2 An Korinti 4
4
Gwink Na'Sil a̱n we̱du cinna
1Rema̱n taanlo, ai retin i Silan nesin co yomka ha̱n rema̱n za̱im na̱, we̱du a tu wa̱a̱ co da. 2Ho̱o̱m co za a rihica̱ m'e̱n da. Ca̱n a̱da̱sa̱ ta̱m rihica̱n na emin m'ze̱se̱. Ho̱o̱m co za a c'palkan alla c get c'ko̱l a̱n lalks Na'Sil da. Cwan la, baan vata̱m m'ga̱u a̱ncass, ti de̱l de̱bc koowe̱ kwesa o a̱n hwic Na'Sil az c vatk m'ga̱u. 3Awaz lalk kasi u'na̱n c reina̱n d'ba̱s iu ze̱ske̱, i baa an reina̱n hora̱mca̱d na'wa̱a̱ u rein u ze̱ske̱. 4Cepk un daava̱ ha̱n pomsk an ta batin d'ba̱t baa Na'Sil da. U holk na̱ he̱nma̱n za̱nda̱n kasi lalkuna̱n rein gwink Ka̱risti. Ka̱risti un rein hyo̱o̱m Na'Sila̱.
5Rema̱n za hid co a̱c reina̱n d'ba̱s da, i Kanubu Ka̱risti Ye̱so. Cwan la i an emam no m'coko rem Ye̱so. 6Rema̱n Sila nan zeine, “Lag za̱nd rwa̱n lanm ni'cumunkunnu,”#4:6 Go̱t ta̱m: D'Tak 1:3. a de̱lk za̱nd na̱ za̱na̱ska̱ a̱n de̱bc cinna. I bat nan nap za̱nda̱n gwink Na'Sila̱, da̱n rein nu'za̱na̱sa̱ a̱n cu'a Ye̱so Ka̱risti.
7Na ci la damran kumu d'hora̱m uha̱n a̱nmi de̱bc cinna. Cinnananan rein ho̱da̱n dorca̱ c'lo̱bo̱. I bat nan nap az damran we̱sma̱ ha̱n lan baa Na'Sila̱, za a̱n we̱sa̱m cinna da. 8Na el a̱n pita̱lsa̱m co a̱n kooye̱ kabva, a̱n na pa̱t la we̱sa̱m co da. Ca̱ robk ho̱da̱n m'emte, ca rut la c'de̱b da.
9Na ryeeska co d'koba, Sila ta duku la co da. Na te̱me̱nke̱ co na hetke, ca wa̱a̱ la da. 10Na el a̱n hoba̱n hweed co kooye̱ daava ho̱da̱na̱n na hotin Ye̱so, bat nan kwesa goon nocurimuc Ye̱so baa co. 11Cinnananan a na hwesin a'wa̱a̱ da, na el a̱n badasam cinna na hwaa rem Ka̱risti. I bat nan kwesa goon nocurimuc Ka̱risti a̱n we̱du cinna, un tu wa̱a̱ a̱n d'hwen. 12Na el a̱n hoba̱n hweed co kooye̱ daava rem nwaa a̱n po̱tte.
13Ai retin na ci goon hora̱mda̱n lo da̱n bata̱m d'ba̱t baa Na'Sila̱, i ho̱da̱na̱n i retin a'ge̱n a̱nmin lalks Na'Sila̱. Sa̱ zeka, “A̱m batk d'ba̱t baa Na'Sila̱, i rina̱n de̱lin bo̱ a̱m emt lalko.” Cwan ta̱ma̱, ca̱ batk d'ba̱t baa Na'Sila̱, i rina̱n de̱lin bo̱ c emt lalko. 14Na napk az i Silan po̱to̱so̱in Kanubu Ye̱so. Sila ta po̱to̱so̱ ta̱m cinna a Ka̱risti ni, a nokta ta̱m cinna kwe̱ d'kut a̱n hwic na̱. 15Na emk rihica̱ ha̱n kwe̱ rem no. Ai retin ho̱sa̱m Na'Sil ma̱n caa baa neta̱n hwe̱di, ma̱n de̱l na bo̱m A'Sil na ne̱e̱ ta̱m na̱ k'gwin.
16Rema̱n taanlo, we̱du ta wa̱a̱ co da. Go̱t ge̱ we̱dc co el a̱n kala̱m m'we̱se̱, a̱nmin de̱bc co la, Sila el a̱n swidim co m'we̱s kooye̱ hweda. 17Rema̱n kobda̱ ha̱n ca̱mmi da̱n na reina̱n ryeesam na, da̱n zain ta̱m na̱m'gos da, da̱n noktva na gwinka̱n hatin kwe̱, ka̱ d'kal-d'kala. 18Rema̱n taanlo, ca de̱l is baan rihica̱n na rein nan he̱n da, i baan rihica̱n na zain nan he̱n da. Rema̱n rihica̱n na rein nan he̱ne̱, a ca̱n gos da. Rihica̱n na zain nan he̱n la da, i ca̱nca a̱n ca̱n mal d'kala.
