ପେରିତ 2
2
ପିର୍ନି ଡିଙ୍ଗା ଜାପନି
1ପେଣ୍ଟିକସ୍ଟ#୨:୧ ପାସ୍କା ଦିନାତାୱାଟି ରି କୁଡ଼ି ଦାସା ଦିନାତିକି ପେଣ୍ଟିକସ୍ଟ ଇଞ୍ଜିଚ୍ଚେରି ଦିନା ୱାଅନେଃଏ, ହାବେ ମାଞ୍ଜାଡ଼ିଗାଟାରି ରଣ୍ଡା ଗର୍ରିତାୱା ଉଜାନ୍ ମାଚ୍ଚେରି । 2ଆଟେ ଗାପ୍ଚି ୱାଇନି ବେର୍ ୱ୍ଲିକାତି ହାଦ୍ଦା ଡେହେଙ୍ଗ୍ ରଣ୍ଡି ହାଦ୍ଦା ବୁଡ଼୍ବାଡ଼୍ନା ଜାଗ୍ଗୁଟି ୱାତେ । ଆଟେ ଇମ୍ୱିନ୍ ଇଡ୍ଡୁତାୱା ଏୱାରି କକ୍ଚାଚ୍ଚେରି, ଏ ଇଡ୍ଡୁତି ହାବେତ୍ଇନ୍ଦା ନେଞ୍ଜିତେ ।
3ଆଟେ ନାଡ଼ିଗ୍ରେଙ୍ଗୁ ଡେହେଙ୍ଗ୍ ୱାଙ୍ଗେସ୍କା ଏୱାରିକି ତଞ୍ଜିତୁ, ଆଟେ ରଣ୍ଡି ରଣ୍ଡି ଆନାହି ଏୱାର୍ତି ହାବେତାରି କୁଃଏଟି ଜାତୁ । 4ଏମ୍ୱାଟି ଏ ହାବେତାରି ପିର୍ନି ଡିଙ୍ଗାଟି ନେଞ୍ଜିତେରି, ଆଟେ ପିର୍ନି ଡିଙ୍ଗା ଏୱାରିକି ଇନିମିଡି ୱେସ୍ପନ୍ ବାଗା ବଲ ହିତେ ଏହେଙ୍ଗିସି ଏୱାରି ବିହି ବିହି କାତାଟି କାତା ଆଅନ୍ ମ୍ରାସ୍ତେରି ।
5ଇ ତୁକାତାୱା ପେଣ୍ଟିକସ୍ଟ ରେହାଙ୍ଗ୍ ପାଲ୍ନି ଆଅନ୍ ବାଗାଟି ଜାଗ୍ଗୁ ନେତେ ମାନ୍ନି ହାବେତ୍ ପୁଣ୍ଡିତାୱାଟି ଜିହୁଦି ଦର୍ମଗାଟାରି ୱାନାହି, ଜିରୁସାଲମତାୱା ବାସାଆଇଚ୍ଚେରି; 6ଆଟେ ଏ ହାଦ୍ଦା ଆଅନେଃଏ, ଦାଲ୍ଲା ହାବେ ରପାଟ୍ଟେ ଆନାହି ହାବେତାରି ତା ତା କାତାଟି ଏୱାରିକି କାତା ୱେସ୍ପିଚ୍ଚାଦାଃଆ ୱେଞ୍ଜାନ୍ ଆକ୍କାବାକ୍କା ଆତେରି । 7ଆଟେ ଏୱାରି ଆକ୍କାବାଡ଼ାଙ୍ଗ୍ ଆନ୍ ଆଜ୍ଜାନ୍ ୱେସ୍ପନ୍ ମ୍ରାସ୍ତେରି, ହୁଡ଼ାଟୁ, ଇ ଇମ୍ୱିନ୍ ଦାଲ୍ଲା କାତା ୱେସ୍ପିନ୍ନେରି, ଏୱାରି ହାବେ ଇନ୍ନା ଗାଲିଲିତାରି ଆଃଏ ? 8ଏହେଙ୍ଗ୍ ଆତେସି ମାରୁ ଇନିମିଡି ହାବେତାସୁ ମାରୁ ମା ପ୍ଲିତି ଗର୍ରିତି କାତା ୱେଞ୍ଜିନ୍ନା ? 9ପାର୍ତିୟ, ମାଦିୟ ଅଟେ ଏଲାମିୟ, ଆଟେ ମେସପଟାମିଆ, ଜିହୁଦା ଦେସା ଅଟେ କାପ୍ପାଦକିଆ, ପନ୍ତ ଅଟେ ଏସିଆ, 10ପ୍ରୁଗିଆ, ପଂପୁଲିଆ, ମିସର ଅଟେ କୁରିନିୟ ରେଃଏସ୍ ମାନ୍ନି ଲିବିଆ ରାଜିତାୱା ମାଞ୍ଜିନ୍ନି ଦାଲ୍ଲା, ରୁମିୟତାୱାଟି ୱାନ୍ନି ଜିହୁଦିଙ୍ଗ୍ ଅଟେ ଜିହୁଦା ଦର୍ମତାୱା ମାଞ୍ଜିନ୍ନାରି, 11ଆଟେ ଜିହୁଦିଙ୍ଗ୍, କ୍ରିତିୟ ଅଟେ ଆରବିୟ#୨:୧୧ ଇମ୍ୱିନ୍ ଜିହୁଦିଙ୍ଗ୍ କ୍ରିତିୟ ଅଟେ ଆରବତାୱା ପ୍ଲିଆଚ୍ଚେରି । ଦାଲ୍ଲା ଜେ ମାରୁ, ମା ମା କାତାଟି ଇୱାରିକି ମୁଲାପେନୁତି ବେର୍ ବେର୍ ବଲତି କାତା ୱେସ୍ପିଆଇନାଦା ୱେଞ୍ଜିନ୍ନା ।
12ଆଟେ ହାବେତାରି ଆକ୍କାବାଡ଼ାଙ୍ଗ୍ ଅଟେ ଆକ୍କାବାକ୍କା ଆନ୍ ତାରୁ ତାରୁ ୱେସ୍ପିଆତେରି, ଇଦାତି ଅର୍ତ ଇନ୍ନି କୁଲା ? 13ମତ୍ର ବିହିତାରି ଗେରୁ କିଆନ୍ ମାଞ୍ଜାଡ଼ିଗାଟାରିକି ୱେସ୍ତେରି, ଇୱାରି ନାପ୍କି ଅଙ୍ଗୁରନିରୁ ଏଗେଲ୍ ଉଣ୍ଡାନ୍ ପାଞ୍ଜାନ୍ନେରି ।
ପିତରତି ବାକ୍ୟ ପ୍ରଚାର
