1 An Korinti 9
9
Yomka k'Comte
1Za u bateskei a̱m rein ho̱d koowe̱ da? Za mi k'comta̱v Ye̱so da? A̱m ta he̱n ha̱n Ye̱so Ka̱risti, Kan Go̱mca̱n Kooye̱ da? Za nwaa ho a̱m kumma̱in rema̱n yomka na m emain Kan Go̱mca̱n Kooye̱ da? 2Awaz a̱m za k'comta̱v Ye̱so baa ahyan da, ke̱ng i mi k'comta̱v ru baa no. I nwaa a̱n rein napeca̱n ca̱n kwesa az i mi k'comta̱v Kan Go̱mca̱n Kooye̱.
3Go̱t ha̱n rina̱n m rein ta̱'m se̱s an rein ta ipk a̱m ipksa̱n cau-d'wa̱a̱. 4I ta ge̱be̱se̱ na ryaaksa co rema̱n yomka co da? 5C zatta-zatta d'ke̱e̱ c baal a netan con a s'gaba, ho̱da̱na̱n comta̱nc hyan a ha̱n Kan Go̱mca̱n Kooye̱n a Bitrus a̱n emtin da? 6Alla bo̱ kaa, i cwan c Barnabas c'taa a̱n ca̱n em a'yomk rem c ryaaksta hid co? 7Iwe̱ a̱n tu em yomka k'kool u vaak u'cop ta̱m hid ru? Iwe̱ a̱n tu gwaa belu s'ce na hol o ryaama̱n rina̱n ces matine? Iwe̱ a̱n tu em go̱teca̱n naama̱n un zain a̱n so̱o̱ yonm na̱ da?
8A̱m vat-vat rihica̱ ha̱n rema̱n he̱nu neta̱nrima? I za a'ge̱n a̱nmin giiras Mosa taanl da? 9Giiras Mosa zeka, “Av twe̱pe̱ la jank va̱n zwega̱n hii k'laba da.” I ryaakc jank bo̱ kaa a̱n gagin A'Sil d'hi c'taa?#9:9 Go̱t ta̱m: Ggdk 25:4; 1Tim 5:18. 10A ta vat-vat taanl rem cinna da? I rem cinna a̱n na ge̱ntin ri hna. A vat-vat taanl bat kanugo̱v a ka d'biin ta sak u'con a̱n rina̱n na kargsain nu'bela. 11Ac gwaatin goo i d'hora̱m a̱n de̱bc no, an se̱e̱te̱ co, i naake? 12Awaz comta̱nc hyan ci d'ke̱e̱ a kum d'se̱e̱te̱ baa no, i ta ge̱be̱se̱ c hat na̱ da?
Puti a tan na, ca em a'yomk a̱n ke̱e̱da̱n lon da. C gagk la c'de̱b a̱n c'rihi kwe̱, rema̱n ac hol la kasi lalk Ka̱risti ryaaka̱n hwic da. 13A̱n ta nap az a na'yomk a̱n buuk Na'Sila̱, az i a̱nl a̱n ta kum ryaakc na̱ da? A na'yomk ta̱m va̱na̱n na rein nan ema A'Sil sako, i a̱nl a̱n ta kum yobu na̱ baan rina̱n na sakine. 14I ho̱da̱n lo bo̱ ta̱m a̱n Kan Go̱mca̱n Kooye̱ zetine, az an ba̱sda̱n kasi lalko, ta kum rihica̱ c'nocurimu baan yomkan ba̱sda̱n kasi lalko.
15A̱m ta em la a'yomk a̱n ke̱e̱da̱ ha̱n da. A̱m ta ge̱nvo no ta̱m rem a̱m de̱lt no a̱n taka ema m ri rihica̱n lo a̱nta̱ma̱ da. I pitiki m a̱m wa̱a̱, a̱nda noc hol a̱m ka̱ndica̱n az a̱m ba̱sk kasi lalk m'ho̱so̱. 16Am retina̱n ba̱sda̱n kasi lalko, za ri c'ka̱ndi da, i to̱o̱sdan Sila twe̱e̱se̱in me. I naak me awaz a̱m ta ba̱s kasi lalk da. 17Awaz be̱ a̱m la-la a̱n yomkan ba̱sda̱n kasi lalk a̱n to̱nu ri, nan cop be̱ me. Am ta em la a̱n to̱nu ri da, i kwesaka i to̱o̱sda̱n Sila twe̱e̱se̱in me. 18Iye̱ bo̱ kaa a̱n rein copa̱nc ri? Go̱t ha̱n ca̱: Daava̱n ta̱'m ba̱st kasi lalko, a̱m ba̱s o m'ho̱so̱, ma em ta̱m a'yomk a̱n ke̱e̱da̱n lo na copt a̱m da.
