ମାତିଉ 20
20
ଅଂଗୁର୍ନା ଡିନ୍ଜାବୁର୍ବକ୍ କାମ୍ ଡିନ୍ଡେମ୍ରେମେନା ଉ'ସୁରାମ୍
1ସରଗ୍ରାଜି ମିବାଇ' ଡ'ନା, ଇନ୍ଜୁର୍ ଇନ୍ଜୁର୍ ମୁରାକ୍ସେକ୍ ମାଇନା ଅଂଗୁର୍ନା ଡିନ୍ଜାବୁର୍ବକ୍ କାମ୍ ଅ'ଡେମ୍ପୁଲେଇ ଆକାମ୍ରେମ୍ ୱାଇ ଉଇକୁନୁଂ ମୁଇନ୍ଡା ସାକାର୍ ରେମସୁଗ । 2ମାଇ ଆକାମ୍ରେମ୍ ୱାୟ'ସେକ୍ “ପେ ଉୟା ମୁସିଂନା କୁନ୍ତା ଆ'ଇ ଡୁତା ଆଇ'ତୁନ୍ ଡାବୁ ନିଂ ଆପେ ବେ'ତିଂ” ଡ'ସେକ୍ ମାଇନା ଡିନ୍ଜାବୁର୍ବକ୍ କାମ୍ ଡିନ୍ଡେମ୍ପୁଲେଇ ବେନ୍ଟାୟ' । 3ମାରି ତାଂବ'କୁନୁଂବକ୍ ମାଇ ସଦର୍ କନ୍ଡେକ୍ ଉଇସେକ୍ ଜୁଲ'ସା' ଏନ୍ତୁକ୍ର ଆତା ସରଉ ତଂକୁନୁଂ ଜୁଲ' । 4ସା' ମାଇ ଆମା'ଏ ସୁନ' “ଅ ବାଇଲ'ଗେ, ପେସା ନିଂନା ଅଂଗୁର୍ନା ଡିନ୍ଜାବୁର୍ବକ୍ ଉଇସେକ୍ କାମ୍ ଡେମ୍ । ଆପେ ଆ'ଇ କୁନ୍ତା ବିବେ' ଡୁତା ଆଇ'ତୁନ୍ ନିଂ ବେ'ତିଂ” ଡ'ସେକ୍ ସୁନ' । 5ସା' ମା'ଏ ଉଇଗା' ।
ବର୍ ସିମି'ଇ ମାରି ତିନ୍ଟା ବେଲାସା ମାଇ ମାରି ଉଇସେକ୍ ଡୁ'ତୁନାଉ ଆରେମଲେ କାମ୍ପୁଲେଇ ୱାୟ'ସେକ୍ ବେନ୍ଟାୟ' । 6ମାରି ପାଁସ୍ଟାବେଲାସା ମାଇ ବାଇରି ଉଇସେକ୍ ଜୁଲ'ସା' ଆତା ମାରି ଏନ୍ତୁକ୍ର ଡୁକୁନୁଂ ଜୁଲ' । ସା' ମାଇ ଆମା'ଏସା ୱାୟ'ସେକ୍, “ଅ ବାଇଲ'ଗେ, ମାସା' ପେ ଗୁଲାଇ ସିମି'ଇ କାମ୍ ମଡିନେମ୍ ସରଉ ଆକେ ଡୁତୁପେ?” ଡ'ସେକ୍ ଅ'ଗଁସ୍ଲା'ଗା' ।
7ସା' “ଆନେଇ ଜାଏସା ଆୱାଇତ” ଡ'ସେକ୍ ସୁନ' । ସା' ମାଇ ଆମା'ଏ ସୁନ' “ଡୁ'ତୁନ୍ ଡ'ନା ପେସା ଉଇସେକ୍ ନିଂନା ଡିନ୍ଜାବୁର୍ବକ୍ ମା'ଏବୁରଂ ମିସ୍ସେକ୍ କାମ୍ ଡେମ୍” ଡ'ସେକ୍ ସୁନ' ।
8ଇ'ବୁର୍ବେଲା ଗୁତୁନ୍ ସାକାର୍ ଆମାଇନା ଡିନ୍ଜାବୁର୍ ଜୁଜୁରେମ୍ ୱାୟ'ସେକ୍ ସୁନ', “ଆତୁନ୍ କାମ୍ରେମେ ଆଗୁଲାଇର ୱାଇୟ'ସେକ୍ ଆଜା ତିର୍ଗି' କାମ୍ପୁଲେଇ ୱାୟ'ବୁଂଅଁ' ମାଇନ୍କୁରୁଂ ବିବେ' ମୁଲାୟ'ସେକ୍ ଆଜା ସିଁସେଇଁଉ ୱାୟ'ବୁଂଅଁ' ମାଇନାପନ୍ତେକ୍ ଆଗୁଲାଇର ମା'ଏନା କୁନ୍ତା ବେ'” ଡ'ସେକ୍ ସୁନ' ।