14ମତ୍ର ପିତର ଏଗାର ଗାଣ୍ଡି ଡ଼ାହି ଡିଡ୍ଡାନାହି ବେର୍ ଉକୁଡ଼ିଆଟି ଏୱାର୍ ରେଃଏସ୍ ବାକ୍ୟ ୱେସ୍ତେଞ୍ଜି, ଏ ଜିହୁଦି ଦାଲ୍ଲା ଅଟେ ଜିରୁସାଲମତାୱା ମାଞ୍ଜିନ୍ନି ହାବେତାତେରି, ମିରୁ ଇଦା ପୁଞ୍ଜୁ ଅଟେ ନା କାତା ୱେଞ୍ଜାଟୁ । 15ଇନାକି ମିରୁ ଇନିମିଡି ଏଲୁ କିଞ୍ଜେରି, ଇୱାରି ଏହେଙ୍ଗିସି ପାଞ୍ଜାହେଃଲ୍ଲେରି, ଇନାକି ହାଦାଡ଼ି ଡାଃଏସି ନହା ଗଣ୍ଟାନେଃଏ ଆନ୍ନେ । 16ମତ୍ର ବାବବାଦି ଜୁଏଲ ତାୱାଟି ଇନ୍ନା ପିର୍ନି ପୁତିତାୱା ୱ୍ରିଗାଆନ୍ନେ ଇଦି ଆଇନେ ଏ ଡୁଣ୍ଡେଲ୍ ।
17ମୁଲାପେନୁ ୱେସ୍ପିନ୍ନେଞ୍ଜି ୱିହାନ୍ଦୁକାତାୱା ଇହିଙ୍ଗିସି ଆନେ ଜେ ନାନୁ ପୁର୍ତିତାୱା ମାନ୍ନି ଦାଲ୍ଲା କୁଃଏଟି ନା ଡିଙ୍ଗା ରିୱିକିଃଇ, ଏମ୍ୱାଟି ମି ମ୍ରିକାମ୍ରାଗାସ୍କା ବାବବାନି ୱେସ୍ନେରି, ମି ଲାୱେଙ୍ଗ୍ ଲାଃଉସ୍କା ତଞ୍ଜୁ ପାଁନେରି ଆଟେ ମି ବୁଡ୍ଡାଗାଟାର୍ କ୍ଡିଞ୍ଜା ହୁଡ଼ିନେରି । 18ହାଁ, ଏଚିତୁକାତାୱା ନାନୁ ନା କାମ୍ବାରାଙ୍ଗା କାମ୍ୱାରାସ୍କା କୁଃଏଟି ନା ଡିଙ୍ଗା ରିୱିକିଃଇ, ଏମ୍ୱାଟି ଏୱାରି ବାବବାନି ୱେସ୍ନେରି । 19ନାନୁ ଜାଗ୍ଗୁତାୱା ବିହି ବିହି ଆକ୍କାବାଡ଼ାଙ୍ଗ୍ତି କାମା; ଆଟେ ପୁର୍ତିତାୱା ବିହି ବିହି ତୁର୍ରି, ରାକ୍କା, ନାଡ଼ି ଅଟେ ବହଲଗାଟି ପକେଡ଼୍ ତସିଃଇ । 20ଦାର୍ମୁତି ଗାମିନ୍ ଅଟେ ଗାପ୍ଚି ଗଉରବତି ଦିନା ୱାଃଆନ୍ କାହେନେଃଏ, ୱେଲା କାଲକ୍ ଅଟେ ଡାଁଞ୍ଜୁ ରାକ୍କା ଲାକ୍କା ଆନେ ।
21ଆଟେ ଇହିଙ୍ଗିସି ଆନେ ଜେ, ଏମ୍ୱେନାଞ୍ଜି ଦାର୍ମୁ ପାରୁଟି ପ୍ରାତ୍ନା କିନେଞ୍ଜି, ଏୱାଞ୍ଜି ଜ୍ଡିପା ପାଁନେଞ୍ଜି ।
22ଏ ଇସ୍ରାଏଲତି ଦାଲ୍ଲା, ଇ ହାବେତ୍ କାତା ୱେଞ୍ଜୁ, ମୁଲାପେନୁ ନାଜରିତ ଜିସୁତାୱାଟି ବଲତି ବିହି ବିହି କାମା, ଆକ୍କାବାଡ଼ାଙ୍ଗ୍ତି କାମା ଅଟେ ତୁର୍ରିଙ୍ଗ୍ ତାୱାଟି ମି ଟାକ୍କେ ଜିସୁନିକି ତାନୁ ପାଣ୍ଡାଞ୍ଜାନ୍ନି କୁଏଞ୍ଜି ଇଞ୍ଜାନ୍ ପରମାନ କିଆନ୍ନେଞ୍ଜି, ମୁଲାପେନୁ ମି ତାୱା ଇ ହାବେତ୍ କାମା କିଆନ୍ନେଞ୍ଜି, ଇଦା ମିରୁ ନିଜେ ପୁଞ୍ଜିଞ୍ଜେରି; 23#ମାତି ୨୭:୩୫; ମାର୍କ ୧୫:୨୪; ଲୁକ ୨୩:୩୩; ଜହ ୧୯:୧୮ଏ ଜିସୁ ମୁଲାପେନୁତି ଆଚି କିଆନ୍ନି ଜୁଜନା ଅଟେ କାହେତି ଆଗ୍ୟାଁ ଡେହେଙ୍ଗ୍ ସର୍ପି କିଅନେଃଏ, ମିରୁ ତାଙ୍ଗେ ଅଦର୍ମଗାଟାର୍ତି କାଜ୍ଜୁତାୱା ସର୍ପି କିଆନ୍ କ୍ରୁସତାୱା ଏକ୍ଚାନ୍ ପାଗାଚ୍ଚେରି; 24#ମାତି ୨୮:୫,୬; ମାର୍କ ୧୬:୬; ଲୁକ ୨୪:୫ମତ୍ର ମୁଲାପେନୁ ହାଅନ୍ତି ବିହାନପୁତାୱାଟି ଜ୍ଡିପ୍ଚାନ୍ ତାଙ୍ଗେ ରିହିକ୍ ନିକ୍ଚାନ୍ନେଞ୍ଜି, ଇନାକି ଏୱାଞ୍ଜିକି ହାଅନ୍ତାଦି ଆହାନ୍ ଇଟ୍ଟନ୍ ମୁନେ, ଏଦି ଆଅନ୍ ମୁଃଏ । 