ପେରିତ 4
4
ଜିହୁଦି ବେର୍ ସବାତାୱା ପିତର ଅଟେ ଜହନ
1ପିତର ଅଟେ ଜହନ ଦାଲ୍ଲାନିକି କାତା ୱେସ୍ପିଚ୍ଚି ତୁକାତାୱା ମନ୍ଦିରତି ଜାଜକଙ୍ଗ୍, ସିପେଙ୍ଗ୍ତି ଗାମିନାଞ୍ଜି ଅଟେ ସାଦୁକିଙ୍ଗ୍ ଏୱାର୍ ଟାକ୍କେ ୱାତେରି; 2ଏୱାରି ବିସ୍କି ଆଚ୍ଚେରି, ଇନାକି ପିତର ଅଟେ ଜହନ, ଜିସୁ ହାଅନ୍ଟିଆଟି ନିମ୍ୱାନ୍ନିଙ୍ଗନ୍ତି କୁଲାଟି ପ୍ରଚାର କିଆନ୍ ଦାଲ୍ଲାନିକି ଗ୍ରାପେଚ୍ଚେରି । 3ଏଦାକି ଏୱାରି ପିତର ଅଟେ ଜହନନିକି, ଆହାନ୍ ୱେଃଇତ୍ ଦିନା ଟିକ୍ନା ବନ୍ଦି ଇଡ୍ଡୁତାୱା କିଟ୍ଟିତେରି, ଇନାକି ଏଚିତୁକାତାୱା ମିଡ୍ଡଡ଼୍ ଆଚ୍ଚେ । 4ମତ୍ର ଗାପ୍ଚି ଦାଲ୍ଲା ଏୱାର୍ତି ବାକ୍ୟ ୱେଞ୍ଜାନ୍ ଜିସୁନିକି ମାଞ୍ଜାଡ଼ି କିତେରି, ଆଟେ ଏୱାରି ୱାର୍ରି ମ୍ଡେହେଙ୍ଗ୍ ବାଇକ୍ ସେ ହଜାର୍ ମାଚ୍ଚେରି ।
5ଏ ୱେଃଇତ୍ ଜିହୁଦିଙ୍ଗ୍ତି ଆକୁଡ଼୍ କିଅନ୍ତାରି, ଗାମିନାରି ଅଟେ ସାସ୍ତ୍ରିଙ୍ଗ୍ ଜିରୁସାଲମତାୱା ରପାଟ୍ଟେ ଆତେରି; 6ଏଦିମ୍ୱା ମୁଲନ୍ ଜାଜକ ହାନାନ, କୟାପା, ଜହନ, ଆଲେକ୍ଜାଣ୍ଡେର, ଆଟେ ମୁଲନ୍ ଜାଜକଙ୍ଗ୍ ପୁଣ୍ଡିତି ହାବେ ଦାଲ୍ଲା ଉହି ଆନ୍ ମାଚ୍ଚେରି । 7ଏୱାରି ପିତର ଅଟେ ଜହନନିକି ବେର୍ ସବା ମାଦ୍ଦେ ଡିଡ୍ଡି କିଆନ୍ ୱେଚ୍ଚେରି, “ଇମ୍ୱିନ୍ ବଲଟି ଅଟେ ଇମ୍ୱିନ୍ ପାରୁଟି ମିରୁ ଇଦା କିଞ୍ଜେରି ?”
8ଏମ୍ୱାଟି ପିତର ପିର୍ନି ଡିଙ୍ଗାଟି ନେଞ୍ଜାନାହି ଏୱାରିକି ୱେସ୍ତେଞ୍ଜି, ଏ ଜିହୁଦିଙ୍ଗ୍ତି ଆକୁଡ଼୍ କିଅନ୍ତି ଦାଲ୍ଲାତାତେରି ଅଟେ ଗାମିନାତେରି, 9ନିଞ୍ଜୁ ଜଦି ରଃଅଞ୍ଜି ମେଟ୍ଲାଙ୍ଗ୍ଗାଟାଞ୍ଜି ବାଗା କିୱାଆନ୍ନି ନେହି କାମା କୁଲାଟି ମାଙ୍ଗେ ୱେନ୍ବା ଆଇନେ ଜେ, ଇ କୁଏଞ୍ଜି ଇନ୍ନିୱାହୁ ନେହି ଆନ୍ନେଞ୍ଜି । 10ଏହେଙ୍ଗ୍ ଆତେସି ମିରୁ ଅଟେ ହାବେତ୍ ଇସ୍ରାଏଲ ଦାଲ୍ଲା ପୁନ୍ବନ୍ ଆବସକ ଜେ, ଇମ୍ୱିନ୍ ନାଜରିତତି ଜିସୁ କ୍ରିସ୍ଟନିକି ମିରୁ କ୍ରୁସତାୱା ପାଗାଞ୍ଜେରି, ଇନ୍ଦାରିକି ମୁଲାପେନୁ ହାନ୍ନାର୍ଟିଆଟି ରିହିକ୍ ନିପ୍ଚାନ୍ନେଞ୍ଜି, ତା ପାରୁଟି, ହାଁ, ତା ବଲଟି ଇ କୁଏଞ୍ଜି ନେହି ଆନାହି ମି ନକେସି ଡିଡ୍ଡାନ୍ନେଞ୍ଜି । 11ଏ ଇଡ୍ଡୁ କ୍ଲେହନ୍ତାତେରି, ମିରୁ ଇମ୍ୱିନ୍ ୱାଲ୍ଲିତିଦି ଗ୍ରହନ କିଃଆତେରି, ମତ୍ର ଏଦି କନତି ଗାମିନ୍ ୱାଲ୍ଲି ଆତେ, ଆଟେ ଏ ୱାଲ୍ଲି ଆଇନ୍ନେଞ୍ଜି ଜିସୁ ।