9ପାଁସ୍ଟାବେଲା ସାକ୍ସେକ୍ ଜାଜା କାମ୍ ଡେମ'ବୁଂଅଁ' ଆମା'ଏ ଆମୁଇନ୍ଡା ଆମୁଇନ୍ଡା ମୁସିଂନା କୁନ୍ତା ବେଡ' । 10ସା' ଗୁତୁନ୍ ଜୁଲ'ସେକ୍ ଆଜାଆଜା ମୁଲ୍ ୱାୟ'ବୁଂଅଁ' ମା'ଏ ନେଇ ମା'ଏନ୍କୁରୁଂ ରେପ୍ତେ ବାମ୍ତୁନେଇ ଡ'ସେକ୍ ଏତ୍ଗା' । ମାତର୍ ମା'ଏ ସା'ଗା'ସା' ଆମା'ଏସା ମା'ଏନ୍ ସମାନ୍ଉ ବେଡ' । 11ସା' ଆଇ'ତୁନ୍ ବାଂସେକ୍ ମା'ଏ ମୁର୍ମୁରା ଡେଂସେକ୍ ଆତୁନ୍ ସାକାରା ସୁନ', 12“ଜୁ, ମା'ଏ ଜାଜା ତିର୍ଗି' ସା'ଗା' ମା'ଏ ମୁଇ ଗନ୍ଟାଉ ଆକେ କାମ୍ ଡେମ'ତା । ମାତର୍ ନେଇ ଡ'ନା ଗୁଲାଇ ସିମି'ଇ ଆଇ'ତୁନ୍ ଞା'ବୁରଂ ଅବୁଦି କସ୍ଟ ଡେଂସେକ୍ କାମ୍ ଡେମ'ନେଇ । ଆ'ନା ନ ଆମା'ଏସା ନେଇନା ସମାନ୍ କୁନ୍ତା ବେଡ'ତୁନ ଇ?” ଡ'ସେକ୍ ସୁନ' ।
13ମାତର୍ ମାଇ ମାଏନ୍ ବିତ୍ରେ ଆମୁଇନ୍ଡା ସୁନ', “ଅ ବାଇଲକ୍ ନ ଅଂ, ନିଂ ଆନ ମାମା ବୁଲ୍ ଡେମ'ନିଂ ଇ? ଆରାକ୍ । ମାସା'ଡ'ନା ଆନ ନିଂ ମୁସିଂନା କୁନ୍ତା ବେ'ତିଂ ଡ'ସେ'ଗାଉ କାମ୍ ସା'ବା ଡ'ନିଂ, ସା' ନ ରାଜି ଡେଂସେକ୍ ସାକ୍ନକି ଆରାକ୍? 14ଆନ ଆ'ଇ କୁନ୍ତା ବାଂଗୁତା ଆଇ'ତୁନ୍ ନ ରିଂଅଁ'ଇ'ଡା । ଆନ ଆ'ଇ ବେଡ'ନିଂ ଗୁତୁନ୍ ସମାନ୍ ଆଜା ନିଂ ତିର୍ଗି' କାମ୍ ୱାୟତିଂ ଆମାଇସା ବିବେ'ପୁଲେଇ ମୁନ୍ ଡେଂଗୁତିଂ । 15ନିଂନା ଡାବୁବୁରଂ ମା ଡିନ୍ଡେମ୍ପୁଲେଇ ନିଂନା ମୁନ୍, ଡୁ'ତୁନା ଡିନ୍ଡେମ୍ପୁଲେଇ ନିଂନା ଅଦିକାର୍ ଡୁତା । ନିଂ ମୁଇନ୍ଡା ଲିବିସୁପ୍ବାଇ'ସା' ନ ଆଂକାର୍ ଡେଂଗୁତୁନ ଇ?” ଡ'ସେକ୍ ସୁନ' ।
16 #
ମାତିଉ 19:30; ମାର୍କ 10:31; ଲୁକ 13:30 ସା' ଜିସୁଲା ସୁନ', “ଜାଜା ଆ'ନା ତିର୍ଗି'ଗୁତା ମା'ଏ ସିଁସେଇଁତା ମାରି ଜାଜା ଆ'ନା ସିଁସେଇଁଗୁତା ମା'ଏ ତିର୍ଗି'ତା” ଡ'ସେକ୍ ସୁନ' ।
ନିଂ ମି ଗୁଇ'ତିଂ ଡ'ସେକ୍ ଜିସୁଲା ସୁଁସୁଡେନ୍
(ମାର୍କ 10:32–34; ଲୁକ 18:31–34)
17ମାରି ଜିସୁଲା ଜିରୁସାଲମ୍ ମୁନା'ଉଂଗମ୍ବକ୍ ଉଇଡେଂକୁ । ଆଇ'ତୁନ୍ବେଲା ମାଇନା ବାରଟା ସିସ୍ୟଲେସା ମାଇବୁରଂ ଉଇଡେଂକୁ । ସା' ଆମା'ଏ ବାରଲକ୍ବକ୍ ପାଲ୍ ରେମଲେନ୍କୁରୁଂ ଇ'କି ଡଗ୍ରି'ତା ରିଂସେକ୍ ମା'ଏବୁରଂ ଅଇଁୟ' ଉଇଡେଂକୁ । 18ସା' ଜିସୁଲା ଆମା'ଏ ସୁନ', ପେ ଅଂ! ଆ'ନା ନେଇ' ଜିରୁସାଲମ୍ ମୁନା'ଉଂଗମ୍ବକ୍ ଉଇଡେନ୍ତୁନେଇ' । ମାପ୍ରୁ ବେନ୍ଟାୟ'ସା' ସା'କୁନୁଂ ଆରେମନା ଉଁ'ଉଁ ମୁନା'ପୁଜାରିଲେନ୍ବକ୍ ମାରି ନିୟମ୍ ଅମାକ୍ରେମେନ୍ବକ୍ ଆତା ଉଇନା ଅସୁୟ'ବେ'ତ । ସା' ମାଇ ଗୁଗୁଇ' ଡୁତା ଡ'ସେକ୍ ମା'ଏ ସୁନ୍ତ । 19ମାରି ଆମାଇ ଅ'କିୟାଲିପୁଲେଇ ବୁଗ୍ବୁଗ୍ପୁଲେଇ ମାରି କୁର୍ସବକ୍ ଅଗୁଇ'ପୁଲେଇ ପାଲ୍ ଜାତିନ୍ ରେମଲେନ୍ ତିତିବକ୍ ମା'ଏ ବେ'ତ । ମାତର୍ ତିନ୍ଦିନ୍ବକ୍ ମାଇ ଗୁଇ'କୁନୁଂକୁରୁଂ ବୁରତା ।
