ମାତିଉ 19
19
ଲଂସିସି'ନା ବିସୟ ଜିସୁଲା ଅମାକ୍ଡେନ୍
(ମାର୍କ 10:1–12)
1ଜିସୁଲା କେନ୍ ଗୁଲାଇ ତୁମ' ସୁଁସୁ ଅ'ଡମ'ସେକ୍ ଗାଲିଲି ଜିଲାକୁରୁଂ ତୁର୍ସେକ୍ ଜର୍ଦନ୍ କିନ୍ଡାକ୍ ଇନ୍ସି ଡୁକୁନୁଂ ଜିଉଦା ରାଜିବକ୍ ଡେଲ' । 2ସା' ଅବୁଦି ରେମଲେ ଆମାଇ ତେଂଗି'ତେଂଗି' ଉଇଗା' ମାରି ମାଇ ଆତା ସିରେମ୍ବକ୍ ବଲ୍ ଡେମ' । 3ଆଇ'ତୁନ୍ବେଲା ଆଜିସୁଲା ପରିକା ଡିନ୍ଡେମ୍ପୁଲେଇ ଆ'ଇରସୁଗ ପାରୁସିଦଲ୍ନା ରେମଲେ ମାଇନ୍ବକ୍ ସା'ଗା' । ସାକ୍ସେକ୍ ଆମାଇ “ମାଏସା ଡେଂଗା' ଡ'ନା ମୁଇନ୍ଡା ରେମ ଆନିଜର୍ନା କୁନୁଇ' ଲଂସିସି' ଗଂତା ଡ'ସେକ୍ ନେଇ'ନା ନିୟମ୍ବକ୍ ଡୁତା ଇ?” ଡ'ସେକ୍ ଅ'ଗଁସ୍ଲା'ଗା' । 4ସା' ଜିସୁଲା ସୁନ', “ଦର୍ତନି ଗୁଲାଇ ଅ'ରୟାଁ ମୁଲ୍ ଇଂଗେରେ ସେଲାନେ ଡ'ସେକ୍ ଆମାଇପା ଅ'ରଇଁୟ'ତା ଡ'ସେକ୍ ପେ ମାପ୍ରୁନା ଉଲାକ୍ବକ୍ ଲେକ୍ଲ'କୁନୁଂ ପଡ୍ ଆଡୁତୁପେ ଇ? 5ମାରି ‘ଡୁ'ତୁନାସା'ଉ ମୁଇନ୍ଡା ଇଂଗେରା ଆନିଜର୍ନା ୟଂବା ଅନ୍ତୁର'ସେକ୍ ମାଇନା କୁନୁଇ'ବୁରଂ ମିସ୍ଉଇତା ମାରି ମାଇପା ଇମ୍ବାୟ ମୁଇ ଞେରି ଡେଂଉଇତା’ ଡ'ସେକ୍ ମାପ୍ରୁ ସୁନ'ତା । 6ସା' ମାଇପା ଇମ୍ବାୟ ପାଲ୍ପାଲ୍ ରେମ ଆରାକ୍, ମାତର୍ ମାଇପା ଇମ୍ବାୟ ମୁଇ ଞେରି ଡେନ୍ତା । ସା' ମାପ୍ରୁ ମିସାୟ'କୁନୁଂ ରେମ୍ବକ୍ ଜାଏସା ପାଲ୍ପାଲ୍ ଡିନ୍ଡେମ୍ ଆରାକ୍” ଡ'ସେକ୍ ଜିସୁଲା ସୁନ' ।
7 #
ମାତିଉ 5:31
ସା' ମା'ଏ ଆମାଇ ଅ'ଗଁସ୍ଲା'ଗା', “ଡୁ'ତୁନ୍ ଡ'ନା ମୁଇନ୍ଡା ରେମ ଆନିଜର୍ନା କୁନୁଇ' ଆନ ନିଂ ଲଂସି'ତିଂ ଡ'ସେକ୍ ମୁଇ ସିଟି ଲେକ୍ଲ' ବେଡ'ନା ଲଂସିସି' ଗଂତା ଡ'ସେକ୍ ମାସା' ମସାଲା ବେଡ'କୁନୁଂ ନିୟମ୍ବକ୍ ସୁନ'ତା?” ଡ'ସେକ୍ ସୁନ' । 8ସା' ଜିସୁଲା ଆମା'ଏ ସୁନ', “ମାସା'ଡ'ନା ପେ ମାପ୍ରୁନା ତୁମ' ମାନ୍ବାର୍ପୁଲେଇ ମୁନ୍ ମଡୁକୁବାଇ' ରେମଲେ ଡ'ସେକ୍ ମାଗ'ସେ'ଗା'ଉ ପେ ଆନିଜର୍ନା କୁନୁଇ' ଲଂସିସି' ଗଂତୁପେ ଡ' ମସାଲା ସୁନ'କୁ, ମାତର୍ ମାପ୍ରୁ ଆରେମଲେ ଅ'ରଇଁବେଲା ଡୁ'ତୁନ୍ବାଇ' ନିୟମ୍ ଆଡୁତା । 