ମାତିଉ 22
22
ଇ'ପର୍ ୱାଇବୁଇ'ବକ୍ ବଜି ବିବେ'ନା ଉ'ସୁରାମ୍
(ଲୁକ 14:15–24)
1ଜିସୁଲା ଆମା'ଏ ଅମାକ୍ପୁଲେଇ ମାରି ଉ'ସୁରାମ୍ ଉଡ'ସେକ୍ ସୁନ' । ମାଇ ସୁନ': 2“ସରଗ୍ରାଜି ମି ଡୁତା ଡ'ନା ମୁଇନ୍ଡା ରାଜାଲା ମାଇନା ଉଁ'ଉଁନା ୱାଇବୁଇ'ବକ୍ ବଜି ଡେମ'କୁନୁଂସୁଗ ଡୁତା । 3ମାଇ ଆଜାଆଜା ବଜି ସୁସୁମ୍ପୁଲେଇ ୱାୟ'କୁ ଆମା'ଏ ୱାଇପୁଲେଇ ଆମାଇନା ଗୁପାମ୍ରେମେ ବେନ୍ଟାୟ' । ମାତର୍ ମା'ଏ ଗୁଲାଇର ଇନ୍ସାଂଗା' ।”
4“ସା' ମାଇ ମାରି ଆପାଲ୍ ଆଏନ୍ତୁକର ଗୁପାମ୍ରେମେ, ଡି'କେନା ସୁନ'ସେକ୍ ବେନ୍ଟାୟ', ଆଜାଆଜା ୱାଇବୁଇ'ବକ୍ ବଜି ସୁସୁମ୍ପୁଲେଇ ୱାୟ'ବୁଂଅଁ' ଗୁତୁନୁଂଏଁନ୍ବକ୍ ଉଇସେ'ଗା ‘ବଜିପୁଲେଇ ଗୁଲାଇ ଡନ୍ରାଂଡମ୍ବି'ଗା' । ନିଂ ବୁନୁ'ଗୁଲାଇ' ମାରି ଆଇଁସଆଇଁପା'କୁନୁଂ ଗୁଇ'ତାଂବୁଂତେଲେ ଅଡାବ'ସେକ୍ ଅଜାଗ'ଅ'ଜୁଂଅଁତିଂ ସା' ପେ ଗୁଲାଇର ବଜି ସୁସୁମ୍ ସା'ବା’ ଡ'ସେକ୍ ସୁଁ ଡ' ବେନ୍ଟାୟ' । 5ମାତର୍ ମା'ଏ ଆମା'ଏ ମମାନ୍ବାର୍ ମା'ଏନ୍ ମୁନ୍ସୁଗ ମୁଇନ୍ଡା ବୁରଂବକ୍ ଉଇଗା' ମାରି ମୁଇନ୍ଡା ମାଇନା ବେପାର୍ ଡିନ୍ଡେମ୍ ଉଇଗା' । ଡୁ'ତୁନା ମା'ଏ ନିଜର୍ ନିଜର୍ନା କାମ୍ପୁଲେଇ ଡୁଂଗା' । 6ମାରି ଡୁକୁନୁଂ ରେମଲେ ଆତୁନ୍ ଗୁପାମ୍ରେମେ ସବ'ସେକ୍ ଅ'ଗେୱାଲ'ସେକ୍ ଅଡାବ'ସୁଂଅଁ' । 7ସା' ଗୁତୁନ୍ ରାଜାଲା ଅବୁଦି ଗିସେକ୍ସେକ୍ ଆମାଇନା ସଇନିକ୍ ରେମଲେ ବେନ୍ଟାୟ', ସା' ମା'ଏ ଉଇସେକ୍ ଆତୁନ୍ ଟାକ୍ରିବାଇ' ରେମଲେବକ୍ ଅଗୁୟ'ସେକ୍ ମା'ଏନା ଉଂଗମ୍ ଗୁଲାଇ ବାଲ'ସୁଂଅଁ' ।”
8“ତିର୍ଗି' ରାଜାଲା ଆମାଇନା କାମ୍ରେମେ ସୁନ' ‘ବଜିପୁଲେଇ ଗୁଲାଇ ଡନ୍ରାଂଡମ୍ବି'ଗା' ମାତର୍ ଆଜାଆଜା ସୁସୁମ୍ ସା'ବା ଡ'ସେକ୍ ୱାୟ'କୁ ମା'ଏ ଆସାପ୍ତା । 9ସା' ପେ ଆ'ନା ଉଂଗମ୍ନା ଗାଗୁ'ବକ୍ ଉଇସେକ୍ ଆତା ଆଜାଆଜା ଜୁତୁପେ ଆମା'ଏ ଆଗୁଲାଇର ବଜିବକ୍ ୱାଇ ।’ 10ସା' ଗୁତୁନ୍ ଗୁପାମ୍ରେମେ ଉଇସେକ୍ ଅଲିରାକ୍ବାଇ' ରେମଲେବକ୍ସା ବଲ୍ବାଇ' ରେମଲେବକ୍ସା ଆଗୁଲାଇର ୱାୟ' ରିଂଅଁ' । ସା' ଗୁତୁନ୍ ବଜି ସୁସୁମ୍ନା ଡିଂଅଁବକ୍ ରେମଲେ ବର୍ତି ଡେଂଗା' ।”
11“ମାତର୍ ବଜି ସୁସୁମ୍ ସା'କୁନୁଂ ରେମଲେବକ୍ ରାଜାଲା ଜୁଜୁ ଗାଇଗା'ସା' ଆତା ମୁଇନ୍ଡା ୱାଇବୁଇ'ବକ୍ନା ସକାବାନ୍ଦା ମଅଲୁକ୍ ସା'କୁନୁଂ ଜୁଲ' । 12ଜୁଲ'ସେକ୍ ରାଜାଲା ଆମାଇ ସୁନ' ‘ଅ ବାଇଲକ୍, ୱାଇବୁଇ'ବକ୍ନା ସକାବାନ୍ଦା ମଅଲୁକ୍ ମି ନ ଆକେ ଗାଇନୟାଂ?’ ଡ'ସେକ୍ ଅ'ଗଁସ୍ଲା'ଗା' । ସା' ଗୁତୁନ୍ ରେମ ବାସ୍ ଆସାର୍ଲଂତା ।”