Currently Selected:
2 An Korinti 4: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
2 An Korinti 4
4
Gwink Na'Sil a̱n we̱du cinna
1Rema̱n taanlo, ai retin i Silan nesin co yomka ha̱n rema̱n za̱im na̱, we̱du a tu wa̱a̱ co da. 2Ho̱o̱m co za a rihica̱ m'e̱n da. Ca̱n a̱da̱sa̱ ta̱m rihica̱n na emin m'ze̱se̱. Ho̱o̱m co za a c'palkan alla c get c'ko̱l a̱n lalks Na'Sil da. Cwan la, baan vata̱m m'ga̱u a̱ncass, ti de̱l de̱bc koowe̱ kwesa o a̱n hwic Na'Sil az c vatk m'ga̱u. 3Awaz lalk kasi u'na̱n c reina̱n d'ba̱s iu ze̱ske̱, i baa an reina̱n hora̱mca̱d na'wa̱a̱ u rein u ze̱ske̱. 4Cepk un daava̱ ha̱n pomsk an ta batin d'ba̱t baa Na'Sil da. U holk na̱ he̱nma̱n za̱nda̱n kasi lalkuna̱n rein gwink Ka̱risti. Ka̱risti un rein hyo̱o̱m Na'Sila̱.
5Rema̱n za hid co a̱c reina̱n d'ba̱s da, i Kanubu Ka̱risti Ye̱so. Cwan la i an emam no m'coko rem Ye̱so. 6Rema̱n Sila nan zeine, “Lag za̱nd rwa̱n lanm ni'cumunkunnu,”#4:6 Go̱t ta̱m: D'Tak 1:3. a de̱lk za̱nd na̱ za̱na̱ska̱ a̱n de̱bc cinna. I bat nan nap za̱nda̱n gwink Na'Sila̱, da̱n rein nu'za̱na̱sa̱ a̱n cu'a Ye̱so Ka̱risti.
7Na ci la damran kumu d'hora̱m uha̱n a̱nmi de̱bc cinna. Cinnananan rein ho̱da̱n dorca̱ c'lo̱bo̱. I bat nan nap az damran we̱sma̱ ha̱n lan baa Na'Sila̱, za a̱n we̱sa̱m cinna da. 8Na el a̱n pita̱lsa̱m co a̱n kooye̱ kabva, a̱n na pa̱t la we̱sa̱m co da. Ca̱ robk ho̱da̱n m'emte, ca rut la c'de̱b da.
9Na ryeeska co d'koba, Sila ta duku la co da. Na te̱me̱nke̱ co na hetke, ca wa̱a̱ la da. 10Na el a̱n hoba̱n hweed co kooye̱ daava ho̱da̱na̱n na hotin Ye̱so, bat nan kwesa goon nocurimuc Ye̱so baa co. 11Cinnananan a na hwesin a'wa̱a̱ da, na el a̱n badasam cinna na hwaa rem Ka̱risti. I bat nan kwesa goon nocurimuc Ka̱risti a̱n we̱du cinna, un tu wa̱a̱ a̱n d'hwen. 12Na el a̱n hoba̱n hweed co kooye̱ daava rem nwaa a̱n po̱tte.
13Ai retin na ci goon hora̱mda̱n lo da̱n bata̱m d'ba̱t baa Na'Sila̱, i ho̱da̱na̱n i retin a'ge̱n a̱nmin lalks Na'Sila̱. Sa̱ zeka, “A̱m batk d'ba̱t baa Na'Sila̱, i rina̱n de̱lin bo̱ a̱m emt lalko.” Cwan ta̱ma̱, ca̱ batk d'ba̱t baa Na'Sila̱, i rina̱n de̱lin bo̱ c emt lalko. 14Na napk az i Silan po̱to̱so̱in Kanubu Ye̱so. Sila ta po̱to̱so̱ ta̱m cinna a Ka̱risti ni, a nokta ta̱m cinna kwe̱ d'kut a̱n hwic na̱. 15Na emk rihica̱ ha̱n kwe̱ rem no. Ai retin ho̱sa̱m Na'Sil ma̱n caa baa neta̱n hwe̱di, ma̱n de̱l na bo̱m A'Sil na ne̱e̱ ta̱m na̱ k'gwin.
16Rema̱n taanlo, we̱du ta wa̱a̱ co da. Go̱t ge̱ we̱dc co el a̱n kala̱m m'we̱se̱, a̱nmin de̱bc co la, Sila el a̱n swidim co m'we̱s kooye̱ hweda. 17Rema̱n kobda̱ ha̱n ca̱mmi da̱n na reina̱n ryeesam na, da̱n zain ta̱m na̱m'gos da, da̱n noktva na gwinka̱n hatin kwe̱, ka̱ d'kal-d'kala. 18Rema̱n taanlo, ca de̱l is baan rihica̱n na rein nan he̱n da, i baan rihica̱n na zain nan he̱n da. Rema̱n rihica̱n na rein nan he̱ne̱, a ca̱n gos da. Rihica̱n na zain nan he̱n la da, i ca̱nca a̱n ca̱n mal d'kala.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019