9#ମାତିଉ 5:32; 1 କରି 7:10,11ମାତର୍ ଜାଏସା ମୁଇନ୍ଡାନା କୁନୁଇ' ଜାଲିବାଇ' କାମ୍ ଡେମ'ତା ଡ'ନାଉ ମାଇ ଆମାଇ ଲଂସିସି' ଗଂତା । ମାତର୍ ପାଲ୍ ମାମା ଡେଂଗା' ଡ'ନା ଆମାଇ ଲଂସିଡ'ସେକ୍ ଆପାଲ୍ ସେଲାନ୍ଲା ରିଂତ ଡ'ନା ମାଇ ଜାଲିବାଇ' କାମ୍ ଡିନ୍ଡେମ୍ଡେନ୍ ଡ'ସେକ୍ ନିଂ ଆପେ ସୁନ'ତିଂ” ଡ' ସୁନ' ।
10ସା' ସିସ୍ୟଲେ ଆମାଇ ସୁନ', “ଡୁ'ତୁନ୍ ଡ'ନା ମଇ'ପର୍ ମଆଇବୁଇ' ଡୁକୁନା ଅବୁଦି ବଲ୍” ଡ'ସେକ୍ ସୁନ' ।
11ସା' ମାଇ ଆମା'ଏ ସୁନ', “କେନ୍ ତୁମ' ଗୁଲାଇର ମାଗ୍ମାକ୍ ଆଗଂତା ମାତର୍ ମାପ୍ରୁ ଆଜାଆଜା ଗୁତୁନ୍ ମାଗ୍ମାକ୍ପୁଲେଇ ବପୁ ବେଡ'ତା ମା'ଏଉ ଗଂତା । 12ମାସା'ଡ'ନା ଏନ୍ତୁକ୍ର ୟଂନା ସୁଲଇ'କୁରୁଂଉ ଟେରାବାଇ' ଡେଂସେକ୍ ଜନମ୍ ଡେଂଗୁତାସା' ମା'ଏ ମଆଇବୁଇ' ଡୁତା, ମାରି ରେମଲେସା ଆଏନ୍ତୁକ୍ର ଟେରାବାଇ' ଅ'ଡେମ'ତାସା' ମା'ଏସା ମଆଇବୁଇ' ଡୁତା, ମାରି ଏନ୍ତୁକ୍ର ସରଗ୍ରାଜିପୁଲେଇ ଡ'ସେକ୍ ମଆଇବୁଇ' ଡୁତା । ନିଂ ସୁନ'କୁନୁଂ ମା ଡ'ସେକ୍ ମାଗ୍ମାକ୍ପୁଲେଇ ଆପେ ମୁନ୍ ଡୁକୁନା ପେ ବଲ୍ ଅଂଅଁ'କୁଲା” ଡ'ସେକ୍ ସୁନ' ।
ଜିସୁଲା ମାରି ଡାଉଡାଉ ଗୁବୁଲେ
(ମାର୍କ 10:13–16; ଲୁକ 18:15–17)
13ତିର୍ଗି' ଜିସୁଲା ଡାଉଡାଉ ଗୁବୁଲେନ୍ ବାଗ୍ବକ୍ ମାଇନା ତିତି ବୁଂଅଁ'ସେକ୍ ମାପ୍ରୁ ଆପେ ବଲ୍ ଜୁଲେଇ' ଡ' ସୁନେଇ' ଡ'ସେକ୍ ରେମଲେ ଆଗୁବୁଲେ ଜିସୁନ୍ବକ୍ ୱାୟ' ରିଂଅଁ' । ମାତର୍ ସିସ୍ୟଲେ ଆଗୁବୁଲେ ଜିସୁନ୍ବକ୍ ୱାୟ' ଆରିଂଅଁ' ଡ' ତର୍ଞେକ୍ସେକ୍ ଆରେମଲେ ସୁନ' । 14ମାତର୍ ଜିସୁଲା ଆମା'ଏ ସୁନ', “ଗୁବୁଲେ ନିଂବକ୍ ସାବେଇ', ଆମା'ଏ ଆପିଟାୟ', ମାସା'ଡ'ନା ସରଗ୍ରାଜି ଡି'କେନ୍ବାଇ' ରେମଲେପୁଲେଇ ଡୁତା” ଡ'ସେକ୍ ସୁନ' । 15ମାରି ମାଇ ମା'ଏନ୍ ବାଗ୍ବକ୍ ତିତି ବୁଂଅଁ'ସେକ୍ ଆମା'ଏ ଆସିର୍ବାଦ୍ ଡେମ'ସେକ୍ ଉନ୍ତ୍କୁରୁଂ ଡୁଂଗା' ।
ମୁଇନ୍ଡା ଅବୁଦି ସାକାର୍ବାଇ' ଇଂଗେରା
(ମାର୍କ 10:17–31; ଲୁକ 18:18–30)
16ମାରି ମୁଇନ୍ଡା ରେମ ଜିସୁନ୍ବକ୍ ସାକ୍ସେକ୍, “ଅ ଗୁରୁ, ମଡୁନମ୍ ଜିବନ୍ ବୁମ୍ବାମ୍ପୁଲେଇ ନିଂ ମାମା ବଲ୍କାମ୍ ଡିନ୍ଡେମ୍ ଡୁତା?” ଡ'ସେକ୍ ଅ'ଗଁସ୍ଲା'ଗା' ।
17ସା' ଜିସୁଲା ଆମାଇ “ଇମ୍ବ'ନା ବଲ୍କାମ୍ ଡ'ସେକ୍ ମାସା' ଆନିଂ ନ ଅ'ଗଁସ୍ଲା'ଗୁତୁନ? ବଲ୍ବାଇ' ରେମ ଡ'ନା ମୁଇନ୍ଡାଉ ଡୁତା । ମାତର୍ ନ ମଡୁନମ୍ ଜିବନ୍ ବୁମ୍ବାମ୍ପୁଲେଇ ମୁନ୍ ଡେଂଗୁତୁନ ଡ'ନା ଗୁଲାଇ ନିୟମ୍ ମାନ୍ଲା” ଡ'ସେକ୍ ସୁନ' । 18ସା' “ଇମ୍ବ'ନ୍ ନିୟମ୍?” ଡ'ସେକ୍ ମାଇ ଅ'ଗଁସ୍ଲା'ଗା' ।
ସା' ଜିସୁଲା ଆମାଇ ସୁନ', “ଆରେମଲେ ଆଅଡାବ', ଆଜାଲିଗା', ଆଡୁଂଗାଲ', ପଲୁସାକି ଆସୁନ', 19ଆନିଜର୍ନା ୟଂବା ମାନ୍ଲା ମାରି ‘ପେ ନିଜେ ମି ଆଲାତ୍ ଡେମ୍ବର୍ଗୁତୁପେ ଡୁ'ତୁନା ପେ ଇନ୍ତୁ'ସିଂ ଡାନ୍ଡର୍ସିଂନା ରେମଲେବକ୍ସା ଆଲାତ୍ ଡେମ୍’” ଡ'ସେକ୍ ସୁନ' ।
20ସା' ଗୁତୁନ୍ ଇଂଗେରା “କେନ୍ ଗୁଲାଇ ତୁମ' ନିଂ ମାନ୍ଗୁତିଂ, ସା' ନିଂ ମାରି ମା ଡିନ୍ଡେମ୍ ଡୁତା?” ଡ'ସେକ୍ ଅ'ଗଁସ୍ଲା'ଗା' ।
21ସା' ଜିସୁଲା ଆମାଇ ସୁନ', “ନ ଦରମ୍ରେମ୍ସୁଗ ଡୁକୁପୁଲେଇ ମୁନ୍ ଡେଂଗୁତୁନ ଡ'ନା ଉଇସେକ୍ ନନା ଦନ୍ସମ୍ପତି ଗୁଲାଇ ସୁଂଅଁ'ସେକ୍ ଆଗରିବ୍ରେମ୍ ବାନ୍ଟାଲ'ବେ' । ଡୁ'ତୁନ୍ ଡେମ'ନା ସରଗ୍ବକ୍ ମାପ୍ରୁ ଆନ ଅବୁଦି ଦନ୍ସମ୍ପତି ବେ'ତ । ତିର୍ଗି' ନ ଆନିଂ ତେଂଗି' ସା'ବା” ଡ'ସେକ୍ ସୁନ' । 22ସା' କେନ୍ ତୁମ' ଅଂଅଁ'ସେକ୍ ଗୁତୁନ୍ ଇଂଗେରା ଅବୁଦି ସିନ୍ତାଲ' ଉଇଗା' । ମାସା'ଡ'ନା ମାଇନ୍ବକ୍ ଅବୁଦି ଦନ୍ସମ୍ପତି ଡୁକୁଗା', ସା' ମାଇ ଆଜିସୁଲା ଅନ୍ତୁର'ସେକ୍ ଉନ୍ତ୍କୁରୁଂ ଡୁଂଗା' ।
