2 An Korinti 6
6
1Ho̱d an rein na'yomk d'kut a A'Sil na̱, c konk no az an lag la pusuuna̱n kabin baa Na'Sil soot rin ka̱ka̱l da. 2Sila zeka,
“Daava̱n i ge̱be̱ste̱in az a̱m hongt za̱im no,
a̱m hongk za̱im no.
Hweda̱n i ge̱be̱ste̱in az a̱m gwa̱a̱ no,
a̱m gwa̱a̱k no.”
Gan na u'con. A̱nta̱ma̱ a̱n rein daava̱n kabma̱n pusuu Na'Sila̱. Te̱nte̱ a̱n rein hweda̱ d'gwa̱a̱ma̱.
3Ca em rina̱n ti de̱l noc ko̱t da. Ca em ta̱m rina̱n nan he̱nt naakda̱n yomka co da. 4C kwesaka hid co az i cwan an yomka Na'Sil a̱n rina̱n ca̱n em kwe̱. C gagk c'de̱b a̱n ryaaka̱ d'koba, d'robama a d'o̱so̱mo̱ no̱. 5Na buuk co s'bii, na gagk co a̱n buu s'ko̱mo̱. Neta̱n gudgska̱ i'dam a hwesa̱lke co. C emk yomkanan pa̱tin we̱sa̱m co. C la̱vk m'hwengce, a̱n k'mer a i'so̱o̱ti ni.#6:5 Go̱t ta̱m: YCCo 16:23.
6C emk soocda̱n zattin ri d'reb da. C kwesaka napsa̱n rwa̱in baa Na'Sila̱. C gagk c'de̱be̱, c se̱e̱tke̱ netna. C kwesaka az we̱sma̱n Hora̱mda̱n zattin ri d'reb da el baa co. C to̱nk ta̱m neta̱n na̱m'ga̱u. 7C ba̱sk lalk u m'ga̱u. C kwesaka ta̱m we̱sa̱m Na'Sil el baa co. Ho̱da̱n rihica̱n dumma̱ d'gaago, c bo̱pk gela̱v Na'Sil a̱n koma s'to̱o̱ a koman kanta na.
8Daav hyan na ne̱e̱ co k'gwin. Daav hyan na gin co. Daav hyan na tana co i kasi. Daav hyan ta̱m na tana co a̱n d'naake. Go̱t ge̱ i cwan netna m'ga̱u, na o̱mk co a c'ko̱lo̱. 9Na napk co, go̱t la na o̱mk co ho̱d an a na napin da. Ho̱d an wa̱ini, go̱t la ca wa̱a̱ da. Na buuk co, a̱n na hwaa la co da. 10C el a̱n naam c'de̱be̱, go̱t la c el a̱n c'za̱ngkta̱ kooye̱ daava. Go̱t co kobnetna, c vaakska la neta̱n hwe̱di a nu'kumu. C zatta rihi da, go̱t la ca̱ ci kooye̱.
11Nwaa netnan Korinti, c emaka no s'lalk ba̱ta̱ss, ca ze̱s no rihi da. C kwesaka ta̱m no az c el a̱n to̱na̱m no hwe̱di. 12C kwesaka no az c el a̱n to̱na̱m no, i nwaa a̱n ta kwesain co az a̱n to̱nk co da. 13Ho̱da̱na̱n c to̱ntin no, nwaa ta̱m to̱n na co. A̱m la a̱n emam no s'lalk ho̱da̱na̱n cetok ka̱n emata aka̱n ru s'lalko.
E̱l na an ta batin d'ba̱t da
14An swe̱e̱ la d'hi a an ta batin d'ba̱t baa Na'Sil da. Iye̱ a̱n tanin gela̱v Na'Sil a v'dum nu? Za̱nda̱n soot d'kut a i'cumunkunni? 15I ho̱da̱npe̱ a̱n ti swetta Ka̱risti a A̱krimu nu? Iye̱ a̱n hadin kan batin d'ba̱t baa Na'Sil a kan ta batin d'ba̱t baa na̱ da? 16Iye̱ se̱e̱pda da̱n buuk Na'Sil ciin a baada̱n cepk no? I cinna a̱n rein buuk Sila nan rein kooye̱ daava. Rema̱n Sila zeka,
“Ta̱'m soot baa na̱,
ta̱'m em a'ha̱gc a na̱nna na.
Ta̱'m soot Sila na̱,
a soot ta̱m neta̱n ri.”#6:16: Go̱t ta̱m: 1Kor 3:16; 6:19; Ggdk 26:12; Izi 37:27.
17Rema̱n taanlo, “Sila zeka,
Rwa̱a̱ga̱ na,
ke̱e̱ na a̱n laga na̱.
An do̱v la ta̱m ri c'ko̱pto̱ da,
mi ta̱m ta̱'m kab no.#6:17 Go̱t ta̱m: Isa 52:11.
18Ta̱'m soot ceta no,
nwaa ta̱m ta̱n soot aka̱n ri, yaa'a̱rma̱n a yaa'yantana.
I A'Sil ka m'we̱s kwe̱,
a̱n vatin tan.”#6:18 Go̱t ta̱m: 2Sam 7:14; 1Ggo̱ 17:13; Isa 43:6; Je̱r 31:9.