12ଏୱାଞ୍ଜିକି ପିହାନ୍ ଆଟେ ଇନ୍ଦାର୍ ପାଟ୍ଟି ଜ୍ଡିପା ହେଃଲ୍ଲେ, ଇନାକି ଜାଗ୍ଗୁ ନେତେ ମାନ୍ନି ଆଟେ ଇମ୍ୱିନ୍ ବିହି ପାରୁଟି କୁଇଙ୍ଗ୍ ଜ୍ଡିପା ପାଃନେରି ।
13ଜିହୁଦିଙ୍ଗ୍ତି ଗାମିନାରି ପିତର ଅଟେ ଜହନତି ବରେସ୍ ହୁଡ଼ାନ୍ ଅଟେ ଏୱାରି ଜେ ପଡ଼ି ଆହେଃଲ୍ଲେରି ଅଟେ ଗ୍ୟାଁନ ହେଃଲ୍ଲାନାରି, ଇଦା ପୁଞ୍ଜାନ୍ ଆକ୍କାବାଡ଼ାଙ୍ଗ୍ ଆତେରି, ଆଟେ ଏୱାରି ଜିସୁ ଡ଼ାହି ମାଚ୍ଚେରି ଇଞ୍ଜାନ୍ ଏୱାରିକି ପୁଚ୍ଚେରି, 14ଆଟେ ଏ ନେହିଆଚ୍ଚି କୁଏଞ୍ଜି ଏୱାର୍ ଡ଼ାହି ଡିଡ୍ଡାଚ୍ଚାନ୍ନାଦା ହୁଡ଼ାନ୍, ଏୱାର୍ ବିରୁଦିଟି ଇନ୍ନା ୱେସ୍ପନ୍ ମୁଃଆତେରି । 15ଡେଗ୍ଗା ଏୱାରିକି ବେର୍ ସବାତାୱାଟି ହଚାନ୍ ହାଲ୍ବନ୍ ବାଗା ୱେସାନାହି, ଇୱାରିକି ଇନ୍ନା କିନା ଇଞ୍ଜାନ୍ ଏୱାରି ତା ତା ଲାଃଇ କାତା କିଅନ୍ ମ୍ରାସ୍ତେରି । 16ଇନାକି ଇୱାର୍ ତାୱାଟି ଜେ, ରଣ୍ଡି ବେର୍ ଆକ୍କାବାଡ଼ାଙ୍ଗ୍ତି କାମା ଆନ୍ନେ, ଇଦା ଜିରୁସାଲମତି ହାବେତାରି ପୁଞ୍ଜାନ୍ନେରି, ଆଟେ ମାରୁ ଏଦି ଆହେଃଲ୍ଲେ ଇଞ୍ଜାନ୍ ୱେସ୍ପନ୍ ମୁପନ୍ ଆଃଏ; 17ମତ୍ର ଇ ଆକ୍କାବାଡ଼ାଙ୍ଗ୍ତି କାତା ଇନିମିଡି ଦାଲ୍ଲା ତାୱାଟି ଆଟେ ଏଗେଲ୍ ପ୍ରେଃଜାକାଦି, ଏଦାବାଗା ଜିସୁ ପାରୁଟି ଇନ୍ଦାରିକି ଆଟେ ଇନ୍ନା ୱେଃସାନ୍ ବାଗା ଏୱାରିକି ଆସ୍ପି କିନା ।
18ଡେଗ୍ଗା ପିତର ଅଟେ ଜହନନିକି ରିହିକ୍ ଆର୍ଚାନାହି ଜିସୁ ପାରୁଟି ଇନ୍ନା ୱେଃସାନ୍ ବାଗା କି ଗ୍ରାଃପାନ୍ ବାଗା ମାଞ୍ଜାଟି ୱେସ୍ତେରି । 19ମତ୍ର ପିତର ଅଟେ ଜହନ ଏୱାରିକି ୱେସ୍ତେରି, ମୁଲାପେନୁତି କାତା ମାନି ଆଅନ୍ତାଦି କି ମି କାତା ମାନି ଆଅନ୍ତାଦି, ଇମ୍ୱିନାଦି ମୁଲାପେନୁତି କାନ୍ନୁତାୱା ନେହାଦି, ଏଦା ମିରୁ ବିଚାର କିଦୁ । 20ଇନାକି ମାମୁ ଇନ୍ନା ଇନ୍ନା ହୁଡ଼ାନ୍ନାମୁ ଅଟେ ୱେଞ୍ଜାନ୍ନାମୁ ଏ ହାବେତ୍ କୁଲାଟି ୱେସେଟେଃଏ ବାସା ଆଅନ୍ ମୁଃଆମୁ । 