1 An Korinti 7
7
C'Ga̱i
1Lag kaa a̱m tana da̱n rihica̱n a̱n ge̱nve̱in me. I rihi i kasi a noc gaa la da. 2Puti a tan la, rema̱n kwe̱e̱vsa̱ d'o̱mo̱, lag koowe̱ gaa. 3Lag kooye̱ a̱ra̱mwa ema netav ru rina̱n i ge̱be̱se̱in u em a̱n c'ga̱i, neta ema ta̱m a̱ra̱m tan. 4Neta zatta go̱mca̱n we̱du ru da, i wa̱ru a̱n ciini. I ho̱da̱n lo bo̱ ta̱ma̱, a̱ra̱m zatta go̱mca̱n we̱du ru da, i netav ru a̱n ciini. 5An hol la hid no da, a za an se̱e̱pk a̱n kink v'daa rema̱n a̱n cepkt da. A daava̱n lo to̱o̱ la, a̱n vaak d'baa d'da̱n, rema̱n a A̱krimu kum la d'ke̱e̱ u ke̱ta̱mse̱ no rema̱n kalkma̱n bo̱pa̱m nu'we̱d da.
6A̱m vat-vat taanlo za az i giira da, i lansa m biin no. 7Awaz i na̱ m ri, ta̱'m to̱n be̱ az neta̱n soot kwe̱ ho̱d ri. Koowe̱ ci la goon ho̱sma̱nma̱n Sila ne̱in o.
8An ta gain la ba̱na̱ da a bomsa̱n ne, a̱m el a̱n zem na̱ az i rihi i kasi a soot ho̱d ri, a zatta c'ga̱i da. 9Awaz la a ta la̱a̱ a̱n kaams hid na̱ da, lag a gaa. A̱m vat-vat taanl rema̱n i pa̱tk a̱n d'ke̱m noc gaa rema̱n au toks la de̱bc ru a̱n to̱na̱m c'ga̱i da.
10An baasin la a gaaka, go̱t na giira, za la mi a̱n kain o da, i Kan Go̱mca̱n Kooye̱. A neta rwa̱a̱ la c'ga̱i da cakk. 11A neta rwa̱a̱ la c'ga̱i, au gaa la ta̱m da cakk. Ai ta ema o taanlo da, u vaak a se̱e̱p a wa̱ru nu. I taanl ta̱m a̱rma̱, au kuz la netav ru da cakk.
12Nwaa an kusin ta̱ma̱, a̱m zeka no, i mi a̱n zein no, za Kan Go̱mca̱n Kooye̱ da. Awaz ka s'gab ci netauna̱n zain ka s'gab da, neta to̱nk la sooca̱d c'ga̱i a unwa na, au kuz la o da cakk. 13Neta ta̱m un ciin a̱rmuna̱n zain a̱n s'gab da, a̱rmune to̱nk la sooca̱d c'ga̱i a unwa na, au ha̱l la o da cakk.
14A̱m vat-vat taanlo, rema̱n a̱ra̱m kan zain a̱n s'gab da, u kumk na hwe̱le̱ke̱ o rihica̱ d'reb rema̱n netav ru. Taanl ta̱m a̱n neta kan zain ka s'gab da, u kumk na hwe̱le̱ke̱ o rihica̱ d'reb rema̱n a̱rma̱v ru un rein ka s'gaba. A za taanl be̱ da, aka̱n no ta soot a c'ko̱pto̱ no̱. Go̱t la ho̱da̱na̱n rihic retine, a zatta ri d'reb da.
15Awaz la kan zain a̱n s'gab da ha̱lk ga̱ic ne, lag na o u to̱o̱. Na butk ka s'gaba, neta alla a̱rma̱, hwenva̱ c'ga̱i. Sila po̱g-po̱g na na emt sooca̱d kasi. 16I ho̱da̱npe̱ a̱n ta̱'v napte, vo neta ka s'gaba, az za vo a̱n ta̱'v gwa̱a̱ wa̱ra̱v da? Alla vo a̱ra̱m ka s'gaba, i ho̱da̱npe̱ a̱n ta̱'v napt az za vo a̱n ta̱'v gwa̱a̱ netav rov da?
