2 An Korinti 5
5
We̱du poun a̱nz a'cona
1Na napk az a na he̱e̱k buuna̱n na rein a'soot a̱nmin unwa a̱nta̱ma̱, i we̱du co a̱nmin copun yanda̱ha̱n bo̱, na ci buuna̱n Sila me̱in na. I buu d'kal a̱nmi na'cona, un za a̱n komc neta̱nrima a̱n na main o da. 2A̱n we̱dun nocurimuca̱ ha̱n un rein ho̱d nu'bu, na el o̱se a̱n la̱gs Sila twe̱pe̱ na we̱du na'cona, ho̱da̱na̱n nan twe̱pe̱te̱ noc i'kusu. 3Daava̱n na twe̱pe̱te̱in na we̱du na'con unlo, un rein ho̱d nu'bu, a nan gita̱ na murmur da.
4Cinnananan rein a̱nmin we̱du hna, na el a̱n s'o̱n a d'o̱so̱mo̱ no̱. Za rema̱n na ho̱l na we̱du ha̱n da, i na twe̱pe̱te̱ na we̱du na'cona. Bat rina̱n ti po̱t d'kala, ti swe̱ge̱ rina̱n ti wa̱a̱. 5I Silan emin na rema̱n rihica̱ hna. A de̱le̱ke̱ ta̱m na Hora̱md na̱, da̱ kwesata az rina̱n a zein az ti han i em a̱n hwici, ti ema.
6Rema̱n taanlo, na el a̱n daka̱m d'gen. Na napk ta̱m az daava̱n na retina̱n we̱du c'nocurimu, a nan caa baa Kan Go̱mca̱n Kooye̱ da. 7Na la a̱n c'nocurimu a̱n bata̱m d'ba̱t baa Na'Sila̱, za a̱n rina̱n is ti he̱n da. 8C el a̱n daka̱m d'gen, c el ta̱m a̱n c'za̱ngkta̱ c lag buun we̱du cinna un nocurimuca̱ hna, c caa na buuna̱n Kan Gomca̱n Kooye̱ retine. 9Rina̱n c reina̱n hobo, ic pusa̱sa̱ A'Sil c'de̱be̱. Ac wa a̱n we̱dun nocurimuca̱ hna alla c ruk o.
10Rema̱n cinna kwe̱, i ke̱ng na esasa na kwe̱ a̱n hwic Ka̱risti au soot a̱n dotaka̱n gedma̱n lalko. I bat koowe̱ tu kab copa̱nca̱n rihica̱n u emka̱llin daava̱n u latina̱n we̱du c'nocurimu. I kasi alla i naake.#5:10 Go̱t ta̱m: ARom 14:10.
Vaaktam neta̱n baa Ka̱risti
11Ai retin c napk rina̱n rein gela̱v Na'Sila̱, c el ca̱n gab neta̱n a̱n ne̱e̱m na̱ s'lalk a getta d'hi. Sila napk ho̱da̱na̱n c retin kwe̱. A̱m de̱lk ta̱m c'de̱b az ta̱da̱n lo el ta̱m a̱n kwesam no a̱n c'de̱be̱. 12Za ta̱m az c la a̱n hob c'bo̱m hid co baa no da. I ke̱e̱da c ne̱in no bat ta̱n em c'ka̱ndi rem co. Bat ta̱n kum ta̱m rina̱n ta̱n ve̱ce̱ an rein ta em c'ka̱ndi a̱n rina̱n is he̱nine, za a̱n rina̱n rein a̱nmi c'de̱b da. 13Awaz i naama c retine, i rem Na'Sila̱. Awaz c el la vedvede, i rem no.
14I to̱nc Ka̱risti a̱n reina̱n gabta̱m co, rem c kabk az Ka̱risti uk rem koowe̱. I kwesaka bo̱ kaa, az koowe̱ uku. 15Ka̱risti uk rem koowe̱. I bat koowe̱ a̱n reina̱n c'nocurimu lanma̱n daava̱ hna, a tu em ta̱m ca̱ rema̱n hid ru da. U em ca̱ rema̱n kan wa̱in u vaak u po̱t rem cinna.