ମୁଇନ୍ଡା ୟଂଆଁ ଜିସୁନ୍ବକ୍ ସାକ୍ସେକ୍ ଅଇଁଡେନ୍
(ମାର୍କ 10:35–45)
20ଆଇ'ତୁନ୍ବେଲା ଜେବଦିନା କୁନୁଇ' ମାଇନା ଉଁ'ଉଁପାବୁରଂ ଜିସୁନ୍ବକ୍ ସାକ୍ସେକ୍ ଆମାଇ ଏନ୍ଡିକ୍ସେକ୍ ସୁନ୍ଡ୍ରଗା' । ମାରି ଉଁ'ଉଁନ୍ଡେଇଁପାପୁଲେଇ ମାଇ ଆଜିସୁଲା ମାମା ଲୁଡ' ।
21ସା' ଜିସୁଲା ଆମାଇ “ଆନ ମା ଦର୍କାର୍?” ଡ'ସେକ୍ ଅ'ଗଁସ୍ଲା'ଗା' ।
ସା' ମାଇ ଆଜିସୁଲା ସୁନ', “ନ ରାଜି ଅ'ରଇଁୟ'ସେକ୍ ଆରେମଲେ ବଲ୍ ଜୁଜୁବେଲା ଆନିଂନା ଉଁ'ଉଁପାସା ଇମ୍ବାୟବକ୍ ଆମୁଇନ୍ଡା ନନା ସୁସୁମ୍ତିକୁରୁଂ ମାରି ଆମୁଇନ୍ଡା ନନା ବାସାକ୍ତିକୁରୁଂ ଲିଲେଇ'ପୁଲେଇ ନ ସୁଁ” ଡ'ସେକ୍ ସୁନ' ।
22ସା' ଜିସୁଲା ସୁନ', “ପେ ମା ଲୁଡ'ତୁପେ ଗୁତୁନା ମା ଡ'ସେକ୍ ପେ ଆମାକ୍ତୁପେ । ନିଂ ଆ'ନା କସ୍ଟ ବୁମ୍ବାମ୍ ଡୁତା, ଡୁ'ତୁନ୍ସୁଗ କସ୍ଟ ପେ ବୁମ୍ବାମ୍ ଗଂତୁପେ ଇ?” ଡ'ସେକ୍ ସୁନ',
ସା' ମା'ଏ ସୁନ', “ଅଁ'ଅଁ, ନେଇ ଗଂତୁନେଇ” ଡ'ସେକ୍ ସୁନ' ।
23ସା' ଜିସୁଲା ଆମା'ଏ ସୁନ', “ପେ ଡୁ'ତୁନା କସ୍ଟ ବାମ୍ତୁପେ, ଗୁତୁନା ସତ୍ । ମାତର୍ ଜା ନିଂନା ସୁସୁମ୍ତିକୁରୁଂ ଆରା'ଗେ ବାସାକ୍ତିକୁରୁଂ ଲେଇ'ତା ଡ'ସେକ୍ ସୁଁସୁନା ନିଂନା ଅଦିକାର୍ ଆରାକ୍ । ନେମ୍ବା ଆଜା ବିବେ'ପୁଲେଇ ବୁଂଅଁ'ତା ମା'ଏନାଉ ଗୁତୁନ୍ ତାନ୍” ଡ'ସେକ୍ ସୁନ' ।
24ମାଇପା ସୁନ'କୁନୁଂ ପାଲ୍ ଦସ୍ଲକ୍ ଡୁକୁନୁଂ ସିସ୍ୟଲେ ଅଂଅଁ'ସେ'ଗା ଆମାଇପା ବୁନୁୟାଂ ଗିସେ'ଗା' । 25#ଲୁକ 22:25,26ସା' ଜିସୁଲା ଆମା'ଏ ଆଗୁଲାଇର ୱାୟ'ସେକ୍ ସୁନ', “ଜାଜା ଆମାପ୍ରୁ ବିସ୍ବାସ୍ ଆଡେମ୍ତ ଆମା'ଏ ମା'ଏନା ରାଜାଲେ ସାସନ୍ ଡେମ'ସେକ୍ ମା'ଏନା ମୁନ୍ସୁଗ ଆରେମଲେ ମାମା ଡେମ୍ ଡ'ସେକ୍ ଅ'ଡେମ୍ ଗଂତା । ମାରି ମୁନା'ରେମଲେନ୍ ଆଲୁଂ ଜାଜା କାମ୍ ଡେମ'ତା ମା'ଏନ୍ ବାଗ୍ବକ୍ ଗୁତୁନ୍ ମୁନା'ରେମଲେନା ଅଦିକାର୍ ଡୁତା ଡ'ସେକ୍ ପେ ମାଗ'ତୁପେ । 