ମାତିଉ 21
21
ଜିସୁଲା ଜିରୁସାଲମ୍ ମୁନା'ଉଂଗମ୍ବକ୍ ଗୁଗାଇଡେନ୍
(ମାର୍କ 11:1–11; ଲୁକ 19:28–40; ଜଅନ୍ 12:12–19)
1ମା'ଏ ଗୁଲାଇର ଜିରୁସାଲମ୍ ମୁନା'ଉଂଗମ୍ ତାଇ'ଡେବେଲା ଜିତ କୁନ୍ଡାବକ୍ ଡୁକୁନୁଂ ବେତ୍ପାଗି ଡ'କୁନୁଂ ମୁଇ ଉଂଗମ୍ବକ୍ ଡେ'ଲ' । ସା' ଜିସୁଲା ଆମାଇନା ସିସ୍ୟଲେନ୍ ବିତ୍ରେ ଆମ୍ବାୟ ଡି'କେନା ସୁନ'ସେକ୍ ବେନ୍ଟାୟ': 2ମା ଡ'ନା, “ପା ଉଇବେଲା ମୁଲ୍ ଇମ୍ବ'ନ୍ ଉଂଗମ୍ ଜୁତୁପା ଗୁତୁନ୍ ଉଂଗମ୍ବକ୍ ଗାୟା । ଆତା ଗାଇଗା' ଡ'ନା ମୁଇ ଗଦ ତୁଲ'କୁନୁଂ ମାରି ଗୁତୁନ୍ବୁରଂ ମୁଇ ଉଁ'ଉଁଗଦସା ଡୁକୁନୁଂ ଆ'ଇକୁ ଜୁତୁପା । ଗୁତୁନ୍ ଇମ୍ବାରୁ ତକ୍ପିଡ'ସେକ୍ ନିଂବକ୍ ରିଂଅଁ' ସା'ବା । 3ଜାଏସା ଆପା ଅ'ଗଁସ୍ଲା'ଗ୍ନା ପ୍ରବୁଲା ଦର୍କାର୍ ଡ'ସେକ୍ ସୁନ'ତା' ଡ' ସୁଁ । ଡୁ'ତୁନ୍ ଡ'ନା ମାଇ ଆ'ଇକୁ ବେନ୍ଟାଇତ” ଡ'ସେକ୍ ସୁନ' ।
4ଇନ୍ତେକନ୍ଡେକ୍ ବାବବାଦିଲା ମା ଡ'ସେକ୍ ସୁନ'କୁ ଗୁତୁନ୍ ସତ୍ ଡିନ୍ଡେମ୍ପୁଲେଇ ଡି'କେନା ଡେଂଗା' । 5ମାଇ ମା ଡ'କୁ ଡ'ନା:
“ସିୟନ୍ ଉଂଗମ୍ନା ରେମଲେବକ୍ ସୁଁ,
ଜୁ, ପେନ୍ ରାଜା ମୁଇନ୍ଡା ଦରମ୍ବାଇ'ରେମ ପେନ୍ବକ୍ ସୁସାପ୍ଡେନ୍ ।
ମାଇ ଗଦ ବାଗ୍ବକ୍
ମୁଇ ଉଁ'ଉଁଗଦ ବାଗ୍ବକ୍ ଲେଇ'ସେକ୍ ସୁସାପ୍ଡେନ୍ ।”
6ସା' ସିସ୍ୟପା ଇମ୍ବାୟ ଉଇସେକ୍ ଜିସୁଲା ଡେମ୍ ଡ'ସେକ୍ ସୁନ'କୁନୁଂସୁଗ ଡେମ' । 7ମାଇପା ଗୁତୁନ୍ ୟଂଗଦ ମାରି ଉଁ'ଉଁଗଦ ରିଂଅଁ' ସା'ଗା' । ସା' ମା'ଏ ମା'ଏନା ଇମ୍ପ'ସେନ୍ଡି ଗୁତୁନ୍ ଇମ୍ବାର୍ ଗଦ ବାଗ୍ବକ୍ ବେସାଗ'ବେଡ' । ସା' ଜିସୁଲା ଗୁତୁନ୍ ବାଗ୍ବକ୍ ଲେଇ'ଗା' । 8ଅବୁଦି ରେମଲେ କୁରୁଂବକ୍ ମା'ଏନା ଇମ୍ପ'ସେନ୍ଡିଲେ ବେସାଗ' ମାରି ଏନ୍ତୁକ୍ର ଉଇସେକ୍ ସୁଲପ୍ନା ଉଲାକ୍ପା'ବାଇ' ଡେନ୍ତାଲେ ପିଗ୍ରୁକ୍ଆର'ସେକ୍ ଜିସୁଲା ଉଇଡେଂକୁନୁଂ କୁରୁଂବକ୍ ବେସାଗ'ବେଡ' । 9ଜିସୁନା ଗି'ଡାଂ ସୁମଂକୁରୁଂ ଉଇଡେଂକୁନୁଂ ରେମଲେ,
“ଅ ଦାଉଦ୍ନା ଉଁ'ଉଁ #21:9 ଅସାନା ଡ'ନା ଆନେଇ ରକ୍ୟା ଡେମ୍ ଡ'ସେକ୍ ଆରାକ୍ନା ସୁନ୍ଡ୍ରଲାନେଇ' ଡ'ସେକ୍ସା ଅର୍ତ ଡୁତା ।ଅସାନା!”
“ପ୍ରବୁନା ଇମିବକ୍ ଜା ସୁସାପ୍ଡେନ୍ତା ଆମାଇ ମାପ୍ରୁ ଆସିର୍ବାଦ୍ ଡେମେଇ'!”
“ସରଗ୍ବକ୍ ଡୁକୁନୁଂ ଆମାପ୍ରୁ ଅସାନା!”