23ତିର୍ଗି' ଜିସୁଲା ଆମାଇନା ସିସ୍ୟଲେ ସୁନ', “ସରଗ୍ରାଜିବକ୍ ସାକାର୍ବାଇ' ରେମଲେ ଉଇପୁଲେଇ ଅବୁଦି କସ୍ଟ ଡ'ସେକ୍ ନିଂ ଆପେ ସତଇସା ସୁନ'ତିଂ” ଡ'ସେକ୍ ସୁନ' । 24ନିଂ ଆପେ ମାରି ମୁସ ସୁନ'ତିଂ, “ମୁଇ ଉନ୍ଟ୍ ସୁଜିନା କାନାକୁରୁଂ ଗୁଗାଇପୁଲେଇ ମି କସ୍ଟ ଡେନ୍ତା ଗୁତୁନ୍କୁରୁଂ ଅଦିକ୍ ମୁଇନ୍ଡା ସାକାର୍ବାଇ' ରେମ ମାପ୍ରୁନା ରାଜିବକ୍ ଉଇପୁଲେଇ କସ୍ଟ ଡେନ୍ତା” ଡ'ସେକ୍ ସୁନ' ।
25ସା' ସିସ୍ୟଲେ କେନ୍ ତୁମ' ଅଂଅଁ'ସେକ୍ ଅବୁଦି କାବାକାବା ଡିନ୍ଡେଂଆର୍ ଉଇଗା' । ମାରି ମା'ଏ ସୁନ', “ଡୁ'ତୁନ୍ ଡ'ନା ଜା ରକ୍ୟା ବୁମ୍ବାମ୍ ଗଂତାଲେଇ?” ଡ'ସେକ୍ ସୁନ' ।
26ସା' ଜିସୁଲା ଆମା'ଏ ସର୍ମଡ' ଜୁଲ'ସେକ୍ ସୁନ', “ରେମଲେ କେନ୍ ଗୁଲାଇ ଡିନ୍ଡେମ୍ ଆଗଂତା ମାତର୍ ମାପ୍ରୁ ଗୁଲାଇ ଗଂତା” ଡ'ସେକ୍ ସୁନ' ।
27ତିର୍ଗି' ପିତର୍ଲା ଆମାଇ ସୁନ', “ଜୁ, ଆନ ତେଂଗି' ସୁସାପ୍ପୁଲେଇ ନେଇ ଗୁଲାଇ ଅଡକ୍ସୁଂଅଁ'ତୁନେଇ, ଡୁ'ତୁନ୍ ଡ'ନା ନେଇ ମା ବାମ୍ତୁନେଇ?” ଡ'ସେକ୍ ସୁନ' ।
28 #
ମାତିଉ 25:31;
ଲୁକ 22:30
ସା' ଜିସୁଲା ଆମା'ଏ ସୁନ, “ମାପ୍ରୁ ଗୁଲାଇ ତିମେବାଇ' ଅ'ରଇଁବେଲା ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ରାଜାଲେ ଲିଲେଇ'ନା ଗୁତୁନ୍ ମୁନା' କର୍ଜିବକ୍ ଲେଇ'ତା । ଉନ୍ତା ଆନିଂ ତେଂଗି' ସା'କୁନୁଂ ରେମଲେ ପେସା ରାଜାଲେ ଲିଲେଇ'ନା ଗୁତୁନ୍ ବାରଟା ମୁନା' କର୍ଜିବକ୍ ଲେଇ'ସେକ୍ ଆଇସ୍ରାଏଲ୍ନା ବାରଟା କୁଲ୍ନା ରେମଲେବକ୍ ପେ ବିସାର୍ନା ଡେମ୍ତୁପେ ଡ'ସେକ୍ ନିଂ ଆପେ ସତଇସା ସୁନ'ତିଂ । 29ମାରି ନିଂନା ଲାଗିରେ ଆଡିଂଅଁସାରୁ, ଆବୁୟାଂତାବୁକ୍, ଆତୁନାଗାଉଇ, ଆୟଂଆବା, ଆଉଁ'ଉଁନେ ମାରି ଜମିବାଡି ଜାଜା ଅନ୍ତୁର' ବେଡ'ତା, ମା'ଏ ସଇଗୁନ ଅଦିକ୍ ବାମ୍ତା ମାରି ମଡୁନମ୍ ଜିବନ୍ସା ବାମ୍ତା । 30#ମାତିଉ 20:16; ଲୁକ 13:30ସିଁସେଇଁ ଡୁକୁନୁଂ ଅବୁଦି ରେମଲେ ତିର୍ଗି'ତା ମାରି ତିର୍ଗି' ଡୁକୁନୁଂ ଅବୁଦି ରେମଲେ ସିଁସେଇଁତା” ଡ'ସେକ୍ ସୁନ' ।
Currently Selected:
ମାତିଉ 19: BFW
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0
