2 An Korinti 8
8
Ho̱sa̱m a s'gaba
1Hyaarene, c to̱nk az a̱n nap goon pusuuna̱n Sila de̱le̱in a s'gabnanan rein a̱n copun Makidoniya.#8:1 Go̱t ta̱m: ARom 15:26. 2Kwe̱ a damran kobda̱n na maaktin gabs na̱, a damran robamad na̱-na̱, a kwesaka za̱ngkta̱c na̱ a̱n damran ho̱sma̱n a emine. 3Ta̱'m vat koope̱ az a emk m'ho̱s geda̱n we̱sa̱m na̱. To̱o̱ka̱n we̱sa̱m na̱ la. I a̱n to̱nka̱d na̱ la a emtin tan. 4A konk ta̱m co hwe̱di d'kal az c kab ho̱sa̱m na̱, bat ta kum d'ke̱e̱ baan yomkan se̱e̱te̱m a s'gaba. 5Rina̱n a emin hatk rina̱n c de̱lin be̱ c'de̱b az ta ema. Rema̱n na̱m'e̱te̱, a baak a nes hid na̱ baa Kan Go̱mca̱n Kooye̱. A nest kaa hid na̱ baa co ho̱da̱na̱n Sila to̱ntine.
6Rema̱n taanlo, c kont bo̱ Taitus un gabttin no na̱m'e̱t a̱n kargsa ho̱sa̱m no, u han ta̱m u se̱e̱te̱ no a̱n be̱se̱ yomkanan pusu Na'Sil gabttin no a̱n ema. 7Rema̱n taanlo, ho̱da̱na̱n na naptin no an hwic a̱n c'rihi kwe̱: A̱n bata̱m d'ba̱t baa Na'Sila̱, la̱a̱m s'lalko, a̱n s'napa, a̱n za̱ksa̱ s'gaba a goon to̱nca̱n a̱n to̱nin co no, soot na ta̱m an hwici baan emam neta̱n m'ho̱so̱.
8A̱m ta la a̱n de̱lka̱m no da. A̱m to̱n-to̱n a̱m maak ga̱uma̱n to̱nca̱n a̱n ciini, baan hwensam ca̱ a goon damran to̱nca̱n ahyan kwesain ne. 9A̱n napk da̱n pusuu Kanubu Ye̱so Ka̱risti. Go̱t ge̱ i kanukumu, puti a tan na, u vaaksk hid ru kobnoc rem no. I bat rema̱n kobnocurimuc ru, ta̱n vaak a nu'kum baa Na'Sila̱.
10Go̱t ha̱n na lalksa̱n ta̱'m ne̱e̱ no sa̱n-sa̱n pa̱t a̱n se̱e̱te̱m no a̱n rihica̱ hna. We̱e̱ de̱une, za u'ne̱u c'taa a̱n takain da, i nwaa ta̱m a̱n takain to̱nc nu'ne̱u. 11A̱nta̱ma̱ kaa, be̱se̱ na u'emo. I bat ti soot az ho̱da̱na̱n taktain a̱n za̱ks nu'em a̱n de̱bc no, a̱n be̱se̱ a̱n goon za̱ksa̱n lo. A̱n ne̱e̱ geda̱n rina̱n a̱n ciini. 12Awaz noc ci de̱bc nu'ne̱u, Sila ta kab ho̱sa̱m ru geda̱n rina̱n u ciini. Za ho̱sma̱n rina̱n u zattin da.
13Ma la na̱m'to̱n az ho̱sa̱m no se̱e̱te̱ neta̱n hyan, nwaa kaa a̱n vaak a̱n c'pita̱l da. I rema̱n koowe̱ kumti. 14A̱nta̱ma̱ hna, rema̱n a̱n ci u'kumu, a̱n ne̱e̱k na̱ rina̱n a zattin da. I bat na̱nna ta̱m a̱n d'hwen, daava̱n ta citi u'kum lan ba̱na̱, ta se̱e̱te̱ no. I taanl a̱n koowe̱ tu kumti. 15I ho̱d i retin a'ge̱n a̱nmin lalks Na'Sila̱. Sa̱ zeka, “Kan kargsain hwe̱di, i ta pa̱t o da. Un kargsain la ta̱m ca̱nmi, i ta kal o da.”#8:15 Go̱t ta̱m: U'Rwa̱ 16:18.