ଡ'ସେକ୍ ମା'ଏ ଡକ୍ତି'ତା କିରକ୍ସେକ୍ ସୁନ' ।
10ଜିସୁଲା ଜିରୁସାଲମ୍ ମୁନା'ଉଂଗମ୍ବକ୍ ଗାଇଗା'ସା' ଗୁଲାଇ ରେମଲେ କାବାକାବା ଡେଂସେକ୍ “କୁନ୍ ଜାଲେଇ?” ଡ'ସେକ୍ ଅ'ଗଁସ୍ଲା'ଗା' ।
11ସା' ରେମଲେ ସୁନ' “କୁନା ଗାଲିଲି ଜିଲାନା ନାଜରିତ୍ ଉଂଗମ୍ନା ଜିସୁଲା ଡ'କୁନୁଂ ମୁଇନ୍ଡା ବାବବାଦିଲା” ଡ'ସେକ୍ ସୁନ' ।
ଜିସୁଲା ମନ୍ଦିର୍ବକ୍
(ମାର୍କ 11:15–19; ଲୁକ 19:45–48; ଜଅନ୍ 2:13–22)
12ମାରି ଜିସୁଲା ମାପ୍ରୁନା ମନ୍ଦିର୍ବକ୍ ଗାଇସେକ୍ ଆତା ସୁଂସୁଂଆ' ଡେଂକୁନୁଂ ରେମଲେବକ୍ ମାରି ସୁସପ୍ ମୁମୁଇ' ଡେଂକୁନୁଂ ରେମଲେବକ୍ ଆଗୁଲାଇର ଉନ୍ତ୍କୁରୁଂ ଞନ' ଅ'ତୁର' । #21:12 ରେମଲେ ରମିୟ ଦେସ୍ନା ଡାବୁ ମନ୍ଦିର୍ବକ୍ ରିଂଅଁ'ସେକ୍ ମନ୍ଦିର୍ନା ଡାବୁବକ୍ ବାଦ୍ଲାୟ'କୁ ।ଡାବୁ ବାଦ୍ଲାଇବାର୍ ରେମଲେନା ମାରି ପାରା ସୁଂସୁଂ ରେମଲେନା ପାଟାଲେ ବୁଂଅଁ'କୁନୁଂ ଗୁଲାଇ ମାଇ ଉଇଜୁର' ପାର୍ଲେଇଁୟଁ' ଅଡକ୍ସୁଂଅଁ' । 13ମାରି ମାଇ ଆମା'ଏ ସୁନ' “ମାପ୍ରୁନା ଉଲାକ୍ବକ୍ ମାପ୍ରୁ ସୁନ'କୁନୁଂ ଡି'କେନା ଲେକ୍ଲ'ତା, ମା ଡ'ନା: ‘ନିଂନା ଡିଂଅଁ ଡ'ନା ଗୁଲାଇର ପାର୍ତନା ଡିନ୍ଡେମ୍ନା ଡିଂଅଁ ଡ'ସେକ୍ ସୁନ୍ତ । ମାତର୍ ପେ ଡୁଂଗାରେମ୍ନା ଡିଂଅଁସୁଗ ଡେମ'ତୁପେ’” ଡ'ସେକ୍ ଆମା'ଏ ସୁନ' ।
14ମାଇ ମନ୍ଦିର୍ବକ୍ ଡୁକୁନୁଂବେଲା କାନାମ'ବାଇ' ରେମଲେ ମାରି ସଟାସଟିବାଇ' ରେମଲେ ମାଇନ୍ବକ୍ ସା'ଗା'ସା' ମାଇ ଆମା'ଏ ବଲ୍ ଡେମ' । 15ମାତର୍ ମାଇ କାବାକାବା ଡିନ୍ଡେମ୍ବାଇ' ଡେମ'କୁନୁଂ ଗୁଲାଇ ଜୁଲ'ସେକ୍ ମାରି “ଅ ଦାଉଦ୍ନା ଉଁ'ଉଁ ଅସାନା!” ଡ'ସେକ୍ ଗୁବୁଲେ ଗୁଲାଇର ମନ୍ଦିର୍ବକ୍ ଡକ୍ତି'ତା ସୁନ'କୁନୁଂ ଗୁଲାଇ ଅଂଅଁ'ସେକ୍ ମୁନା'ପୁଜାରିଲେ ମାରି ନିୟମ୍ ଅମାକ୍ରେମେ ଆମାଇ ଗିସେ'ଗା' ।
16ମାରି “କେନ୍ ଗୁବୁଲେ ଗୁଲାଇର ମା ଡ'ସେକ୍ ସୁନ'ତା, ଗୁତୁନା ନ ଅଂଅଁ'ତୁନ ଇ?” ଡ'ସେକ୍ ମା'ଏ ଆମାଇ ଅ'ଗଁସ୍ଲା'ଗା' । ସା' ଜିସୁଲା ସୁନ' “ଅଁ'ଅଁ ଅଂଅଁ'ତିଂ, ପେ ମାପ୍ରୁନା ଉଲାକ୍ ଇନ୍ଡଇ'ଏସା ପଡ୍ ଆଡୁତୁପେ ଇ? ‘ଆଡାଉଗୁବୁଲେ ମାରି ଆସିସେରାକ୍ଉନେ ଆନ ସୁନ୍ଡ୍ରପୁଲେଇ ନ ଅମାଗ'ତୁନ’ ଡ'ସେକ୍ ଆତା ଲେକ୍ଲ'ତା” ଡ'ସେକ୍ ସୁନ' ।
17ମାରି ଜିସୁଲା ମା'ଏନ୍କୁରୁଂ ତୁର୍ସେକ୍ ଗୁତୁନ୍ ଉଂଗମ୍କୁରୁଂ ବେତନିୟା ଡ'କୁନୁଂ ଉଂଗମ୍ବକ୍ ଉଇସେକ୍ ଆତା ଗୁଲାଇ ତୁମୁଂଗ ଡୁକୁ ।
ଜିସୁଲା ଆଲିଅଇ ସୁଲପ୍ ଆନା ବୁଂବୁଂଡେନ୍
(ମାର୍କ 11:12–14–20–24)
18ବେରା ଇନ୍ଜୁର୍ ମାଇ ଉନ୍ତ୍କୁରୁଂ ଜିରୁସାଲମ୍ ଉଂଗମ୍ବକ୍ ମାରି ଉଇଡେଂକୁନୁଂବେଲା ଆମାଇ କୁଡୁଗା' । 19ସା' ଆତା କୁରୁଂକନ୍ଡେକ୍ ମୁଇ ଲିଅଇ ସୁଲପ୍ ଜୁଲ' । ସା' ଆତା ଲିଅଇ ସୁ'ଉକୁନୁଂ ଡୁତା କି ଡ'ସେକ୍ ମାଇ ଉଇ ଜୁଲ'ସା' ଉଲାକ୍ଉ ଡୁକୁ । ସା' ମାଇ ସୁନ' “ଇନ୍ଡଇ'ଏସା ନନ୍ବକ୍ ମାରି ଆସୁ'ଉଲେଇ'!” ଡ'ସେକ୍ ସୁନ'ସା' ଗୁତୁନ୍ ସୁଲପ୍ ସେଟ୍ଟ' ଇନ୍ସର୍ ଉଇଗା' ।
20ସା' ମାଇନା ସିସ୍ୟଲେ ଗୁତୁନ୍ ଜୁଲ'ସେକ୍ କାବା ଡେଂଉଇଆର୍ଗା' । ମାରି “କେନ୍ ଲିଅଇ ସୁଲପ୍ ମି ଆ'ଇକୁ ଇନ୍ସର୍ ଉଇଗା'ଲେଇ?” ଡ'ସେକ୍ ସୁନ' ।
21 #
