ପେରିତ 3
3
ରଃଅଞ୍ଜି ମେଟ୍ଲାଙ୍ଗ୍ଗାଟାଞ୍ଜି ନେହି ଆଅନ୍
1ରନେସି ପ୍ରାତ୍ନା କିଅନ୍ତି ତୁକାତାୱା, ମିଡ୍ଡଡ଼୍ ମୁ ଗଣ୍ଟାତାୱା ପିତର ଅଟେ ଜହନ ଜିରୁସାଲମ ମନ୍ଦିରଇନ୍ଦା ହାଜ୍ଜିଚ୍ଚେରି । 2ଇହିଙ୍ଗିସି ତୁକାତାୱା ଇୟା ଟୁଟୁଟି ରଃଅଞ୍ଜି ମେଟ୍ଲାଙ୍ଗ୍ଗାଟାଞ୍ଜିକି ଏଚ୍ଚେ ଦାଲ୍ଲା ଡେକାନ୍ ତାଚ୍ଚାନାହି; ମନ୍ଦିର ଲାଃଇ ହଲ୍ବିଚ୍ଚି ଦାଲ୍ଲାତାୱାଟି ବିକ ୱ୍ରିହ୍ପନ୍ ବାଗା ତାଙ୍ଗେ ଦିନାଙ୍ଗେଃଏ ମନ୍ଦିରତି ଆଡାନ୍ନି ପାରୁଗାଟି ଦାରାତାୱା ଇଟ୍ଟେଚ୍ଚେରି । 3ଏ ମେଟ୍ଲାଙ୍ଗ୍ଗାଟାଞ୍ଜି ପିତର ଅଟେ ଜହନନିକି ମନ୍ଦିର ଲାଃଇ ହଲ୍ବିଚ୍ଚାଦାଃଆ ହୁଡ଼ାନ୍ ବିକ ୱ୍ରିହ୍ପନ୍ ମ୍ରାସ୍ତେଞ୍ଜି । 4ପିତର ଅଟେ ଜହନ ତାଙ୍ଗେ ର କାନ୍ନୁଟି ମେହ୍ତେରି, ଆଟେ ପିତର ୱେସ୍ତେଞ୍ଜି, ମାପେକି ମେହ୍ତାମୁ । 5ଏମ୍ୱାଟି ଏୱାଞ୍ଜି ଏୱାର୍ତାୱାଟି ଇନ୍ନା ଆତେସି ହିତେ ପାଁନ୍ବନ୍ତି ଆସାଟି ଏୱାରିକି ମେହାନ୍ ବାସାଆତେଞ୍ଜି । 6ମତ୍ର ପିତର ୱେସ୍ତେଞ୍ଜି, “ନା ରେଃଏସ୍ ରୁପା କି ସୁନା ହେଃଲ୍ଲେ; ମତ୍ର ନା ରେଃଏସ୍ ଇନ୍ନା ମାନ୍ନେ, ଏଦା ନାନୁ ନିଙ୍ଗେ ହିଞ୍ଜାଆ; ନାଜରିତ ଜିସୁ କ୍ରିସ୍ଟତି ପାରୁଟି ନିଙ୍ଗାନ୍ ତାକାମୁ ।” 7ଆଟେ ପିତର ତା ତିନ୍ନି କାଜ୍ଜୁ ଆହାନ୍ ତାଙ୍ଗେ ନିକ୍ତେଞ୍ଜି; ଆଟେ ଏଚିୱାଡ଼େ ତା ପାନେଡ଼୍କା ଅଟେ କାଟ୍କାତି ଗାଟ୍ଟିଙ୍ଗ୍ ହାବେ ବଲ ପାଟୁ । 8ଆଟେ ଏୱାଞ୍ଜି ପିଡ଼ିୱିଟ୍ନା ଡିଡ୍ଡିତେଞ୍ଜି ଅଟେ ତାକନ୍ ମ୍ରାସ୍ତେଞ୍ଜି; ଆଟେ ଏୱାଞ୍ଜି ତାକି ତାକି ଅଟେ ପିଞ୍ଜି ପିଞ୍ଜି ମୁଲାପେନୁନିକି ଜୁଙ୍ଗାନାହି ଏୱାର୍ ଡ଼ାହି ମନ୍ଦିର ଲାଃଇ ହଟେଞ୍ଜି । 