ପେରିତ 1
1
ପିର୍ନି ଡିଙ୍ଗା ହିଅନ୍ତି କୁଲାଟି ଜିସୁତି ଦିବ୍ବା
1 #
ଲୁକ ୧:୧–୪
ଏ ତିୟପିଲ, ଜିସୁ ଇନ୍ନା ଇନ୍ନା କିତେଞ୍ଜି ଅଟେ ଗ୍ରାପ୍ତେଞ୍ଜି ଏ ହାବେତ୍ କୁଲାଟି ନାନୁ ନା କାହେତ୍ ପୁତିତାୱା ୱ୍ରିଗାମାଃଇ । 2ଏଚ୍ଚେ ଦିନା ଟିକ୍ନା ଜିସୁ ପୁର୍ତିତାୱା ମାଚ୍ଚେଞ୍ଜି ଏଚେ ଦିନା ଟିକ୍ନା ଏୱାଞ୍ଜି ତା ଗ୍ରାମ୍ବାଗାଟାରିକି ପିର୍ନି ଡିଙ୍ଗାଟି ଆଚି କିତେଞ୍ଜି ଅଟେ ଆଦେସ୍ ହିଆନ୍ ସର୍ଗଇନ୍ଦା ହାଚ୍ଚେଞ୍ଜି । 3ଆଟେ ୱାଡ଼େ ଜିସୁ ତା ହାତି ଡେଗ୍ଗା ଏଗେଲ୍ ପରମାନ ହିଆନ୍ ଏୱାର୍ ଟାକ୍କେ ତା ଗାଣ୍ଡି ନିମ୍ୱାନ୍ନେଞ୍ଜି ଇଞ୍ଜାନ୍ ତସ୍ତେଞ୍ଜି, ଆଟେ ରି କୁଡ଼ି ଦିନା ଟିକ୍ନା ଲାଗ୍ଗେ ଲାଗ୍ଗେ ଏୱାରିକି ତଞ୍ଜୁ ଆନ୍, ମୁଲାପେନୁତି ରାଜି କୁଲାଟି ୱେସ୍ତେଞ୍ଜି । 4#ଲୁକ ୨୪:୪୯ରଲି ଏୱାର୍ ଡ଼ାହି ହିମ୍ୱା ଉନ୍ବନ୍ତିକି#୧:୪ ଏ ତୁକାତାୱା ଏୱାରି ରୁଟିଙ୍ଗ୍ ତିଞ୍ଜିଚ୍ଚେରି କକ୍ଚାଚ୍ଚି ତୁକାତାୱା ଏୱାଞ୍ଜି ଏୱାରିକି ଆଦେସ୍ ହିଆନ୍ ୱେସ୍ତେଞ୍ଜି, “ମିରୁ ଜିରୁସାଲମ ଗାଡ଼ାନାଜୁ ପିହାନ୍ ହାଃଲ୍ଲାଟୁ, ମତ୍ର ନା ଆବା ଇନ୍ନା ଦିବ୍ବା କିଆଞ୍ଜାନେଞ୍ଜି, ଏଦା କାଚାନାହି ବାସାଆଦୁ । 5#ମାତି ୩:୧୧; ମାର୍କ ୧:୮; ଲୁକ ୩:୧୬; ଜହ ୧:୩୩ଇନାକି ଜହନ ଏଜୁତାୱା ଡୁବନ୍ ହିତେଞ୍ଜି ନିଜ୍ଜା, ମତ୍ର ମିରୁ ଏଚ୍ଚେ ଦିନା ଡେଗ୍ଗା ପିର୍ନି ଡିଙ୍ଗାଟି ଡୁବନ୍ ଆଦେରି ।”
ଜିସୁ ସର୍ଗଇନ୍ଦା ହାଲ୍ବନ୍
(ମାର୍କ ୧୬:୧୯–୨୦; ଲୁକ ୨୪:୫୦–୫୩)
6ଏଚ୍ଚିକିଃଆ ପେରିତ ଗ୍ରାମ୍ବାଗାଟାରି ରପାଟ୍ଟେ ଆତେରି, ଏଚିତୁକାତାୱା ଏୱାରି ଜିସୁନିକି ୱେନ୍ବନ୍ ମ୍ରାସ୍ତେରି, ଏ ଦାର୍ମୁ, ନିନୁ ଇନ୍ନା ଇ ତୁକାତାୱା ଇସ୍ରାଏଲ ଦାଲ୍ଲାତି କାଜ୍ଜୁତାୱା ରିହିକ୍ ରାଜିତିଦି ସର୍ପି କିଞ୍ଜି ?
