2 An Korinti 7
7
1Hyaaren a s'gaba, ai retin Sila gigiki na goon lalksa̱ hna, na kwaa rina̱n ti ko̱pso̱ u'we̱d alla d'hormo. Na em soocda̱n zattin ri d'reb da. Nan sud-sud ta̱m gela̱v Na'Sila̱.
Pusuun de̱bc Bulus
2Kwesa na co a̱n el a̱n to̱nc co. Ca naas noc c'de̱b da. Ca yangs noc da. Ca hitksa̱ ta̱m noc da. 3A̱m ta vat-vat taanl a̱m gedata no lalk da. A̱m baask a̱m ve̱ce̱ke̱ no az a̱n el co a̱n c'de̱be̱. Az nan wa̱a̱ d'kut alla na po̱t ta̱m d'kutu. 4A̱m el a̱n daka̱m d'gen a̱n nwaa, a̱m el ta̱m a̱n c'ka̱ndi hwe̱di rem no. A̱n setaska m c'de̱be̱. A̱n kobda̱ c rein na̱m'ryaa kwe̱, za̱ngkta̱c ri zatta ged da.
5Ac cetain Makidoniya, ca kum d'hwera ko ca̱nm da. Na pita̱lska̱ co kooye̱ kabva. Go̱t an sa̱b co ni'dum na'isa̱. Go̱t ta̱m v'gel a̱n c'de̱be̱.#7:5 Go̱t ta̱m: 2Kor 2:13. 6Sila nan rein la ta la̱ta̱sa̱ de̱bc an naam c'de̱be̱, a la̱ta̱ska̱ de̱bc co a̱n hanm Taitus. 7Za hanm Taitus c'taa a̱n la̱ta̱sa̱in co c'de̱b da, i rema̱n ta̱m a̱n la̱ta̱vska̱ o c'de̱be̱. U ve̱ce̱ke̱ co az a̱n to̱nk he̱na̱m ri hwe̱di. Az a̱n el a̱n naam c'de̱b hwe̱di a d'wasska̱n rema̱n rina̱n kumin me. Az a̱n to̱nk ta̱m a̱n se̱e̱te̱ me. Rihica̱n lo de̱lk a̱m sudk a̱n em c'za̱ngkta̱ hwe̱di d'kala.
8Awaz a̱m naask no c'de̱b a̱n vaaka̱ m ge̱nvoin no, a̱m ta em m'napka be̱ da. A̱m lak a̱m emk m'napka be̱. A̱nta̱ma̱ m kuzku. Rema̱n a̱m he̱nk az i v'daa ca̱nmi a̱n vaaka̱n lo naasin no c'de̱be̱. 9A̱nta̱ma̱ a̱m el a̱n c'za̱ngkta̱. Za rema̱n de̱bc no naak da. I rema̱n naama̱n de̱bc no cetk no a̱n bitla̱m c'hwin rema̱n ko̱tc no. Rema̱n a̱n emk naam c'de̱b ho̱da̱na̱n Sila to̱ntine. Rema̱n taanlo, rihi za ic emin ic hitkstta̱in no da.
10Naam c'de̱b ho̱da̱na̱n Sila to̱ntin el ca̱n san bitla̱m c'hwin rem c'ko̱to. C cet ta̱m a̱n kumma̱ d'gwa̱a̱ma̱. A ca̱n de̱l ta̱m noc a̱n m'napka be̱ da. Naam c'de̱b ca̱n copun yanda̱ha̱n la, ca̱n san a'wa̱a̱. 11Go̱t na rihic kasi ca̱n naam c'de̱b ho̱da̱na̱n Sila to̱ntin noktvain no. I de̱lk no a̱n kaam d'hi a̱n s'gaba. I de̱lk a̱n gabk s'le̱v a̱n rutt hid no baan lalksa̱ hna. I de̱lk rihica̱n emin ha̱lska̱ no. I de̱le̱ke̱ no v'gela. I de̱le̱ke̱ no la̱gsi. I de̱lk rihica̱ ha̱n gagk no d'hi. I de̱lk a̱n to̱nk ta̱m az na ged lalk na̱m'ga̱u. A̱n kooye̱ rihiya, a̱n kwesaka az a̱n ta ko̱t baan lalksa̱ ha̱n da.