9ଏମ୍ୱାଟି ଦାଲ୍ଲାହାବେ ତାଙ୍ଗେ ତାକନ୍ତାଦା ଅଟେ ମୁଲାପେନୁନିକି ଜୁଙ୍ଗନ୍ତାଦା ହୁଡ଼ିତେରି, 10ଆଟେ ଇମ୍ୱିନ୍ କୁଏଞ୍ଜି ମନ୍ଦିରତି ଆଡାନ୍ନି ଦାରାତି ଟାକ୍କେ କକ୍ଚ୍ଚାନ୍ ବିକ ୱ୍ରିହ୍ପିଚ୍ଚେଞ୍ଜି, ଇୱାଞ୍ଜି ଏ କୁଏଞ୍ଜି ଇଞ୍ଜାନ୍ ଏୱାରି ପୁଚ୍ଚେରି, ଆଟେ ତା ପାଟ୍ଟି ଇନ୍ନା ଗଟି ଆଚ୍ଚେ, ଏଦା ହୁଡ଼ାନ୍ ଏୱାରି ଏଗେଲ୍ ଆଜ୍ଜାନାହି ଆକ୍କାବାଡ଼ାଙ୍ଗ୍ ଆତେରି ।
ଜିରୁସାଲମତାୱା ପିତରତି ବାକ୍ୟ ପ୍ରଚାର
11ଏ ନେହି ଆନ୍ନି କୁଏଞ୍ଜି ପିତର ଅଟେ ଜହନ ଡ଼ାହି ସଲମନତି ମଣ୍ଡପତାୱା ମାଚ୍ଚାଦାଃଆ ହୁଡ଼ାନ୍ ଦାଲ୍ଲା ହାବେ ଆକ୍କାବାଡ଼ାଙ୍ଗ୍ ଆନ୍ ଏୱାର୍ ଟାକ୍କେ ଡେହି ଡେହି ୱାତେରି । 12ପିତର ଏଦା ହୁଡ଼ାନ୍ ଦାଲ୍ଲାନିକି ୱେସ୍ତେଞ୍ଜି, ଏ ଇସ୍ରାଏଲତି ଦାଲ୍ଲା, ମିରୁ ଇନ୍ନା ବାଗା ଇୱାଞ୍ଜ୍ କୁଲାଟି ଆକ୍କାବାଡ଼ାଙ୍ଗ୍ ଆଇଞ୍ଜେରି ? ଇନ୍ନା ମାମୁ ମା ବଲ ଅଟେ ବକ୍ତି ବଲଟି ଇୱାଞ୍ଜିକି ତାକନ୍ତି ବଲ ହିଆନ୍ନାମୁ, ଏଦା ଏଲୁ କିଆନ୍ ମାଙ୍ଗେ ଇନ୍ନା ବାଗା ର କାନ୍ନୁଟି ମେହାଞ୍ଜାଦେରି ? 13ଅବ୍ରାହାମ, ଇସାକ ଅଟେ ଜାକୁବତି ମୁଲାପେନୁ ମା ଆକେଙ୍ଗ୍ତି ମୁଲାପେନୁ, ତା କାମ୍ୱାରେଏଞ୍ଜି ଜିସୁନିକି ଗଉରବ କିଆନ୍ନେଞ୍ଜି; ଏ ଜିସୁନିକି ମିରୁ ପାଗନ୍ ବାଗା ସର୍ପି କିତେରି, ଆଟେ ଏଚ୍ଚିକିଃଆ ବିଚାର କିଅନ୍ତି ପିଲାତ ତାଙ୍ଗେ ପିହ୍ପନ୍ ବାଗା ଏଲୁ କିଆଚ୍ଚେଞ୍ଜି, ଏଚିତୁକାତାୱା ମିରୁ ତାଙ୍ଗେ ପୁଃନ୍ନାତେରି । 