7ଏୱାଞ୍ଜି ଏୱାରିକି ୱେସ୍ତେଞ୍ଜି, “ଇମ୍ୱିନ୍ କାଲା କି ତୁକା ହାବେ ଆବା ତା ହକତ୍ତାୱା ଇଟ୍ଟାନ୍ନେଞ୍ଜି, ଏଦା ମିରୁ ପୁନ୍ବନ୍ ଆବସକ ଆଃଏ । 8#ମାତି ୨୮:୧୯; ମାର୍କ ୧୬:୧୫; ଲୁକ ୨୪:୪୭,୪୮ମତ୍ର ଏଚ୍ଚିକିଃଆ ପିର୍ନି ଡିଙ୍ଗା ମି କୁଃଏଟି ଜାତାନେ, ମିରୁ ବଲ ପାଁଣ୍ଡେରି, ଆଟେ ଜିରୁସାଲମ ଗାଡ଼ାନାଜୁ, ଜିହୁଦାତି ବିହି ହାବେତ୍ ରାଜି ଅଟେ ସମିରନ ରାଜି, ଆଟେ ପୁର୍ତିତି କନ୍ନମୁଜ୍ଜୁ ଟିକ୍ନା ୱାଡ଼େ ନା ସାକି ଆଦେରି ।” 9#ମାର୍କ ୧୬:୧୯; ଲୁକ ୨୪:୫୦,୫୧ଜିସୁ ଏୱାରିକି ଇ ହାବେତ୍ କାତା ୱେସ୍ତି ଡେଗ୍ଗା, ତାଙ୍ଗେ ୱାନ୍ଦା ଅଇଚ୍ଚାଦାଃଆ ଏୱାରି ହୁଡ଼େଚ୍ଚେରି, ଏଚିତୁକାତାୱା ଜାଗ୍ଗୁ ଏୱାଞ୍ଜିକି ମୁଚ୍ଚି କିତେ ଆଟେ ଏୱାରି ତାଙ୍ଗେ ହୁଡ଼ନ୍ ମୁଃଆତେରି ।
10ଏୱାଞ୍ଜିକି ୱାନ୍ଦା ଅଇଚ୍ଚି ତୁକାତାୱା ଏୱାରି ଜାଗ୍ଗୁଇନ୍ଦା ର କାନ୍ନୁଟି ମେହାନ୍ ମାଚ୍ଚେରି; ହୁଡ଼ାଟୁ, ଏଚିତୁକାତାୱା ହୁକୁଲ୍ ଜିରା ହୁଚ୍ଚାନ୍ନି ରିଃଆରି ମ୍ଡେହେଙ୍ଗ୍ ୱାନ୍ ଏୱାରି ରେଃଏସ୍ ଡିଡ୍ଡିତେରି, 11ଆଟେ ଏ ରିଃଆରି ମ୍ଡେହେଙ୍ଗ୍ ୱେସ୍ତେରି, ଏ ଗାଲିଲି ଦାଲ୍ଲା ଇନାବାଗା ମିରୁ ଜାଗ୍ଗୁଇନ୍ଦା ମେହାନ୍ ଡିଡ୍ଡାନ୍ ମାଞ୍ଜେରି ? ଇ ଇମ୍ୱିନ୍ ଜିସୁ ମି ତାୱାଟି ସର୍ଗଇନ୍ଦା ହାଚ୍ଚେଞ୍ଜି, ତାଙ୍ଗେ ମିରୁ ଇନିସ୍ ସର୍ଗଇନ୍ଦା ହାଲ୍ବନ୍ତାଦା ହୁଡ଼ିତେରି, ରନେସି ଏୱାଞ୍ଜି ଏହେଙ୍ଗିସି ୱାନେଞ୍ଜି ।
ଇସ୍କାରିୟତ ଜିହୁଦାତି ଗର୍ରିତାୱା ମତିୟନିକି ଆଚି କିଅନ୍
12ଏମ୍ୱାଟି ଏୱାରି ଜିତ ହରୁଟି ଜିରୁସାଲମଇନ୍ଦା ୱ୍ଡେଚାନ୍ ୱାତେରି । ଏ ହରୁ ଜିରୁସାଲମତାୱାଟି ବାଇକ୍ ୱାହୁଜାମ୍ୱାୱାରାତି#୧:୧୨ ୱାହୁଜାମ୍ୱାୱାରାତି ତାକାମ୍ୱାହେରି ଇଚ୍ଚେସି ର କିଲମିଟର ତାକାମ୍ୱାହେରି ମାଚ୍ଚେ, 13#ମାତି ୧୦:୨–୪; ମାର୍କ ୩:୧୬–୧୯; ଲୁକ ୬:୧୪–୧୬ଏ ଗ୍ରାମ୍ବାଗାଟାରି ଆଇନ୍ନେରି ପିତର, ଜହନ, ଜାକୁବ, ଆନ୍ଦ୍ରିୟ, ପିଲିପ, ତମାସ, ବାର୍ତଲମି, ମାତିଉ, ଆଲପିତି ମ୍ରିଃଏଞ୍ଜି ଜାକୁବ, ଉଜଗ ସିମନ ଅଟେ ଜାକୁବତି ମ୍ରିଃଏଞ୍ଜି ଜିହୁଦା, ଗାଡ଼ାନାଜୁତାୱା ହଲଜାନାହି ଇମ୍ୱିନ୍ କୁଃଏଟ୍ତି ବାକ୍ରାତାୱା ଏୱାରି ବାସାଆଇଚ୍ଚେରି, ଏଦିମ୍ୱା ହାଚ୍ଚେରି । 14ଇୱାରି ହାବେ ଆଚାସ୍କା ଡ଼ାହି ଅଟେ ଜିସୁତି ଇୟା ମରିୟମ ଅଟେ ତା ଆମ୍ୱେସାଙ୍ଗା ଡ଼ାହି ର ମନଟି ପ୍ରାତ୍ନାତାୱା ମାଚ୍ଚେରି ।
15ଏଚିତୁକାତାୱା ପିତର ମାଞ୍ଜାଡ଼ିଗାଟି ଆମ୍ୱେସାଙ୍ଗା ମାଦ୍ଦି ଡିଡ୍ଡାନାହି ୱେସ୍ତେଞ୍ଜି, ଏଚିତୁକାତାୱା ଏ ଇଡ୍ଡୁତାୱା ବାଇକ୍ ହାରାଙ୍ଗୁଡ଼ି ଦାଲ୍ଲା ରପାଟ୍ଟେ ମାଚ୍ଚେରି । 16ଏ ଆମ୍ୱେସ୍ଆଙ୍ଗିସ୍କାନାତେରି, ଇମ୍ୱିନ୍ ଜିହୁଦା ଜିସୁନିକି ଆହ୍ପନ୍ତି ଦାଲ୍ଲାନିକି ଗିଜ୍ଜୁ ତସାଚ୍ଚେଞ୍ଜି, ଏୱାଞ୍ଜ୍ତି କୁଲାଟି ପିର୍ନି ଡିଙ୍ଗା କାହେନେଃଏ ଦାଉଦ ରାଜେଞ୍ଜ୍ ତାୱାଟି ଇନ୍ନା ୱେସାଚ୍ଚେଞ୍ଜି, ଏ ପିର୍ନି ଦର୍ମପୁତିତି ବାକ୍ୟ ଲେର୍ ଆଅନ୍ ଆବସକ ମାଚ୍ଚେ; 17ଇନାକି ଏୱାଞ୍ଜି ମା ତାୱାଟି ରଃଅଞ୍ଜି ଇଞ୍ଜାନ୍ ଲେକା ଆଚ୍ଚେଞ୍ଜି ଅଟେ ଇ ଆଙ୍ଗୁଲ୍ କାମାତାୱା ଜାଗା ପାଁଣ୍ଡାଚ୍ଚେଞ୍ଜି ।
18 #
ମାତି ୨୭:୩–୮
ଇ କୁଏଞ୍ଜି ଅଦର୍ମ କାମା କିଅନ୍ ବାଗା ଜିହୁଦିଙ୍ଗ୍ତି ଗାମିନାରି ଜିହୁଦାନିକି ଇମ୍ୱିନ୍ ଟାକ୍କାଙ୍ଗ୍ ହିଆଚ୍ଚେରି, ଏ ଟାକ୍କାଙ୍ଗ୍ ଡ଼ାହି ରଣ୍ଡା ପାଙ୍ଗା କଡ୍ଡାଚ୍ଚେଞ୍ଜି, ଏଚ୍ଚିକିଃଆ ଏୱାଞ୍ଜି ଡେଜିତେଞ୍ଜି, ଆଟେ ଏୱାଞ୍ଜି ତ୍ଲାଉକୁତି ତ୍ରଙ୍ଗନେଃଏ ତା ଟୁଟୁ ଗେଞ୍ଜାନ୍ ୱାହିଙ୍ଗ୍ ଟୁଟ୍କା ହତୁ; 19ଆଟେ ଇଦା ଜିରୁସାଲମ ଦାଲ୍ଲା ହାବେ ପୁଚ୍ଚାୱିଃଆଟି ଏ ପାଙ୍ଗା ଏୱାର୍ତି କାତାଟି “ହକଲ୍ଦମା” ଇଚ୍ଚେସ୍ “ରାକ୍କା ପାଙ୍ଗା” ଇଞ୍ଜାନ୍ ପଙ୍ଗିତେ ।