25ଦାଉଦ ରାଜେଞ୍ଜି ତ ଜିସୁତି କୁଲାଟି ୱେସ୍ପିନ୍ନେଞ୍ଜି, “ନାନୁ ହାବେ ୱେଲା ନା ନକେସି ଦାର୍ମୁନିକି ହୁଡ଼େମାଃଇ, ନାନୁ ଇନିମିଡି ଆଃଜ୍ଜେନୁ, ଏଦାକି ଏୱାଞ୍ଜି ନା ତିନ୍ନି ଇନ୍ଦେଟି ମାନ୍ନେଞ୍ଜି । 26ଏଦାବାଗା ନା ହଡାଙ୍ଗ୍ ଅଟେ ନା ୱାଙ୍ଗେସି ରାହାଙ୍ଗ୍ତି ଗାଡ଼ି କିପାକାଦି, ଆଟେ ନା ଗାଣ୍ଡି ୱାଡ଼େ ନାର୍ରାଟି ବାସାଆନେ, 27ଇନାକି ନିନୁ ନା ପରନ୍ତିଦି ନାଡ଼ିକୁଟ୍ଟିତାୱା ତୁଃହାଆ କି ନି ପିର୍ନିଗାଟାଞ୍ଜିକି ନାହେଡ୍ ଆଅନ୍ ବାଗା ହିଃଆ । 28ନିନୁ ନାଙ୍ଗେ ପରନ୍ତି ଗିଜ୍ଜୁ ତସାଞ୍ଜାଦି, ଆଟେ ନି ନକେସି ନାନୁ ଗାପ୍ଚି ରାହାଙ୍ଗ୍ ଡ଼ାହି ବାସାଆଃଇ।”
29ଏ ଆମ୍ୱେସାଙ୍ଗାନାତେରି, ମା ଆକେଞ୍ଜି ଦାଉଦ କୁଲାଟି ନାନୁ ମିଙ୍ଗେ ବରେସିଆଟି ୱେସ୍ପନ୍ ମୁତା ଜେ, ଏୱାଞ୍ଜି ହାତେଞ୍ଜି ଅଟେ ମୁସ୍ପା ପାଟେଞ୍ଜି, ଆଟେ ତା ଗ୍ରିପାଙ୍ଗୁଟି ନିଞ୍ଜୁ ଟିକ୍ନା ମା ତାୱା ମାନ୍ନେ ।
30ଏଦାକି ଏୱାଞ୍ଜି ବାବବାଦି ଆଚ୍ଚାୱିଃଆଟି ଅଟେ ତା ଟୁଟୁଟି ପ୍ଲିଆନି ରଃଅଞ୍ଜି କୁଏଞ୍ଜିକି ମୁଲାପେନୁ ଜେ ତା ଗାଦିତାୱା କକ୍କି କିଅନ୍ତିକି ତା ଟାକ୍କେ ହାପ୍ପା କିଆନ୍ ୱେସାଚ୍ଚେଞ୍ଜି, 31ଇଦା ପୁନ୍ବନେଃଏ ଏୱାଞ୍ଜି ନକେସ୍ ଇନ୍ନା ଆନେ ଏଦା ହୁଡ଼ନ୍ତାୱାଟି କ୍ରିସ୍ଟତି ନିମ୍ୱାନ୍ନିଙ୍ଗନ୍ତି କୁଲାଟି ୱେସାଚ୍ଚେଞ୍ଜି, ମୁଲାପେନୁ ଏୱାଞ୍ଜିକି ନାଡ଼ିକୁଟ୍ଟିତାୱା ପିଃହାତେଞ୍ଜି, ଆଟେ ତା ଗାଣ୍ଡି ନାହେଡ୍ ଆଃଆତେ ।
32ଇ ଜିସୁନିକି ମୁଲାପେନୁ ହାଅନ୍ତାୱାଟି ନିକ୍ଚାନେଞ୍ଜି, ଏ କୁଲାଟି ମାମୁ ହାବେ ସାକି ମାନ୍ନାମୁ । 33ଏଦାବାଗା ମୁଲାପେନୁ ତା ତିନ୍ନି କାଜ୍ଜୁଟି ଜିସୁନିକି ଗାମି କିତେଞ୍ଜି, ଅଟେ ଦିବ୍ବା କିଆନ୍ନି ପିର୍ନି ଡିଙ୍ଗା ହିତେଞ୍ଜି, ଏଦା ଦାର୍ମୁ ଜିସୁ ମା କୁଃଏଟି ରିୱିକିଆଞ୍ଜାନେଞ୍ଜି । ଇନ୍ଦାରିକି ମିରୁ ହୁଡ଼େଞ୍ଜେରି ଅଟେ ୱେଞ୍ଜିଞ୍ଜେରି, 34ଇନାକି ଦାଉଦ ସର୍ଗଇନ୍ଦା ହାଜ୍ଜା ହେଃଲ୍ଲାତେଞ୍ଜି, ମତ୍ର ଏୱାଞ୍ଜି ତାନୁନେଃଏ ୱେସ୍ପିନ୍ନେଞ୍ଜି, “ଦାର୍ମୁ ନା ଦାର୍ମୁନିକି ୱେସ୍ତେଞ୍ଜି, 35ନାନୁ ଇମ୍ୱିନ୍ ଟିକ୍ନା ନି ସତ୍ରୁ ଦାଲ୍ଲାନିକି ନି କାଟ୍କା ନେତେ କିଟ୍ଟାହେଃଲ୍ଲାନୁ, ଏଚି ଟିକ୍ନା ନା ତିନ୍ନି ଇନ୍ଦେଟ୍ କକ୍ଚ୍ଚାନ୍ମୁ ।”
36ଏଦାବାଗା ହାବେତ୍ ଇସ୍ରାଏଲ ପୁଣ୍ଡି ନେହେନ୍ ପୁନ୍ନାକାରି ଜେ, ଇମ୍ୱିନ୍ ଜିସୁନିକି ମିରୁ କ୍ରୁସତାୱା ପାଗିତେରି, ତାଙ୍ଗେ ମୁଲାପେନୁ, ରିଣ୍ଡା ପଦ ହିଆନ୍ନେଞ୍ଜି ରଣ୍ଡି ଦାର୍ମୁ ଅଟେ ରଣ୍ଡି ଆଇନେ କ୍ରିସ୍ଟ ।
37ଏଚ୍ଚିକିଃଆ ଏୱାରି ଇ କାତା ୱେଚ୍ଚେରି, ଏୱାରି ହଡାଙ୍ଗିଃଆଟି ଗାପ୍ଚି ଦୁଃକ କିତେରି, ଆଟେ ଏୱାରି ପିତର ଅଟେ ଏଚ୍ଚେ ମାଚ୍ଚି ପେରିତଙ୍ଗ୍ନିକି ୱେସ୍ତେରି, ଆମ୍ୱେସାଙ୍ଗାନାତେରି, ମାରୁ ଇନ୍ନା କିନା ?