14#ମାତି ୨୭:୧୫–୨୩; ମାର୍କ ୧୫:୬–୧୪; ଲୁକ ୨୩:୧୩–୨୩; ଜହ ୧୯:୧୨–୧୫ମିରୁ ଏ ପିର୍ନି ଅଟେ ଦାର୍ମିକ କୁଏଞ୍ଜିକି ପୁଃନ୍ନାତେରି, ମତ୍ର ରଃଅଞ୍ଜି କୁଇ ଗାଣ୍ଡି ପାଗନ୍ତାଞ୍ଜିନିକି#୩:୧୪ ରଃଅଞ୍ଜି କୁଇ ଗାଣ୍ଡି ପାଗନ୍ତାଞ୍ଜି ଇଚ୍ଚେସି ଇଦା ବାରବ୍ବାନିକି ୱେସ୍ପିନ୍ନେ କୁଲ୍ପନ୍ ବାଗାଟି ଜିଗିତେରି, 15ମତ୍ର ମିରୁ ପରନ୍ ହିଅନ୍ତି ଆବାନିକି ପାଗିତେରି, ତାଙ୍ଗେ ମୁଲାପେନୁ ହାନ୍ନାରିଆଟି ନିକ୍ଚାନ୍ନେଞ୍ଜି, ମାମୁ ଏ କାତାତି ସାକି ହିନ୍ନାମୁ । 16ଆଟେ ଏ ଜିସୁ ପାରୁଟି ମାଞ୍ଜାଡ଼ି କିତାୱିଃଆଟି ଇ ଇମ୍ୱିନ୍ କୁଏଞ୍ଜିକି ମିରୁ ହୁଡ଼େଞ୍ଜେରି ଅଟେ ପୁଞ୍ଜାଞ୍ଜେରି, ଇୱାଞ୍ଜିକି ଏ ଜିସୁତି ପାରୁ ବଲଗାଟାଞ୍ଜ୍ କିଆନ୍ନେ; ହାଁ, ତା ତାୱାଟି ପାଁଣ୍ଡାନ୍ନି ମାଞ୍ଜାଡ଼ି ଇୱାଞ୍ଜିକି ମି ନକେସି ଡ଼ାଙ୍ଗ୍ନା ନେହିକିଆନ୍ନେ ।
17ଆଟେ ହାଦାଡ଼ି ଏ ଆମ୍ୱେସାଙ୍ଗାନାତେରି, ମି ଗାମିନାରି ଇନିମିଡି, ମିରୁ ୱାଡ଼େ ଏହେଙ୍ଗିସି ପୁନ୍ନେଟେଃଏ ଇଦା କିଆଞ୍ଜେରି ଇଞ୍ଜାନ୍ ନାନୁ ପୁଞ୍ଜାମାଃଇ । 18ମତ୍ର ମୁଲାପେନୁ କ୍ରିସ୍ଟ ଦୁଃକ ପାଁନ୍ବନ୍ତି କୁଲା ବାବବାଦିଙ୍ଗ୍ ଗୁତିଟି ଇନ୍ନା ଇନ୍ନା କାହେ ୱେସାଚ୍ଚେଞ୍ଜି, ଏ ହାବେ ଏୱାଞ୍ଜି ଏଚିଡେହେଙ୍ଗ୍ ଲେର୍ କିଆନ୍ନେଞ୍ଜି ।
19ଇନିସ୍ ମି ପାପ ନବ୍ଗନ୍ ଆନେ, ଏଦାବାଗା ଏଲୁ ୱ୍ଡେପ୍ଚ୍ଚାନ୍ ଦାର୍ମୁ ପାଟ୍ଟି ୱ୍ଡେଚାନ୍ ୱାଦୁ,
20ଏହେଙ୍ଗ୍ ଆତେସି, ଏଚ୍ଚିକିଃଆ ଦାର୍ମୁତାୱାଟି ମାତି କିଅନ୍ତି ତୁକା ଏତାନେ; ଏଚିତୁକାତାୱା ମୁଲାପେନୁ ମି ବାଗାଟି କାହେ ଆଚି କିଆନ୍ନି କ୍ରିସ୍ଟନିକି, ଇଚ୍ଚେସ୍, ଜିସୁନିକି ପାଣ୍ଡିଦାନେଞ୍ଜି । 