20ଆଟେ ଗାଡ଼େମାଲା ପୁତିତାୱା ୱ୍ରିଗାଆନ୍ନେ, “ତା ମାନ୍ବା ଗର୍ରି ଇନ୍ନା ବାସାଆଃଆକାଦି, ଏଦିମ୍ୱା ଏମ୍ୱେ ବାସା ଆଃଆକାରି । ଅଟେ ତା ଗାମିନ୍ ପଦ ବିହିତାଞ୍ଜି ପାଁନାକାଞ୍ଜି ।”
21 #
ମାତି ୩:୧୬; ମାର୍କ ୧:୯; ଲୁକ ୩:୨୧;
ମାର୍କ ୧୬:୧୯; ଲୁକ ୨୪:୫୧ ଏଦାବାଗା ଜହନ ଡୁବନ୍ ହିଅନ୍ତି ତୁକାତାୱାଟି ମ୍ରାସାନାହି ମା ତାୱାଟି ଜିସୁ ସର୍ଗଇନ୍ଦା ହାଚ୍ଚି ଟିକ୍ନା ମା ତାୱା ଦାର୍ମୁ ଜିସୁ ହାଲ୍ବନ୍ ୱାଅନ୍ ଆଇଚ୍ଚେଞ୍ଜି,
22ଜହନ ଡୁବନ୍ ହିଚ୍ଚି ତୁକାତାୱାଟି ଇମ୍ୱିନ୍ ଦାଲ୍ଲା ମା ତାୱା ଆଡ୍ଡାନାହି ମାନ୍ନେରି, ଏୱାର୍ତାୱାଟି ରଃଅଞ୍ଜି ମା ଡ଼ାହି ଦାର୍ମୁ ଜିସୁତି ନିମ୍ୱାନ୍ନିଙ୍ଗନ୍ତି ସାକି ଆଅନ୍ ଆବସକ ମାନ୍ନେ ।
23ଏମ୍ୱାଟି ଏୱାରି ଜସେପ, ଇନ୍ଦାରିକି ବର୍ସବ୍ବା ଅଟେ ଜୁସ୍ତ ଇଞ୍ଜାନ୍ ଆର୍ପିନ୍ନେରି, ଏୱାଞ୍ଜିକି ଅଟେ ମତିୟନିକି, ଇ ରିଃଆରିକି ମାଞ୍ଜାଡ଼ିଗାଟାର୍ ତାୱାଟି ଆଙ୍ଗେ କିଆନ୍ ଇ ପ୍ରାତ୍ନା କିତେରି, 24ଆଟେ ଏୱାରି ପ୍ରାତ୍ନା କିତେରି, “ଏ ହାବେତ୍ ହଡାଙ୍ଗ୍ତି କାତା ପୁନ୍ବନ୍ତି ଦାର୍ମୁ, ଜିହୁଦା ତା ଗର୍ରିଇନ୍ଦା ହାଲ୍ବନ୍ ବାଗାଟି ଇ ଇମ୍ୱିନ୍ ପେରିତ ଆନ୍ ଆଚି ପାଁଣ୍ଡାଚ୍ଚେଞ୍ଜି ଏ ଗର୍ରିତାୱାଟି ହଚାନ୍ନେଞ୍ଜି, 25ଏ ଜିହୁଦାତି ଆଙ୍ଗୁଲ୍ କାମାତାୱା ଏମ୍ୱେନାଞ୍ଜି ବାସାଆନେଞ୍ଜି, ଇ ରିଃଆରି ତାୱାଟି ନିନୁ ଇନ୍ଦାରିକି ପେରିତ କିଆନ୍ ଆଚି କିଆଞ୍ଜି ଏୱାଞ୍ଜିକି ମାଙ୍ଗେ ତସ୍ତାମୁ ।”
26ଆଟେ ଏୱାରି ଏ ରିଃଆରି ବାଗାଟି ଗୁଲ୍ଲିଙ୍ଗ୍ କିତେରି, ଅଟେ ମତିୟତି ପାରୁଟି ଏଦି ହତେ; ଏମ୍ୱାଟି ଏୱାଞ୍ଜି ଏଗାର ଗାଣ୍ଡି ପେରିତଙ୍ଗ୍ ଡ଼ାହି ଆଡ୍ଡିତେଞ୍ଜି ।
Currently Selected:
ପେରିତ 1: DWK
Highlight
Share