26#ମାତିଉ 23:11; ମାର୍କ 9:35; ଲୁକ 22:26ମାତର୍ ପେ ଡୁ'ତୁନା ଆଡେମ' । ପେ ମି ଡୁକୁନା ଡେନ୍ତା ଡ'ନା, ପେନ୍ ବିତ୍ରେ ଜାଜା ନିଂ ମୁନା'ରେମ୍ ଏତିଂ ଡ'ସେକ୍ ମୁନ୍ ଡେଂଗୁତା ଡ'ନା ମା'ଏ ଗୁଲାଇରନା କାମ୍ରେମ୍ସୁଗ ଏ ଡୁତା । 27ମାରି ନିଂ ଆଗୁଲାଇର ଜିନ୍ସେକ୍ ମୁନା'ରେମ୍ ଏତିଂ ଡ'ସେକ୍ ଜାଏସା ଏତ୍ଗୁତା ଡ'ନା ମାଇ ଗୁଲାଇରନା ଗୁପାମ୍ରେମ୍ସୁଗ ଡୁକୁନା ଡେନ୍ତା । 28ମି ଡ'ନା, ଜୁ, ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ଆକେ ରେମଲେ ଆନିଂ ସେବା ଡେମେଇ' ଡ'ସେକ୍ ସାକ୍ ଆଡୁତା ମାତର୍ ଆପାଲ୍ ରେମଲେ ସେବା ଡିନ୍ଡେମ୍ପୁଲେଇ ମାରି ମାଇନା ଜିବନ୍ ବେଡ'ସେକ୍ ଅବୁଦି ରେମଲେବକ୍ ରକ୍ୟା ଡିନ୍ଡେମ୍ପୁଲେଇ ସା'ଗୁତା, ଡୁ'ତୁନା ପେସା ଡେମ୍ ।”
ଇମ୍ବାୟ କାନାମ'ବାଇ'ବକ୍ ଜିସୁଲା ବଲ୍ ଡିନ୍ଡେମ୍ଡେନ୍
(ମାର୍କ 10:46–52; ଲୁକ 18:35–43)
29ଜିସୁଲା ମାଇନା ସିସ୍ୟଲେବୁରଂ ଜିରିଅ ମୁନା'ଉଂଗମ୍କୁରୁଂ ତୁତୁର୍ବେଲା ଅବୁଦି ରେମଲେସା ଆମାଇ ତେଂଗି'ତେଂଗି' ଉଇଡେଂକୁ । 30ସା' ଗୁତୁନ୍ କୁରୁଂପାଲି ଇମ୍ବାୟ କାନାମ'ବାଇ'ରେମ ଲେଇ'କୁ । ସା' ଜିସୁଲା ଆତୁନ୍ରି'ତା ଉଇଡେନ୍ତା ଡ'ସେକ୍ ମାଇପା ଅଂଅଁ'ସା' “ଅ ପ୍ରବୁ! ଅ ଦାଉଦ୍ନା ଉଁ'ଉଁ! ନ ଆନାଂ ଦୟା ଡେମ୍!” ଡ'ସେକ୍ ଅବୁଦି ଡକ୍ତି'ତା କିରକ୍ସେକ୍ ମାଇପା ସୁନ' ।
31ସା' ଉଇଡେଂକୁନୁଂ ରେମଲେ ଆମାଇପା “ଜୁକ୍ଲା” ଡ'ସେକ୍ ତର୍ଞେକ୍ସେକ୍ ସୁନ' । ମାତର୍ ମାଇପା ମାରି ଅଦିକ୍ ଡକ୍ତି'ତା କିରକ୍ସେକ୍ ସୁନ' “ଅ ପ୍ରବୁ! ଅ ଦାଉଦ୍ନା ଉଁ'ଉଁ! ନ ଆନାଂ ଦୟା ଡେମ୍!” ଡ'ସେକ୍ ସୁନ' ।
32ସା' ଜିସୁଲା ଅଂଅଁ'ସେକ୍ ଆତା ତଂଗା' ମାରି ଆମାଇପା ମାଇନ୍ବକ୍ ୱାୟ' । ୱାୟ'ସେକ୍ “ଆପା ନିଂ ମା ଡେମ'ନା ଡେନ୍ତା ଡ'ସେକ୍ ପା ଏତ୍ଗୁତୁପା?” ଡ'ସେକ୍ ଅ'ଗଁସ୍ଲା'ଗା' ।
33ସା' ମାଇପା ସୁନ' “ଅ ପ୍ରବୁ, ନାଂ ମି କି ଜୁଜୁ ଗଂତୁନାଂ ଗୁତୁନ୍ପୁଲେଇ ନ ଆନାଂ ସାନ୍ଡୁଂ” ଡ'ସେକ୍ ସୁନ' । 34ସା' ଜିସୁଲା ଆମାଇପା ଲିବିସୁପ୍ସେକ୍ ମାଇପାନା ମ'ବକ୍ ତୁରାମ' । ସା' ସେଟ୍ଟ' ମାଇପା ଜୁଜୁ ଗଂଗା' । ମାରି ମାଇପା ଆଜିସୁଲା ତେଂଗି'ତେଂଗି' ଉଇଗା' ।
Currently Selected:
ମାତିଉ 20: BFW
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0