ମାତିଉ 17:20; 1 କରି 13:2 ସା' ଜିସୁଲା ସୁନ' “ସତଇସା ନିଂ ଆପେ ସୁନ'ତିଂ, ଗଂତୁନେଇକି ଆରାକ୍ ଡ'ସେକ୍ ମଏତ୍ବାର୍ ପେନ୍ବକ୍ ବଲ୍ ବିସ୍ବାସ୍ ଡୁକୁନା ଆକେନ୍ ଲିଅଇ ସୁଲପ୍ ନିଂ ଡେମ'କୁନୁଂସୁଗ ପେସା ଡିନ୍ଡେମ୍ ଗଂତୁପେ । ଡୁ'ତୁନାଉ ଡ'ସେକ୍ ଆରାକ୍ ଆକେନ୍ କୁନ୍ଡାସା ‘ଇଂକେକୁରୁଂ ସମ୍ଦର୍କିନ୍ଡାକ୍ବକ୍ ଅପ'ଡା’ ଡ'ସେକ୍ ସୁନ'ନା ଡୁ'ତୁନାଉ ଡେନ୍ତା । 22ପେନା ବିସ୍ବାସ୍ ଡୁକୁନା ପେ ପାର୍ତନା ଡିନ୍ଡେମ୍ବେଲା ମା ଲୁଡ'ନାସା ବାମ୍ତୁପେ” ଡ'ସେକ୍ ସୁନ' ।
ଜା ଆନ ଅଦିକାର୍ ବେଡ' ଡ'ସେକ୍ ଆଜିସୁଲା ଅ'ଗଁସ୍ଲାଗ୍ଡେନ୍
(ମାର୍କ 11:27–33; ଲୁକ 20:1–8)
23ଜିସୁଲା ମନ୍ଦିର୍ବକ୍ ଗାଇସେକ୍ ଆରେମଲେ ଅମାକ୍ ଡେଂକୁନୁଂବେଲା ମୁନା'ପୁଜାରିଲେ ମାରି ଜିଉଦିରେମଲେନା ମୁନା'ରେମେ ମାଇନ୍ବକ୍ ସା'ଗା' । ମା'ଏ ସାକ୍ସେକ୍ “ଆନ ମାନ୍ ଅଦିକାର୍ ଡୁତାସା' ନ କେନ୍ ଗୁଲାଇ ଡେମ'ତୁନ? ମାରି ଜା ଆନ ଅଦିକାର୍ ବେଡ'ସା' କେନ୍ ଗୁଲାଇ ଡିନ୍ଡେମ୍ ଡେନ୍ତୁନ?” ଡ'ସେକ୍ ଅ'ଗଁସ୍ଲା'ଗା' ।
24ସା' ଜିସୁଲା ଆମା'ଏ ସୁନ' “ନିଂସା ଆପେ ମୁଇ ଅ'ଗଁସ୍ଲାକ୍ତିଂ । ପେ ଆନିଂ ଗୁତୁନ୍ ସୁନ'ନା ଜା ଆନିଂ ଅଦିକାର୍ ବେଡ'ତାସା' ନିଂ କେନ୍ ଗୁଲାଇ ଡିନ୍ଡେମ୍ ଡେନ୍ତିଂ ଡ'ସେକ୍ ଆପେ ସୁନ୍ତିଂ । 25ପେ ସୁଁ, ଆଜଅନ୍ଲା ଜା ଅଦିକାର୍ ବେଡ'ସା' ମାଇ ଆରେମଲେ ବାପ୍ତିସ୍ମା ବେଡ'? ମାପ୍ରୁଲା ବେଡ'କି ରେମଲେ ବେଡ'?” ଡ'ସେକ୍ ଅ'ଗଁସ୍ଲା'ଗା' । ସା' ମା'ଏ ମା'ଏନ୍ ବିତ୍ରେ ଅଇଁୟ', “ଜୁ, ମାପ୍ରୁଲା ବେଡ' ଡ'ସେକ୍ ନେଇ' ସୁନ'ନା, ମାରି ମାସା' ପେ ଆଜଅନ୍ଲା ବିସ୍ବାସ୍ ଆଡେମ୍ତୁପେ ଡ'ସେକ୍ ମାଇ ଆନେଇ' ଅ'ଗଁସ୍ଲାକ୍ତା । 26ମାତର୍ ରେମଲେ ବେଡ' ଡ'ସେକ୍ ନେଇ' ସୁନ'ନା, ଜୁ, ନେଇ' ଆରେମଲେ ବୁତୁଂଗୁତୁନେଇ' । ମାସା'ଡ'ନା ଜଅନ୍ଲା ମୁଇନ୍ଡା ବାବବାଦିଲା ଡ'ସେକ୍ ଗୁଲାଇର ବିସ୍ବାସ୍ ଡେମ'ତା” ଡ'ସେକ୍ ମା'ଏ ଅଇଁୟ' ।
27ସା' ମା'ଏ ଆଜିସୁଲା ସୁନ' “ନେଇ ଆମାକ୍ତୁନେଇ” ଡ'ସେକ୍ ସୁନ' ।
ସା' ମାଇ ଆମା'ଏ ସୁନ' “ଡୁ'ତୁନ୍ ଡ'ନା ଜା ଆନିଂ ଅଦିକାର୍ ବେଡ'ସା' ନିଂ ଡି'କେନ୍ ଗୁଲାଇ ଡିନ୍ଡେମ୍ ଡେନ୍ତିଂ ଡ'ସେକ୍ ନିଂସା ଆପେ ଆସୁନ୍ତିଂ” ଡ'ସେକ୍ ସୁନ' ।
ଇମ୍ବାୟ ଉଁ'ଉଁପାନା ଉ'ସୁରାମ୍
28“ମାତର୍ ପେ କେନା ମା ଏତ୍ଗୁତୁପେ? ମୁଇନ୍ଡାନା ଉଁ'ଉଁ ଇମ୍ବାୟ ଡୁକୁଗା' । ମାଇ ଉଇସେକ୍ ଆମୁନା' ଉଁ'ଉଁନ୍ଡେଇଁ ସୁନ' ‘ଅ ବାବୁ, ନ ଆ'ନା ଅଂଗୁର୍ନା ଡିନ୍ଜାବୁର୍ବକ୍ ଉଇସେକ୍ କାମ୍ ଡେମ୍’ ଡ'ସେକ୍ ସୁନ' । 29ସା' ମାଇ ‘ଇନ୍ସାଂ ନିଂ ଆଉଇତିଂ’ ଡ'ସେକ୍ ସୁନ' । ମାତର୍ ଇ'କି ପୁରଗା' ମାଇ ଏତ୍ସେକ୍ ଉଇଗା' । 30ମାରି ଗୁତୁନ୍ ବାଡେଇଁ ଡାଉ ଉଁ'ଉଁଡେଇଁନ୍ବକ୍ ଉଇସେକ୍ ‘ଅ ବାବୁ, ନ ଉୟା’ ଡ'ସେକ୍ ସୁନ' । ସା' ମାଇ ‘ଅଁଂ ବା, ନିଂ ଉଇତିଂ’ ଡ'ସେକ୍ ସୁନ' । ମାତର୍ ମାଇ ଆଉଇତା ।
31ମାଇପା ଇମ୍ବାୟନ୍ ବିତ୍ରେ ଜା ବାଡେଇଁନା ମୁନ୍ସୁଗ ଡେମ'?” ଡ'ସେକ୍ ଜିସୁଲା ଅ'ଗଁସ୍ଲା'ଗା' ।
ସା' ମା'ଏ “ଗୁତୁନ୍ ମୁନା'ଡା” ଡ'ସେକ୍ ସୁନ' ।