38ଏମ୍ୱାଟି ପିତର ଏୱାରିକି ୱେସ୍ତେଞ୍ଜି, ମିରୁ ଏଲୁୱ୍ଡେପ୍ଦୁ, ଆଟେ ମି ମି ପାପ ହାବେ ମାକ୍ସାଡ଼ି ଆଅନ୍ ବାଗାଟି ହାବେତାତେରି ଜିସୁ କ୍ରିସ୍ଟ ପାରୁଟି ଡୁବନ୍ ଆଦୁ; ଏହେଙ୍ଗ୍ ଆତେସି ମିରୁ ପିର୍ନି ଡିଙ୍ଗାତି ଦାନ ପାଁଣ୍ଡେରି । 39ଇନାକି ଇ ଦିବ୍ବା ମି ବାଗାଟି, ମି ବଦାମିଡା ବାଗାଟି, ଆଟେ ଦେହା ମାନ୍ନି ଏ ହାବେ ଦାଲ୍ଲା ବାଗାଟି ୱାଡ଼େ ଆନ୍ନେ, ଇନ୍ଦାରିକି ଦାର୍ମୁ ମା ମୁଲାପେନୁ ତା ରେଃଏସ୍ ଆର୍ନେଞ୍ଜି ।
40ଆଟେ ଏଗେଲ୍ କାତା ଡ଼ାହି ଏୱାଞ୍ଜି ଏୱାରିକି ସାକି ହିଅନ୍ ମ୍ରାସ୍ତେଞ୍ଜି ଅଟେ ଏୱାରିକି ଉପଦେସ ହିଆନ୍ ୱେସ୍ତେଞ୍ଜି, ଇ ଡ଼ଃଆନ୍ ପୁଣ୍ଡିତାୱାଟି ମି ଗାଣ୍ଡି ଜ୍ଡିପ୍ଦୁ । 41ଏମ୍ୱାଟି ଏମ୍ୱେନାରି ତା କାତା ମାଞ୍ଜାଡ଼ି କିତେରି, ଏୱାରି ଡୁବନ୍ ଆତେରି, ଆଟେ ଏ ଦିନା ବାଇକ୍ ମୁ ହଜାର୍ ଦାଲ୍ଲା ମଣ୍ଡଲି ଡ଼ାହି ଆଡ୍ଡିତେରି ।
ମାଞ୍ଜାଡ଼ିଗାଟାରି ଆଡ୍ଡିରୁଡ୍ଡି ଆଅନ୍
42ପୁନି ମାଞ୍ଜାଡ଼ିଗାଟାରି ପେରିତଙ୍ଗ୍ତି ଗ୍ରାପାତାୱା, ଆଡ୍ଡିରୁଡ୍ଡିତାୱା, ରୁଟି ରେପ୍କନ୍ତାୱା ଅଟେ ପ୍ରାତ୍ନା କିଅନ୍ତାୱା, ର ଏଲୁ ଆନ୍ ବାସାଆତେରି । 43ଆଟେ ଦାଲ୍ଲା ହାବେ ଆଜ୍ଜନ୍ ମ୍ରାସ୍ତେରି; ଇନାକି ପେରିତଙ୍ଗ୍ ୱାଡ଼େ ଏଗେଲ୍ ଆକ୍କାବାଡ଼ାଙ୍ଗ୍ତି କାମା ଅଟେ ତୁର୍ରିଙ୍ଗ୍ କିଅନ୍ ମ୍ରାସ୍ତେରି । 44#ପେରି ୪:୩୨–୩୫ଆଟେ ଏମ୍ୱେନାରି ଜିସୁନିକି ମାଞ୍ଜାଡ଼ି କିତେରି, ଏୱାରି ହାବେ ରପାଟ୍ଟେ ମାଞ୍ଜାନ୍ ହାବେତ୍ କୁଲା ହାଜାତି ଦନ ଇଞ୍ଜାନ୍ ଏଲୁ କିଚ୍ଚେରି, 45ଆଟେ ଏୱାରି ତା ତା ମାଚ୍ଚି ହେଃଲ୍ଲାତ୍ ଦନ ହାବେ ପ୍ରାଚାନାହି, ଇନ୍ଦାରିକି ଇନ୍ନା ଆବସକ ମାନ୍ନେ, ଏଚିଡେହେଙ୍ଗ୍ ହାବେ ଦାଲ୍ଲାନିକି ପାହାହିଅନ୍ ମ୍ରାସ୍ତେରି । 46ଆଟେ ଏୱାରି ର ମନ ଆନାହି ହାବେ ଦିନା ମନ୍ଦିରତାୱା ରପାଟ୍ଟେ ଆନ୍ ଗାଡ଼ିହେରୁ କିଚ୍ଚେରି ଅଟେ ଇଜ୍ଜାଇଜ୍ଜା ରୁଟି ଲେକ୍ଚାନ୍ ରାହାଙ୍ଗିଃଆଟି ଅଟେ ଲୁଙ୍ଗୁର୍ ହଡାଙ୍ଗିଃଆଟି ତିନ୍ବା ଉନ୍ବା କିଚ୍ଚେରି । 47ଆଟେ ମୁଲାପେନୁନିକି ଜୁଙ୍ଗେଚ୍ଚେରି ଅଟେ ଜିରୁସାଲମତି ହାବେତ୍ ଦାଲ୍ଲା ଏୱାରିକି ଜେଡା କିଚ୍ଚେରି । ଆଟେ ଦାର୍ମୁ ଜ୍ଡିପା ପାଁଣ୍ଡାନ୍ନି ଦାଲ୍ଲାନିକି ହାବେ ଦିନା ମଣ୍ଡଲିତାୱା ଆଟ୍ପିଚ୍ଚେଞ୍ଜି ।
Currently Selected:
ପେରିତ 2: DWK
Highlight
Share
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
ପେରିତ 2
2
ପିର୍ନି ଡିଙ୍ଗା ଜାପନି