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
ପେରିତ 1
1
ପିର୍ନି ଡିଙ୍ଗା ହିଅନ୍ତି କୁଲାଟି ଜିସୁତି ଦିବ୍ବା
1 #
ଲୁକ ୧:୧–୪
ଏ ତିୟପିଲ, ଜିସୁ ଇନ୍ନା ଇନ୍ନା କିତେଞ୍ଜି ଅଟେ ଗ୍ରାପ୍ତେଞ୍ଜି ଏ ହାବେତ୍ କୁଲାଟି ନାନୁ ନା କାହେତ୍ ପୁତିତାୱା ୱ୍ରିଗାମାଃଇ । 2ଏଚ୍ଚେ ଦିନା ଟିକ୍ନା ଜିସୁ ପୁର୍ତିତାୱା ମାଚ୍ଚେଞ୍ଜି ଏଚେ ଦିନା ଟିକ୍ନା ଏୱାଞ୍ଜି ତା ଗ୍ରାମ୍ବାଗାଟାରିକି ପିର୍ନି ଡିଙ୍ଗାଟି ଆଚି କିତେଞ୍ଜି ଅଟେ ଆଦେସ୍ ହିଆନ୍ ସର୍ଗଇନ୍ଦା ହାଚ୍ଚେଞ୍ଜି । 3ଆଟେ ୱାଡ଼େ ଜିସୁ ତା ହାତି ଡେଗ୍ଗା ଏଗେଲ୍ ପରମାନ ହିଆନ୍ ଏୱାର୍ ଟାକ୍କେ ତା ଗାଣ୍ଡି ନିମ୍ୱାନ୍ନେଞ୍ଜି ଇଞ୍ଜାନ୍ ତସ୍ତେଞ୍ଜି, ଆଟେ ରି କୁଡ଼ି ଦିନା ଟିକ୍ନା ଲାଗ୍ଗେ ଲାଗ୍ଗେ ଏୱାରିକି ତଞ୍ଜୁ ଆନ୍, ମୁଲାପେନୁତି ରାଜି କୁଲାଟି ୱେସ୍ତେଞ୍ଜି । 4#ଲୁକ ୨୪:୪୯ରଲି ଏୱାର୍ ଡ଼ାହି ହିମ୍ୱା ଉନ୍ବନ୍ତିକି#୧:୪ ଏ ତୁକାତାୱା ଏୱାରି ରୁଟିଙ୍ଗ୍ ତିଞ୍ଜିଚ୍ଚେରି କକ୍ଚାଚ୍ଚି ତୁକାତାୱା ଏୱାଞ୍ଜି ଏୱାରିକି ଆଦେସ୍ ହିଆନ୍ ୱେସ୍ତେଞ୍ଜି, “ମିରୁ ଜିରୁସାଲମ ଗାଡ଼ାନାଜୁ ପିହାନ୍ ହାଃଲ୍ଲାଟୁ, ମତ୍ର ନା ଆବା ଇନ୍ନା ଦିବ୍ବା କିଆଞ୍ଜାନେଞ୍ଜି, ଏଦା କାଚାନାହି ବାସାଆଦୁ । 5#ମାତି ୩:୧୧; ମାର୍କ ୧:୮; ଲୁକ ୩:୧୬; ଜହ ୧:୩୩ଇନାକି ଜହନ ଏଜୁତାୱା ଡୁବନ୍ ହିତେଞ୍ଜି ନିଜ୍ଜା, ମତ୍ର ମିରୁ ଏଚ୍ଚେ ଦିନା ଡେଗ୍ଗା ପିର୍ନି ଡିଙ୍ଗାଟି ଡୁବନ୍ ଆଦେରି ।”
ଜିସୁ ସର୍ଗଇନ୍ଦା ହାଲ୍ବନ୍
(ମାର୍କ ୧୬:୧୯–୨୦; ଲୁକ ୨୪:୫୦–୫୩)
6ଏଚ୍ଚିକିଃଆ ପେରିତ ଗ୍ରାମ୍ବାଗାଟାରି ରପାଟ୍ଟେ ଆତେରି, ଏଚିତୁକାତାୱା ଏୱାରି ଜିସୁନିକି ୱେନ୍ବନ୍ ମ୍ରାସ୍ତେରି, ଏ ଦାର୍ମୁ, ନିନୁ ଇନ୍ନା ଇ ତୁକାତାୱା ଇସ୍ରାଏଲ ଦାଲ୍ଲାତି କାଜ୍ଜୁତାୱା ରିହିକ୍ ରାଜିତିଦି ସର୍ପି କିଞ୍ଜି ?