21ହାବେତ୍ କୁଲା ପୁନେସ୍ କ୍ଲେହନ୍ତି ଇମ୍ୱିନ୍ ତୁକାତି କାତା ନକିଟେଃଏ ମୁଲାପେନୁ ତା ପିର୍ନି ବାବବାଦିଙ୍ଗ୍ତି ଗୁତିଟି ୱେସାନ୍ନେଞ୍ଜି ଏ ତୁକା ୱାଃଆନ୍ ଟିକ୍ନା ତାନୁ ସର୍ଗତାୱା ବାସାଆନେଞ୍ଜି । 22ମସା ତ ୱେସାଚ୍ଚେଞ୍ଜି, ଦାର୍ମୁ ମୁଲାପେନୁ ମି ଆମ୍ୱେସାଙ୍ଗାତାୱାଟି ମି ବାଗା ନା ଡେହେଙ୍ଗ୍ ରଃଅଞ୍ଜି ବାବବାଦିନିକି ହପ୍ନେଞ୍ଜି; ଏୱାଞ୍ଜି ମିଙ୍ଗେ ଇମ୍ୱିନ୍ ହାବେତ୍ କୁଲାଟି ୱେସ୍ତାନ୍ନେଞ୍ଜି, ଏ ହାବେତ୍ କୁଲାଟି ମିରୁ ତା କାତା ୱେଞ୍ଜେରି । 23ମତ୍ର ଇହିଙ୍ଗିସି ଆନେ ଜେ, ଇମ୍ୱିନ୍ କୁଏଞ୍ଜି ଏ ବାବବାଦିତି କାତା ୱେଃନେଞ୍ଜି, ଏୱାଞ୍ଜି ମୁଲାପେନୁତି ଦାଲ୍ଲା ତାୱାଟି ନାହେଡ୍ ଆନେଞ୍ଜି । 24ହାଁ, ସାମୁଏଲ ଅଟେ ତା ଡେଗ୍ଗା ଏଚ୍ଚେ ବାବବାଦିଙ୍ଗ୍ କାତା ୱେସାନ୍ନେରି, ଏୱାରି ହାବେତାରି ୱାଡ଼େ ଇ କାଲାତି କୁଲାଟି ୱେସାନ୍ନେରି । 25ମିରୁ ଏ ବାବବାଦିଙ୍ଗ୍ତି ମ୍ରିକା, ଆଟେ ମି ପୁଣ୍ଡିତାୱାଟି ପୁର୍ତିତି ହାବେତ୍ ପୁଣ୍ଡି ମେଲା ପାଁନେରି, ଇ କାତା ମୁଲାପେନୁ ଅବ୍ରାହାମନିକି ୱେସାନ୍ ମି ଆକେଙ୍ଗ୍ ଡ଼ାହି ଇମ୍ୱିନ୍ ଚୁକ୍ତି କିଆଚ୍ଚେଞ୍ଜି, ମିରୁ ଏ ଚୁକ୍ତିତି ମ୍ରିକାନାତେରି । 26ମୁଲାପେନୁ ତା କାମ୍ୱାରେଏଞ୍ଜି ଜିସୁନିକି ହାଅନ୍ତାୱାଟି ନିକ୍ଚାନ୍ କାହେ ମି ରେଃଏସ୍ ପାଣ୍ଡିଦାତେଞ୍ଜି, ଇନିସ୍କି ଏୱାଞ୍ଜି ମି ହାବେତ୍ ଦାଲ୍ଲାନିକି ତା ତା ଡ଼ଃଆନାୱାଟି ୱ୍ଡେପ୍ଚ୍ଚାନ୍ ମେଲା କିନେଞ୍ଜି ।
Currently Selected:
ପେରିତ 3: DWK
Highlight
Share
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