ମାତିଉ 20
20
ଅଂଗୁର୍ନା ଡିନ୍ଜାବୁର୍ବକ୍ କାମ୍ ଡିନ୍ଡେମ୍ରେମେନା ଉ'ସୁରାମ୍
1ସରଗ୍ରାଜି ମିବାଇ' ଡ'ନା, ଇନ୍ଜୁର୍ ଇନ୍ଜୁର୍ ମୁରାକ୍ସେକ୍ ମାଇନା ଅଂଗୁର୍ନା ଡିନ୍ଜାବୁର୍ବକ୍ କାମ୍ ଅ'ଡେମ୍ପୁଲେଇ ଆକାମ୍ରେମ୍ ୱାଇ ଉଇକୁନୁଂ ମୁଇନ୍ଡା ସାକାର୍ ରେମସୁଗ । 2ମାଇ ଆକାମ୍ରେମ୍ ୱାୟ'ସେକ୍ “ପେ ଉୟା ମୁସିଂନା କୁନ୍ତା ଆ'ଇ ଡୁତା ଆଇ'ତୁନ୍ ଡାବୁ ନିଂ ଆପେ ବେ'ତିଂ” ଡ'ସେକ୍ ମାଇନା ଡିନ୍ଜାବୁର୍ବକ୍ କାମ୍ ଡିନ୍ଡେମ୍ପୁଲେଇ ବେନ୍ଟାୟ' । 3ମାରି ତାଂବ'କୁନୁଂବକ୍ ମାଇ ସଦର୍ କନ୍ଡେକ୍ ଉଇସେକ୍ ଜୁଲ'ସା' ଏନ୍ତୁକ୍ର ଆତା ସରଉ ତଂକୁନୁଂ ଜୁଲ' । 4ସା' ମାଇ ଆମା'ଏ ସୁନ' “ଅ ବାଇଲ'ଗେ, ପେସା ନିଂନା ଅଂଗୁର୍ନା ଡିନ୍ଜାବୁର୍ବକ୍ ଉଇସେକ୍ କାମ୍ ଡେମ୍ । ଆପେ ଆ'ଇ କୁନ୍ତା ବିବେ' ଡୁତା ଆଇ'ତୁନ୍ ନିଂ ବେ'ତିଂ” ଡ'ସେକ୍ ସୁନ' । 5ସା' ମା'ଏ ଉଇଗା' ।
ବର୍ ସିମି'ଇ ମାରି ତିନ୍ଟା ବେଲାସା ମାଇ ମାରି ଉଇସେକ୍ ଡୁ'ତୁନାଉ ଆରେମଲେ କାମ୍ପୁଲେଇ ୱାୟ'ସେକ୍ ବେନ୍ଟାୟ' । 6ମାରି ପାଁସ୍ଟାବେଲାସା ମାଇ ବାଇରି ଉଇସେକ୍ ଜୁଲ'ସା' ଆତା ମାରି ଏନ୍ତୁକ୍ର ଡୁକୁନୁଂ ଜୁଲ' । ସା' ମାଇ ଆମା'ଏସା ୱାୟ'ସେକ୍, “ଅ ବାଇଲ'ଗେ, ମାସା' ପେ ଗୁଲାଇ ସିମି'ଇ କାମ୍ ମଡିନେମ୍ ସରଉ ଆକେ ଡୁତୁପେ?” ଡ'ସେକ୍ ଅ'ଗଁସ୍ଲା'ଗା' ।
7ସା' “ଆନେଇ ଜାଏସା ଆୱାଇତ” ଡ'ସେକ୍ ସୁନ' । ସା' ମାଇ ଆମା'ଏ ସୁନ' “ଡୁ'ତୁନ୍ ଡ'ନା ପେସା ଉଇସେକ୍ ନିଂନା ଡିନ୍ଜାବୁର୍ବକ୍ ମା'ଏବୁରଂ ମିସ୍ସେକ୍ କାମ୍ ଡେମ୍” ଡ'ସେକ୍ ସୁନ' ।
8ଇ'ବୁର୍ବେଲା ଗୁତୁନ୍ ସାକାର୍ ଆମାଇନା ଡିନ୍ଜାବୁର୍ ଜୁଜୁରେମ୍ ୱାୟ'ସେକ୍ ସୁନ', “ଆତୁନ୍ କାମ୍ରେମେ ଆଗୁଲାଇର ୱାଇୟ'ସେକ୍ ଆଜା ତିର୍ଗି' କାମ୍ପୁଲେଇ ୱାୟ'ବୁଂଅଁ' ମାଇନ୍କୁରୁଂ ବିବେ' ମୁଲାୟ'ସେକ୍ ଆଜା ସିଁସେଇଁଉ ୱାୟ'ବୁଂଅଁ' ମାଇନାପନ୍ତେକ୍ ଆଗୁଲାଇର ମା'ଏନା କୁନ୍ତା ବେ'” ଡ'ସେକ୍ ସୁନ' ।