13 #
ମାତିଉ 8:12; 25:30; ଲୁକ 13:28 ସା' ରାଜାଲା ଆମାଇନା ଗୁପାମ୍ରେମେ “ଆକୁନୁଂନା ତିତି ତିକ୍ସୁଂ ତୁଲ'ରେଡ'ସେକ୍ ଆମାଇ ବାରେ ଅବୁଦି ଞୁର୍ବକ୍ ରାନ୍ଡେଲ'ସୁଂ । ଆତା ରେମଲେ ଅବୁଦି ଉକ୍ସେ'ୱାଇସେକ୍ସେକ୍ ଗେନ୍ଡ୍ରେଇ'ସି ଗେନ୍ଡ୍ରେଇ'ବକ୍ସେକ୍ ଡୁତା” ଡ'ସେକ୍ ସୁନ' ।
14“ସା' ୱାୟ'କୁନୁଂ ରେମଲେ ଅବୁଦିର ଡୁତା ମାତର୍ ସିରେଲ'କୁନୁଂ ରେମଲେ ଉନାରସୁଗଉ ଡୁତା” ଡ'ସେକ୍ ଜିସୁଲା ସୁନ' ।
ଆକାଇସ୍ର୍ଲା ସିସ୍ତୁ ବିବେ'ନା ବଲ୍ କି ଆସାର୍ ଡ'ସେକ୍ ଆଜିସୁଲା ଅ'ଗଁସ୍ଲାକ୍ ଡେନ୍
(ମାର୍କ 12:13–17; ଲୁକ 20:20–26)
15ତିର୍ଗି' ପାରୁସିଦଲ୍ନା ରେମଲେ ଉନ୍ତ୍କୁରୁଂ ତୁର୍ସେକ୍ ଜିସୁଲା ମାମା ଅଲିରାକ୍ବାଇ' ତୁମ' ସୁନ'ନା ଆମାଇ ସବ୍ନେଇ' ଡ'ସେକ୍ ମା'ଏ ମା'ଏନ୍ ବିତ୍ରେ ଅଇଁୟ' । 16ସା' ମା'ଏ ଆମା'ଏନା ସିସ୍ୟଲେ ଏନ୍ତୁକ୍ରବକ୍ ଏରଦିୟ ଦଲ୍ନା ରେମଲେବୁରଂ ଜିସୁନ୍ବକ୍ ବେନ୍ଟାୟ' । ସା' ମା'ଏ ଜିସୁନ୍ବକ୍ ଉଇସେ'ଗା, “ଅ ଗୁରୁ, ନ ମୁଇନ୍ଡା ସତ୍ବାଇ' ରେମ ମାରି ମାପ୍ରୁନା ମୁନ୍ସୁଗ ରେମଲେ ମି ଡୁକୁନା ଡେନ୍ତା ଡ'ସେକ୍ ନ ସତ୍ବାଇ' ତୁମ' ଅମାକ୍ତୁନ । ମାରି ନ ଆଗୁଲାଇର ସମାନ୍ଉ ଜୁଲ'ତୁନସା' ଆଜାଏସା ନ ମବୁତୁଂ ଡୁତୁନ ଡ'ସେକ୍ ନେଇ ମାଗ'ତୁନେଇ । 17ସା' ନ ସୁଁ, ଆକାଇସର୍ଲା ସିସ୍ତୁ ବିବେ'ନା ନେଇ'ନା ନିୟମ୍ବକ୍ ଡୁକୁନୁଂସୁଗ କି ଆରାକ୍? ନ ମା ଏତ୍ଗୁତୁନ? ଆନେଇ ସୁଁ” ଡ'ସେକ୍ ଆଜିସୁଲା ସୁନ' ।
18ସା' ଜିସୁଲା ମା'ଏନା ଅଲିରାକ୍ବାଇ' ଏତ୍ ମାଗ'ସେକ୍ ଆମା'ଏ ସୁନ' “ଅ ନାଡାଇବାର୍ବାଇ' ରେମଲେ! ମାସା' ଆନିଂ କସ୍ଟ ବିବେ'ପୁଲେଇ ଏତ୍ଗୁତୁପେ? 19ସିସ୍ତୁ ବିବେ'ପୁଲେଇ ଡୁକୁନୁଂ ମୁଇ ଲୁକୁ'ଡାବୁ ଆନିଂ ପେ ଅସୁଇ'” ଡ'ସେକ୍ ସୁନ'ସା' ମା'ଏ ମୁଇ ଲୁକୁ'ଡାବୁ ଆମାଇ ରିଂଅଁ' ବେଡ' । 20ସା' ମାଇ ଆମା'ଏ ଗୁତୁନ୍ ଅସୁୟ'ସେକ୍, “ଆକେ ଜାନା ପଟ୍ ମାରି ଇମି ଡୁତା?” ଡ'ସେକ୍ ଅ'ଗଁସ୍ଲା'ଗା' ।
21ସା' ମା'ଏ “କାଇସର୍ନା” ଡ'ସେକ୍ ସୁନ' ।
ସା' ମାଇ ସୁନ' “ଡୁ'ତୁନ୍ ଡ'ନା, ମାମା ଆକାଇସର୍ଲା ବିବେ' ଡୁତା ଗୁତୁନ୍ ଆକାଇସର୍ଲା ବେ' ମାରି ମାମା ଆମାପ୍ରୁ ବିବେ' ଡୁତା ଗୁତୁନ୍ ଆମାପ୍ରୁ ବେ'” ଡ'ସେକ୍ ସୁନ' ।
22ସା' ମା'ଏ ଗୁତୁନ୍ ତୁମ' ଅଂଅଁ'ସେକ୍ କାବା ଡିନ୍ଡେଂଆର୍ସେକ୍ ଆମାଇ ଅନ୍ତୁର' ଡୁଂଗା' ।
ରେମଲେ ଗୁଇ'ସେକ୍ ମାରି ବୁରତାକି ଆରାକ୍ ଡ'ସେକ୍ ସାଦୁକି ଦଲ୍ନା ରେମଲେ ଅ'ଗଁସ୍ଲାକ୍ ଡେନ୍