1ପେଣ୍ଟିକସ୍ଟ#୨:୧ ପାସ୍କା ଦିନାତାୱାଟି ରି କୁଡ଼ି ଦାସା ଦିନାତିକି ପେଣ୍ଟିକସ୍ଟ ଇଞ୍ଜିଚ୍ଚେରି ଦିନା ୱାଅନେଃଏ, ହାବେ ମାଞ୍ଜାଡ଼ିଗାଟାରି ରଣ୍ଡା ଗର୍ରିତାୱା ଉଜାନ୍ ମାଚ୍ଚେରି । 2ଆଟେ ଗାପ୍ଚି ୱାଇନି ବେର୍ ୱ୍ଲିକାତି ହାଦ୍ଦା ଡେହେଙ୍ଗ୍ ରଣ୍ଡି ହାଦ୍ଦା ବୁଡ଼୍ବାଡ଼୍ନା ଜାଗ୍ଗୁଟି ୱାତେ । ଆଟେ ଇମ୍ୱିନ୍ ଇଡ୍ଡୁତାୱା ଏୱାରି କକ୍ଚାଚ୍ଚେରି, ଏ ଇଡ୍ଡୁତି ହାବେତ୍ଇନ୍ଦା ନେଞ୍ଜିତେ ।
3ଆଟେ ନାଡ଼ିଗ୍ରେଙ୍ଗୁ ଡେହେଙ୍ଗ୍ ୱାଙ୍ଗେସ୍କା ଏୱାରିକି ତଞ୍ଜିତୁ, ଆଟେ ରଣ୍ଡି ରଣ୍ଡି ଆନାହି ଏୱାର୍ତି ହାବେତାରି କୁଃଏଟି ଜାତୁ । 4ଏମ୍ୱାଟି ଏ ହାବେତାରି ପିର୍ନି ଡିଙ୍ଗାଟି ନେଞ୍ଜିତେରି, ଆଟେ ପିର୍ନି ଡିଙ୍ଗା ଏୱାରିକି ଇନିମିଡି ୱେସ୍ପନ୍ ବାଗା ବଲ ହିତେ ଏହେଙ୍ଗିସି ଏୱାରି ବିହି ବିହି କାତାଟି କାତା ଆଅନ୍ ମ୍ରାସ୍ତେରି ।
5ଇ ତୁକାତାୱା ପେଣ୍ଟିକସ୍ଟ ରେହାଙ୍ଗ୍ ପାଲ୍ନି ଆଅନ୍ ବାଗାଟି ଜାଗ୍ଗୁ ନେତେ ମାନ୍ନି ହାବେତ୍ ପୁଣ୍ଡିତାୱାଟି ଜିହୁଦି ଦର୍ମଗାଟାରି ୱାନାହି, ଜିରୁସାଲମତାୱା ବାସାଆଇଚ୍ଚେରି; 6ଆଟେ ଏ ହାଦ୍ଦା ଆଅନେଃଏ, ଦାଲ୍ଲା ହାବେ ରପାଟ୍ଟେ ଆନାହି ହାବେତାରି ତା ତା କାତାଟି ଏୱାରିକି କାତା ୱେସ୍ପିଚ୍ଚାଦାଃଆ ୱେଞ୍ଜାନ୍ ଆକ୍କାବାକ୍କା ଆତେରି । 7ଆଟେ ଏୱାରି ଆକ୍କାବାଡ଼ାଙ୍ଗ୍ ଆନ୍ ଆଜ୍ଜାନ୍ ୱେସ୍ପନ୍ ମ୍ରାସ୍ତେରି, ହୁଡ଼ାଟୁ, ଇ ଇମ୍ୱିନ୍ ଦାଲ୍ଲା କାତା ୱେସ୍ପିନ୍ନେରି, ଏୱାରି ହାବେ ଇନ୍ନା ଗାଲିଲିତାରି ଆଃଏ ? 8ଏହେଙ୍ଗ୍ ଆତେସି ମାରୁ ଇନିମିଡି ହାବେତାସୁ ମାରୁ ମା ପ୍ଲିତି ଗର୍ରିତି କାତା ୱେଞ୍ଜିନ୍ନା ? 9ପାର୍ତିୟ, ମାଦିୟ ଅଟେ ଏଲାମିୟ, ଆଟେ ମେସପଟାମିଆ, ଜିହୁଦା ଦେସା ଅଟେ କାପ୍ପାଦକିଆ, ପନ୍ତ ଅଟେ ଏସିଆ, 10ପ୍ରୁଗିଆ, ପଂପୁଲିଆ, ମିସର ଅଟେ କୁରିନିୟ ରେଃଏସ୍ ମାନ୍ନି ଲିବିଆ ରାଜିତାୱା ମାଞ୍ଜିନ୍ନି ଦାଲ୍ଲା, ରୁମିୟତାୱାଟି ୱାନ୍ନି ଜିହୁଦିଙ୍ଗ୍ ଅଟେ ଜିହୁଦା ଦର୍ମତାୱା ମାଞ୍ଜିନ୍ନାରି, 11ଆଟେ ଜିହୁଦିଙ୍ଗ୍, କ୍ରିତିୟ ଅଟେ ଆରବିୟ#୨:୧୧ ଇମ୍ୱିନ୍ ଜିହୁଦିଙ୍ଗ୍ କ୍ରିତିୟ ଅଟେ ଆରବତାୱା ପ୍ଲିଆଚ୍ଚେରି । ଦାଲ୍ଲା ଜେ ମାରୁ, ମା ମା କାତାଟି ଇୱାରିକି ମୁଲାପେନୁତି ବେର୍ ବେର୍ ବଲତି କାତା ୱେସ୍ପିଆଇନାଦା ୱେଞ୍ଜିନ୍ନା ।
12ଆଟେ ହାବେତାରି ଆକ୍କାବାଡ଼ାଙ୍ଗ୍ ଅଟେ ଆକ୍କାବାକ୍କା ଆନ୍ ତାରୁ ତାରୁ ୱେସ୍ପିଆତେରି, ଇଦାତି ଅର୍ତ ଇନ୍ନି କୁଲା ? 13ମତ୍ର ବିହିତାରି ଗେରୁ କିଆନ୍ ମାଞ୍ଜାଡ଼ିଗାଟାରିକି ୱେସ୍ତେରି, ଇୱାରି ନାପ୍କି ଅଙ୍ଗୁରନିରୁ ଏଗେଲ୍ ଉଣ୍ଡାନ୍ ପାଞ୍ଜାନ୍ନେରି ।
ପିତରତି ବାକ୍ୟ ପ୍ରଚାର
