1 An Korinti 12
12
Ho̱sma̱n we̱sma̱n Na'Sila̱
1Hyaarene, rina̱n tanin la ho̱sma̱n we̱sma̱n emka̱lla̱m c'rihi ma̱n Hora̱mda̱n zattin ri d'reb da rein da̱n ne̱e̱, a̱m ta to̱n a̱n soot ni'cumunkun da. 2A̱n napk az daava̱n a̱n ta latina̱n s'gab da, neta̱n gabk s'le̱v s'goo-s'goo a palka̱lk no. A cetk no a̱n baaca̱n cepko, ca̱n zain ca̱n iga̱m da. 3Lag a̱m ve̱ce̱te̱ no. Noc za un tu em s'lalk a̱n we̱sa̱m Hora̱md Na'Sil un tu ze, “Sila emaka Ye̱so s'nwa̱a̱ da.” Noc za ta̱m un tu ze, “Ye̱so i Kan Go̱mca̱n Kooye̱ da,” a za a̱n we̱sma̱n Hora̱mda̱n zattin ri d'reb da.
4We̱sma̱n emka̱lla̱m c'rihi el s'goo-s'goo. Hora̱mda̱n zattin ri d'reb da la, i d'da̱n. 5Yomkanan nan ema A'Sil el s'goo-s'goo, go̱t la i Kan Go̱mca̱n Kooye̱ uda̱nka̱. 6Le̱vsa̱n emam Na'Sil a'yomk el ta̱m s'goo-s'goo. I A'Sil a'da̱nka̱ la a̱n reina̱n ne̱e̱m neta̱n kwe̱ we̱sma̱n emka̱lla̱m yomks ne. 7Na el nan he̱n we̱sma̱n Hora̱md Na'Sil baa koowe̱ rema̱n ryaaka̱n hwic a s'gab kwe̱. 8Uhyan na ne̱e̱k o s'ver rema̱n we̱sma̱n Hora̱md Na'Sila̱. Uhyan la Hora̱mda̱n lo ge̱, ne̱e̱k o s'napa.
9Hora̱mda̱n lo ge̱ ta̱m a̱n ne̱in uhyan bata̱m d'ba̱t baa Na'Sil hwe̱di d'kala. Da̱nda ta̱m a̱n ne̱in uhyan we̱sma̱n taasa̱m s'malse. 10Hora̱mda̱n lo ne̱e̱k ta̱m uhyan we̱sma̱n emma̱n rihica̱ c'he̱te̱. Uhyan we̱sma̱n vatma̱n com Na'Sila̱. Uhyan ka̱a̱ka̱nsim hora̱md kasi a da̱ naaka̱n ne. U ne̱e̱k ta̱m uhyan la̱a̱ma̱n damma̱n remca̱n rein a̱nz a'con s'goo-s'goo. Uhyan ta̱m ba̱tksa̱ma̱n remca̱n rein a̱nz a'cona. 11Ho̱sma̱ ha̱n kwe̱, i lanma̱n Hora̱md Na'Sila̱. Da̱ we̱nkke̱ ta̱m koowe̱ ho̱da̱na̱n a̱d to̱ntine.
U'We̱d uda̱n, c'yob hwe̱di
12U'We̱de̱, i d'birgu d'da̱n, go̱t la u ci c'yob hwe̱di. Yobca̱n lo ta̱m kwe̱ ca̱n rein hwe̱di, i u'we̱d uda̱nka̱. I ho̱da̱n lo bo̱ i retin a Ka̱risti ni. 13Na emaka la cinna baptisma uda̱nka̱ a̱n Hora̱md Na'Sil d'da̱n, bat nan soot u'yob baan we̱du Ka̱risti. A̱v lat k'Yahude̱ alla kan zain k'Yahude̱ da, a̱v lat coko alla kan zain cok da, na kabk Hora̱md Na'Sil d'da̱nka̱ cinna kwe̱.
