1 An Korinti 10
10
An hwiipsa̱ la cepk da
1Hyaarene, a hwec kaa la no ho̱da̱na̱n ceta cinnan emtin a'ha̱gc a̱n le̱le̱m k'wece, a ho̱da̱na̱n a pastin m'saan da. 2Na̱nna kwe̱ na emaka na̱ baptisma a̱nmi k'wec a m'saan d'kut a Mosa na. 3Na̱nna kwe̱, a ryaak ryaakca̱ d'hora̱m goov da̱nka̱. 4A so̱o̱k ta̱m ho̱o̱m d'hormo, goov da̱nka̱. A so̱o̱k ho̱o̱ma̱ d'hora̱m ma̱n rwa̱in lanm k'taare, ka̱n nokin d'kut a na̱nna na. Taarka̱n lo, i Ka̱risti. 5Sila ta hong la ke̱md neta̱n hwe̱di baa na̱ da. I cek na se̱ga̱lk wa̱a̱c na̱ a̱n k'kade.
6Rihica̱ ha̱n em-em kwe̱ i kwesata cinna az a na sav la c'de̱b a̱n rihic naak ho̱da̱na̱n a savtin da. 7An hwiipsa̱ la cepk ho̱da̱na̱n ahyan baa na̱ emtin da. Ho̱d i retin a'ge̱ne̱, “Netnan lo bank d'he̱te̱. A sootk a ryaak a so̱o̱ko̱. A unuku ta̱m a heva cepko.”#10:7 Go̱t ta̱m: U'Rwa̱ 32:6.
8A na em la d'o̱m ho̱da̱na̱n ahyan baa na̱ emtin da. I cek Sila hott neta̱n s'kwe̱re̱ d'kwe̱z a̱n s'ta̱a̱c d'hwe d'da̱n baa na̱ da. 9A na taks la ta̱m Kan Go̱mca̱n Kooye̱ ho̱da̱na̱n ahyan baa na̱ emtin da. I cek Sila de̱lt obla̱n hweela̱l na̱ da. 10A na em la ta̱m s'remrem ho̱da̱na̱n ahyan baa na̱ emtin da. I cek k'comta̱v Na'Sil un tu hwaa na, hweela̱lt na̱ da.
11Rihica̱ ha̱n emk c kwesata cinna. Na ge̱nk ca̱ ta̱m rema̱n kaaga̱m cinnananan reina̱n be̱se̱da̱n daava̱n copun yanda̱hna.
12Rema̱n taanlo, koowe̱ a̱n rein nu'he̱n az u esk s'naa s'ila̱, lag u gab sasa rema̱n au hyaa la da. 13Ke̱ta̱mse̱c za ca̱n-ca̱n kum no ca̱n ta takina̱n kum neta̱nrima da. Sila el la ta esasa lalko. A ta lag ke̱te̱mse̱c hat we̱sa̱m no da. Ta se̱e̱te̱ no daav c'ke̱ta̱mse̱, bat ta̱n ryaa d'gaago.
14Rema̱n taanlo, nwaa an ta̱'m to̱n hwe̱di d'kala, an hwiipsa̱ la cepk da. 15I nwaa a s'ver a̱m reina̱n emam s'lalko. Go̱t na rina̱n m rein ha̱n nu'vat a̱n he̱nte. 16Kokli nu'pusu in na retin nan ema A'Sil c'bo̱m na so̱o̱, za kaba̱m nu'yob baan hiba̱m Ye̱so Ka̱risti da? Be̱re̱e̱dida̱n na rein nan bosa̱m ta̱m na ryaa, za kaba̱m nu'yob baan we̱du Ka̱risti da? 17Ai retin i be̱re̱e̱did da̱nka̱ a̱n reine, cinnananan rein hwe̱di, i u'we̱d uda̱nka̱ rema̱n na ryaak be̱re̱e̱dida̱n lo d'da̱nka̱.
18Go̱t na netnan Isra'ila a̱n remsa̱ c'nocurimu. An ryain rina̱n na emain A'Sil sako, a kumk u'yob baan sakada̱n sako. 19Iye̱ bo̱ kaa a̱m rein nu'vat tahna? A̱m laa na̱m'ze bo̱ kaa az cepk i rihi alla rina̱n na sakin baan cepk a̱n rein rihi? 20Rina̱n m rein nu'zeu la, i rihica̱n an zain Yahude̱n da emtin sak a̱n ca̱nca, i rinnas'ce a emain sako, za A'Sil da. A̱m ta to̱n la az a̱n em d'sa̱ma̱nc a rinnas'cen da. 21A ti ema a̱n so̱o̱ a̱n kokli Kan Go̱mca̱n Kooye̱, a̱n vaak a̱n so̱o̱ a̱n kokli rinnas'ce da. A ti ema ta̱m a̱n ryaa ryaakc Kan Go̱mca̱n Kooye̱ a̱n vaak a̱n ryaa ryaakc rinnas'ce da. 22Na la bo̱ kaa a̱n sogma̱m Na'Sil bat ta em d'hyubi? Na pa̱t-pa̱t bo̱ kaa na̱ na̱m'we̱se̱?