ପେରିତ 3
3
ରଃଅଞ୍ଜି ମେଟ୍ଲାଙ୍ଗ୍ଗାଟାଞ୍ଜି ନେହି ଆଅନ୍
1ରନେସି ପ୍ରାତ୍ନା କିଅନ୍ତି ତୁକାତାୱା, ମିଡ୍ଡଡ଼୍ ମୁ ଗଣ୍ଟାତାୱା ପିତର ଅଟେ ଜହନ ଜିରୁସାଲମ ମନ୍ଦିରଇନ୍ଦା ହାଜ୍ଜିଚ୍ଚେରି । 2ଇହିଙ୍ଗିସି ତୁକାତାୱା ଇୟା ଟୁଟୁଟି ରଃଅଞ୍ଜି ମେଟ୍ଲାଙ୍ଗ୍ଗାଟାଞ୍ଜିକି ଏଚ୍ଚେ ଦାଲ୍ଲା ଡେକାନ୍ ତାଚ୍ଚାନାହି; ମନ୍ଦିର ଲାଃଇ ହଲ୍ବିଚ୍ଚି ଦାଲ୍ଲାତାୱାଟି ବିକ ୱ୍ରିହ୍ପନ୍ ବାଗା ତାଙ୍ଗେ ଦିନାଙ୍ଗେଃଏ ମନ୍ଦିରତି ଆଡାନ୍ନି ପାରୁଗାଟି ଦାରାତାୱା ଇଟ୍ଟେଚ୍ଚେରି । 3ଏ ମେଟ୍ଲାଙ୍ଗ୍ଗାଟାଞ୍ଜି ପିତର ଅଟେ ଜହନନିକି ମନ୍ଦିର ଲାଃଇ ହଲ୍ବିଚ୍ଚାଦାଃଆ ହୁଡ଼ାନ୍ ବିକ ୱ୍ରିହ୍ପନ୍ ମ୍ରାସ୍ତେଞ୍ଜି । 4ପିତର ଅଟେ ଜହନ ତାଙ୍ଗେ ର କାନ୍ନୁଟି ମେହ୍ତେରି, ଆଟେ ପିତର ୱେସ୍ତେଞ୍ଜି, ମାପେକି ମେହ୍ତାମୁ । 5ଏମ୍ୱାଟି ଏୱାଞ୍ଜି ଏୱାର୍ତାୱାଟି ଇନ୍ନା ଆତେସି ହିତେ ପାଁନ୍ବନ୍ତି ଆସାଟି ଏୱାରିକି ମେହାନ୍ ବାସାଆତେଞ୍ଜି । 6ମତ୍ର ପିତର ୱେସ୍ତେଞ୍ଜି, “ନା ରେଃଏସ୍ ରୁପା କି ସୁନା ହେଃଲ୍ଲେ; ମତ୍ର ନା ରେଃଏସ୍ ଇନ୍ନା ମାନ୍ନେ, ଏଦା ନାନୁ ନିଙ୍ଗେ ହିଞ୍ଜାଆ; ନାଜରିତ ଜିସୁ କ୍ରିସ୍ଟତି ପାରୁଟି ନିଙ୍ଗାନ୍ ତାକାମୁ ।” 7ଆଟେ ପିତର ତା ତିନ୍ନି କାଜ୍ଜୁ ଆହାନ୍ ତାଙ୍ଗେ ନିକ୍ତେଞ୍ଜି; ଆଟେ ଏଚିୱାଡ଼େ ତା ପାନେଡ଼୍କା ଅଟେ କାଟ୍କାତି ଗାଟ୍ଟିଙ୍ଗ୍ ହାବେ ବଲ ପାଟୁ । 8ଆଟେ ଏୱାଞ୍ଜି ପିଡ଼ିୱିଟ୍ନା ଡିଡ୍ଡିତେଞ୍ଜି ଅଟେ ତାକନ୍ ମ୍ରାସ୍ତେଞ୍ଜି; ଆଟେ ଏୱାଞ୍ଜି ତାକି ତାକି ଅଟେ ପିଞ୍ଜି ପିଞ୍ଜି ମୁଲାପେନୁନିକି ଜୁଙ୍ଗାନାହି ଏୱାର୍ ଡ଼ାହି ମନ୍ଦିର ଲାଃଇ ହଟେଞ୍ଜି । 