2 An Korinti 12
12
Rina̱n Sila kwesain Bulus
1Ta̱'m em c'ka̱ndi. Go̱t la i ta hwenna da. A̱nta̱ma̱, ta̱'m ryaa hwic a̱n lalka̱n rina̱n Ka̱risti kwesain m a̱n k'ya̱a̱taya̱a̱. 2A̱m napk noc kan gabs Ka̱risti s'we̱e̱ oopa a̱n s'naas sa̱n to̱in un na o̱min na eltk a̱n cona v'ta̱ccu. Ai nu'we̱de̱ alla za nu'we̱d da, a̱m ta nap da. I Silan napine. 3A̱m napk a̱rmune. Ai bo̱ kaa i nu'we̱d alla za nu'we̱d da, a̱m ta nap bo̱ da. I Silan napine.
4Na o̱mk o na cetk baad kasi a'cona. U hongka rihica̱n zain ca̱n ve̱te̱ da. Rihica̱n na zain nan lag noc vat da. 5Ta̱'m em c'ka̱ndi rema̱n goon nocun lo. Za rema̱n hid ri da. Ta̱'m em c'ka̱ndi a̱n rihica̱n kwesain ka̱la̱nna̱u ri. 6Am to̱n be̱ a̱m em c'ka̱ndi, a ta̱'m em ca̱ na̱m'kip da rema̱n ta̱'m vat m'ga̱u. A ta̱'m ze la rihi da. Rema̱n a noc guba̱sa̱ la m u to̱o̱so ho̱da̱na̱n m retin alla rina̱n u hongin in tanin m da.
7Rema̱n na holt a̱m m'lo̱g a̱n rihica̱n Sila kwesain m hwe̱di a̱n k'ya̱a̱taya̱a̱, na de̱le̱ke̱ m gaag nu'we̱d ho̱d k'hila̱. Sila lagk k'comta̱v A̱krimu u pita̱lsa̱ me, rema̱n am em la c'ka̱ndi da. 8A̱m konk Kan Go̱mca̱n Kooye̱ s'lam a'ta̱a̱c az u taasa̱m gaagune. 9Sila zeka la me, “Pusuu ri ma̱a̱nka̱ vo. Rema̱n nan nap we̱sa̱m ri daava̱n we̱sa̱m rov ka̱la̱nta̱ini.”
Rema̱n taanlo, ta̱'m em c'ka̱ndi, a̱m em ta̱m c'za̱ngkta̱ rema̱n ka̱lla̱nna̱u ri. I bat nan nap az i we̱sa̱m Ka̱risti a̱n rein na'yomk a̱nmi. 10I rem Ka̱risti a̱n de̱lin ta̱'m emt c'za̱ngkta̱ a̱n kalkma̱ m'we̱se̱. A na reb me, a̱n d'robama, a̱n ryaaka̱ d'koba alla a na pita̱lsa̱ me. A̱m napk ai daava̱ m kaltin m'we̱se̱, i daava̱n lo bo̱ a̱n we̱sa̱m Ka̱risti retin baa ri.
Rina̱n gagin Bulus d'hi
11A̱m emk m'kipi. I nwaa la a̱n de̱lin me. I nwaa be̱ a̱n ge̱be̱se̱in a̱n bo̱m me. Rema̱n an rein ta̱n po̱g az i “Comta̱nc so̱dke,” a ta pa̱t a̱m da. Go̱t la mi, a̱m za rihi da. 12Am latin baa no, a̱m emka̱lk c'rihi hwe̱di ca̱n kwesain az i mi k'comte. A̱m gagk c'de̱b hwe̱di a nwaa na. A̱m emk rihica̱n sipa̱m na'nwa̱a̱ a damran rihica̱ c'he̱ta̱n hwe̱di a̱n hwic no. 13Rihi i'da̱n a̱m ta emin baa no ho̱da̱na̱n m emtin baa a s'gab ahyan da. A̱m ta de̱l no a̱n se̱e̱tke̱ m a̱n kind da. Ema na m d'kwisi.
14A̱m walgk a̱m hau baa no, hau u v'ta̱ccu. Ma de̱l bo̱ no a̱n se̱e̱te̱ m a̱n rihi da. I nwaa a̱m reina̱n hobo, za kumu no da. Za aka̱n i ge̱be̱se̱in a kini matka̱n na̱ rihi da. I matknan ta kini aka̱n rihi. 15A̱m el u walgk a̱n c'za̱ngkta̱ a̱m hwaa kumu ri, a̱m pees ta̱m we̱du ri rem no. Am sud to̱nc no, an ya hab-hab to̱nca̱n reina̱n ema m ri?