19Go̱t ge̱ a̱m za coka̱v noc da, puti a tan na, a̱m vaakska hid ri coka̱v koowe̱. I bat ta̱'m sud a̱n san neta̱n hwe̱di baa d'gwa̱a̱ma̱. 20Baa Yahude̱n ne̱, a̱m sootk ho̱d k'Yahude̱, bat ta̱'m san Yahude̱n baa d'gwa̱a̱ma̱. Baa an reina̱n gabma̱n giiras Mosa, a̱m sootk ho̱d kan gabma̱n giiras Mosa. Go̱t ge̱ za mi kan gabma̱n giiras Mosa da, bat ta̱'m san na̱ baa d'gwa̱a̱ma̱.
21Baa an zain ta gab giiras Mosa da, a̱m sootk ho̱d kan zain tu gab giiras Mosa da. (Giiras Na'Sil ta ka̱lt la m da. Giiras Ka̱risti ci ta̱m m'we̱s baa ri.) I bat ta̱'m san na̱ baa d'gwa̱a̱ma̱. 22Baa an zattin m'we̱s da, a̱m sootk ho̱d kan zattin m'we̱s da, bat ta̱'m san na̱ baa d'gwa̱a̱ma̱. A̱m emka̱lk c'rihi s'goo-s'goo baa neta̱n kwe̱. I bat ho̱da̱na̱n ti emata kwe̱, a̱m san ahyan a kum d'gwa̱a̱ma̱. 23A̱m emka̱lk rihica̱ ha̱n kwe̱ rema̱n a̱m guba̱sta̱ kasi lalko. Bat ta̱'m kum u'yob baan pusun ba̱sda̱n kasi lalko.
24Nap na az i neta̱n hwe̱di a̱n rein ta em baaku s'kwe̱e̱ve̱. Kan algin la hyan u baak m'caa, i unwa a̱n tu kab u'gamba. Nwaa ta̱ma̱, som na hwe̱di, bat ta̱n alg a̱n kab u'gamba. 25An baaku s'kwe̱e̱v el ta vetasa ho̱o̱sa̱m nu'we̱de̱ a kaams ta̱m hid na̱ rema̱n a kumt gambauna̱n rein tu naa. Cinna la, i un zain tu naa da cakk. 26Rema̱n taanlo, a̱m za ta̱'m som kwe̱e̱vsa̱n ka̱ka̱l da. A ta̱'m se̱e̱ ta̱m ma̱dca̱n ka̱ka̱l da. 27A̱m el ta̱'m kaams we̱du ri, a̱m de̱l o na̱m'coko. Rema̱n ai soot la az a̱m emaka ahyan ba̱sda̱n kasi lalko, a̱n d'be̱se̱ kaa mi a̱n hid ri, Sila ze az a̱m ta hwenna kaba̱m nu'gamba da.
Currently Selected:
1 An Korinti 9: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
1 An Korinti 9
9
Yomka k'Comte
1Za u bateskei a̱m rein ho̱d koowe̱ da? Za mi k'comta̱v Ye̱so da? A̱m ta he̱n ha̱n Ye̱so Ka̱risti, Kan Go̱mca̱n Kooye̱ da? Za nwaa ho a̱m kumma̱in rema̱n yomka na m emain Kan Go̱mca̱n Kooye̱ da? 2Awaz a̱m za k'comta̱v Ye̱so baa ahyan da, ke̱ng i mi k'comta̱v ru baa no. I nwaa a̱n rein napeca̱n ca̱n kwesa az i mi k'comta̱v Kan Go̱mca̱n Kooye̱.
3Go̱t ha̱n rina̱n m rein ta̱'m se̱s an rein ta ipk a̱m ipksa̱n cau-d'wa̱a̱. 4I ta ge̱be̱se̱ na ryaaksa co rema̱n yomka co da? 5C zatta-zatta d'ke̱e̱ c baal a netan con a s'gaba, ho̱da̱na̱n comta̱nc hyan a ha̱n Kan Go̱mca̱n Kooye̱n a Bitrus a̱n emtin da? 6Alla bo̱ kaa, i cwan c Barnabas c'taa a̱n ca̱n em a'yomk rem c ryaaksta hid co? 7Iwe̱ a̱n tu em yomka k'kool u vaak u'cop ta̱m hid ru? Iwe̱ a̱n tu gwaa belu s'ce na hol o ryaama̱n rina̱n ces matine? Iwe̱ a̱n tu em go̱teca̱n naama̱n un zain a̱n so̱o̱ yonm na̱ da?
8A̱m vat-vat rihica̱ ha̱n rema̱n he̱nu neta̱nrima? I za a'ge̱n a̱nmin giiras Mosa taanl da? 9Giiras Mosa zeka, “Av twe̱pe̱ la jank va̱n zwega̱n hii k'laba da.” I ryaakc jank bo̱ kaa a̱n gagin A'Sil d'hi c'taa?#9:9 Go̱t ta̱m: Ggdk 25:4; 1Tim 5:18. 10A ta vat-vat taanl rem cinna da? I rem cinna a̱n na ge̱ntin ri hna. A vat-vat taanl bat kanugo̱v a ka d'biin ta sak u'con a̱n rina̱n na kargsain nu'bela. 11Ac gwaatin goo i d'hora̱m a̱n de̱bc no, an se̱e̱te̱ co, i naake? 12Awaz comta̱nc hyan ci d'ke̱e̱ a kum d'se̱e̱te̱ baa no, i ta ge̱be̱se̱ c hat na̱ da?
