1 An Korinti 14
14
Ho̱sma̱n vatma̱n com Na'Sila̱
1Ho̱da̱na̱n i taastin kwe̱, soot na an to̱nc netna. Em na ta̱m za̱ksa̱n a̱n kum we̱sma̱n emka̱lla̱m c'rihi ma̱n Hora̱mda̱n zattin ri d'reb da rein da̱n ne̱e̱. A̱n pa̱t kaa a̱n to̱nma̱n ho̱sma̱n vatma̱n com Na'Sila̱. 2Koowe̱ a̱n reina̱n damma̱n remca̱n rein a̱nz a'cona, za neta̱n u reina̱n emam s'lalk da, i A'Sila̱. Neta̱n a ta ke̱e̱se̱ la rina̱n u rein nu'vat da. I rihic ze̱sk cu rein nu'vat a̱nmi d'hormo.
3Koowe̱ la a̱n vatin com Na'Sila̱, i neta̱n u reina̱n emam s'lalk u setasta na̱ c'de̱be̱. U swiditi na̱ m'we̱se̱. U la̱ta̱sta̱ ta̱m na̱ c'de̱be̱. 4Koowe̱ a̱n damin remda̱n rein a̱nz na'cona, i hid ru c'taa u reina̱n swidima̱n we̱sma̱ s'gaba. Kan rein la tu vat com Na'Sila̱, i bugd a s'gab kwe̱ u reina̱n swidim m'we̱se̱.
5Ta̱'m to̱n be̱ az nwaa kwe̱ a̱n ci ho̱sma̱n damma̱ s'lalk a̱n remca̱n rein a̱nz a'cona. A̱m pa̱tk la na̱m'to̱n az a̱n vat com Na'Sila̱. Kan tu vat com Na'Sil so̱dk kan tu dam remca̱n rein a̱nz a'cona. A za u ba̱tkska̱ rina̱n u vatin bat tu swidi buga̱d a s'gab m'we̱s da. 6Hyaarene, am can no a̱n damma̱ remca̱n rein a̱nz a'cona, i ho̱da̱npe̱ a̱n ti swiditi no we̱sma̱ s'gaba? Am ve̱ce̱ la no rina̱n Sila kwesain me alla a̱m ne̱e̱ no s'napa alla a̱m ve̱ce̱ no com Na'Sila̱ alla ta̱m a̱m la̱a̱sa̱ no, za inya a̱n ti swidi no m'we̱s da?
7Baan rihica̱n zattin s'hob da ca̱n rein ca̱n em s'o̱n ho̱da̱n algeta a v'kudo̱ no̱. I ho̱da̱npe̱ a̱n nan napt az o̱nsa̱n rina̱n na rein nu'hulu, i algeta alla v'kudo̱, a za o̱ns sa̱ vodk da? 8A za o̱ns nu'kaar ruka̱ honhon da, iwe̱ a̱n tu walg hava̱m d'gaago? 9I ho̱da̱n lo bo̱ ta̱m i retin baa no. A za a̱n emk s'lalk a̱n gomca̱n neta̱n ta ke̱e̱se̱ da, i'le̱e̱le̱ a̱n nan napt rina̱n vatine? I ho̱rman ka̱ka̱l bo̱ a̱n retine. 10Lans za da, remc el s'goo-s'goo a̱nmin copun yanda̱hna. Remd za la da̱n na zain nan ke̱e̱se̱ da.
11Am ta ke̱e̱se̱ la rina̱n noc rein na̱m'vat da, ta̱'m soot k'hamc baa ru, unwa ta̱m k'hamc baa ri. 12I ho̱da̱n lo bo̱ i retin baa no. Ai retin a̱n el a̱n za̱ksa̱n a̱n kum we̱sma̱n emka̱lla̱m c'rihi ma̱n Hora̱mda̱n zattin ri d'reb da rein da̱n ne̱e̱, kon na A'Sil a ne̱e̱ no ho̱sma̱n ta̱m swidi a s'gab m'we̱se̱.