21ଏମ୍ୱାଟି ଏୱାରି ଦାଲ୍ଲା ମାଚ୍ଚି ବାଗାଟି ଏୱାରିକି ଦଣ୍ଡ ହିଅନ୍ତି ଇନ୍ନି ପେଜୁ ପାଃନାତାୱାଟି ଏୱାରିକି ଗାପ୍ଚି ଆସ୍ପି କିଆନ୍ ପିହ୍ତେରି, ଇନାକି ଇନ୍ନା ଗଟି ଆଚ୍ଚେ, ଏଦାବାଗା ଦାଲ୍ଲା ହାବେ ମୁଲାପେନୁନିକି ଜୁଙ୍ଗନ୍ ମ୍ରାସ୍ତେରି । 22ଇନାକି ଆକ୍କାବାଡ଼ାଙ୍ଗ୍ତି କାମାତାୱାଟି ଇମ୍ୱିନ୍ କୁଏଞ୍ଜି ନେହି ଆଚ୍ଚେଞ୍ଜି, ଏ କୁଏଞ୍ଜିକି ରି କୁଡ଼ି ଅଁଣ୍ଡୁଟିଆଟି ଗାପ୍ଚି ଆଚ୍ଚେ ।
ପେରିତଙ୍ଗ୍ତି ବରେସ୍ ବାଗା ପ୍ରାତ୍ନା
23ପିତର ଅଟେ ଜହନନିକି ପିହ୍ତାୱିଆଟି, ଏୱାରି ତା ତଡ଼ୁଗାଟି ଗ୍ରାମ୍ୱାଗାଟାର୍ ଟାକ୍କେ ହାଚ୍ଚେରି ଆଟେ ଗାମିନ୍ ଜାଜକଙ୍ଗ୍ ଅଟେ ଗାମିନାରି ଏୱାରିକି ଇନ୍ନା ଇନ୍ନା ୱେସାଚ୍ଚେରି, ଏୱା ହାବେ ୱେସ୍ତେରି । 24ଏୱାରି ଏଦା ୱେଞ୍ଜାନ୍ ମୁଲାପେନୁ ଟାକ୍କେ ବେର୍ ଉକୁଡ଼ିଆଟି ର ମନଟି ପ୍ରାତ୍ନା କିଆନ୍ ୱେସ୍ତେରି, ଏ ଦାର୍ମୁ ନିନୁ ଜାଗ୍ଗୁ, ପୁର୍ତି, ସାମ୍ନ୍ଦେର୍ ଅଟେ ଏମ୍ୱା ମାନ୍ନି ହାବେତ୍ କୁଲା ପିଲ୍ଚ୍ଚାଞ୍ଜି । 25ନିନୁ ନି କାମ୍ୱାରେଏଞ୍ଜ୍ ମା ଆକେଞ୍ଜ୍ ଦାଉଦତି ଗୁତିଟି ପିର୍ନି ଡିଙ୍ଗା ଡ଼ାହି ଇ କାତା ୱେସାଞ୍ଜି, ଅନଜିହୁଦିଙ୍ଗ୍ ଇନାକିଅନ୍ ହିଲାବାଦେର୍ କିତେରି, ଆଟେ ଦାଲ୍ଲା ଇନ୍ନା ବାଗା ବାଃଏତ୍ କୁଲା ଏଲୁ କିତେରି ? 26ଦାର୍ମୁ ବିରୁଦିଆଟି ଅଟେ ତା କ୍ରିସ୍ଟତି ବିରୁଦିଆଟି, ପୁର୍ତିତି ରାଜେଙ୍ଗ୍ ଡିଡ୍ଡିତେରି, ଆଟେ ଆକୁଡ଼୍ କିଅନ୍ତାରି ରପାଟ୍ଟେ ଆତେରି ।
27 #
ଲୁକ ୨୩:୭–୧୧;
ମାତି ୨୭:୧,୨; ମାର୍କ ୧୫:୧; ଲୁକ ୨୩:୧; ଜହ ୧୮:୨୮,୨୯ ଇନାକି ନି ଇମ୍ୱିନ୍ ପିର୍ନି କାମ୍ୱାରେଏଞ୍ଜ୍ ଜିସୁନିକି ନିନୁ ନିଜ୍ଜୁଟି ଆଚି କିତି, ନିଜ୍ଜାନେଃଏ ତା ବିରୁଦିଆଟି ହେରଦ ରାଜେଞ୍ଜି ଅଟେ ପନ୍ତିୟ ପିଲାତ ଅନଜିହୁଦି ଅଟେ ଇସ୍ରାଏଲ ଦାଲ୍ଲା ଡ଼ାହି ଇ ଗାଡ଼ାନାଜୁତାୱା କ୍ରଟ୍ପାୱିତେରି । 28ନି କାଜ୍ଜୁ ଅଟେ ନି ଜୁଜନା ତାୱାଟି ଇମ୍ୱିନ୍ ହାବେତ୍ କୁଲା ଗଟି ଆନେ ଇଞ୍ଜାନ୍ ନକିଟେଃଏ ରଞ୍ଜି କିଆଚ୍ଚି, ଏୱାରି ଏଦା କିଅନ୍ତିକି ରପାଟ୍ଟେ ଆତେରି । 