin yomka ne̱. 14Ka̱ndic co ta to̱o̱ d'ke̱e̱ da. Awaz ca hau be̱ baa no da, lak be̱ ka̱ndic co to̱o̱k d'ke̱e̱. C ceko la baa no a̱n ba̱sda̱n kasi lalk Ka̱risti.
15Ka̱ndic co ta to̱o̱ d'ke̱e̱ da rema̱n ca em c'ka̱ndi a̱n yomka a hyann da. C savk la c'de̱b az a batma̱n ba̱ta̱d no baa Na'Sil ryaa hwici, yomka co ta sud a̱n ryaa hwic hwe̱di. 16Ca̱n ba̱s ta̱m kasi lalk a̱n baaca̱n hodgoin baa no. Ca to̱n ta̱m c em c'ka̱ndi a̱n yomkanan noc baasin u emk a̱n d'baa da.
17Ho̱da̱na̱n lalks Na'Sil zetine, “Lag un tu em c'ka̱ndi kwe̱, u em ca̱ a̱n Kan Go̱mca̱n Kooye̱.”#10:17 Go̱t ta̱m: Je̱r 9:24. 18Rema̱n za kan reina̱n bo̱mca̱n hid ru a̱n Sila ta kab da, i un Kan Go̱mca̱n Kooye̱ tu bo̱mo̱.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019