Puti a tan na, ca em a'yomk a̱n ke̱e̱da̱n lon da. C gagk la c'de̱b a̱n c'rihi kwe̱, rema̱n ac hol la kasi lalk Ka̱risti ryaaka̱n hwic da. 13A̱n ta nap az a na'yomk a̱n buuk Na'Sila̱, az i a̱nl a̱n ta kum ryaakc na̱ da? A na'yomk ta̱m va̱na̱n na rein nan ema A'Sil sako, i a̱nl a̱n ta kum yobu na̱ baan rina̱n na sakine. 14I ho̱da̱n lo bo̱ ta̱m a̱n Kan Go̱mca̱n Kooye̱ zetine, az an ba̱sda̱n kasi lalko, ta kum rihica̱ c'nocurimu baan yomkan ba̱sda̱n kasi lalko.
15A̱m ta em la a'yomk a̱n ke̱e̱da̱ ha̱n da. A̱m ta ge̱nvo no ta̱m rem a̱m de̱lt no a̱n taka ema m ri rihica̱n lo a̱nta̱ma̱ da. I pitiki m a̱m wa̱a̱, a̱nda noc hol a̱m ka̱ndica̱n az a̱m ba̱sk kasi lalk m'ho̱so̱. 16Am retina̱n ba̱sda̱n kasi lalko, za ri c'ka̱ndi da, i to̱o̱sdan Sila twe̱e̱se̱in me. I naak me awaz a̱m ta ba̱s kasi lalk da. 17Awaz be̱ a̱m la-la a̱n yomkan ba̱sda̱n kasi lalk a̱n to̱nu ri, nan cop be̱ me. Am ta em la a̱n to̱nu ri da, i kwesaka i to̱o̱sda̱n Sila twe̱e̱se̱in me. 18Iye̱ bo̱ kaa a̱n rein copa̱nc ri? Go̱t ha̱n ca̱: Daava̱n ta̱'m ba̱st kasi lalko, a̱m ba̱s o m'ho̱so̱, ma em ta̱m a'yomk a̱n ke̱e̱da̱n lo na copt a̱m da.
19Go̱t ge̱ a̱m za coka̱v noc da, puti a tan na, a̱m vaakska hid ri coka̱v koowe̱. I bat ta̱'m sud a̱n san neta̱n hwe̱di baa d'gwa̱a̱ma̱. 20Baa Yahude̱n ne̱, a̱m sootk ho̱d k'Yahude̱, bat ta̱'m san Yahude̱n baa d'gwa̱a̱ma̱. Baa an reina̱n gabma̱n giiras Mosa, a̱m sootk ho̱d kan gabma̱n giiras Mosa. Go̱t ge̱ za mi kan gabma̱n giiras Mosa da, bat ta̱'m san na̱ baa d'gwa̱a̱ma̱.
21Baa an zain ta gab giiras Mosa da, a̱m sootk ho̱d kan zain tu gab giiras Mosa da. (Giiras Na'Sil ta ka̱lt la m da. Giiras Ka̱risti ci ta̱m m'we̱s baa ri.) I bat ta̱'m san na̱ baa d'gwa̱a̱ma̱. 22Baa an zattin m'we̱s da, a̱m sootk ho̱d kan zattin m'we̱s da, bat ta̱'m san na̱ baa d'gwa̱a̱ma̱. A̱m emka̱lk c'rihi s'goo-s'goo baa neta̱n kwe̱. I bat ho̱da̱na̱n ti emata kwe̱, a̱m san ahyan a kum d'gwa̱a̱ma̱. 23A̱m emka̱lk rihica̱ ha̱n kwe̱ rema̱n a̱m guba̱sta̱ kasi lalko. Bat ta̱'m kum u'yob baan pusun ba̱sda̱n kasi lalko.
24Nap na az i neta̱n hwe̱di a̱n rein ta em baaku s'kwe̱e̱ve̱. Kan algin la hyan u baak m'caa, i unwa a̱n tu kab u'gamba. Nwaa ta̱ma̱, som na hwe̱di, bat ta̱n alg a̱n kab u'gamba. 25An baaku s'kwe̱e̱v el ta vetasa ho̱o̱sa̱m nu'we̱de̱ a kaams ta̱m hid na̱ rema̱n a kumt gambauna̱n rein tu naa. Cinna la, i un zain tu naa da cakk. 26Rema̱n taanlo, a̱m za ta̱'m som kwe̱e̱vsa̱n ka̱ka̱l da. A ta̱'m se̱e̱ ta̱m ma̱dca̱n ka̱ka̱l da. 27A̱m el ta̱'m kaams we̱du ri, a̱m de̱l o na̱m'coko. Rema̱n ai soot la az a̱m emaka ahyan ba̱sda̱n kasi lalko, a̱n d'be̱se̱ kaa mi a̱n hid ri, Sila ze az a̱m ta hwenna kaba̱m nu'gamba da.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019