7ଏୱାଞ୍ଜି ଏୱାରିକି ୱେସ୍ତେଞ୍ଜି, “ଇମ୍ୱିନ୍ କାଲା କି ତୁକା ହାବେ ଆବା ତା ହକତ୍ତାୱା ଇଟ୍ଟାନ୍ନେଞ୍ଜି, ଏଦା ମିରୁ ପୁନ୍ବନ୍ ଆବସକ ଆଃଏ । 8#ମାତି ୨୮:୧୯; ମାର୍କ ୧୬:୧୫; ଲୁକ ୨୪:୪୭,୪୮ମତ୍ର ଏଚ୍ଚିକିଃଆ ପିର୍ନି ଡିଙ୍ଗା ମି କୁଃଏଟି ଜାତାନେ, ମିରୁ ବଲ ପାଁଣ୍ଡେରି, ଆଟେ ଜିରୁସାଲମ ଗାଡ଼ାନାଜୁ, ଜିହୁଦାତି ବିହି ହାବେତ୍ ରାଜି ଅଟେ ସମିରନ ରାଜି, ଆଟେ ପୁର୍ତିତି କନ୍ନମୁଜ୍ଜୁ ଟିକ୍ନା ୱାଡ଼େ ନା ସାକି ଆଦେରି ।” 9#ମାର୍କ ୧୬:୧୯; ଲୁକ ୨୪:୫୦,୫୧ଜିସୁ ଏୱାରିକି ଇ ହାବେତ୍ କାତା ୱେସ୍ତି ଡେଗ୍ଗା, ତାଙ୍ଗେ ୱାନ୍ଦା ଅଇଚ୍ଚାଦାଃଆ ଏୱାରି ହୁଡ଼େଚ୍ଚେରି, ଏଚିତୁକାତାୱା ଜାଗ୍ଗୁ ଏୱାଞ୍ଜିକି ମୁଚ୍ଚି କିତେ ଆଟେ ଏୱାରି ତାଙ୍ଗେ ହୁଡ଼ନ୍ ମୁଃଆତେରି ।
10ଏୱାଞ୍ଜିକି ୱାନ୍ଦା ଅଇଚ୍ଚି ତୁକାତାୱା ଏୱାରି ଜାଗ୍ଗୁଇନ୍ଦା ର କାନ୍ନୁଟି ମେହାନ୍ ମାଚ୍ଚେରି; ହୁଡ଼ାଟୁ, ଏଚିତୁକାତାୱା ହୁକୁଲ୍ ଜିରା ହୁଚ୍ଚାନ୍ନି ରିଃଆରି ମ୍ଡେହେଙ୍ଗ୍ ୱାନ୍ ଏୱାରି ରେଃଏସ୍ ଡିଡ୍ଡିତେରି, 11ଆଟେ ଏ ରିଃଆରି ମ୍ଡେହେଙ୍ଗ୍ ୱେସ୍ତେରି, ଏ ଗାଲିଲି ଦାଲ୍ଲା ଇନାବାଗା ମିରୁ ଜାଗ୍ଗୁଇନ୍ଦା ମେହାନ୍ ଡିଡ୍ଡାନ୍ ମାଞ୍ଜେରି ? ଇ ଇମ୍ୱିନ୍ ଜିସୁ ମି ତାୱାଟି ସର୍ଗଇନ୍ଦା ହାଚ୍ଚେଞ୍ଜି, ତାଙ୍ଗେ ମିରୁ ଇନିସ୍ ସର୍ଗଇନ୍ଦା ହାଲ୍ବନ୍ତାଦା ହୁଡ଼ିତେରି, ରନେସି ଏୱାଞ୍ଜି ଏହେଙ୍ଗିସି ୱାନେଞ୍ଜି ।
ଇସ୍କାରିୟତ ଜିହୁଦାତି ଗର୍ରିତାୱା ମତିୟନିକି ଆଚି କିଅନ୍
12ଏମ୍ୱାଟି ଏୱାରି ଜିତ ହରୁଟି ଜିରୁସାଲମଇନ୍ଦା ୱ୍ଡେଚାନ୍ ୱାତେରି । ଏ ହରୁ ଜିରୁସାଲମତାୱାଟି ବାଇକ୍ ୱାହୁଜାମ୍ୱାୱାରାତି#୧:୧୨ ୱାହୁଜାମ୍ୱାୱାରାତି ତାକାମ୍ୱାହେରି ଇଚ୍ଚେସି ର କିଲମିଟର ତାକାମ୍ୱାହେରି ମାଚ୍ଚେ, 13#ମାତି ୧୦:୨–୪; ମାର୍କ ୩:୧୬–୧୯; ଲୁକ ୬:୧୪–୧୬ଏ ଗ୍ରାମ୍ବାଗାଟାରି ଆଇନ୍ନେରି ପିତର, ଜହନ, ଜାକୁବ, ଆନ୍ଦ୍ରିୟ, ପିଲିପ, ତମାସ, ବାର୍ତଲମି, ମାତିଉ, ଆଲପିତି ମ୍ରିଃଏଞ୍ଜି ଜାକୁବ, ଉଜଗ ସିମନ ଅଟେ ଜାକୁବତି ମ୍ରିଃଏଞ୍ଜି ଜିହୁଦା, ଗାଡ଼ାନାଜୁତାୱା ହଲଜାନାହି ଇମ୍ୱିନ୍ କୁଃଏଟ୍ତି ବାକ୍ରାତାୱା ଏୱାରି ବାସାଆଇଚ୍ଚେରି, ଏଦିମ୍ୱା ହାଚ୍ଚେରି । 14ଇୱାରି ହାବେ ଆଚାସ୍କା ଡ଼ାହି ଅଟେ ଜିସୁତି ଇୟା ମରିୟମ ଅଟେ ତା ଆମ୍ୱେସାଙ୍ଗା ଡ଼ାହି ର ମନଟି ପ୍ରାତ୍ନାତାୱା ମାଚ୍ଚେରି ।
15ଏଚିତୁକାତାୱା ପିତର ମାଞ୍ଜାଡ଼ିଗାଟି ଆମ୍ୱେସାଙ୍ଗା ମାଦ୍ଦି ଡିଡ୍ଡାନାହି ୱେସ୍ତେଞ୍ଜି, ଏଚିତୁକାତାୱା ଏ ଇଡ୍ଡୁତାୱା ବାଇକ୍ ହାରାଙ୍ଗୁଡ଼ି ଦାଲ୍ଲା ରପାଟ୍ଟେ ମାଚ୍ଚେରି । 16ଏ ଆମ୍ୱେସ୍ଆଙ୍ଗିସ୍କାନାତେରି, ଇମ୍ୱିନ୍ ଜିହୁଦା ଜିସୁନିକି ଆହ୍ପନ୍ତି ଦାଲ୍ଲାନିକି ଗିଜ୍ଜୁ ତସାଚ୍ଚେଞ୍ଜି, ଏୱାଞ୍ଜ୍ତି କୁଲାଟି ପିର୍ନି ଡିଙ୍ଗା କାହେନେଃଏ ଦାଉଦ ରାଜେଞ୍ଜ୍ ତାୱାଟି ଇନ୍ନା ୱେସାଚ୍ଚେଞ୍ଜି, ଏ ପିର୍ନି ଦର୍ମପୁତିତି ବାକ୍ୟ ଲେର୍ ଆଅନ୍ ଆବସକ ମାଚ୍ଚେ; 17ଇନାକି ଏୱାଞ୍ଜି ମା ତାୱାଟି ରଃଅଞ୍ଜି ଇଞ୍ଜାନ୍ ଲେକା ଆଚ୍ଚେଞ୍ଜି ଅଟେ ଇ ଆଙ୍ଗୁଲ୍ କାମାତାୱା ଜାଗା ପାଁଣ୍ଡାଚ୍ଚେଞ୍ଜି ।
18 #
ମାତି ୨୭:୩–୮
ଇ କୁଏଞ୍ଜି ଅଦର୍ମ କାମା କିଅନ୍ ବାଗା ଜିହୁଦିଙ୍ଗ୍ତି ଗାମିନାରି ଜିହୁଦାନିକି ଇମ୍ୱିନ୍ ଟାକ୍କାଙ୍ଗ୍ ହିଆଚ୍ଚେରି, ଏ ଟାକ୍କାଙ୍ଗ୍ ଡ଼ାହି ରଣ୍ଡା ପାଙ୍ଗା କଡ୍ଡାଚ୍ଚେଞ୍ଜି, ଏଚ୍ଚିକିଃଆ ଏୱାଞ୍ଜି ଡେଜିତେଞ୍ଜି, ଆଟେ ଏୱାଞ୍ଜି ତ୍ଲାଉକୁତି ତ୍ରଙ୍ଗନେଃଏ ତା ଟୁଟୁ ଗେଞ୍ଜାନ୍ ୱାହିଙ୍ଗ୍ ଟୁଟ୍କା ହତୁ; 19ଆଟେ ଇଦା ଜିରୁସାଲମ ଦାଲ୍ଲା ହାବେ ପୁଚ୍ଚାୱିଃଆଟି ଏ ପାଙ୍ଗା ଏୱାର୍ତି କାତାଟି “ହକଲ୍ଦମା” ଇଚ୍ଚେସ୍ “ରାକ୍କା ପାଙ୍ଗା” ଇଞ୍ଜାନ୍ ପଙ୍ଗିତେ ।