14ମତ୍ର ପିତର ଏଗାର ଗାଣ୍ଡି ଡ଼ାହି ଡିଡ୍ଡାନାହି ବେର୍ ଉକୁଡ଼ିଆଟି ଏୱାର୍ ରେଃଏସ୍ ବାକ୍ୟ ୱେସ୍ତେଞ୍ଜି, ଏ ଜିହୁଦି ଦାଲ୍ଲା ଅଟେ ଜିରୁସାଲମତାୱା ମାଞ୍ଜିନ୍ନି ହାବେତାତେରି, ମିରୁ ଇଦା ପୁଞ୍ଜୁ ଅଟେ ନା କାତା ୱେଞ୍ଜାଟୁ । 15ଇନାକି ମିରୁ ଇନିମିଡି ଏଲୁ କିଞ୍ଜେରି, ଇୱାରି ଏହେଙ୍ଗିସି ପାଞ୍ଜାହେଃଲ୍ଲେରି, ଇନାକି ହାଦାଡ଼ି ଡାଃଏସି ନହା ଗଣ୍ଟାନେଃଏ ଆନ୍ନେ । 16ମତ୍ର ବାବବାଦି ଜୁଏଲ ତାୱାଟି ଇନ୍ନା ପିର୍ନି ପୁତିତାୱା ୱ୍ରିଗାଆନ୍ନେ ଇଦି ଆଇନେ ଏ ଡୁଣ୍ଡେଲ୍ ।
17ମୁଲାପେନୁ ୱେସ୍ପିନ୍ନେଞ୍ଜି ୱିହାନ୍ଦୁକାତାୱା ଇହିଙ୍ଗିସି ଆନେ ଜେ ନାନୁ ପୁର୍ତିତାୱା ମାନ୍ନି ଦାଲ୍ଲା କୁଃଏଟି ନା ଡିଙ୍ଗା ରିୱିକିଃଇ, ଏମ୍ୱାଟି ମି ମ୍ରିକାମ୍ରାଗାସ୍କା ବାବବାନି ୱେସ୍ନେରି, ମି ଲାୱେଙ୍ଗ୍ ଲାଃଉସ୍କା ତଞ୍ଜୁ ପାଁନେରି ଆଟେ ମି ବୁଡ୍ଡାଗାଟାର୍ କ୍ଡିଞ୍ଜା ହୁଡ଼ିନେରି । 18ହାଁ, ଏଚିତୁକାତାୱା ନାନୁ ନା କାମ୍ବାରାଙ୍ଗା କାମ୍ୱାରାସ୍କା କୁଃଏଟି ନା ଡିଙ୍ଗା ରିୱିକିଃଇ, ଏମ୍ୱାଟି ଏୱାରି ବାବବାନି ୱେସ୍ନେରି । 19ନାନୁ ଜାଗ୍ଗୁତାୱା ବିହି ବିହି ଆକ୍କାବାଡ଼ାଙ୍ଗ୍ତି କାମା; ଆଟେ ପୁର୍ତିତାୱା ବିହି ବିହି ତୁର୍ରି, ରାକ୍କା, ନାଡ଼ି ଅଟେ ବହଲଗାଟି ପକେଡ଼୍ ତସିଃଇ । 20ଦାର୍ମୁତି ଗାମିନ୍ ଅଟେ ଗାପ୍ଚି ଗଉରବତି ଦିନା ୱାଃଆନ୍ କାହେନେଃଏ, ୱେଲା କାଲକ୍ ଅଟେ ଡାଁଞ୍ଜୁ ରାକ୍କା ଲାକ୍କା ଆନେ ।
21ଆଟେ ଇହିଙ୍ଗିସି ଆନେ ଜେ, ଏମ୍ୱେନାଞ୍ଜି ଦାର୍ମୁ ପାରୁଟି ପ୍ରାତ୍ନା କିନେଞ୍ଜି, ଏୱାଞ୍ଜି ଜ୍ଡିପା ପାଁନେଞ୍ଜି ।
22ଏ ଇସ୍ରାଏଲତି ଦାଲ୍ଲା, ଇ ହାବେତ୍ କାତା ୱେଞ୍ଜୁ, ମୁଲାପେନୁ ନାଜରିତ ଜିସୁତାୱାଟି ବଲତି ବିହି ବିହି କାମା, ଆକ୍କାବାଡ଼ାଙ୍ଗ୍ତି କାମା ଅଟେ ତୁର୍ରିଙ୍ଗ୍ ତାୱାଟି ମି ଟାକ୍କେ ଜିସୁନିକି ତାନୁ ପାଣ୍ଡାଞ୍ଜାନ୍ନି କୁଏଞ୍ଜି ଇଞ୍ଜାନ୍ ପରମାନ କିଆନ୍ନେଞ୍ଜି, ମୁଲାପେନୁ ମି ତାୱା ଇ ହାବେତ୍ କାମା କିଆନ୍ନେଞ୍ଜି, ଇଦା ମିରୁ ନିଜେ ପୁଞ୍ଜିଞ୍ଜେରି; 23#ମାତି ୨୭:୩୫; ମାର୍କ ୧୫:୨୪; ଲୁକ ୨୩:୩୩; ଜହ ୧୯:୧୮ଏ ଜିସୁ ମୁଲାପେନୁତି ଆଚି କିଆନ୍ନି ଜୁଜନା ଅଟେ କାହେତି ଆଗ୍ୟାଁ ଡେହେଙ୍ଗ୍ ସର୍ପି କିଅନେଃଏ, ମିରୁ ତାଙ୍ଗେ ଅଦର୍ମଗାଟାର୍ତି କାଜ୍ଜୁତାୱା ସର୍ପି କିଆନ୍ କ୍ରୁସତାୱା ଏକ୍ଚାନ୍ ପାଗାଚ୍ଚେରି; 24#ମାତି ୨୮:୫,୬; ମାର୍କ ୧୬:୬; ଲୁକ ୨୪:୫ମତ୍ର ମୁଲାପେନୁ ହାଅନ୍ତି ବିହାନପୁତାୱାଟି ଜ୍ଡିପ୍ଚାନ୍ ତାଙ୍ଗେ ରିହିକ୍ ନିକ୍ଚାନ୍ନେଞ୍ଜି, ଇନାକି ଏୱାଞ୍ଜିକି ହାଅନ୍ତାଦି ଆହାନ୍ ଇଟ୍ଟନ୍ ମୁନେ, ଏଦି ଆଅନ୍ ମୁଃଏ । 25ଦାଉଦ ରାଜେଞ୍ଜି ତ ଜିସୁତି କୁଲାଟି ୱେସ୍ପିନ୍ନେଞ୍ଜି, “ନାନୁ ହାବେ ୱେଲା ନା ନକେସି ଦାର୍ମୁନିକି ହୁଡ଼େମାଃଇ, ନାନୁ ଇନିମିଡି ଆଃଜ୍ଜେନୁ, ଏଦାକି ଏୱାଞ୍ଜି ନା ତିନ୍ନି ଇନ୍ଦେଟି ମାନ୍ନେଞ୍ଜି । 