14Za u'yob uda̱nka̱ a̱n we̱du ciin da, i c'yob hwe̱di. 15Awaz nau tu ze, “A̱m za a'kom da, rema̱n taanlo, a̱m za yobu nu'we̱d da.” Ti hol o sootma̱n yobu nu'we̱de̱? 16Awaz cou tu ze, “A̱m za d'is da, rema̱n taanlo, a̱m za yobu nu'we̱d da.” Ti hol o sootma̱n yobu nu'we̱de̱? 17Awaz be̱ u'we̱d u'biri i d'isa̱, i a̱n ye̱ be̱ a̱n nan hongte? Awaz be̱ ta̱m az u'we̱d u'biri i u'con, i a̱n ye̱ be̱ a̱n nan kosa̱mte? 18Sila se̱e̱pske̱ la yobc nu'we̱d kwe̱. Kooye̱ yobwa, ho̱da̱na̱n a to̱ntin u soota. 19Awaz yobca̱n lo kwe̱ i u'yob da̱n, i pe̱ha̱n be̱ u'we̱de̱? 20I m'ga̱u, yobc nu'we̱d el hwe̱di, go̱t la i u'we̱d uda̱nka̱.
21Isa̱d a da̱n tak a̱n ze a'koma, “A̱m za a̱n to̱na̱m rov da.” Hid a da̱n tak ta̱m a̱n ze s'naa, “A̱m za a̱n to̱na̱m no da.” 22M'Ga̱u, yobc nu'we̱d la ca̱n nan he̱n az c kalk m'we̱se̱, a ti ema la da, a za a ca̱ncan da. 23Yobca̱n nan he̱n az ca caa c hyan a̱n k'gwin da, i ca̱nca a̱n na rein nan pa̱t a̱n ne̱e̱m k'gwin. Ca̱n na rein nan hong e̱nm nu'bata na he̱ne̱, na el nan biti ca̱ a d'ke̱mne̱nne̱.
24Yobca̱n na zain nan hong e̱nm nu'bata na he̱n da, na za nan wass bitima̱n ca̱nca da. Sila emk u'we̱d d'baa d'da̱n. A hatk la a̱n ne̱e̱m yobuna̱n robin k'gwin, k'gwin. 25Sila em-em taanl bat we̱du tu soot rihi i'da̱nka̱. Kooye̱ yobwa, u hong za̱im uhyan ho̱d da̱n. 26Rema̱n taanlo, a yobu da̱nka̱ la a̱n ryaaka̱ d'koba, c'yob kwe̱ ca̱n ryaa d'koba. Awaz ta̱m na ne̱e̱k yobu da̱nka̱ k'gwin, c'yob kwe̱ ca̱n em c'za̱ngkta̱.
27Nwaa kwe̱ i we̱du Ka̱risti. Kooye̱ da̱nv no wa, i yobun we̱dune. 28Sila dagk ta̱m ahyan baan bugd a s'gaba. Na̱m'e̱te̱, c'comtne. A v'illa̱, an vatma̱n com Na'Sila̱. A v'ta̱ccu, an la̱a̱sa̱m na lalks Na'Sila̱. Go̱t ta̱m an emkma̱n rihica̱ c'he̱te̱. Go̱t ta̱m an ho̱sma̱n taasa̱m s'malse. Go̱t an emam neta̱n d'se̱e̱te̱. Go̱t an ho̱sma̱n gabtma̱n netna. Go̱t an damma̱ c'rem s'goo-s'goo ca̱n rein a̱nz a'cona.
29Za neta̱n kwe̱ an rein c'comta̱n da. Za neta̱n kwe̱ an rein ta vat com Na'Sil da. Za neta̱n kwe̱ an rein an la̱a̱sa̱m na lalks Na'Sil da. Za neta̱n kwe̱ an rein an emkma̱n rihica̱ c'he̱te̱ da. 30Za neta̱n kwe̱ an ciin ho̱sma̱n taasa̱m s'mals da. Za neta̱n kwe̱ an ta dam c'rem s'goo-s'goo da. Za neta̱n kwe̱ an ciin ho̱sma̱n ba̱tksa̱m c'rem da. 31Sav na la de̱bc no baan ho̱sma̱n hatin kwe̱ a̱n d'se̱e̱te̱ baa a s'gaba.
A̱nta̱ma̱ la ta̱'m kwesa no le̱vka̱n hatina̱n d'ke̱m kwe̱.