(ମାର୍କ 12:18–27; ଲୁକ 20:27–40)
23 #
ପେରିତ 23:8
ଉନ୍ତାଉ ସାଦୁକି ଦଲ୍ନା ରେମଲେ ଏନ୍ତୁକ୍ର ଜିସୁନ୍ବକ୍ ସା'ଗା' । ଗୁଇ'କୁନୁଂ ରେମଲେ ମାରି ଆବୁରତା ଡ'ସେକ୍ ମା'ଏ ବିସ୍ବାସ୍ ଡେମ'ତା । ମା'ଏ ସାକ୍ସେକ୍ ସୁନ'; 24“ଅ ଗୁରୁ, ଜାଏସା ମୁଇନ୍ଡା ରେମ ୱାଇବୁଇ'ସେକ୍ ଉଁ'ଉଁ ମବୁନାମ୍ ଗୁଇ'ଗା' ଡ'ନା ମାଇନା ବୁୟାଂ ଆତୁନ୍ ରାନ୍ଡିଲା ବୁଂଅଁ'ସେକ୍ ମାଂଡେଇଁନା ବାଦୁଲ୍ ପୁନ୍ଜି ବୁମ୍ବାମ୍ ଡୁତା ଡ'ସେକ୍ ମସାଲା ଆନେଇ ସୁନ'ତା । 25ଡୁ'ତୁନ୍ ଡ'ନା ଜୁ, ନେନ୍ବକ୍ ସାତ୍ଲକ୍ ମା'ଏ ବୁନୁୟାଂଏଁ ଡୁକୁଗା' । ମା'ଏନ୍ ବିତ୍ରେ ମୁନା' ବୁୟାଂଡେଇଁ ୱାଇବୁଇ'ସେକ୍ ମାଇ ମୁଇସା ଉଁ'ଉଁ ମବୁନାମ୍ ଗୁଇ'ଗା'ସା' ଆମାଇ ତେୟଁ'କୁନୁଂ ବୁୟାଂଡେଇଁ ଆକୁନୁଇ'ଡେଇଁ ବୁଂଅଁ' । 26ମାଇସା ଡୁ'ତୁନାଉ ଗୁଇ'ଗା' । ସା' ଆମାଇ ତେୟଁ'କୁନୁଂ ବୁୟାଂଡେଇଁ ଆତୁନ୍ ରାନ୍ଡିଲା ବୁଂଅଁ' । ମାଇସା ଡୁ'ତୁନାଉ ଗୁଇ'ଗା' । ଡୁ'ତୁନାଉ ଆମା'ଏ ତେୟଁ'କୁନୁଂ ଗୁଲାଇରସା ମୁଇନ୍ଡା ମୁଇନ୍ଡା ଆତୁନ୍ ସେଲାନ୍ଲା ବୁଂଅଁ'ସେକ୍ ଉଁ'ଉଁ ମବୁନାମ୍ ଗୁଗୁଇ' ଆର୍ଗା' । 27ମା'ଏ ସାତ୍ଲକ୍ସା ଗୁଇ'ଗା'ସା' ତିର୍ଗି' ଗୁତୁନ୍ ସେଲାନ୍ଲାସା ଗୁଇ'ଗା' । 28ଜୁ, ଆମାଇ ସାତ୍ଲକ୍ ବୁନୁୟାଂଏସା ବୁଂଅଁ'କୁ । ଡୁ'ତୁନ୍ ଡ'ନା ତିର୍ଗି'ସୁମଂ ରେମଲେ ଗୁଇ'ସେକ୍ ବୁରବେଲା ଗୁତୁନ୍ ସେଲାନ୍ଲା ଜାନା କୁନୁଇ' ଏତା?”
29ଜିସୁଲା ଆମା'ଏ ସୁନ', “ପେ ମାପ୍ରୁନା ଉଲାକ୍ବକ୍ ଲେକ୍ଲ'କୁନୁଂ ମାରି ମାପ୍ରୁନା ବପୁସା ମମୁନାକ୍ ଡୁତୁପେସା' ପେ ବୁଲ୍ବାଇ' ମାଗ'ତୁପେ । 30ମାସା'ଡ'ନା ତିର୍ଗି'ସୁମଂ ରେମଲେ ଗୁଇ'ସେକ୍ ବୁରବେଲା ମା'ଏ ଆଇ'ପର୍ ଆୱାଇବୁଇ'ତା । ମା'ଏ ଗୁଲାଇର ସରଗ୍ନା ଦୁତଲେସୁଗ ଡେନ୍ତା । 31ମାତର୍ ରେମଲେ ଗୁଇ'ସେକ୍ ବୁରନା ବିସୟ ମାପ୍ରୁ ମା ଡ' ଆପେ ସୁନ'ତା ଡ'ସେକ୍ ମାପ୍ରୁନା ଉଲାକ୍ବକ୍ ଲେକ୍ଲ'କୁନୁଂ ପେ ପଡ୍ ଆଡୁତୁପେ ଇ? ଆତା ମାପ୍ରୁ ସୁନ'ତା: 32‘ନିଂ ଅବ୍ରାଆମ୍ନା ମାପ୍ରୁ, ଇସାକ୍ନା ମାପ୍ରୁ, ମାରି ଜାକୁବ୍ନା ମାପ୍ରୁ ।’ ଡୁ'ତୁନ୍ ଡ'ନା ମାଇ ଗୁଇ'କୁନୁଂ ରେମଲେନା ମାପ୍ରୁ ଆରାକ୍ ମାତର୍ ମାଇ ବୁରକୁନୁଂ ରେମଲେନା ମାପ୍ରୁ ।”
33ରେମଲେ ଗୁତୁନ୍ ଅଂଅଁ'ସେକ୍ ମାଇ ଅମାଗ'କୁନୁଂ ଗୁଲାଇବକ୍ କାବା ଡିନ୍ଡେଂଆର୍ ଉଇଗା' ।
ଗୁଲାଇ ନିୟମ୍କୁରୁଂ ଇମ୍ବ'ନା ମୁନା' ନିୟମ୍
(ମାର୍କ 12:28–34; ଲୁକ 10:25–28)