ସା' ଜିସୁଲା ଆମା'ଏ ସୁନ' “ପେନ୍ ସିଁସେଇଁଉ ସିସ୍ତୁ ଲୁଲୁ'ରେମେ ମାରି ଜାଲିବାଇ' କାମ୍ ଡେମ'କୁନୁଂଏଁ ମାପ୍ରୁନା ରାଜିବକ୍ ଗୁଗାଇ ଡେନ୍ତା ଡ'ସେକ୍ ନିଂ ଆପେ ସତଇସା ସୁନ'ତିଂ । 32#ଲୁକ 3:12; 7:29,30ମାସା'ଡ'ନା ମାପ୍ରୁନା ମୁନ୍ସୁଗ ମି ଡୁକୁନା ଡେନ୍ତା ଡ'ସେକ୍ ଆପେ ଅସୁଇ'ପୁଲେଇ ଜଅନ୍ଲା ପେନ୍ବକ୍ ସା'ଗା' । ସା' ପେ ଆମାଇ ବିସ୍ବାସ୍ ଆଡେମ୍ତୁପେ । ମାତର୍ ସିସ୍ତୁ ଲୁଲୁ'ରେମେ ମାରି ଜାଲିବାଇ' କାମ୍ ଡେମ'କୁନୁଂ ରେମଲେ ଆମାଇ ବିସ୍ବାସ୍ ଡେମ' । ମା'ଏ ଗୁଲାଇର ଆମାଇ ବିସ୍ବାସ୍ ଡେମ'କୁନୁଂ ପେ ଜୁଲ'ସେକ୍ସା ପେ ପାପ୍କାମ୍ ଗୁଲାଇ ଅଡକ୍ସୁଂଅଁ'ସେକ୍ ମାପ୍ରୁନ୍ବକ୍ ଆଆନ୍ଡେଇଁତୁପେ ମାରି ଆମାଇ ବିସ୍ବାସ୍ ଆଡେମ୍ତୁପେ ।”
ଅଲିରାକ୍ବାଇ' କାମ୍ରେମେନା ଉ'ସୁରାମ୍
(ମାର୍କ 12:1–12; ଲୁକ 20:9–19)
33ଜିସୁଲା ସୁନ' “ଆ'ନା ପେ ମାରି ମୁଇ ଉ'ସୁରାମ୍ ଅଂ: ମୁଇନ୍ଡା ସାକାର୍ ଅଂଗୁର୍ନା ମୁଇ ଡିନ୍ଜାବୁର୍ ଅ'ରଇଁୟ' । ଗୁତୁନ୍ ଡିନ୍ଜାବୁର୍ନା ସାର୍ବେର୍ତି ମାଇ ସିନିପ୍କୁର୍ ସିପ୍କୁର' ମାରି ଅଂଗୁର୍ ରଡାଗ'ସେକ୍ ଅଂଗୁର୍ଡାଗ୍ ଅ'ତୁର୍ପୁଲେଇ ବୁରେବକ୍ ମୁଇ କାଲ୍ବାଇ' ଅ'ରଇଁୟ'ବୁଂଅଁ' । ମାରି ଗୁତୁନ୍ ଡିନ୍ଜାବୁର୍ ଜାଗ୍ବାର୍ପୁଲେଇ ତୁନୁଂତା'ସା ଅ'ରଇଁୟ'ବୁଂଅଁ' । ତିର୍ଗି' ମାଇ ଗୁତୁନ୍ ଡିନ୍ଜାବୁର୍ କାମ୍ରେମେବକ୍ ବାନ୍ଟାଲ' ବେଡ'ସେକ୍ ପାଲ୍ ଦେସ୍ବକ୍ ଉଇଗା' । 34ଅଂଗୁର୍ ମୁମୁଇ'ନା ବେଲା ଡେଂଗା'ସା' ଆମାଇନା ଗତିରେମେ ଏନ୍ତୁକ୍ରବକ୍ ମାଇନା ବାନ୍ଟା ଇନ୍ଡ୍ରିଂପୁଲେଇ ଗୁତୁନ୍ କାମ୍ରେମେନ୍ବକ୍ ବେନ୍ଟାୟ' ।”
35“ମାତର୍ ଗୁତୁନ୍ କାମ୍ରେମେ ଆମାଇନା ଗତିରେମେ ସବ'ସେକ୍ ଆମୁଇନ୍ଡା ବୁଗ୍ସଲ'ତିସଲ', ଆମୁଇନ୍ଡା ଅଡାବ'ସୁଂଅଁ' ମାରି ଆମୁଇନ୍ଡା ବୁରେବୁରଂ ତିଲ' । 36ସା' ଗୁତୁନ୍ ସାକାର୍ ଆମାଇନା ଗତିରେମେ ମୁଲ୍ ବେନ୍ଟାୟ'କୁନୁଂକୁରୁଂ ଅବୁଦିରବକ୍ ମାରି ଗୁତୁନ୍ ରେମଲେନ୍ବକ୍ ବେନ୍ଟାୟ' । ମାତର୍ ଆମା'ଏସା ମା'ଏ ଡୁ'ତୁନାଉ ଡେମ' । 37ସା' ତିର୍ଗି' ‘ଆନିଂନା ଉଁ'ଉଁ ମା'ଏ ମାନ୍ତା’ ଡ'ସେକ୍ ମାଇ ଆମାଇନା ଉଁ'ଉଁ ମା'ଏନ୍ବକ୍ ବେନ୍ଟାୟ' ।”
38“ମାତର୍ ଗୁତୁନ୍ କାମ୍ରେମେ ଆମାଇନା ଉଁ'ଉଁ ଜୁଲ'ସେକ୍ ‘ଜୁ, କେନ୍ ଡିନ୍ଜାବୁର୍ନା ଅଦିକାର୍ ଆମାଇଉ ଡେନ୍ତା । ଲବେ, ଆମାଇ ଅଡାବ'ସେକ୍ କେନ୍ ଗୁଲାଇ ନେଇ' ରିଂଆଁନେଇ'’ ଡ'ସେକ୍ ସୁନ' । 39ସା' ମା'ଏ ଆମାଇ ସବ'ସେକ୍ ଡିନ୍ଜାବୁର୍ ବାଇରି ଅ'ତୁର'ସେକ୍ ଅଡାବ'ସୁଂଅଁ' ।”
40“ସା' ଗୁତୁନ୍ ଡିନ୍ଜାବୁର୍ ସାକାର୍ ଇନ୍ଡଇ'ୟା ସାପ୍ତା ଉନ୍ତା ମାଇ ଆତୁନ୍ କାମ୍ରେମେ ମା ଡେମ୍ତ?” ଡ'ସେକ୍ ଜିସୁଲା ଅ'ଗଁସ୍ଲା'ଗା' ।
41ସା' ମା'ଏ ସୁନ' “ଆତୁନ୍ ଅଲିରାକ୍ବାଇ' କାମ୍ ଡେମ'କୁନୁଂଏଁ ମାଇ ଅବୁଦି କସ୍ଟ ବେଡ'ସେକ୍ ଅଡାପ୍ତ । ମାରି ମୁମୁଇ'ନା ବେଲା ଡେଂନା ଜା ମାଇନା ବାନ୍ଟା ମୁୟ'ସେକ୍ ରିଂ ବେ'ତ ଡୁ'ତୁନ୍ବାଇ' କାମ୍ରେମେନ୍ ତିତିବକ୍ ଗୁତୁନ୍ ଡିନ୍ଜାବୁର୍ ମାଇ ବାନ୍ଟାଲ' ବେ'ତ” ଡ'ସେକ୍ ସୁନ' ।
42ଜିସୁଲା ଆମା'ଏ ସୁନ', “ବ'ସିଂରେମ୍ ଇମ୍ବ'ନା ବୁରେ ଅଲିରାକ୍ବାଇ' ଡ'ସେକ୍ ଅଡକ୍ସୁଂଅଁ'କୁ, ଗୁତୁନ୍ ବୁରେଉ ଆ'ନା ବ'ସିଂବେଲା ଗଡିକ୍ବକ୍ ବୁଂବୁଂପୁଲେଇ ଅବୁଦି ବଲ୍ବାଇ' ବୁରେ ଡ'ସେକ୍ ବୁଂଅଁ'ତା' । ପ୍ରବୁଉ ଡି'କେନ୍ବାଇ' ଡିନ୍ଡେମ୍ ଗଂତା । ଗୁତୁନ୍ ଜୁଲ'ସେକ୍ ନେଇ' ଗୁଲାଇର କାବା ଡେଂଉଇତୁନେଇ' । ଡ'ସେକ୍ ମାପ୍ରୁନା ଉଲାକ୍ବକ୍ ଲେକ୍ଲ'କୁନୁଂ ପେ ଆପଡ୍ତୁପେ ଇ?” ଡ'ସେକ୍ ଅ'ଗଁସ୍ଲା'ଗା' ।
