2 An Korinti 3
3
1C taka-taka bo̱ kaa bo̱mca̱n hid co? C la a̱n hob na ge̱nve̱ no vaaka̱n ta̱n napt co alla nwaa ta̱m a̱n ge̱ne̱ co k'vaa ho̱da̱na̱n ahyan retin ta eme? 2I nwaa a̱n hid no a̱n rein vaak co ka̱n na ge̱nin a̱n de̱bc co. Koowe̱ tu po̱g ka̱ u nap ta̱m ka̱. 3A̱n kwesaka a̱ngau az i nwaa a̱n rein vaak ge̱nk lanma̱n baa Ka̱risti, ka̱n kwesain yomka co baa no. Za na̱v'ge̱nc a̱n na ge̱ntin ka̱ da, i a̱n Hora̱md Sila nan rein d'kala. Za a̱n k'taar a̱n na ge̱ntin sa̱ da, i a̱n de̱bc netna.
4C vat-vat taanl rema̱n a̱ra̱mca̱ c ciin a̱n hwic Na'Sil rem Ka̱risti. 5Za az c ci la̱a̱ma̱n emma̱n rihi a̱n hid co na zeta az i cwan a̱n emin da. I Sila ne̱in co m'la̱a̱. 6Sila ne̱e̱k co m'la̱a̱ ca̱ soott an yomkan Lalk Gigk Poune. Za u ge̱nk da, i un Hora̱md Na'Sila̱. Lalk gigk ge̱nke̱, be̱se̱d ru i a'wa̱a̱. Lalk gigk poun la, i Hora̱md Na'Sil da̱n-da̱n po̱to̱so̱.
7Awaz yomkan giiras Mosa, sa̱n be̱se̱d sa̱ i a'wa̱a̱, sa̱n na ge̱nin a̱n taara̱d se̱bke, sa̱ ci k'gwin. I cek netnan Isra'ila ta la̱a̱ a̱n go̱t cu'a Mosa da rema̱n za̱nda̱n sa̱n, go̱t ge̱ za̱nda̱n lo i da̱n ta̱d taa.#3:7 Go̱t ta̱m: U'Rwa̱ 34:29. 8I ho̱da̱npe̱ kaa a̱n yomkan Hora̱md Na'Sil zatin a̱n hat a̱n k'gwin da? 9Awaz la̱a̱suna̱n tu geda neta̱nrima lalk na'wa̱a̱ ci k'gwin, un tu de̱l neta̱n gel A'Sil tu hat a̱n k'gwin. 10M'Ga̱u, rina̱n ciin de̱ha̱n k'gwin, i zatta ta̱m k'gwin a̱nta̱ma̱ da cakk, a na hwennsa e a̱n rina̱n hattin a̱n k'gwin. 11Awaz rina̱n ti taa ci k'gwin, rina̱n ti mal ti hat a̱n k'gwin hwe̱di.
12Ai retin na savk c'de̱b baa Na'Sila̱, na ci a̱ra̱mca̱n ba̱sda̱n kasi lalko. 13Na za ho̱d Mosa un bitiin cu'a ru a̱n d'kus rema̱n a netnan Isra'ila he̱n la za̱nda̱n cu'a ru daava̱ d retin na̱m'taa da.#3:13 Go̱t ta̱m: U'Rwa̱ 34:33. 14De̱bc na̱ baask c celka. V'Daa, a na po̱g lagk gigk utu, rihi el ti biti de̱bc na̱. A̱n na kwa̱a̱sa̱ la rin lo da. I bata̱m d'ba̱t baa Ka̱risti c'taa a̱n ti kwa̱a̱sa̱ e. 15V'Daa, a na la a̱n po̱ga̱m taka̱llac Mosa, rihi el ti biti de̱bc netnan Isra'ila. 16Daava̱n noc tu pankta la baa Kan Go̱mca̱n Kooye̱, nan kwa̱a̱sa̱ rin lo.#3:16 Go̱t ta̱m: U'Rwa̱ 34:34.
17A̱nta̱ma̱, i Kan Go̱mca̱n Kooye̱ a̱n rein Hora̱mda̱n lo. Va̱na̱n Hora̱md Kan Go̱mca̱n Kooye̱ rein la, bateseu ello. 18Cinna la kwe̱, an rin lo ta bitiin a'cuu da, na el ho̱d k'mata̱a̱ka̱ci a̱n kwesama̱n gwink Na'Sila̱. Kan Go̱mca̱n Kooye̱ un rein d'hormo, el la a̱n vodasama̱n hyo̱o̱m cinna na vaakt ho̱d ru, nan suda̱-suda̱ k'gwin.