12Am ge̱na̱vte̱in no k'vaa, a̱m ta ge̱no ka̱ rema̱n kan ko̱tin alla kan na ko̱tin baa ru da. I rema̱n a̱n he̱nt ho̱da̱na̱n a̱n retina̱n to̱nc co hwe̱di d'kal a̱n hwic Na'Sila̱. 13Rihica̱ ha̱n kwe̱, c setaska co c'de̱be̱.
Za setasam co c'de̱b c'taa da, c emk ta̱m pusu c'de̱b hwe̱di rema̱n za̱ngkta̱c Taitus. Ai retin nwaa kwe̱ a̱n la̱ta̱ska̱ o c'de̱be̱. 14A̱m ve̱ce̱ke̱ o ho̱da̱na̱n m retina̱n c'ka̱ndi a̱n nwaa. A̱n ta ne̱e̱ la m m'e̱n da. Ho̱da̱na̱n c ve̱ce̱te̱in no m'ga̱u a̱n c'rihi kwe̱, i ho̱da̱n lo bo̱ ta̱m a̱n ka̱ndic co a̱n nwaa baa Taitus sootin m'ga̱u. 15Au bakasa ho̱da̱na̱n ke̱be̱te̱in o nwaa kwe̱, a ho̱da̱na̱n kabtin o a k'gwin ni, c'kom c'ila̱, u el tu sud to̱nc no hwe̱di. 16A̱m el a̱n c'za̱ngkta̱ rema̱n a̱n kooye̱, ta̱'m la̱a̱ a̱n dak d'gen a̱n nwaa.
Currently Selected:
2 An Korinti 7: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
2 An Korinti 7
7
1Hyaaren a s'gaba, ai retin Sila gigiki na goon lalksa̱ hna, na kwaa rina̱n ti ko̱pso̱ u'we̱d alla d'hormo. Na em soocda̱n zattin ri d'reb da. Nan sud-sud ta̱m gela̱v Na'Sila̱.
Pusuun de̱bc Bulus
2Kwesa na co a̱n el a̱n to̱nc co. Ca naas noc c'de̱b da. Ca yangs noc da. Ca hitksa̱ ta̱m noc da. 3A̱m ta vat-vat taanl a̱m gedata no lalk da. A̱m baask a̱m ve̱ce̱ke̱ no az a̱n el co a̱n c'de̱be̱. Az nan wa̱a̱ d'kut alla na po̱t ta̱m d'kutu. 4A̱m el a̱n daka̱m d'gen a̱n nwaa, a̱m el ta̱m a̱n c'ka̱ndi hwe̱di rem no. A̱n setaska m c'de̱be̱. A̱n kobda̱ c rein na̱m'ryaa kwe̱, za̱ngkta̱c ri zatta ged da.
5Ac cetain Makidoniya, ca kum d'hwera ko ca̱nm da. Na pita̱lska̱ co kooye̱ kabva. Go̱t an sa̱b co ni'dum na'isa̱. Go̱t ta̱m v'gel a̱n c'de̱be̱.#7:5 Go̱t ta̱m: 2Kor 2:13. 6Sila nan rein la ta la̱ta̱sa̱ de̱bc an naam c'de̱be̱, a la̱ta̱ska̱ de̱bc co a̱n hanm Taitus. 7Za hanm Taitus c'taa a̱n la̱ta̱sa̱in co c'de̱b da, i rema̱n ta̱m a̱n la̱ta̱vska̱ o c'de̱be̱. U ve̱ce̱ke̱ co az a̱n to̱nk he̱na̱m ri hwe̱di. Az a̱n el a̱n naam c'de̱b hwe̱di a d'wasska̱n rema̱n rina̱n kumin me. Az a̱n to̱nk ta̱m a̱n se̱e̱te̱ me. Rihica̱n lo de̱lk a̱m sudk a̱n em c'za̱ngkta̱ hwe̱di d'kala.
