ରମିୟ 13
13
ସାସନ୍ ଡେମ'କୁନୁଂ ରେମଲେବକ୍ ମାନ୍ବାର୍ ଡୁତା
1ଜାଜା ସାସନ୍ ଡେମ'ତା ଆମା'ଏ ଗୁଲାଇର ମାନ୍ବାର୍ ଡୁତା । ମାସା'ଡ'ନା ମା'ଏ ଜା ଡ'ନାସା ମାପ୍ରୁଉ ଆମା'ଏ କେନ୍ କାମ୍ ଡିନ୍ଡେମ୍ପୁଲେଇ ଅଦିକାର୍ ବେଡ'ତା । ସା' ମା'ଏ ଆମ୍ବ' ଡୁକୁକ୍ସେକ୍ ସାସନ୍ ଡେମ'ନାସା ମାପ୍ରୁଉ ଆମା'ଏ ଆତା ଗୁତୁନ୍ କାମ୍ ଡିନ୍ଡେମ୍ପୁଲେଇ ବୁଂଅଁ'ତା । 2ସା' ସାସନ୍ ଡିନ୍ଡେମ୍ପୁଲେଇ ଆଜାଆଜା ମାପ୍ରୁ ଅଦିକାର୍ ବେ'ଡ'ତା ଆମା'ଏ ରେମଲେ ଆମାନ୍ତା ଡ'ନା ମା'ଏ ମାପ୍ରୁ ଡେମ'କୁନୁଂ କେନ୍ ଗୁଲାଇଉ ମମାନ୍ବାର୍ସୁଗ ଡୁତା । ମାରି ଜାଜା ଆମାନ୍ତା ମା'ଏ ଡନ୍ଡ୍କସ୍ଟ ବାମ୍ତା । 3ମାସା'ଡ'ନା ଜାଜା ନିୟମ୍ସୁଗ ବଲ୍କାମ୍ ଡେମ୍ତ ମା'ଏ ସାସନ୍ ଡିନ୍ଡେମ୍ରେମ୍ବକ୍ ବୁତୁଂ ଦର୍କାର୍ ଆରାକ୍ ମାତର୍ ଜାଜା ନିୟମ୍ସୁଗ ବଲ୍ ଆଡେମ୍ତ ମା'ଏଉ ବୁତୁଂ ଡୁତା । ସା' ଆମା'ଏ ମବୁତୁଂ ଡୁକୁପୁଲେଇ ଆପେ ମୁନ୍ ଡୁତା ଡ'ନା ପେ ମା'ଏ ସୁନ'କୁନୁଂସୁଗ ବଲ୍କାମ୍ ଡେମ'ସେକ୍ ଡୁକୁଲା । ପେ ଡୁ'ତୁନା ଡେମ'ତୁପେ ଡ'ନା ଆପେ ମା'ଏ ବଲ୍ରେମ୍ ଡ'ସେକ୍ ସୁନ୍ତ । 4ମାସା'ଡ'ନା ମାପ୍ରୁଉ ପେନା ବଲ୍ପୁଲେଇ ମାପ୍ରୁନା କାମ୍ରେମ୍ସୁଗ ଆମା'ଏ ବୁଂଅଁ'ତା । ମାତର୍ ପେ ଅଲିରାକ୍କାମ୍ ଡେମ'ତୁପେ ଡ'ନା ଆପେ ମା'ଏ ଡନ୍ଡ୍ ବେ'ତସା' ପେ ଆମା'ଏ ବୁତୁଂ ଡୁତା । ମାସା'ଡ'ନା ଜାଜା ଅଲିରାକ୍କାମ୍ ଡେମ'ତା ଆମା'ଏ ବିସାର୍ନା ଡେମ'ସେକ୍ ଡନ୍ଡ୍କସ୍ଟ ବିବେ'ପୁଲେଇ ମାପ୍ରୁ ବୁଂଅଁ'କୁନୁଂ ରେମଲେଉ ମା'ଏ । 5ସା' ଜାଜା ସାସନ୍ ଡେମ'ତା ଆମା'ଏ ମାନ୍ବାର୍ ଡୁତା । ମାତର୍ ମା'ଏ ଡନ୍ଡ୍ ବେ'ତ ଡ' ବୁତୁଂସେକ୍ ମାନ୍ବାର୍ ଆରାକ୍ ମାତର୍ ଇମ୍ବ'ନା ବଲ୍ ଇମ୍ବ'ନା ଆସାର୍ ଡ'ସେକ୍ ନେଇ'ନା ଜିବନ୍ ବିତ୍ରେ ମାଗ'ତୁନେଇ'ସା' ଗୁତୁନ୍ସୁଗଉ ଆମା'ଏ ମାନ୍ବାର୍ ଡୁତା ।
6 #