34ଜିସୁଲା ଡି'କେନା ସୁନ'ସେକ୍ ସାଦୁକି ଦଲ୍ନା ରେମଲେବକ୍ ଜୁ' ଅ'ଡେମ'ବେଡ' ଡ'ସେକ୍ ଅଂଅଁ'ସା' ପାରୁସିଦଲ୍ନା ରେମଲେ ଗୁଲାଇର ମୁନ୍ଡକ୍ବକ୍ ରୁନ୍ଗା' । 35ମାରି ମା'ଏନ୍ ବିତ୍ରେ ଡୁକୁନୁଂ ଜିଉଦିରେମଲେନା ନିୟମ୍ ଅମାକ୍ରେମ୍ ମୁଇନ୍ଡା ଆଜିସୁଲା ପରିକା ଡିନ୍ଡେମ୍ପୁଲେଇ ସୁନ':
36“ଅ ଗୁରୁ, ମସାଲା ବେଡ'କୁନୁଂ ନିୟମ୍ ବିତ୍ରେ ଗୁଲାଇନାକୁରୁଂ ଇମ୍ବ'ନା ଅବୁଦି ମୁନା' ନିୟମ୍?” ଡ'ସେକ୍ ଅ'ଗଁସ୍ଲା'ଗା' । 37ସା' ଜିସୁଲା ସୁନ', “ଆପେନ୍ ମାପ୍ରୁ ଆପ୍ରବୁଲା ପେ ପେନ୍ ଜିବନ୍ ବିତ୍ରେକୁରୁଂ ମାରି ପେନ୍ ଗୁଲାଇ ଜିବନ୍ ବେଡ'ସେକ୍ ମାରି ପେନା ଗୁଲାଇ ବୁଦିଗିୟାନ୍ ଗୁଲାଇ ଏତ୍ବକ୍ ଆମାଇଉ ଆଲାତ୍ ଡେମ'ସେକ୍ ଡୁକୁଡୁତା । 38କେନ୍ ନିୟମ୍ଉ ଗୁଲାଇନାକୁରୁଂ ଅବୁଦି ମୁନା'ବାଇ' ନିୟମ୍ । 39ମାରି ଗୁତୁନ୍ ସମାନ୍ ଡୁକୁନୁଂ ଅବୁଦି ମୁନା'ବାଇ' ନିୟମ୍ ମା ଡ'ନା: ପେ ଆନିଜର୍ନା ଜିବନ୍ ମି ଆଲାତ୍ ଡେମ୍ବର୍ଗୁତୁପେ ଡୁ'ତୁନାଉ ଆପେନା ଇନ୍ତୁ'ସିଂଡାନ୍ଡର୍ସିଂନା ଆଗୁଲାଇ ରେମଲେସା ଆଲାତ୍ ଡେମ୍ । 40#ଲୁକ 10:25–28ମସାଲା ବେଡ'କୁନୁଂ ଗୁଲାଇ ନିୟମ୍ ମାରି ବାବବାଦିଲେ ସୁନ'କୁନୁଂ ଗୁଲାଇ ତୁମ' କେନ୍ ଇମ୍ବାର୍ ନିୟମ୍ ବାଗ୍ବକ୍ଉ ଡୁତା” ଡ'ସେକ୍ ସୁନ' ।
କିରିସ୍ଟଲା ଜାନା ଉଁ'ଉଁ ଡ'ସେକ୍ ଜିସୁଲା ସୁଁସୁଡେନ୍
(ମାର୍କ 12:35–37; ଲୁକ 20:41–44)
41ପାରୁସିଦଲ୍ନା ରେମଲେ ଏନ୍ତୁକ୍ର ମୁନ୍ଡକ୍ବକ୍ ରୁନ୍କୁନୁଂବେଲା ଜିସୁଲା ଆମା'ଏ ଅ'ଗଁସ୍ଲା'ଗା': 42“କିରିସ୍ଟନା ବିସୟରେ ପେ ମା ଏତ୍ଗୁତୁପେ? ମାଇ ଜାନା ଉଁ'ଉଁ ଡ'ସେକ୍ ଏତ୍ଗୁତୁପେ?” ଡ'ସେକ୍ ସୁନ'ସା' ମା'ଏ
“ମାଇ ଦାଉଦ୍ନା ଉଁ'ଉଁ” ଡ'ସେକ୍ ସୁନ' ।
43ସା' ଜିସୁଲା ସୁନ': “ଡୁ'ତୁନ୍ ଡ'ନା ପବିତ୍ର ଆତ୍ମାନା ବପୁବୁରଂ ମି ଦାଉଦ୍ଲା ଆମାଇ ପ୍ରବୁ ଡ'ସେକ୍ ୱାୟ'ତାଲେଇ? ମାଇ ମା ଡ' ସୁନ'ତା ଡ'ନା:
44‘ଆନନା ଦାଇରେମେ
ନନା ଗୁତାସୁଂ ଆଲୁଂ ବୁଂବୁଂପନ୍ତେକ୍
ନ ନିଂନା ସୁସୁମ୍ତିକୁରୁଂ ଲେଇ'କୁଲା ଡ'ସେକ୍
ପ୍ରବୁଲା ଆନିଂନା ପ୍ରବୁଲା ସୁନ'’
ଡ'ସେକ୍ ଦାଉଦ୍ଲା ସୁନ'ତା ।
45ଦାଉଦ୍ଲା ଆକିରିସ୍ଟଲା ପ୍ରବୁ ଡ' ୱାୟ'ତା ଡ'ନା କିରିସ୍ଟଲା ମି ଦାଉଦ୍ନା ଉଁ'ଉଁ ଏତାଲେଇ?” ଡ'ସେକ୍ ସୁନ' । 46ସା' ମା'ଏ ଜାଏସା ଆମାଇ ମାସା ସୁଁସୁ ଆଗଂତା । ମାରି ଉନ୍ତ୍ବାଂସା' ଆମାଇ ମାଏସା ଅ'ଗଁସ୍ଲାକ୍ପୁଲେଇ ମା'ଏ ବୁତୁଂଗା' ।
Currently Selected:
ମାତିଉ 22: BFW
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0