9ପାଁସ୍ଟାବେଲା ସାକ୍ସେକ୍ ଜାଜା କାମ୍ ଡେମ'ବୁଂଅଁ' ଆମା'ଏ ଆମୁଇନ୍ଡା ଆମୁଇନ୍ଡା ମୁସିଂନା କୁନ୍ତା ବେଡ' । 10ସା' ଗୁତୁନ୍ ଜୁଲ'ସେକ୍ ଆଜାଆଜା ମୁଲ୍ ୱାୟ'ବୁଂଅଁ' ମା'ଏ ନେଇ ମା'ଏନ୍କୁରୁଂ ରେପ୍ତେ ବାମ୍ତୁନେଇ ଡ'ସେକ୍ ଏତ୍ଗା' । ମାତର୍ ମା'ଏ ସା'ଗା'ସା' ଆମା'ଏସା ମା'ଏନ୍ ସମାନ୍ଉ ବେଡ' । 11ସା' ଆଇ'ତୁନ୍ ବାଂସେକ୍ ମା'ଏ ମୁର୍ମୁରା ଡେଂସେକ୍ ଆତୁନ୍ ସାକାରା ସୁନ', 12“ଜୁ, ମା'ଏ ଜାଜା ତିର୍ଗି' ସା'ଗା' ମା'ଏ ମୁଇ ଗନ୍ଟାଉ ଆକେ କାମ୍ ଡେମ'ତା । ମାତର୍ ନେଇ ଡ'ନା ଗୁଲାଇ ସିମି'ଇ ଆଇ'ତୁନ୍ ଞା'ବୁରଂ ଅବୁଦି କସ୍ଟ ଡେଂସେକ୍ କାମ୍ ଡେମ'ନେଇ । ଆ'ନା ନ ଆମା'ଏସା ନେଇନା ସମାନ୍ କୁନ୍ତା ବେଡ'ତୁନ ଇ?” ଡ'ସେକ୍ ସୁନ' ।
13ମାତର୍ ମାଇ ମାଏନ୍ ବିତ୍ରେ ଆମୁଇନ୍ଡା ସୁନ', “ଅ ବାଇଲକ୍ ନ ଅଂ, ନିଂ ଆନ ମାମା ବୁଲ୍ ଡେମ'ନିଂ ଇ? ଆରାକ୍ । ମାସା'ଡ'ନା ଆନ ନିଂ ମୁସିଂନା କୁନ୍ତା ବେ'ତିଂ ଡ'ସେ'ଗାଉ କାମ୍ ସା'ବା ଡ'ନିଂ, ସା' ନ ରାଜି ଡେଂସେକ୍ ସାକ୍ନକି ଆରାକ୍? 14ଆନ ଆ'ଇ କୁନ୍ତା ବାଂଗୁତା ଆଇ'ତୁନ୍ ନ ରିଂଅଁ'ଇ'ଡା । ଆନ ଆ'ଇ ବେଡ'ନିଂ ଗୁତୁନ୍ ସମାନ୍ ଆଜା ନିଂ ତିର୍ଗି' କାମ୍ ୱାୟତିଂ ଆମାଇସା ବିବେ'ପୁଲେଇ ମୁନ୍ ଡେଂଗୁତିଂ । 15ନିଂନା ଡାବୁବୁରଂ ମା ଡିନ୍ଡେମ୍ପୁଲେଇ ନିଂନା ମୁନ୍, ଡୁ'ତୁନା ଡିନ୍ଡେମ୍ପୁଲେଇ ନିଂନା ଅଦିକାର୍ ଡୁତା । ନିଂ ମୁଇନ୍ଡା ଲିବିସୁପ୍ବାଇ'ସା' ନ ଆଂକାର୍ ଡେଂଗୁତୁନ ଇ?” ଡ'ସେକ୍ ସୁନ' ।
16 #
ମାତିଉ 19:30; ମାର୍କ 10:31; ଲୁକ 13:30 ସା' ଜିସୁଲା ସୁନ', “ଜାଜା ଆ'ନା ତିର୍ଗି'ଗୁତା ମା'ଏ ସିଁସେଇଁତା ମାରି ଜାଜା ଆ'ନା ସିଁସେଇଁଗୁତା ମା'ଏ ତିର୍ଗି'ତା” ଡ'ସେକ୍ ସୁନ' ।
ନିଂ ମି ଗୁଇ'ତିଂ ଡ'ସେକ୍ ଜିସୁଲା ସୁଁସୁଡେନ୍
(ମାର୍କ 10:32–34; ଲୁକ 18:31–34)
17ମାରି ଜିସୁଲା ଜିରୁସାଲମ୍ ମୁନା'ଉଂଗମ୍ବକ୍ ଉଇଡେଂକୁ । ଆଇ'ତୁନ୍ବେଲା ମାଇନା ବାରଟା ସିସ୍ୟଲେସା ମାଇବୁରଂ ଉଇଡେଂକୁ । ସା' ଆମା'ଏ ବାରଲକ୍ବକ୍ ପାଲ୍ ରେମଲେନ୍କୁରୁଂ ଇ'କି ଡଗ୍ରି'ତା ରିଂସେକ୍ ମା'ଏବୁରଂ ଅଇଁୟ' ଉଇଡେଂକୁ । 18ସା' ଜିସୁଲା ଆମା'ଏ ସୁନ', ପେ ଅଂ! ଆ'ନା ନେଇ' ଜିରୁସାଲମ୍ ମୁନା'ଉଂଗମ୍ବକ୍ ଉଇଡେନ୍ତୁନେଇ' । ମାପ୍ରୁ ବେନ୍ଟାୟ'ସା' ସା'କୁନୁଂ ଆରେମନା ଉଁ'ଉଁ ମୁନା'ପୁଜାରିଲେନ୍ବକ୍ ମାରି ନିୟମ୍ ଅମାକ୍ରେମେନ୍ବକ୍ ଆତା ଉଇନା ଅସୁୟ'ବେ'ତ । ସା' ମାଇ ଗୁଗୁଇ' ଡୁତା ଡ'ସେକ୍ ମା'ଏ ସୁନ୍ତ । 19ମାରି ଆମାଇ ଅ'କିୟାଲିପୁଲେଇ ବୁଗ୍ବୁଗ୍ପୁଲେଇ ମାରି କୁର୍ସବକ୍ ଅଗୁଇ'ପୁଲେଇ ପାଲ୍ ଜାତିନ୍ ରେମଲେନ୍ ତିତିବକ୍ ମା'ଏ ବେ'ତ । ମାତର୍ ତିନ୍ଦିନ୍ବକ୍ ମାଇ ଗୁଇ'କୁନୁଂକୁରୁଂ ବୁରତା ।