ମାତିଉ 19
19
ଲଂସିସି'ନା ବିସୟ ଜିସୁଲା ଅମାକ୍ଡେନ୍
(ମାର୍କ 10:1–12)
1ଜିସୁଲା କେନ୍ ଗୁଲାଇ ତୁମ' ସୁଁସୁ ଅ'ଡମ'ସେକ୍ ଗାଲିଲି ଜିଲାକୁରୁଂ ତୁର୍ସେକ୍ ଜର୍ଦନ୍ କିନ୍ଡାକ୍ ଇନ୍ସି ଡୁକୁନୁଂ ଜିଉଦା ରାଜିବକ୍ ଡେଲ' । 2ସା' ଅବୁଦି ରେମଲେ ଆମାଇ ତେଂଗି'ତେଂଗି' ଉଇଗା' ମାରି ମାଇ ଆତା ସିରେମ୍ବକ୍ ବଲ୍ ଡେମ' । 3ଆଇ'ତୁନ୍ବେଲା ଆଜିସୁଲା ପରିକା ଡିନ୍ଡେମ୍ପୁଲେଇ ଆ'ଇରସୁଗ ପାରୁସିଦଲ୍ନା ରେମଲେ ମାଇନ୍ବକ୍ ସା'ଗା' । ସାକ୍ସେକ୍ ଆମାଇ “ମାଏସା ଡେଂଗା' ଡ'ନା ମୁଇନ୍ଡା ରେମ ଆନିଜର୍ନା କୁନୁଇ' ଲଂସିସି' ଗଂତା ଡ'ସେକ୍ ନେଇ'ନା ନିୟମ୍ବକ୍ ଡୁତା ଇ?” ଡ'ସେକ୍ ଅ'ଗଁସ୍ଲା'ଗା' । 4ସା' ଜିସୁଲା ସୁନ', “ଦର୍ତନି ଗୁଲାଇ ଅ'ରୟାଁ ମୁଲ୍ ଇଂଗେରେ ସେଲାନେ ଡ'ସେକ୍ ଆମାଇପା ଅ'ରଇଁୟ'ତା ଡ'ସେକ୍ ପେ ମାପ୍ରୁନା ଉଲାକ୍ବକ୍ ଲେକ୍ଲ'କୁନୁଂ ପଡ୍ ଆଡୁତୁପେ ଇ? 5ମାରି ‘ଡୁ'ତୁନାସା'ଉ ମୁଇନ୍ଡା ଇଂଗେରା ଆନିଜର୍ନା ୟଂବା ଅନ୍ତୁର'ସେକ୍ ମାଇନା କୁନୁଇ'ବୁରଂ ମିସ୍ଉଇତା ମାରି ମାଇପା ଇମ୍ବାୟ ମୁଇ ଞେରି ଡେଂଉଇତା’ ଡ'ସେକ୍ ମାପ୍ରୁ ସୁନ'ତା । 6ସା' ମାଇପା ଇମ୍ବାୟ ପାଲ୍ପାଲ୍ ରେମ ଆରାକ୍, ମାତର୍ ମାଇପା ଇମ୍ବାୟ ମୁଇ ଞେରି ଡେନ୍ତା । ସା' ମାପ୍ରୁ ମିସାୟ'କୁନୁଂ ରେମ୍ବକ୍ ଜାଏସା ପାଲ୍ପାଲ୍ ଡିନ୍ଡେମ୍ ଆରାକ୍” ଡ'ସେକ୍ ଜିସୁଲା ସୁନ' ।
7 #
ମାତିଉ 5:31
ସା' ମା'ଏ ଆମାଇ ଅ'ଗଁସ୍ଲା'ଗା', “ଡୁ'ତୁନ୍ ଡ'ନା ମୁଇନ୍ଡା ରେମ ଆନିଜର୍ନା କୁନୁଇ' ଆନ ନିଂ ଲଂସି'ତିଂ ଡ'ସେକ୍ ମୁଇ ସିଟି ଲେକ୍ଲ' ବେଡ'ନା ଲଂସିସି' ଗଂତା ଡ'ସେକ୍ ମାସା' ମସାଲା ବେଡ'କୁନୁଂ ନିୟମ୍ବକ୍ ସୁନ'ତା?” ଡ'ସେକ୍ ସୁନ' । 8ସା' ଜିସୁଲା ଆମା'ଏ ସୁନ', “ମାସା'ଡ'ନା ପେ ମାପ୍ରୁନା ତୁମ' ମାନ୍ବାର୍ପୁଲେଇ ମୁନ୍ ମଡୁକୁବାଇ' ରେମଲେ ଡ'ସେକ୍ ମାଗ'ସେ'ଗା'ଉ ପେ ଆନିଜର୍ନା କୁନୁଇ' ଲଂସିସି' ଗଂତୁପେ ଡ' ମସାଲା ସୁନ'କୁ, ମାତର୍ ମାପ୍ରୁ ଆରେମଲେ ଅ'ରଇଁବେଲା ଡୁ'ତୁନ୍ବାଇ' ନିୟମ୍ ଆଡୁତା । 