ମାତିଉ 22
22
ଇ'ପର୍ ୱାଇବୁଇ'ବକ୍ ବଜି ବିବେ'ନା ଉ'ସୁରାମ୍
(ଲୁକ 14:15–24)
1ଜିସୁଲା ଆମା'ଏ ଅମାକ୍ପୁଲେଇ ମାରି ଉ'ସୁରାମ୍ ଉଡ'ସେକ୍ ସୁନ' । ମାଇ ସୁନ': 2“ସରଗ୍ରାଜି ମି ଡୁତା ଡ'ନା ମୁଇନ୍ଡା ରାଜାଲା ମାଇନା ଉଁ'ଉଁନା ୱାଇବୁଇ'ବକ୍ ବଜି ଡେମ'କୁନୁଂସୁଗ ଡୁତା । 3ମାଇ ଆଜାଆଜା ବଜି ସୁସୁମ୍ପୁଲେଇ ୱାୟ'କୁ ଆମା'ଏ ୱାଇପୁଲେଇ ଆମାଇନା ଗୁପାମ୍ରେମେ ବେନ୍ଟାୟ' । ମାତର୍ ମା'ଏ ଗୁଲାଇର ଇନ୍ସାଂଗା' ।”
4“ସା' ମାଇ ମାରି ଆପାଲ୍ ଆଏନ୍ତୁକର ଗୁପାମ୍ରେମେ, ଡି'କେନା ସୁନ'ସେକ୍ ବେନ୍ଟାୟ', ଆଜାଆଜା ୱାଇବୁଇ'ବକ୍ ବଜି ସୁସୁମ୍ପୁଲେଇ ୱାୟ'ବୁଂଅଁ' ଗୁତୁନୁଂଏଁନ୍ବକ୍ ଉଇସେ'ଗା ‘ବଜିପୁଲେଇ ଗୁଲାଇ ଡନ୍ରାଂଡମ୍ବି'ଗା' । ନିଂ ବୁନୁ'ଗୁଲାଇ' ମାରି ଆଇଁସଆଇଁପା'କୁନୁଂ ଗୁଇ'ତାଂବୁଂତେଲେ ଅଡାବ'ସେକ୍ ଅଜାଗ'ଅ'ଜୁଂଅଁତିଂ ସା' ପେ ଗୁଲାଇର ବଜି ସୁସୁମ୍ ସା'ବା’ ଡ'ସେକ୍ ସୁଁ ଡ' ବେନ୍ଟାୟ' । 5ମାତର୍ ମା'ଏ ଆମା'ଏ ମମାନ୍ବାର୍ ମା'ଏନ୍ ମୁନ୍ସୁଗ ମୁଇନ୍ଡା ବୁରଂବକ୍ ଉଇଗା' ମାରି ମୁଇନ୍ଡା ମାଇନା ବେପାର୍ ଡିନ୍ଡେମ୍ ଉଇଗା' । ଡୁ'ତୁନା ମା'ଏ ନିଜର୍ ନିଜର୍ନା କାମ୍ପୁଲେଇ ଡୁଂଗା' । 6ମାରି ଡୁକୁନୁଂ ରେମଲେ ଆତୁନ୍ ଗୁପାମ୍ରେମେ ସବ'ସେକ୍ ଅ'ଗେୱାଲ'ସେକ୍ ଅଡାବ'ସୁଂଅଁ' । 7ସା' ଗୁତୁନ୍ ରାଜାଲା ଅବୁଦି ଗିସେକ୍ସେକ୍ ଆମାଇନା ସଇନିକ୍ ରେମଲେ ବେନ୍ଟାୟ', ସା' ମା'ଏ ଉଇସେକ୍ ଆତୁନ୍ ଟାକ୍ରିବାଇ' ରେମଲେବକ୍ ଅଗୁୟ'ସେକ୍ ମା'ଏନା ଉଂଗମ୍ ଗୁଲାଇ ବାଲ'ସୁଂଅଁ' ।”
8“ତିର୍ଗି' ରାଜାଲା ଆମାଇନା କାମ୍ରେମେ ସୁନ' ‘ବଜିପୁଲେଇ ଗୁଲାଇ ଡନ୍ରାଂଡମ୍ବି'ଗା' ମାତର୍ ଆଜାଆଜା ସୁସୁମ୍ ସା'ବା ଡ'ସେକ୍ ୱାୟ'କୁ ମା'ଏ ଆସାପ୍ତା । 9ସା' ପେ ଆ'ନା ଉଂଗମ୍ନା ଗାଗୁ'ବକ୍ ଉଇସେକ୍ ଆତା ଆଜାଆଜା ଜୁତୁପେ ଆମା'ଏ ଆଗୁଲାଇର ବଜିବକ୍ ୱାଇ ।’ 10ସା' ଗୁତୁନ୍ ଗୁପାମ୍ରେମେ ଉଇସେକ୍ ଅଲିରାକ୍ବାଇ' ରେମଲେବକ୍ସା ବଲ୍ବାଇ' ରେମଲେବକ୍ସା ଆଗୁଲାଇର ୱାୟ' ରିଂଅଁ' । ସା' ଗୁତୁନ୍ ବଜି ସୁସୁମ୍ନା ଡିଂଅଁବକ୍ ରେମଲେ ବର୍ତି ଡେଂଗା' ।”
11“ମାତର୍ ବଜି ସୁସୁମ୍ ସା'କୁନୁଂ ରେମଲେବକ୍ ରାଜାଲା ଜୁଜୁ ଗାଇଗା'ସା' ଆତା ମୁଇନ୍ଡା ୱାଇବୁଇ'ବକ୍ନା ସକାବାନ୍ଦା ମଅଲୁକ୍ ସା'କୁନୁଂ ଜୁଲ' । 12ଜୁଲ'ସେକ୍ ରାଜାଲା ଆମାଇ ସୁନ' ‘ଅ ବାଇଲକ୍, ୱାଇବୁଇ'ବକ୍ନା ସକାବାନ୍ଦା ମଅଲୁକ୍ ମି ନ ଆକେ ଗାଇନୟାଂ?’ ଡ'ସେକ୍ ଅ'ଗଁସ୍ଲା'ଗା' । ସା' ଗୁତୁନ୍ ରେମ ବାସ୍ ଆସାର୍ଲଂତା ।”