26ଏଦାବାଗା ନା ହଡାଙ୍ଗ୍ ଅଟେ ନା ୱାଙ୍ଗେସି ରାହାଙ୍ଗ୍ତି ଗାଡ଼ି କିପାକାଦି, ଆଟେ ନା ଗାଣ୍ଡି ୱାଡ଼େ ନାର୍ରାଟି ବାସାଆନେ, 27ଇନାକି ନିନୁ ନା ପରନ୍ତିଦି ନାଡ଼ିକୁଟ୍ଟିତାୱା ତୁଃହାଆ କି ନି ପିର୍ନିଗାଟାଞ୍ଜିକି ନାହେଡ୍ ଆଅନ୍ ବାଗା ହିଃଆ । 28ନିନୁ ନାଙ୍ଗେ ପରନ୍ତି ଗିଜ୍ଜୁ ତସାଞ୍ଜାଦି, ଆଟେ ନି ନକେସି ନାନୁ ଗାପ୍ଚି ରାହାଙ୍ଗ୍ ଡ଼ାହି ବାସାଆଃଇ।”
29ଏ ଆମ୍ୱେସାଙ୍ଗାନାତେରି, ମା ଆକେଞ୍ଜି ଦାଉଦ କୁଲାଟି ନାନୁ ମିଙ୍ଗେ ବରେସିଆଟି ୱେସ୍ପନ୍ ମୁତା ଜେ, ଏୱାଞ୍ଜି ହାତେଞ୍ଜି ଅଟେ ମୁସ୍ପା ପାଟେଞ୍ଜି, ଆଟେ ତା ଗ୍ରିପାଙ୍ଗୁଟି ନିଞ୍ଜୁ ଟିକ୍ନା ମା ତାୱା ମାନ୍ନେ ।
30ଏଦାକି ଏୱାଞ୍ଜି ବାବବାଦି ଆଚ୍ଚାୱିଃଆଟି ଅଟେ ତା ଟୁଟୁଟି ପ୍ଲିଆନି ରଃଅଞ୍ଜି କୁଏଞ୍ଜିକି ମୁଲାପେନୁ ଜେ ତା ଗାଦିତାୱା କକ୍କି କିଅନ୍ତିକି ତା ଟାକ୍କେ ହାପ୍ପା କିଆନ୍ ୱେସାଚ୍ଚେଞ୍ଜି, 31ଇଦା ପୁନ୍ବନେଃଏ ଏୱାଞ୍ଜି ନକେସ୍ ଇନ୍ନା ଆନେ ଏଦା ହୁଡ଼ନ୍ତାୱାଟି କ୍ରିସ୍ଟତି ନିମ୍ୱାନ୍ନିଙ୍ଗନ୍ତି କୁଲାଟି ୱେସାଚ୍ଚେଞ୍ଜି, ମୁଲାପେନୁ ଏୱାଞ୍ଜିକି ନାଡ଼ିକୁଟ୍ଟିତାୱା ପିଃହାତେଞ୍ଜି, ଆଟେ ତା ଗାଣ୍ଡି ନାହେଡ୍ ଆଃଆତେ ।
32ଇ ଜିସୁନିକି ମୁଲାପେନୁ ହାଅନ୍ତାୱାଟି ନିକ୍ଚାନେଞ୍ଜି, ଏ କୁଲାଟି ମାମୁ ହାବେ ସାକି ମାନ୍ନାମୁ । 33ଏଦାବାଗା ମୁଲାପେନୁ ତା ତିନ୍ନି କାଜ୍ଜୁଟି ଜିସୁନିକି ଗାମି କିତେଞ୍ଜି, ଅଟେ ଦିବ୍ବା କିଆନ୍ନି ପିର୍ନି ଡିଙ୍ଗା ହିତେଞ୍ଜି, ଏଦା ଦାର୍ମୁ ଜିସୁ ମା କୁଃଏଟି ରିୱିକିଆଞ୍ଜାନେଞ୍ଜି । ଇନ୍ଦାରିକି ମିରୁ ହୁଡ଼େଞ୍ଜେରି ଅଟେ ୱେଞ୍ଜିଞ୍ଜେରି, 34ଇନାକି ଦାଉଦ ସର୍ଗଇନ୍ଦା ହାଜ୍ଜା ହେଃଲ୍ଲାତେଞ୍ଜି, ମତ୍ର ଏୱାଞ୍ଜି ତାନୁନେଃଏ ୱେସ୍ପିନ୍ନେଞ୍ଜି, “ଦାର୍ମୁ ନା ଦାର୍ମୁନିକି ୱେସ୍ତେଞ୍ଜି, 35ନାନୁ ଇମ୍ୱିନ୍ ଟିକ୍ନା ନି ସତ୍ରୁ ଦାଲ୍ଲାନିକି ନି କାଟ୍କା ନେତେ କିଟ୍ଟାହେଃଲ୍ଲାନୁ, ଏଚି ଟିକ୍ନା ନା ତିନ୍ନି ଇନ୍ଦେଟ୍ କକ୍ଚ୍ଚାନ୍ମୁ ।”
36ଏଦାବାଗା ହାବେତ୍ ଇସ୍ରାଏଲ ପୁଣ୍ଡି ନେହେନ୍ ପୁନ୍ନାକାରି ଜେ, ଇମ୍ୱିନ୍ ଜିସୁନିକି ମିରୁ କ୍ରୁସତାୱା ପାଗିତେରି, ତାଙ୍ଗେ ମୁଲାପେନୁ, ରିଣ୍ଡା ପଦ ହିଆନ୍ନେଞ୍ଜି ରଣ୍ଡି ଦାର୍ମୁ ଅଟେ ରଣ୍ଡି ଆଇନେ କ୍ରିସ୍ଟ ।
37ଏଚ୍ଚିକିଃଆ ଏୱାରି ଇ କାତା ୱେଚ୍ଚେରି, ଏୱାରି ହଡାଙ୍ଗିଃଆଟି ଗାପ୍ଚି ଦୁଃକ କିତେରି, ଆଟେ ଏୱାରି ପିତର ଅଟେ ଏଚ୍ଚେ ମାଚ୍ଚି ପେରିତଙ୍ଗ୍ନିକି ୱେସ୍ତେରି, ଆମ୍ୱେସାଙ୍ଗାନାତେରି, ମାରୁ ଇନ୍ନା କିନା ?
