2 An Korinti 11
11
Bulus a c'comt na c'ko̱lo̱
1A̱m sak u'con az ta̱n gag c'de̱b a kipa̱m ri ni, a̱n hwenga me. A̱n baask la a̱n gagk c'de̱b a mi ni. 2A̱m el a̱n hyubud no ho̱da̱na̱n Sila ta emt hyubud an ta to̱no̱. A̱m ne̱e̱k a̱ra̱m uda̱nka̱, Ka̱risti, ga̱ic no. I bat ta̱'m giit no c'ga̱i, yaa'yantan baa ru. 3A̱m el la na̱v'gel az a rihi yangs la keka̱b no baan gaba̱m Ka̱risti na̱m'ga̱u ta̱m d'ba̱t d'da̱n, ho̱da̱na̱n oba̱l palktin Hauwa da.#11:3 Go̱t ta̱m: D'Tak 3:1-5; 13.
4A noc noka baa no u ze no az Ye̱so hyan ello, a za uc bisiin no da. Alla a̱n kabk hora̱md hyan, a za da̱ c ve̱ce̱in no da. Alla a̱n kabk kasi lalk hyan, un ta hongin baa co da. An kaba, a̱n kabk a̱n ta keka̱b bo̱ i kasi da.
5A̱n he̱nu ri, o̱pnan lo an rein ta̱n po̱g az i comta̱nc so̱dke, a ta hat a̱m da. 6Go̱t ge̱ a̱m zatta d'rem da, a̱m ci la s'napa. Ca̱ kwesaka la no taanl paspaso. 7Am bisitiin no kasi lalk Na'Sil m'ho̱so̱, a̱m kalasa ta̱m hid ri bat nan guba̱sa̱ no, i d'ko̱te?
8I emk zai i c'hitksa̱ am kabtain d'se̱e̱te̱ baa hyannano a s'gab a̱m emata no m'coko. 9Am latin baa no daava̱n m zattin rihi da, a̱m ta kon noc da. A̱m vat-vat taanl rema̱n rina̱n m robin kwe̱, hyaaren a s'gab an hain lanma̱n copun Makidoniya, a ne̱e̱k me. A̱m ta se̱s a̱m soot d'to̱o̱s baa no da. Ta̱'m ryaa ta̱m hwic taanlo.#11:9 Go̱t ta̱m: Fil 4,15-18. 10Ai retin a̱m ci ga̱um Ka̱risti, noc za a̱n copun Akaya, un tu hol a̱m emma̱n ka̱ndica̱ hna da. 11I rema̱n ye̱? I rem a̱m za a̱n to̱nc no da? Sila napk az a̱m el a̱n to̱nc no.
12Ta̱'m ryaa hwic a̱n emma̱n rina̱n m rein nu'emo. I bat ti hol an reina̱n hob d'ke̱e̱ a emt c'ka̱ndi, an reina̱n hob az na ze az a el honhon a cwan na. 13Goon netnan lo, i comta̱nca̱ c'ko̱lo̱, za an yomka m'ga̱u da. A el ta yangs s'naa az i na̱nna comta̱nc Ka̱risti. 14Emma̱n taanl za rin sipa̱m na'nwa̱a̱ da. Rema̱n A̱krimu a̱n hid ru, u el tu yangs s'naa az i unwa k'comta̱v d'za̱n lanma̱n baa Na'Sila̱. 15Rema̱n taanlo, za rin sipa̱m na'nwa̱a̱ awaz an yomka A̱krimu yangsk s'naa, a pal az i na̱nna an gela̱v Na'Sil da. A̱n d'be̱se̱ la, ta kab copa̱nca̱n rina̱n a emine.
Ryaaka̱n kobd Bulus
16A̱m sudk a̱n vata. A noc o̱m la az i mi kip da. Awaz la a̱n o̱mk az i mi kipi, kab na m ho̱d kip bat ta̱'m em c'ka̱ndi ca̱nmi. 17Am retina̱n ka̱ndica̱ ha̱n a̱n daka̱m d'gen, a̱m ta em s'lalk ho̱da̱na̱n Kan Go̱mca̱n Kooye̱ tu to̱nt da, i ho̱d kipi. 18Ai retin neta̱n hwe̱di el a̱n c'ka̱ndi ho̱d an copun yanda̱hna, mi lan ba̱ri, ta̱'m em c'ka̱ndi. 19Ai retin i nwaa a s'ver hwe̱di, ta̱n la̱a̱ d'sooc a kipa̱n ni. 20Na̱m'ga̱u, a̱n el ta̱n gag c'de̱b a an de̱lin no na̱m'coko. Alla an hitksa̱in no-no. Alla an palkc no. Alla an rein a̱n hwic a̱n hwici. Alla a an rakmin no-no. 21A̱m hongk e̱nma̱n ve̱ce̱m no az we̱sa̱m kalk co emam no taanlo.