13 #
ମାତିଉ 8:12; 25:30; ଲୁକ 13:28 ସା' ରାଜାଲା ଆମାଇନା ଗୁପାମ୍ରେମେ “ଆକୁନୁଂନା ତିତି ତିକ୍ସୁଂ ତୁଲ'ରେଡ'ସେକ୍ ଆମାଇ ବାରେ ଅବୁଦି ଞୁର୍ବକ୍ ରାନ୍ଡେଲ'ସୁଂ । ଆତା ରେମଲେ ଅବୁଦି ଉକ୍ସେ'ୱାଇସେକ୍ସେକ୍ ଗେନ୍ଡ୍ରେଇ'ସି ଗେନ୍ଡ୍ରେଇ'ବକ୍ସେକ୍ ଡୁତା” ଡ'ସେକ୍ ସୁନ' ।
14“ସା' ୱାୟ'କୁନୁଂ ରେମଲେ ଅବୁଦିର ଡୁତା ମାତର୍ ସିରେଲ'କୁନୁଂ ରେମଲେ ଉନାରସୁଗଉ ଡୁତା” ଡ'ସେକ୍ ଜିସୁଲା ସୁନ' ।
ଆକାଇସ୍ର୍ଲା ସିସ୍ତୁ ବିବେ'ନା ବଲ୍ କି ଆସାର୍ ଡ'ସେକ୍ ଆଜିସୁଲା ଅ'ଗଁସ୍ଲାକ୍ ଡେନ୍
(ମାର୍କ 12:13–17; ଲୁକ 20:20–26)
15ତିର୍ଗି' ପାରୁସିଦଲ୍ନା ରେମଲେ ଉନ୍ତ୍କୁରୁଂ ତୁର୍ସେକ୍ ଜିସୁଲା ମାମା ଅଲିରାକ୍ବାଇ' ତୁମ' ସୁନ'ନା ଆମାଇ ସବ୍ନେଇ' ଡ'ସେକ୍ ମା'ଏ ମା'ଏନ୍ ବିତ୍ରେ ଅଇଁୟ' । 16ସା' ମା'ଏ ଆମା'ଏନା ସିସ୍ୟଲେ ଏନ୍ତୁକ୍ରବକ୍ ଏରଦିୟ ଦଲ୍ନା ରେମଲେବୁରଂ ଜିସୁନ୍ବକ୍ ବେନ୍ଟାୟ' । ସା' ମା'ଏ ଜିସୁନ୍ବକ୍ ଉଇସେ'ଗା, “ଅ ଗୁରୁ, ନ ମୁଇନ୍ଡା ସତ୍ବାଇ' ରେମ ମାରି ମାପ୍ରୁନା ମୁନ୍ସୁଗ ରେମଲେ ମି ଡୁକୁନା ଡେନ୍ତା ଡ'ସେକ୍ ନ ସତ୍ବାଇ' ତୁମ' ଅମାକ୍ତୁନ । ମାରି ନ ଆଗୁଲାଇର ସମାନ୍ଉ ଜୁଲ'ତୁନସା' ଆଜାଏସା ନ ମବୁତୁଂ ଡୁତୁନ ଡ'ସେକ୍ ନେଇ ମାଗ'ତୁନେଇ । 17ସା' ନ ସୁଁ, ଆକାଇସର୍ଲା ସିସ୍ତୁ ବିବେ'ନା ନେଇ'ନା ନିୟମ୍ବକ୍ ଡୁକୁନୁଂସୁଗ କି ଆରାକ୍? ନ ମା ଏତ୍ଗୁତୁନ? ଆନେଇ ସୁଁ” ଡ'ସେକ୍ ଆଜିସୁଲା ସୁନ' ।
18ସା' ଜିସୁଲା ମା'ଏନା ଅଲିରାକ୍ବାଇ' ଏତ୍ ମାଗ'ସେକ୍ ଆମା'ଏ ସୁନ' “ଅ ନାଡାଇବାର୍ବାଇ' ରେମଲେ! ମାସା' ଆନିଂ କସ୍ଟ ବିବେ'ପୁଲେଇ ଏତ୍ଗୁତୁପେ? 19ସିସ୍ତୁ ବିବେ'ପୁଲେଇ ଡୁକୁନୁଂ ମୁଇ ଲୁକୁ'ଡାବୁ ଆନିଂ ପେ ଅସୁଇ'” ଡ'ସେକ୍ ସୁନ'ସା' ମା'ଏ ମୁଇ ଲୁକୁ'ଡାବୁ ଆମାଇ ରିଂଅଁ' ବେଡ' । 20ସା' ମାଇ ଆମା'ଏ ଗୁତୁନ୍ ଅସୁୟ'ସେକ୍, “ଆକେ ଜାନା ପଟ୍ ମାରି ଇମି ଡୁତା?” ଡ'ସେକ୍ ଅ'ଗଁସ୍ଲା'ଗା' ।
21ସା' ମା'ଏ “କାଇସର୍ନା” ଡ'ସେକ୍ ସୁନ' ।
ସା' ମାଇ ସୁନ' “ଡୁ'ତୁନ୍ ଡ'ନା, ମାମା ଆକାଇସର୍ଲା ବିବେ' ଡୁତା ଗୁତୁନ୍ ଆକାଇସର୍ଲା ବେ' ମାରି ମାମା ଆମାପ୍ରୁ ବିବେ' ଡୁତା ଗୁତୁନ୍ ଆମାପ୍ରୁ ବେ'” ଡ'ସେକ୍ ସୁନ' ।
22ସା' ମା'ଏ ଗୁତୁନ୍ ତୁମ' ଅଂଅଁ'ସେକ୍ କାବା ଡିନ୍ଡେଂଆର୍ସେକ୍ ଆମାଇ ଅନ୍ତୁର' ଡୁଂଗା' ।
ରେମଲେ ଗୁଇ'ସେକ୍ ମାରି ବୁରତାକି ଆରାକ୍ ଡ'ସେକ୍ ସାଦୁକି ଦଲ୍ନା ରେମଲେ ଅ'ଗଁସ୍ଲାକ୍ ଡେନ୍