29ଏ ଦାର୍ମୁ, ହୁଡ଼ାମୁ, ହାଦାଡ଼ି ଏୱାରି ଆସ୍ପି କିଅନ୍ ବାଗା ଗାର୍ଜେନ୍ନେରି; ଏଦାକି ନିନୁ ନି କାମ୍ବାରାଙ୍ଗାନିକି ଗାପ୍ଚି ବରେସ୍ ଡ଼ାହି ନି କାତା ୱେସ୍ପନ୍ତିକି ହାବେତ୍ ବଲ ହିମୁ, 30ଆଟେ ଏଦା ଡ଼ାହି ନି ପିର୍ନି କାମ୍ୱାରେଏଞ୍ଜ୍ ଜିସୁ ପାରୁଟି ନେହି କିଅନ୍ ବାଗାଟି ଅଟେ ତୁର୍ରିଙ୍ଗ୍ ଅଟେ ଆକ୍କାବାଡ଼ାଙ୍ଗ୍ତି କାମା କିଅନ୍ ବାଗାଟି ମାଙ୍ଗେ ନି ବଲ ହିଆମୁ ।
31ଏୱାରି ପ୍ରାତ୍ନା କିତାୱିଃଆଟି, ଇମ୍ୱିନ୍ ଗର୍ରିତାୱା ଏୱାରି ରପାଟ୍ଟେ ମାଚ୍ଚେରି, ଏଦି ତ୍ରେଗିତେ, ଆଟେ ହାବେତାରି ପିର୍ନି ଡିଙ୍ଗାଟି ନେଞ୍ଜାନାହି ବରେସିଆଟି ମୁଲାପେନୁତି ବାକ୍ୟ ୱେସ୍ପନ୍ ମ୍ରାସ୍ତେରି ।
ମାଞ୍ଜାଡ଼ିଗାଟାର୍ତି ହାବେତ୍ ଦନ ହାଜାତାଦି ମାଚ୍ଚେ
32 #
ପେରି ୨:୪୪,୪୫ ମାଞ୍ଜାଡ଼ିଗାଟାରି ହାବେ ର ମନ ଅଟେ ର ଡିଙ୍ଗାଟି ମାଚ୍ଚେରି; ଏୱାର୍ତାୱାଟି ଏମ୍ୱେ ୱାଡ଼େ ତା ଦନତିଦି ଇନାୱାଡ଼େ ନାନ୍ଦି ଇଞ୍ଜାନ୍ ୱେସ୍ପେହେଃଲ୍ଲାତେରି, ମତ୍ର ଏୱାର୍ତି ହାବେତ୍ କୁଲା ହାଜାତାଦି ଇଞ୍ଜାନ୍ ଏଲୁ କିଚ୍ଚେରି । 33ପେରିତଙ୍ଗ୍ ବେର୍ ବଲ ଡ଼ାହି ଦାର୍ମୁ ଜିସୁ ନିମ୍ୱାନ୍ନିଙ୍ଗାନ୍ନି କୁଲାଟି ସାକ୍ୟ ହିଅନ୍ ମ୍ରାସ୍ତେରି, ଆଟେ ହାବେତାରି କୁଃଏଟି ମୁଲାପେନୁତି ଗାପ୍ଚି ଅନୁଗ୍ରହ ମାଚ୍ଚେ । 34ଏଦାବାଗା ଏୱାର୍ ମାଦ୍ଦେ ଇନ୍ଦାରିକି ୱାଡ଼େ ଇନ୍ନି କୁଲାଟି କାରି ହେଃଲ୍ଲାତେ, ଇନାକି ଏଚ୍ଚେ ଦାଲ୍ଲାନିକି ୱିର୍ରା କି ଇଡ୍ଡୁ ମାଚ୍ଚେ, 35ଏୱାରି ଏଦା ପ୍ରାଚାନାହି, ଏ ପ୍ରାଚାନ୍ନି ଟାକ୍କାଙ୍ଗ୍ ତାଚ୍ଚାନ୍ ପେରିତଙ୍ଗ୍ନିକି ହିଚ୍ଚେରି, ଆଟେ ଇନ୍ଦାରିକି ଇନ୍ନା ଆବସକ ମାଚ୍ଚେ, ଏଦା ଏୱାରିକି ହିଚ୍ଚେରି । 36ଆଟେ ସାଇପ୍ରସ୍ ଟୁପୁର୍ତାୱା ପ୍ଲିଆଚ୍ଚି ଲେବି ପୁଣ୍ଡିତି ରଃଅଞ୍ଜି କୁଏଞ୍ଜି ଜସେପ, ଇନ୍ଦାରିକି ପେରିତଙ୍ଗ୍ ବର୍ନବ୍ବା ଇଞ୍ଜାନ୍ ଆର୍ପିଚ୍ଚେରି (ଏ ପାରୁତି ଅର୍ତ ଆଇନେ ମାତି କିଅନ୍ତି ମ୍ରିଃଏଞ୍ଜି) 37ଏୱାଞ୍ଜି ତା ପାଙ୍ଗା ପ୍ରାଚାନ୍ ପାଁଣ୍ଡାନ୍ନି ଏ ଟାକ୍କାଙ୍ଗ୍ ତାଚ୍ଚାନାହି ପେରିତଙ୍ଗ୍ନିକି ହିତେଞ୍ଜି ।
Currently Selected:
ପେରିତ 4: DWK
Highlight
Share
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