9ଏମ୍ୱାଟି ଦାଲ୍ଲାହାବେ ତାଙ୍ଗେ ତାକନ୍ତାଦା ଅଟେ ମୁଲାପେନୁନିକି ଜୁଙ୍ଗନ୍ତାଦା ହୁଡ଼ିତେରି, 10ଆଟେ ଇମ୍ୱିନ୍ କୁଏଞ୍ଜି ମନ୍ଦିରତି ଆଡାନ୍ନି ଦାରାତି ଟାକ୍କେ କକ୍ଚ୍ଚାନ୍ ବିକ ୱ୍ରିହ୍ପିଚ୍ଚେଞ୍ଜି, ଇୱାଞ୍ଜି ଏ କୁଏଞ୍ଜି ଇଞ୍ଜାନ୍ ଏୱାରି ପୁଚ୍ଚେରି, ଆଟେ ତା ପାଟ୍ଟି ଇନ୍ନା ଗଟି ଆଚ୍ଚେ, ଏଦା ହୁଡ଼ାନ୍ ଏୱାରି ଏଗେଲ୍ ଆଜ୍ଜାନାହି ଆକ୍କାବାଡ଼ାଙ୍ଗ୍ ଆତେରି ।
ଜିରୁସାଲମତାୱା ପିତରତି ବାକ୍ୟ ପ୍ରଚାର
11ଏ ନେହି ଆନ୍ନି କୁଏଞ୍ଜି ପିତର ଅଟେ ଜହନ ଡ଼ାହି ସଲମନତି ମଣ୍ଡପତାୱା ମାଚ୍ଚାଦାଃଆ ହୁଡ଼ାନ୍ ଦାଲ୍ଲା ହାବେ ଆକ୍କାବାଡ଼ାଙ୍ଗ୍ ଆନ୍ ଏୱାର୍ ଟାକ୍କେ ଡେହି ଡେହି ୱାତେରି । 12ପିତର ଏଦା ହୁଡ଼ାନ୍ ଦାଲ୍ଲାନିକି ୱେସ୍ତେଞ୍ଜି, ଏ ଇସ୍ରାଏଲତି ଦାଲ୍ଲା, ମିରୁ ଇନ୍ନା ବାଗା ଇୱାଞ୍ଜ୍ କୁଲାଟି ଆକ୍କାବାଡ଼ାଙ୍ଗ୍ ଆଇଞ୍ଜେରି ? ଇନ୍ନା ମାମୁ ମା ବଲ ଅଟେ ବକ୍ତି ବଲଟି ଇୱାଞ୍ଜିକି ତାକନ୍ତି ବଲ ହିଆନ୍ନାମୁ, ଏଦା ଏଲୁ କିଆନ୍ ମାଙ୍ଗେ ଇନ୍ନା ବାଗା ର କାନ୍ନୁଟି ମେହାଞ୍ଜାଦେରି ? 13ଅବ୍ରାହାମ, ଇସାକ ଅଟେ ଜାକୁବତି ମୁଲାପେନୁ ମା ଆକେଙ୍ଗ୍ତି ମୁଲାପେନୁ, ତା କାମ୍ୱାରେଏଞ୍ଜି ଜିସୁନିକି ଗଉରବ କିଆନ୍ନେଞ୍ଜି; ଏ ଜିସୁନିକି ମିରୁ ପାଗନ୍ ବାଗା ସର୍ପି କିତେରି, ଆଟେ ଏଚ୍ଚିକିଃଆ ବିଚାର କିଅନ୍ତି ପିଲାତ ତାଙ୍ଗେ ପିହ୍ପନ୍ ବାଗା ଏଲୁ କିଆଚ୍ଚେଞ୍ଜି, ଏଚିତୁକାତାୱା ମିରୁ ତାଙ୍ଗେ ପୁଃନ୍ନାତେରି । 