(ମାର୍କ 12:18–27; ଲୁକ 20:27–40)
23 #
ପେରିତ 23:8
ଉନ୍ତାଉ ସାଦୁକି ଦଲ୍ନା ରେମଲେ ଏନ୍ତୁକ୍ର ଜିସୁନ୍ବକ୍ ସା'ଗା' । ଗୁଇ'କୁନୁଂ ରେମଲେ ମାରି ଆବୁରତା ଡ'ସେକ୍ ମା'ଏ ବିସ୍ବାସ୍ ଡେମ'ତା । ମା'ଏ ସାକ୍ସେକ୍ ସୁନ'; 24“ଅ ଗୁରୁ, ଜାଏସା ମୁଇନ୍ଡା ରେମ ୱାଇବୁଇ'ସେକ୍ ଉଁ'ଉଁ ମବୁନାମ୍ ଗୁଇ'ଗା' ଡ'ନା ମାଇନା ବୁୟାଂ ଆତୁନ୍ ରାନ୍ଡିଲା ବୁଂଅଁ'ସେକ୍ ମାଂଡେଇଁନା ବାଦୁଲ୍ ପୁନ୍ଜି ବୁମ୍ବାମ୍ ଡୁତା ଡ'ସେକ୍ ମସାଲା ଆନେଇ ସୁନ'ତା । 25ଡୁ'ତୁନ୍ ଡ'ନା ଜୁ, ନେନ୍ବକ୍ ସାତ୍ଲକ୍ ମା'ଏ ବୁନୁୟାଂଏଁ ଡୁକୁଗା' । ମା'ଏନ୍ ବିତ୍ରେ ମୁନା' ବୁୟାଂଡେଇଁ ୱାଇବୁଇ'ସେକ୍ ମାଇ ମୁଇସା ଉଁ'ଉଁ ମବୁନାମ୍ ଗୁଇ'ଗା'ସା' ଆମାଇ ତେୟଁ'କୁନୁଂ ବୁୟାଂଡେଇଁ ଆକୁନୁଇ'ଡେଇଁ ବୁଂଅଁ' । 26ମାଇସା ଡୁ'ତୁନାଉ ଗୁଇ'ଗା' । ସା' ଆମାଇ ତେୟଁ'କୁନୁଂ ବୁୟାଂଡେଇଁ ଆତୁନ୍ ରାନ୍ଡିଲା ବୁଂଅଁ' । ମାଇସା ଡୁ'ତୁନାଉ ଗୁଇ'ଗା' । ଡୁ'ତୁନାଉ ଆମା'ଏ ତେୟଁ'କୁନୁଂ ଗୁଲାଇରସା ମୁଇନ୍ଡା ମୁଇନ୍ଡା ଆତୁନ୍ ସେଲାନ୍ଲା ବୁଂଅଁ'ସେକ୍ ଉଁ'ଉଁ ମବୁନାମ୍ ଗୁଗୁଇ' ଆର୍ଗା' । 27ମା'ଏ ସାତ୍ଲକ୍ସା ଗୁଇ'ଗା'ସା' ତିର୍ଗି' ଗୁତୁନ୍ ସେଲାନ୍ଲାସା ଗୁଇ'ଗା' । 28ଜୁ, ଆମାଇ ସାତ୍ଲକ୍ ବୁନୁୟାଂଏସା ବୁଂଅଁ'କୁ । ଡୁ'ତୁନ୍ ଡ'ନା ତିର୍ଗି'ସୁମଂ ରେମଲେ ଗୁଇ'ସେକ୍ ବୁରବେଲା ଗୁତୁନ୍ ସେଲାନ୍ଲା ଜାନା କୁନୁଇ' ଏତା?”
29ଜିସୁଲା ଆମା'ଏ ସୁନ', “ପେ ମାପ୍ରୁନା ଉଲାକ୍ବକ୍ ଲେକ୍ଲ'କୁନୁଂ ମାରି ମାପ୍ରୁନା ବପୁସା ମମୁନାକ୍ ଡୁତୁପେସା' ପେ ବୁଲ୍ବାଇ' ମାଗ'ତୁପେ । 30ମାସା'ଡ'ନା ତିର୍ଗି'ସୁମଂ ରେମଲେ ଗୁଇ'ସେକ୍ ବୁରବେଲା ମା'ଏ ଆଇ'ପର୍ ଆୱାଇବୁଇ'ତା । ମା'ଏ ଗୁଲାଇର ସରଗ୍ନା ଦୁତଲେସୁଗ ଡେନ୍ତା । 31ମାତର୍ ରେମଲେ ଗୁଇ'ସେକ୍ ବୁରନା ବିସୟ ମାପ୍ରୁ ମା ଡ' ଆପେ ସୁନ'ତା ଡ'ସେକ୍ ମାପ୍ରୁନା ଉଲାକ୍ବକ୍ ଲେକ୍ଲ'କୁନୁଂ ପେ ପଡ୍ ଆଡୁତୁପେ ଇ? ଆତା ମାପ୍ରୁ ସୁନ'ତା: 32‘ନିଂ ଅବ୍ରାଆମ୍ନା ମାପ୍ରୁ, ଇସାକ୍ନା ମାପ୍ରୁ, ମାରି ଜାକୁବ୍ନା ମାପ୍ରୁ ।’ ଡୁ'ତୁନ୍ ଡ'ନା ମାଇ ଗୁଇ'କୁନୁଂ ରେମଲେନା ମାପ୍ରୁ ଆରାକ୍ ମାତର୍ ମାଇ ବୁରକୁନୁଂ ରେମଲେନା ମାପ୍ରୁ ।”
33ରେମଲେ ଗୁତୁନ୍ ଅଂଅଁ'ସେକ୍ ମାଇ ଅମାଗ'କୁନୁଂ ଗୁଲାଇବକ୍ କାବା ଡିନ୍ଡେଂଆର୍ ଉଇଗା' ।
ଗୁଲାଇ ନିୟମ୍କୁରୁଂ ଇମ୍ବ'ନା ମୁନା' ନିୟମ୍
(ମାର୍କ 12:28–34; ଲୁକ 10:25–28)