ପେରିତ 4
4
ଜିହୁଦି ବେର୍ ସବାତାୱା ପିତର ଅଟେ ଜହନ
1ପିତର ଅଟେ ଜହନ ଦାଲ୍ଲାନିକି କାତା ୱେସ୍ପିଚ୍ଚି ତୁକାତାୱା ମନ୍ଦିରତି ଜାଜକଙ୍ଗ୍, ସିପେଙ୍ଗ୍ତି ଗାମିନାଞ୍ଜି ଅଟେ ସାଦୁକିଙ୍ଗ୍ ଏୱାର୍ ଟାକ୍କେ ୱାତେରି; 2ଏୱାରି ବିସ୍କି ଆଚ୍ଚେରି, ଇନାକି ପିତର ଅଟେ ଜହନ, ଜିସୁ ହାଅନ୍ଟିଆଟି ନିମ୍ୱାନ୍ନିଙ୍ଗନ୍ତି କୁଲାଟି ପ୍ରଚାର କିଆନ୍ ଦାଲ୍ଲାନିକି ଗ୍ରାପେଚ୍ଚେରି । 3ଏଦାକି ଏୱାରି ପିତର ଅଟେ ଜହନନିକି, ଆହାନ୍ ୱେଃଇତ୍ ଦିନା ଟିକ୍ନା ବନ୍ଦି ଇଡ୍ଡୁତାୱା କିଟ୍ଟିତେରି, ଇନାକି ଏଚିତୁକାତାୱା ମିଡ୍ଡଡ଼୍ ଆଚ୍ଚେ । 4ମତ୍ର ଗାପ୍ଚି ଦାଲ୍ଲା ଏୱାର୍ତି ବାକ୍ୟ ୱେଞ୍ଜାନ୍ ଜିସୁନିକି ମାଞ୍ଜାଡ଼ି କିତେରି, ଆଟେ ଏୱାରି ୱାର୍ରି ମ୍ଡେହେଙ୍ଗ୍ ବାଇକ୍ ସେ ହଜାର୍ ମାଚ୍ଚେରି ।
5ଏ ୱେଃଇତ୍ ଜିହୁଦିଙ୍ଗ୍ତି ଆକୁଡ଼୍ କିଅନ୍ତାରି, ଗାମିନାରି ଅଟେ ସାସ୍ତ୍ରିଙ୍ଗ୍ ଜିରୁସାଲମତାୱା ରପାଟ୍ଟେ ଆତେରି; 6ଏଦିମ୍ୱା ମୁଲନ୍ ଜାଜକ ହାନାନ, କୟାପା, ଜହନ, ଆଲେକ୍ଜାଣ୍ଡେର, ଆଟେ ମୁଲନ୍ ଜାଜକଙ୍ଗ୍ ପୁଣ୍ଡିତି ହାବେ ଦାଲ୍ଲା ଉହି ଆନ୍ ମାଚ୍ଚେରି । 7ଏୱାରି ପିତର ଅଟେ ଜହନନିକି ବେର୍ ସବା ମାଦ୍ଦେ ଡିଡ୍ଡି କିଆନ୍ ୱେଚ୍ଚେରି, “ଇମ୍ୱିନ୍ ବଲଟି ଅଟେ ଇମ୍ୱିନ୍ ପାରୁଟି ମିରୁ ଇଦା କିଞ୍ଜେରି ?”
8ଏମ୍ୱାଟି ପିତର ପିର୍ନି ଡିଙ୍ଗାଟି ନେଞ୍ଜାନାହି ଏୱାରିକି ୱେସ୍ତେଞ୍ଜି, ଏ ଜିହୁଦିଙ୍ଗ୍ତି ଆକୁଡ଼୍ କିଅନ୍ତି ଦାଲ୍ଲାତାତେରି ଅଟେ ଗାମିନାତେରି, 9ନିଞ୍ଜୁ ଜଦି ରଃଅଞ୍ଜି ମେଟ୍ଲାଙ୍ଗ୍ଗାଟାଞ୍ଜି ବାଗା କିୱାଆନ୍ନି ନେହି କାମା କୁଲାଟି ମାଙ୍ଗେ ୱେନ୍ବା ଆଇନେ ଜେ, ଇ କୁଏଞ୍ଜି ଇନ୍ନିୱାହୁ ନେହି ଆନ୍ନେଞ୍ଜି । 10ଏହେଙ୍ଗ୍ ଆତେସି ମିରୁ ଅଟେ ହାବେତ୍ ଇସ୍ରାଏଲ ଦାଲ୍ଲା ପୁନ୍ବନ୍ ଆବସକ ଜେ, ଇମ୍ୱିନ୍ ନାଜରିତତି ଜିସୁ କ୍ରିସ୍ଟନିକି ମିରୁ କ୍ରୁସତାୱା ପାଗାଞ୍ଜେରି, ଇନ୍ଦାରିକି ମୁଲାପେନୁ ହାନ୍ନାର୍ଟିଆଟି ରିହିକ୍ ନିପ୍ଚାନ୍ନେଞ୍ଜି, ତା ପାରୁଟି, ହାଁ, ତା ବଲଟି ଇ କୁଏଞ୍ଜି ନେହି ଆନାହି ମି ନକେସି ଡିଡ୍ଡାନ୍ନେଞ୍ଜି । 11ଏ ଇଡ୍ଡୁ କ୍ଲେହନ୍ତାତେରି, ମିରୁ ଇମ୍ୱିନ୍ ୱାଲ୍ଲିତିଦି ଗ୍ରହନ କିଃଆତେରି, ମତ୍ର ଏଦି କନତି ଗାମିନ୍ ୱାଲ୍ଲି ଆତେ, ଆଟେ ଏ ୱାଲ୍ଲି ଆଇନ୍ନେଞ୍ଜି ଜିସୁ ।