Currently Selected:
1 An Korinti 12: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
1 An Korinti 12
12
Ho̱sma̱n we̱sma̱n Na'Sila̱
1Hyaarene, rina̱n tanin la ho̱sma̱n we̱sma̱n emka̱lla̱m c'rihi ma̱n Hora̱mda̱n zattin ri d'reb da rein da̱n ne̱e̱, a̱m ta to̱n a̱n soot ni'cumunkun da. 2A̱n napk az daava̱n a̱n ta latina̱n s'gab da, neta̱n gabk s'le̱v s'goo-s'goo a palka̱lk no. A cetk no a̱n baaca̱n cepko, ca̱n zain ca̱n iga̱m da. 3Lag a̱m ve̱ce̱te̱ no. Noc za un tu em s'lalk a̱n we̱sa̱m Hora̱md Na'Sil un tu ze, “Sila emaka Ye̱so s'nwa̱a̱ da.” Noc za ta̱m un tu ze, “Ye̱so i Kan Go̱mca̱n Kooye̱ da,” a za a̱n we̱sma̱n Hora̱mda̱n zattin ri d'reb da.
4We̱sma̱n emka̱lla̱m c'rihi el s'goo-s'goo. Hora̱mda̱n zattin ri d'reb da la, i d'da̱n. 5Yomkanan nan ema A'Sil el s'goo-s'goo, go̱t la i Kan Go̱mca̱n Kooye̱ uda̱nka̱. 6Le̱vsa̱n emam Na'Sil a'yomk el ta̱m s'goo-s'goo. I A'Sil a'da̱nka̱ la a̱n reina̱n ne̱e̱m neta̱n kwe̱ we̱sma̱n emka̱lla̱m yomks ne. 7Na el nan he̱n we̱sma̱n Hora̱md Na'Sil baa koowe̱ rema̱n ryaaka̱n hwic a s'gab kwe̱. 8Uhyan na ne̱e̱k o s'ver rema̱n we̱sma̱n Hora̱md Na'Sila̱. Uhyan la Hora̱mda̱n lo ge̱, ne̱e̱k o s'napa.
9Hora̱mda̱n lo ge̱ ta̱m a̱n ne̱in uhyan bata̱m d'ba̱t baa Na'Sil hwe̱di d'kala. Da̱nda ta̱m a̱n ne̱in uhyan we̱sma̱n taasa̱m s'malse. 10Hora̱mda̱n lo ne̱e̱k ta̱m uhyan we̱sma̱n emma̱n rihica̱ c'he̱te̱. Uhyan we̱sma̱n vatma̱n com Na'Sila̱. Uhyan ka̱a̱ka̱nsim hora̱md kasi a da̱ naaka̱n ne. U ne̱e̱k ta̱m uhyan la̱a̱ma̱n damma̱n remca̱n rein a̱nz a'con s'goo-s'goo. Uhyan ta̱m ba̱tksa̱ma̱n remca̱n rein a̱nz a'cona. 11Ho̱sma̱ ha̱n kwe̱, i lanma̱n Hora̱md Na'Sila̱. Da̱ we̱nkke̱ ta̱m koowe̱ ho̱da̱na̱n a̱d to̱ntine.
U'We̱d uda̱n, c'yob hwe̱di
12U'We̱de̱, i d'birgu d'da̱n, go̱t la u ci c'yob hwe̱di. Yobca̱n lo ta̱m kwe̱ ca̱n rein hwe̱di, i u'we̱d uda̱nka̱. I ho̱da̱n lo bo̱ i retin a Ka̱risti ni. 13Na emaka la cinna baptisma uda̱nka̱ a̱n Hora̱md Na'Sil d'da̱n, bat nan soot u'yob baan we̱du Ka̱risti. A̱v lat k'Yahude̱ alla kan zain k'Yahude̱ da, a̱v lat coko alla kan zain cok da, na kabk Hora̱md Na'Sil d'da̱nka̱ cinna kwe̱.