14#ମାତି ୨୭:୧୫–୨୩; ମାର୍କ ୧୫:୬–୧୪; ଲୁକ ୨୩:୧୩–୨୩; ଜହ ୧୯:୧୨–୧୫ମିରୁ ଏ ପିର୍ନି ଅଟେ ଦାର୍ମିକ କୁଏଞ୍ଜିକି ପୁଃନ୍ନାତେରି, ମତ୍ର ରଃଅଞ୍ଜି କୁଇ ଗାଣ୍ଡି ପାଗନ୍ତାଞ୍ଜିନିକି#୩:୧୪ ରଃଅଞ୍ଜି କୁଇ ଗାଣ୍ଡି ପାଗନ୍ତାଞ୍ଜି ଇଚ୍ଚେସି ଇଦା ବାରବ୍ବାନିକି ୱେସ୍ପିନ୍ନେ କୁଲ୍ପନ୍ ବାଗାଟି ଜିଗିତେରି, 15ମତ୍ର ମିରୁ ପରନ୍ ହିଅନ୍ତି ଆବାନିକି ପାଗିତେରି, ତାଙ୍ଗେ ମୁଲାପେନୁ ହାନ୍ନାରିଆଟି ନିକ୍ଚାନ୍ନେଞ୍ଜି, ମାମୁ ଏ କାତାତି ସାକି ହିନ୍ନାମୁ । 16ଆଟେ ଏ ଜିସୁ ପାରୁଟି ମାଞ୍ଜାଡ଼ି କିତାୱିଃଆଟି ଇ ଇମ୍ୱିନ୍ କୁଏଞ୍ଜିକି ମିରୁ ହୁଡ଼େଞ୍ଜେରି ଅଟେ ପୁଞ୍ଜାଞ୍ଜେରି, ଇୱାଞ୍ଜିକି ଏ ଜିସୁତି ପାରୁ ବଲଗାଟାଞ୍ଜ୍ କିଆନ୍ନେ; ହାଁ, ତା ତାୱାଟି ପାଁଣ୍ଡାନ୍ନି ମାଞ୍ଜାଡ଼ି ଇୱାଞ୍ଜିକି ମି ନକେସି ଡ଼ାଙ୍ଗ୍ନା ନେହିକିଆନ୍ନେ ।
17ଆଟେ ହାଦାଡ଼ି ଏ ଆମ୍ୱେସାଙ୍ଗାନାତେରି, ମି ଗାମିନାରି ଇନିମିଡି, ମିରୁ ୱାଡ଼େ ଏହେଙ୍ଗିସି ପୁନ୍ନେଟେଃଏ ଇଦା କିଆଞ୍ଜେରି ଇଞ୍ଜାନ୍ ନାନୁ ପୁଞ୍ଜାମାଃଇ । 18ମତ୍ର ମୁଲାପେନୁ କ୍ରିସ୍ଟ ଦୁଃକ ପାଁନ୍ବନ୍ତି କୁଲା ବାବବାଦିଙ୍ଗ୍ ଗୁତିଟି ଇନ୍ନା ଇନ୍ନା କାହେ ୱେସାଚ୍ଚେଞ୍ଜି, ଏ ହାବେ ଏୱାଞ୍ଜି ଏଚିଡେହେଙ୍ଗ୍ ଲେର୍ କିଆନ୍ନେଞ୍ଜି ।
19ଇନିସ୍ ମି ପାପ ନବ୍ଗନ୍ ଆନେ, ଏଦାବାଗା ଏଲୁ ୱ୍ଡେପ୍ଚ୍ଚାନ୍ ଦାର୍ମୁ ପାଟ୍ଟି ୱ୍ଡେଚାନ୍ ୱାଦୁ,