16Rema̱n taanlo, cwan bo̱ lanma̱n daava̱ ha̱n, a ca̱n go̱t bo̱ ta̱m noc a̱n remsa̱ c'nocurimu da. Awaz c go̱tk de̱ha̱n Ka̱risti a̱n remsa̱ c'nocurimu, a̱nta̱ma̱ c lagk go̱ta̱m ru taanlo. 17Rema̱n taanlo, koowe̱ a̱n rein a̱n gabs Ka̱risti, na vaakska o noc u poowa̱. Nocurimuc ut to̱o̱ko̱, u takka kaa nocurimuc poocne. 18I Silan emin rihica̱ ha̱n kwe̱. A emk a'yomk a̱n Ka̱risti a se̱e̱pste̱ cinna a a̱n'a na. A nesk ta̱m na yomkan se̱e̱pse̱m neta̱n a a̱n'a na. 19Sila emk a'yomk a̱n Ka̱risti rema̱n a se̱e̱pste̱ an copun yanda̱ha̱n a a̱n'a na. A ta bo̱p ta̱m neta̱n a̱n ko̱tc na̱ da. A nesk ta̱m na yomkan se̱e̱pse̱m neta̱n a a̱n'a na.
20I cwan bo̱ kaa comta̱nc Ka̱risti. Zai i Silan reina̱n emam no s'lalk a̱n nwa̱a̱'a co. C konk no rem Ka̱risti az a̱n se̱e̱pse̱ hid no a A'Sil na̱. 21Sila de̱lk Ye̱so kan ta takina̱n ko̱t da, u soot ka̱ c'ko̱t rem cinna. I bat rem ru, nan vaak an zattin ri d'reb da ho̱da̱na̱n Sila ta to̱nte.
Currently Selected:
2 An Korinti 5: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
2 An Korinti 5
5
We̱du poun a̱nz a'cona
1Na napk az a na he̱e̱k buuna̱n na rein a'soot a̱nmin unwa a̱nta̱ma̱, i we̱du co a̱nmin copun yanda̱ha̱n bo̱, na ci buuna̱n Sila me̱in na. I buu d'kal a̱nmi na'cona, un za a̱n komc neta̱nrima a̱n na main o da. 2A̱n we̱dun nocurimuca̱ ha̱n un rein ho̱d nu'bu, na el o̱se a̱n la̱gs Sila twe̱pe̱ na we̱du na'cona, ho̱da̱na̱n nan twe̱pe̱te̱ noc i'kusu. 3Daava̱n na twe̱pe̱te̱in na we̱du na'con unlo, un rein ho̱d nu'bu, a nan gita̱ na murmur da.
4Cinnananan rein a̱nmin we̱du hna, na el a̱n s'o̱n a d'o̱so̱mo̱ no̱. Za rema̱n na ho̱l na we̱du ha̱n da, i na twe̱pe̱te̱ na we̱du na'cona. Bat rina̱n ti po̱t d'kala, ti swe̱ge̱ rina̱n ti wa̱a̱. 5I Silan emin na rema̱n rihica̱ hna. A de̱le̱ke̱ ta̱m na Hora̱md na̱, da̱ kwesata az rina̱n a zein az ti han i em a̱n hwici, ti ema.
6Rema̱n taanlo, na el a̱n daka̱m d'gen. Na napk ta̱m az daava̱n na retina̱n we̱du c'nocurimu, a nan caa baa Kan Go̱mca̱n Kooye̱ da. 7Na la a̱n c'nocurimu a̱n bata̱m d'ba̱t baa Na'Sila̱, za a̱n rina̱n is ti he̱n da. 8C el a̱n daka̱m d'gen, c el ta̱m a̱n c'za̱ngkta̱ c lag buun we̱du cinna un nocurimuca̱ hna, c caa na buuna̱n Kan Gomca̱n Kooye̱ retine. 9Rina̱n c reina̱n hobo, ic pusa̱sa̱ A'Sil c'de̱be̱. Ac wa a̱n we̱dun nocurimuca̱ hna alla c ruk o.