12ଏୱାଞ୍ଜିକି ପିହାନ୍ ଆଟେ ଇନ୍ଦାର୍ ପାଟ୍ଟି ଜ୍ଡିପା ହେଃଲ୍ଲେ, ଇନାକି ଜାଗ୍ଗୁ ନେତେ ମାନ୍ନି ଆଟେ ଇମ୍ୱିନ୍ ବିହି ପାରୁଟି କୁଇଙ୍ଗ୍ ଜ୍ଡିପା ପାଃନେରି ।
13ଜିହୁଦିଙ୍ଗ୍ତି ଗାମିନାରି ପିତର ଅଟେ ଜହନତି ବରେସ୍ ହୁଡ଼ାନ୍ ଅଟେ ଏୱାରି ଜେ ପଡ଼ି ଆହେଃଲ୍ଲେରି ଅଟେ ଗ୍ୟାଁନ ହେଃଲ୍ଲାନାରି, ଇଦା ପୁଞ୍ଜାନ୍ ଆକ୍କାବାଡ଼ାଙ୍ଗ୍ ଆତେରି, ଆଟେ ଏୱାରି ଜିସୁ ଡ଼ାହି ମାଚ୍ଚେରି ଇଞ୍ଜାନ୍ ଏୱାରିକି ପୁଚ୍ଚେରି, 14ଆଟେ ଏ ନେହିଆଚ୍ଚି କୁଏଞ୍ଜି ଏୱାର୍ ଡ଼ାହି ଡିଡ୍ଡାଚ୍ଚାନ୍ନାଦା ହୁଡ଼ାନ୍, ଏୱାର୍ ବିରୁଦିଟି ଇନ୍ନା ୱେସ୍ପନ୍ ମୁଃଆତେରି । 15ଡେଗ୍ଗା ଏୱାରିକି ବେର୍ ସବାତାୱାଟି ହଚାନ୍ ହାଲ୍ବନ୍ ବାଗା ୱେସାନାହି, ଇୱାରିକି ଇନ୍ନା କିନା ଇଞ୍ଜାନ୍ ଏୱାରି ତା ତା ଲାଃଇ କାତା କିଅନ୍ ମ୍ରାସ୍ତେରି । 16ଇନାକି ଇୱାର୍ ତାୱାଟି ଜେ, ରଣ୍ଡି ବେର୍ ଆକ୍କାବାଡ଼ାଙ୍ଗ୍ତି କାମା ଆନ୍ନେ, ଇଦା ଜିରୁସାଲମତି ହାବେତାରି ପୁଞ୍ଜାନ୍ନେରି, ଆଟେ ମାରୁ ଏଦି ଆହେଃଲ୍ଲେ ଇଞ୍ଜାନ୍ ୱେସ୍ପନ୍ ମୁପନ୍ ଆଃଏ; 17ମତ୍ର ଇ ଆକ୍କାବାଡ଼ାଙ୍ଗ୍ତି କାତା ଇନିମିଡି ଦାଲ୍ଲା ତାୱାଟି ଆଟେ ଏଗେଲ୍ ପ୍ରେଃଜାକାଦି, ଏଦାବାଗା ଜିସୁ ପାରୁଟି ଇନ୍ଦାରିକି ଆଟେ ଇନ୍ନା ୱେଃସାନ୍ ବାଗା ଏୱାରିକି ଆସ୍ପି କିନା ।
18ଡେଗ୍ଗା ପିତର ଅଟେ ଜହନନିକି ରିହିକ୍ ଆର୍ଚାନାହି ଜିସୁ ପାରୁଟି ଇନ୍ନା ୱେଃସାନ୍ ବାଗା କି ଗ୍ରାଃପାନ୍ ବାଗା ମାଞ୍ଜାଟି ୱେସ୍ତେରି । 19ମତ୍ର ପିତର ଅଟେ ଜହନ ଏୱାରିକି ୱେସ୍ତେରି, ମୁଲାପେନୁତି କାତା ମାନି ଆଅନ୍ତାଦି କି ମି କାତା ମାନି ଆଅନ୍ତାଦି, ଇମ୍ୱିନାଦି ମୁଲାପେନୁତି କାନ୍ନୁତାୱା ନେହାଦି, ଏଦା ମିରୁ ବିଚାର କିଦୁ । 20ଇନାକି ମାମୁ ଇନ୍ନା ଇନ୍ନା ହୁଡ଼ାନ୍ନାମୁ ଅଟେ ୱେଞ୍ଜାନ୍ନାମୁ ଏ ହାବେତ୍ କୁଲାଟି ୱେସେଟେଃଏ ବାସା ଆଅନ୍ ମୁଃଆମୁ । 