1 An Korinti 13
13
C'To̱no̱
1A to̱n a̱m dam remc neta̱n a remc comta̱nc Na'Sil na̱, a̱m zatta kaa to̱nc neta̱n da, a̱m el ho̱da̱n o̱ns nu'ko̱m alla o̱nsa̱ d'pama. 2A to̱n a̱m ci ho̱sma̱n vatma̱n com Na'Sila̱. A̱m ci ta̱m ho̱sma̱n napma̱n rihic ze̱sk ca̱n-ca̱n em a̱n hwic kwe̱ a ke̱e̱se̱m c'rihin kwe̱ ne̱. A to̱n ta̱'m a̱m vuga̱nna̱ c'se̱m rema̱n batma̱n ba̱ta̱d ri baa Na'Sila̱. Am zatta kaa to̱nc neta̱n da, a̱m za rihi da.#13:2 Go̱t ta̱m: Mat 17:20; 21:21; Mar 11:23. 3Awaz a̱m nesk kumu ri kwe̱ na we̱nke̱ kobnetna. Alla a̱m lag na dwaa we̱du ri. Am zatta kaa to̱nc neta̱n da, i ta swidi m rihi da.
4C'To̱n i gaga̱m c'de̱be̱. C'To̱n i emam neta̱n d'se̱e̱te̱. To̱nc za ca̱n em d'hyubu da. To̱nc zatta c'ka̱ndi da. To̱nc zatta lo̱ga̱m d'hi da. 5To̱nc zatta c'ela̱vso da. To̱nc zatta to̱nca̱ d'hi da. A ca̱n hwins a̱n d'ke̱m da. A ca̱n bo̱p noc a̱n c'de̱b da. 6To̱nc a ca̱n em pusuu c'de̱b rem v'dum da. Ca̱n em la c'za̱ngkta̱ a na em m'ga̱u. 7To̱nc el ca̱n de̱l na a̱n apa̱m k'de̱b a̱n c'rihi kwe̱. To̱nc el ca̱n de̱l na bat d'ba̱t a̱n c'rihi kwe̱. Ca̱n de̱l na sak u'con a̱n c'rihi kwe̱. Ca̱n de̱l na gag c'de̱b a̱n kooye̱ in kumin na.
8To̱nc zatta d'kwizi da. Vatma̱n com Na'Sil tu taa. Damin remca̱n rein a̱nz a'cona, nan lag ca̱. Naps sa̱n taa ta̱m kwe̱. 9Naps cinna i d'ta̱ka̱. Vatma̱n com Na'Sil cinna ta̱ma̱, i d'ta̱ka̱. 10Daava̱n rina̱n rein i'hik ti ceta, nan he̱ge̱se̱ rina̱n rein d'ta̱ka̱.
11Am latin a̱n c'waa, a̱m emk s'lalk ho̱d waarko. A̱m keka̱bk ho̱d waarko. A̱m go̱tk ta̱m c'rihi ho̱d waarko. Daava̱n a̱m gubtin la, a̱m lagk rihica̱ c'waarko. 12A̱nta̱ma̱, na el a̱n he̱na̱m hyo̱o̱m c'rihi ya̱bya̱b ho̱da̱n he̱nun mataka̱cik naake. A̱n d'hwen la, nan he̱nne a̱ngau. A̱n na nap c'rihi kwe̱ a̱nta̱ma̱ da. Kum la d'hwen, nan nap c'rihi kwe̱ ho̱da̱na̱n Sila naptin na.
13A̱nta̱ma̱, rihica̱ ha̱n c'ta̱a̱c ello. Bata̱m d'ba̱t baa Na'Sila̱, saka̱m nu'con a to̱nc neta̱n na. Rina̱n so̱din la kwe̱ baan rihica̱ hna, i c'to̱no̱.
Currently Selected:
1 An Korinti 13: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
1 An Korinti 13
13
C'To̱no̱
1A to̱n a̱m dam remc neta̱n a remc comta̱nc Na'Sil na̱, a̱m zatta kaa to̱nc neta̱n da, a̱m el ho̱da̱n o̱ns nu'ko̱m alla o̱nsa̱ d'pama. 2A to̱n a̱m ci ho̱sma̱n vatma̱n com Na'Sila̱. A̱m ci ta̱m ho̱sma̱n napma̱n rihic ze̱sk ca̱n-ca̱n em a̱n hwic kwe̱ a ke̱e̱se̱m c'rihin kwe̱ ne̱. A to̱n ta̱'m a̱m vuga̱nna̱ c'se̱m rema̱n batma̱n ba̱ta̱d ri baa Na'Sila̱. Am zatta kaa to̱nc neta̱n da, a̱m za rihi da.#13:2 Go̱t ta̱m: Mat 17:20; 21:21; Mar 11:23. 3Awaz a̱m nesk kumu ri kwe̱ na we̱nke̱ kobnetna. Alla a̱m lag na dwaa we̱du ri. Am zatta kaa to̱nc neta̱n da, i ta swidi m rihi da.
4C'To̱n i gaga̱m c'de̱be̱. C'To̱n i emam neta̱n d'se̱e̱te̱. To̱nc za ca̱n em d'hyubu da. To̱nc zatta c'ka̱ndi da. To̱nc zatta lo̱ga̱m d'hi da. 5To̱nc zatta c'ela̱vso da. To̱nc zatta to̱nca̱ d'hi da. A ca̱n hwins a̱n d'ke̱m da. A ca̱n bo̱p noc a̱n c'de̱b da. 6To̱nc a ca̱n em pusuu c'de̱b rem v'dum da. Ca̱n em la c'za̱ngkta̱ a na em m'ga̱u. 7To̱nc el ca̱n de̱l na a̱n apa̱m k'de̱b a̱n c'rihi kwe̱. To̱nc el ca̱n de̱l na bat d'ba̱t a̱n c'rihi kwe̱. Ca̱n de̱l na sak u'con a̱n c'rihi kwe̱. Ca̱n de̱l na gag c'de̱b a̱n kooye̱ in kumin na.
8To̱nc zatta d'kwizi da. Vatma̱n com Na'Sil tu taa. Damin remca̱n rein a̱nz a'cona, nan lag ca̱. Naps sa̱n taa ta̱m kwe̱. 9Naps cinna i d'ta̱ka̱. Vatma̱n com Na'Sil cinna ta̱ma̱, i d'ta̱ka̱. 10Daava̱n rina̱n rein i'hik ti ceta, nan he̱ge̱se̱ rina̱n rein d'ta̱ka̱.
11Am latin a̱n c'waa, a̱m emk s'lalk ho̱d waarko. A̱m keka̱bk ho̱d waarko. A̱m go̱tk ta̱m c'rihi ho̱d waarko. Daava̱n a̱m gubtin la, a̱m lagk rihica̱ c'waarko. 12A̱nta̱ma̱, na el a̱n he̱na̱m hyo̱o̱m c'rihi ya̱bya̱b ho̱da̱n he̱nun mataka̱cik naake. A̱n d'hwen la, nan he̱nne a̱ngau. A̱n na nap c'rihi kwe̱ a̱nta̱ma̱ da. Kum la d'hwen, nan nap c'rihi kwe̱ ho̱da̱na̱n Sila naptin na.
13A̱nta̱ma̱, rihica̱ ha̱n c'ta̱a̱c ello. Bata̱m d'ba̱t baa Na'Sila̱, saka̱m nu'con a to̱nc neta̱n na. Rina̱n so̱din la kwe̱ baan rihica̱ hna, i c'to̱no̱.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019