Currently Selected:
2 An Korinti 3: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
2 An Korinti 3
3
1C taka-taka bo̱ kaa bo̱mca̱n hid co? C la a̱n hob na ge̱nve̱ no vaaka̱n ta̱n napt co alla nwaa ta̱m a̱n ge̱ne̱ co k'vaa ho̱da̱na̱n ahyan retin ta eme? 2I nwaa a̱n hid no a̱n rein vaak co ka̱n na ge̱nin a̱n de̱bc co. Koowe̱ tu po̱g ka̱ u nap ta̱m ka̱. 3A̱n kwesaka a̱ngau az i nwaa a̱n rein vaak ge̱nk lanma̱n baa Ka̱risti, ka̱n kwesain yomka co baa no. Za na̱v'ge̱nc a̱n na ge̱ntin ka̱ da, i a̱n Hora̱md Sila nan rein d'kala. Za a̱n k'taar a̱n na ge̱ntin sa̱ da, i a̱n de̱bc netna.
4C vat-vat taanl rema̱n a̱ra̱mca̱ c ciin a̱n hwic Na'Sil rem Ka̱risti. 5Za az c ci la̱a̱ma̱n emma̱n rihi a̱n hid co na zeta az i cwan a̱n emin da. I Sila ne̱in co m'la̱a̱. 6Sila ne̱e̱k co m'la̱a̱ ca̱ soott an yomkan Lalk Gigk Poune. Za u ge̱nk da, i un Hora̱md Na'Sila̱. Lalk gigk ge̱nke̱, be̱se̱d ru i a'wa̱a̱. Lalk gigk poun la, i Hora̱md Na'Sil da̱n-da̱n po̱to̱so̱.
7Awaz yomkan giiras Mosa, sa̱n be̱se̱d sa̱ i a'wa̱a̱, sa̱n na ge̱nin a̱n taara̱d se̱bke, sa̱ ci k'gwin. I cek netnan Isra'ila ta la̱a̱ a̱n go̱t cu'a Mosa da rema̱n za̱nda̱n sa̱n, go̱t ge̱ za̱nda̱n lo i da̱n ta̱d taa.#3:7 Go̱t ta̱m: U'Rwa̱ 34:29. 8I ho̱da̱npe̱ kaa a̱n yomkan Hora̱md Na'Sil zatin a̱n hat a̱n k'gwin da? 9Awaz la̱a̱suna̱n tu geda neta̱nrima lalk na'wa̱a̱ ci k'gwin, un tu de̱l neta̱n gel A'Sil tu hat a̱n k'gwin. 10M'Ga̱u, rina̱n ciin de̱ha̱n k'gwin, i zatta ta̱m k'gwin a̱nta̱ma̱ da cakk, a na hwennsa e a̱n rina̱n hattin a̱n k'gwin. 11Awaz rina̱n ti taa ci k'gwin, rina̱n ti mal ti hat a̱n k'gwin hwe̱di.
12Ai retin na savk c'de̱b baa Na'Sila̱, na ci a̱ra̱mca̱n ba̱sda̱n kasi lalko. 13Na za ho̱d Mosa un bitiin cu'a ru a̱n d'kus rema̱n a netnan Isra'ila he̱n la za̱nda̱n cu'a ru daava̱ d retin na̱m'taa da.#3:13 Go̱t ta̱m: U'Rwa̱ 34:33. 14De̱bc na̱ baask c celka. V'Daa, a na po̱g lagk gigk utu, rihi el ti biti de̱bc na̱. A̱n na kwa̱a̱sa̱ la rin lo da. I bata̱m d'ba̱t baa Ka̱risti c'taa a̱n ti kwa̱a̱sa̱ e. 15V'Daa, a na la a̱n po̱ga̱m taka̱llac Mosa, rihi el ti biti de̱bc netnan Isra'ila. 16Daava̱n noc tu pankta la baa Kan Go̱mca̱n Kooye̱, nan kwa̱a̱sa̱ rin lo.#3:16 Go̱t ta̱m: U'Rwa̱ 34:34.
17A̱nta̱ma̱, i Kan Go̱mca̱n Kooye̱ a̱n rein Hora̱mda̱n lo. Va̱na̱n Hora̱md Kan Go̱mca̱n Kooye̱ rein la, bateseu ello. 18Cinna la kwe̱, an rin lo ta bitiin a'cuu da, na el ho̱d k'mata̱a̱ka̱ci a̱n kwesama̱n gwink Na'Sila̱. Kan Go̱mca̱n Kooye̱ un rein d'hormo, el la a̱n vodasama̱n hyo̱o̱m cinna na vaakt ho̱d ru, nan suda̱-suda̱ k'gwin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019