21ଏମ୍ୱାଟି ଏୱାରି ଦାଲ୍ଲା ମାଚ୍ଚି ବାଗାଟି ଏୱାରିକି ଦଣ୍ଡ ହିଅନ୍ତି ଇନ୍ନି ପେଜୁ ପାଃନାତାୱାଟି ଏୱାରିକି ଗାପ୍ଚି ଆସ୍ପି କିଆନ୍ ପିହ୍ତେରି, ଇନାକି ଇନ୍ନା ଗଟି ଆଚ୍ଚେ, ଏଦାବାଗା ଦାଲ୍ଲା ହାବେ ମୁଲାପେନୁନିକି ଜୁଙ୍ଗନ୍ ମ୍ରାସ୍ତେରି । 22ଇନାକି ଆକ୍କାବାଡ଼ାଙ୍ଗ୍ତି କାମାତାୱାଟି ଇମ୍ୱିନ୍ କୁଏଞ୍ଜି ନେହି ଆଚ୍ଚେଞ୍ଜି, ଏ କୁଏଞ୍ଜିକି ରି କୁଡ଼ି ଅଁଣ୍ଡୁଟିଆଟି ଗାପ୍ଚି ଆଚ୍ଚେ ।
ପେରିତଙ୍ଗ୍ତି ବରେସ୍ ବାଗା ପ୍ରାତ୍ନା
23ପିତର ଅଟେ ଜହନନିକି ପିହ୍ତାୱିଆଟି, ଏୱାରି ତା ତଡ଼ୁଗାଟି ଗ୍ରାମ୍ୱାଗାଟାର୍ ଟାକ୍କେ ହାଚ୍ଚେରି ଆଟେ ଗାମିନ୍ ଜାଜକଙ୍ଗ୍ ଅଟେ ଗାମିନାରି ଏୱାରିକି ଇନ୍ନା ଇନ୍ନା ୱେସାଚ୍ଚେରି, ଏୱା ହାବେ ୱେସ୍ତେରି । 24ଏୱାରି ଏଦା ୱେଞ୍ଜାନ୍ ମୁଲାପେନୁ ଟାକ୍କେ ବେର୍ ଉକୁଡ଼ିଆଟି ର ମନଟି ପ୍ରାତ୍ନା କିଆନ୍ ୱେସ୍ତେରି, ଏ ଦାର୍ମୁ ନିନୁ ଜାଗ୍ଗୁ, ପୁର୍ତି, ସାମ୍ନ୍ଦେର୍ ଅଟେ ଏମ୍ୱା ମାନ୍ନି ହାବେତ୍ କୁଲା ପିଲ୍ଚ୍ଚାଞ୍ଜି । 25ନିନୁ ନି କାମ୍ୱାରେଏଞ୍ଜ୍ ମା ଆକେଞ୍ଜ୍ ଦାଉଦତି ଗୁତିଟି ପିର୍ନି ଡିଙ୍ଗା ଡ଼ାହି ଇ କାତା ୱେସାଞ୍ଜି, ଅନଜିହୁଦିଙ୍ଗ୍ ଇନାକିଅନ୍ ହିଲାବାଦେର୍ କିତେରି, ଆଟେ ଦାଲ୍ଲା ଇନ୍ନା ବାଗା ବାଃଏତ୍ କୁଲା ଏଲୁ କିତେରି ? 26ଦାର୍ମୁ ବିରୁଦିଆଟି ଅଟେ ତା କ୍ରିସ୍ଟତି ବିରୁଦିଆଟି, ପୁର୍ତିତି ରାଜେଙ୍ଗ୍ ଡିଡ୍ଡିତେରି, ଆଟେ ଆକୁଡ଼୍ କିଅନ୍ତାରି ରପାଟ୍ଟେ ଆତେରି ।
27 #
ଲୁକ ୨୩:୭–୧୧;
ମାତି ୨୭:୧,୨; ମାର୍କ ୧୫:୧; ଲୁକ ୨୩:୧; ଜହ ୧୮:୨୮,୨୯ ଇନାକି ନି ଇମ୍ୱିନ୍ ପିର୍ନି କାମ୍ୱାରେଏଞ୍ଜ୍ ଜିସୁନିକି ନିନୁ ନିଜ୍ଜୁଟି ଆଚି କିତି, ନିଜ୍ଜାନେଃଏ ତା ବିରୁଦିଆଟି ହେରଦ ରାଜେଞ୍ଜି ଅଟେ ପନ୍ତିୟ ପିଲାତ ଅନଜିହୁଦି ଅଟେ ଇସ୍ରାଏଲ ଦାଲ୍ଲା ଡ଼ାହି ଇ ଗାଡ଼ାନାଜୁତାୱା କ୍ରଟ୍ପାୱିତେରି । 28ନି କାଜ୍ଜୁ ଅଟେ ନି ଜୁଜନା ତାୱାଟି ଇମ୍ୱିନ୍ ହାବେତ୍ କୁଲା ଗଟି ଆନେ ଇଞ୍ଜାନ୍ ନକିଟେଃଏ ରଞ୍ଜି କିଆଚ୍ଚି, ଏୱାରି ଏଦା କିଅନ୍ତିକି ରପାଟ୍ଟେ ଆତେରି । 