ମାତିଉ 22:21; ମାର୍କ 12:17; ଲୁକ 20:25 ଡୁ'ତୁନ୍ସା' ପେ ସାସନ୍ ଡିନ୍ଡେମ୍ରେମେବକ୍ ସିସ୍ତୁ ବେଡ'ତୁପେ । ମାସା'ଡ'ନା କେନ୍ କାମ୍ ଡିନ୍ଡେମ୍ପୁଲେଇ ମାପ୍ରୁଉ ଆମା'ଏ ମାଇନା କାମ୍ରେମ୍ସୁଗ ବୁଂଅଁ'ତାସା' ମା'ଏ କେନ୍ ଗୁଲାଇ କାମ୍ ଡେମ'ତା । 7ଆଜାଆଜା ମାମା ବିବେ' ଡୁକୁନୁଂ ଗୁତୁନ୍ ଗୁଲାଇ ଆମା'ଏ ବେ' । ଆଜା ସିସ୍ତୁ ବିବେ' ଡୁତା ଆମାଇ ସିସ୍ତୁ ବେ' ମାରି ସାସନ୍ ଡିନ୍ଡେମ୍ ରେମେନ୍ ନିୟମ୍ସୁଗ ଆମା'ଏ ପାଲ୍ ମାମା ବିବେ' ଡୁତା ଡ'ନା ଗୁତୁନ୍ ଗୁଲାଇସା ଆମା'ଏ ବେ' । ଆଜା ବୁତୁଂ ଡୁତା ଆମାଇ ବୁତୁଂଆଁ ମାରି ଆଜା ମାନ୍ବାର୍ ଡୁତା ଆମାଇ ମାନ୍ଲା ।
ଆପାଲ୍ ରେମଲେ ଆଲାତ୍ ଡେମ୍
8ଜାଜାନ୍ ତିତିକୁରୁଂ ପେ ରିନ୍ ରିଂଗୁତୁପେ ଗୁତୁନ୍ ଗୁଲାଇ ଆମା'ଏ ପେ ଅ'ଆନ୍ଡେଇଁୟ'ବେ' । ମାତର୍ ମୁଇ ଡୁତା ପେ ରିନ୍ସୁଗ ଡିନ୍ଡେମ୍ ଆଗଂତୁପେ, ଗୁତୁନ୍ ମା ଡ'ନା ଆପାଲ୍ ରେମଲେ ଆଲାତ୍ ଡିନ୍ଡେମ୍ନା । ଗୁତୁନ୍ ଇସାଉ ଡିନ୍ଡେମ୍ ଡୁତା । ମାସା'ଡ'ନା ପେ ଆପାଲ୍ ରେମଲେ ଆଲାତ୍ ଡେମ'ତୁପେ ଡ'ନା ପେ ମାପ୍ରୁନା ନିୟମ୍ସୁଗ ଡେମ'ତୁପେ । 9ସା' ମାପ୍ରୁ ବେଡ'କୁନୁଂ ନିୟମ୍ବକ୍ ଡି'କେନା ଲେକ୍ଲ'ତା, ମା ଡ'ନା “ଜାଲିବାଇ' କାମ୍ ଆଡେମ', ଆରେମଲେ ଆଅଡାବ', ଆଡୁଂଗାଲ', ଲାଡ୍ସି ଆଡେଂଗା'” ଡି'କେନା ଗୁଲାଇ ନିୟମ୍ ଲେକ୍ଲ'ବୁଂଅଁ'ତା । ମାତର୍ ପେ ନିଜେ ମି ଆଲାତ୍ ଡେମ୍ବର୍ଗୁତୁପେ ଡୁ'ତୁନ୍ଉ ପେନ୍ ଉନ୍ତୁ'ସିଂ ଡାନ୍ଡର୍ସିଂନା ରେମଲେବକ୍ ଆଲାତ୍ ଡେମ'ତୁପେ ଡ'ନା କେନ୍ ଗୁଲାଇ ନିୟମ୍ ମାରି ପାଲ୍ ମାମା ନିୟମ୍ ଡୁତା ଗୁତୁନ୍ ଗୁଲାଇ ବଲ୍ ମାନ୍କୁନୁଂସୁଗ ଡୁତା । 10ପେ ଆପାଲ୍ ରେମଲେ ଆଲାତ୍ ଡେମ'ତୁପେ ଡ'ନା ଆମା'ଏ ଇନ୍ଡଇ'ଏସା କସ୍ଟ ଆବେ'ତୁପେ । ସା' ଆମା'ଏ ଆଲାତ୍ ଡେମ'ତୁପେ ଡ'ନା ପେ ମାପ୍ରୁନା ଗୁଲାଇ ନିୟମ୍ ବଲ୍ ମାନ୍ଗୁତୁପେ ।
