1 An Korinti 11
11
1Gabese na me, ho̱da̱na̱n m gabestein Ka̱risti.
Bitim d'hi baa c'hwiipsa̱
2Hyaarene, a̱m bo̱mk no rema̱n a̱n el ta̱n bakasa me a̱n c'rihi kwe̱. A̱n gabk ta̱m la̱a̱suna̱n m la̱a̱sa̱in no honhono ho̱da̱na̱n m la̱a̱sta̱in no. 3A̱m to̱nk az a̱n nap az i Ka̱risti a̱n reina̱n go̱mc kooye̱ a̱ra̱mwa. A̱ra̱m a̱n reina̱n go̱mc neta. Silan reina̱n go̱mc Ka̱risti. 4Kooye̱ a̱ra̱mwa a̱n bitiin hid ru u cepkte alla u vat com Na'Sila̱, u gink Ka̱risti.
5Kooye̱ netawa la a̱n cepkin alla u vat com Na'Sil u ta biti hid ru da, u gink wa̱ru. I ho̱da̱n na o̱lk o d'kondo.#11:5 Baa an Korinti, a na ol neta d'kondo, u emk rihic m'e̱n. 6Awaz neta a tu biti hid ru da, lag u ol d'kondo. Awaz la i rihica̱ m'e̱n neta ol d'kondo, lag u biti hid ru. 7I ta ge̱be̱se̱ a̱ra̱m biti hid ru daav s'cepk da, rema̱n i unwa m'hyo̱o̱ a gwink Na'Sil na̱. Neta la ba̱ru, i ge̱be̱ske̱ u biti hid ru, ai retin unwa i gwink a̱rma̱. 8Za baa neta a̱n a̱ra̱m rwa̱in da, i neta a̱n rwa̱in baa a̱rma̱. 9Sila ta em ta̱m a̱ra̱m rem neta da, i neta rem a̱rma̱. 10I rema̱n taanl i ge̱be̱ste̱in neta biti hid ru, bat tu kwesa comta̱nc Na'Sila̱ az u ci d'ke̱e̱ u cepka, u vat ta̱m com Na'Sila̱.
11Puti a tan na, baan gabs Kan Go̱mca̱n Kooye̱, a̱rm au em c'nocurimu a za a netan da. Neta ta̱m au em c'nocurimu a za a a̱rma̱n da. 12Neta ruka̱ baa a̱rma̱. A̱rma̱n kwe̱, i neta a̱n matin na̱. C'Rihi kwe̱, ca̱ lan baa Na'Sila̱.
13Go̱t na a̱n he̱nte. I hwennka neta cepk baan kargad a s'gab u ta biti hid ru da? 14Nocurimuc la̱a̱ska̱ na az a̱n macca̱d a̱rma̱, au bat s'hi s'zissa̱, i rihica̱ m'e̱n baa ru. 15Neta la ba̱ru, au ci s'hi s'zissa̱, i k'gwin baa ru. Sila ne̱e̱ke̱ neta s'hi rem u bititi hid ru. 16Awaz noc to̱nk u em lansa̱n rihica̱ hna, c zatta bo̱ la̱a̱s hyan da. Taanl ta̱m kargac a s'gab koope̱.
Ryaakca̱n bakasama̱n wa̱a̱'a Ye̱so
(Mat 26:26-29; Mar 14:22-25; Luk 22:14-20)
17Kaaguna̱n ta̱'m ema no a̱nta̱ma̱, a̱m ta bo̱m no da. Rema̱n naasa̱d pa̱tk d'mamg daava̱n a̱n kargtaine. 18Na̱m'e̱te̱, a̱m hongk az a̱n kargad no da̱ s'gaba, a̱n he̱e̱kke̱. A̱m kabk bo̱ la az rihic hyan i m'ga̱u. 19I ke̱ng la a̱n he̱e̱ke̱, bat nan nap an reina̱n gabs Na'Sil na̱m'ga̱u baa no. 20Merad no d'baa d'da̱n za rema̱n jibi da.
21Rema̱n an han baa k'ryaa, koowe̱ el tu ryaa hwic a̱n c'ryaak a tu val ahyan da. Ahyan el kaa ta soot a̱n mero. Ahyan el la ta so̱o̱, a̱m hwaa na̱. 22A̱n zatta-zatta buuca̱n ta̱n ryaakt a̱n so̱o̱ ta̱m da? A̱n la bo̱ kaa a̱n ginma̱n kargad an gabs Na'Sila̱, a̱n ne̱e̱ ta̱m an zatin rihi da, m'e̱n? Iye̱ bo̱ kaa a̱n ma ze no? Ta̱'m bo̱m bo̱ kaa no a̱n rihica̱ hne? A ta̱'m bo̱m no da cakk.