43“ଡୁ'ତୁନ୍ସା' ନିଂ ଆପେ ସୁନ'ତିଂ, ଆପେ ମାପ୍ରୁନା ରାଜିବକ୍ ଆବୁତ ମାତର୍ ଇମ୍ବ'ନ୍ ଜାତିନ୍ ରେମଲେ ମାଇନା ତୁମ' ମାନ୍ସେକ୍ ବଲ୍କାମ୍ ଡେମ୍ତ ଡୁ'ତୁନ୍ବାଇ' ରେମଲେବକ୍ ମାଇନା ରାଜିବକ୍ ମାଇ ବୁତ । 44କେନ୍ ବୁରେ ବାଗ୍ବକ୍ ଜା ଲକ୍ତା ମାଇ ସିସିକ୍ଲୁଲାର୍ଉଇତା ମାରି କେନ୍ ବୁରେ ଜାନ୍ ବାଗ୍ବକ୍ ଲକ୍ତା ମାଇ ବିଲ୍ଉଇତା ।”
45ଜିସୁଲା ଉଡ'କୁନୁଂ କେନ୍ ଉ'ସୁରାମେ ଗୁଲାଇ ମୁନା'ପୁଜାରିଲେ ମାରି ପାରୁସିଦଲ୍ନା ରେମଲେ ଅଂଅଁ'ସେକ୍ “ମାଇ ଆନେଇ'ଉ ଡି'କେନ୍ ସୁନ'ତା” ଡ'ସେକ୍ ମାଗ' । 46ସା' ଆମାଇ ମିଏସା ସ'ବ୍ନେଇ' ଡ'ସେକ୍ ମା'ଏ ଏତ୍ଗା' ମାତର୍ ରେମଲେ ଜିସୁଲା ମୁଇନ୍ଡା ବାବବାଦିଲା ଡ'ସେକ୍ ଜୁଲ'ତାସା' ଆରେମଲେ ବୁତୁଂସେକ୍ ମା'ଏ ଆମାଇ ଆସପ୍ତ ।
Currently Selected:
ମାତିଉ 21: BFW
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0
ମାତିଉ 21
21
ଜିସୁଲା ଜିରୁସାଲମ୍ ମୁନା'ଉଂଗମ୍ବକ୍ ଗୁଗାଇଡେନ୍
(ମାର୍କ 11:1–11; ଲୁକ 19:28–40; ଜଅନ୍ 12:12–19)
1ମା'ଏ ଗୁଲାଇର ଜିରୁସାଲମ୍ ମୁନା'ଉଂଗମ୍ ତାଇ'ଡେବେଲା ଜିତ କୁନ୍ଡାବକ୍ ଡୁକୁନୁଂ ବେତ୍ପାଗି ଡ'କୁନୁଂ ମୁଇ ଉଂଗମ୍ବକ୍ ଡେ'ଲ' । ସା' ଜିସୁଲା ଆମାଇନା ସିସ୍ୟଲେନ୍ ବିତ୍ରେ ଆମ୍ବାୟ ଡି'କେନା ସୁନ'ସେକ୍ ବେନ୍ଟାୟ': 2ମା ଡ'ନା, “ପା ଉଇବେଲା ମୁଲ୍ ଇମ୍ବ'ନ୍ ଉଂଗମ୍ ଜୁତୁପା ଗୁତୁନ୍ ଉଂଗମ୍ବକ୍ ଗାୟା । ଆତା ଗାଇଗା' ଡ'ନା ମୁଇ ଗଦ ତୁଲ'କୁନୁଂ ମାରି ଗୁତୁନ୍ବୁରଂ ମୁଇ ଉଁ'ଉଁଗଦସା ଡୁକୁନୁଂ ଆ'ଇକୁ ଜୁତୁପା । ଗୁତୁନ୍ ଇମ୍ବାରୁ ତକ୍ପିଡ'ସେକ୍ ନିଂବକ୍ ରିଂଅଁ' ସା'ବା । 3ଜାଏସା ଆପା ଅ'ଗଁସ୍ଲା'ଗ୍ନା ପ୍ରବୁଲା ଦର୍କାର୍ ଡ'ସେକ୍ ସୁନ'ତା' ଡ' ସୁଁ । ଡୁ'ତୁନ୍ ଡ'ନା ମାଇ ଆ'ଇକୁ ବେନ୍ଟାଇତ” ଡ'ସେକ୍ ସୁନ' ।
4ଇନ୍ତେକନ୍ଡେକ୍ ବାବବାଦିଲା ମା ଡ'ସେକ୍ ସୁନ'କୁ ଗୁତୁନ୍ ସତ୍ ଡିନ୍ଡେମ୍ପୁଲେଇ ଡି'କେନା ଡେଂଗା' । 5ମାଇ ମା ଡ'କୁ ଡ'ନା:
“ସିୟନ୍ ଉଂଗମ୍ନା ରେମଲେବକ୍ ସୁଁ,
ଜୁ, ପେନ୍ ରାଜା ମୁଇନ୍ଡା ଦରମ୍ବାଇ'ରେମ ପେନ୍ବକ୍ ସୁସାପ୍ଡେନ୍ ।
ମାଇ ଗଦ ବାଗ୍ବକ୍
ମୁଇ ଉଁ'ଉଁଗଦ ବାଗ୍ବକ୍ ଲେଇ'ସେକ୍ ସୁସାପ୍ଡେନ୍ ।”
6ସା' ସିସ୍ୟପା ଇମ୍ବାୟ ଉଇସେକ୍ ଜିସୁଲା ଡେମ୍ ଡ'ସେକ୍ ସୁନ'କୁନୁଂସୁଗ ଡେମ' । 7ମାଇପା ଗୁତୁନ୍ ୟଂଗଦ ମାରି ଉଁ'ଉଁଗଦ ରିଂଅଁ' ସା'ଗା' । ସା' ମା'ଏ ମା'ଏନା ଇମ୍ପ'ସେନ୍ଡି ଗୁତୁନ୍ ଇମ୍ବାର୍ ଗଦ ବାଗ୍ବକ୍ ବେସାଗ'ବେଡ' । ସା' ଜିସୁଲା ଗୁତୁନ୍ ବାଗ୍ବକ୍ ଲେଇ'ଗା' । 8ଅବୁଦି ରେମଲେ କୁରୁଂବକ୍ ମା'ଏନା ଇମ୍ପ'ସେନ୍ଡିଲେ ବେସାଗ' ମାରି ଏନ୍ତୁକ୍ର ଉଇସେକ୍ ସୁଲପ୍ନା ଉଲାକ୍ପା'ବାଇ' ଡେନ୍ତାଲେ ପିଗ୍ରୁକ୍ଆର'ସେକ୍ ଜିସୁଲା ଉଇଡେଂକୁନୁଂ କୁରୁଂବକ୍ ବେସାଗ'ବେଡ' । 9ଜିସୁନା ଗି'ଡାଂ ସୁମଂକୁରୁଂ ଉଇଡେଂକୁନୁଂ ରେମଲେ,
“ଅ ଦାଉଦ୍ନା ଉଁ'ଉଁ #21:9 ଅସାନା ଡ'ନା ଆନେଇ ରକ୍ୟା ଡେମ୍ ଡ'ସେକ୍ ଆରାକ୍ନା ସୁନ୍ଡ୍ରଲାନେଇ' ଡ'ସେକ୍ସା ଅର୍ତ ଡୁତା ।ଅସାନା!”
“ପ୍ରବୁନା ଇମିବକ୍ ଜା ସୁସାପ୍ଡେନ୍ତା ଆମାଇ ମାପ୍ରୁ ଆସିର୍ବାଦ୍ ଡେମେଇ'!”
“ସରଗ୍ବକ୍ ଡୁକୁନୁଂ ଆମାପ୍ରୁ ଅସାନା!”