16A̱n napk az a̱m ta soot d'to̱o̱s baa no da. Puti a tan na, uhyan tu ze az a̱m emaka no s'vere, az a̱m hitkska̱ no. 17Noc el um comoin baa no un hitksa̱in no rem ri? 18A̱m konk Taitus u hau baa no na̱nna hyanna cinna ka s'gaba. Taitus hitksa̱-hitksa̱ no? Keka̱b co, za uda̱n da? Za le̱vk da̱nka̱ a̱c rein nu'gab da?
19Tade̱e̱da, ta̱n ze az ca̱ vat-vat taanl rem c ho̱ltt hid co baa no. Za la taanl da. A̱m la-la a̱n vatma̱n lalksa̱ ha̱n na̱m'ga̱u. A̱m napk la az Sila el a̱n honga̱m ri. A̱m la ta̱m a̱n s'lalk rem a̱m el d'kut a Ka̱risti ni. Kooye̱ a̱c emine, i rem ca̱ setasta no c'de̱be̱.
20A̱m el na̱v'gel az am cau la a̱m gitu no ho̱da̱na̱n m ta to̱ntin da, nwaa ta̱m a̱n he̱n a̱m ho̱da̱na̱n ta to̱ntin da. A̱m el ta̱m na̱v'gel az am cau la a̱m gitu i'dam a d'hyub nu, a m'de̱be̱, a robamda̱n swe̱e̱m d'hi ni, a an ke̱mc netna, a a c'kat na, a a m'lo̱g no̱ alla u'gudgud da. 21A̱m el na̱v'gel az am hau, Sila ta ne̱e̱ m m'e̱n baa no. Ta̱'m o̱n rema̱n neta̱n hwe̱di baa no an ko̱tin a ta bita̱l c'hwin rem c'ko̱pto̱, a o̱mda̱n a emine, a rihica̱n ta hwennain na̱n da, ca emine.
Currently Selected:
2 An Korinti 12: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
2 An Korinti 12
12
Rina̱n Sila kwesain Bulus
1Ta̱'m em c'ka̱ndi. Go̱t la i ta hwenna da. A̱nta̱ma̱, ta̱'m ryaa hwic a̱n lalka̱n rina̱n Ka̱risti kwesain m a̱n k'ya̱a̱taya̱a̱. 2A̱m napk noc kan gabs Ka̱risti s'we̱e̱ oopa a̱n s'naas sa̱n to̱in un na o̱min na eltk a̱n cona v'ta̱ccu. Ai nu'we̱de̱ alla za nu'we̱d da, a̱m ta nap da. I Silan napine. 3A̱m napk a̱rmune. Ai bo̱ kaa i nu'we̱d alla za nu'we̱d da, a̱m ta nap bo̱ da. I Silan napine.
4Na o̱mk o na cetk baad kasi a'cona. U hongka rihica̱n zain ca̱n ve̱te̱ da. Rihica̱n na zain nan lag noc vat da. 5Ta̱'m em c'ka̱ndi rema̱n goon nocun lo. Za rema̱n hid ri da. Ta̱'m em c'ka̱ndi a̱n rihica̱n kwesain ka̱la̱nna̱u ri. 6Am to̱n be̱ a̱m em c'ka̱ndi, a ta̱'m em ca̱ na̱m'kip da rema̱n ta̱'m vat m'ga̱u. A ta̱'m ze la rihi da. Rema̱n a noc guba̱sa̱ la m u to̱o̱so ho̱da̱na̱n m retin alla rina̱n u hongin in tanin m da.
7Rema̱n na holt a̱m m'lo̱g a̱n rihica̱n Sila kwesain m hwe̱di a̱n k'ya̱a̱taya̱a̱, na de̱le̱ke̱ m gaag nu'we̱d ho̱d k'hila̱. Sila lagk k'comta̱v A̱krimu u pita̱lsa̱ me, rema̱n am em la c'ka̱ndi da. 8A̱m konk Kan Go̱mca̱n Kooye̱ s'lam a'ta̱a̱c az u taasa̱m gaagune. 9Sila zeka la me, “Pusuu ri ma̱a̱nka̱ vo. Rema̱n nan nap we̱sa̱m ri daava̱n we̱sa̱m rov ka̱la̱nta̱ini.”
Rema̱n taanlo, ta̱'m em c'ka̱ndi, a̱m em ta̱m c'za̱ngkta̱ rema̱n ka̱lla̱nna̱u ri. I bat nan nap az i we̱sa̱m Ka̱risti a̱n rein na'yomk a̱nmi. 10I rem Ka̱risti a̱n de̱lin ta̱'m emt c'za̱ngkta̱ a̱n kalkma̱ m'we̱se̱. A na reb me, a̱n d'robama, a̱n ryaaka̱ d'koba alla a na pita̱lsa̱ me. A̱m napk ai daava̱ m kaltin m'we̱se̱, i daava̱n lo bo̱ a̱n we̱sa̱m Ka̱risti retin baa ri.
Rina̱n gagin Bulus d'hi
11A̱m emk m'kipi. I nwaa la a̱n de̱lin me. I nwaa be̱ a̱n ge̱be̱se̱in a̱n bo̱m me. Rema̱n an rein ta̱n po̱g az i “Comta̱nc so̱dke,” a ta pa̱t a̱m da. Go̱t la mi, a̱m za rihi da. 12Am latin baa no, a̱m emka̱lk c'rihi hwe̱di ca̱n kwesain az i mi k'comte. A̱m gagk c'de̱b hwe̱di a nwaa na. A̱m emk rihica̱n sipa̱m na'nwa̱a̱ a damran rihica̱ c'he̱ta̱n hwe̱di a̱n hwic no. 13Rihi i'da̱n a̱m ta emin baa no ho̱da̱na̱n m emtin baa a s'gab ahyan da. A̱m ta de̱l no a̱n se̱e̱tke̱ m a̱n kind da. Ema na m d'kwisi.
14A̱m walgk a̱m hau baa no, hau u v'ta̱ccu. Ma de̱l bo̱ no a̱n se̱e̱te̱ m a̱n rihi da. I nwaa a̱m reina̱n hobo, za kumu no da. Za aka̱n i ge̱be̱se̱in a kini matka̱n na̱ rihi da. I matknan ta kini aka̱n rihi. 15A̱m el u walgk a̱n c'za̱ngkta̱ a̱m hwaa kumu ri, a̱m pees ta̱m we̱du ri rem no. Am sud to̱nc no, an ya hab-hab to̱nca̱n reina̱n ema m ri?
16A̱n napk az a̱m ta soot d'to̱o̱s baa no da. Puti a tan na, uhyan tu ze az a̱m emaka no s'vere, az a̱m hitkska̱ no. 17Noc el um comoin baa no un hitksa̱in no rem ri? 18A̱m konk Taitus u hau baa no na̱nna hyanna cinna ka s'gaba. Taitus hitksa̱-hitksa̱ no? Keka̱b co, za uda̱n da? Za le̱vk da̱nka̱ a̱c rein nu'gab da?
19Tade̱e̱da, ta̱n ze az ca̱ vat-vat taanl rem c ho̱ltt hid co baa no. Za la taanl da. A̱m la-la a̱n vatma̱n lalksa̱ ha̱n na̱m'ga̱u. A̱m napk la az Sila el a̱n honga̱m ri. A̱m la ta̱m a̱n s'lalk rem a̱m el d'kut a Ka̱risti ni. Kooye̱ a̱c emine, i rem ca̱ setasta no c'de̱be̱.
20A̱m el na̱v'gel az am cau la a̱m gitu no ho̱da̱na̱n m ta to̱ntin da, nwaa ta̱m a̱n he̱n a̱m ho̱da̱na̱n ta to̱ntin da. A̱m el ta̱m na̱v'gel az am cau la a̱m gitu i'dam a d'hyub nu, a m'de̱be̱, a robamda̱n swe̱e̱m d'hi ni, a an ke̱mc netna, a a c'kat na, a a m'lo̱g no̱ alla u'gudgud da. 21A̱m el na̱v'gel az am hau, Sila ta ne̱e̱ m m'e̱n baa no. Ta̱'m o̱n rema̱n neta̱n hwe̱di baa no an ko̱tin a ta bita̱l c'hwin rem c'ko̱pto̱, a o̱mda̱n a emine, a rihica̱n ta hwennain na̱n da, ca emine.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019