2 An Korinti 13
13
D'Po̱o̱sso̱ a kaag u d'be̱se̱ ne̱
1I v'ta̱ccu ha̱n a̱n ma hau baa no. Ho̱da̱na̱n lalks Na'Sil vattine, “I a̱n rina̱n net ni'il alla i'ta̱a̱c vatina̱n nan esasta kooye̱ lalkwa.”#13:1 Go̱t ta̱m: Rsgi 17:6; 19:15. 2Am hatoin baa no na̱v'illa̱, a̱m kaagk no. Am ta latin baa no da, a̱m sudk a̱n kaag no. Am vaako baa no hau u v'ta̱ccu, a ta̱'m lag a̱n ven an gosin a ko̱tko̱, a an ko̱tin a̱nta̱ma̱ da. 3I ai retin a̱n el a̱n hoba̱n rina̱n ti kwesa az i Ka̱risti a̱n de̱lin ma̱ m vatt rihica̱ hna. Ka̱risti ta kal we̱sma̱n vena̱m no da. I ka m'we̱s baa no. 4Ke̱ng na edgk Ye̱so a̱n k'kan ho̱d kan kalin m'we̱se̱. U po̱tk la rema̱n we̱sa̱m Na'Sila̱. I ho̱da̱n lo bo̱ ta̱m a̱c kaltin m'we̱s rem ru. Ca̱n po̱t ta̱m rema̱n we̱sa̱m Na'Sil c emata no a'yomko.
5Kekk na a̱n he̱nt awaz a̱n batk d'ba̱t baa Na'Sil a d'ke̱m ne̱. Maak na hid no. Ye̱so Ka̱risti el baa no awaz maakuna̱n na maakin no, a̱n ta hyaa da. 6A̱m de̱lk la c'de̱b az a̱n d'hwen, ta̱n nap az a̱n na he̱n hyaad co an na maaktin co da. 7Ca la nu'kwesa az c ryaaka̱ d'gaago alla ca ryaa da-da. C el a̱n kons Na'Sil az an em la rihi i naak da. Em na rina̱n rein i kasi. Go̱t la neta̱n ta he̱n az c ka̱la̱nka̱.
8A ca̱n tak a̱n ha̱l m'ga̱u da. Ga̱uman ca̱n em kooye̱ daava. 9C el a̱n c'za̱ngkta̱ az a̱n ci m'we̱s daava̱ c kaltin m'we̱se̱. Cepks co ta̱ma̱, i Sila vodasa de̱bc no a̱n soot netnan de̱bc kasi. 10I rema̱n taanl a̱m ge̱na̱vtoin no rihica̱ ha̱n daava̱ m zatin baa no da. Bat daava̱n ta̱'m hato baa no, a ta̱'m hulka̱l no a̱n we̱sma̱n Sila ne̱in m da. We̱sma̱n Sila ne̱in me, i a̱m guba̱sta̱ no, za a̱m hett no da.
11A̱n d'be̱se̱, hyaarene, na gwaana nu'pusu. Hob na a̱n soot netnan de̱bc kasi. Hong na kons ri, swe̱e̱ na d'hi a̱n soot m'ho̱o̱kno̱. An em rihica̱ hna, Sila c'to̱n a la̱ta̱m c'de̱ba̱n ta boro baa no.
12Po̱o̱so̱ na hyannanon ta̱n le̱pk ta̱n le̱pke̱. 13A s'gab el a̱n po̱o̱so̱m no kwe̱.
14Pusuu Ye̱so Ka̱risti, Kan Go̱mca̱n Kooye̱, a to̱nc Na'Sil na̱, a̱n sa̱ma̱nca̱d Hora̱md Na'Sila̱, boro baa no kwe̱.
Currently Selected:
2 An Korinti 13: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
2 An Korinti 13
13
D'Po̱o̱sso̱ a kaag u d'be̱se̱ ne̱
1I v'ta̱ccu ha̱n a̱n ma hau baa no. Ho̱da̱na̱n lalks Na'Sil vattine, “I a̱n rina̱n net ni'il alla i'ta̱a̱c vatina̱n nan esasta kooye̱ lalkwa.”#13:1 Go̱t ta̱m: Rsgi 17:6; 19:15. 2Am hatoin baa no na̱v'illa̱, a̱m kaagk no. Am ta latin baa no da, a̱m sudk a̱n kaag no. Am vaako baa no hau u v'ta̱ccu, a ta̱'m lag a̱n ven an gosin a ko̱tko̱, a an ko̱tin a̱nta̱ma̱ da. 3I ai retin a̱n el a̱n hoba̱n rina̱n ti kwesa az i Ka̱risti a̱n de̱lin ma̱ m vatt rihica̱ hna. Ka̱risti ta kal we̱sma̱n vena̱m no da. I ka m'we̱s baa no. 4Ke̱ng na edgk Ye̱so a̱n k'kan ho̱d kan kalin m'we̱se̱. U po̱tk la rema̱n we̱sa̱m Na'Sila̱. I ho̱da̱n lo bo̱ ta̱m a̱c kaltin m'we̱s rem ru. Ca̱n po̱t ta̱m rema̱n we̱sa̱m Na'Sil c emata no a'yomko.
5Kekk na a̱n he̱nt awaz a̱n batk d'ba̱t baa Na'Sil a d'ke̱m ne̱. Maak na hid no. Ye̱so Ka̱risti el baa no awaz maakuna̱n na maakin no, a̱n ta hyaa da. 6A̱m de̱lk la c'de̱b az a̱n d'hwen, ta̱n nap az a̱n na he̱n hyaad co an na maaktin co da. 7Ca la nu'kwesa az c ryaaka̱ d'gaago alla ca ryaa da-da. C el a̱n kons Na'Sil az an em la rihi i naak da. Em na rina̱n rein i kasi. Go̱t la neta̱n ta he̱n az c ka̱la̱nka̱.
8A ca̱n tak a̱n ha̱l m'ga̱u da. Ga̱uman ca̱n em kooye̱ daava. 9C el a̱n c'za̱ngkta̱ az a̱n ci m'we̱s daava̱ c kaltin m'we̱se̱. Cepks co ta̱ma̱, i Sila vodasa de̱bc no a̱n soot netnan de̱bc kasi. 10I rema̱n taanl a̱m ge̱na̱vtoin no rihica̱ ha̱n daava̱ m zatin baa no da. Bat daava̱n ta̱'m hato baa no, a ta̱'m hulka̱l no a̱n we̱sma̱n Sila ne̱in m da. We̱sma̱n Sila ne̱in me, i a̱m guba̱sta̱ no, za a̱m hett no da.
11A̱n d'be̱se̱, hyaarene, na gwaana nu'pusu. Hob na a̱n soot netnan de̱bc kasi. Hong na kons ri, swe̱e̱ na d'hi a̱n soot m'ho̱o̱kno̱. An em rihica̱ hna, Sila c'to̱n a la̱ta̱m c'de̱ba̱n ta boro baa no.
12Po̱o̱so̱ na hyannanon ta̱n le̱pk ta̱n le̱pke̱. 13A s'gab el a̱n po̱o̱so̱m no kwe̱.
14Pusuu Ye̱so Ka̱risti, Kan Go̱mca̱n Kooye̱, a to̱nc Na'Sil na̱, a̱n sa̱ma̱nca̱d Hora̱md Na'Sila̱, boro baa no kwe̱.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019