9#ମାତିଉ 5:32; 1 କରି 7:10,11ମାତର୍ ଜାଏସା ମୁଇନ୍ଡାନା କୁନୁଇ' ଜାଲିବାଇ' କାମ୍ ଡେମ'ତା ଡ'ନାଉ ମାଇ ଆମାଇ ଲଂସିସି' ଗଂତା । ମାତର୍ ପାଲ୍ ମାମା ଡେଂଗା' ଡ'ନା ଆମାଇ ଲଂସିଡ'ସେକ୍ ଆପାଲ୍ ସେଲାନ୍ଲା ରିଂତ ଡ'ନା ମାଇ ଜାଲିବାଇ' କାମ୍ ଡିନ୍ଡେମ୍ଡେନ୍ ଡ'ସେକ୍ ନିଂ ଆପେ ସୁନ'ତିଂ” ଡ' ସୁନ' ।
10ସା' ସିସ୍ୟଲେ ଆମାଇ ସୁନ', “ଡୁ'ତୁନ୍ ଡ'ନା ମଇ'ପର୍ ମଆଇବୁଇ' ଡୁକୁନା ଅବୁଦି ବଲ୍” ଡ'ସେକ୍ ସୁନ' ।
11ସା' ମାଇ ଆମା'ଏ ସୁନ', “କେନ୍ ତୁମ' ଗୁଲାଇର ମାଗ୍ମାକ୍ ଆଗଂତା ମାତର୍ ମାପ୍ରୁ ଆଜାଆଜା ଗୁତୁନ୍ ମାଗ୍ମାକ୍ପୁଲେଇ ବପୁ ବେଡ'ତା ମା'ଏଉ ଗଂତା । 12ମାସା'ଡ'ନା ଏନ୍ତୁକ୍ର ୟଂନା ସୁଲଇ'କୁରୁଂଉ ଟେରାବାଇ' ଡେଂସେକ୍ ଜନମ୍ ଡେଂଗୁତାସା' ମା'ଏ ମଆଇବୁଇ' ଡୁତା, ମାରି ରେମଲେସା ଆଏନ୍ତୁକ୍ର ଟେରାବାଇ' ଅ'ଡେମ'ତାସା' ମା'ଏସା ମଆଇବୁଇ' ଡୁତା, ମାରି ଏନ୍ତୁକ୍ର ସରଗ୍ରାଜିପୁଲେଇ ଡ'ସେକ୍ ମଆଇବୁଇ' ଡୁତା । ନିଂ ସୁନ'କୁନୁଂ ମା ଡ'ସେକ୍ ମାଗ୍ମାକ୍ପୁଲେଇ ଆପେ ମୁନ୍ ଡୁକୁନା ପେ ବଲ୍ ଅଂଅଁ'କୁଲା” ଡ'ସେକ୍ ସୁନ' ।
ଜିସୁଲା ମାରି ଡାଉଡାଉ ଗୁବୁଲେ
(ମାର୍କ 10:13–16; ଲୁକ 18:15–17)
13ତିର୍ଗି' ଜିସୁଲା ଡାଉଡାଉ ଗୁବୁଲେନ୍ ବାଗ୍ବକ୍ ମାଇନା ତିତି ବୁଂଅଁ'ସେକ୍ ମାପ୍ରୁ ଆପେ ବଲ୍ ଜୁଲେଇ' ଡ' ସୁନେଇ' ଡ'ସେକ୍ ରେମଲେ ଆଗୁବୁଲେ ଜିସୁନ୍ବକ୍ ୱାୟ' ରିଂଅଁ' । ମାତର୍ ସିସ୍ୟଲେ ଆଗୁବୁଲେ ଜିସୁନ୍ବକ୍ ୱାୟ' ଆରିଂଅଁ' ଡ' ତର୍ଞେକ୍ସେକ୍ ଆରେମଲେ ସୁନ' । 14ମାତର୍ ଜିସୁଲା ଆମା'ଏ ସୁନ', “ଗୁବୁଲେ ନିଂବକ୍ ସାବେଇ', ଆମା'ଏ ଆପିଟାୟ', ମାସା'ଡ'ନା ସରଗ୍ରାଜି ଡି'କେନ୍ବାଇ' ରେମଲେପୁଲେଇ ଡୁତା” ଡ'ସେକ୍ ସୁନ' । 15ମାରି ମାଇ ମା'ଏନ୍ ବାଗ୍ବକ୍ ତିତି ବୁଂଅଁ'ସେକ୍ ଆମା'ଏ ଆସିର୍ବାଦ୍ ଡେମ'ସେକ୍ ଉନ୍ତ୍କୁରୁଂ ଡୁଂଗା' ।