Koowe̱ es va̱n Sila gigin o
17Koowe̱ soot va̱na̱n Kan Go̱mca̱n Kooye̱ gigin o. Koowe̱ es ta̱m va̱na̱n Sila po̱gin o baa s'gaba. I rina̱n m rein bo̱ ta̱'m ze a s'gab koope̱ az a ema. 18Sila po̱gk ahyan baa no a̱n s'gab a s'ged na. Lag a soot a geds na̱-na̱. Sila po̱gk ahyan baa no a zatta s'ged da, lag a soot taanlo. 19Geds za rihi da. Robamda̱ s'ged ta soot ta̱m rihi da. I gabma̱n giiras Na'Sil a̱n rein rihi.
20Ho̱da̱na̱n noc latin ai Sila po̱gt o, lag u soot taanlo. 21I vo cok daava̱n Sila po̱gto̱in v a̱n s'gabe? Av wass la a cokma̱n lon da. Av kum la ke̱e̱da̱n rwa̱a̱ma̱n coka̱m ne, em a'yomk a̱n ke̱e̱d ne, a̱v rwa̱a̱. 22Koowe̱ a̱n Kan Go̱mca̱n Kooye̱ po̱gin u el coko, u za cok baa Kan Go̱mca̱n Kooye̱ da. I ho̱da̱n lo bo̱ ta̱m kan Sila po̱gin u za cok da, i unwa coka̱v Ka̱risti. 23Ye̱so waak no u copka. An soot la coka̱n neta̱nrima da. 24Hyaaren a s'gaba. Ho̱da̱na̱n noc latin ai Sila po̱gt o, lag u soot taanl a̱n gabs Na'Sila̱.
An ta gain da a bomsne
25Lalkun an ta takin la a gaak c'ga̱i da, a̱m zatta giira lanma̱n baa Kan Go̱mca̱n Kooye̱ da. Ta̱'m ged la lalk ho̱d nocuna̱n Kan Go̱mca̱n Kooye̱ emain d'kwisi. A̱m cek na hwenga me.
26A̱n he̱nu ri, i rihi kasi noc soot ho̱da̱na̱n u retine, rema̱n kobda̱n daava̱n na retine. 27A̱v gaake? Av kuz la da. A̱v ta gaa da? Av gaa la da. 28Av gaa la, a̱v ta ko̱t da. Netauna̱n na gain da, a na gaa o, u ta ko̱t da. Nap na la az an gain ci o̱so̱mo̱da̱ c'buu. A̱m to̱nk a̱m e̱le̱se̱ no da̱nda.
29Rina̱n m rein nu'zeu hyaarene, i a̱m to̱nk az a̱n nap az daav kalka. Lanma̱n ta̱ma̱, an ciin netana, a soot ho̱d an zattin netan da. 30An reina̱n s'o̱n, a em ho̱d an zain a̱n s'o̱n da. An reina̱n c'za̱ngkta̱, a em ho̱d an zain a̱n c'za̱ngkta̱ da. An wellin c'rihi, a em ho̱d an zattin rihi da. 31An rein na'yomk a̱n rihica̱n copun yanda̱hna, aa sav la c'de̱b baan ca̱nca da. Rema̱n copun yanda̱ha̱n ho̱da̱na̱n u retin a̱nta̱ma̱, a wa to̱o̱-to̱o̱.
32A̱m ta to̱n la rihi gag no d'hi da. Kan ta gain da, i baan rihic Kan Go̱mca̱n Kooye̱ a̱n tu sav c'de̱b kwe̱. Ho̱da̱na̱n tu emt u pusa̱sta̱ Kan Go̱mca̱n Kooye̱ c'de̱be̱. 33Kan gain la ba̱ru, tu de̱l c'de̱b baan rihica̱n copun yanda̱hna. Ho̱da̱na̱n tu emt u pusa̱sta̱ netav ru c'de̱be̱. 34De̱bc el ca̱n wank o. Waa'wanta a netauna̱n zattin c'ga̱i da, ta de̱l c'de̱b a̱n yomka Kan Go̱mca̱n Kooye̱. To̱nc na̱, i a soot an zattin ri d'reb da baa Kan Go̱mca̱n Kooye̱ nu'we̱d a d'hora̱m no. Netav c'ga̱i la ba̱ru, u el tu sav c'de̱b baan rihica̱n copun yanda̱hna. Ho̱da̱na̱n tu pusa̱sta̱ wa̱ru c'de̱be̱.