ଡ'ସେକ୍ ମା'ଏ ଡକ୍ତି'ତା କିରକ୍ସେକ୍ ସୁନ' ।
10ଜିସୁଲା ଜିରୁସାଲମ୍ ମୁନା'ଉଂଗମ୍ବକ୍ ଗାଇଗା'ସା' ଗୁଲାଇ ରେମଲେ କାବାକାବା ଡେଂସେକ୍ “କୁନ୍ ଜାଲେଇ?” ଡ'ସେକ୍ ଅ'ଗଁସ୍ଲା'ଗା' ।
11ସା' ରେମଲେ ସୁନ' “କୁନା ଗାଲିଲି ଜିଲାନା ନାଜରିତ୍ ଉଂଗମ୍ନା ଜିସୁଲା ଡ'କୁନୁଂ ମୁଇନ୍ଡା ବାବବାଦିଲା” ଡ'ସେକ୍ ସୁନ' ।
ଜିସୁଲା ମନ୍ଦିର୍ବକ୍
(ମାର୍କ 11:15–19; ଲୁକ 19:45–48; ଜଅନ୍ 2:13–22)
12ମାରି ଜିସୁଲା ମାପ୍ରୁନା ମନ୍ଦିର୍ବକ୍ ଗାଇସେକ୍ ଆତା ସୁଂସୁଂଆ' ଡେଂକୁନୁଂ ରେମଲେବକ୍ ମାରି ସୁସପ୍ ମୁମୁଇ' ଡେଂକୁନୁଂ ରେମଲେବକ୍ ଆଗୁଲାଇର ଉନ୍ତ୍କୁରୁଂ ଞନ' ଅ'ତୁର' । #21:12 ରେମଲେ ରମିୟ ଦେସ୍ନା ଡାବୁ ମନ୍ଦିର୍ବକ୍ ରିଂଅଁ'ସେକ୍ ମନ୍ଦିର୍ନା ଡାବୁବକ୍ ବାଦ୍ଲାୟ'କୁ ।ଡାବୁ ବାଦ୍ଲାଇବାର୍ ରେମଲେନା ମାରି ପାରା ସୁଂସୁଂ ରେମଲେନା ପାଟାଲେ ବୁଂଅଁ'କୁନୁଂ ଗୁଲାଇ ମାଇ ଉଇଜୁର' ପାର୍ଲେଇଁୟଁ' ଅଡକ୍ସୁଂଅଁ' । 13ମାରି ମାଇ ଆମା'ଏ ସୁନ' “ମାପ୍ରୁନା ଉଲାକ୍ବକ୍ ମାପ୍ରୁ ସୁନ'କୁନୁଂ ଡି'କେନା ଲେକ୍ଲ'ତା, ମା ଡ'ନା: ‘ନିଂନା ଡିଂଅଁ ଡ'ନା ଗୁଲାଇର ପାର୍ତନା ଡିନ୍ଡେମ୍ନା ଡିଂଅଁ ଡ'ସେକ୍ ସୁନ୍ତ । ମାତର୍ ପେ ଡୁଂଗାରେମ୍ନା ଡିଂଅଁସୁଗ ଡେମ'ତୁପେ’” ଡ'ସେକ୍ ଆମା'ଏ ସୁନ' ।
14ମାଇ ମନ୍ଦିର୍ବକ୍ ଡୁକୁନୁଂବେଲା କାନାମ'ବାଇ' ରେମଲେ ମାରି ସଟାସଟିବାଇ' ରେମଲେ ମାଇନ୍ବକ୍ ସା'ଗା'ସା' ମାଇ ଆମା'ଏ ବଲ୍ ଡେମ' । 15ମାତର୍ ମାଇ କାବାକାବା ଡିନ୍ଡେମ୍ବାଇ' ଡେମ'କୁନୁଂ ଗୁଲାଇ ଜୁଲ'ସେକ୍ ମାରି “ଅ ଦାଉଦ୍ନା ଉଁ'ଉଁ ଅସାନା!” ଡ'ସେକ୍ ଗୁବୁଲେ ଗୁଲାଇର ମନ୍ଦିର୍ବକ୍ ଡକ୍ତି'ତା ସୁନ'କୁନୁଂ ଗୁଲାଇ ଅଂଅଁ'ସେକ୍ ମୁନା'ପୁଜାରିଲେ ମାରି ନିୟମ୍ ଅମାକ୍ରେମେ ଆମାଇ ଗିସେ'ଗା' ।
16ମାରି “କେନ୍ ଗୁବୁଲେ ଗୁଲାଇର ମା ଡ'ସେକ୍ ସୁନ'ତା, ଗୁତୁନା ନ ଅଂଅଁ'ତୁନ ଇ?” ଡ'ସେକ୍ ମା'ଏ ଆମାଇ ଅ'ଗଁସ୍ଲା'ଗା' । ସା' ଜିସୁଲା ସୁନ' “ଅଁ'ଅଁ ଅଂଅଁ'ତିଂ, ପେ ମାପ୍ରୁନା ଉଲାକ୍ ଇନ୍ଡଇ'ଏସା ପଡ୍ ଆଡୁତୁପେ ଇ? ‘ଆଡାଉଗୁବୁଲେ ମାରି ଆସିସେରାକ୍ଉନେ ଆନ ସୁନ୍ଡ୍ରପୁଲେଇ ନ ଅମାଗ'ତୁନ’ ଡ'ସେକ୍ ଆତା ଲେକ୍ଲ'ତା” ଡ'ସେକ୍ ସୁନ' ।
17ମାରି ଜିସୁଲା ମା'ଏନ୍କୁରୁଂ ତୁର୍ସେକ୍ ଗୁତୁନ୍ ଉଂଗମ୍କୁରୁଂ ବେତନିୟା ଡ'କୁନୁଂ ଉଂଗମ୍ବକ୍ ଉଇସେକ୍ ଆତା ଗୁଲାଇ ତୁମୁଂଗ ଡୁକୁ ।
ଜିସୁଲା ଆଲିଅଇ ସୁଲପ୍ ଆନା ବୁଂବୁଂଡେନ୍
(ମାର୍କ 11:12–14–20–24)
18ବେରା ଇନ୍ଜୁର୍ ମାଇ ଉନ୍ତ୍କୁରୁଂ ଜିରୁସାଲମ୍ ଉଂଗମ୍ବକ୍ ମାରି ଉଇଡେଂକୁନୁଂବେଲା ଆମାଇ କୁଡୁଗା' । 19ସା' ଆତା କୁରୁଂକନ୍ଡେକ୍ ମୁଇ ଲିଅଇ ସୁଲପ୍ ଜୁଲ' । ସା' ଆତା ଲିଅଇ ସୁ'ଉକୁନୁଂ ଡୁତା କି ଡ'ସେକ୍ ମାଇ ଉଇ ଜୁଲ'ସା' ଉଲାକ୍ଉ ଡୁକୁ । ସା' ମାଇ ସୁନ' “ଇନ୍ଡଇ'ଏସା ନନ୍ବକ୍ ମାରି ଆସୁ'ଉଲେଇ'!” ଡ'ସେକ୍ ସୁନ'ସା' ଗୁତୁନ୍ ସୁଲପ୍ ସେଟ୍ଟ' ଇନ୍ସର୍ ଉଇଗା' ।
20ସା' ମାଇନା ସିସ୍ୟଲେ ଗୁତୁନ୍ ଜୁଲ'ସେକ୍ କାବା ଡେଂଉଇଆର୍ଗା' । ମାରି “କେନ୍ ଲିଅଇ ସୁଲପ୍ ମି ଆ'ଇକୁ ଇନ୍ସର୍ ଉଇଗା'ଲେଇ?” ଡ'ସେକ୍ ସୁନ' ।
21 #
ମାତିଉ 17:20; 1 କରି 13:2 ସା' ଜିସୁଲା ସୁନ' “ସତଇସା ନିଂ ଆପେ ସୁନ'ତିଂ, ଗଂତୁନେଇକି ଆରାକ୍ ଡ'ସେକ୍ ମଏତ୍ବାର୍ ପେନ୍ବକ୍ ବଲ୍ ବିସ୍ବାସ୍ ଡୁକୁନା ଆକେନ୍ ଲିଅଇ ସୁଲପ୍ ନିଂ ଡେମ'କୁନୁଂସୁଗ ପେସା ଡିନ୍ଡେମ୍ ଗଂତୁପେ । ଡୁ'ତୁନାଉ ଡ'ସେକ୍ ଆରାକ୍ ଆକେନ୍ କୁନ୍ଡାସା ‘ଇଂକେକୁରୁଂ ସମ୍ଦର୍କିନ୍ଡାକ୍ବକ୍ ଅପ'ଡା’ ଡ'ସେକ୍ ସୁନ'ନା ଡୁ'ତୁନାଉ ଡେନ୍ତା । 22ପେନା ବିସ୍ବାସ୍ ଡୁକୁନା ପେ ପାର୍ତନା ଡିନ୍ଡେମ୍ବେଲା ମା ଲୁଡ'ନାସା ବାମ୍ତୁପେ” ଡ'ସେକ୍ ସୁନ' ।