20ଏହେଙ୍ଗ୍ ଆତେସି, ଏଚ୍ଚିକିଃଆ ଦାର୍ମୁତାୱାଟି ମାତି କିଅନ୍ତି ତୁକା ଏତାନେ; ଏଚିତୁକାତାୱା ମୁଲାପେନୁ ମି ବାଗାଟି କାହେ ଆଚି କିଆନ୍ନି କ୍ରିସ୍ଟନିକି, ଇଚ୍ଚେସ୍, ଜିସୁନିକି ପାଣ୍ଡିଦାନେଞ୍ଜି । 21ହାବେତ୍ କୁଲା ପୁନେସ୍ କ୍ଲେହନ୍ତି ଇମ୍ୱିନ୍ ତୁକାତି କାତା ନକିଟେଃଏ ମୁଲାପେନୁ ତା ପିର୍ନି ବାବବାଦିଙ୍ଗ୍ତି ଗୁତିଟି ୱେସାନ୍ନେଞ୍ଜି ଏ ତୁକା ୱାଃଆନ୍ ଟିକ୍ନା ତାନୁ ସର୍ଗତାୱା ବାସାଆନେଞ୍ଜି । 22ମସା ତ ୱେସାଚ୍ଚେଞ୍ଜି, ଦାର୍ମୁ ମୁଲାପେନୁ ମି ଆମ୍ୱେସାଙ୍ଗାତାୱାଟି ମି ବାଗା ନା ଡେହେଙ୍ଗ୍ ରଃଅଞ୍ଜି ବାବବାଦିନିକି ହପ୍ନେଞ୍ଜି; ଏୱାଞ୍ଜି ମିଙ୍ଗେ ଇମ୍ୱିନ୍ ହାବେତ୍ କୁଲାଟି ୱେସ୍ତାନ୍ନେଞ୍ଜି, ଏ ହାବେତ୍ କୁଲାଟି ମିରୁ ତା କାତା ୱେଞ୍ଜେରି । 23ମତ୍ର ଇହିଙ୍ଗିସି ଆନେ ଜେ, ଇମ୍ୱିନ୍ କୁଏଞ୍ଜି ଏ ବାବବାଦିତି କାତା ୱେଃନେଞ୍ଜି, ଏୱାଞ୍ଜି ମୁଲାପେନୁତି ଦାଲ୍ଲା ତାୱାଟି ନାହେଡ୍ ଆନେଞ୍ଜି । 24ହାଁ, ସାମୁଏଲ ଅଟେ ତା ଡେଗ୍ଗା ଏଚ୍ଚେ ବାବବାଦିଙ୍ଗ୍ କାତା ୱେସାନ୍ନେରି, ଏୱାରି ହାବେତାରି ୱାଡ଼େ ଇ କାଲାତି କୁଲାଟି ୱେସାନ୍ନେରି । 25ମିରୁ ଏ ବାବବାଦିଙ୍ଗ୍ତି ମ୍ରିକା, ଆଟେ ମି ପୁଣ୍ଡିତାୱାଟି ପୁର୍ତିତି ହାବେତ୍ ପୁଣ୍ଡି ମେଲା ପାଁନେରି, ଇ କାତା ମୁଲାପେନୁ ଅବ୍ରାହାମନିକି ୱେସାନ୍ ମି ଆକେଙ୍ଗ୍ ଡ଼ାହି ଇମ୍ୱିନ୍ ଚୁକ୍ତି କିଆଚ୍ଚେଞ୍ଜି, ମିରୁ ଏ ଚୁକ୍ତିତି ମ୍ରିକାନାତେରି । 26ମୁଲାପେନୁ ତା କାମ୍ୱାରେଏଞ୍ଜି ଜିସୁନିକି ହାଅନ୍ତାୱାଟି ନିକ୍ଚାନ୍ କାହେ ମି ରେଃଏସ୍ ପାଣ୍ଡିଦାତେଞ୍ଜି, ଇନିସ୍କି ଏୱାଞ୍ଜି ମି ହାବେତ୍ ଦାଲ୍ଲାନିକି ତା ତା ଡ଼ଃଆନାୱାଟି ୱ୍ଡେପ୍ଚ୍ଚାନ୍ ମେଲା କିନେଞ୍ଜି ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0