ମୁଇନ୍ଡା ଅବୁଦି ସାକାର୍ବାଇ' ଇଂଗେରା
(ମାର୍କ 10:17–31; ଲୁକ 18:18–30)
16ମାରି ମୁଇନ୍ଡା ରେମ ଜିସୁନ୍ବକ୍ ସାକ୍ସେକ୍, “ଅ ଗୁରୁ, ମଡୁନମ୍ ଜିବନ୍ ବୁମ୍ବାମ୍ପୁଲେଇ ନିଂ ମାମା ବଲ୍କାମ୍ ଡିନ୍ଡେମ୍ ଡୁତା?” ଡ'ସେକ୍ ଅ'ଗଁସ୍ଲା'ଗା' ।
17ସା' ଜିସୁଲା ଆମାଇ “ଇମ୍ବ'ନା ବଲ୍କାମ୍ ଡ'ସେକ୍ ମାସା' ଆନିଂ ନ ଅ'ଗଁସ୍ଲା'ଗୁତୁନ? ବଲ୍ବାଇ' ରେମ ଡ'ନା ମୁଇନ୍ଡାଉ ଡୁତା । ମାତର୍ ନ ମଡୁନମ୍ ଜିବନ୍ ବୁମ୍ବାମ୍ପୁଲେଇ ମୁନ୍ ଡେଂଗୁତୁନ ଡ'ନା ଗୁଲାଇ ନିୟମ୍ ମାନ୍ଲା” ଡ'ସେକ୍ ସୁନ' । 18ସା' “ଇମ୍ବ'ନ୍ ନିୟମ୍?” ଡ'ସେକ୍ ମାଇ ଅ'ଗଁସ୍ଲା'ଗା' ।
ସା' ଜିସୁଲା ଆମାଇ ସୁନ', “ଆରେମଲେ ଆଅଡାବ', ଆଜାଲିଗା', ଆଡୁଂଗାଲ', ପଲୁସାକି ଆସୁନ', 19ଆନିଜର୍ନା ୟଂବା ମାନ୍ଲା ମାରି ‘ପେ ନିଜେ ମି ଆଲାତ୍ ଡେମ୍ବର୍ଗୁତୁପେ ଡୁ'ତୁନା ପେ ଇନ୍ତୁ'ସିଂ ଡାନ୍ଡର୍ସିଂନା ରେମଲେବକ୍ସା ଆଲାତ୍ ଡେମ୍’” ଡ'ସେକ୍ ସୁନ' ।
20ସା' ଗୁତୁନ୍ ଇଂଗେରା “କେନ୍ ଗୁଲାଇ ତୁମ' ନିଂ ମାନ୍ଗୁତିଂ, ସା' ନିଂ ମାରି ମା ଡିନ୍ଡେମ୍ ଡୁତା?” ଡ'ସେକ୍ ଅ'ଗଁସ୍ଲା'ଗା' ।
21ସା' ଜିସୁଲା ଆମାଇ ସୁନ', “ନ ଦରମ୍ରେମ୍ସୁଗ ଡୁକୁପୁଲେଇ ମୁନ୍ ଡେଂଗୁତୁନ ଡ'ନା ଉଇସେକ୍ ନନା ଦନ୍ସମ୍ପତି ଗୁଲାଇ ସୁଂଅଁ'ସେକ୍ ଆଗରିବ୍ରେମ୍ ବାନ୍ଟାଲ'ବେ' । ଡୁ'ତୁନ୍ ଡେମ'ନା ସରଗ୍ବକ୍ ମାପ୍ରୁ ଆନ ଅବୁଦି ଦନ୍ସମ୍ପତି ବେ'ତ । ତିର୍ଗି' ନ ଆନିଂ ତେଂଗି' ସା'ବା” ଡ'ସେକ୍ ସୁନ' । 22ସା' କେନ୍ ତୁମ' ଅଂଅଁ'ସେକ୍ ଗୁତୁନ୍ ଇଂଗେରା ଅବୁଦି ସିନ୍ତାଲ' ଉଇଗା' । ମାସା'ଡ'ନା ମାଇନ୍ବକ୍ ଅବୁଦି ଦନ୍ସମ୍ପତି ଡୁକୁଗା', ସା' ମାଇ ଆଜିସୁଲା ଅନ୍ତୁର'ସେକ୍ ଉନ୍ତ୍କୁରୁଂ ଡୁଂଗା' ।