Kooye̱ a̱n noc retina̱n c'a̱ra̱m, a̱n c'ka̱ndi a̱n inya, mi la m ci. A̱m la bo̱ a̱n s'lalk ho̱d kipi. 22Awaz a la na̱m'go̱t az i na̱nna Yahude̱ne̱, mi ta̱m i k'Yahude̱. I na̱nna netnan Isra'ila? Mi ta̱m i tan. I na̱nna goov Ibrahi? Mi ta̱m i goov Ibrahi. 23I na̱nna an yomka Ka̱risti? A̱m hatk na̱. A̱m hatk na̱ na̱m'coko. A̱m hatk na̱ a̱n so̱o̱m s'bii. A̱m hatk na̱ a̱n uvma̱n buu s'ko̱m kooye̱ daava. A̱m kobk ta̱m a'wa̱a̱ s'lam hwe̱di. A̱m la bo̱ a̱n s'lalk ho̱d kipi. 24S'Lam a'tan a̱n Yahude̱n sweplin m a̱n laksa̱ s'we̱d d'kwe̱ze̱ a̱n oopa a̱n s'doore.
25Na ba̱a̱ka̱lka̱ m a̱n c'kyur s'lam a'ta̱a̱cu. Na tak ta̱m bonga̱la̱m ri a̱n c'taar a'da̱n. A'Ta̱a̱c bumbuca̱ m'ho̱o̱ ca̱n he̱e̱k na̱m'saa a cwann a̱nmi. C tak a̱n la̱v c hotese ta̱m a̱nmi m'saa. 26Am latin kooye̱ hweda a̱n le̱vka̱ m'baala, a̱m gwaanka a naam d'hwen s'goo-s'goo na̱m'saa. A̱m hek a̱n komc hivni. An copu ri, Yahude̱n a an zain Yahude̱n da, kwe̱e̱ke̱ m a hote. Go̱t ta̱m an sa̱b ri ni'le̱e̱ a k'kad ne a hote. Go̱t rihica̱n ca̱n la̱a̱ hweed ri na̱m'saa a kond no. Go̱t ta̱m a s'gab a c'ko̱l a̱n kwe̱e̱m ri.
27Go̱t m'poo a ryaaka̱ d'kob na. Go̱t la̱vma̱ m'hwengc a̱n daav hyan s'lam hwe̱di. Go̱t k'mero a i'so̱o̱ti ni. Go̱t ta̱m robamda̱ c'ryaak c'hwen-c'hwen. Go̱t k'tudu, rika̱ d'bitisi za la da. 28Za ta̱m rihica̱ ha̱n c'taa da. Go̱t ta̱m to̱o̱sda̱n go̱teca̱n kargac a s'gab kwe̱. 29Koowe̱ a̱n kalin m'we̱se̱, i el ti gag a̱m d'hi hwe̱di. Koowe̱ ta̱m a̱n na de̱lin u ko̱to̱, i el ti so̱n a̱m hwe̱di.
30Awaz ta̱'m em c'ka̱ndi, ta̱'m em c'ka̱ndi a̱n rihica̱n kwesain va̱na̱n m ka̱la̱nna̱ini. 31A'Sila̱, Cet kan buu cinna Ye̱so Ka̱risti, kan nan bo̱m d'kal-d'kala, u napk az za ko̱lca m retin da. 32Am latin a̱n le̱in Damaskus, gwamna va̱n copu Damaskus a̱n daav Aretas go̱mo̱, u de̱lk koola̱n a̱n hutda̱n rigin le̱in Damasene rem a sipt mi. 33Na de̱l-de̱l m a̱n k'gyo̱b na rut a̱m a̱n hakda̱n uva̱m m'e̱n. Na citta̱ m a̱n salk ni'le̱e̱ a̱m somte.