ଜା ଆନ ଅଦିକାର୍ ବେଡ' ଡ'ସେକ୍ ଆଜିସୁଲା ଅ'ଗଁସ୍ଲାଗ୍ଡେନ୍
(ମାର୍କ 11:27–33; ଲୁକ 20:1–8)
23ଜିସୁଲା ମନ୍ଦିର୍ବକ୍ ଗାଇସେକ୍ ଆରେମଲେ ଅମାକ୍ ଡେଂକୁନୁଂବେଲା ମୁନା'ପୁଜାରିଲେ ମାରି ଜିଉଦିରେମଲେନା ମୁନା'ରେମେ ମାଇନ୍ବକ୍ ସା'ଗା' । ମା'ଏ ସାକ୍ସେକ୍ “ଆନ ମାନ୍ ଅଦିକାର୍ ଡୁତାସା' ନ କେନ୍ ଗୁଲାଇ ଡେମ'ତୁନ? ମାରି ଜା ଆନ ଅଦିକାର୍ ବେଡ'ସା' କେନ୍ ଗୁଲାଇ ଡିନ୍ଡେମ୍ ଡେନ୍ତୁନ?” ଡ'ସେକ୍ ଅ'ଗଁସ୍ଲା'ଗା' ।
24ସା' ଜିସୁଲା ଆମା'ଏ ସୁନ' “ନିଂସା ଆପେ ମୁଇ ଅ'ଗଁସ୍ଲାକ୍ତିଂ । ପେ ଆନିଂ ଗୁତୁନ୍ ସୁନ'ନା ଜା ଆନିଂ ଅଦିକାର୍ ବେଡ'ତାସା' ନିଂ କେନ୍ ଗୁଲାଇ ଡିନ୍ଡେମ୍ ଡେନ୍ତିଂ ଡ'ସେକ୍ ଆପେ ସୁନ୍ତିଂ । 25ପେ ସୁଁ, ଆଜଅନ୍ଲା ଜା ଅଦିକାର୍ ବେଡ'ସା' ମାଇ ଆରେମଲେ ବାପ୍ତିସ୍ମା ବେଡ'? ମାପ୍ରୁଲା ବେଡ'କି ରେମଲେ ବେଡ'?” ଡ'ସେକ୍ ଅ'ଗଁସ୍ଲା'ଗା' । ସା' ମା'ଏ ମା'ଏନ୍ ବିତ୍ରେ ଅଇଁୟ', “ଜୁ, ମାପ୍ରୁଲା ବେଡ' ଡ'ସେକ୍ ନେଇ' ସୁନ'ନା, ମାରି ମାସା' ପେ ଆଜଅନ୍ଲା ବିସ୍ବାସ୍ ଆଡେମ୍ତୁପେ ଡ'ସେକ୍ ମାଇ ଆନେଇ' ଅ'ଗଁସ୍ଲାକ୍ତା । 26ମାତର୍ ରେମଲେ ବେଡ' ଡ'ସେକ୍ ନେଇ' ସୁନ'ନା, ଜୁ, ନେଇ' ଆରେମଲେ ବୁତୁଂଗୁତୁନେଇ' । ମାସା'ଡ'ନା ଜଅନ୍ଲା ମୁଇନ୍ଡା ବାବବାଦିଲା ଡ'ସେକ୍ ଗୁଲାଇର ବିସ୍ବାସ୍ ଡେମ'ତା” ଡ'ସେକ୍ ମା'ଏ ଅଇଁୟ' ।
27ସା' ମା'ଏ ଆଜିସୁଲା ସୁନ' “ନେଇ ଆମାକ୍ତୁନେଇ” ଡ'ସେକ୍ ସୁନ' ।
ସା' ମାଇ ଆମା'ଏ ସୁନ' “ଡୁ'ତୁନ୍ ଡ'ନା ଜା ଆନିଂ ଅଦିକାର୍ ବେଡ'ସା' ନିଂ ଡି'କେନ୍ ଗୁଲାଇ ଡିନ୍ଡେମ୍ ଡେନ୍ତିଂ ଡ'ସେକ୍ ନିଂସା ଆପେ ଆସୁନ୍ତିଂ” ଡ'ସେକ୍ ସୁନ' ।
ଇମ୍ବାୟ ଉଁ'ଉଁପାନା ଉ'ସୁରାମ୍
28“ମାତର୍ ପେ କେନା ମା ଏତ୍ଗୁତୁପେ? ମୁଇନ୍ଡାନା ଉଁ'ଉଁ ଇମ୍ବାୟ ଡୁକୁଗା' । ମାଇ ଉଇସେକ୍ ଆମୁନା' ଉଁ'ଉଁନ୍ଡେଇଁ ସୁନ' ‘ଅ ବାବୁ, ନ ଆ'ନା ଅଂଗୁର୍ନା ଡିନ୍ଜାବୁର୍ବକ୍ ଉଇସେକ୍ କାମ୍ ଡେମ୍’ ଡ'ସେକ୍ ସୁନ' । 29ସା' ମାଇ ‘ଇନ୍ସାଂ ନିଂ ଆଉଇତିଂ’ ଡ'ସେକ୍ ସୁନ' । ମାତର୍ ଇ'କି ପୁରଗା' ମାଇ ଏତ୍ସେକ୍ ଉଇଗା' । 30ମାରି ଗୁତୁନ୍ ବାଡେଇଁ ଡାଉ ଉଁ'ଉଁଡେଇଁନ୍ବକ୍ ଉଇସେକ୍ ‘ଅ ବାବୁ, ନ ଉୟା’ ଡ'ସେକ୍ ସୁନ' । ସା' ମାଇ ‘ଅଁଂ ବା, ନିଂ ଉଇତିଂ’ ଡ'ସେକ୍ ସୁନ' । ମାତର୍ ମାଇ ଆଉଇତା ।
31ମାଇପା ଇମ୍ବାୟନ୍ ବିତ୍ରେ ଜା ବାଡେଇଁନା ମୁନ୍ସୁଗ ଡେମ'?” ଡ'ସେକ୍ ଜିସୁଲା ଅ'ଗଁସ୍ଲା'ଗା' ।
ସା' ମା'ଏ “ଗୁତୁନ୍ ମୁନା'ଡା” ଡ'ସେକ୍ ସୁନ' ।
ସା' ଜିସୁଲା ଆମା'ଏ ସୁନ' “ପେନ୍ ସିଁସେଇଁଉ ସିସ୍ତୁ ଲୁଲୁ'ରେମେ ମାରି ଜାଲିବାଇ' କାମ୍ ଡେମ'କୁନୁଂଏଁ ମାପ୍ରୁନା ରାଜିବକ୍ ଗୁଗାଇ ଡେନ୍ତା ଡ'ସେକ୍ ନିଂ ଆପେ ସତଇସା ସୁନ'ତିଂ । 32#ଲୁକ 3:12; 7:29,30ମାସା'ଡ'ନା ମାପ୍ରୁନା ମୁନ୍ସୁଗ ମି ଡୁକୁନା ଡେନ୍ତା ଡ'ସେକ୍ ଆପେ ଅସୁଇ'ପୁଲେଇ ଜଅନ୍ଲା ପେନ୍ବକ୍ ସା'ଗା' । ସା' ପେ ଆମାଇ ବିସ୍ବାସ୍ ଆଡେମ୍ତୁପେ । ମାତର୍ ସିସ୍ତୁ ଲୁଲୁ'ରେମେ ମାରି ଜାଲିବାଇ' କାମ୍ ଡେମ'କୁନୁଂ ରେମଲେ ଆମାଇ ବିସ୍ବାସ୍ ଡେମ' । ମା'ଏ ଗୁଲାଇର ଆମାଇ ବିସ୍ବାସ୍ ଡେମ'କୁନୁଂ ପେ ଜୁଲ'ସେକ୍ସା ପେ ପାପ୍କାମ୍ ଗୁଲାଇ ଅଡକ୍ସୁଂଅଁ'ସେକ୍ ମାପ୍ରୁନ୍ବକ୍ ଆଆନ୍ଡେଇଁତୁପେ ମାରି ଆମାଇ ବିସ୍ବାସ୍ ଆଡେମ୍ତୁପେ ।”
ଅଲିରାକ୍ବାଇ' କାମ୍ରେମେନା ଉ'ସୁରାମ୍
(ମାର୍କ 12:1–12; ଲୁକ 20:9–19)