23ତିର୍ଗି' ଜିସୁଲା ଆମାଇନା ସିସ୍ୟଲେ ସୁନ', “ସରଗ୍ରାଜିବକ୍ ସାକାର୍ବାଇ' ରେମଲେ ଉଇପୁଲେଇ ଅବୁଦି କସ୍ଟ ଡ'ସେକ୍ ନିଂ ଆପେ ସତଇସା ସୁନ'ତିଂ” ଡ'ସେକ୍ ସୁନ' । 24ନିଂ ଆପେ ମାରି ମୁସ ସୁନ'ତିଂ, “ମୁଇ ଉନ୍ଟ୍ ସୁଜିନା କାନାକୁରୁଂ ଗୁଗାଇପୁଲେଇ ମି କସ୍ଟ ଡେନ୍ତା ଗୁତୁନ୍କୁରୁଂ ଅଦିକ୍ ମୁଇନ୍ଡା ସାକାର୍ବାଇ' ରେମ ମାପ୍ରୁନା ରାଜିବକ୍ ଉଇପୁଲେଇ କସ୍ଟ ଡେନ୍ତା” ଡ'ସେକ୍ ସୁନ' ।
25ସା' ସିସ୍ୟଲେ କେନ୍ ତୁମ' ଅଂଅଁ'ସେକ୍ ଅବୁଦି କାବାକାବା ଡିନ୍ଡେଂଆର୍ ଉଇଗା' । ମାରି ମା'ଏ ସୁନ', “ଡୁ'ତୁନ୍ ଡ'ନା ଜା ରକ୍ୟା ବୁମ୍ବାମ୍ ଗଂତାଲେଇ?” ଡ'ସେକ୍ ସୁନ' ।
26ସା' ଜିସୁଲା ଆମା'ଏ ସର୍ମଡ' ଜୁଲ'ସେକ୍ ସୁନ', “ରେମଲେ କେନ୍ ଗୁଲାଇ ଡିନ୍ଡେମ୍ ଆଗଂତା ମାତର୍ ମାପ୍ରୁ ଗୁଲାଇ ଗଂତା” ଡ'ସେକ୍ ସୁନ' ।
27ତିର୍ଗି' ପିତର୍ଲା ଆମାଇ ସୁନ', “ଜୁ, ଆନ ତେଂଗି' ସୁସାପ୍ପୁଲେଇ ନେଇ ଗୁଲାଇ ଅଡକ୍ସୁଂଅଁ'ତୁନେଇ, ଡୁ'ତୁନ୍ ଡ'ନା ନେଇ ମା ବାମ୍ତୁନେଇ?” ଡ'ସେକ୍ ସୁନ' ।
28 #
ମାତିଉ 25:31;
ଲୁକ 22:30
ସା' ଜିସୁଲା ଆମା'ଏ ସୁନ, “ମାପ୍ରୁ ଗୁଲାଇ ତିମେବାଇ' ଅ'ରଇଁବେଲା ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ରାଜାଲେ ଲିଲେଇ'ନା ଗୁତୁନ୍ ମୁନା' କର୍ଜିବକ୍ ଲେଇ'ତା । ଉନ୍ତା ଆନିଂ ତେଂଗି' ସା'କୁନୁଂ ରେମଲେ ପେସା ରାଜାଲେ ଲିଲେଇ'ନା ଗୁତୁନ୍ ବାରଟା ମୁନା' କର୍ଜିବକ୍ ଲେଇ'ସେକ୍ ଆଇସ୍ରାଏଲ୍ନା ବାରଟା କୁଲ୍ନା ରେମଲେବକ୍ ପେ ବିସାର୍ନା ଡେମ୍ତୁପେ ଡ'ସେକ୍ ନିଂ ଆପେ ସତଇସା ସୁନ'ତିଂ । 29ମାରି ନିଂନା ଲାଗିରେ ଆଡିଂଅଁସାରୁ, ଆବୁୟାଂତାବୁକ୍, ଆତୁନାଗାଉଇ, ଆୟଂଆବା, ଆଉଁ'ଉଁନେ ମାରି ଜମିବାଡି ଜାଜା ଅନ୍ତୁର' ବେଡ'ତା, ମା'ଏ ସଇଗୁନ ଅଦିକ୍ ବାମ୍ତା ମାରି ମଡୁନମ୍ ଜିବନ୍ସା ବାମ୍ତା । 30#ମାତିଉ 20:16; ଲୁକ 13:30ସିଁସେଇଁ ଡୁକୁନୁଂ ଅବୁଦି ରେମଲେ ତିର୍ଗି'ତା ମାରି ତିର୍ଗି' ଡୁକୁନୁଂ ଅବୁଦି ରେମଲେ ସିଁସେଇଁତା” ଡ'ସେକ୍ ସୁନ' ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0