ମୁଇନ୍ଡା ୟଂଆଁ ଜିସୁନ୍ବକ୍ ସାକ୍ସେକ୍ ଅଇଁଡେନ୍
(ମାର୍କ 10:35–45)
20ଆଇ'ତୁନ୍ବେଲା ଜେବଦିନା କୁନୁଇ' ମାଇନା ଉଁ'ଉଁପାବୁରଂ ଜିସୁନ୍ବକ୍ ସାକ୍ସେକ୍ ଆମାଇ ଏନ୍ଡିକ୍ସେକ୍ ସୁନ୍ଡ୍ରଗା' । ମାରି ଉଁ'ଉଁନ୍ଡେଇଁପାପୁଲେଇ ମାଇ ଆଜିସୁଲା ମାମା ଲୁଡ' ।
21ସା' ଜିସୁଲା ଆମାଇ “ଆନ ମା ଦର୍କାର୍?” ଡ'ସେକ୍ ଅ'ଗଁସ୍ଲା'ଗା' ।
ସା' ମାଇ ଆଜିସୁଲା ସୁନ', “ନ ରାଜି ଅ'ରଇଁୟ'ସେକ୍ ଆରେମଲେ ବଲ୍ ଜୁଜୁବେଲା ଆନିଂନା ଉଁ'ଉଁପାସା ଇମ୍ବାୟବକ୍ ଆମୁଇନ୍ଡା ନନା ସୁସୁମ୍ତିକୁରୁଂ ମାରି ଆମୁଇନ୍ଡା ନନା ବାସାକ୍ତିକୁରୁଂ ଲିଲେଇ'ପୁଲେଇ ନ ସୁଁ” ଡ'ସେକ୍ ସୁନ' ।
22ସା' ଜିସୁଲା ସୁନ', “ପେ ମା ଲୁଡ'ତୁପେ ଗୁତୁନା ମା ଡ'ସେକ୍ ପେ ଆମାକ୍ତୁପେ । ନିଂ ଆ'ନା କସ୍ଟ ବୁମ୍ବାମ୍ ଡୁତା, ଡୁ'ତୁନ୍ସୁଗ କସ୍ଟ ପେ ବୁମ୍ବାମ୍ ଗଂତୁପେ ଇ?” ଡ'ସେକ୍ ସୁନ',
ସା' ମା'ଏ ସୁନ', “ଅଁ'ଅଁ, ନେଇ ଗଂତୁନେଇ” ଡ'ସେକ୍ ସୁନ' ।
23ସା' ଜିସୁଲା ଆମା'ଏ ସୁନ', “ପେ ଡୁ'ତୁନା କସ୍ଟ ବାମ୍ତୁପେ, ଗୁତୁନା ସତ୍ । ମାତର୍ ଜା ନିଂନା ସୁସୁମ୍ତିକୁରୁଂ ଆରା'ଗେ ବାସାକ୍ତିକୁରୁଂ ଲେଇ'ତା ଡ'ସେକ୍ ସୁଁସୁନା ନିଂନା ଅଦିକାର୍ ଆରାକ୍ । ନେମ୍ବା ଆଜା ବିବେ'ପୁଲେଇ ବୁଂଅଁ'ତା ମା'ଏନାଉ ଗୁତୁନ୍ ତାନ୍” ଡ'ସେକ୍ ସୁନ' ।
24ମାଇପା ସୁନ'କୁନୁଂ ପାଲ୍ ଦସ୍ଲକ୍ ଡୁକୁନୁଂ ସିସ୍ୟଲେ ଅଂଅଁ'ସେ'ଗା ଆମାଇପା ବୁନୁୟାଂ ଗିସେ'ଗା' । 25#ଲୁକ 22:25,26ସା' ଜିସୁଲା ଆମା'ଏ ଆଗୁଲାଇର ୱାୟ'ସେକ୍ ସୁନ', “ଜାଜା ଆମାପ୍ରୁ ବିସ୍ବାସ୍ ଆଡେମ୍ତ ଆମା'ଏ ମା'ଏନା ରାଜାଲେ ସାସନ୍ ଡେମ'ସେକ୍ ମା'ଏନା ମୁନ୍ସୁଗ ଆରେମଲେ ମାମା ଡେମ୍ ଡ'ସେକ୍ ଅ'ଡେମ୍ ଗଂତା । ମାରି ମୁନା'ରେମଲେନ୍ ଆଲୁଂ ଜାଜା କାମ୍ ଡେମ'ତା ମା'ଏନ୍ ବାଗ୍ବକ୍ ଗୁତୁନ୍ ମୁନା'ରେମଲେନା ଅଦିକାର୍ ଡୁତା ଡ'ସେକ୍ ପେ ମାଗ'ତୁପେ । 