13Rema̱n taanlo, koowe̱ a̱n tu dam remda̱n rein a̱nz a'cona, lag u kon A'Sil a ne̱e̱ o napsa̱n ho̱da̱na̱n tu ba̱tksta̱ rina̱n u vatine. 14Am cepk a̱n remda̱n rein a̱nz a'cona, i hora̱md ri a̱n reina̱n s'cepko. A ti swidi la m rihi a̱n c'de̱b da. 15Iye̱ bo̱ kaa a̱n ma ema? Ta̱'m cepk a̱n d'hormo, a̱m cepk ta̱m a̱n de̱bc ri. Ta̱'m sep c'sep a̱n d'hormo, a̱m sep ta̱m a̱n de̱bc ri. 16Daava̱n ta̱'v lat a̱n bo̱mc Na'Sil a̱n d'hormo, i'le̱e̱le̱ a̱n an robin napsa̱n remd ne ta zeta, a̱nha̱a̱n? Rema̱n a̱v bo̱mk A'Sil a̱n remda̱n a ta ke̱e̱se̱in rina̱n v vatin da. 17Ti la̱a̱ a̱n soot az a̱v el a̱n bo̱mc Na'Sil i kasi, a̱v ta swidi la o we̱sa̱m s'gab da.
18A̱m bo̱mk A'Sil ai retin a̱m pa̱tk no kwe̱ a̱n damma̱ remca̱n a̱nz a'cona. 19Baan kargad a s'gab la, i pitiki m a̱m vat c'gom c'tan ca̱n nan ke̱e̱se̱, bat neta̱n ta la̱a̱s rihi. A̱nda a̱m vat c'gom s'kwe̱re̱ oopa a̱n remda̱n rein a̱nz a'cona.
20Hyaarene, lag na s'keka̱b ho̱d yaa'akna. Baa v'dumu, soot na an zattin v'dum da ho̱d yaa'akna. Baa s'nap la, soot na a hwenga. 21I el a'ge̱n a̱nmin lalks Na'Sila̱. Sa̱ zeka,
“Ta̱'m de̱l neta̱n an rein ta dam remc hyan a hamca̱n ta̱ma̱,
a ema neta̱n ri s'lalko.
Puti a tan na, neta̱n ri a ta ge̱ne̱ m u'con da.”
I Kan Go̱mca̱n Kooye̱ a̱n vatin tan.#14:21 Go̱t ta̱m: Isa 28:11-12.
22Rema̱n taanlo, damma̱n remca̱n rein a̱nz a'cona, i d'saa. Za rema̱n a s'gab da, i rema̱n an zain a̱n s'gab da. Vatma̱n com Na'Sil la ba̱ru, i a s'gab a̱n ti se̱e̱te̱, za an zain a̱n s'gab da.
23Awaz bugd a s'gab meraka d'baa d'da̱n, koowe̱ laluz a̱n damma̱n remca̱n rein a̱nz a'cona. I ziba̱ kaa an ta ke̱e̱se̱in da alla an zain a̱n s'gab da uvka̱, a ta ze bo̱ az naam vosk no da? 24Awaz la nwaa kwe̱ a̱n el a̱n vatma̱n com Na'Sila̱, kan zain a̱n s'gab da alla un ta ke̱e̱se̱in da uva̱zo, nwaa kwe̱ ta̱n de̱l de̱bc ru kwesa o az u ko̱tko̱. Nwaa ta̱m ti soot az rina̱n a̱n vatin kwe̱ gedaka o lalko. 25Nan a̱da̱sa̱ ta̱m rihica̱n rein a'ze̱s a̱nmin de̱bc ru kwe̱. Tu hyaa nu'copo, u ema A'Sil c'hwiipsa̱. U ba̱s ta̱m az, “Sila el baa no na̱m'ga̱u.”
Gabasam c'rihi i kasi
26Hyaarene, go̱t na rina̱n m to̱nin az a̱n napa. An karga, a noc ci u'sepa, uhyan lalks Na'Sil sa̱n tu la̱a̱sa̱ na. Uhyan ci com Na'Sila̱. Uhyan ci remda̱n a̱nz a'con da̱n tu dama alla uhyan ba̱tksa̱ma̱n lalko. Em na rihica̱ ha̱n kwe̱ rema̱n a̱n swiditi a s'gab m'we̱se̱.