35A̱m vat-vat rihica̱ ha̱n i se̱e̱tte̱ no. Za rema̱n a̱m gedgt no da. I rema̱n a̱n emt nocurimuc kasi. A̱n sav ta̱m de̱bc no kwe̱ baa Kan Go̱mca̱n Kooye̱. 36A noc maak waa'wanta, waa'wantaune gubk la c'ga̱i. U he̱nk la az de̱bc el a̱n hoba̱n ka̱la̱nna̱m ru u em rina̱n ta hwennain da. U el la ta̱m a̱n to̱na̱m ru, lag a gaa. Za d'ko̱t da.
37Koowe̱ la a̱n esasain a̱n de̱bc ru, az u ta to̱n u gaa da. U he̱nk ta̱m az tu la̱a̱ kaamsma̱n hid ru. U esaska ta̱m taanl a̱n de̱bc ru az a tu gaa da, u emk i kasi. 38Rema̱n taanlo, kan gain waa'wantauna̱n u maakine, u emk i kasi. Kan kuzin la waa'wantauna̱n u maakine, u hatk na̱m'em i kasi.
39Neta ci hwenva̱ c'ga̱i a wa̱ru ta wa̱a̱ da. A wa̱ru wa̱a̱ la, tu la̱a̱ a̱n gaa koowe̱ u to̱nine. I ke̱ng la nocun lo soot ka s'gaba. 40A̱n he̱nu ri, tu pa̱t a̱n pusuu c'de̱b au ta gaa da. A̱n he̱nu ri, Hora̱md Na'Sil el a̱n gabta̱m ri.
Currently Selected:
1 An Korinti 7: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
1 An Korinti 7
7
C'Ga̱i
1Lag kaa a̱m tana da̱n rihica̱n a̱n ge̱nve̱in me. I rihi i kasi a noc gaa la da. 2Puti a tan la, rema̱n kwe̱e̱vsa̱ d'o̱mo̱, lag koowe̱ gaa. 3Lag kooye̱ a̱ra̱mwa ema netav ru rina̱n i ge̱be̱se̱in u em a̱n c'ga̱i, neta ema ta̱m a̱ra̱m tan. 4Neta zatta go̱mca̱n we̱du ru da, i wa̱ru a̱n ciini. I ho̱da̱n lo bo̱ ta̱ma̱, a̱ra̱m zatta go̱mca̱n we̱du ru da, i netav ru a̱n ciini. 5An hol la hid no da, a za an se̱e̱pk a̱n kink v'daa rema̱n a̱n cepkt da. A daava̱n lo to̱o̱ la, a̱n vaak d'baa d'da̱n, rema̱n a A̱krimu kum la d'ke̱e̱ u ke̱ta̱mse̱ no rema̱n kalkma̱n bo̱pa̱m nu'we̱d da.
6A̱m vat-vat taanlo za az i giira da, i lansa m biin no. 7Awaz i na̱ m ri, ta̱'m to̱n be̱ az neta̱n soot kwe̱ ho̱d ri. Koowe̱ ci la goon ho̱sma̱nma̱n Sila ne̱in o.
8An ta gain la ba̱na̱ da a bomsa̱n ne, a̱m el a̱n zem na̱ az i rihi i kasi a soot ho̱d ri, a zatta c'ga̱i da. 9Awaz la a ta la̱a̱ a̱n kaams hid na̱ da, lag a gaa. A̱m vat-vat taanl rema̱n i pa̱tk a̱n d'ke̱m noc gaa rema̱n au toks la de̱bc ru a̱n to̱na̱m c'ga̱i da.