8Awaz a̱m naask no c'de̱b a̱n vaaka̱ m ge̱nvoin no, a̱m ta em m'napka be̱ da. A̱m lak a̱m emk m'napka be̱. A̱nta̱ma̱ m kuzku. Rema̱n a̱m he̱nk az i v'daa ca̱nmi a̱n vaaka̱n lo naasin no c'de̱be̱. 9A̱nta̱ma̱ a̱m el a̱n c'za̱ngkta̱. Za rema̱n de̱bc no naak da. I rema̱n naama̱n de̱bc no cetk no a̱n bitla̱m c'hwin rema̱n ko̱tc no. Rema̱n a̱n emk naam c'de̱b ho̱da̱na̱n Sila to̱ntine. Rema̱n taanlo, rihi za ic emin ic hitkstta̱in no da.
10Naam c'de̱b ho̱da̱na̱n Sila to̱ntin el ca̱n san bitla̱m c'hwin rem c'ko̱to. C cet ta̱m a̱n kumma̱ d'gwa̱a̱ma̱. A ca̱n de̱l ta̱m noc a̱n m'napka be̱ da. Naam c'de̱b ca̱n copun yanda̱ha̱n la, ca̱n san a'wa̱a̱. 11Go̱t na rihic kasi ca̱n naam c'de̱b ho̱da̱na̱n Sila to̱ntin noktvain no. I de̱lk no a̱n kaam d'hi a̱n s'gaba. I de̱lk a̱n gabk s'le̱v a̱n rutt hid no baan lalksa̱ hna. I de̱lk rihica̱n emin ha̱lska̱ no. I de̱le̱ke̱ no v'gela. I de̱le̱ke̱ no la̱gsi. I de̱lk rihica̱ ha̱n gagk no d'hi. I de̱lk a̱n to̱nk ta̱m az na ged lalk na̱m'ga̱u. A̱n kooye̱ rihiya, a̱n kwesaka az a̱n ta ko̱t baan lalksa̱ ha̱n da.
12Am ge̱na̱vte̱in no k'vaa, a̱m ta ge̱no ka̱ rema̱n kan ko̱tin alla kan na ko̱tin baa ru da. I rema̱n a̱n he̱nt ho̱da̱na̱n a̱n retina̱n to̱nc co hwe̱di d'kal a̱n hwic Na'Sila̱. 13Rihica̱ ha̱n kwe̱, c setaska co c'de̱be̱.
Za setasam co c'de̱b c'taa da, c emk ta̱m pusu c'de̱b hwe̱di rema̱n za̱ngkta̱c Taitus. Ai retin nwaa kwe̱ a̱n la̱ta̱ska̱ o c'de̱be̱. 14A̱m ve̱ce̱ke̱ o ho̱da̱na̱n m retina̱n c'ka̱ndi a̱n nwaa. A̱n ta ne̱e̱ la m m'e̱n da. Ho̱da̱na̱n c ve̱ce̱te̱in no m'ga̱u a̱n c'rihi kwe̱, i ho̱da̱n lo bo̱ ta̱m a̱n ka̱ndic co a̱n nwaa baa Taitus sootin m'ga̱u. 15Au bakasa ho̱da̱na̱n ke̱be̱te̱in o nwaa kwe̱, a ho̱da̱na̱n kabtin o a k'gwin ni, c'kom c'ila̱, u el tu sud to̱nc no hwe̱di. 16A̱m el a̱n c'za̱ngkta̱ rema̱n a̱n kooye̱, ta̱'m la̱a̱ a̱n dak d'gen a̱n nwaa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019