38ଏମ୍ୱାଟି ପିତର ଏୱାରିକି ୱେସ୍ତେଞ୍ଜି, ମିରୁ ଏଲୁୱ୍ଡେପ୍ଦୁ, ଆଟେ ମି ମି ପାପ ହାବେ ମାକ୍ସାଡ଼ି ଆଅନ୍ ବାଗାଟି ହାବେତାତେରି ଜିସୁ କ୍ରିସ୍ଟ ପାରୁଟି ଡୁବନ୍ ଆଦୁ; ଏହେଙ୍ଗ୍ ଆତେସି ମିରୁ ପିର୍ନି ଡିଙ୍ଗାତି ଦାନ ପାଁଣ୍ଡେରି । 39ଇନାକି ଇ ଦିବ୍ବା ମି ବାଗାଟି, ମି ବଦାମିଡା ବାଗାଟି, ଆଟେ ଦେହା ମାନ୍ନି ଏ ହାବେ ଦାଲ୍ଲା ବାଗାଟି ୱାଡ଼େ ଆନ୍ନେ, ଇନ୍ଦାରିକି ଦାର୍ମୁ ମା ମୁଲାପେନୁ ତା ରେଃଏସ୍ ଆର୍ନେଞ୍ଜି ।
40ଆଟେ ଏଗେଲ୍ କାତା ଡ଼ାହି ଏୱାଞ୍ଜି ଏୱାରିକି ସାକି ହିଅନ୍ ମ୍ରାସ୍ତେଞ୍ଜି ଅଟେ ଏୱାରିକି ଉପଦେସ ହିଆନ୍ ୱେସ୍ତେଞ୍ଜି, ଇ ଡ଼ଃଆନ୍ ପୁଣ୍ଡିତାୱାଟି ମି ଗାଣ୍ଡି ଜ୍ଡିପ୍ଦୁ । 41ଏମ୍ୱାଟି ଏମ୍ୱେନାରି ତା କାତା ମାଞ୍ଜାଡ଼ି କିତେରି, ଏୱାରି ଡୁବନ୍ ଆତେରି, ଆଟେ ଏ ଦିନା ବାଇକ୍ ମୁ ହଜାର୍ ଦାଲ୍ଲା ମଣ୍ଡଲି ଡ଼ାହି ଆଡ୍ଡିତେରି ।
ମାଞ୍ଜାଡ଼ିଗାଟାରି ଆଡ୍ଡିରୁଡ୍ଡି ଆଅନ୍
42ପୁନି ମାଞ୍ଜାଡ଼ିଗାଟାରି ପେରିତଙ୍ଗ୍ତି ଗ୍ରାପାତାୱା, ଆଡ୍ଡିରୁଡ୍ଡିତାୱା, ରୁଟି ରେପ୍କନ୍ତାୱା ଅଟେ ପ୍ରାତ୍ନା କିଅନ୍ତାୱା, ର ଏଲୁ ଆନ୍ ବାସାଆତେରି । 43ଆଟେ ଦାଲ୍ଲା ହାବେ ଆଜ୍ଜନ୍ ମ୍ରାସ୍ତେରି; ଇନାକି ପେରିତଙ୍ଗ୍ ୱାଡ଼େ ଏଗେଲ୍ ଆକ୍କାବାଡ଼ାଙ୍ଗ୍ତି କାମା ଅଟେ ତୁର୍ରିଙ୍ଗ୍ କିଅନ୍ ମ୍ରାସ୍ତେରି । 44#ପେରି ୪:୩୨–୩୫ଆଟେ ଏମ୍ୱେନାରି ଜିସୁନିକି ମାଞ୍ଜାଡ଼ି କିତେରି, ଏୱାରି ହାବେ ରପାଟ୍ଟେ ମାଞ୍ଜାନ୍ ହାବେତ୍ କୁଲା ହାଜାତି ଦନ ଇଞ୍ଜାନ୍ ଏଲୁ କିଚ୍ଚେରି, 45ଆଟେ ଏୱାରି ତା ତା ମାଚ୍ଚି ହେଃଲ୍ଲାତ୍ ଦନ ହାବେ ପ୍ରାଚାନାହି, ଇନ୍ଦାରିକି ଇନ୍ନା ଆବସକ ମାନ୍ନେ, ଏଚିଡେହେଙ୍ଗ୍ ହାବେ ଦାଲ୍ଲାନିକି ପାହାହିଅନ୍ ମ୍ରାସ୍ତେରି । 46ଆଟେ ଏୱାରି ର ମନ ଆନାହି ହାବେ ଦିନା ମନ୍ଦିରତାୱା ରପାଟ୍ଟେ ଆନ୍ ଗାଡ଼ିହେରୁ କିଚ୍ଚେରି ଅଟେ ଇଜ୍ଜାଇଜ୍ଜା ରୁଟି ଲେକ୍ଚାନ୍ ରାହାଙ୍ଗିଃଆଟି ଅଟେ ଲୁଙ୍ଗୁର୍ ହଡାଙ୍ଗିଃଆଟି ତିନ୍ବା ଉନ୍ବା କିଚ୍ଚେରି । 47ଆଟେ ମୁଲାପେନୁନିକି ଜୁଙ୍ଗେଚ୍ଚେରି ଅଟେ ଜିରୁସାଲମତି ହାବେତ୍ ଦାଲ୍ଲା ଏୱାରିକି ଜେଡା କିଚ୍ଚେରି । ଆଟେ ଦାର୍ମୁ ଜ୍ଡିପା ପାଁଣ୍ଡାନ୍ନି ଦାଲ୍ଲାନିକି ହାବେ ଦିନା ମଣ୍ଡଲିତାୱା ଆଟ୍ପିଚ୍ଚେଞ୍ଜି ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0