27Awaz neta̱n ta dam remda̱n a̱nz a'cona, aa to̱o̱ la net ni'il alla i'ta̱a̱c da. A dam ta̱m v'da̱n-v'da̱n, na kum ta̱m kan tu ba̱tksa̱ rina̱n a vatine. 28Awaz la kan tu ba̱tksa̱ remd ne za a̱n a̱n'a da, lag a res te̱kk, a ve̱ce̱ hid na̱ s'lalk a A'Sil na̱. 29Lag na ta̱m an vatma̱n com Na'Sil i'il alla i'ta̱a̱c em s'lalko. Koowe̱ res te̱kk u kekk rina̱n a vatin a d'ke̱mne̱n ne̱. 30Awaz Sila kwesaka kan rein a'soot rihi, lag kan reina̱n s'lalk baa resa. 31Nwaa kwe̱ ta̱n la̱a̱ a̱n vat com Na'Sil v'da̱n-v'da̱n, bat neta̱n kwe̱ ta la̱a̱s rihi, i setasa na̱ c'de̱b baa s'gaba.
32Kan reina̱n vatma̱n com Na'Sila̱, u ci we̱sma̱n kaamsma̱n hora̱md ru. 33A'Sil za Silan hwasasa da, i Silan la̱ta̱sa̱m na c'de̱be̱. Ho̱da̱na̱n i retin baa kargad a s'gaba, 34lag netan res te̱kk baan kargad a s'gaba. Giiras Mosa ta ne̱e̱ na̱ d'ke̱e̱ a em s'lalk da, i a gan u'con a gaba. 35Awaz a ci ipku, lag a ipk wa̱ra na̱ nu'bu. I rihica̱ m'e̱n neta em s'lalk baan kargad a s'gaba.
36I baa no a̱n lalks Na'Sil takaine? I nwaa ta̱m c'taa a̱n hongin sa̱? 37A noc he̱n az u ci ho̱sma̱n vatma̱n com Na'Sila̱ alla u ci ho̱sa̱m hyan ma̱n Hora̱md Na'Sil ne̱in o, lag u kab az rina̱n m ge̱nve̱in no, i giira Kan Go̱mca̱n Kooye̱. 38Koowe̱ a̱n ta wassin a lalksa̱ ha̱nna̱n da, Sila a ta wass la a unwan da.
39Rema̱n taanlo hyaarene, koowe̱ em za̱ksa̱n ho̱sma̱n vatma̱n com Na'Sila̱. An hol la damma̱n remca̱n rein a'con da. 40Em na c'rihi kwe̱ ho̱da̱na̱n i ge̱be̱ste̱ine. A̱n se̱e̱pse̱ ta̱m ca̱ i kasi.
Currently Selected:
1 An Korinti 14: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
1 An Korinti 14
14
Ho̱sma̱n vatma̱n com Na'Sila̱
1Ho̱da̱na̱n i taastin kwe̱, soot na an to̱nc netna. Em na ta̱m za̱ksa̱n a̱n kum we̱sma̱n emka̱lla̱m c'rihi ma̱n Hora̱mda̱n zattin ri d'reb da rein da̱n ne̱e̱. A̱n pa̱t kaa a̱n to̱nma̱n ho̱sma̱n vatma̱n com Na'Sila̱. 2Koowe̱ a̱n reina̱n damma̱n remca̱n rein a̱nz a'cona, za neta̱n u reina̱n emam s'lalk da, i A'Sila̱. Neta̱n a ta ke̱e̱se̱ la rina̱n u rein nu'vat da. I rihic ze̱sk cu rein nu'vat a̱nmi d'hormo.
3Koowe̱ la a̱n vatin com Na'Sila̱, i neta̱n u reina̱n emam s'lalk u setasta na̱ c'de̱be̱. U swiditi na̱ m'we̱se̱. U la̱ta̱sta̱ ta̱m na̱ c'de̱be̱. 4Koowe̱ a̱n damin remda̱n rein a̱nz na'cona, i hid ru c'taa u reina̱n swidima̱n we̱sma̱ s'gaba. Kan rein la tu vat com Na'Sila̱, i bugd a s'gab kwe̱ u reina̱n swidim m'we̱se̱.
5Ta̱'m to̱n be̱ az nwaa kwe̱ a̱n ci ho̱sma̱n damma̱ s'lalk a̱n remca̱n rein a̱nz a'cona. A̱m pa̱tk la na̱m'to̱n az a̱n vat com Na'Sila̱. Kan tu vat com Na'Sil so̱dk kan tu dam remca̱n rein a̱nz a'cona. A za u ba̱tkska̱ rina̱n u vatin bat tu swidi buga̱d a s'gab m'we̱s da. 6Hyaarene, am can no a̱n damma̱ remca̱n rein a̱nz a'cona, i ho̱da̱npe̱ a̱n ti swiditi no we̱sma̱ s'gaba? Am ve̱ce̱ la no rina̱n Sila kwesain me alla a̱m ne̱e̱ no s'napa alla a̱m ve̱ce̱ no com Na'Sila̱ alla ta̱m a̱m la̱a̱sa̱ no, za inya a̱n ti swidi no m'we̱s da?