Currently Selected:
2 An Korinti 11: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
2 An Korinti 11
11
Bulus a c'comt na c'ko̱lo̱
1A̱m sak u'con az ta̱n gag c'de̱b a kipa̱m ri ni, a̱n hwenga me. A̱n baask la a̱n gagk c'de̱b a mi ni. 2A̱m el a̱n hyubud no ho̱da̱na̱n Sila ta emt hyubud an ta to̱no̱. A̱m ne̱e̱k a̱ra̱m uda̱nka̱, Ka̱risti, ga̱ic no. I bat ta̱'m giit no c'ga̱i, yaa'yantan baa ru. 3A̱m el la na̱v'gel az a rihi yangs la keka̱b no baan gaba̱m Ka̱risti na̱m'ga̱u ta̱m d'ba̱t d'da̱n, ho̱da̱na̱n oba̱l palktin Hauwa da.#11:3 Go̱t ta̱m: D'Tak 3:1-5; 13.
4A noc noka baa no u ze no az Ye̱so hyan ello, a za uc bisiin no da. Alla a̱n kabk hora̱md hyan, a za da̱ c ve̱ce̱in no da. Alla a̱n kabk kasi lalk hyan, un ta hongin baa co da. An kaba, a̱n kabk a̱n ta keka̱b bo̱ i kasi da.
5A̱n he̱nu ri, o̱pnan lo an rein ta̱n po̱g az i comta̱nc so̱dke, a ta hat a̱m da. 6Go̱t ge̱ a̱m zatta d'rem da, a̱m ci la s'napa. Ca̱ kwesaka la no taanl paspaso. 7Am bisitiin no kasi lalk Na'Sil m'ho̱so̱, a̱m kalasa ta̱m hid ri bat nan guba̱sa̱ no, i d'ko̱te?
8I emk zai i c'hitksa̱ am kabtain d'se̱e̱te̱ baa hyannano a s'gab a̱m emata no m'coko. 9Am latin baa no daava̱n m zattin rihi da, a̱m ta kon noc da. A̱m vat-vat taanl rema̱n rina̱n m robin kwe̱, hyaaren a s'gab an hain lanma̱n copun Makidoniya, a ne̱e̱k me. A̱m ta se̱s a̱m soot d'to̱o̱s baa no da. Ta̱'m ryaa ta̱m hwic taanlo.#11:9 Go̱t ta̱m: Fil 4,15-18. 10Ai retin a̱m ci ga̱um Ka̱risti, noc za a̱n copun Akaya, un tu hol a̱m emma̱n ka̱ndica̱ hna da. 11I rema̱n ye̱? I rem a̱m za a̱n to̱nc no da? Sila napk az a̱m el a̱n to̱nc no.
12Ta̱'m ryaa hwic a̱n emma̱n rina̱n m rein nu'emo. I bat ti hol an reina̱n hob d'ke̱e̱ a emt c'ka̱ndi, an reina̱n hob az na ze az a el honhon a cwan na. 13Goon netnan lo, i comta̱nca̱ c'ko̱lo̱, za an yomka m'ga̱u da. A el ta yangs s'naa az i na̱nna comta̱nc Ka̱risti. 14Emma̱n taanl za rin sipa̱m na'nwa̱a̱ da. Rema̱n A̱krimu a̱n hid ru, u el tu yangs s'naa az i unwa k'comta̱v d'za̱n lanma̱n baa Na'Sila̱. 15Rema̱n taanlo, za rin sipa̱m na'nwa̱a̱ awaz an yomka A̱krimu yangsk s'naa, a pal az i na̱nna an gela̱v Na'Sil da. A̱n d'be̱se̱ la, ta kab copa̱nca̱n rina̱n a emine.
Ryaaka̱n kobd Bulus
16A̱m sudk a̱n vata. A noc o̱m la az i mi kip da. Awaz la a̱n o̱mk az i mi kipi, kab na m ho̱d kip bat ta̱'m em c'ka̱ndi ca̱nmi. 17Am retina̱n ka̱ndica̱ ha̱n a̱n daka̱m d'gen, a̱m ta em s'lalk ho̱da̱na̱n Kan Go̱mca̱n Kooye̱ tu to̱nt da, i ho̱d kipi. 18Ai retin neta̱n hwe̱di el a̱n c'ka̱ndi ho̱d an copun yanda̱hna, mi lan ba̱ri, ta̱'m em c'ka̱ndi. 19Ai retin i nwaa a s'ver hwe̱di, ta̱n la̱a̱ d'sooc a kipa̱n ni. 20Na̱m'ga̱u, a̱n el ta̱n gag c'de̱b a an de̱lin no na̱m'coko. Alla an hitksa̱in no-no. Alla an palkc no. Alla an rein a̱n hwic a̱n hwici. Alla a an rakmin no-no. 21A̱m hongk e̱nma̱n ve̱ce̱m no az we̱sa̱m kalk co emam no taanlo.