29ଏ ଦାର୍ମୁ, ହୁଡ଼ାମୁ, ହାଦାଡ଼ି ଏୱାରି ଆସ୍ପି କିଅନ୍ ବାଗା ଗାର୍ଜେନ୍ନେରି; ଏଦାକି ନିନୁ ନି କାମ୍ବାରାଙ୍ଗାନିକି ଗାପ୍ଚି ବରେସ୍ ଡ଼ାହି ନି କାତା ୱେସ୍ପନ୍ତିକି ହାବେତ୍ ବଲ ହିମୁ, 30ଆଟେ ଏଦା ଡ଼ାହି ନି ପିର୍ନି କାମ୍ୱାରେଏଞ୍ଜ୍ ଜିସୁ ପାରୁଟି ନେହି କିଅନ୍ ବାଗାଟି ଅଟେ ତୁର୍ରିଙ୍ଗ୍ ଅଟେ ଆକ୍କାବାଡ଼ାଙ୍ଗ୍ତି କାମା କିଅନ୍ ବାଗାଟି ମାଙ୍ଗେ ନି ବଲ ହିଆମୁ ।
31ଏୱାରି ପ୍ରାତ୍ନା କିତାୱିଃଆଟି, ଇମ୍ୱିନ୍ ଗର୍ରିତାୱା ଏୱାରି ରପାଟ୍ଟେ ମାଚ୍ଚେରି, ଏଦି ତ୍ରେଗିତେ, ଆଟେ ହାବେତାରି ପିର୍ନି ଡିଙ୍ଗାଟି ନେଞ୍ଜାନାହି ବରେସିଆଟି ମୁଲାପେନୁତି ବାକ୍ୟ ୱେସ୍ପନ୍ ମ୍ରାସ୍ତେରି ।
ମାଞ୍ଜାଡ଼ିଗାଟାର୍ତି ହାବେତ୍ ଦନ ହାଜାତାଦି ମାଚ୍ଚେ
32 #
ପେରି ୨:୪୪,୪୫ ମାଞ୍ଜାଡ଼ିଗାଟାରି ହାବେ ର ମନ ଅଟେ ର ଡିଙ୍ଗାଟି ମାଚ୍ଚେରି; ଏୱାର୍ତାୱାଟି ଏମ୍ୱେ ୱାଡ଼େ ତା ଦନତିଦି ଇନାୱାଡ଼େ ନାନ୍ଦି ଇଞ୍ଜାନ୍ ୱେସ୍ପେହେଃଲ୍ଲାତେରି, ମତ୍ର ଏୱାର୍ତି ହାବେତ୍ କୁଲା ହାଜାତାଦି ଇଞ୍ଜାନ୍ ଏଲୁ କିଚ୍ଚେରି । 33ପେରିତଙ୍ଗ୍ ବେର୍ ବଲ ଡ଼ାହି ଦାର୍ମୁ ଜିସୁ ନିମ୍ୱାନ୍ନିଙ୍ଗାନ୍ନି କୁଲାଟି ସାକ୍ୟ ହିଅନ୍ ମ୍ରାସ୍ତେରି, ଆଟେ ହାବେତାରି କୁଃଏଟି ମୁଲାପେନୁତି ଗାପ୍ଚି ଅନୁଗ୍ରହ ମାଚ୍ଚେ । 34ଏଦାବାଗା ଏୱାର୍ ମାଦ୍ଦେ ଇନ୍ଦାରିକି ୱାଡ଼େ ଇନ୍ନି କୁଲାଟି କାରି ହେଃଲ୍ଲାତେ, ଇନାକି ଏଚ୍ଚେ ଦାଲ୍ଲାନିକି ୱିର୍ରା କି ଇଡ୍ଡୁ ମାଚ୍ଚେ, 35ଏୱାରି ଏଦା ପ୍ରାଚାନାହି, ଏ ପ୍ରାଚାନ୍ନି ଟାକ୍କାଙ୍ଗ୍ ତାଚ୍ଚାନ୍ ପେରିତଙ୍ଗ୍ନିକି ହିଚ୍ଚେରି, ଆଟେ ଇନ୍ଦାରିକି ଇନ୍ନା ଆବସକ ମାଚ୍ଚେ, ଏଦା ଏୱାରିକି ହିଚ୍ଚେରି । 36ଆଟେ ସାଇପ୍ରସ୍ ଟୁପୁର୍ତାୱା ପ୍ଲିଆଚ୍ଚି ଲେବି ପୁଣ୍ଡିତି ରଃଅଞ୍ଜି କୁଏଞ୍ଜି ଜସେପ, ଇନ୍ଦାରିକି ପେରିତଙ୍ଗ୍ ବର୍ନବ୍ବା ଇଞ୍ଜାନ୍ ଆର୍ପିଚ୍ଚେରି (ଏ ପାରୁତି ଅର୍ତ ଆଇନେ ମାତି କିଅନ୍ତି ମ୍ରିଃଏଞ୍ଜି) 37ଏୱାଞ୍ଜି ତା ପାଙ୍ଗା ପ୍ରାଚାନ୍ ପାଁଣ୍ଡାନ୍ନି ଏ ଟାକ୍କାଙ୍ଗ୍ ତାଚ୍ଚାନାହି ପେରିତଙ୍ଗ୍ନିକି ହିତେଞ୍ଜି ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0