1 An Korinti 8
8
Ryaakca̱n na se̱ve̱in cepko
1A na tana lalkun ryaakca̱n na se̱ke̱in cepko, na napk kwe̱ az cepk zatta m'we̱s da. Naps el la sa̱n de̱l lo̱ga̱m d'hi. C'To̱n la ba̱ca̱, ca̱n de̱l na se̱e̱te̱ neta̱n a gubu. 2Awaz noc el na̱m'he̱n az u napk rihi, u ta hwesa nap ho̱da̱na̱n i ge̱be̱ste̱in da. 3Koowe̱ la a̱n reina̱n to̱nc Na'Sila̱, Sila napk o.
4Lalkun ryaama̱n rihica̱n na se̱ke̱in cepko. Na napk kwe̱ az cepk ta soot rihi a̱n copun yanda̱ha̱n da. Na napk az i A'Sil a'da̱nka̱ an reine, Sila hyan za ta̱m da. 5Rihic el ca̱n neta̱n rein ta ze az i, “Cepko,” na'con alla a̱n copun yanda̱ha̱n na. Ke̱ng rihic el hwe̱di ca̱n ahyan rein ta po̱g “Cepko,” a “Zika̱mzi” ni. 6Baa cinna la, i A'Sil K'Ceto a'da̱nka̱ an reine. I na̱nna a̱n balin c'rihi kwe̱. I na̱nna ta̱m a̱n ciin na. I Kan Go̱mca̱n Kooye̱ uda̱n c'taa a̱n reine. I unwa a̱n rein Ye̱so Ka̱risti. I rem ru a̱n rihic retin kwe̱. I rem ru ta̱m a̱c retin na kwe̱.
7V'Daa, an laina̱n gabma̱n cepko, an lain a vetaska ryaama̱n rihica̱n na se̱ke̱in cepko, aa ryaa ryaakc ne, de̱bc a ca̱n la̱t na̱ da. A o̱mk az na se̱ke̱ke̱ cepk ryaakc ne. Ai retin a ta ko̱ga̱r a̱n s'gab da, de̱bc ca̱n kwesa na̱ az aa ryaa, a ko̱tko̱. 8Ryaakc za la ca̱n hodgta na baa Na'Sil da. A na ryaa, a ti swidi na rihi baa Na'Sil da. An na ryaa la da, a ti hab na rihi baa Na'Sil da.
9Gab na sasa. An lag la bateseu no soot ri d'hyaa baa an ta ko̱grin a̱n s'gab da. 10Awaz kan ta ko̱grin baa s'gab da, he̱nk a̱v kan ciin s'nap a̱n k'ryaa a̱n baada̱n cepko, a ti ne̱e̱ o m'we̱s u ryaa rihica̱n na se̱ke̱in cepk da? 11I taanl a̱n ta̱'v de̱l hyaara̱v un ta ko̱grin baa s'gab da, un Ka̱risti wa̱in rem ru, u yang a d'naan a̱n d'hi, rema̱n naps rovo.
12An ko̱t bo̱ kaa baa hyannanon taanlo, a̱n get ta̱m de̱bc na̱ ca̱n kalin m'we̱se̱, i baa Ka̱risti a̱n ko̱tine. 13Rema̱n taanlo, awaz rina̱n ta̱'m ryaa ti de̱l hyaare ka s'gab ko̱to̱, a ta̱'m ta̱a̱ ta̱m na̱m da cakk. Rema̱n am de̱l la hyaare u yang a d'naan a̱n d'hi da.
Currently Selected:
1 An Korinti 8: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
1 An Korinti 8
8
Ryaakca̱n na se̱ve̱in cepko
1A na tana lalkun ryaakca̱n na se̱ke̱in cepko, na napk kwe̱ az cepk zatta m'we̱s da. Naps el la sa̱n de̱l lo̱ga̱m d'hi. C'To̱n la ba̱ca̱, ca̱n de̱l na se̱e̱te̱ neta̱n a gubu. 2Awaz noc el na̱m'he̱n az u napk rihi, u ta hwesa nap ho̱da̱na̱n i ge̱be̱ste̱in da. 3Koowe̱ la a̱n reina̱n to̱nc Na'Sila̱, Sila napk o.
4Lalkun ryaama̱n rihica̱n na se̱ke̱in cepko. Na napk kwe̱ az cepk ta soot rihi a̱n copun yanda̱ha̱n da. Na napk az i A'Sil a'da̱nka̱ an reine, Sila hyan za ta̱m da. 5Rihic el ca̱n neta̱n rein ta ze az i, “Cepko,” na'con alla a̱n copun yanda̱ha̱n na. Ke̱ng rihic el hwe̱di ca̱n ahyan rein ta po̱g “Cepko,” a “Zika̱mzi” ni. 6Baa cinna la, i A'Sil K'Ceto a'da̱nka̱ an reine. I na̱nna a̱n balin c'rihi kwe̱. I na̱nna ta̱m a̱n ciin na. I Kan Go̱mca̱n Kooye̱ uda̱n c'taa a̱n reine. I unwa a̱n rein Ye̱so Ka̱risti. I rem ru a̱n rihic retin kwe̱. I rem ru ta̱m a̱c retin na kwe̱.
7V'Daa, an laina̱n gabma̱n cepko, an lain a vetaska ryaama̱n rihica̱n na se̱ke̱in cepko, aa ryaa ryaakc ne, de̱bc a ca̱n la̱t na̱ da. A o̱mk az na se̱ke̱ke̱ cepk ryaakc ne. Ai retin a ta ko̱ga̱r a̱n s'gab da, de̱bc ca̱n kwesa na̱ az aa ryaa, a ko̱tko̱. 8Ryaakc za la ca̱n hodgta na baa Na'Sil da. A na ryaa, a ti swidi na rihi baa Na'Sil da. An na ryaa la da, a ti hab na rihi baa Na'Sil da.
9Gab na sasa. An lag la bateseu no soot ri d'hyaa baa an ta ko̱grin a̱n s'gab da. 10Awaz kan ta ko̱grin baa s'gab da, he̱nk a̱v kan ciin s'nap a̱n k'ryaa a̱n baada̱n cepko, a ti ne̱e̱ o m'we̱s u ryaa rihica̱n na se̱ke̱in cepk da? 11I taanl a̱n ta̱'v de̱l hyaara̱v un ta ko̱grin baa s'gab da, un Ka̱risti wa̱in rem ru, u yang a d'naan a̱n d'hi, rema̱n naps rovo.
12An ko̱t bo̱ kaa baa hyannanon taanlo, a̱n get ta̱m de̱bc na̱ ca̱n kalin m'we̱se̱, i baa Ka̱risti a̱n ko̱tine. 13Rema̱n taanlo, awaz rina̱n ta̱'m ryaa ti de̱l hyaare ka s'gab ko̱to̱, a ta̱'m ta̱a̱ ta̱m na̱m da cakk. Rema̱n am de̱l la hyaare u yang a d'naan a̱n d'hi da.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019