23I rina̱n m la̱a̱sin baa Kan Go̱mca̱n Kooye̱, i inya a̱m reina̱n la̱a̱sa̱m no. A̱n gyopuna̱n na babtin Ye̱so Kan Go̱mca̱n Kooye̱, u o̱mk d'be̱re̱e̱di. 24Au emtin c'bo̱m baa Na'Sila̱, u bosa̱mk da̱. U zeka, “I we̱du ri ha̱n, un na nesin rem no. Ryaa na hwic a̱n emma̱n taanl ta̱n bakasta me.” 25Aa taastin c'ryaako, u o̱mk i'koklo. U zeka, “Kokli ha̱n, i kolin hiba̱m ri ma̱n Sila gigtin lalk poun a nwaa na. Em na taanl kooye̱ daava a̱n ta̱n so̱o̱t ma̱, ta̱n bakasta me.”
26Rema̱n kooye̱ daava a̱n ryaatin be̱re̱e̱dida̱ ha̱n, a̱n so̱o̱ ta̱m a̱n kokli hna, a̱n la a̱n ba̱sda̱n wa̱a̱'a Kan Go̱mca̱n Kooye̱ caama̱n hweda̱n tu vaakta.
27Rema̱n taanlo, koowe̱ a̱n ryain be̱re̱e̱dida̱ ha̱n alla u so̱o̱ a̱n kokli Kan Go̱mca̱n Kooye̱ a̱n le̱vka̱n ta hwennain da, u ko̱tk baa nu'we̱d a hiba̱m Kan Go̱mca̱n Kooye̱ ne̱. 28Lag koowe̱ kek hid ru u ryaat be̱re̱e̱did ne, u so̱o̱t ta̱m a̱n kokli ne. 29Rema̱n koowe̱ a̱n ta napin gwinka̱n we̱du Kan Go̱mca̱n Kooye̱ da, au ryaa alla u so̱o̱, u kwe̱la̱vke̱ hid ru d'hyaa baan gedma̱n lalk Na'Sila̱.
30I rina̱n de̱lin bo̱ neta̱n hwe̱di baa no retina̱n s'malse, a zatta ta̱m m'we̱s da. Ahyan hwe̱di a wiila̱lk ta̱ma̱. 31Ac kek na la de̱bc cinna a d'ke̱mne̱nne̱, Sila a ta geda na lalk da. 32A Sila geda la cinna lalko, Sila ven-ven na rema̱n aa geda la na lalk az na hwaa na d'kut a netnan copun yanda̱ha̱nna̱n da.
33Rema̱n taanlo, hyaarene, an mera rema̱n ryaakte, val na hyannano. 34A mer ci noco, lag u ryaaka nu'bu, rema̱n a kargad no kwe̱lve̱ la o d'hyaa baan gedma̱n lalk da.
Rihica̱n kusin la, ta̱'m ve̱ce̱ no am cau.
Currently Selected:
1 An Korinti 11: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
1 An Korinti 11
11
1Gabese na me, ho̱da̱na̱n m gabestein Ka̱risti.
Bitim d'hi baa c'hwiipsa̱
2Hyaarene, a̱m bo̱mk no rema̱n a̱n el ta̱n bakasa me a̱n c'rihi kwe̱. A̱n gabk ta̱m la̱a̱suna̱n m la̱a̱sa̱in no honhono ho̱da̱na̱n m la̱a̱sta̱in no. 3A̱m to̱nk az a̱n nap az i Ka̱risti a̱n reina̱n go̱mc kooye̱ a̱ra̱mwa. A̱ra̱m a̱n reina̱n go̱mc neta. Silan reina̱n go̱mc Ka̱risti. 4Kooye̱ a̱ra̱mwa a̱n bitiin hid ru u cepkte alla u vat com Na'Sila̱, u gink Ka̱risti.
5Kooye̱ netawa la a̱n cepkin alla u vat com Na'Sil u ta biti hid ru da, u gink wa̱ru. I ho̱da̱n na o̱lk o d'kondo.#11:5 Baa an Korinti, a na ol neta d'kondo, u emk rihic m'e̱n. 6Awaz neta a tu biti hid ru da, lag u ol d'kondo. Awaz la i rihica̱ m'e̱n neta ol d'kondo, lag u biti hid ru. 7I ta ge̱be̱se̱ a̱ra̱m biti hid ru daav s'cepk da, rema̱n i unwa m'hyo̱o̱ a gwink Na'Sil na̱. Neta la ba̱ru, i ge̱be̱ske̱ u biti hid ru, ai retin unwa i gwink a̱rma̱. 8Za baa neta a̱n a̱ra̱m rwa̱in da, i neta a̱n rwa̱in baa a̱rma̱. 9Sila ta em ta̱m a̱ra̱m rem neta da, i neta rem a̱rma̱. 10I rema̱n taanl i ge̱be̱ste̱in neta biti hid ru, bat tu kwesa comta̱nc Na'Sila̱ az u ci d'ke̱e̱ u cepka, u vat ta̱m com Na'Sila̱.
11Puti a tan na, baan gabs Kan Go̱mca̱n Kooye̱, a̱rm au em c'nocurimu a za a netan da. Neta ta̱m au em c'nocurimu a za a a̱rma̱n da. 12Neta ruka̱ baa a̱rma̱. A̱rma̱n kwe̱, i neta a̱n matin na̱. C'Rihi kwe̱, ca̱ lan baa Na'Sila̱.