10An baasin la a gaaka, go̱t na giira, za la mi a̱n kain o da, i Kan Go̱mca̱n Kooye̱. A neta rwa̱a̱ la c'ga̱i da cakk. 11A neta rwa̱a̱ la c'ga̱i, au gaa la ta̱m da cakk. Ai ta ema o taanlo da, u vaak a se̱e̱p a wa̱ru nu. I taanl ta̱m a̱rma̱, au kuz la netav ru da cakk.
12Nwaa an kusin ta̱ma̱, a̱m zeka no, i mi a̱n zein no, za Kan Go̱mca̱n Kooye̱ da. Awaz ka s'gab ci netauna̱n zain ka s'gab da, neta to̱nk la sooca̱d c'ga̱i a unwa na, au kuz la o da cakk. 13Neta ta̱m un ciin a̱rmuna̱n zain a̱n s'gab da, a̱rmune to̱nk la sooca̱d c'ga̱i a unwa na, au ha̱l la o da cakk.
14A̱m vat-vat taanlo, rema̱n a̱ra̱m kan zain a̱n s'gab da, u kumk na hwe̱le̱ke̱ o rihica̱ d'reb rema̱n netav ru. Taanl ta̱m a̱n neta kan zain ka s'gab da, u kumk na hwe̱le̱ke̱ o rihica̱ d'reb rema̱n a̱rma̱v ru un rein ka s'gaba. A za taanl be̱ da, aka̱n no ta soot a c'ko̱pto̱ no̱. Go̱t la ho̱da̱na̱n rihic retine, a zatta ri d'reb da.
15Awaz la kan zain a̱n s'gab da ha̱lk ga̱ic ne, lag na o u to̱o̱. Na butk ka s'gaba, neta alla a̱rma̱, hwenva̱ c'ga̱i. Sila po̱g-po̱g na na emt sooca̱d kasi. 16I ho̱da̱npe̱ a̱n ta̱'v napte, vo neta ka s'gaba, az za vo a̱n ta̱'v gwa̱a̱ wa̱ra̱v da? Alla vo a̱ra̱m ka s'gaba, i ho̱da̱npe̱ a̱n ta̱'v napt az za vo a̱n ta̱'v gwa̱a̱ netav rov da?
Koowe̱ es va̱n Sila gigin o
17Koowe̱ soot va̱na̱n Kan Go̱mca̱n Kooye̱ gigin o. Koowe̱ es ta̱m va̱na̱n Sila po̱gin o baa s'gaba. I rina̱n m rein bo̱ ta̱'m ze a s'gab koope̱ az a ema. 18Sila po̱gk ahyan baa no a̱n s'gab a s'ged na. Lag a soot a geds na̱-na̱. Sila po̱gk ahyan baa no a zatta s'ged da, lag a soot taanlo. 19Geds za rihi da. Robamda̱ s'ged ta soot ta̱m rihi da. I gabma̱n giiras Na'Sil a̱n rein rihi.
20Ho̱da̱na̱n noc latin ai Sila po̱gt o, lag u soot taanlo. 21I vo cok daava̱n Sila po̱gto̱in v a̱n s'gabe? Av wass la a cokma̱n lon da. Av kum la ke̱e̱da̱n rwa̱a̱ma̱n coka̱m ne, em a'yomk a̱n ke̱e̱d ne, a̱v rwa̱a̱. 22Koowe̱ a̱n Kan Go̱mca̱n Kooye̱ po̱gin u el coko, u za cok baa Kan Go̱mca̱n Kooye̱ da. I ho̱da̱n lo bo̱ ta̱m kan Sila po̱gin u za cok da, i unwa coka̱v Ka̱risti. 23Ye̱so waak no u copka. An soot la coka̱n neta̱nrima da. 24Hyaaren a s'gaba. Ho̱da̱na̱n noc latin ai Sila po̱gt o, lag u soot taanl a̱n gabs Na'Sila̱.
An ta gain da a bomsne
25Lalkun an ta takin la a gaak c'ga̱i da, a̱m zatta giira lanma̱n baa Kan Go̱mca̱n Kooye̱ da. Ta̱'m ged la lalk ho̱d nocuna̱n Kan Go̱mca̱n Kooye̱ emain d'kwisi. A̱m cek na hwenga me.