26#ମାତିଉ 23:11; ମାର୍କ 9:35; ଲୁକ 22:26ମାତର୍ ପେ ଡୁ'ତୁନା ଆଡେମ' । ପେ ମି ଡୁକୁନା ଡେନ୍ତା ଡ'ନା, ପେନ୍ ବିତ୍ରେ ଜାଜା ନିଂ ମୁନା'ରେମ୍ ଏତିଂ ଡ'ସେକ୍ ମୁନ୍ ଡେଂଗୁତା ଡ'ନା ମା'ଏ ଗୁଲାଇରନା କାମ୍ରେମ୍ସୁଗ ଏ ଡୁତା । 27ମାରି ନିଂ ଆଗୁଲାଇର ଜିନ୍ସେକ୍ ମୁନା'ରେମ୍ ଏତିଂ ଡ'ସେକ୍ ଜାଏସା ଏତ୍ଗୁତା ଡ'ନା ମାଇ ଗୁଲାଇରନା ଗୁପାମ୍ରେମ୍ସୁଗ ଡୁକୁନା ଡେନ୍ତା । 28ମି ଡ'ନା, ଜୁ, ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ଆକେ ରେମଲେ ଆନିଂ ସେବା ଡେମେଇ' ଡ'ସେକ୍ ସାକ୍ ଆଡୁତା ମାତର୍ ଆପାଲ୍ ରେମଲେ ସେବା ଡିନ୍ଡେମ୍ପୁଲେଇ ମାରି ମାଇନା ଜିବନ୍ ବେଡ'ସେକ୍ ଅବୁଦି ରେମଲେବକ୍ ରକ୍ୟା ଡିନ୍ଡେମ୍ପୁଲେଇ ସା'ଗୁତା, ଡୁ'ତୁନା ପେସା ଡେମ୍ ।”
ଇମ୍ବାୟ କାନାମ'ବାଇ'ବକ୍ ଜିସୁଲା ବଲ୍ ଡିନ୍ଡେମ୍ଡେନ୍
(ମାର୍କ 10:46–52; ଲୁକ 18:35–43)
29ଜିସୁଲା ମାଇନା ସିସ୍ୟଲେବୁରଂ ଜିରିଅ ମୁନା'ଉଂଗମ୍କୁରୁଂ ତୁତୁର୍ବେଲା ଅବୁଦି ରେମଲେସା ଆମାଇ ତେଂଗି'ତେଂଗି' ଉଇଡେଂକୁ । 30ସା' ଗୁତୁନ୍ କୁରୁଂପାଲି ଇମ୍ବାୟ କାନାମ'ବାଇ'ରେମ ଲେଇ'କୁ । ସା' ଜିସୁଲା ଆତୁନ୍ରି'ତା ଉଇଡେନ୍ତା ଡ'ସେକ୍ ମାଇପା ଅଂଅଁ'ସା' “ଅ ପ୍ରବୁ! ଅ ଦାଉଦ୍ନା ଉଁ'ଉଁ! ନ ଆନାଂ ଦୟା ଡେମ୍!” ଡ'ସେକ୍ ଅବୁଦି ଡକ୍ତି'ତା କିରକ୍ସେକ୍ ମାଇପା ସୁନ' ।
31ସା' ଉଇଡେଂକୁନୁଂ ରେମଲେ ଆମାଇପା “ଜୁକ୍ଲା” ଡ'ସେକ୍ ତର୍ଞେକ୍ସେକ୍ ସୁନ' । ମାତର୍ ମାଇପା ମାରି ଅଦିକ୍ ଡକ୍ତି'ତା କିରକ୍ସେକ୍ ସୁନ' “ଅ ପ୍ରବୁ! ଅ ଦାଉଦ୍ନା ଉଁ'ଉଁ! ନ ଆନାଂ ଦୟା ଡେମ୍!” ଡ'ସେକ୍ ସୁନ' ।
32ସା' ଜିସୁଲା ଅଂଅଁ'ସେକ୍ ଆତା ତଂଗା' ମାରି ଆମାଇପା ମାଇନ୍ବକ୍ ୱାୟ' । ୱାୟ'ସେକ୍ “ଆପା ନିଂ ମା ଡେମ'ନା ଡେନ୍ତା ଡ'ସେକ୍ ପା ଏତ୍ଗୁତୁପା?” ଡ'ସେକ୍ ଅ'ଗଁସ୍ଲା'ଗା' ।
33ସା' ମାଇପା ସୁନ' “ଅ ପ୍ରବୁ, ନାଂ ମି କି ଜୁଜୁ ଗଂତୁନାଂ ଗୁତୁନ୍ପୁଲେଇ ନ ଆନାଂ ସାନ୍ଡୁଂ” ଡ'ସେକ୍ ସୁନ' । 34ସା' ଜିସୁଲା ଆମାଇପା ଲିବିସୁପ୍ସେକ୍ ମାଇପାନା ମ'ବକ୍ ତୁରାମ' । ସା' ସେଟ୍ଟ' ମାଇପା ଜୁଜୁ ଗଂଗା' । ମାରି ମାଇପା ଆଜିସୁଲା ତେଂଗି'ତେଂଗି' ଉଇଗା' ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0