34ଜିସୁଲା ଡି'କେନା ସୁନ'ସେକ୍ ସାଦୁକି ଦଲ୍ନା ରେମଲେବକ୍ ଜୁ' ଅ'ଡେମ'ବେଡ' ଡ'ସେକ୍ ଅଂଅଁ'ସା' ପାରୁସିଦଲ୍ନା ରେମଲେ ଗୁଲାଇର ମୁନ୍ଡକ୍ବକ୍ ରୁନ୍ଗା' । 35ମାରି ମା'ଏନ୍ ବିତ୍ରେ ଡୁକୁନୁଂ ଜିଉଦିରେମଲେନା ନିୟମ୍ ଅମାକ୍ରେମ୍ ମୁଇନ୍ଡା ଆଜିସୁଲା ପରିକା ଡିନ୍ଡେମ୍ପୁଲେଇ ସୁନ':
36“ଅ ଗୁରୁ, ମସାଲା ବେଡ'କୁନୁଂ ନିୟମ୍ ବିତ୍ରେ ଗୁଲାଇନାକୁରୁଂ ଇମ୍ବ'ନା ଅବୁଦି ମୁନା' ନିୟମ୍?” ଡ'ସେକ୍ ଅ'ଗଁସ୍ଲା'ଗା' । 37ସା' ଜିସୁଲା ସୁନ', “ଆପେନ୍ ମାପ୍ରୁ ଆପ୍ରବୁଲା ପେ ପେନ୍ ଜିବନ୍ ବିତ୍ରେକୁରୁଂ ମାରି ପେନ୍ ଗୁଲାଇ ଜିବନ୍ ବେଡ'ସେକ୍ ମାରି ପେନା ଗୁଲାଇ ବୁଦିଗିୟାନ୍ ଗୁଲାଇ ଏତ୍ବକ୍ ଆମାଇଉ ଆଲାତ୍ ଡେମ'ସେକ୍ ଡୁକୁଡୁତା । 38କେନ୍ ନିୟମ୍ଉ ଗୁଲାଇନାକୁରୁଂ ଅବୁଦି ମୁନା'ବାଇ' ନିୟମ୍ । 39ମାରି ଗୁତୁନ୍ ସମାନ୍ ଡୁକୁନୁଂ ଅବୁଦି ମୁନା'ବାଇ' ନିୟମ୍ ମା ଡ'ନା: ପେ ଆନିଜର୍ନା ଜିବନ୍ ମି ଆଲାତ୍ ଡେମ୍ବର୍ଗୁତୁପେ ଡୁ'ତୁନାଉ ଆପେନା ଇନ୍ତୁ'ସିଂଡାନ୍ଡର୍ସିଂନା ଆଗୁଲାଇ ରେମଲେସା ଆଲାତ୍ ଡେମ୍ । 40#ଲୁକ 10:25–28ମସାଲା ବେଡ'କୁନୁଂ ଗୁଲାଇ ନିୟମ୍ ମାରି ବାବବାଦିଲେ ସୁନ'କୁନୁଂ ଗୁଲାଇ ତୁମ' କେନ୍ ଇମ୍ବାର୍ ନିୟମ୍ ବାଗ୍ବକ୍ଉ ଡୁତା” ଡ'ସେକ୍ ସୁନ' ।
କିରିସ୍ଟଲା ଜାନା ଉଁ'ଉଁ ଡ'ସେକ୍ ଜିସୁଲା ସୁଁସୁଡେନ୍
(ମାର୍କ 12:35–37; ଲୁକ 20:41–44)
41ପାରୁସିଦଲ୍ନା ରେମଲେ ଏନ୍ତୁକ୍ର ମୁନ୍ଡକ୍ବକ୍ ରୁନ୍କୁନୁଂବେଲା ଜିସୁଲା ଆମା'ଏ ଅ'ଗଁସ୍ଲା'ଗା': 42“କିରିସ୍ଟନା ବିସୟରେ ପେ ମା ଏତ୍ଗୁତୁପେ? ମାଇ ଜାନା ଉଁ'ଉଁ ଡ'ସେକ୍ ଏତ୍ଗୁତୁପେ?” ଡ'ସେକ୍ ସୁନ'ସା' ମା'ଏ
“ମାଇ ଦାଉଦ୍ନା ଉଁ'ଉଁ” ଡ'ସେକ୍ ସୁନ' ।
43ସା' ଜିସୁଲା ସୁନ': “ଡୁ'ତୁନ୍ ଡ'ନା ପବିତ୍ର ଆତ୍ମାନା ବପୁବୁରଂ ମି ଦାଉଦ୍ଲା ଆମାଇ ପ୍ରବୁ ଡ'ସେକ୍ ୱାୟ'ତାଲେଇ? ମାଇ ମା ଡ' ସୁନ'ତା ଡ'ନା:
44‘ଆନନା ଦାଇରେମେ
ନନା ଗୁତାସୁଂ ଆଲୁଂ ବୁଂବୁଂପନ୍ତେକ୍
ନ ନିଂନା ସୁସୁମ୍ତିକୁରୁଂ ଲେଇ'କୁଲା ଡ'ସେକ୍
ପ୍ରବୁଲା ଆନିଂନା ପ୍ରବୁଲା ସୁନ'’
ଡ'ସେକ୍ ଦାଉଦ୍ଲା ସୁନ'ତା ।
45ଦାଉଦ୍ଲା ଆକିରିସ୍ଟଲା ପ୍ରବୁ ଡ' ୱାୟ'ତା ଡ'ନା କିରିସ୍ଟଲା ମି ଦାଉଦ୍ନା ଉଁ'ଉଁ ଏତାଲେଇ?” ଡ'ସେକ୍ ସୁନ' । 46ସା' ମା'ଏ ଜାଏସା ଆମାଇ ମାସା ସୁଁସୁ ଆଗଂତା । ମାରି ଉନ୍ତ୍ବାଂସା' ଆମାଇ ମାଏସା ଅ'ଗଁସ୍ଲାକ୍ପୁଲେଇ ମା'ଏ ବୁତୁଂଗା' ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0