23Na ci lalk az, “Na ne̱e̱k na d'ke̱e̱ na em kooye̱.” Za la c'rihi kwe̱ a̱n ciin d'se̱e̱te̱ da. “Na ne̱e̱k na d'ke̱e̱ na em kooye̱.” Za la c'rihi kwe̱ a̱n ca̱n guba̱sa̱ na da. 24A noc hweba la hid ru rina̱n u rein nu'to̱n da. Lag u hweba ahyan.
25Ta̱a̱ na kooye̱ na̱mya a̱n na babin kwe̱ baa c'hwaala. An hav la a̱n s'ipk az ipe̱ a̱n na kuma̱in e da. I bat de̱bc ca̱n la̱t no. 26Rema̱n, “I Silan ciin copun yanda̱ha̱n a rina̱n rein a̱nmin kwe̱.”#10:26 Go̱t ta̱m: Zab 24:1.
27A kan zain a̱n s'gab da ban no az a̱n han a̱n buu ru a̱n ryaaka, awaz a̱n se̱sk a̱n havka, rina̱n na ne̱in no kwe̱, ryaa na e an hav la a̱n s'ipk da. I bat de̱bc ca̱n la̱t no. 28Awaz la noc zeka no, “Ri ha̱n bo̱, na savk e baan cepko.” An ryaa la da rem un ve̱ce̱in no a rema̱n kwesau c'de̱b ne̱. 29A̱m tanka kwesau c'de̱be̱, za la i de̱bc rov da, i de̱bc o̱pun zo.
Noc hyan tu ze la, “I rema̱n ye̱ a̱n kwesaun de̱bc noc hyan ti holt a̱m u'batese?” 30Awaz a̱m emk s'cepk a̱m bo̱mk A'Sil a̱m ryaate, i rema̱n ye̱ a̱n nan zet az a̱m emk i naake?
31Rema̱n taanlo, rina̱n ta̱n ryaa a rina̱n ta̱n so̱o̱n kwe̱ alla rihica̱n ta̱n em kwe̱, em na kooye̱ rema̱n a̱n ne̱e̱t A'Sil k'gwin. 32An de̱l la noc ko̱t baan kargad a s'gab da, k'Yahude̱ alla kan zain k'Yahude̱ da. 33Em na ho̱da̱na̱n m retin ta̱'m ema. A̱m el ta̱'m to̱n a̱m em rina̱n ti pusa̱sa̱ koowe̱ c'de̱be̱, za hid ri da, bat neta̱n ta kum d'gwa̱a̱ma̱.
Currently Selected:
1 An Korinti 10: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
1 An Korinti 10
10
An hwiipsa̱ la cepk da
1Hyaarene, a hwec kaa la no ho̱da̱na̱n ceta cinnan emtin a'ha̱gc a̱n le̱le̱m k'wece, a ho̱da̱na̱n a pastin m'saan da. 2Na̱nna kwe̱ na emaka na̱ baptisma a̱nmi k'wec a m'saan d'kut a Mosa na. 3Na̱nna kwe̱, a ryaak ryaakca̱ d'hora̱m goov da̱nka̱. 4A so̱o̱k ta̱m ho̱o̱m d'hormo, goov da̱nka̱. A so̱o̱k ho̱o̱ma̱ d'hora̱m ma̱n rwa̱in lanm k'taare, ka̱n nokin d'kut a na̱nna na. Taarka̱n lo, i Ka̱risti. 5Sila ta hong la ke̱md neta̱n hwe̱di baa na̱ da. I cek na se̱ga̱lk wa̱a̱c na̱ a̱n k'kade.
6Rihica̱ ha̱n em-em kwe̱ i kwesata cinna az a na sav la c'de̱b a̱n rihic naak ho̱da̱na̱n a savtin da. 7An hwiipsa̱ la cepk ho̱da̱na̱n ahyan baa na̱ emtin da. Ho̱d i retin a'ge̱ne̱, “Netnan lo bank d'he̱te̱. A sootk a ryaak a so̱o̱ko̱. A unuku ta̱m a heva cepko.”#10:7 Go̱t ta̱m: U'Rwa̱ 32:6.
8A na em la d'o̱m ho̱da̱na̱n ahyan baa na̱ emtin da. I cek Sila hott neta̱n s'kwe̱re̱ d'kwe̱z a̱n s'ta̱a̱c d'hwe d'da̱n baa na̱ da. 9A na taks la ta̱m Kan Go̱mca̱n Kooye̱ ho̱da̱na̱n ahyan baa na̱ emtin da. I cek Sila de̱lt obla̱n hweela̱l na̱ da. 10A na em la ta̱m s'remrem ho̱da̱na̱n ahyan baa na̱ emtin da. I cek k'comta̱v Na'Sil un tu hwaa na, hweela̱lt na̱ da.
11Rihica̱ ha̱n emk c kwesata cinna. Na ge̱nk ca̱ ta̱m rema̱n kaaga̱m cinnananan reina̱n be̱se̱da̱n daava̱n copun yanda̱hna.