11ଆ'ନା ମି ଡୁକୁନା ବଲ୍ ଡେନ୍ତା ଡ'ସେକ୍ ପେ ମାଗ'ତୁପେସା' କେନା ଗୁଲାଇଉ ଡେମ'ସେ'ଗା ଡୁକୁଲା । ମାସା'ଡ'ନା ନେଇ' ମୁଲ୍ ଆଜିସୁଲା ବିସ୍ବାସ୍ ଡେମ'କୁନୁଂ ବେଲାବାଂସା' ଆ'ନା ଆନେଇ' ଜିସୁଲା କେନ୍ ଦର୍ତନିନା ଗୁଲାଇ ଅଲିରାକ୍କୁରୁଂ ଅ'ତୁର୍ନା ବେଲା ଉନ୍ତୁ' ସା'ଗୁତା । ସା' ସାଲାକି ଡେଂସେକ୍ ଡୁକୁଲାନେଇ'; ଲେମ'ରେମ୍ସୁଗ ଆଡେମାନେଇ' । 12କେନ୍ ଦର୍ତନିନା ରେମଲେ ଅଲିରାକ୍କାମ୍ ଡେମ'ସେକ୍ ଡୁତାସା' ରେମଲେ ଗୁଲାଇର ଞୁର୍ବକ୍ ଡୁକୁନୁଂସୁଗ ଡୁତା ମାତର୍ ଜିସୁଲା ଗୁତୁନ୍ ଞୁର୍କୁରୁଂ ଆରେମଲେ ରକ୍ୟା ଡିନ୍ଡେମ୍ପୁଲେଇ ସୁରୁଇ' ସାପ୍ତାସା' ତାରା'ବକ୍ ଡୁକୁନୁଂସୁଗ ଡେନ୍ତା । ସା' ଞୁର୍ବକ୍ ଡେମ'କୁନୁଂସୁଗ ମାମା ଅଲିରାକ୍କାମ୍ ଡେମ'ତୁନେଇ' ଗୁତୁନ୍ ଗୁଲାଇ ଅଲିରାକ୍କାମ୍ ଅଡକ୍ସୁଂଅଁ'ସେକ୍ ବଲ୍ ଡୁକୁଲାନେଇ' । ଡ'ନା ମୁଇନ୍ଡା ସଇନିକ ରେମ ମି ଗୁଲାଇ ସକ୍ସେକ୍ ଗୁଲାଇ ଅଲୁକ୍ସେକ୍ ଜାଗ୍ଲ' ଡୁତା ଡୁ'ତୁନ୍ସୁଗ ତାରା' ବିବେ'ବାଇ' କାମ୍ ଡିନ୍ଡେମ୍ପୁଲେଇ ଅଜାଗ୍ସେକ୍ ଡୁକୁଲାନେଇ' । 13ତୁମୁଂଗ ଞୁର୍ବକ୍ ରେମଲେ ଗୁଲାଇର ମିସ୍ସେକ୍ ଅବୁଦି ବିସାକ୍ସେକ୍ ରିମ୍ତ ମାରି ଅବୁଦି ଅଲିରାକ୍ବାଇ' କାମ୍ ଡେମ୍ତ, ଜାଲିକ୍ସେକ୍ ବୁଲ୍ତ, ଆପାଲ୍ ରେମଲେ ଆଂକାର୍ ଡେଂସେକ୍ ରିମ୍ତ । ନେଇ' ଡୁ'ତୁନ୍ବାଇ' ଅଲିରାକ୍କାମ୍ ଆଡେମ୍ନେଇ', ମାତର୍ ପାଲ୍ ରେମଲେ ଆନେଇ' ଜୁଲ'ସେକ୍ ମା'ଏ ବଲ୍ ରେମଲେ ଡ'ସେକ୍ ସୁଁସୁସୁଗ ନେଇ' ବଲ୍ ଡୁକୁଲାନେଇ' । 14ଅଲିରାକ୍ବାଇ' କାମ୍ ଡିନ୍ଡେମ୍ପୁଲେଇ ନେଇ'ନା ଞେରି ଅବୁଦି ମୁନ୍ ଡେନ୍ତା ମାତର୍ ନେଇ' ଡୁ'ତୁନା ଆଡେମ୍ନେଇ', ନେଇ' ଇସାଉ ପ୍ରବୁ ଜିସୁ କିରିସ୍ଟନା ମୁନ୍ ମା ଗୁତୁନ୍ ସବ'ସେକ୍ ଡୁକୁଲାନେଇ' ।
Currently Selected:
ରମିୟ 13: BFW
Highlight
Copy
Compare
Share
Want to have your highlights saved across all your devices? Sign up or sign in
CC BY-NC-ND 4.0