Kooye̱ a̱n noc retina̱n c'a̱ra̱m, a̱n c'ka̱ndi a̱n inya, mi la m ci. A̱m la bo̱ a̱n s'lalk ho̱d kipi. 22Awaz a la na̱m'go̱t az i na̱nna Yahude̱ne̱, mi ta̱m i k'Yahude̱. I na̱nna netnan Isra'ila? Mi ta̱m i tan. I na̱nna goov Ibrahi? Mi ta̱m i goov Ibrahi. 23I na̱nna an yomka Ka̱risti? A̱m hatk na̱. A̱m hatk na̱ na̱m'coko. A̱m hatk na̱ a̱n so̱o̱m s'bii. A̱m hatk na̱ a̱n uvma̱n buu s'ko̱m kooye̱ daava. A̱m kobk ta̱m a'wa̱a̱ s'lam hwe̱di. A̱m la bo̱ a̱n s'lalk ho̱d kipi. 24S'Lam a'tan a̱n Yahude̱n sweplin m a̱n laksa̱ s'we̱d d'kwe̱ze̱ a̱n oopa a̱n s'doore.
25Na ba̱a̱ka̱lka̱ m a̱n c'kyur s'lam a'ta̱a̱cu. Na tak ta̱m bonga̱la̱m ri a̱n c'taar a'da̱n. A'Ta̱a̱c bumbuca̱ m'ho̱o̱ ca̱n he̱e̱k na̱m'saa a cwann a̱nmi. C tak a̱n la̱v c hotese ta̱m a̱nmi m'saa. 26Am latin kooye̱ hweda a̱n le̱vka̱ m'baala, a̱m gwaanka a naam d'hwen s'goo-s'goo na̱m'saa. A̱m hek a̱n komc hivni. An copu ri, Yahude̱n a an zain Yahude̱n da, kwe̱e̱ke̱ m a hote. Go̱t ta̱m an sa̱b ri ni'le̱e̱ a k'kad ne a hote. Go̱t rihica̱n ca̱n la̱a̱ hweed ri na̱m'saa a kond no. Go̱t ta̱m a s'gab a c'ko̱l a̱n kwe̱e̱m ri.
27Go̱t m'poo a ryaaka̱ d'kob na. Go̱t la̱vma̱ m'hwengc a̱n daav hyan s'lam hwe̱di. Go̱t k'mero a i'so̱o̱ti ni. Go̱t ta̱m robamda̱ c'ryaak c'hwen-c'hwen. Go̱t k'tudu, rika̱ d'bitisi za la da. 28Za ta̱m rihica̱ ha̱n c'taa da. Go̱t ta̱m to̱o̱sda̱n go̱teca̱n kargac a s'gab kwe̱. 29Koowe̱ a̱n kalin m'we̱se̱, i el ti gag a̱m d'hi hwe̱di. Koowe̱ ta̱m a̱n na de̱lin u ko̱to̱, i el ti so̱n a̱m hwe̱di.
30Awaz ta̱'m em c'ka̱ndi, ta̱'m em c'ka̱ndi a̱n rihica̱n kwesain va̱na̱n m ka̱la̱nna̱ini. 31A'Sila̱, Cet kan buu cinna Ye̱so Ka̱risti, kan nan bo̱m d'kal-d'kala, u napk az za ko̱lca m retin da. 32Am latin a̱n le̱in Damaskus, gwamna va̱n copu Damaskus a̱n daav Aretas go̱mo̱, u de̱lk koola̱n a̱n hutda̱n rigin le̱in Damasene rem a sipt mi. 33Na de̱l-de̱l m a̱n k'gyo̱b na rut a̱m a̱n hakda̱n uva̱m m'e̱n. Na citta̱ m a̱n salk ni'le̱e̱ a̱m somte.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019