Na comk Taitus
16A̱m bo̱mk Sila nan de̱lin a̱n de̱bc Taitus, goon to̱nca̱n a̱m to̱nin no. 17Taitus se̱sk az tu hau baa no, za rem c zek o c'taa da. I rem u ci za̱ks nu'hau baa no. 18Tu noko d'kut a hyanna cinna na, un a s'gab kwe̱ bo̱min yomkan ba̱sda̱n kasi lalko. 19Za taanl la c'taa da. Kargac a s'gab tak a̱n dag ta̱m o, u swiiki co. I daava̱ c savtin ho̱sma̱n na nesin co c wank rem i guba̱sta̱ gwink Na'Sila̱. I kwesa ta̱m az c el a̱n za̱ksa̱n se̱e̱te̱m netna.
20Ca to̱n az noc nokta s'lalka-lalka rema̱n wankda̱n ho̱sma̱ ha̱n ma̱n na nesin co ba̱ta̱ss ta̱m d'ba̱t d'da̱n da. 21C baask c se̱e̱pske̱ az ca̱n em c'rihi honhono. Za a̱n hwic Na'Sil c'taa da, i a̱n hwic neta̱n ta̱ma̱.
22Ca̱n como ta̱m na̱ d'kut a hyanna co no. Kan kwesain a̱n c'rihi s'goo-s'goo, ta̱m s'lam hwe̱di, az u ci za̱ksa̱n emma̱ c'rihi. U sudka̱ ta̱m s'za̱ki a̱nta̱ma̱, rema̱n u el a̱n daka̱m d'gen a̱n nwaa hwe̱di d'kala. 23Da̱n Taitus la, i hyaare kanayomko. Ka c emin a'yomk d'kut c se̱e̱te̱ no. Un rein ta̱m na'yomk baa no. Hyanna co nanlo ta̱ma̱, i kargac a s'gab a̱n comoin na̱ rema̱n guba̱sa̱ma̱n gwink Ka̱risti. 24Rema̱n taanlo, to̱n na netna ha̱n, bat kargad a s'gabnanan comoin na̱ baa no ta hong rina̱n emine. A nap ta̱m az ka̱ndica̱ c retin a̱n nwaa, i m'ga̱u.
Currently Selected:
2 An Korinti 8: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
2 An Korinti 8
8
Ho̱sa̱m a s'gaba
1Hyaarene, c to̱nk az a̱n nap goon pusuuna̱n Sila de̱le̱in a s'gabnanan rein a̱n copun Makidoniya.#8:1 Go̱t ta̱m: ARom 15:26. 2Kwe̱ a damran kobda̱n na maaktin gabs na̱, a damran robamad na̱-na̱, a kwesaka za̱ngkta̱c na̱ a̱n damran ho̱sma̱n a emine. 3Ta̱'m vat koope̱ az a emk m'ho̱s geda̱n we̱sa̱m na̱. To̱o̱ka̱n we̱sa̱m na̱ la. I a̱n to̱nka̱d na̱ la a emtin tan. 4A konk ta̱m co hwe̱di d'kal az c kab ho̱sa̱m na̱, bat ta kum d'ke̱e̱ baan yomkan se̱e̱te̱m a s'gaba. 5Rina̱n a emin hatk rina̱n c de̱lin be̱ c'de̱b az ta ema. Rema̱n na̱m'e̱te̱, a baak a nes hid na̱ baa Kan Go̱mca̱n Kooye̱. A nest kaa hid na̱ baa co ho̱da̱na̱n Sila to̱ntine.
6Rema̱n taanlo, c kont bo̱ Taitus un gabttin no na̱m'e̱t a̱n kargsa ho̱sa̱m no, u han ta̱m u se̱e̱te̱ no a̱n be̱se̱ yomkanan pusu Na'Sil gabttin no a̱n ema. 7Rema̱n taanlo, ho̱da̱na̱n na naptin no an hwic a̱n c'rihi kwe̱: A̱n bata̱m d'ba̱t baa Na'Sila̱, la̱a̱m s'lalko, a̱n s'napa, a̱n za̱ksa̱ s'gaba a goon to̱nca̱n a̱n to̱nin co no, soot na ta̱m an hwici baan emam neta̱n m'ho̱so̱.