Currently Selected:
2 An Korinti 6: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
2 An Korinti 6
6
1Ho̱d an rein na'yomk d'kut a A'Sil na̱, c konk no az an lag la pusuuna̱n kabin baa Na'Sil soot rin ka̱ka̱l da. 2Sila zeka,
“Daava̱n i ge̱be̱ste̱in az a̱m hongt za̱im no,
a̱m hongk za̱im no.
Hweda̱n i ge̱be̱ste̱in az a̱m gwa̱a̱ no,
a̱m gwa̱a̱k no.”
Gan na u'con. A̱nta̱ma̱ a̱n rein daava̱n kabma̱n pusuu Na'Sila̱. Te̱nte̱ a̱n rein hweda̱ d'gwa̱a̱ma̱.
3Ca em rina̱n ti de̱l noc ko̱t da. Ca em ta̱m rina̱n nan he̱nt naakda̱n yomka co da. 4C kwesaka hid co az i cwan an yomka Na'Sil a̱n rina̱n ca̱n em kwe̱. C gagk c'de̱b a̱n ryaaka̱ d'koba, d'robama a d'o̱so̱mo̱ no̱. 5Na buuk co s'bii, na gagk co a̱n buu s'ko̱mo̱. Neta̱n gudgska̱ i'dam a hwesa̱lke co. C emk yomkanan pa̱tin we̱sa̱m co. C la̱vk m'hwengce, a̱n k'mer a i'so̱o̱ti ni.#6:5 Go̱t ta̱m: YCCo 16:23.
6C emk soocda̱n zattin ri d'reb da. C kwesaka napsa̱n rwa̱in baa Na'Sila̱. C gagk c'de̱be̱, c se̱e̱tke̱ netna. C kwesaka az we̱sma̱n Hora̱mda̱n zattin ri d'reb da el baa co. C to̱nk ta̱m neta̱n na̱m'ga̱u. 7C ba̱sk lalk u m'ga̱u. C kwesaka ta̱m we̱sa̱m Na'Sil el baa co. Ho̱da̱n rihica̱n dumma̱ d'gaago, c bo̱pk gela̱v Na'Sil a̱n koma s'to̱o̱ a koman kanta na.
8Daav hyan na ne̱e̱ co k'gwin. Daav hyan na gin co. Daav hyan na tana co i kasi. Daav hyan ta̱m na tana co a̱n d'naake. Go̱t ge̱ i cwan netna m'ga̱u, na o̱mk co a c'ko̱lo̱. 9Na napk co, go̱t la na o̱mk co ho̱d an a na napin da. Ho̱d an wa̱ini, go̱t la ca wa̱a̱ da. Na buuk co, a̱n na hwaa la co da. 10C el a̱n naam c'de̱be̱, go̱t la c el a̱n c'za̱ngkta̱ kooye̱ daava. Go̱t co kobnetna, c vaakska la neta̱n hwe̱di a nu'kumu. C zatta rihi da, go̱t la ca̱ ci kooye̱.
11Nwaa netnan Korinti, c emaka no s'lalk ba̱ta̱ss, ca ze̱s no rihi da. C kwesaka ta̱m no az c el a̱n to̱na̱m no hwe̱di. 12C kwesaka no az c el a̱n to̱na̱m no, i nwaa a̱n ta kwesain co az a̱n to̱nk co da. 13Ho̱da̱na̱n c to̱ntin no, nwaa ta̱m to̱n na co. A̱m la a̱n emam no s'lalk ho̱da̱na̱n cetok ka̱n emata aka̱n ru s'lalko.
E̱l na an ta batin d'ba̱t da
14An swe̱e̱ la d'hi a an ta batin d'ba̱t baa Na'Sil da. Iye̱ a̱n tanin gela̱v Na'Sil a v'dum nu? Za̱nda̱n soot d'kut a i'cumunkunni? 15I ho̱da̱npe̱ a̱n ti swetta Ka̱risti a A̱krimu nu? Iye̱ a̱n hadin kan batin d'ba̱t baa Na'Sil a kan ta batin d'ba̱t baa na̱ da? 16Iye̱ se̱e̱pda da̱n buuk Na'Sil ciin a baada̱n cepk no? I cinna a̱n rein buuk Sila nan rein kooye̱ daava. Rema̱n Sila zeka,
“Ta̱'m soot baa na̱,
ta̱'m em a'ha̱gc a na̱nna na.
Ta̱'m soot Sila na̱,
a soot ta̱m neta̱n ri.”#6:16: Go̱t ta̱m: 1Kor 3:16; 6:19; Ggdk 26:12; Izi 37:27.
17Rema̱n taanlo, “Sila zeka,
Rwa̱a̱ga̱ na,
ke̱e̱ na a̱n laga na̱.
An do̱v la ta̱m ri c'ko̱pto̱ da,
mi ta̱m ta̱'m kab no.#6:17 Go̱t ta̱m: Isa 52:11.
18Ta̱'m soot ceta no,
nwaa ta̱m ta̱n soot aka̱n ri, yaa'a̱rma̱n a yaa'yantana.
I A'Sil ka m'we̱s kwe̱,
a̱n vatin tan.”#6:18 Go̱t ta̱m: 2Sam 7:14; 1Ggo̱ 17:13; Isa 43:6; Je̱r 31:9.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019