13Go̱t na a̱n he̱nte. I hwennka neta cepk baan kargad a s'gab u ta biti hid ru da? 14Nocurimuc la̱a̱ska̱ na az a̱n macca̱d a̱rma̱, au bat s'hi s'zissa̱, i rihica̱ m'e̱n baa ru. 15Neta la ba̱ru, au ci s'hi s'zissa̱, i k'gwin baa ru. Sila ne̱e̱ke̱ neta s'hi rem u bititi hid ru. 16Awaz noc to̱nk u em lansa̱n rihica̱ hna, c zatta bo̱ la̱a̱s hyan da. Taanl ta̱m kargac a s'gab koope̱.
Ryaakca̱n bakasama̱n wa̱a̱'a Ye̱so
(Mat 26:26-29; Mar 14:22-25; Luk 22:14-20)
17Kaaguna̱n ta̱'m ema no a̱nta̱ma̱, a̱m ta bo̱m no da. Rema̱n naasa̱d pa̱tk d'mamg daava̱n a̱n kargtaine. 18Na̱m'e̱te̱, a̱m hongk az a̱n kargad no da̱ s'gaba, a̱n he̱e̱kke̱. A̱m kabk bo̱ la az rihic hyan i m'ga̱u. 19I ke̱ng la a̱n he̱e̱ke̱, bat nan nap an reina̱n gabs Na'Sil na̱m'ga̱u baa no. 20Merad no d'baa d'da̱n za rema̱n jibi da.
21Rema̱n an han baa k'ryaa, koowe̱ el tu ryaa hwic a̱n c'ryaak a tu val ahyan da. Ahyan el kaa ta soot a̱n mero. Ahyan el la ta so̱o̱, a̱m hwaa na̱. 22A̱n zatta-zatta buuca̱n ta̱n ryaakt a̱n so̱o̱ ta̱m da? A̱n la bo̱ kaa a̱n ginma̱n kargad an gabs Na'Sila̱, a̱n ne̱e̱ ta̱m an zatin rihi da, m'e̱n? Iye̱ bo̱ kaa a̱n ma ze no? Ta̱'m bo̱m bo̱ kaa no a̱n rihica̱ hne? A ta̱'m bo̱m no da cakk.
23I rina̱n m la̱a̱sin baa Kan Go̱mca̱n Kooye̱, i inya a̱m reina̱n la̱a̱sa̱m no. A̱n gyopuna̱n na babtin Ye̱so Kan Go̱mca̱n Kooye̱, u o̱mk d'be̱re̱e̱di. 24Au emtin c'bo̱m baa Na'Sila̱, u bosa̱mk da̱. U zeka, “I we̱du ri ha̱n, un na nesin rem no. Ryaa na hwic a̱n emma̱n taanl ta̱n bakasta me.” 25Aa taastin c'ryaako, u o̱mk i'koklo. U zeka, “Kokli ha̱n, i kolin hiba̱m ri ma̱n Sila gigtin lalk poun a nwaa na. Em na taanl kooye̱ daava a̱n ta̱n so̱o̱t ma̱, ta̱n bakasta me.”
26Rema̱n kooye̱ daava a̱n ryaatin be̱re̱e̱dida̱ ha̱n, a̱n so̱o̱ ta̱m a̱n kokli hna, a̱n la a̱n ba̱sda̱n wa̱a̱'a Kan Go̱mca̱n Kooye̱ caama̱n hweda̱n tu vaakta.
27Rema̱n taanlo, koowe̱ a̱n ryain be̱re̱e̱dida̱ ha̱n alla u so̱o̱ a̱n kokli Kan Go̱mca̱n Kooye̱ a̱n le̱vka̱n ta hwennain da, u ko̱tk baa nu'we̱d a hiba̱m Kan Go̱mca̱n Kooye̱ ne̱. 28Lag koowe̱ kek hid ru u ryaat be̱re̱e̱did ne, u so̱o̱t ta̱m a̱n kokli ne. 29Rema̱n koowe̱ a̱n ta napin gwinka̱n we̱du Kan Go̱mca̱n Kooye̱ da, au ryaa alla u so̱o̱, u kwe̱la̱vke̱ hid ru d'hyaa baan gedma̱n lalk Na'Sila̱.
30I rina̱n de̱lin bo̱ neta̱n hwe̱di baa no retina̱n s'malse, a zatta ta̱m m'we̱s da. Ahyan hwe̱di a wiila̱lk ta̱ma̱. 31Ac kek na la de̱bc cinna a d'ke̱mne̱nne̱, Sila a ta geda na lalk da. 32A Sila geda la cinna lalko, Sila ven-ven na rema̱n aa geda la na lalk az na hwaa na d'kut a netnan copun yanda̱ha̱nna̱n da.
33Rema̱n taanlo, hyaarene, an mera rema̱n ryaakte, val na hyannano. 34A mer ci noco, lag u ryaaka nu'bu, rema̱n a kargad no kwe̱lve̱ la o d'hyaa baan gedma̱n lalk da.
Rihica̱n kusin la, ta̱'m ve̱ce̱ no am cau.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019