33ଜିସୁଲା ସୁନ' “ଆ'ନା ପେ ମାରି ମୁଇ ଉ'ସୁରାମ୍ ଅଂ: ମୁଇନ୍ଡା ସାକାର୍ ଅଂଗୁର୍ନା ମୁଇ ଡିନ୍ଜାବୁର୍ ଅ'ରଇଁୟ' । ଗୁତୁନ୍ ଡିନ୍ଜାବୁର୍ନା ସାର୍ବେର୍ତି ମାଇ ସିନିପ୍କୁର୍ ସିପ୍କୁର' ମାରି ଅଂଗୁର୍ ରଡାଗ'ସେକ୍ ଅଂଗୁର୍ଡାଗ୍ ଅ'ତୁର୍ପୁଲେଇ ବୁରେବକ୍ ମୁଇ କାଲ୍ବାଇ' ଅ'ରଇଁୟ'ବୁଂଅଁ' । ମାରି ଗୁତୁନ୍ ଡିନ୍ଜାବୁର୍ ଜାଗ୍ବାର୍ପୁଲେଇ ତୁନୁଂତା'ସା ଅ'ରଇଁୟ'ବୁଂଅଁ' । ତିର୍ଗି' ମାଇ ଗୁତୁନ୍ ଡିନ୍ଜାବୁର୍ କାମ୍ରେମେବକ୍ ବାନ୍ଟାଲ' ବେଡ'ସେକ୍ ପାଲ୍ ଦେସ୍ବକ୍ ଉଇଗା' । 34ଅଂଗୁର୍ ମୁମୁଇ'ନା ବେଲା ଡେଂଗା'ସା' ଆମାଇନା ଗତିରେମେ ଏନ୍ତୁକ୍ରବକ୍ ମାଇନା ବାନ୍ଟା ଇନ୍ଡ୍ରିଂପୁଲେଇ ଗୁତୁନ୍ କାମ୍ରେମେନ୍ବକ୍ ବେନ୍ଟାୟ' ।”
35“ମାତର୍ ଗୁତୁନ୍ କାମ୍ରେମେ ଆମାଇନା ଗତିରେମେ ସବ'ସେକ୍ ଆମୁଇନ୍ଡା ବୁଗ୍ସଲ'ତିସଲ', ଆମୁଇନ୍ଡା ଅଡାବ'ସୁଂଅଁ' ମାରି ଆମୁଇନ୍ଡା ବୁରେବୁରଂ ତିଲ' । 36ସା' ଗୁତୁନ୍ ସାକାର୍ ଆମାଇନା ଗତିରେମେ ମୁଲ୍ ବେନ୍ଟାୟ'କୁନୁଂକୁରୁଂ ଅବୁଦିରବକ୍ ମାରି ଗୁତୁନ୍ ରେମଲେନ୍ବକ୍ ବେନ୍ଟାୟ' । ମାତର୍ ଆମା'ଏସା ମା'ଏ ଡୁ'ତୁନାଉ ଡେମ' । 37ସା' ତିର୍ଗି' ‘ଆନିଂନା ଉଁ'ଉଁ ମା'ଏ ମାନ୍ତା’ ଡ'ସେକ୍ ମାଇ ଆମାଇନା ଉଁ'ଉଁ ମା'ଏନ୍ବକ୍ ବେନ୍ଟାୟ' ।”
38“ମାତର୍ ଗୁତୁନ୍ କାମ୍ରେମେ ଆମାଇନା ଉଁ'ଉଁ ଜୁଲ'ସେକ୍ ‘ଜୁ, କେନ୍ ଡିନ୍ଜାବୁର୍ନା ଅଦିକାର୍ ଆମାଇଉ ଡେନ୍ତା । ଲବେ, ଆମାଇ ଅଡାବ'ସେକ୍ କେନ୍ ଗୁଲାଇ ନେଇ' ରିଂଆଁନେଇ'’ ଡ'ସେକ୍ ସୁନ' । 39ସା' ମା'ଏ ଆମାଇ ସବ'ସେକ୍ ଡିନ୍ଜାବୁର୍ ବାଇରି ଅ'ତୁର'ସେକ୍ ଅଡାବ'ସୁଂଅଁ' ।”
40“ସା' ଗୁତୁନ୍ ଡିନ୍ଜାବୁର୍ ସାକାର୍ ଇନ୍ଡଇ'ୟା ସାପ୍ତା ଉନ୍ତା ମାଇ ଆତୁନ୍ କାମ୍ରେମେ ମା ଡେମ୍ତ?” ଡ'ସେକ୍ ଜିସୁଲା ଅ'ଗଁସ୍ଲା'ଗା' ।
41ସା' ମା'ଏ ସୁନ' “ଆତୁନ୍ ଅଲିରାକ୍ବାଇ' କାମ୍ ଡେମ'କୁନୁଂଏଁ ମାଇ ଅବୁଦି କସ୍ଟ ବେଡ'ସେକ୍ ଅଡାପ୍ତ । ମାରି ମୁମୁଇ'ନା ବେଲା ଡେଂନା ଜା ମାଇନା ବାନ୍ଟା ମୁୟ'ସେକ୍ ରିଂ ବେ'ତ ଡୁ'ତୁନ୍ବାଇ' କାମ୍ରେମେନ୍ ତିତିବକ୍ ଗୁତୁନ୍ ଡିନ୍ଜାବୁର୍ ମାଇ ବାନ୍ଟାଲ' ବେ'ତ” ଡ'ସେକ୍ ସୁନ' ।
42ଜିସୁଲା ଆମା'ଏ ସୁନ', “ବ'ସିଂରେମ୍ ଇମ୍ବ'ନା ବୁରେ ଅଲିରାକ୍ବାଇ' ଡ'ସେକ୍ ଅଡକ୍ସୁଂଅଁ'କୁ, ଗୁତୁନ୍ ବୁରେଉ ଆ'ନା ବ'ସିଂବେଲା ଗଡିକ୍ବକ୍ ବୁଂବୁଂପୁଲେଇ ଅବୁଦି ବଲ୍ବାଇ' ବୁରେ ଡ'ସେକ୍ ବୁଂଅଁ'ତା' । ପ୍ରବୁଉ ଡି'କେନ୍ବାଇ' ଡିନ୍ଡେମ୍ ଗଂତା । ଗୁତୁନ୍ ଜୁଲ'ସେକ୍ ନେଇ' ଗୁଲାଇର କାବା ଡେଂଉଇତୁନେଇ' । ଡ'ସେକ୍ ମାପ୍ରୁନା ଉଲାକ୍ବକ୍ ଲେକ୍ଲ'କୁନୁଂ ପେ ଆପଡ୍ତୁପେ ଇ?” ଡ'ସେକ୍ ଅ'ଗଁସ୍ଲା'ଗା' ।
43“ଡୁ'ତୁନ୍ସା' ନିଂ ଆପେ ସୁନ'ତିଂ, ଆପେ ମାପ୍ରୁନା ରାଜିବକ୍ ଆବୁତ ମାତର୍ ଇମ୍ବ'ନ୍ ଜାତିନ୍ ରେମଲେ ମାଇନା ତୁମ' ମାନ୍ସେକ୍ ବଲ୍କାମ୍ ଡେମ୍ତ ଡୁ'ତୁନ୍ବାଇ' ରେମଲେବକ୍ ମାଇନା ରାଜିବକ୍ ମାଇ ବୁତ । 44କେନ୍ ବୁରେ ବାଗ୍ବକ୍ ଜା ଲକ୍ତା ମାଇ ସିସିକ୍ଲୁଲାର୍ଉଇତା ମାରି କେନ୍ ବୁରେ ଜାନ୍ ବାଗ୍ବକ୍ ଲକ୍ତା ମାଇ ବିଲ୍ଉଇତା ।”
45ଜିସୁଲା ଉଡ'କୁନୁଂ କେନ୍ ଉ'ସୁରାମେ ଗୁଲାଇ ମୁନା'ପୁଜାରିଲେ ମାରି ପାରୁସିଦଲ୍ନା ରେମଲେ ଅଂଅଁ'ସେକ୍ “ମାଇ ଆନେଇ'ଉ ଡି'କେନ୍ ସୁନ'ତା” ଡ'ସେକ୍ ମାଗ' । 46ସା' ଆମାଇ ମିଏସା ସ'ବ୍ନେଇ' ଡ'ସେକ୍ ମା'ଏ ଏତ୍ଗା' ମାତର୍ ରେମଲେ ଜିସୁଲା ମୁଇନ୍ଡା ବାବବାଦିଲା ଡ'ସେକ୍ ଜୁଲ'ତାସା' ଆରେମଲେ ବୁତୁଂସେକ୍ ମା'ଏ ଆମାଇ ଆସପ୍ତ ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0