12Rema̱n taanlo, koowe̱ a̱n rein nu'he̱n az u esk s'naa s'ila̱, lag u gab sasa rema̱n au hyaa la da. 13Ke̱ta̱mse̱c za ca̱n-ca̱n kum no ca̱n ta takina̱n kum neta̱nrima da. Sila el la ta esasa lalko. A ta lag ke̱te̱mse̱c hat we̱sa̱m no da. Ta se̱e̱te̱ no daav c'ke̱ta̱mse̱, bat ta̱n ryaa d'gaago.
14Rema̱n taanlo, nwaa an ta̱'m to̱n hwe̱di d'kala, an hwiipsa̱ la cepk da. 15I nwaa a s'ver a̱m reina̱n emam s'lalko. Go̱t na rina̱n m rein ha̱n nu'vat a̱n he̱nte. 16Kokli nu'pusu in na retin nan ema A'Sil c'bo̱m na so̱o̱, za kaba̱m nu'yob baan hiba̱m Ye̱so Ka̱risti da? Be̱re̱e̱dida̱n na rein nan bosa̱m ta̱m na ryaa, za kaba̱m nu'yob baan we̱du Ka̱risti da? 17Ai retin i be̱re̱e̱did da̱nka̱ a̱n reine, cinnananan rein hwe̱di, i u'we̱d uda̱nka̱ rema̱n na ryaak be̱re̱e̱dida̱n lo d'da̱nka̱.
18Go̱t na netnan Isra'ila a̱n remsa̱ c'nocurimu. An ryain rina̱n na emain A'Sil sako, a kumk u'yob baan sakada̱n sako. 19Iye̱ bo̱ kaa a̱m rein nu'vat tahna? A̱m laa na̱m'ze bo̱ kaa az cepk i rihi alla rina̱n na sakin baan cepk a̱n rein rihi? 20Rina̱n m rein nu'zeu la, i rihica̱n an zain Yahude̱n da emtin sak a̱n ca̱nca, i rinnas'ce a emain sako, za A'Sil da. A̱m ta to̱n la az a̱n em d'sa̱ma̱nc a rinnas'cen da. 21A ti ema a̱n so̱o̱ a̱n kokli Kan Go̱mca̱n Kooye̱, a̱n vaak a̱n so̱o̱ a̱n kokli rinnas'ce da. A ti ema ta̱m a̱n ryaa ryaakc Kan Go̱mca̱n Kooye̱ a̱n vaak a̱n ryaa ryaakc rinnas'ce da. 22Na la bo̱ kaa a̱n sogma̱m Na'Sil bat ta em d'hyubi? Na pa̱t-pa̱t bo̱ kaa na̱ na̱m'we̱se̱?
23Na ci lalk az, “Na ne̱e̱k na d'ke̱e̱ na em kooye̱.” Za la c'rihi kwe̱ a̱n ciin d'se̱e̱te̱ da. “Na ne̱e̱k na d'ke̱e̱ na em kooye̱.” Za la c'rihi kwe̱ a̱n ca̱n guba̱sa̱ na da. 24A noc hweba la hid ru rina̱n u rein nu'to̱n da. Lag u hweba ahyan.
25Ta̱a̱ na kooye̱ na̱mya a̱n na babin kwe̱ baa c'hwaala. An hav la a̱n s'ipk az ipe̱ a̱n na kuma̱in e da. I bat de̱bc ca̱n la̱t no. 26Rema̱n, “I Silan ciin copun yanda̱ha̱n a rina̱n rein a̱nmin kwe̱.”#10:26 Go̱t ta̱m: Zab 24:1.
27A kan zain a̱n s'gab da ban no az a̱n han a̱n buu ru a̱n ryaaka, awaz a̱n se̱sk a̱n havka, rina̱n na ne̱in no kwe̱, ryaa na e an hav la a̱n s'ipk da. I bat de̱bc ca̱n la̱t no. 28Awaz la noc zeka no, “Ri ha̱n bo̱, na savk e baan cepko.” An ryaa la da rem un ve̱ce̱in no a rema̱n kwesau c'de̱b ne̱. 29A̱m tanka kwesau c'de̱be̱, za la i de̱bc rov da, i de̱bc o̱pun zo.
Noc hyan tu ze la, “I rema̱n ye̱ a̱n kwesaun de̱bc noc hyan ti holt a̱m u'batese?” 30Awaz a̱m emk s'cepk a̱m bo̱mk A'Sil a̱m ryaate, i rema̱n ye̱ a̱n nan zet az a̱m emk i naake?
31Rema̱n taanlo, rina̱n ta̱n ryaa a rina̱n ta̱n so̱o̱n kwe̱ alla rihica̱n ta̱n em kwe̱, em na kooye̱ rema̱n a̱n ne̱e̱t A'Sil k'gwin. 32An de̱l la noc ko̱t baan kargad a s'gab da, k'Yahude̱ alla kan zain k'Yahude̱ da. 33Em na ho̱da̱na̱n m retin ta̱'m ema. A̱m el ta̱'m to̱n a̱m em rina̱n ti pusa̱sa̱ koowe̱ c'de̱be̱, za hid ri da, bat neta̱n ta kum d'gwa̱a̱ma̱.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019