10Rema̱n cinna kwe̱, i ke̱ng na esasa na kwe̱ a̱n hwic Ka̱risti au soot a̱n dotaka̱n gedma̱n lalko. I bat koowe̱ tu kab copa̱nca̱n rihica̱n u emka̱llin daava̱n u latina̱n we̱du c'nocurimu. I kasi alla i naake.#5:10 Go̱t ta̱m: ARom 14:10.
Vaaktam neta̱n baa Ka̱risti
11Ai retin c napk rina̱n rein gela̱v Na'Sila̱, c el ca̱n gab neta̱n a̱n ne̱e̱m na̱ s'lalk a getta d'hi. Sila napk ho̱da̱na̱n c retin kwe̱. A̱m de̱lk ta̱m c'de̱b az ta̱da̱n lo el ta̱m a̱n kwesam no a̱n c'de̱be̱. 12Za ta̱m az c la a̱n hob c'bo̱m hid co baa no da. I ke̱e̱da c ne̱in no bat ta̱n em c'ka̱ndi rem co. Bat ta̱n kum ta̱m rina̱n ta̱n ve̱ce̱ an rein ta em c'ka̱ndi a̱n rina̱n is he̱nine, za a̱n rina̱n rein a̱nmi c'de̱b da. 13Awaz i naama c retine, i rem Na'Sila̱. Awaz c el la vedvede, i rem no.
14I to̱nc Ka̱risti a̱n reina̱n gabta̱m co, rem c kabk az Ka̱risti uk rem koowe̱. I kwesaka bo̱ kaa, az koowe̱ uku. 15Ka̱risti uk rem koowe̱. I bat koowe̱ a̱n reina̱n c'nocurimu lanma̱n daava̱ hna, a tu em ta̱m ca̱ rema̱n hid ru da. U em ca̱ rema̱n kan wa̱in u vaak u po̱t rem cinna.
16Rema̱n taanlo, cwan bo̱ lanma̱n daava̱ ha̱n, a ca̱n go̱t bo̱ ta̱m noc a̱n remsa̱ c'nocurimu da. Awaz c go̱tk de̱ha̱n Ka̱risti a̱n remsa̱ c'nocurimu, a̱nta̱ma̱ c lagk go̱ta̱m ru taanlo. 17Rema̱n taanlo, koowe̱ a̱n rein a̱n gabs Ka̱risti, na vaakska o noc u poowa̱. Nocurimuc ut to̱o̱ko̱, u takka kaa nocurimuc poocne. 18I Silan emin rihica̱ ha̱n kwe̱. A emk a'yomk a̱n Ka̱risti a se̱e̱pste̱ cinna a a̱n'a na. A nesk ta̱m na yomkan se̱e̱pse̱m neta̱n a a̱n'a na. 19Sila emk a'yomk a̱n Ka̱risti rema̱n a se̱e̱pste̱ an copun yanda̱ha̱n a a̱n'a na. A ta bo̱p ta̱m neta̱n a̱n ko̱tc na̱ da. A nesk ta̱m na yomkan se̱e̱pse̱m neta̱n a a̱n'a na.
20I cwan bo̱ kaa comta̱nc Ka̱risti. Zai i Silan reina̱n emam no s'lalk a̱n nwa̱a̱'a co. C konk no rem Ka̱risti az a̱n se̱e̱pse̱ hid no a A'Sil na̱. 21Sila de̱lk Ye̱so kan ta takina̱n ko̱t da, u soot ka̱ c'ko̱t rem cinna. I bat rem ru, nan vaak an zattin ri d'reb da ho̱da̱na̱n Sila ta to̱nte.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019