7Baan rihica̱n zattin s'hob da ca̱n rein ca̱n em s'o̱n ho̱da̱n algeta a v'kudo̱ no̱. I ho̱da̱npe̱ a̱n nan napt az o̱nsa̱n rina̱n na rein nu'hulu, i algeta alla v'kudo̱, a za o̱ns sa̱ vodk da? 8A za o̱ns nu'kaar ruka̱ honhon da, iwe̱ a̱n tu walg hava̱m d'gaago? 9I ho̱da̱n lo bo̱ ta̱m i retin baa no. A za a̱n emk s'lalk a̱n gomca̱n neta̱n ta ke̱e̱se̱ da, i'le̱e̱le̱ a̱n nan napt rina̱n vatine? I ho̱rman ka̱ka̱l bo̱ a̱n retine. 10Lans za da, remc el s'goo-s'goo a̱nmin copun yanda̱hna. Remd za la da̱n na zain nan ke̱e̱se̱ da.
11Am ta ke̱e̱se̱ la rina̱n noc rein na̱m'vat da, ta̱'m soot k'hamc baa ru, unwa ta̱m k'hamc baa ri. 12I ho̱da̱n lo bo̱ i retin baa no. Ai retin a̱n el a̱n za̱ksa̱n a̱n kum we̱sma̱n emka̱lla̱m c'rihi ma̱n Hora̱mda̱n zattin ri d'reb da rein da̱n ne̱e̱, kon na A'Sil a ne̱e̱ no ho̱sma̱n ta̱m swidi a s'gab m'we̱se̱.
13Rema̱n taanlo, koowe̱ a̱n tu dam remda̱n rein a̱nz a'cona, lag u kon A'Sil a ne̱e̱ o napsa̱n ho̱da̱na̱n tu ba̱tksta̱ rina̱n u vatine. 14Am cepk a̱n remda̱n rein a̱nz a'cona, i hora̱md ri a̱n reina̱n s'cepko. A ti swidi la m rihi a̱n c'de̱b da. 15Iye̱ bo̱ kaa a̱n ma ema? Ta̱'m cepk a̱n d'hormo, a̱m cepk ta̱m a̱n de̱bc ri. Ta̱'m sep c'sep a̱n d'hormo, a̱m sep ta̱m a̱n de̱bc ri. 16Daava̱n ta̱'v lat a̱n bo̱mc Na'Sil a̱n d'hormo, i'le̱e̱le̱ a̱n an robin napsa̱n remd ne ta zeta, a̱nha̱a̱n? Rema̱n a̱v bo̱mk A'Sil a̱n remda̱n a ta ke̱e̱se̱in rina̱n v vatin da. 17Ti la̱a̱ a̱n soot az a̱v el a̱n bo̱mc Na'Sil i kasi, a̱v ta swidi la o we̱sa̱m s'gab da.
18A̱m bo̱mk A'Sil ai retin a̱m pa̱tk no kwe̱ a̱n damma̱ remca̱n a̱nz a'cona. 19Baan kargad a s'gab la, i pitiki m a̱m vat c'gom c'tan ca̱n nan ke̱e̱se̱, bat neta̱n ta la̱a̱s rihi. A̱nda a̱m vat c'gom s'kwe̱re̱ oopa a̱n remda̱n rein a̱nz a'cona.
20Hyaarene, lag na s'keka̱b ho̱d yaa'akna. Baa v'dumu, soot na an zattin v'dum da ho̱d yaa'akna. Baa s'nap la, soot na a hwenga. 21I el a'ge̱n a̱nmin lalks Na'Sila̱. Sa̱ zeka,
“Ta̱'m de̱l neta̱n an rein ta dam remc hyan a hamca̱n ta̱ma̱,
a ema neta̱n ri s'lalko.
Puti a tan na, neta̱n ri a ta ge̱ne̱ m u'con da.”
I Kan Go̱mca̱n Kooye̱ a̱n vatin tan.#14:21 Go̱t ta̱m: Isa 28:11-12.
22Rema̱n taanlo, damma̱n remca̱n rein a̱nz a'cona, i d'saa. Za rema̱n a s'gab da, i rema̱n an zain a̱n s'gab da. Vatma̱n com Na'Sil la ba̱ru, i a s'gab a̱n ti se̱e̱te̱, za an zain a̱n s'gab da.