20ଆଟେ ଗାଡ଼େମାଲା ପୁତିତାୱା ୱ୍ରିଗାଆନ୍ନେ, “ତା ମାନ୍ବା ଗର୍ରି ଇନ୍ନା ବାସାଆଃଆକାଦି, ଏଦିମ୍ୱା ଏମ୍ୱେ ବାସା ଆଃଆକାରି । ଅଟେ ତା ଗାମିନ୍ ପଦ ବିହିତାଞ୍ଜି ପାଁନାକାଞ୍ଜି ।”
21 #
ମାତି ୩:୧୬; ମାର୍କ ୧:୯; ଲୁକ ୩:୨୧;
ମାର୍କ ୧୬:୧୯; ଲୁକ ୨୪:୫୧ ଏଦାବାଗା ଜହନ ଡୁବନ୍ ହିଅନ୍ତି ତୁକାତାୱାଟି ମ୍ରାସାନାହି ମା ତାୱାଟି ଜିସୁ ସର୍ଗଇନ୍ଦା ହାଚ୍ଚି ଟିକ୍ନା ମା ତାୱା ଦାର୍ମୁ ଜିସୁ ହାଲ୍ବନ୍ ୱାଅନ୍ ଆଇଚ୍ଚେଞ୍ଜି,
22ଜହନ ଡୁବନ୍ ହିଚ୍ଚି ତୁକାତାୱାଟି ଇମ୍ୱିନ୍ ଦାଲ୍ଲା ମା ତାୱା ଆଡ୍ଡାନାହି ମାନ୍ନେରି, ଏୱାର୍ତାୱାଟି ରଃଅଞ୍ଜି ମା ଡ଼ାହି ଦାର୍ମୁ ଜିସୁତି ନିମ୍ୱାନ୍ନିଙ୍ଗନ୍ତି ସାକି ଆଅନ୍ ଆବସକ ମାନ୍ନେ ।
23ଏମ୍ୱାଟି ଏୱାରି ଜସେପ, ଇନ୍ଦାରିକି ବର୍ସବ୍ବା ଅଟେ ଜୁସ୍ତ ଇଞ୍ଜାନ୍ ଆର୍ପିନ୍ନେରି, ଏୱାଞ୍ଜିକି ଅଟେ ମତିୟନିକି, ଇ ରିଃଆରିକି ମାଞ୍ଜାଡ଼ିଗାଟାର୍ ତାୱାଟି ଆଙ୍ଗେ କିଆନ୍ ଇ ପ୍ରାତ୍ନା କିତେରି, 24ଆଟେ ଏୱାରି ପ୍ରାତ୍ନା କିତେରି, “ଏ ହାବେତ୍ ହଡାଙ୍ଗ୍ତି କାତା ପୁନ୍ବନ୍ତି ଦାର୍ମୁ, ଜିହୁଦା ତା ଗର୍ରିଇନ୍ଦା ହାଲ୍ବନ୍ ବାଗାଟି ଇ ଇମ୍ୱିନ୍ ପେରିତ ଆନ୍ ଆଚି ପାଁଣ୍ଡାଚ୍ଚେଞ୍ଜି ଏ ଗର୍ରିତାୱାଟି ହଚାନ୍ନେଞ୍ଜି, 25ଏ ଜିହୁଦାତି ଆଙ୍ଗୁଲ୍ କାମାତାୱା ଏମ୍ୱେନାଞ୍ଜି ବାସାଆନେଞ୍ଜି, ଇ ରିଃଆରି ତାୱାଟି ନିନୁ ଇନ୍ଦାରିକି ପେରିତ କିଆନ୍ ଆଚି କିଆଞ୍ଜି ଏୱାଞ୍ଜିକି ମାଙ୍ଗେ ତସ୍ତାମୁ ।”
26ଆଟେ ଏୱାରି ଏ ରିଃଆରି ବାଗାଟି ଗୁଲ୍ଲିଙ୍ଗ୍ କିତେରି, ଅଟେ ମତିୟତି ପାରୁଟି ଏଦି ହତେ; ଏମ୍ୱାଟି ଏୱାଞ୍ଜି ଏଗାର ଗାଣ୍ଡି ପେରିତଙ୍ଗ୍ ଡ଼ାହି ଆଡ୍ଡିତେଞ୍ଜି ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0