14Za u'yob uda̱nka̱ a̱n we̱du ciin da, i c'yob hwe̱di. 15Awaz nau tu ze, “A̱m za a'kom da, rema̱n taanlo, a̱m za yobu nu'we̱d da.” Ti hol o sootma̱n yobu nu'we̱de̱? 16Awaz cou tu ze, “A̱m za d'is da, rema̱n taanlo, a̱m za yobu nu'we̱d da.” Ti hol o sootma̱n yobu nu'we̱de̱? 17Awaz be̱ u'we̱d u'biri i d'isa̱, i a̱n ye̱ be̱ a̱n nan hongte? Awaz be̱ ta̱m az u'we̱d u'biri i u'con, i a̱n ye̱ be̱ a̱n nan kosa̱mte? 18Sila se̱e̱pske̱ la yobc nu'we̱d kwe̱. Kooye̱ yobwa, ho̱da̱na̱n a to̱ntin u soota. 19Awaz yobca̱n lo kwe̱ i u'yob da̱n, i pe̱ha̱n be̱ u'we̱de̱? 20I m'ga̱u, yobc nu'we̱d el hwe̱di, go̱t la i u'we̱d uda̱nka̱.
21Isa̱d a da̱n tak a̱n ze a'koma, “A̱m za a̱n to̱na̱m rov da.” Hid a da̱n tak ta̱m a̱n ze s'naa, “A̱m za a̱n to̱na̱m no da.” 22M'Ga̱u, yobc nu'we̱d la ca̱n nan he̱n az c kalk m'we̱se̱, a ti ema la da, a za a ca̱ncan da. 23Yobca̱n nan he̱n az ca caa c hyan a̱n k'gwin da, i ca̱nca a̱n na rein nan pa̱t a̱n ne̱e̱m k'gwin. Ca̱n na rein nan hong e̱nm nu'bata na he̱ne̱, na el nan biti ca̱ a d'ke̱mne̱nne̱.
24Yobca̱n na zain nan hong e̱nm nu'bata na he̱n da, na za nan wass bitima̱n ca̱nca da. Sila emk u'we̱d d'baa d'da̱n. A hatk la a̱n ne̱e̱m yobuna̱n robin k'gwin, k'gwin. 25Sila em-em taanl bat we̱du tu soot rihi i'da̱nka̱. Kooye̱ yobwa, u hong za̱im uhyan ho̱d da̱n. 26Rema̱n taanlo, a yobu da̱nka̱ la a̱n ryaaka̱ d'koba, c'yob kwe̱ ca̱n ryaa d'koba. Awaz ta̱m na ne̱e̱k yobu da̱nka̱ k'gwin, c'yob kwe̱ ca̱n em c'za̱ngkta̱.
27Nwaa kwe̱ i we̱du Ka̱risti. Kooye̱ da̱nv no wa, i yobun we̱dune. 28Sila dagk ta̱m ahyan baan bugd a s'gaba. Na̱m'e̱te̱, c'comtne. A v'illa̱, an vatma̱n com Na'Sila̱. A v'ta̱ccu, an la̱a̱sa̱m na lalks Na'Sila̱. Go̱t ta̱m an emkma̱n rihica̱ c'he̱te̱. Go̱t ta̱m an ho̱sma̱n taasa̱m s'malse. Go̱t an emam neta̱n d'se̱e̱te̱. Go̱t an ho̱sma̱n gabtma̱n netna. Go̱t an damma̱ c'rem s'goo-s'goo ca̱n rein a̱nz a'cona.
29Za neta̱n kwe̱ an rein c'comta̱n da. Za neta̱n kwe̱ an rein ta vat com Na'Sil da. Za neta̱n kwe̱ an rein an la̱a̱sa̱m na lalks Na'Sil da. Za neta̱n kwe̱ an rein an emkma̱n rihica̱ c'he̱te̱ da. 30Za neta̱n kwe̱ an ciin ho̱sma̱n taasa̱m s'mals da. Za neta̱n kwe̱ an ta dam c'rem s'goo-s'goo da. Za neta̱n kwe̱ an ciin ho̱sma̱n ba̱tksa̱m c'rem da. 31Sav na la de̱bc no baan ho̱sma̱n hatin kwe̱ a̱n d'se̱e̱te̱ baa a s'gaba.
A̱nta̱ma̱ la ta̱'m kwesa no le̱vka̱n hatina̱n d'ke̱m kwe̱.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019