23Awaz bugd a s'gab meraka d'baa d'da̱n, koowe̱ laluz a̱n damma̱n remca̱n rein a̱nz a'cona. I ziba̱ kaa an ta ke̱e̱se̱in da alla an zain a̱n s'gab da uvka̱, a ta ze bo̱ az naam vosk no da? 24Awaz la nwaa kwe̱ a̱n el a̱n vatma̱n com Na'Sila̱, kan zain a̱n s'gab da alla un ta ke̱e̱se̱in da uva̱zo, nwaa kwe̱ ta̱n de̱l de̱bc ru kwesa o az u ko̱tko̱. Nwaa ta̱m ti soot az rina̱n a̱n vatin kwe̱ gedaka o lalko. 25Nan a̱da̱sa̱ ta̱m rihica̱n rein a'ze̱s a̱nmin de̱bc ru kwe̱. Tu hyaa nu'copo, u ema A'Sil c'hwiipsa̱. U ba̱s ta̱m az, “Sila el baa no na̱m'ga̱u.”
Gabasam c'rihi i kasi
26Hyaarene, go̱t na rina̱n m to̱nin az a̱n napa. An karga, a noc ci u'sepa, uhyan lalks Na'Sil sa̱n tu la̱a̱sa̱ na. Uhyan ci com Na'Sila̱. Uhyan ci remda̱n a̱nz a'con da̱n tu dama alla uhyan ba̱tksa̱ma̱n lalko. Em na rihica̱ ha̱n kwe̱ rema̱n a̱n swiditi a s'gab m'we̱se̱.
27Awaz neta̱n ta dam remda̱n a̱nz a'cona, aa to̱o̱ la net ni'il alla i'ta̱a̱c da. A dam ta̱m v'da̱n-v'da̱n, na kum ta̱m kan tu ba̱tksa̱ rina̱n a vatine. 28Awaz la kan tu ba̱tksa̱ remd ne za a̱n a̱n'a da, lag a res te̱kk, a ve̱ce̱ hid na̱ s'lalk a A'Sil na̱. 29Lag na ta̱m an vatma̱n com Na'Sil i'il alla i'ta̱a̱c em s'lalko. Koowe̱ res te̱kk u kekk rina̱n a vatin a d'ke̱mne̱n ne̱. 30Awaz Sila kwesaka kan rein a'soot rihi, lag kan reina̱n s'lalk baa resa. 31Nwaa kwe̱ ta̱n la̱a̱ a̱n vat com Na'Sil v'da̱n-v'da̱n, bat neta̱n kwe̱ ta la̱a̱s rihi, i setasa na̱ c'de̱b baa s'gaba.
32Kan reina̱n vatma̱n com Na'Sila̱, u ci we̱sma̱n kaamsma̱n hora̱md ru. 33A'Sil za Silan hwasasa da, i Silan la̱ta̱sa̱m na c'de̱be̱. Ho̱da̱na̱n i retin baa kargad a s'gaba, 34lag netan res te̱kk baan kargad a s'gaba. Giiras Mosa ta ne̱e̱ na̱ d'ke̱e̱ a em s'lalk da, i a gan u'con a gaba. 35Awaz a ci ipku, lag a ipk wa̱ra na̱ nu'bu. I rihica̱ m'e̱n neta em s'lalk baan kargad a s'gaba.
36I baa no a̱n lalks Na'Sil takaine? I nwaa ta̱m c'taa a̱n hongin sa̱? 37A noc he̱n az u ci ho̱sma̱n vatma̱n com Na'Sila̱ alla u ci ho̱sa̱m hyan ma̱n Hora̱md Na'Sil ne̱in o, lag u kab az rina̱n m ge̱nve̱in no, i giira Kan Go̱mca̱n Kooye̱. 38Koowe̱ a̱n ta wassin a lalksa̱ ha̱nna̱n da, Sila a ta wass la a unwan da.
39Rema̱n taanlo hyaarene, koowe̱ em za̱ksa̱n ho̱sma̱n vatma̱n com Na'Sila̱. An hol la damma̱n remca̱n rein a'con da. 40Em na c'rihi kwe̱ ho̱da̱na̱n i ge̱be̱ste̱ine. A̱n se̱e̱pse̱ ta̱m ca̱ i kasi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019