8A̱m ta la a̱n de̱lka̱m no da. A̱m to̱n-to̱n a̱m maak ga̱uma̱n to̱nca̱n a̱n ciini, baan hwensam ca̱ a goon damran to̱nca̱n ahyan kwesain ne. 9A̱n napk da̱n pusuu Kanubu Ye̱so Ka̱risti. Go̱t ge̱ i kanukumu, puti a tan na, u vaaksk hid ru kobnoc rem no. I bat rema̱n kobnocurimuc ru, ta̱n vaak a nu'kum baa Na'Sila̱.
10Go̱t ha̱n na lalksa̱n ta̱'m ne̱e̱ no sa̱n-sa̱n pa̱t a̱n se̱e̱te̱m no a̱n rihica̱ hna. We̱e̱ de̱une, za u'ne̱u c'taa a̱n takain da, i nwaa ta̱m a̱n takain to̱nc nu'ne̱u. 11A̱nta̱ma̱ kaa, be̱se̱ na u'emo. I bat ti soot az ho̱da̱na̱n taktain a̱n za̱ks nu'em a̱n de̱bc no, a̱n be̱se̱ a̱n goon za̱ksa̱n lo. A̱n ne̱e̱ geda̱n rina̱n a̱n ciini. 12Awaz noc ci de̱bc nu'ne̱u, Sila ta kab ho̱sa̱m ru geda̱n rina̱n u ciini. Za ho̱sma̱n rina̱n u zattin da.
13Ma la na̱m'to̱n az ho̱sa̱m no se̱e̱te̱ neta̱n hyan, nwaa kaa a̱n vaak a̱n c'pita̱l da. I rema̱n koowe̱ kumti. 14A̱nta̱ma̱ hna, rema̱n a̱n ci u'kumu, a̱n ne̱e̱k na̱ rina̱n a zattin da. I bat na̱nna ta̱m a̱n d'hwen, daava̱n ta citi u'kum lan ba̱na̱, ta se̱e̱te̱ no. I taanl a̱n koowe̱ tu kumti. 15I ho̱d i retin a'ge̱n a̱nmin lalks Na'Sila̱. Sa̱ zeka, “Kan kargsain hwe̱di, i ta pa̱t o da. Un kargsain la ta̱m ca̱nmi, i ta kal o da.”#8:15 Go̱t ta̱m: U'Rwa̱ 16:18.
Na comk Taitus
16A̱m bo̱mk Sila nan de̱lin a̱n de̱bc Taitus, goon to̱nca̱n a̱m to̱nin no. 17Taitus se̱sk az tu hau baa no, za rem c zek o c'taa da. I rem u ci za̱ks nu'hau baa no. 18Tu noko d'kut a hyanna cinna na, un a s'gab kwe̱ bo̱min yomkan ba̱sda̱n kasi lalko. 19Za taanl la c'taa da. Kargac a s'gab tak a̱n dag ta̱m o, u swiiki co. I daava̱ c savtin ho̱sma̱n na nesin co c wank rem i guba̱sta̱ gwink Na'Sila̱. I kwesa ta̱m az c el a̱n za̱ksa̱n se̱e̱te̱m netna.
20Ca to̱n az noc nokta s'lalka-lalka rema̱n wankda̱n ho̱sma̱ ha̱n ma̱n na nesin co ba̱ta̱ss ta̱m d'ba̱t d'da̱n da. 21C baask c se̱e̱pske̱ az ca̱n em c'rihi honhono. Za a̱n hwic Na'Sil c'taa da, i a̱n hwic neta̱n ta̱ma̱.
22Ca̱n como ta̱m na̱ d'kut a hyanna co no. Kan kwesain a̱n c'rihi s'goo-s'goo, ta̱m s'lam hwe̱di, az u ci za̱ksa̱n emma̱ c'rihi. U sudka̱ ta̱m s'za̱ki a̱nta̱ma̱, rema̱n u el a̱n daka̱m d'gen a̱n nwaa hwe̱di d'kala. 23Da̱n Taitus la, i hyaare kanayomko. Ka c emin a'yomk d'kut c se̱e̱te̱ no. Un rein ta̱m na'yomk baa no. Hyanna co nanlo ta̱ma̱, i kargac a s'gab a̱n comoin na̱ rema̱n guba̱sa̱ma̱n gwink Ka̱risti. 24Rema̱n taanlo, to̱n na netna ha̱n, bat kargad a s'gabnanan comoin na̱ baa no ta hong rina̱n emine. A nap ta̱m az ka̱ndica̱ c retin a̱n nwaa, i m'ga̱u.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019