26A̱n he̱nu ri, i rihi kasi noc soot ho̱da̱na̱n u retine, rema̱n kobda̱n daava̱n na retine. 27A̱v gaake? Av kuz la da. A̱v ta gaa da? Av gaa la da. 28Av gaa la, a̱v ta ko̱t da. Netauna̱n na gain da, a na gaa o, u ta ko̱t da. Nap na la az an gain ci o̱so̱mo̱da̱ c'buu. A̱m to̱nk a̱m e̱le̱se̱ no da̱nda.
29Rina̱n m rein nu'zeu hyaarene, i a̱m to̱nk az a̱n nap az daav kalka. Lanma̱n ta̱ma̱, an ciin netana, a soot ho̱d an zattin netan da. 30An reina̱n s'o̱n, a em ho̱d an zain a̱n s'o̱n da. An reina̱n c'za̱ngkta̱, a em ho̱d an zain a̱n c'za̱ngkta̱ da. An wellin c'rihi, a em ho̱d an zattin rihi da. 31An rein na'yomk a̱n rihica̱n copun yanda̱hna, aa sav la c'de̱b baan ca̱nca da. Rema̱n copun yanda̱ha̱n ho̱da̱na̱n u retin a̱nta̱ma̱, a wa to̱o̱-to̱o̱.
32A̱m ta to̱n la rihi gag no d'hi da. Kan ta gain da, i baan rihic Kan Go̱mca̱n Kooye̱ a̱n tu sav c'de̱b kwe̱. Ho̱da̱na̱n tu emt u pusa̱sta̱ Kan Go̱mca̱n Kooye̱ c'de̱be̱. 33Kan gain la ba̱ru, tu de̱l c'de̱b baan rihica̱n copun yanda̱hna. Ho̱da̱na̱n tu emt u pusa̱sta̱ netav ru c'de̱be̱. 34De̱bc el ca̱n wank o. Waa'wanta a netauna̱n zattin c'ga̱i da, ta de̱l c'de̱b a̱n yomka Kan Go̱mca̱n Kooye̱. To̱nc na̱, i a soot an zattin ri d'reb da baa Kan Go̱mca̱n Kooye̱ nu'we̱d a d'hora̱m no. Netav c'ga̱i la ba̱ru, u el tu sav c'de̱b baan rihica̱n copun yanda̱hna. Ho̱da̱na̱n tu pusa̱sta̱ wa̱ru c'de̱be̱.
35A̱m vat-vat rihica̱ ha̱n i se̱e̱tte̱ no. Za rema̱n a̱m gedgt no da. I rema̱n a̱n emt nocurimuc kasi. A̱n sav ta̱m de̱bc no kwe̱ baa Kan Go̱mca̱n Kooye̱. 36A noc maak waa'wanta, waa'wantaune gubk la c'ga̱i. U he̱nk la az de̱bc el a̱n hoba̱n ka̱la̱nna̱m ru u em rina̱n ta hwennain da. U el la ta̱m a̱n to̱na̱m ru, lag a gaa. Za d'ko̱t da.
37Koowe̱ la a̱n esasain a̱n de̱bc ru, az u ta to̱n u gaa da. U he̱nk ta̱m az tu la̱a̱ kaamsma̱n hid ru. U esaska ta̱m taanl a̱n de̱bc ru az a tu gaa da, u emk i kasi. 38Rema̱n taanlo, kan gain waa'wantauna̱n u maakine, u emk i kasi. Kan kuzin la waa'wantauna̱n u maakine, u hatk na̱m'em i kasi.
39Neta ci hwenva̱ c'ga̱i a wa̱ru ta wa̱a̱ da. A wa̱ru wa̱a̱ la, tu la̱a̱ a̱n gaa koowe̱ u to̱nine. I ke̱ng la nocun lo soot ka s'gaba. 40A̱n he̱nu ri, tu pa̱t a̱n pusuu c'de̱b au ta gaa da. A̱n he̱nu ri, Hora̱md Na'Sil el a̱n gabta̱m ri.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019